سلوكيات مرفوضة اثناء السفر بالطيران

[Melhakim]

موضوع للفاضلة "مصرية متغربة" شاهدته بالصدفة .. يعبر عن كل ما اريد ان اقوله .. في رصد السلبيات ..

في دولة عظمى مثل المملكة المتحدة يستطيع أي فرد من أفراد الشعب انتقاد الحكومة انتقادات لاذعة

يمكن ان تستقيل بسببها الحكومة بكاملها و بالتأكيد لا يتم اعتقاله :blush2:

البريطانيون لديهم مهارة كبيرة في الانتقاد في منتهى الأدب

و لا يمكن أن تمسك عليه غلطة واحدة

فالبريطاني مفرود الظهر يتنفس بعمق

نبرة صوته معتدلة و لا ينفعل بسهولة

و يصعب بل من المستحيل استفزازه

و حتى بعد نقاش حاد و ملئ بالتراشقات اللفظية

تجده يحييك و يتمنى لك يوما طيبا

و اذا كان البريطاني يستطيع أن ينتقد الحكومة

فهو بالتأكيد يحترم بلاده و لا يمكن أن يتجرأ على إهانة الشعب أو انتقاد الشخصية البريطانية

و لا تجده يتهكم على بلده أو بني جلدته

هناك فرق بين النقد البناء مع التزام قواعد الأدب

و بين انتهاك كل القيم بدعوى رصد السلبيات

هل تعودنا كمصريين أن نستحل سب الوطن و سب بني جلدتنا كلما تعرضنا للفشل؟؟

هل أصبح التهكم على البلد و على الشعب شيء مستباح؟؟

الحكومات تأتي و تذهب

و مصر هي مصر

المحروسة

و شعبها من أرقى شعوب العالم

يجب أن نعتز بمصر و بانتمائنا لها

إنه لشرف أن أكون مصرية

انظروا لدول العالم أجمع

هل سمعنا بماليزي يسب ماليزيا؟؟

أو صومالي يسب بلاده ؟؟

أو أوروبي يسب بلاده؟؟

هل أصبح من الطبيعي أن نسب مصر بمنتهى البساطة؟؟

هل نحن فقط من يعاني من السلبيات؟؟

لم أسمع في أفقر دول العالم الثالث من يسب بلاده كما نفعل نحن

شوية احترام للبلد و شعبها

هل هذا كثير؟؟

كفاية فضايح ..

احنا مبسوطين و احنا بنحكي عن سلبياتنا انفسنا ؟؟!! بدعوي النقد البناء ؟؟

طيب اية الفايدة ؟؟

علي فكرة فيه مثل معبر جدا بيقول "النصيحة علي الملأ فضيحة" و احنا هنا الدنيا كلها بتتفرج علينا و علي كلامنا عن نفسنا و عن غيرنا ..

انا مش شايف حد اتكلم بايجابية عن الموضوع الا القليل من المشاركين هما اللي حاولا يحطوا حلول للموضوع ده .. و الباقي ما صدق يطلع اللي في جعبته ..

خلونا فعلا نتعلم من اخطائنا و نحط حلول بدل فقط الحكاوي اللي عمرها ما هتخلص

انا عن نفسي لو شوفت حد من اي جنسية معاه حاجة غلط علي الطيارة زي اكياس ال"زفر" مش هفكر الا اني اكلم الشخص صاحب الحاجة دي و لو ما اقتنعش اكلم طاقم البوردنج انه مش يطلعه عشان دي خطر و لو طلعه الموظف يبقي جنت علي نفسها براقش و مش همشي الا لما ينزلوها او يغلفوها بطريقة امنة .. اذا كانت فعلا خطر علي الطيارة او هتعمل مشكلة

اللي مش فاهم نفهمه براحة بدون تشهير و نظرات و حركات اللمز و الغمز و الاستغراب اللي ممكن تضايقه و اتوقع ان الشخص ده لو حس مني اني عاوز مصلحته و مصلحتي و مصلحة الكل و اني مش عاوز افضحة و عاوز انصحة ما هيصدق و يتجاوب .. و ان لم يتجاوب لا يوجد الا الطرق الرسمية .. زي موضوع التفاحة ام 200 دولار

صباحكم كله ايجابية و سعادة :blush2:

والله يا عمرو انت قولت كل اللى الواحد نفسه يقوله سواء فى مداخلتك دى او فى المداخلة اللى قبلها انا مش فاهم لحد دلوقتى ايه الهدف من الموضوع ده من اساسه غير انه عبارة عن تريقه واستهزاء بسلوكيات ناس مصرييين زيينا وقصص وحكايات عماله تتقال وكلها سلبيات

يا ريت بدل ما ننتقد الناس عمال على بطال نبص لنفسنا الاول ونحاول نصلح من عيوبنا والدنيا هتبقى زى الفل

[Simba]

في اعتقادي الشخصي لا يمكن الاعتزاز بالوطنية ان يجعلنا نعمي الأبصار عن السلبيات هنا وهناك

أن كنا نعتقد بأننا أرقي شعوب العالم فهل هذا الرقي المفترض والمختلف عليه يأتي من فراغ ؟؟

هل ينظر لنا باقي شعوب العالم بأننا الفئة الأرقي

وعجبا من يأتي هذا التصنيف اصلا

افخر باني مضري وزوجتي مصري واولادي مصريين وولدت علي ارض مصر وافخر بعلمائها في مختلف الاختصاصات لكن هل يمنع هذا بأننا فينا الصالح والطالح فينا الملتزم والمتسهتر فينا المحسن لهذه البلد والمسئ لها

