CMA® Certified Management Accountant النظام الجديد مراجع كتب أسئلة إستفسارات وغيرها متجدد

[عماد حمدي]

بسم الله الرحمن الرحيم

سيكون هذا الموضوع مخصص للـ CMA النظام الجديد وإجابة ع كل الإستفسارات وكل ما يخص هذه الشهاده ويكون متجدد بإستمرار من مراجع وكتب وأسئلة إمتحانات وبرامج .. الخ

تم تعديل 14 أبريل 2010 بواسطة أحمد سيف

[عماد حمدي]

- ما هي الـ CMA :

هى شهادة متقدمة ومعتمدة عالمياً من المعهد الأمريكى للمحاسبين الإداريين IMA لدعم المحاسبين والمديرين الماليين فى تطوير أداءهم المهني ..

-مزايا الحصول عليها يا عمدة :

1- الحصول على الإعتماد المهنى الدولى

2- الحصول على عائد مهنى اعلى

3- تحقيق ميزة تنافسية من خلال زيادة القدرات والمهارات والمعرفة المهنية

طيب عايزين نشوف صورة الشهادة ممكن :

من عنيا الأتنين أدي صورة الشهادة

ملحوظة

كان فية نظام قديم وهو مكون من 4 أجزاء .. النظام الحالي مكون من 2 جزء فقط

- ما هي محتويات النظام الجديد ونظام الإمتحانات :

الجزء الأول : Control Financial Planning , and Performance

( مدة الاختبار : 4 ساعات)

(100 سؤال اختياري من متعدد - 3 ساعات)

(2 سؤال مقال - 1 ساعة - بمعدل 30 دقيقة لكل سؤال )

الجزء الثاني- Financial Decision Making

( مدة الاختبار : 4 ساعات)

(100 سؤال اختياري من متعدد - 3 ساعات)

(2 سؤال مقال - 1 ساعة - بمعدل 30 دقيقة لكل سؤال)

سيبدأ العمل به بدءً من شهر مايو 2010 وموقع IMA بدا بالفعل طرح نسخة الكتاب الخاصة به وثمنة 800 $ وممكن تبدأ التسجيل بالنظام الجديد بداية من شهر مارس 2010 والنظام القديم للأسف كان أخر ميعاد للتسجيل فية 28 فبراير 2010 .. وأخر فرصة للمتقدمين للنظام القديم ديسمبر 2010 إن شاء الله

مصروفات الـ CMA النظام الجديد :

1- 200 دولار تسجيل

2- 190 اشتراك سنوي

3- 350 دولار رسوم امتحان لكل بارت

المجمل =1090دولار = 5995جنيه = 3996 ريال سعودي

كلة ممكن يسأل طيب يا عمدة إفرض انا إمتحنت جزء في النظام القديم وانتة بتقول ان فية نظام جديد الوضع هيكون اية :

اللي دخل أي إمتحان من الإمتحانات الأربعة للنظام القديم أخر فرصة ليه هتكون في ديسمبر 2010

ودي بعض الإحتمالات لو ملحقش يخلص

اللي إمتحن الجزء الاول نظام قديم وعايز يحول ع الجديد فمجبر انه يمحتن الجزئين الجداد ياعني اللي امتحن بارت وان قديم ولا لية اي لازمة

طيب اللي إمتحن الجزء الثاني نظام قدي وعايز يحول فهيمتحن الجزء الثاني فقط من النظام الجديد وياخد الشهاده

اللي أمتحن الجزء الثالث من النظام القديم وبرده عايز يحول ع الجدديد فهيمتحن الجزء الأول فقط من النظام الجديد

اللي إمتحن الجزء الثاني والثالث قديم فهيمتحن إختبار اسمة Transition Exam

كتب الشرح :

فية كتاب جليم وكتاب هوك الفرق :-

جليم او جلايم دا شرحة مختصر وأسئلته كتيرة جدا

أما هوك فدا شرحة طويل وسلس واللغة بتاعته سهلة أوي بس أسئلته قليلة

كتاب المعهد IMA ودا بيتقرا قراية سريعة

يبقي الحل انك تذاكر من هوك وتحل الأسئلة بتاع جليم

أسئلة شائعة

السؤال : من الأخ محمد أفندي

انا طبعا معملتش حاجة فى النظام القديم دة تفكير

انا هنا فى جدة وعاوز ابدأ فى النظام الجديد self study

انت قلت بداية التسجيل من مايو

عاوز شوية تفاصيل لو بدات من مايو self study البارت الاولانى ممكن ياخد قد اية وقت والثانى كذلك انا عارف ان على حسب الشخص نفسة أاقصد العادى اية والموضوع صعب ولا اية

الإجابة : من omda2006

بص يا زعيم أنا أقصد أنه سيعقد أول إمتحان خاص بالنظام الجديد بداية مش هشر مايو 2010 وانتة ممكن تبدأ تسجيل في المعهد من دلوقت ..

