CMA® Certified Management Accountant النظام الجديد مراجع كتب أسئلة إستفسارات وغيرها متجدد

[عماد حمدي]

ابو خالد ..

جواب 1 : حضرتك تذاكر عادي جدا ً ووقت ما تحس انك هضمت المذاكرة وكل حاجة ممكن تسجل وتبدأ بحجز الإمتحان عادي جدا ً

جواب 2 : الإمتحان ملوش دعوة بالمكان وينفع تمتحن بارت في السعودية وبارت في مصر .. لان المعهد بيعطيك رقم عضوية IMA MEMBER Number دا ممكن تمتحن بيه في أي مكان معتمد لديهم .. فإطمئن

جواب 3 : الفرق بين التسجيل والإشتراك ؟؟

التسجيل يدفع لأول مرة فقط للحصول علي رقم عضوية في الـ IMA

اما الإشتراك فدا إشتراك بيدفع سنويا ً للمعهد علشان تبقي Active Member فقط

بمعني انك سجلت وامتحنت بارت وان في خلال سنة والعضوية بتاعتك وقفت في المعهد وانتة لسة مخلصتش الـ CMA فهضطتر تدفع إشتراك سنوي تاني علشان تكون ACTIVE وتقدر تخش البارت الثاني ..

بس لو انتة خلصت الـ CMA في خلال سنة فعادي ممكن متدفعش إشتراك بعد كدة .. بس فية ناس بعد ما بتاخد الـ CMA بيدفعوا كل سنة 190 دولار علشان يبقوا ACTIVE MEMBER والأسامي بتاعتهم تظهر في الائحة بتاعت المعهد + انك بتديك صلاحية الإطلاع ع كل ما هو جديد في الـ CMA من مواد وتعديلات .. والمعهد بيرسل ليك كل شهر مجلة خاصة بيه ..

جواب 4 : هوه فيه حل بس هيتعبك شويتين ..

خد مثلأ ( كوبي باست ) من نسخة هوك وحطها ع برنامج الوورد وبعدين تطبعها .. كل يوم 3 او 4 ورقات اللي انته هتذاكرهم أنسخ من النسخة دي والصق في برنامج الوورد واطبعهم .. مش كلة مرة واحده علشان متتعبش .. بس النسخة ع فكرة طباعتها كويسة جدا ً ممكن يكون فية مشكلة في الطباعة عندك

بالنسبة للجدال حول أسئلة ESSAY في المشاركة الجاية ان شاء الله

أخوك

عمــ omda2006 ـــاد

[doha]

ربنا يكرمك يااستاذ عماد بجد انت كده بقيت الاب الروحي للشهاده دي ولو حد اخذها بسبب الموضوع ده يبقى باذن الله لك فيها ثواب كبير اوي ..

لي ملاحظه بس صغيره بعد اذنك في الحته دي :

خد مثلأ ( كوبي باست ) من نسخة هوك وحطها ع برنامج الوورد وبعدين تطبعها .. كل يوم 3 او 4 ورقات اللي انته هتذاكرهم أنسخ من النسخة دي والصق في برنامج الوورد واطبعهم .. مش كلة مرة واحده علشان متتعبش .. بس النسخة ع فكرة طباعتها كويسة جدا ً ممكن يكون فية مشكلة في الطباعة عندك

اعتقد الفكره دي مش هتنفع لان الكوبي وبيست احيانا بتنسخ غلط .. جربت اخذ كوبي وبيست من جمل او نصوص كاملة بتطلع فيها بعض الكلمات غلط او لاصقة في بعضها ..

اعتقد اسلم حل تعود نفسك تقرأ من شاشه الكمبيوتر وامرك الى الله والحكايه دي مش صعبه لو كان معاك لابتوب و شاشه ال سي دي ..

[عماد حمدي]

:lol:

في البداية .. كلام مدام DOHA منطقي ومظبوط وان كنت أختلف معها في بعض النقاط التي سردتها .. لكن كمجمل عام متفق معها ..