لا اري عيبا واحد ان نتحدث ونتدوال السلبيات كما نفخر ونعتز جدا بالايجابيات

هل لو لك ولد وجرح مثلا هل ستترك الجرح حتي يمتلاء بالصديد ربما تكون مطهرات الجرح مؤلمة بعض الشئ لكنك تضطر اليها بقلب ممتلئ بالرحمة والحب

السلبيات يجب ان تكون دائما علي طاولة المناقشة وقابلة للطرح في كل الاحوال ان كنا نفخر ونعتز بمصريتنا

[Amr Radwan]

عندما تصل الرسالة بصورة خاطئة فلدينا احتمالان .. اما ان المرسل قد ارسلها بصورة خاطئة او ان المستقبل استقبلها بصورة خاطئة .. و لم ارسل ابدا اي رسالة تعطي انطباع من قريب او من بعيد اننا شعب راقي او اننا الفئة الارقي .. و اننا فوق كل السلبيات و اننا ضع رؤوسنا في الرمال حتي لا نري السلبيات !!!

اسمحو لي ان اعيد الرسالة مرة اخري ..

عرض السلبيات هو جملة بسيطة "سلوكيات مرفوضة اثناء السفر" اذا كان الهدف من الموضوع هو عرض السلبيات و تعديدها و اظهراها و اللي عنده حاجة شافها يقولها .. فعذرا لا اري اي فائدة منه و اذا كان الهدف محاربة السلبيات فيمكننا ان نستفيد بوقتنا في اقتراح حلول بدلا من التغني بالسلبيات و اللي شاف مرة في حياته موقف مش كويس يقوله ..!!!

المشكلة عارفينا و نقدر نفهمها من العنوان الجديد .. اية اللي المفروض نعمله بعد كده ؟؟ نكمل حكاوي عن المواقف السلبيه ؟؟

ايوة عندنا مشاكل في حاجات كتيرة .. و مخنوقين منها .. و بعدين ؟؟؟!؟!؟!؟!؟!؟!؟!؟

نقعد نقول و نعيد و نزيد فيها و لا نقول علي حلول ؟؟

اخر سطر في اول مداخلة هي :

حد عنده مناظر شافها وضايقته فى المطارات المختلفة؟؟؟ انا شخصيا عندى كتير هقولكم عليه

!!!! فين الايجابية ؟؟ في محاربة السلبية ؟؟

هل الايجابية مجرد اننا نحكي ؟؟

تم تعديل 21 مارس 2010 بواسطة Amr Radwan

[fatfouta]

لو قامت الادارة قامت بغلق هذا الموضوع هرحب جداااا

لانه للاسف تحول ذى مابيقولوا لشخصنة

وان بعض الناس بيهاجموا شخصية بعينها وهى صاحبة الموضوع

بس برضوا عمرى ماهيأس ولا عمرى هقول مافيش فائدة

شكراااااااا

تم تعديل 21 مارس 2010 بواسطة fatfouta

[Alrefaey]

عمرو رضوان قال

!!!! فين الايجابية ؟؟ في محاربة السلبية ؟؟

هل الايجابية مجرد اننا نحكي ؟؟

اول طريق الايجابية اننا نتعرف على المشكلة ثم نفكر ونطرح الحلول ثم نطبقها

وكيف لنا ان نطرح الحلول اذا ماتعرفنا على المشكله نفسها اولا

منزعجين من الكتابة على النت لسلبيات يقوم بها بعضنا ولا ننزعج اذا شاهدنا الموقف بأنفسنا

[Amr Radwan]

عمرو رضوان قال

!!!! فين الايجابية ؟؟ في محاربة السلبية ؟؟

هل الايجابية مجرد اننا نحكي ؟؟

اول طريق الايجابية اننا نتعرف على المشكلة ثم نفكر ونطرح الحلول ثم نطبقها

وكيف لنا ان نطرح الحلول اذا ماتعرفنا على المشكله نفسها اولا

منزعجين من الكتابة على النت لسلبيات يقوم بها بعضنا ولا ننزعج اذا شاهدنا الموقف بأنفسنا

انا معاك ان اول طرق حل اي مشكلة هي توصيف المشكلة نفسها و التعرف عليها و بعد ذلك نضع الحلول ..

و لكن .... هو احنا لسه ما عرفناش اية المشكلة ؟؟

و لسه هنكمل حكاوي عن سلبيات المصريين في المطارات عشان نتعرف اكثر و اكثر.. ؟؟!!

و ان شاء الله بعد كام حكاية نبدأ نحط الحلول الجوهرية للمشكلة دي ؟؟

طيب اجيبهالكو من ناحية تانية ..

كلنا شغالين في شركات .. سواء مديرين كنا او موظفين عاديين ...

هل فيه شركة لما بتقابلها مشكلة ما .. بتقعد الشركة كلها تتكلم فيها و مظاهرها و وصفها و ازاي حصلت ؟؟!

و لا علي طول المهم اننا نحل المشكلة و نمنع ظهورها مرة تانية ؟؟!

المشكلة ما زالت قائمة يا سادة .. سواء كتبنا عنها كثيرا او قليلا .. و لكنها ستنتهي فعلا اذا كان لنا دور فعلي في حلها ..