بس طبعا ً انته بتقول Seld Study يبقي ذاكر الأول وبعدين تبقي تسجل في المعهد IMA وتاخد عضوية كمان وتمتحن

النظام القديم زي ما قولتك كان 4 بارت .. تمام

النظام الجديد بقا عبارة عن الأربعة دول مضغوطين !! أيوة مش تستغرب دي حقيقة فعلاً بس هما عملوا اية

حذفوا شوية فصول رخمة في البارت التاني فصول كتير بصراحة وفي نفس الوقت أضافوا فصول تانية ياعني العملية نسبية

الفكرة من كدة أولا ً أنهم يخفوا الضغط علي مواعيد الحجز بالإمتحانات بدل ما كانت 4 هتبقي 2 وبدل ما كنت بتخش كل

مادة مثلا ً كل 4 شهور .. مع النظام دا هتخش كل مادة قول متوسط 6 شهور علشان عملية الضغط اللي قولتلك عليها ياعني البارت

الجديد بمقام اتنين !!! ثانيا ً رفعوا رسوم الإمتحان من 195 دولار الي 350 دولار !!! وكل سنة بتزيد ع فكرة . فالمعهد كسبان ثالثا ً تقليل نسبة الناجحين والحفاظ ع قوه الشهادة في السوق والحفاظ ع صعوبتها .. عشان مش كل من هب ودب يروح ياخد CMA وتبقي العملية بوظة ومع مرور الوقت ميبقاش ليها أي لازمة وتبقي زي ICDL كدة

وعن مدي سهولة أو صعوبة المنهج .. بناء ع تقدير الأساتذة المختصين بتدريس الـ CMA في الجامعة الأمريكية فحددوا ان مدة كل بارت هتكون 5 شهور ..

ومن ع بعض المواقع والمنتديات المهتمة بهذه الشهاده .. متوسط أراء الأعضاء بتقول نفس الفترة

بس لازم تكون فاهم كويس جدا جدا جدا محاسبة إدارية وإقتصاد وإدارة مالية ...

ياعني بالنسبة لينا بعد تخرجنا نسينا كل الكلام دا وإهتمينا سواء بالمحاسبة المالية أو بالتكاليف ..

فأنصحك أنك تقرأ بالعربي شوية عن الإقتصاد الكلي والجزئي و الإدارة المالية المراجعة الأساليب الكمية دا هيساعدك في فهم المنهج كويس وانته بتذاكر ..

وبما أن سيادتك في جدة فأسأل عن كتب هوك للنظام الجديد هل نزلت ولا لا ؟؟ ولو نزلت جيبها وإبدأ ذاكر منها لانها هتكون الأساس .. ومن ع النت تبقي تنزل جلايم او جليم تقراه قراية سريعة كدة وتحل الإمتحانات بتاعتة لانه بيتميز بكثر الأسئلة والتدريب ع نظام الإمتحان والكتاب اللي انا مديك اللنك بتاعه دا .. عبارة عن الكتاب بتاع معهد المحاسبين الإداريين IMA بتاع المعهد نفسة ياعني اللي بيعتمد الشهاده ...

فدا كمان بيتقرا قراية سريعة كدا ..

سؤال أخر : من محمد أفندي

حكاية المادة كل 6 شهور دى مفهمتهاش مش المفروض بنمتحن الجزء الاول وبعدين الجزء الثانى اللى اقصدة ممكن تخلص الجزء الاول self study فى قد اية ؟

الإجابة : من omda2006

بص البارت الأول هتذاكرة في 6 شهور دا متوسط ياعني للناس اللي بتشتغل ومش عندها وقت يا دوب يقدر يوفك بين الشغل والمذاكرة بحد ادني 10 : 14 ساعة في الأسبوع بمعدل 2 ساعة كل يوم .. وتذاكر وانتة فايق ومركز

سؤال أخر : انا الإنجليزي بتاعي نص نص وخايف أخش الـ CMA اعمل اية وهلي هيا صعبة ولا سهلة ؟؟

الإجابة :

كتب هوك أسلوبها في المذاكرة سلس وسهل جدا ً جدا ً جدا ً

انتظروا الحلقة القادمة

عمدة

تم تعديل 14 أبريل 2010 بواسطة أحمد سيف

[محمد افندى]

احنا معاك وهنمشى وراك يا عمدة

عمدة عمدة عمدة

منتظرين الحلقة الجاية

[عماد حمدي]

الحلقة التانية :[وسط][/وسط]

عمدة هوه انا لازم أكون عندي خبرة ولازم أكون متخرج علشان أخد الـ CMA ???

لا يا جيمل أولا ً ممكن وانت طالب لسة تاخد الـ CMA وممكن بعد ما تتخرج علي طول لكن مش هتاخد الشهاده يا جميل بعد ما بتنجح في الإمتحان مش بتاخد الشهاده لان عشان تاخدها لازم تقدم لهم شهاده البكالوريوس بتاعتك مترجمه وموضح بها بيان بالمواد اللي درستها في الكلية وعدد الساعات + شهادة خبرة إنك شغال محاسب ( مش أقل من سنتين ) .. بس طبعا ً بعد ما تخلص أخر إمتحان بيدوك ريبورت بالنجاح ودا بتشتغل بيه عادي جدا ً كان معاك الشهاده بالظبط

إحنا سمعنا أن رواتبها عالية .. هل دا صحيح ولا مجرد دعاية بس علشان الناس تاخدها وخلاص ؟؟

طبعا ً اللي معاه الـ CMA بيتخطف أولا ً لقلة عدد الحاصلين عليها ثانيا ً انها شهادة مهنية وليت أكاديمية

وطبعا ً بيشتغل بيها في كبري الشركات والشركات الأجنبية بالذات .. وبجد هتضيف للي حاملها معلومات كتير جدا وهتفيده علي المستوي العملي

النظام الجديد شددوا فيه والشهاده بقت أصعب من الأول بكتير .. وبتعمد ع الفهم وليس الحفظ

أنا أعرف صديق ليا معة الـ CMA شغال بالقاهره براتب 5000 جنية أساسي غير البدلات وبدون واسطة وبدون خبرة مجرد فقط انه حاصل عليها

رواتبها بالحليج في حدود 10 إلي 25 الف ريال حسب الخبرة العملية

متوسط نسبة النجاح في الـ CMA من عام 2007 وحتي عام 2009 كان 56 % ودا تقرير رسمي طالع من IMA المعهد نفسة

أي أنها ليست هينة ومحافظه علي مكاناه بسوق العمل ليست مثل الـ ICDL اللي أي حد دلوقتي ممكن ياخدها دا بس عل ي سبيل المثال ...