مصدر المعلومة الخاصة بأسئلة ESSAY

كان من المركز المصري الأمريكي .. وتطرق النقاش في المحاضرة عن التعريف بقوانين النظام الجديد إلي هذه النقطة ..

مدي صحة أو خطأ المعلومة ؟

في البداية لازم نعرف حاجة مهمة والكل لازم يعرفها ..

المعهد حينما طرح شهادة الـ CMA , لم يقل لنا عن مصدر معين للمذاكرة والحصول علي الشهادة .

واكتفي فقط بطرح المواد اللي المفروض الواحد يذاكرها ويكون ملم بيها وكذلك طريقة الإمتحان وتوزيع الدرجات ..

كمثال : انه حدد لنا كمثال موضوع التخطيط المالي ومراقبة الأداء .. فقط ومقالش هنذاكر منين ولا هنعمل اية

فطبعا ً ظهر معهد هوك وجليم لمساعده الطلاب وتوفير مواد علمية بتناقش المواد المطروحة من قبل الـ IMA

مثال توضيحي أكثر وأكثر :

رسالة الدكتوراه .. يقوم الطالب الذهاب الي المكتبات ويقوم بتجميع المراجع من هنا ومن هناك .

ويدخل علي النت بيعمل بحث ويجمع معلومات .. وبعد كدة بينسقها وبيحطها في ورق وبيطلع يناقش الرسالة دي ..

دا الحال بالظبط للـ CMA .. فالمعهد قال أن مفيش أي معايير ثابتة لنموذج الإجابة .. بس حدد لنا عناصر رئيسية لازم الإجابة تتطرق ليها

وقال انه هيختبر لسة النظام الجديد علي الطلاب ويشوف مين اللي إجابتة أفضل ,امثل ..

طبيعي ان المعهد عارف الإجابة كويس .. لكنه يريد فقط ان يختبر مدي فهم الناس وليس حفظهم ..

طبعا ً كلة ممكن يقلق من النقطة دي .. لكن دا شيء عادي .. وطبيعي كمثال انه جه سؤال مقالي ؟

والمفروض ان الإجابة تغطي 4 نقاط تمام بس المعهد عايز يشوف هل الناس اللي حلت ع مستوي العالم

غطتت فعلا ً في إجابتها النقاط دي ولا لا

فتلاقي مثلا ً نسبة من الناس غطت في إجابتها 2 وغيرك غطي 3 وغيرك غطي 4 المعهد عايز يقيس مستوي فهم الناس ..

وبعد كدة يقول خلاص اكتر إجابة وصلنا ليها من خلال فرزنا للإجابات ع مستوي العالم ان المفروض يغطي 4 نقاط ودي كانت النسبة الأكبر

من خلال فرزنا .. بعد كدا بقا اللي هيغطي أقل من 4 نقاط هتأثر علي درجته بالإمتحان ..

ياعني يا جماعة محدش يقلق .. طبعا ً زي ما قولت ان أحد الأعضاء حضر محاضرة في المركز المصري الأمريكي وقالهم كدة ..

Why was the decision made to retain written-response (essay) questions in the exam?

Written-response questions provide a comprehensive way to test some of the more advanced skills, such as the ability to evaluate a given set of data, make a judgment given alternative solutions, or justify a selected course of action. While these skills can be tested through the use of objective questions, the written-response questions more closely reflect live business situations where a written response would be expected

ودا كان رد معهد HOCK

The essays in the Part 4 exam are graded against a "standard"

answer and credit is given depending on how close your answer is to the standard answerThe standard answer includes all of the information that the ICMA believes is a complete answer to the question I expect that the new essays will be graded the same way,

although the ICMA has not explicitlyindicated if the process will be changing or not.