عاوزين تبقوا فعلا ايجابيين .. قولوا علي حلول يمكن تطبيقها في المواقف اللي زي دي ..

اية المشكلة اننا نقترح حلول .. تساعد علي توعية الناس !!!

ملحوظة اخيرة .. انا بنزعج فعلا و بتضايق لو لقيت موقف سلبي زي ده امامي في المطار او في اي حته بس الفرق اني بتصرف في الموقف نفسه ...

تم تعديل 21 مارس 2010 بواسطة Amr Radwan

[jasmin hamed]

لو قامت الادارة قامت بغلق هذا الموضوع هرحب جداااا

لانه للاسف تحول ذى مابيقولوا لشخصنة

وان بعض الناس بيهاجموا شخصية بعينها وهى صاحبة الموضوع

بس برضوا عمرى ماهيأس ولا عمرى هقول مافيش فائدة

شكراااااااا

بصى يا فتفوتى

اولا احب اقولك ان اول اقتراحات التغير هو اننا نعترف بغلطنا ذيك كده قولتى انا عملت كذا و مش هاعمله تانى

يبقى الحل انى اعترف بغلطى و ابطل اعمله

و اتصور كتير مننا بيعمل الاخطاء ديه بس احنا بنحب نضحك على نفسنا

و انا كمان عمرى ماهيئاس و على الله انا و انتى و اى حد فى اى حته بيعمل حاجه غلط يعرف انه بيسئ لبلده فى الاول و الاخر

و يبطلها و يوجه الناس انهم يبطلوا كل العادات السيئه عشان نستحق اننا نشرف البلد ديه

بدل مانعد نقول لا مابيحصلش و عمرى ماشفت و اصله مش من الادب انى اقول اهل بلدى بيعملوا كده

عموما ماتضيقيش نفسك و ربنا يقويك

[medotwo]

مرة كنت مسافر الاسكندرية الرياض

المهم لقيت راجل عجوز فلاح ومعه زوجته لاتنبن معديين السبيعن

المهم جايب شنطتين سفر ضخام جدا ووزنهم طلع الوزن 150 كيلو ...

تصورو الوزن عبارة عن ايه .... كحك وبسكويت ... اه والله

موظف الكاونتر قالة عليه وزن زيادة كذا بالمبلغ كذا المهم الراجل العجوز كان هيتجنن ازاى يتصرف واهله سابوه ومشيو ...

راح موظف الكاونتر بسخرية قايله وزعه فى المطار ......

الى هنا ولم تنتهى الحكاية ..

نفس العجوز وزوجته عند وصولنا لمطار الملك خالد

كان معاهم شنطة هاندباج مهترئة شوية ...

المهم والسير بتاع الشنط ماشى الشنطة كانت مفتلة من تحت راح السير وقف ومسك فى الشنطة

جه العامل يفكها من السير معرفش ... راح مطلع سكينة وقاطع الشنة علشان السير يتحرك

فوجىء ان الشنطة كلها زبدةوسمنة بلدى وبهدلت السير والشنط ....

انا شفت المنظر من بعيد جريت زى المجنون علشان الحق شنطتى قبل ما تتزيت والهدوم تبوظ

وبسسسسسسسسسسسسس

تم تعديل 21 مارس 2010 بواسطة medotwo

[ssmaly]

انا عمرى ماخدت اى مواد غذائية معاى على طيارة الا مرتين

ودى كانت اخر مرة وحرمت بعد كدة

شوف بقى يا سيدى

انا هقولك حاجة كولنا ماشيين باسلوب الاستخسار مش انت لوحدك او الحكومة باعتك(المدام يعنى)

اخويا عايش فى اسبانيا والمفروض عقلية متفتحة جداااااا......لما يروح يقعد فى فندق هو مراته الاسبانية مثلا فى شرم ولا حاجة وهما راجعين الاقيهم جايبين الشامبوهات واللوشن والكريمات وممكن توصل لحد انهم بياخدوا كمان البرنس بتاع الحمام

تخيل بقى اهى زوجته اسبانية وبتفكر بنفس طريق الاستخسار

زوجى برضو لما يسافر يرجع شايل الشامبوهات وخلافه ولما اسالوا ليه كده؟؟؟ يرد ويقول.........هو احنا مش دافعين حقهم

مش انت لوحدك كلنا كده بس لاااااااااااااازم نتغير........مافيش كلام

شوفى بقى ياستى

اولا والله ماكنش استخسار وماكنش هدية من الفندق

الموضوع ان زوجتى كانت من قبل ما تروح وهى ناوي تدوق كل انواع الجبن فى فرنسا فاشترينا انواع كثيرة وطبعا لم تستطع ان تدوق كل الانواع فى فترة الاقامة فى فرنسا فحبت ان تكمل فى باقى الرحلة فى اسبانيا

السلام عليكم جميعا

السلام عليكم و رحمة الله و بركاته wst::

يا ريت فعلا تكتبى عن الموضوع ده لأنه هيخلينا نشوف جانب ماتعودناش نشوفه فى رحلات الطيران و هو الجانب الخاص بالطاقم بتاع الطيارة لأننا دايما بنشوف الجانب اللى يخص الركاب :rolleyes: بس .