بس عايزة صبر ومجهود وتستاهل بصراحة ... ومش غالية زي ما كنا فاكرين والله لو الواحد تعب وإجتهد Self Study ان شاء الله هتكلفة 4000 ريال فقط رسوم تسجيل وعضوية ورسوم إمتحان ... واعتقد ان العائد بتاعها كبير

أنا أعرف شركات كتير بتحتاج الحاصيلين ع الـ CMA مطلوبة كتير جدا جدا جدا جدا جدا

طبعا ً من خلال عضويتك بمعهد المحاسبين الإداريين بأمريكا فانته في أي وقت ممكن تطلع علي كل التحديثات اللي بتحصل والمواد الجديدة ياعني لما تخلص الشهاده خلاص مفيش مانع انك تخليك ACtive member في المعهد مقابل 195 دولار سنويا لأن هتستطيع الإطلاع زي ما قولت ع كل الجديد وكل ما يخص الشهادة دي .. ومش هتنسي اللي انته ذاكرتة وتكون Active member

عماد إحنا مش هنذاكر بقا ولا اية ؟؟؟ وهنذاكر إزاي ومنين ؟؟

سبق وان قلت أن هناك عده كتب متنوعة منها هوك ومنها جليم ومنها الـ IMA "المعهد" ...

وسبق أيضا ًَ ان إتفقنا علي ان تكون المذاكر الأساسية من كتب هوك .. لعده أسباب وهي :-

1- سهولة وسلاسة في اللغة " بمعني اللي مستواه نص نص في الإنجليزي هيقدر بإذن الله يذاكر وهوه مطن وهيفهم بسرعة "

2- شرحة متعمق جدا ً " بمعني هتستفيد كم أكبر من المعلومات وهتفيدك ع المتسوي المهني "

عيبة الوحيد أسئلتة قليلة جدا

طبعا ً حتي الأن لم يصل كتاب هوك ...

انتظروا الحلقة الثالثة

[عماد حمدي]

الحلقة الثالثة

للمساعده في مذاكرة CMA بنظام SELF STUDY

دا رابط ل 6 قواميس فيها أكتر من 2000 كلمة ومصطلحات الـ CMA و CPA + برنامج عبارة عن قاموس مختصر لكافة مصطلحات CMA

Links to Download Sites containing COPYRIGHTED or OFFENSIVE MATERIALS may be removed by the moderation team!

[عماد حمدي]

كدة عرفنا الأتي علشان بس منتوهش وهنقف وقفة كل 3 حلقات :-

- عرفنا ياعني اية CMA

- عرفنا مزايا الحصول عليها

- عرفنا محتويات النظام الجديد ونظام الإمتحان

- عرفنا مصروفات الحصول عليها للنظام الجديد

- عرفنا نبذه عن كتب الشرح الموجوده في السوق وهنذاكر من اي كتاب بالظبط

- عرفنا اية الإحتمالات لأي شخص إمتحن في النظام القديم وعايز يحول ع الجديد

- عرفنا الرواتب الخاصة بحاملي CMA

- عرفنا متوسط المدة الخاصة بدراسة الـ CMA النظام الجديد

- عرفنا متوسط نسبة النجاح من عام 2007 وحتي عام 2009 وفق التقرير من IMA

وأخيرا ً وليس بأخر

- الخطوة الأولي في المذاكرة وهي قاموس فيه كلة المصطلحات والمفاهيم مترجمة بالعربية

وشوفنا شكل الشهادة

الحلقة الجاية هتكون خاصة بالماتريال بتاعتها وعايزكم تنزلوها أول بأول وتتابعوا ان شاء الله كل جديد

في الفاصل دا اي حد عنده أي إستفسار يتفضل .. في خلال يوم بالظبط مفيش إستفسارات هخش علي الحلقة الجديدة

في رعاية وحفظ الله

دعوتاكم بتيسير الأمور

عماد حمدي

تم تعديل 17 مارس 2010 بواسطة omda2006

[عماد حمدي]

لا إله إلا الله سبحانك إني كنت من الظالمين

أستغفر الله وأتوب إليه

سبحان الله وبحمده سبحان الله العظيم

تم تعديل 18 مارس 2010 بواسطة omda2006

[المخنوق دائما]

:rolleyes: مبادرة زى الفل

وإحنا معاك ياريس

بس انا كان فية سؤال محيرنى

يعنى المحاسب اللى بيبقى معاه cma بيشتغل فى إية بالظبط فى الشركة ؟؟؟

يعنى دورة بيبقى ايه؟؟ وعاوزين أمثلة عملية الله يكرمك

ومين أحسن رئيس حسابات كفء أم محاسب حاصل على cma ؟ ولماذا؟؟

[عماد حمدي]

:rolleyes: مبادرة زى الفل

وإحنا معاك ياريس

بس انا كان فية سؤال محيرنى

يعنى المحاسب اللى بيبقى معاه cma بيشتغل فى إية بالظبط فى الشركة ؟؟؟

يعنى دورة بيبقى ايه؟؟ وعاوزين أمثلة عملية الله يكرمك

ومين أحسن رئيس حسابات كفء أم محاسب حاصل على cma ؟ ولماذا؟؟

الجواب :

بسم الله والصلاه والسلام علي سيدنا محمد صلي الله عليه وسلم

بص يا زعيم

wst::هنقولها في نقاط محددة ...

