استقرار في القاع

[isa]

=========================================================================

بقلم : حمدي قنديل

١/ ٣/ ٢٠١٠

كان الأسبوع الماضى فى وسائل الإعلام هو أسبوع البرادعى.. تصدرت أخبار وصول البرادعى إلى مصر وتشكيله «الجمعية الوطنية للتغيير» نشرات الأخبار وعناوين الصحف، واحتشدت التقارير الإخبارية والبرامج التليفزيونية بالتعليقات والمناقشات حول مدى ما يمكن أن يحدثه من تأثير فى الحياة السياسية.

بين معارض ومؤيد، استمعت إلى كثير من الآراء، لاحظت بينها حجة متكررة شهرها عدد من المتحدثين باسم الحزب الوطنى فى وجه الدكتور البرادعى، هى أن دعوته للتغيير سوف تهز الاستقرار الذى تنعم به مصر.. أى استقرار هذا، تساءلت؟

■ أى استقرار وهناك ٧ ملايين طفل مصرى محرومون من كل حقوقهم، يشكلون ٢٦٪ من أطفال مصر، وفقا لدراسة مركز البحوث والدراسات الاقتصادية بجامعة القاهرة؟

■ أى استقرار وفئات المجتمع فى غالبيتها غاضبة؟.. فى العام الماضى كان هناك أكثر من ألفى وقفة احتجاج، ومنذ أسبوع كان هناك ٤ وقفات أمام مجلس الشعب ومجلس الوزراء، إحداها للمعاقين، وأخرى للدعاة، وثالثة تعترض على خصخصة التأمين الصحى، ورابعة تحتج على إهدار حقوق موظفى المدعى الاشتراكى.. وكان الصيادلة يتظاهرون أمام دار الحكمة، والممرضات مضربات فى طنطا، وعمال الكتان معتصمون لـ٢٠ يوما.

■ أى استقرار ونحن مستمرون فى التفريط فى المصانع والشركات المملوكة للشعب؟!.. فى الأسبوع الماضى تم الكشف عن مؤامرة شيطانية عندما قررت الشركة العامة لصناعة الورق «راكتا» بيع أرضها التى تساوى ملياراً و٣٤٤ مليون جنيه بمائة مليون فقط إلى مافيات المستثمرين.. هل يحدث هذا فى أى بلد آخر فى العالم.. كما يقول الأستاذ محمد البرغوثى فى «المصرى اليوم» إلا إذا كان بلدا تحت التصفية؟

■ أى استقرار والتصفية قد امتدت إلى شركة طنطا للكتان التى باعتها الحكومة، بمصانعها وأراضيها، لمستثمر سعودى خالصة من المديونيات مقابل ٨٣ مليون جنيه فى حين أن ثمن أراضى الشركة وحدها يبلغ اليوم ٨ مليارات جنيه.. والأنكى أن تقف وزيرة القوى العاملة فى صف المستثمر فتدعى أن مطالب العمال فى العلاوات والأرباح «لا ينظمها قانون وإنما تخضع للتفاوض» وهى جميعا حقوق ينص عليها القانون؟

■ أى استقرار فى حين تباع شركة النيل للحليج مقابل ٢٢٩ مليون جنيه فى عام ١٩٩٨ لمافيا أخرى فتسعى هذه المافيا لتصفية الشركة وبيع أراضيها بـ١٥ مليار جنيه، أى بـ٧٠ ضعفا؟

■ أى استقرار وصناعة الغزل والنسيج، أعرق وأشهر الصناعات فى مصر، تنهار على النحو الذى أعلنه رئيس النقابة العامة للغزل والنسيج، بسبب ارتباك سياسة الحكومة لدعم وتطوير قطاع المنسوجات، ومأساة تقليص زراعات القطن، والصراع بين وزارة المالية والفلاحين، وضغوط المحالج، وأزمات التسويق والتصدير؟

■ أى استقرار والحكومة تطرد ١٥٠٠ مواطن من مساكنهم وأراضيهم الزراعية بجزيرة «القرصاية» بحجة تطوير الجزيرة لما فيه «مصالح الدولة العليا» فإذا بنا نتبين أن هذه المصالح تتطابق تماما مع مصلحة أمير سعودى رغب فى إقامة مركز سياحى فى الجزيرة؟

■ أى استقرار ورئيس اتحاد عمال مصر الموالى للحكومة يعترف بأن «الحكومة عاجزة عن مواجهة تشريد العمال»، ونائب الحزب الوطنى الحاكم سيد رستم ينفجر فى مجلس الشعب صائحاً: «كل شىء فى مصر عبارة عن سلب ونهب»؟