شكرا

MERCEDES S430

السلام عليكم جميعا

انا هنا بتكلم من جانب الطاقم داخل الطياره MERCEDES S430 ( ربنا يكرمه و يجيب واحده و يبقى يدينى لفه )

اما سلوكهم داخل المطار فتجربتى معاه ذى تجربة اى مسافر عادى لانى لم اعمل كطاقم ارضى فى مناطق التشيك ان

من مشاكل الركاب المصرين على الطياره

اولا الانانيه و عدم مرعاة الاخر

و الامثله على ذلك :

لما لا يراعى الراكب حجم الشنطه الى المفروض عليه و هيه شنطه واحده فقط 7 كيلو بياخد حق غيره يعنى الراكب الى جى بعدك مش بيلاقلى مكان لشنطة

و كتير من رحلات كنا بنظر اننا نبعت شنط المسافرين الاخرين الى كارجو لان ببساطه الكومبارتمن امتلئت ( طبعا الطاقم الارضى لا شك مشترك فى المهزله ديه بس كمان طاقم الضيافه من حقه ان يختار اى شنطه مش ملائمه للطياره و ينزلها كارجو بردو و ده بيرجع لمدير الطاقم و سياسته

لما يصر راكب انوه يعد فى كرسى غير كرسه لانه مش عايز يعد فى كرسى داخلى مثلا او لانه قاعد بعيد عن صاحبه او مراته الراكب بيسمح لنفسه انو ياخد كرسى حد تانى

النوعيه ديه من المشاكل للاسف دايما بيكون فى طرف مالوش ذنب بيقع عليه ظلم

و النوعبه دبه ممكن الطاقم لو ش كويس يسيب الركاب يخبطوا فى بعض و تلاقى جو الرحله اتوتر او الفصل و اكيد فى اى حاله من الحالتين هتسمعلك كلمتين من حد فيهم

عموما ديه اهون مشاكل و بيطلع فيها حس خدمه العملاء عشان تحاول انك تخالى الاطراف كلها مبسوطه

حاجه تانيه يعنى لان رحله القاهره قصيره نسبيا و الرحله دايما مليانه اقدر افهم لما واحد معاها طفل ترمى صنيتها فى اى حته لانها ايده مشغوله ب طفل لكن الى

مابفهموش ابدا اناى حد تانى يرمى الصنيه فى الكردور اى تحت الكرسى

بحسبه بسيطه جدا فى اربعه لخدمه الركاب فى الدرجه السياحيه و بما نا وقت الرحله 3 ساعلت فى المتوسط شيل منهم ساعه مابين اقلاع و هبوط و تحضيرات يبقى فاضل ساعتين 120 دقيقه فى اربعه 480 يعنى فى المتوسط اقل من دقيقتين خدمه لكل مسافر يبقى الى بيشغل المضيف او المضيفه عشر دقايق بياثر على خدمة 5 مسافرين تانين و الى بيعمل كده مش هتفرق كتير مع المضيف لانه ببسياطه الرحله بالنسباله ساعتين او تلاته بيشتغلهم كده كده يبقى احنا الى نراعى بعض

بس اهم حاجه بجد نفسى نعرفها ان الى مسفر ده و ياخد شنطه اكبر من المسموح حتى لو الشركه سمحت فانت بتظلم غيرك و بتاخد حقه و لما تاخد معاك علبه حلويات بتنقح سمنه و الى معاه حاجه ريحتها نفاده

لازم يراعى ان فى ناس على الطياره نفسهم بتقلب بسهوله او حوامل يعنى كل المطلوب من اى واحد قبل ما يعمل حاجه انوا يفكر فى الى حواليه لانهم جيران بس جيران قريبين قوى قاعدين على بعد 10 سم

SAFETY

مشاكل ال SAFETY ديه من المشاكل الى هتلاقى الوش التانى للطاقم ظهر

ومنها

1-التدخين فى الحمامات ( اى راكب يطلب كوبايه قبل مايدخل الحمام اعرف انه هيلزقها على السموك ديتكتر عشان مايصفرش كل ما هنالك ان حضرتك تقف على الباب دقيقتين و هتشم السجاير

2- مخارج الطوارئ المعروف ان اى المفروض يعد على كراسى مخارج الطوارى اى شخص كامل القوه يعنى ماينفعش لا طفل و لا عجوز مثلالان الى بيعد على الكراسى ديه بيساعد فى عملية الاخلاء لو حصل مشكله طبعا حاول تشرح انت الموضوع ده لاسره من 5 افراد ماعدين اطفال على مخارج الطوارئ عشان يلعبوا فى الحته الفاضيه

3- بلاش حاول تقنع واحده مثلا ان حتى شنطة ايدها فى المكان ده اثناء الهبوط و الاقلاع لازم تبقى فوق حاجه من الاتنين و ده بعد خناقه طبعا ياما مش هتسمع الكلام و طبعا هنضتر ان نغيرلها كرسيها مع كرسى حد تانى اجبارى و ياما اول ما نعد و اثناء الاقلاعهتفك الحزام و تقف تجيب الشنطه

4- بجد عندنا مشكله تحدى السلطه و مش عايزين نتبعوا اى قواعد يعنى حزام الامان مثلا يدوبك المضيفين يعدوا عشان الاقلاع و تسمع ترك ترك ناس كتير تفتح الحزام و امهات تفتح للاطفال الرضع طب هوه مضايقهم فى ايه بلاش ديه يعنى احنا عايزنهم يربطوا رخامه مثلا المشكله ان اى حد بيفك الحزام لا قدر الله لو حصل حاجه جسمه بيكون حر يعنى مش هو بس الى هيتئذى لا الوراه و ممكن الى قدامه كمان

