استفسار عن مدينة الجبيل بالسعودية

[aymaneng]

السلام عليكم

لو سمحتم يا ريت لو حد عنده فكرة عن مدينة الجبيل فى السعودية والعيشة فيها واسعارها والسكن والتعليم فيها

ولو حد يعرف شركة فيها اسمها " OLAYAN DESCON Industrial Company" عليان ديسكون

ايه نظامها ونظام مرتباتها ومميزاتها وعيوبها

[بندق أفندى]

العليان

[essamlotfy]

السلام عليكم

لو سمحتم يا ريت لو حد عنده فكرة عن مدينة الجبيل فى السعودية والعيشة فيها واسعارها والسكن والتعليم فيها

ولو حد يعرف شركة فيها اسمها " OLAYAN DESCON Industrial Company" عليان ديسكون

ايه نظامها ونظام مرتباتها ومميزاتها وعيوبها

أخي الكريم

انا موجود في الجبيل من اسبوعين بس

الحياة هنا هادية مقارنة بالرياض ، والبلد صغيرة نوعا ما وهي شمال الدمام بحوالي 70 كيلو ، ويوجد منطقة صناعية كبيرة بها شركات صناعية ممتازة

بالنسبة للاسعار نفس الاسعار في كل السعودية كلاهها قريبة من بعضها (أقصد المصاريف اليومية والاكل والشرب وهكذا)

بالنسبة للسكن الاسعار غالية نوعا ما يعني شقة عوائل في حدود 1600 الي 2000 تقريبا

بالنسبة لسكن العذاب يعني غرفة ممكن من 500 الي 900 في الشهر ، انا قاعد مؤقت في غرفة مفروشة ب 1500 شهريا

وبالنسبة للمدارس معنديش فكرة ، وارجو من الاخوان يفيدوك

والمصريين هنا متواجدين ما شاء الله , واتمني لك الخير

[Dr.mmfriend]

الجبيل بلد خنيقه جدا جدا

انا فيها بقالى شهرين ومش طايق نفسي

هيا تنفع فقط للاشخاص الهاديين الى من البيت للشغل ومن الشغل للبيت ومتفكرش فى اى حاجه تانيه

الاسعار هيا هيا فى كل السعوديه تقريبا

حتى ممكن لو الفرق بسيط فى السكن نظرا لمحدوديته فانت مفروض الشركه بتوفرهولك

صلى استخاره وتوكل على الله

بس لو قدامك فرضه تانيه فى مدينه اكبر شويه يبقي احسن

[aymaneng]

طيب يا جماعة ايه اخبار المدارس هناك واسعارها

ويا ريت لو حد سمع عن شركة OLAYAN DESCON Industrial Company" عليان ديسكون

يقولى ايه نظامها

[aymaneng]

معقول يا جماعة كل المصريين اللى فى السعودية ويرد على سوالى اتنين بس ولا محدش عايز يساعد حد خلاص

ده انا بشوف اسئلة عادية جدا والاقى 100 واحد مجاوب عليها بس طبعا اللى بتكون طبعا اللى بتسال انثى ساعتها فاهمينى طبعا

[essamlotfy]

معقول يا جماعة كل المصريين اللى فى السعودية ويرد على سوالى اتنين بس ولا محدش عايز يساعد حد خلاص

ده انا بشوف اسئلة عادية جدا والاقى 100 واحد مجاوب عليها بس طبعا اللى بتكون طبعا اللى بتسال انثى ساعتها فاهمينى طبعا

أنا كنت رديت عليك قبل كده ، وسألت عن اسعار الشقق العوائل ولقيتها اغلي من اللي ذكرته لك والافضل لو الشركة توفر لك سكن ،

ونصيحة بخصوص المدارس الافضل انك تيجي من مصر لوحدك لفترة فتقدر تقيم الشركة والمكان اللي هاتعيش فيه وبعد ما تستقر تبقي تجيب الاولاد لان القطاع الخاص عامة مختلف باختلاف الشركة والادارة يعني ممكن ماترتحش معاهم .

بخصوص قلة ردود الاخوان عليك فاعتقد الموضوع مش حكاية أنثي أو ذكر

الحكاية ان مش كل المصريين في الجبيل مثلا عارفين موقع محاورات المصريين ولذلك عدد اللي ردوا عليك قليل،

وكمان لأنك بتسأل سؤال محدد أوي يعني (الجبيل - شركة العليان ) لكن لو بتسأل عن مثلا موضوع ( استقدام الاسرة) هتلاقي كتير ردوا عليك

واتمني انك تلاقي حد يجاوب اسئلتك

و أتمني لك التوفيق .

[aymaneng]

استاذ عصام لطفى

شكرا على ذوقك واهتمامك وردك عليا