■ أى استقرار وهناك ٢ مليون و٣٧٥ ألف عاطل فى نهاية ٢٠٠٩، طبقا للجهاز المركزى للتعبئة والإحصاء، وكيف يتفق ذلك مع تصريح رئيس الوزراء بأنه «لم يفقد أحد وظيفته»؟

■ أى استقرار وأسعار السلع ارتفعت فى عام ٢٠٠٩ بمقدار ١٣.٦٪ حسب تقرير وزير التنمية الاقتصادية؟

■ أى استقرار وأنبوبة البوتاجاز لاتزال تباع فى أنحاء مختلفة من مصر بـ٤٠ أو ٥٠ جنيها حتى إن أصواتا تعالت بتدخل الجيش لتوزيعها فى حين أننا نصدر غازنا لإسرائيل بتراب الفلوس؟

■ أى استقرار والفساد يعيش تحت قبة مجلس الشعب ذاته، فينهب أعضاء فيه ميزانية العلاج على نفقة الدولة، ويتربحون من ورائها لإجراء عمليات صورية بأسماء وهمية، ويحصل أحد النواب على ٢٥٠ مليون جنيه فى ٤ سنوات، ويتعاقد آخر مع مستشفى خاص بعينه لإجراء عمليات تجميل للعيون بـ٤ ملايين جنيه فى ٤ أشهر فقط، بخلاف ١١ نائباً تجاوزت مخصصات كل منهم ١١ مليون جنيه فى الشهر الواحد؟

■ أى استقرار وهناك ٧٠ ألف حالة سرطان تتعرض للموت كل عام بسبب عدم توفر أماكن للعلاج، وكذلك ٤٠ ألف حالة وفاة بسبب فيروسات الكبد سنويا، والرقم مرشح للزيادة وفقا لدراسة عميد المعهد القومى للكبد؟

■ أى استقرار والمستشفيات تنهار مبانيها بعد أن انهارت خدماتها، فبعد أن تقرر هدم مبنى معهد الأورام، ها هو مستشفى الخليفة يتقرر هدمه بسبب عيوب هندسية أنفقت ملايين الجنيهات لعلاجها فى عام ٢٠٠٠؟

■ أى استقرار فى الوقت الذى إذا أكل فيه أناس اللحوم فهم يأكلونها ملوثة لأن مجازر مصر كلها - كما صرح رئيس جهاز سلامة الغذاء - غير معتمدة دوليا، ولا تحتوى على مبردات للحوم، ولا تنقل اللحوم فى سيارات مغطاة؟

■ أى استقرار ومياه الشرب هى والخضروات ملوثة بمياه المجارى؟

■ أى استقرار مع كل هذا التخبط حول صلاحية موقع «الضبعة» لإقامة المحطة النووية المصرية الجديدة، وتردد الحكومة فى حسم الأمر مراعاة لخاطر واحد من حيتان المال والأعمال مقرب من أولى الأمر يريد اقتناص الموقع ليقيم فيه مشروعا سياحيا؟

■ أى استقرار وهناك ألف موظف فى الدولة يتقاضى الواحد منهم مليون جنيه شهريا فى حين أن الحكومة تبحث، الآن، تحديد الحد الأدنى للأجور بنحو ٣٠٠ جنيه فى الشهر؟

■ أى استقرار ورئيس الوزراء السابق عاطف عبيد، يعين رئيسا لبنك وهو عضو بالشورى، وهناك ١٢ نائبا فى مجلس الشعب بينهم محمد الدكرورى، محامى الرئيس، عينوا فى مناصب حكومية وهم نواب بالمخالفة للقانون، تماما كما حدث مع وزير الإسكان السابق محمد إبراهيم سليمان؟ ويزيد الهم عندما يترافع مفيد شهاب عن قرار تعيين سليمان بقوله «كنا نتصور أن القرار صحيح»، وهو مفتى الحكومة القانونى.