5- و الاباء الى بيسمحوا لولدهم انهم يلعبو فى كل حاجه فى الطياره ذى مثلا اللايف جاكت يعنى فى كل رحله بجد بدون مبالغه يامه تلاقى اتنين تلاته لايف جاكت مفكوكيك او مفقودين تصوروا ان الموضوع ده مره اخر طياره ساعتين لان الطاقم الارضى فى مصر ماكنش عندهم نفس اللايف جاكت الى متدربين عليه

بجد انا مش بحاول انى استهزاء من اخواتى و ما يهمنيش اذا كان فى حد غيرنا بيعمل كده الي ي همنى ان احنا نبطل نعمل كده

اخت ياسمين انتى ذكرتى بعض المواقف من بعض الركاب وعرضتى وجهة نظر الطرف الاخر (شركة الطيران وطقم الطايرة) وشكرا لكى كثير الشكر

وانا عاوز منك انك تفيدينا بطريقة بسيطة وعملية على طريقة لحل مشاكل ذكرت فى الموضوع ده علشان يكون الموضوع كامل يعنى ذكر المشكلة وطريقة الحل

الاخ سكوبيون عرض طريقة للحل عن ضرورة التغليف الجيد مثلا

لو قامت الادارة قامت بغلق هذا الموضوع هرحب جداااا

لانه للاسف تحول ذى مابيقولوا لشخصنة

وان بعض الناس بيهاجموا شخصية بعينها وهى صاحبة الموضوع

بس برضوا عمرى ماهيأس ولا عمرى هقول مافيش فائدة

شكراااااااا

ياستى هو كل موضوع ينفتح بعد صفحتين يتقفل؟

لازم نتعلم ازاى نتحاور بدون شخصنة وبدون تجريح وبدون مفتاح المشرف علشان يقفل الباب

ربنا يفتح فى وشك كل باب مقفول

ويخلى موضوعك مفتوح على طول

شوفتى الشعر جاى على الطاير ازاى

تحياتى للجميع

تم تعديل 21 مارس 2010 بواسطة ssmaly

[ssmaly]

فيه حاجة ممكن تكون عملت مشكلة ايه هيه؟

اننا ننقد ناس اخريين ولا نقول بعض الاخطاء التى ارتكبنها نحن فى سفرنا وندمنا عليها او شوفنلها حل

انا ذكرت حاجات حصلت لى

فهل ممكن ان كل واحد يذكر موقف حصله شخصيا؟

[fatfouta]

الاخ الكريم / ssmaly

انا فاهمة كلامك وفعلا لازم نبدأ بأخطاء انفسنا كى يتعلم منا الاخرين

انا اريد طرح حلول وبجانبها ساكتب تجاربى من واقع شغلى فى الجمارك وقرية البضائع والموانئ المختلفة

وانا فعلا ذكرت اخطائى ولسه هقول تانى ماحدش خالى من الاخطاء

انظر هذه المداخلة لى فى نفس الموضوع

وانى اعترف بخطأى لكى اوعى الاخرين ونكون وجهة مشرفة لمصر والمصريين جميعا

انا بقى نفسى ليا اخطاء عالطيارة انى كنت زمان ايام ثانوى كانت اللغة بتاعتى الالمانىة وكان فيه حاجة اسمها منحة المنحة دى عبارة عن ان اللى تجيب فى نهاية السنة الدرجة النهائية فى اللغة الالمانية بتتاخد مع العشرة الاوائل على الجمهورية وبيروحوا رحلة لالمانيا

المهم طبعا انا كنت من العشرة الاوائل وقالولى هتسافرى المانيا فرحت جدااااااااا

طلعونا على خطوط طيران اللوفتهانزا.........حاجة تحفة بصراحة

قبل ماروح ام واحدة صاحبتى قالتلى ابقى لمى الاطباق اللى اكلتى فيها واوعى تسيبيها

قمت كنت واخدة شنطة بلاستيك معايا وعملت كده(لسه عيلة بقى ومش فاهمة)

عادى الموضوع عدى وجينا وصلنا المطار هناك وفجأة وانا خارجة بعد السير الشنطة اتقطعت ووقع كل اللى فيها

طبعا كان منظرى سئ جدااااااااا.......ووجهة مشرفة فعلا لطالبات مصر closedeyes.gif ........لكن كنت صغيرة واتعلمت

وعمرى دلوقتى ما عمل حاجة ذى كده

تقبل كل تقديرى على طرحك لاول حل وهو الاعتراف بالاخطاء اولا

[fatfouta]

سكوربيون كتب

أما عن الحل .. و هو المفروض ايجاده من خلال هذا الموضوع .... ففي رأيي الشخصي أجدني أتفق مع الأفاضل الذين حددوه بمطار المغادرة .. اجد انه يجب منع اصطحاب الأطعمة و السوائل من اساسه .. او علي الأقل تحديدها بكميات صغيرة جيدة التغليف ... شخصيآ لا أنكر انني اصطحب دائمآ برطمانات من العسل الأسود و الطحينة عند سفري و لكنني اضيع وقتآ في تغليفهم أكثر من من الوقت الذي أقضيه في تحضير الشنطة نفسها .. بالأضافة لوزن شنطتي قبل مغادرة المنزل حتي لا أفاجيء علي الكاونتر بوزن زائد لا أعلم كيف أتخلص منه ...