Regards,

Kevin Hock

HOCK international

ودا كان رد من المعهد IMA

The grader's have a “grading guide” where they record the points earned by each candidate. It is quite possible to get full points for a specific question. Each grader is assigned to grade

all the responses to a specified scenario (sometime a few hundred), but they compare each response to the grading guide, other responses and not some “perfect” answer

Robert Ewalt, CMA, CFM

Exam Development Manager

Institute of Certified Management Accountants

الملخص المفيد يا جماعية الخير ..

ان جه سؤال مقال . المفروض الإجابة تغطي 4 نقاط سيادتك غطيت 3 هتأثر علي الدرجة . سيادتك غطيت الـ 4 هتاخد الدرجة كاملة ..

بس المعهد مجرد انه عايز يشوف بس إجابات الناس وخلاص .. ياعني محدش يقلق ودا إختبار بس للنظام الجديد زي ما قولت

وأي حد بيذاكر من هوك وراجع IMA ان شاء الله هيغطي الإجابة المطلوبة منه كويس .

دا رابط للقوانين الخاصة بالنظام الجديد للـ CMA

http://www.imanet.org/pdf/FAQ_Final_11-13.pdf

ودا رابط لأكثر الأسئلة الشائعة بخصوص الـ CMA النظام الجديد

http://www.ipaorg.com/FAQ.aspx

ودا رباط مهم للإطلاع

http://linkupima.com/posts/040faba472

ودا البريد الإلكتروني للمعهد

ima@imanet.org

ودي بعض الأسئلة والإجابات المهمة .. موجوده بردة في الرابط لكن لذم التوضيح عن أهميتها هنا ..

Why was the decision made to retain written-response (essay) questions in the exam ?

Written-response questions provide a comprehensive way to test some of the more

advanced skills, such as the ability to evaluate a given set of data, make a

judgment given alternative solutions, or justify a selected course of action. While

these skills can be tested through the use of objective questions, the writtenresponse

questions more closely reflect live business situations where a written response would be expected

„ How will the essay questions be delivered and what kind of software will be used for the responses ?

The written-response questions will be delivered by computer at Prometric Testing

Centers in the same manner as the multiple-choice questions. For essay questions

that require a purely written answer, you will have a text box in which to type

your response. For some of the problems that require quantitative responses, we

are planning to include a spreadsheet tool in which to present your calculations

How will the essay questions be graded

The written-response essay questions will be graded by subject matter experts.

The questions will not be graded online and, therefore, you will not immediately

receive your grades

.

? Will partial credit be give

The graders do give partial credit. For example, if you are asked to give three

reasons why a selected alternative action is beneficial for a business and you

provide only two correct reasons, you will receive partial credit for these two

responses. Likewise, for questions requiring a calculated response, partial credit

will be given for a correct formula even though a mathematical error may have

been made in the final number.

Are candidates penalized for mistakes in grammar and spelling

Points will not be deducted for poor writing skills; however, your answer must be

clear enough for the grader to understand the intent of your response. If the

response cannot be understood or is contradicted later in your answer, credit will

not be given.

في النهاية ..

انا عرضت اللي أتقال من المركز المصري الأمريكي . واللي اتقال من المعهد .. واللي اتقال من هوك

هناك تضارب في الأقول وسبق اني قولت ان لسة الوضع غامض والرؤية هتوضح أكتر

لما يعقد أول إمتحان خاص بالنظام الجديد .. ودا ع شهر خمسة المفروض بس الأغلب الناس

هتخش في شهر أكتوبر .. لذا لزم التنويه علي ذلك ..

ع أي حال .. ودا الشيء الأكيد السؤال اللي إجابتة محتاحجة انك تغطي 4 نقاط لازم تغطي الأربعة نقاط غطيت أقل مش هتاخد الردجة كاملة ..

:lol:

أعتذر عن تأخيري في الردود الايام دي .. ونسألكم الدعاء ..

:lol:

أخوكم

omda2006

Emad Hamdy

[عماد حمدي]

أبو خالد ..