- CMA ياعني محاسب إداري معتمد هتنقلك من مجال المحاسبة المالية الي مجال المحاسبة الإدارية

- الفرق اية يا عمدة هقولك يا سيدي .. صلي ع الحبيب المصطفي

( المحاسبة الماليه تعتمد على بيانات تاريخيه ياعني هتعمل قيود وترحل قيود وميزان مراجعة وحسابات ختامية وغيرها من اللي بنقوم بيها كمحاسبين الأن و المحاسبة الإداريه تعتمد على بيانات مخططه بيانات مقدره وبيانات فعلية ومقارنتها وتستخدم البيانات التاريخيه كإسترشاد ياعني بيانات موجوده فعليا ً قام بها المحاسب المالي قبل كدة وسيادتك بتاخدها وتقارنها بنتايج تانية وتتخذ قرار )

- المحاسبة الإداريه هي بمثابة نظام معلومات يخدم الإدارة بصفة أساسيه في إتخاذ قراراتها بل وترشيد تلك القرارات تقوم على خدمة أقسام المنشأه المختلفه . بعكس طبعا ً المحاسبة المالية دي بتخدم مستخدمين خارج الشركة بتاعتك تتعامل مع بنوك ومقرضين ووو زي اللي إحنا شغالينها حاليا ً ..

هل انتة كمحاسب مالي تقدر تاخد قرار بالطبع لأ ؟؟ ودي بقا ميزة المحاسبة الإدارية

- هتساعدك في الإختيار الصحيح ما بين البدائل ودراسة بعض القرارات مثل قرار التصنيع أو الشراء وقرار التأجير التمويلي أم الشراء بالقسط أم الشراء الكاش وكذلك قرارات إضافة طاقة جديده .. ودا طبعا ً مش هتلاقيه في شركات نونو wst:: او متوسطة فهتلاقي بالطبع ميزة تانية بالتبعية وهي إنها هتنقلك من شركة متوسطة الي شركات كبيرة .. وع فكرة الشركات الأجنبية والشركات الكبيرة سواء في مصر أو خارجها بتحتاج المحاسب اللي حاصل علي الزمالة لسبب بسيط جدا جدا

لانها دراسة مهنية .. وليست أكاديمية ( بتاعت الكلية حشو كتب ) .. فحتي لو مش عندك خبرة ومع الزمالة بالطبع هتكون مؤهل مهنيا ً وهتوفر عليك 10 سنوات خبرة ( 10 سنوات دي من موقع IMA ) بالإضافة إلي زيادة المعرفة العلمية في مجالات متعددة (الإدارة والمحاسبة المالية ومحاسبة التكاليف والاقتصاد والتمويل، ... الخ)

وهتحس بالفرق مع إجتيازك أول جزء وثقة أكبر تدفك إلي المزيد

دي كانت مقدمة بسيطة عن المحاسبة المالية والإدارية ودور المحاسبة الإدارية في الشركات ..

المخنوق دائما دلوقتي هيقول :blink: اية يا عماد بلاش لف ودوران أنا مفهمتش حاجة .. هقولة إنا الله مع الصابرين wst::

انتة كمحاسب إداري معتمد هتعمل اية في الشركة دورك اية ؟؟؟

إتخاذ قرار ما أو حتى مساعدة الإدارة في إتخاذ قرار ما مثل التوسع أو قرارات الشراء أو الصنع أو قرار إضافة طاقة جديده أو غلق أحد الأقسام ياعني قرارات إدارية ..

جمع البيانات الماليه وغير الماليه

تبويب تلك البيانات وتلخيصها

إعداد التقارير الماليه التقديريه مثل قائمة الدخل المخططه أو التقديريه أو الميزانيه التقديريه وكذلك قائمة التدفقات النقدية المقدره

إعداد القوائم الفتريه

ياعني يا زعيم دي غير المحاسبة المالية خاااااااااااالص .. هتدرس إقتصادر إدارة تكاليف ... الخ

أنته تسأل عن ما هو أفضل محاسب إداري CMA أم رئيس حسابات كفء ؟؟

أسيبك أنته تستنج النتيجة

في رعاية وحفظ الله

تم تعديل 18 مارس 2010 بواسطة omda2006

[بيبو كندا]

:rolleyes: مبادرة زى الفل

وإحنا معاك ياريس

بس انا كان فية سؤال محيرنى

يعنى المحاسب اللى بيبقى معاه cma بيشتغل فى إية بالظبط فى الشركة ؟؟؟

يعنى دورة بيبقى ايه؟؟ وعاوزين أمثلة عملية الله يكرمك

ومين أحسن رئيس حسابات كفء أم محاسب حاصل على cma ؟ ولماذا؟؟

سيبلى انا الطلعه دى

بص ال CMA دى شهاده بتخليك تفكر بطريقة تانية خالص

يعنى انا هقولك حالتى

انا محاسب شاطر جدا و اعرف كل حاجة ( ممكن تقول عليا كده ) ده قبل المذاكرة

ده كانت فكرتى عن نقسى قبل ما احد الجزء التانى من ال سى ام ايه القديمة

و بعد ما ذاكرت عرفت الحقيقة

انا كنت جاهل و بعد كده بقيت افهم شوية

حتى طريقة التفكير اختلفت 180 درجة

بزمتك فهمت حاجة ( غذا كنت انا مش فاهم لحد دلوقتى )

سؤالى ليك يا عمده

انا عايز ورق رسمى بيقول اللى معدى البارت 2 نظام قديم اصلى انا عديتة ممكن يذاكر البارت التانى على طول فى النظام الجديد ؟

تانى حاجة الامتحان هيكون قبل 31/12/2010

سؤالين رخمين صح

مش بقول

[lovelyramy]