تقبل احترامى يا عزيزى على كلامك واعترافك انك تصطحب برطمانات من العسل والطحينة.......ولكن انت طبعا بتقوم بالتغليف السليم لها كما ذكرت

إذن فـ هو التغليف.........بداية من بيت المسافر وقبل حتى وصوله للمطار فلازم يعمل حسابه انه ممكن يحصل اى حاجة للشنطة اللى وضع فيها مثل هذه الاشياء

يا جماعة هقولكم على حاجة.........انتوا عارفين الموظفين اللى بيحملوا الامتعة بتاعة الركاب فى الطائرة بيعاملوها اذاى؟؟؟

حد منكم شافها؟؟ انا شوفتها كنت بقف على الشحنه بتاعتى الى ان تصعد على سيارة البضائع وبعدها تطلع الطيارة

العامل معذور بيشيل وزن كبير وطول النهار بيفضل يشيل بيتعامل مع الشنط والكراتين بنظام سورى يعنى(كور والقط)

ويحدفها ومش بيفكر دى جواها ايه غير لما بيكون فيه الليبل بتاع (قابل للكسر) فـده ممكن شوية يجعله يفكر انه ياخد باله

انا بصراحة ماشفتهمش بيرصوا داخل الطيارة اذاى

طيب ده بالنسبة للى انا شوفته على ارض الواقع مع بضائع الشركات اللى فعلا قامت بالتغليف اللى ممكن يكون جيد الى حد ما

فـ ما بالكم بحقائب وامتعة ركاب عاديين يتعمل فيها كده ويبقى جواها مش وكحك وزيت وخلافه؟؟؟

الاخ اللى كتب المداخلة بتاعته وقال انهم لقوا فى شنطة السيدة وزوجها كحك وبسكوت والموظف قطع الشنطة.......فعلا ده بيحصل لما تكون الشنطة وزنها اكبر من المعقول بتبقى مقلقة عالسير واذا كان الموظف متعسف بيقطعها بسكينه فعلاااااااا عشان يشوف جواها ايه........وده من بدايه الوزن

يبقى الحل الاول هو اننا نغلف ونعبأ بطريقة صحيحة قبل مغادرة منازلنا من اساسه

وتابعونا فى باقى الحلول والتجارب وياريت اللى عنده فكرة لاى حل يقوم بطرحها

تم تعديل 21 مارس 2010 بواسطة fatfouta

[herohero]

سؤال عفوي هو احنا مانعرفش نروح خفاف

هتقوله جاي مصر نجيب هدايا وراجع من مصر برده شايل هدايا

هو ماينفعش نبقى خفاف

ع فكرة عزاب وسينجل وبرده بيشيله شعور جميل لما يكون معاك شنطة 30 كجم وتبقى زي الباشا ايه لازمتها البرطامنات والسمنة وصباح الدهننة ونرجع نشتكي من الكليسترول

[fatfouta]

سؤال عفوي هو احنا مانعرفش نروح خفاف

هتقوله جاي مصر نجيب هدايا وراجع من مصر برده شايل هدايا

هو ماينفعش نبقى خفاف

ع فكرة عزاب وسينجل وبرده بيشيله شعور جميل لما يكون معاك شنطة 30 كجم وتبقى زي الباشا ايه لازمتها البرطامنات والسمنة وصباح الدهننة ونرجع نشتكي من الكليسترول

بص يا هيرو احنا قولنا كده والناس زعلت وقالت موظفين بسطاء وعاوزين ياخدوا وياخدوا

مع انى مش مقتنعة برضو بفكرة ان البسيط يشيل ويدفع وزن زائذ........ومقتنعة تماما ان لو روحت فين هتلاقى كل حاجة

بس خلينا نمشى واحدة واحدة ونحسبها فى ظل انه هيشيل سمنة وسكر و برطمانات

واللى مش هيشيل اهو بيحمى نفسه من ضغوط الوزن الزائد واقف وخف الشنطة وادفع وزن وهكذا

[ssmaly]

هنا فى مطار الكويت شنطة السفر الواحدة لاتزيد عن 30 كيلو وشنطة اليد اللى بتطلع الطيارة حجمها لا يزيد عن مقاسات معينة

معظم الوقت (وليس دائما) بيدققوا فى ذلك

اعتقد دى تعليمات المطار وليست من شركات الطيران

اعتقد التعليمات دى بتقلل من كثير من مشاكل الشنط على السير وتعامل العامل مع الشنطة الى حد كبير

وكذلك من الشنط الهاند باج (اللى احيانا تقارب من حجم ووزن شنط السفر الكبيرة علشان مايفعش وزن زايد)تكون حجمها ووزنها ملائم للصعود فى الطائرة

مش عارف التعليمات دى فى مطارات مصر اخبارها ايه؟

[ssmaly]

بالنسبة لاسباب ليه فيه ناس يتاخد حاجات كثيرة من مصر خاصة مواد غذائية

-فيه ناس بتاخدها كهديا لناس اخرين (يعنى حاجة من ريحة مصر)