انا حاسس انك مشتت معانا أوي .. فياريت يا جميل تضيفني علي الإيميل وأنا تحت أمرك في أي حاجة تحتاجها

emadhamdy56@hotmail.com

ehngroup@yahoo.com

باقي الأعضاء .. مهم جداً جدا ً

بالمنسبة للمذاكرة فإحنا إتفقنا اننا هنبدأ نذاكر بداية من شهر مايو إن شاء الله ودا لأسباب وهي كالأتي :-

1- في خلال الفترة من هنا لأول مايو . نبدأ ننزل القاموس ونحفظ الكلمات والمصطلحات الخاصة بالـ CMA

2- الجامعة الأمريكية وارادو وأغلب المراكز هتبدأ لسة تشرح النظام الجديد مع أول شهر مايو

فنستني ع الأقل ان فيه اعضاء معانا هنا قالت أنهم هيحاولوا يجيبوا المحاضرات دي والدروس الصوتية بتاعتهم ونحطها هنا ان شاء الله ونذاكر .. فمنستعجلش .. فأي حد يعرف أي واحد حجز مع أي مركز ياريت ينسق معاه انه يديه المحاضرات والدروس الصوتية وكدة ويبعتلي الروابط ع الخاص زي ما اتفقنا قبل كدا ونبدأ ننزلهم هنا " وهحفظ حق الناشر طبعا ً " بس علشان تكون العملية أكثر تنظيما

3- برده في الفترة دي بجوار حفظك للمصطلحات ياريت بجد ان مثلا ً البارت الأول في النظام الجديد هيتكلم عن ..

التخطيط والميزانيات والتنبؤ بها

ادارة الاداء والمراقبة

التكاليف الادارية

الرقابة المراجعة الداخلية

الاخلاقيات المهنية

فلو نعرف نجيب كتب الكلية مثلا ً ونقرا بالعربي شوية معلومات عن الفصول الموضحة أعلاه يبقي كويس .. كتنشيط للذاكرة بس .. او تخش علي النت وتبحث مثلا ً عن أي مقالات أو أبحاث كمثال عن " التكاليف الإدارية " أو إدارة الأداء والمراقبة "

نقرا شوية بالعربي كدة ع الأقل لما نيجي نبدأ نذاكر هنكون عندنا حاجتين مهمين وهينجزوا معانا جدا وهما الأتي :-

أولا ً سيادتك حفظت المصطلحات اللي قولنا عليها

ثانيا ً عندك خلفية عن الفصول اللي هيتكلم عنها الجزء الأول بالعربي

فلما تيجي تبدأ تذاكر هتحس ان الموضوع سهل وان ذاكرتك هتساعدك كتير في إستيعاب المعلومة ..

دا رأي يا جماعة .. وبالنسبة لي انا بعمل كدا حاليا ً

أي حد لية رأي أخر يتفضل يقولة ونتناقش فية .. ومننساش أن المراكز أصلا ً لسة مبدئتش ودي علامة إستفهام ؟؟

قبل ما يجي شهر مايو .. وتكون الناس عملت اللي قولنا عليه .. هيكون نزل مثلا ً باقي كتاب HOCK ساعتها نمسك شابتر وان مثلا ً وواحد فينا يطلع يقول يا جماعة شابتر وان هيتكلم عن كذا وكذا وكذا ويقول مقترح انه هياخد قد ( كذا من الوقت للمذاكرة ) وواحد تاني يقول ( وقت مختلف ) ساعتها من خلال ردود الناس هنحدد الوقت المتوسط لمذاكرة ( شابتر وان ) ... ولازم نراعي ان مستوي فهم " عبيد " غير مستوي فهم وإستيعاب " زيد " .. بس هنقول متوسط وأسوء الإفتراضات والإحتمالات ...