جزاك الله كل خير يا اخ عمده

وفعلا كل المعلومات اللى انت قولتها قيمه جدااا ووضحت كل شىء للناس

بس يبقى شىء واحد وهو ان اللى عايز يدرس السي ام ايه بنفسه محتاج اراده كبيره جدااا

الموضوع مش مستحيل ولكن صعب شويه لكنها بتعتبر استثمار للمستقبل خصوصا للناس اللى دخولها الماديه بسيطه ولاتستطيع عمل مشروع او اى فكره تزيد من دخلهم لان اللى بيحصل على السي ام ايه بيدخل مباشره فى فئه الرواتب الكبيره سواء داخل او خارج مصر

مثلا السي ام ايه تسهل ليك جدا العمل فى مكاتب المحاسبه الكبيره مثل حازم حسن براتب يبدأ من 5000 جنيه فيما فوق حسب سنوات الخبره وكذلك شركات القريه الذكيه

كمان عند السفر للخارج الراتب طبعا بيتضاعف

بصراحه الشهاده دى تستحق ان الواحد يتعب فيها بس اهم حاجه هى الاراده

تم تعديل 18 مارس 2010 بواسطة lovelyramy

[عماد حمدي]

سؤالى ليك يا عمده

انا عايز ورق رسمى بيقول اللى معدى البارت 2 نظام قديم اصلى انا عديتة ممكن يذاكر البارت التانى على طول فى النظام الجديد ؟

تانى حاجة الامتحان هيكون قبل 31/12/2010

سؤالين رخمين صح

مش بقول

سبقتك انا وطلعت قبلك :blink: wst::

ولا رخمين ولا حاجة ياريت كل أسئلتك تكون كدة wst::

بص يا حبيبي نصلي ع النبي الأول إتفقنا ..

انته بتقول انك إمتحنت بارت إتنين نظام قديم ونجخت فيه نقولك الأول ألف مبروووووووووك وخد دي :rolleyes:

كدا قدامك إحتمالين أتنين ملهومش تالت :

الأول : أنك تمتحن الجزء الثالث قديم كمان في النظام القديم وأخر فرصة ليك هتكون ديسمبر 2010 وهتمتحن إختبار اسمة Transition Exam دا تبع النظام الجديد أسئلة مقالية ( تجمع الأجزاء الأربعة ) .. ودا انا مش بحبزة بصراحة

الثاني : أنك تحول ع النظام الجديد وتمتحن الجزء الثاني فقط من النظام الجديد ولو محولتش خلال المدة دي اللي هيا ديسمبر 2010 هتحول اوتماتيكيا ً ع النظام الجديد وبرده هتمحتن بس الجزء الثاني فقط لا غير ...

الدليل ع كلامي من موقع IMA معهد المحاسبين الإداريين بأمريكا

دا رد مقتبس منهم مباشرة

Candidates enrolled in the current four-part program must complete any remaining exam parts by December 31, 2010 or transfer to the new CMA program. Alternately, candidates who have passed Parts 2 and 3 of the current CMA program may choose to take Transition Part T to earn their CMA certificate. Part T is two hours in length, and consists of four 30-minute scenarios and related questions that will test the subject matter outlined in Parts 1 and 2 of the new program content specification outline. Testing for Part T will also begin on May 1 in accordance with the same testing window schedule. (See Frequently Asked Questions for more details).

ودا الرابط للتأكد من صحة كلامي

http://www.imanet.org/newsletter/article.a...22&AID=1776

ودا رابط أهم وأهم وفية إجابة مباشرة ع سؤال من حيث أنك إمتحنت بارت 2 نظام قديم يبقي تمتحن بارت 2 نظام جديد فقط لا غير

http://www.imanet.org/pdf/FAQ_Final_11-13.pdf

انظر الصفحة رقم 9

وبإنتظار باقي الإستفسارات

دعواتكم

[doha]

اولا بحييك على المداخله الي شرحت فيها الفرق مابين المحاسب العادي والاداري . عن نفسي استفدت منها جدا

وعندي استفسار ..

دلوقت لو شخص نوى ياخذ الشهاده دي يعمل حسابه يفرغ نفسه مده قد ايه ؟ يعني تقريبا سنة كافية جدا لاخذها ولا ممكن ( تفتح ) في مده اكتر ؟

وسؤال اهم . .

دلوقت لو شخص ذاكر مع نفسه وخلص الاجزاء المؤهله للامتحان بيروح كده في اي وقت يبقى جاهز فيه ويمتحن ولا بيبقى في مواعيد ثابته للاختبارات ؟

سؤال بقى ثالث بعد اذنكم ..

ايه الميزه لو الواحد ذاكر لوحده او انه التحق بمعهد تدريبي .. على فرض ان شخص عنده القدرة على المذاكرة لوحده فهل يبقى تضييع وقت لو التحق بمعهد ولا فعلا ممكن الكورسات في الامور دي تفيد ؟

سؤال رابع بقى مدام الاسئلة ببلاش ..

هل لو شخص اخذ جزء وحصلت له ظروف وحب يأجل دراسة الجزء الباقي فقدامه حد اقصى مده قد ايه ؟ يعني من الآخر لازم يخلص كل الاجزاء في قد ايه ؟

جاوبوا في دول لغايه مارجع لكم :wub:

[عماد حمدي]

ها اخر فرصة مفيش أي إستفسارات ؟؟

هنخش في المعمعة دلوقتي ;) دا لسة بدري أوي :)

يالا أنكش الكموخة كدة ومخمخ في سؤال ;) :ninja:

طيب هشرب البيبس دا pps: ع ما حد يسأل

المشوار لسة طويل .. tot::

:wub:

عماد حمدي

omda2006

EMAD HAMDY سابقا ً

تم تعديل 18 مارس 2010 بواسطة omda2006

[ابو حودة]

أنا كمان نجحت في بارت 2 القديم

اللي هو بارت وان الجديد

وان شاء الله هادخل بارت 2 الجديد

في شهر مايو

بس ي

اريت لو حد عنده الماتيريال

وشكرا

ياريت نتواصل

[عماد حمدي]

اولا بحييك على المداخله الي شرحت فيها الفرق مابين المحاسب العادي والاداري . عن نفسي استفدت منها جدا

وعندي استفسار ..