طيب ايه اللى فى مصر ممكن يبقى هدية غير الاكل للاسف

انا فيه ناس بتطلب منى ادويه اوكى

وفيه ناس بتطلب لب مصرى ماشى

وفيه ناس بتطلب حمام مصرى لأ بقى اهو ده اللى مش ماشى ارفض بشدة

فيه مرة واحد طلب منى قرص جبن تركى(رومى) مصرى وزعل انى ماجبتلوش قالى بزعل والله كنت حدفعلك تمنه

طبعا الهدايا مشكلة كبيرة

فيه ناس بتبعت مع واحد مسافر شنطة مايعرفش فيها ايه لواحد من قريته او قريبه فى نفس بلد الغربة معاه

و طبعا مايعرفش يرفض لحسن يزعلوا وممكن انه يدور على حد علشان يوزن الشنطة الزايدة علشان مايدفعش وزن زيادة وممكن يدفع وزن زيادة

وطبعا الاشياء اللى فى الشنطة اكيد مواد غذائية من الانواع اللى ذكرتوها

يعنى حامل الشنطة غلطته الوحيدة انه قبل انه ياخد الشنطة معاه وليس مسؤول عن محتواها(زى ختم التصديق على الاوراق من الخارجية المصرية)

يبقى المفروض ان كل واحد مايخدش هدايا من حد فى مصر ويوصلها لحد فى بلد الغربة الا بشروط من حيث الوزن و معرفة مابدخلها

بالماسبة فيه حد نازل مصر قريب ياخد الشنطة الصغيرة دى معاه؟

تم تعديل 22 مارس 2010 بواسطة ssmaly

[herohero]

كان زمان وولى موضوع الجبنة الرومي ده اما بعد ارتفاع اسعار الحاجات ده الجبنة الرومي والبسطرمة انسى ياعمرو وبصراحه زمان حبتين مكنتش متوفره بكثرة ف الكويت

فكان ممكن تفكر تاخد بسطرمة اما حاليا فلا والف لا السعر نفسه يبقى اشيل ليه

واتعب نفسي ليه انا فاكر زمان كانت المانجا ما اظنش حد بقى ياخدها وكانت برده الجوافه والعسل

واوقات الرنجه والفسيخ وبرده ده بلاقيه متوفر يعني اذا كانت الحكاية طالبة رنجه يبقى نشيل ليه

وده تفسيره عندي اننا بنحب نحس بقيمة كل شيئ سفر يعني شنط ولخمه وبهدله اما اننا ننزل باشوات كده

اسعار الحاجه ف مصر زي بره يبقى مش مستاهله تتاخد لا من مصر ولا من هناك

ولو ع الهدايا ماخف وزنه وزاد ثمنه

ووالله كل حاجه ف مصر ومش عاوز اقولكم وافكار كمان

بمناسبة الافكار شوفتو المضرب بتاع الذباب ابو شحن كهرباء اللي بيبقى عامل زي مضرب التنس وهو عبارة عن صاعق

انا شوفته زمان ف الرياض وتوهت عنه لقيته هنا ف مصر مالي المحلات

وتحيا جمهورية الصين الشعبيه

[jasmin hamed]

اخت ياسمين انتى ذكرتى بعض المواقف من بعض الركاب وعرضتى وجهة نظر الطرف الاخر (شركة الطيران وطقم الطايرة) وشكرا لكى كثير الشكر

وانا عاوز منك انك تفيدينا بطريقة بسيطة وعملية على طريقة لحل مشاكل ذكرت فى الموضوع ده علشان يكون الموضوع كامل يعنى ذكر المشكلة وطريقة الحل

الاخ سكوبيون عرض طريقة للحل عن ضرورة التغليف الجيد مثلا

السلام عليكم استاذ ssmaly

الحلول فى راى المتواضع ببساطه

خاف على نفسك اولا: راعى سلامة نفسك اولا و ده ببساطه باتباع التعليمات يعنى لو مضيف قالك شنطتك لازم تتشال فى الكومبرتمن اسمع الكلام

المضيف مافيش حاجه بينه و بينك بس هو ادرى بقواعد المكان المقفول ده

لازم نبقى احنا الى بنتخانق عشان سلامتنا يعنى لو معاك طفل رضيع و المضيف نسى يديك حزام الاطفال احنا الى نسئال عليه عشان ديه حيلتنا و حياة اولادنا مش احنا الى نفكهلهم

حزام الامان احنا مابنحطوش عشان المضيف لا عشان نفسنك سلامة الطياره من سلامتك لو سمحت لابنك يلعب فى حاجه ممكن ساعه الخطر نبقى احنا الى محتاجنها

تانيا مراعاة الناس الى حواليك و انا مش بتكلم على ذوقيات بديهيه مفروغ منها بس هارجع و اتكلم على الامان على الطياره

يعنى لو حضرتك مش همك سلامتك و عايز تقف اعرف انك هتئذى واحد تانى او طفل بكونك توقع عليه او توقع شنطه عليه

ملحوظه على جنب كده

لما كنت فى التدريب قالولى كلمه مهمه قالوا ارحم على كابتن الطياره انك تقوله عندك موتورين عاطلانين من انك

تقوله فى حريق على الطياره و ده لان سرعه انتشار الحريق على الطياره مهوله لان كل حاجه جوه الطياره ياما فايبر يابلاستيك و كلهم سريعى الاشتعال

وده سبب ان التدخين ممنوع على الطياره فياريت لو حد مننا فكر يدخن فى حمام مثلا يعرف ان بيعرض الطياره كلها لخطر اكبر من خطر عطل الموتور