■ أى استقرار مع كل هذا الفساد والإفساد فى الأراضى التى وزعها محمد إبراهيم سليمان على الأقارب والأحباب، ووزعها أيضاً على كبار المسؤولين فى البلد الذين سيبرأون من تهمة مخالفتهم للائحة العقارية المنظمة للتصرف فى أراضى المدن الجديدة بمخرج عبقرى هو أن اللائحة لم تنشر فى الجريدة الرسمية، وبذلك لم يحاطوا علماً بها؟

■ أى استقرار والعاصمة تغرق، ومرافق الدولة تتعطل، وأكذوبة البنية الأساسية تنكشف فى يوم ممطر واحد؟

■ أى استقرار والحكومة تفشل فى كل أزمة، والمواطن يهان فى كل موقع، إن كان وهو يحاول الحصول على أنبوبة بوتاجاز، أو رغيف خبز أو سرير مستشفى أو فرصة عمل أو حق فى سكن؟

■ أى استقرار ونحن نحاصر غزة، ونلعن الجزائر، ونخاصم سوريا، ونتعالى على السودان، ونهاجم قطر ثم نتسول منها مباراة كرة؟.. أى استقرار ونحن نتجاهل أفريقيا، ونعادى إيران، ونتقزم أمام تركيا؟

■ أى استقرار مع التبعية؟

■ أى استقرار بلا حرية للمحكوم ولا مساءلة للحاكم؟

■ إن كان كل هذا استقراراً حقاً، فالمؤكد أنه استقرار فى القاع.

=============================================================

تم تعديل 17 مارس 2010 بواسطة isa

[عطر الجنة]

كلام موجع مبكى لما آلت اليه احوالنا

لكن اعتقد ان السبب الاساسى الذى وصلنا لكل هذا قانون الطوارئ

تخيل قانون يحصد الناس حسب اهواء الفئة الحاكمة

لذا تعود البشر على الصمت و كل واحد تصرف فى البلد بطريقته ليجد ما يقتات به

فانتشرت الرشوة و المحسوبيات و قطاع الطرق و الرزيلة و عدد من الانتحارات

هى خلاص خربت و الامل فى اى جديد لان مش حتنزل الى قاع اسحق من هذا

[shiko]

لكى الله يا مصر ....

[hOuSsAm]

طيب والحل ايه؟

هنفضل كدة عالطول؟

مش هنشوف شمس ابدا"؟

حسبنا الله ونعم الوكيل

[isa]

منقول :