سؤال 1 - دلوقت لو شخص نوى ياخذ الشهاده دي يعمل حسابه يفرغ نفسه مده قد ايه ؟ يعني تقريبا سنة كافية جدا لاخذها ولا ممكن ( تفتح ) في مده اكتر ؟

وسؤال اهم . .

سؤال 2 - دلوقت لو شخص ذاكر مع نفسه وخلص الاجزاء المؤهله للامتحان بيروح كده في اي وقت يبقى جاهز فيه ويمتحن ولا بيبقى في مواعيد ثابته للاختبارات ؟

سؤال 3 - ايه الميزه لو الواحد ذاكر لوحده او انه التحق بمعهد تدريبي .. على فرض ان شخص عنده القدرة على المذاكرة لوحده فهل يبقى تضييع وقت لو التحق بمعهد ولا فعلا ممكن الكورسات في الامور دي تفيد ؟

سؤال 4 - هل لو شخص اخذ جزء وحصلت له ظروف وحب يأجل دراسة الجزء الباقي فقدامه حد اقصى مده قد ايه ؟ يعني من الآخر لازم يخلص كل الاجزاء في قد ايه ؟

جاوبوا في دول لغايه مارجع لكم ;)

تحت أمرك يا DOHA

بسم الله والصلاه والسلام ع أشرف الخلق سيدنا محمد صلي الله عليه وسلم

جواب رقم 1 : بالنسبة لمده المذاكر طبعا ً وكلنا متفقين إنها تختلف من شخص إلي آخر .. ياعني واحد ممكن يخلصها في 6 شهور وواحد تاني ممكن سنة .... وهكذا

عارف عارف عارف يا Doha زمانك دلوقتي بتشدي في شعرك md2:.. فاهم والله بصي بناء ع تقدير بعض الأساتذه في الجامعة الأمريكية بخصوص المدة المقترحة لدراسة الـ CMA فقالوا ان كل جزء هياخد دراسة 5 شهور ... طبعا ً اللي هيحدد المدة دي عده عوامل أهما التالي :-

1-قوة اللغة الإنجليزية بتاعتك بمعني لو الإنجليزي بتاعك تمام فهتنجزي جامد

2-قدرة إستيعابك للمعلومة وربط العناصر ببعض

3تذاكري وعقلك صافي بمعني ساعة وحدة بمزاج رايق أفضل من 5 بمزاج نص نص وجسم مرهق

4-أنصح بحاجة مهمة وهيا ( قراءة كتب الكلية تاني بالعربي ع السريع كدة وخاصة الإدارة المالية والإقتصاد الكلي والجزي وكتب المراجعة ) هتساعدك كتير وانتي بتذاكري الـ CMA بمعني إستيعابك للمعلومة هيكون أسرع وهيكون أسرع وأسرع لو لديكي القدرة علي حفظ المصطلحات المحاسبية باللغة الإنجليزي بسرعة

ياعني أنا شايف ومن ع بعض المنتديات المتخصصة الفترة المعقولة لدراسة الجزء الأول وفق النظام الجديد لشخص مستوي الإنجليزي متوسط هتكون في حدود 6 : 8 شهور ... دا رأي الأغلبية

جواب رقم 2 : دي المواعيد الثابتة للامتحانات

يناير وفبراير

مايو ويونيه

سبتمبر وأكتوبر

وفي النظام الجديد مينفعش تمتحن جزء قبل جزء زي ما كان بيحصل في النظام القديم .. دلوقتي لازم الجزء الأول وبعد كدة الجزء الثاني ..

وكمان حاجة علشان مش أنسي .. سيعقد أول إمتحان خاص بالنظام الجديد بداية من شهر مايو 2010 إن شاء الله

جواب رقم 3 : طبعا ً المراكز أفضل هتسهل عليكي مجهود كبير ولو حاجة انتي مش فهماها ممكن تسألي مرة واتنين وتلاتة .. الملخص هتوفر عليكي وقت ومجهود .. وع فكرة . .. فكرة ممتازة ان الواحد يبدأ الأول SELF STUDY وبعد كدة لو مش واثق من نفسة أوي أو نقدر نقول عايز يأكد ع مذاكرتة دي مفيش مانع انه يلتحق بمركز تدريبي ويسمع المعلومة مرة تانية بطريقة مختلفة .. والمعاهد هتقولك مثلا ً ركزي علي دي .. لا دي مهمة .. لا دي مش عارف اية وهكذا ..

وبكدة نقدر نقول ان التكرار بيعلم الشّطـــار ... وانا أرجح هذه الطريقة من وجهة نظري 100 % :)

جواب رقم 4 : إجابتة مقتبسة من موقع IMA

 How long will I have to complete the new CMA program?

Candidates must complete the new CMA program within three years from the date

of entry into the program

-_- mfb: :) .