حاجه كمان للناس الى بتقف فى الطياره للمعلومه هتقف فى الطياره هتنزل اول واحد هتخلص جوازات اول واحد برده هتقف على السير لما على الاقل 90% من الناس

الى معاك تخلص جوازتها و ده عشان ماحدش يروح يشيا خمس شنط و يمشى من غير ما بقيت المسافرين يكونوا واقفين

يبقى بلاش الاستعجال و الوقفه فى النزول و بلاش تعرض حياة الناس للخطر

حاجه بستغربلها جدا يعنى احنا قادرين على فراق اهالينا فى الغربه و مش قادرين على فراق السمنه البلدى بتهيئلى ده جزء من الشعبطه فى البنطلون

يعنى لازم يبقى فيه قناعه انك سايب مصر خلاص بكل الى فيها سمن حمام فسيخ لازم نتكيف و السمنه ديه مش هتكفيك العمر كله يعنى هتعمل ايه لما تخلص

ذى لما الاجانب بيقولوا Let go بلاش التشبس بحاجات لو فكرنا شويه هتلاقيها مش بالاهميه الى تخلينا نشلها من بلد لبلد

د

تم تعديل 29 مارس 2010 بواسطة jasmin hamed

[ozoozo]

طيب ايه رأيكو انا شفت واحد نازل من مطار ابها للقاهره

يعني من السعوديه لمصر مش العكس

وواخد معاه شوال بطاطس وشوال بصل

ودفع عليهم بتاع 300 ريال وزن زياده

فعلا منتهي التخلف

[M Mido]

يا فتفوته مش لازم نعمل من الحبة قُبة ..

يعني لو 5 مليون مواطن بيسافروا رايحين جايين كل سنة .. تفتكري حاله نادرة زي بتاعت زيت التموين دي تسترعي أنتباهنا قوي كده ؟

الأهم من ذلك .. إحنا شعب 80 مليون وفي الجاهل وفي المتعلم وهكذا ... طب ما في ناس بتبقى معانا في الطيارة وما بتعرفش تملى كرت الدخول سواء لمصر أو السعودية .. نشنقها يعني ؟

وبعدين ممكن بتاع الزيت ده يكون عامل بسيط ومرتبه على قده .. فعقله تصور له إنه كده بيوفر

الأغرب من ذلك .. أنا أول مره في حياتي في سفرياتي المتعدده أشوف فيها كراتين ماليه الطيارة ومرصوصة فوق التروللي كانت من أخوه سعوديين جايين من مصر وجايبين فاكهه مانجو قشطة وخلافه

أستنوا أستنوا .... في فصل الصيف وسفر الخلييجين لمصر الكثير .. ماحدش خد باله من كمية رز الكبسه اللي ماشي على السير ورايح مصر .. طب هي مصر مافيهاش رز بسمتي ؟

أما أختنا جاسمين المضيفة .... فأقول لها الزبون دايماً على حق يا جاسمين .... أما مسألة الوقوف أول الطيارة ما تعمل لاندنج ... فحدث ولا حرج .. العرب كلهم سواء فيها قبل المصريين

دايماً أحذر من ظاهرة أسمها " أستريو تايب " أو الكلاشيهات . أو التابو ...

يعني إنطباع عند الواحد وهو كده مش هاغيره .. يعني لو ذُكر أي حاجه فيها مصر .. مطار مصر .. مصر للطيران .. بسكو مصر wst:: .. تلاقي الدنيا ولعت وهاتك يا تقطيع

هاحكي على موقف يوضح ده

انا لسه جاي من مصر من 3 أسابيع ... وراكب الخطوط السعودية ..

طيارتي الساعه كام ؟

10 الصبح ...

قلت اروح الساعة 8 وأشتغل في المطار لحد الطيارة ما تطلع

طلعت من بيتنا 7 ونص ..

وصلت 8 بالظبط

ههههههههههههههه مالقتش الطيارة عالجدول وقالوا ما جاتش من الرياض لسه .. لوووووووووووووووووووووولي

فين وفين جت ...

طلعنا الطيارة 11 ونص ...

خلوا بالكم وركزوا معايا .. إحنا جوه الطيارة واخدين بالكم معانا ..

الكابتن لسه بيدور الموتور وبيقول توكلنا على الله ... إلا ويقول المحرك عطل وهايحتاج ربع ساعه تصليح .. ربع ساعة

الربع ساعة يا حضرات أمتدت لساعتين ونص وماحدش عبر أبونا ولا سابونا ننزل حتى ولا جابوا لنا كوبايه ميه يا طنط جاسمين ..

طلعنا الساعة 2 ونص ووصلت سته وشوية

12 ساعة ولا كأني مسافر بري

طبعاً حضرتك لو مصر للطيران دي كان زمان السيوف طلعت لتلعن سلفسفيل اللي جابوها

صح ؟

هو فعلا كلامك صح، ديما عند معظمنا كمصرين نقد الذات، موضوع الزيت اللي في الشنط ده اكيد تصرف سىء زي ما قالت الاخت فتفوته بس ده ممكن يكون واخد في المليون اللي بيعمل كده، وفي المقابل معظم العرب او تقريبا كلهم خاصة الخليجيين بيبقى ليهم فضايح في المطارات واللي ليه حد شغال في مطار القاهرة يبقى يسئله.