الكاتب: عاطف عبد العال سيد ابراهيم البغدادى

انا ضد استخدام اطلاق الرصاص على المتظاهرين

عملولك تاريخ وكأنك مش بشر

ما انت اللى حاربت وانت اللى انتصرت

وانت المهدى وجمال المنتظر

احنا احنا القضاء والقدر

متشغلش نفسك بينا

يعنى اية شعب؟

يعنى شوية حجر

على شوية شجر

تقدر تقول سيادتك

شوية بقر

احنا ياريس احنا حصانك

احنا مخلوقين عشانك

اوعى تفكر فينا ولا تشغل بالك

اغسل ايديك مننا

احنا ذنبا على جنبا

احنا مين احنا

علشان تتكلم عننا

وكتر الف خيرك

اية يعنى لما تجيب جمال

واية يعنى لما تحبس العيال

واية يعنى لما تركبنا ونقول كمان

قال مش عجبهم المحاكم العسكرية

وبيطلبوا بالديمقرطية

طيب ما احنا شعب غشيم

واللى بيفهم فينا بهيم

ما انت ياريس صاحب الطلعتين

الطلعة الجوية والطلعة البهية

وفيها اية لما تعدل الدستور

وفيها اية لما يضيع عمرنا فى طبور

وفيها اية طب ما احلى بنى ادام من الشعب

ان راح ولا جة طنبور

واية يعنى لما تسيطر على الجوامع والجامعات

واية يعنى انتخابات ومعدش فاضل كمان الا المحليات

واية يعنى لما تعاقب القضاة

معاك انت النجاة

واية يعنى صفر المنديال

واية يعنى حقوق انسان

واية يعنى لما تحبس الاخوان

واية يعنى لما تعين المعيد والعميد

طب ما الناس اسياد وعبيد

واية يعنى لما تكوينى بالحديد

دا حتى جسمنا ايربرب ويزيد

واية يعنى لما تحبس الصحافين

مهما فى الاصل شوية كدابين

واية يعنى لما تعوس وش الشعب طين

واية يعنى لما تدفنا واحنا عايشين

واية يعنى تلفيق التهم واية يعنى معتقلين

واية يعنى لما فى المطار اول كلمة تنقال

المصريين على جنب

المصرى راح ولا جة ابن كلب

واية يعنى بلد بتتسرق

واية يعنى بلد بتتحرق

واية يعنى كام عمارة بتقع

واية يعنى كام الف مشروع فشل

واية يعنى لو الشعب انتحر

واية يعنى خطط خمسية

واية يعنى جامعة ويعن اية ثانوية

ويعنى اية من الاساس تعليم

دا مهما يتعلم ايطلع بهيم

ربنا يخليك لمصر

انت رمز النصر

سيبك من المعارضين

وجرايد المستقلين

ولا اقولك ياريس حطهم فى الحبس

مين اللى قال ان احنا سبع تلاف سنة حضارة

طب فين الامارة

مين اللى قال ان احنا عندنا

هرم ونيل

انت ياريس انت الاول وانت الاخير

وفيها اية لما تلعب

جوالف ولا اسكواش

طب ما الشعب بياكل ببلاش

شعب مقرف صحيح

شعب ما يختيشيش

قال اية عايز يعيش

وفيها اية لما نوصلوا الغاز لحد تل ابيب

لمدة عشرين سنة وزيادة

دا يوم الهنا

واية يعنى لما يبقى رخيص حبتين

كويس انهم رضوا هو احنا كنا نحلموا

ومعدش فاضل الا شوية الاعتصامات

والاضرابات وقال اية بيعملوا مظاهرات

دول شوية عيال خارجين عن القوانين

والبلد تمانين مليون ودول الف ولا الفين

شوية عيال زبالة

عايزين يعملوا فى البلد حالة

وان راحوا ولاجم حشرات

حكمتك يا ريس معاهم استحملتهم ساعات

وكتر خيرك

وفى الاول والاخر الكل يتمنى رضاك

ياريس اللى تحت ارضك

واللى فوق سماك

وكل الشعب يطلع ينزل

يعيش يموت بيهواك

واية يعنى لما يبقى مهندس

قاعد ببطتين فى السوق

واية يعنى لما يبقى مدرس

شغال على توك توك بيسوق

واية يعنى لما الشعب يأكل طوب

واية يعنى لما يبقى الشعب على امرة مغلوب

انت ياريس اللى طلعتنا من المنعطف للمنحنى

وعلى رايك كنا فين وبقينا فين

وكيف كنا وكيف اصبحنا

كنا قاعدين على المصطبة بنمصوا قصب

دلوقتى لسة قاعدين بس بنمصوا حطب

واية يعنى لما يبقى فية واحد عندة

كام الف فدان

وواحد تانى بيدور على قالب طوب

يحطة تحت راسة علشان ينام

واية يعنى لما يبقى فية كام مليون حكم قضائى

بضبط واحضار

يسبوهم ويحبسوا ناس تانية

معلهاش احكام

واية يعنى لما النصب ذاد

واية يعنى لما ينتشر الفساد

بطول وعرض البلاد

واية يعنى لما يبقى الظلم عدل

والعدل ظلم

وقال بيقولوا ازاى المسئول ينام

ومعدش كمان اللى محدودين الدخل

ومعدومين الدخل واللى عايشين فى الوحل

واللى عايشين فى الترب

بيقولوا اتناشر مليون

انشالله يكونوا تلاتين

دول مش عايزين غير ضرب الصرم

ولاد الكلب ملوا البلد

واية يعنى لما يبقى فية اتنين مليون اطفال شوارع

طب وعاوزين الحكومة تعملهم اية

ولا توديهم فين

طب دول عارفوا طريقهم

انتم طريقكم فين

بتتكلموا وخلاص وكلامكم ملوش اساس

واقفين تعرضوا وقاعدين تعرضوا

وتلاقيكم كمان نايمين بالعرض

علشان لما تصحوا تعرضوا وخلاص

ما قلنا الف مرة كلامكم ملوش اساس

انا مش عارف معارضة دى ولا لحمة راس

وقال مش عجبهم الامن المركزى

ولا الامن القومى ولا البحث الجنائى

ولا الامن الغذائى ولا سجن المطار

امال ايمشى ازاى النظام

انت ياريس انت صاحب القرار

انت اللى تخلى الليل ليل والنهار نهار

انت النقطة المركزية فى الكرة الارضية

انت الاسد المغوار

واية يعنى لما يبقى عندنا كل كام شهر كام قتيل

على الحدود مع اسرائيل

طب ما دى طبيعة الحدود

مش المشكلة فى الاسرائيلين

المشكلة فى الناس اللى قاعدين على الحدود

ولا عايزين نعم

[مغتربة]

بعد كل هذه الحقائق و غيرها مما لم يسرد

اراه ليس استقرار فى القاع

فلقد تعدى هذه المرحله من زمن

اراه الان

استقرار فى الحضيض

و يا ريت الى يعرفوا ايه الشيىء الاسوء من الحضيض

يقولولنا عليه علشان نجهز نفسنا ليه نفسيا من دلوقتى

فهو المرحله القادمه بلا شك