تم بحمد الله تعالــــــــي

Omda2006

EMAD HAMDY

تم تعديل 18 مارس 2010 بواسطة omda2006

[عماد حمدي]

أنا كمان نجحت في بارت 2 القديم

اللي هو بارت وان الجديد

وان شاء الله هادخل بارت 2 الجديد

في شهر مايو

بس ي

اريت لو حد عنده الماتيريال

وشكرا

ياريت نتواصل

بلاش إستعجال عشان خاطري mfb: بكرة الصبح هتلاقي كل اللي انته عايزة -_-

الفاصل دا للإستفسارات فقط .. رجاء الإلتزام علشان نحافظ ع شكل الموضوع يا أبو حوده ولا انته علشان نجحت بقا جاي تغيظنا :)

تقبل مروري يا جميل

في رعاية الله وحفظة

omda2006

[عماد حمدي]

الحلقة الرابعة

1- درجة الإمتحان هتكون من 500 والنجاح من 360

النظام القديم كان من 700 والنجاح من 500

2- محتويات الجزئين ونسبة كل منهما وطريقة توزيعها في الإمتحان :

الجزء الأول هيتكلم عن التخطيط المالي

1- التخطيط والميزانيات والتنبؤ بها 30%

2- ادارة الاداء والمراقبة 25%

3- التكاليف الادارية 25%

4- الرقابة المراجعة الداخلية 15%

5- الاخلاقيات المهنية 5%

النسب دي بمعني ان كمثال ( ادارة الأداء والمراقبة ) هتيجي في الإمتحان بنسبة 25 %

الجزء الثاني هيتكلم عن اتخاذ القرارات المالية

1- تحليل القوائم المالية 25%

2- الشركات المالية 25%

3- تحليل وادارة المخاطر 25%

4- القرارات الاستثمارية 20%

5- الاخلاقيات المهنية 5%

3- طريقة الإمتحان ؟

الأمتحان يكون على جهاز الكمبيوتر فكل طالب يكون أمامة جهاز كمبيوتر في لجنة الأمتحان والأسئلة أمامة متنوعه والنتيجة فورية أي بمجرد ما ينتهي الطالب من أداء الأمتحان يظهر فورا نجاحة أو رسوبة .

4- أين يؤدي الإمتحان ؟

يؤدى الأمتحان في أي مركز من مراكز الأمتحانات المعتمدة من الجمعية في كل دولة

5- ما هي الأماكن المعتمدة لعقد دورات الإعداد للشهادة ؟ DOHA :)

في مصر :

الأكاديمية العربية للعلوم والتكنولوجيا

القاهرة – الأسكندرية

_________________

AUC الجامعه الأمريكية -

IMA مركز الإدارة - نظام تعليم

القاهرة - 28 ش الفلكي - باب اللوق - التحرير

7976853 - 7976035 - 7976844ت /

فاكس : 7976858

فرع مصر الجديدة

2 شارع الخليفة الهادي متفرع من الامام على - ميدان الاسماعيلية – مصر الجديدة

ت / 4169600-4169601-4169602

2908190 فاكس -

التسجيل يوميا من 9 ص : 5.30 مساءا عدا الجمعه والسبت

موقع التعليم

HTTP://WWW.AUCEGYPT.EDU/CONTED/MANCE...MA_CPA_CFA.HTM

موقع المدرسين وعناوينهم الألكترونية

http://www.aucegypt.edu/CONTED/MANCENTER/CONTACTUS.HTM

_______________

الغرفة التجارية الامريكية

AMERICAN CHAMBER OF COMMERCE IN EGYPT

HTTP://WWW.AMCHAM.ORG.EG

E-MAIL : CPE@AMCHAM.ORG.EG

القاهرة – الدقي

_________________

ARADO المنظمة العربية للتنمية الإدارية

وتأسست عام 1961 كأحد منظمات جامعة الدول العربية

HTTP://WWW.ARADO.ORG.EG

E-MAIL : RANA@PDCU-ARADO.COM

القاهرة - مصر الجديدة

_________________

SCADA (ACCOUNTING HOUSE )- مركز سكادا بالتعاون مع نقابة التجاريين

د/محي الباجوري

الفروع : القاهرة – الإسكندرية - المنصورة

القاهرة – 35 عمارات العبور - طريق صلاح سالم – أسفل كوبري الفنجري – الدور 11 – مدينة نصر

HTTP://AHSCADA.ORG

MOHY@ AHSCADA.ORG

1016448872- 022622173 – 022622168ت /

الإسكندرية - كلية التجارة - جامعة إسكندرية

0124059666 - 034865655 – 034851600ت /

المنصورة – جامعة المنصورة – مركز الدراسات المالية والمصرفية

- 0105030092 0502265272ت /

يوم الأربعاء فقط

_________________

IPA CENTER - طارق عزب

الفروع : شارع محي الدين أبو العز / المهندسين – مصر الجديدة - المعادي

HTTP://WWW.IPAORG.COM

IPAREG @IPAORG.COM

_________________

المجموعه الدولية

الفروع : الجيزة – المنصورة – الزقازيق

ت / 0161127733-0161127744-0161127755-0161465844-0161465847-0122368792

WWW.IGTA.NET/CMA.HTM

_________________

IPA معهد المحاسبين المحترفين

الفروع

الإسكندرية – 0100771604

0663242622 -0164101500 بورسعيد -

القاهرة - مصر الجديدة - 0100771609 - 0226237522

0100771607 – 0233389039القاهرة - المهندسين -

القاهرة - المعادى - 0100771608 -0223590441

_________________

YAAK معهد يااك

يخفض (50%) من قيمة رسوم الإعداد للشهادة بالإشتراك مع هيئة تحديث الصناعه المصربة

القاهرة

_________________

PEOPLE DEVELOPMENT

القاهرة – كورنيش المعادي

HTTP://WWW.PD-EICG.COM

E-MAIL : PD@ PD-EICG.COM

6- طيب إية تكلفة الدراسة في الجامعة الأمريكية وال Arado للنظام الجديد ؟

ARADO هيبدأ من تاريخ 26 إبريل 2010

البارت الأول = 3800 جنية عدد المحاضرات 36 محاضرة

البارت الثاني = 4200 جنية عدد المحاضرات 40 محاضرة

الجامعة الأمريكية .. ستبدا من بداية شهر مايو

البارت الأول = 4700 جنية ( 5 شهور )

البارت الثاني = 5200 جنية ( 5 شهور )

أين أحصل ع الكتب والسديهات والمراجع ؟؟

بفضل الله تعالي سيتم توفيرها هنا مجانا لكن مفيش غير مكان واحد بس في مصر :-

Scada

العنوان

Cairo

Accounting House SCADA 35 el obor buldings Salah Salem St. Naser City

Tel:002(02-2622168)

Fax:002(02-2622173)

E-Mail : mohy@ahscada.org

35 عمارات العبور - صلاح سالم - مدينة نصر

الأخوه في السعودية " معاهد تدريس الـ CMA المعتمدة " ؟

الرياض

معهد كوادر التنمية

هاتف / 2196888 - تحويلة 30

المباشر / 2193366

E-MAIL : DRATTAYA@KAWADER.EDU.SA

_________________

الرياض

مركز المحاسبة التقنية

TECHNICAL ACCOUNTANCY

MORGAN INTERNATIONAL OFFSHORE الممثل الوحيد لمجموعة

حي صلاح الدين - طريق الملك عبد العزيز شمال – بعد فندق صلاح الدين ب (3) عمائر على اليمين

مقابل مسجد الميداني (مسجد رفيق الحريري) – عمارة أحمد البلوي – الدور الأول – مدخل الأفراد – مكتب (3)

ت / 4501682-4553113

فاكس / 4700933

E-MAIL : TA-RUH@AWALNET.NET.SA

ص . ب / 9 - الرياض 11411

المواعيد من 9ص : 2 م

ومن 3 م : 9 م

فرع جدة 6632470-6644635 - 02

فرع الدمام 8322130-8328506 -03

_________________

الرياض

جمعية التجاريين المصريين

ت / 4136061

WWW.TOJAREEN.COM/FORM2.PHP

مواعيد العمل : من 8 : 12 مساءا

الأشتراك السنوي 100 ريال

شرط الأشتراك : أن تكون مصري

______________

جدة

المركز الإداري والمالي للتدريب

مركز باغفار التجاري (إبن الأعلم التجاري) – شارع الستين – الدور الأول

ت / 6529278 -6529126 -6532495 -02

فاكس / 1275653

ص .ب / 11592 – المز البريدي / 21463

WWW.FIN.COM.SA

________________

جدة

معهد بيكر

الدور الأول – الخليج بلازا – بعد مسجد الملك سعود على اليمين – طريق المدينة الطالع

_________________

جدة

مركز المشرق للعلوم والتكنولوجيا

الدور الثاني – مركز الشعلة التجاري – طريق المدينة الطالع

________________

المدينة المنورة

SCADA مجموعة التميز بالتعاون مع

مجمع الاوية التجاري و الإداري – الدور (10) – مكتب (1008)

ص . ب / 5218

مباشر 8256007

8223435 - تحويلة 333 أو 666 سنترال

0509334219 جوال

فاكس - 8221411

-_- mfb: :)

إنتظروا الحلقة الخامسة قريبا ًَ

كتاب جليم الجزء الأول النظام الجديد

كتاب المعهد IMA النظام الجديد

تم بحمد الله تعالي ,,

Omda2006

Emad Hamdy

تم تعديل 18 مارس 2010 بواسطة omda2006

[محمد افندى]

تم بحمد الله تعالي ,,

Omda2006

Emad Hamdy

يا ابن الاية يا عماد

بقى انت بقى عماد حمدى

والله عمال اقول يا واد يا محمد افندى دة شكلة عماد حمدى بتاع الكفيل والاقامة والحوار الكبير بصراحة من اخونا سى السيد والاخت ضحى

طلعت فى الاخر عماد حمدى ( فى حد برفض شغل فى استراحة يا عمدة دة احنا عندنا فى جدة الاستراحات دى الناس بتحب تشتغل فيها من غير رواتب حتى .

خلاص كدة عرفتك اوعى شوية كدة كدة تطلعلى من ابو ظبى فى دور فريد شوقى -_-

بس بجد مشكور على الشغل الحلو اللى انت عاملة فى cma

خلى بالك انت اللى معطلنى انا عاوز ابدا مذاكرة

فين كتاب الهوك ؟

[عماد حمدي]

يا ابن الاية يا عماد

بقى انت بقى عماد حمدى

والله عمال اقول يا واد يا محمد افندى دة شكلة عماد حمدى بتاع الكفيل والاقامة والحوار الكبير بصراحة من اخونا سى السيد والاخت ضحى

طلعت فى الاخر عماد حمدى ( فى حد برفض شغل فى استراحة يا عمدة دة احنا عندنا فى جدة الاستراحات دى الناس بتحب تشتغل فيها من غير رواتب حتى .

خلاص كدة عرفتك اوعى شوية كدة كدة تطلعلى من ابو ظبى فى دور فريد شوقى :)

بس بجد مشكور على الشغل الحلو اللى انت عاملة فى cma

خلى بالك انت اللى معطلنى انا عاوز ابدا مذاكرة

فين كتاب الهوك ؟

ههههههههههههههههههه انا قولت أتخفي واتحول بقا واطلع في دور العمدة .. شوية كدة وعمنا سي السيد يغيرلي النيك نيم فاتن حمامة ;) وأكلمك من الدمام !!

ابوظبي دي تمويه ههههههههههههه :) لا ياعم بهزر هههههههههه -_-

وبعدين ياعم بالله عليك متفكرنيش بالذي مضي انا مصدقت نسيت mfb:

أصبر أصبر والله هوك لسة منزلش ومش لاقيه خالص قريب اوي هيكون موجود

تابع انته بس معانا

md2:

تم تعديل 18 مارس 2010 بواسطة omda2006