ونحدد وقت معين نتناقش في الجزء اللي حددنا وذاكرناه .. ونتجمع

بالنسبة لي شخصيا ً فانا منتظر نزول باقي كتاب HOCK وهقولكم رأي قريب ..

أتمني تكون رؤيتي للموضوع دا وضحت للناس ..

ومنتظر أرائكم ومقترحاتكم ..

:lol:

:lol:

اخوكم

omda2006

Emad Hamdy

تم تعديل 7 أبريل 2010 بواسطة omda2006

[عماد حمدي]

فية فكرة وإقتراح وان شاء الله هكلم السادة المشرفين عليه :-

انه يتم عمل قسم خاص للمهتمين بالـ CMA ويقسم كالتالي كما ذكر abasery

القسم الأول :

كل ما يخص الـ CMA من إستفسارات عامة عن طريقة الإمتحان والمواد والتكاليف ومراكز الشرح وإستفسارات السادة الأعضاء

القسم الثاني :

خاص بالماتريال فقط وكل جديد سواء قواميس برامج محاضرات صوتية الخ

القسم الثالث :

ودا أهم قسم .. دا هيكون خاص بالإستفسارات الخاصة بالمنهج ( كمذاكرة ) ياعني اي حد وهوه بيذاكر لقي حاجة واقفة معاه يخش يكون إتسفسار كالتالي علشان أي عضو جديد يدخل يعرف الإستفسار دا بتاع اية وبارت كام ومنين ..

وهيكون مقسم لقسمين ( قسم بالبارت الأول و قسم للبارت الثاني ) حتي تكون أكثر تنظيما ً

كمثال يكون الإستفسار كالتالي :

* السؤال خاص بالبارت الأول - كتاب هوك - الصفحة رقم ( 10 مثلا ً )

وبعدين يطرح سؤال : ياخد القطعة الي مش فاهمها كوبي باست هنا

اللي هيجاوب عليه

هيعمل إقتباس للسؤال فقط ويبدا يجاوب

ياريت أي من السادة المشرفين يتبني الفكرة دي وننفذها قبل شهر مايو

عمــ omda2006 ـــاد

تم تعديل 7 أبريل 2010 بواسطة omda2006

[Game Over]

إًسمح ــلى ياع ــمآد بآشا

انا ضفتـك ع ــندىآ ع الإميل

كنت ع ــآيز أستفسر كدهـ عن شويه حـاجات

تم تعديل 7 أبريل 2010 بواسطة Game Over

[MR Cma]

لسلام عليكم ورحمة الله وبركاته

اولا انا اعتذر عن عدم تواصلي معكم بأستمرار لانني مشغول جدا لانني انوي دخول window 10 دعواتكم لي , ولكنني أقرأ مداخلتكم بأستمرار بالاضافة الي انني ليس لدي نت قريب مني حتي يمكني التركيز في القراءة.

ثانيا بالنسبة لموضوع essay فقد كان الهدف منه شحذ الهمم ورفع درجة motivation للتركيز في القرأة والعمل وليس تلك البلبلة فالآمر سهل وكما قال عمدة .

واضيف انه essayقد يكون مقالي كتابة عن طريق الوورد او قديكون مسألة ارقام حسابية عن طريق excel وقد يكون مركب , بمعني مكون من سؤالين اولهما ارقام ثم بناء علي الناتج يطلب منك RECOMMENDATION وتلك اخطر لانك لو اخطت في الناتج للمطلوب الاول فان التوصية ستكون في اتجاه اخر ويصبح المطلوب الثاني منك خطأ.

ثالثا اشكر كل الاعضاء علي ترحيبهم لي وتقديرهم لي وارجو ان اكون عونا لهم في ذلك الموضوع.

رابعا بالنسبة للمذاكرة فان افضل طريقة لحفظ الكلمات هي وضعها في الجمل الخاصة بها وحفظ الجملة بالكلمة لان ذلك سيسهل لك جودة الكتابة في ESSAYفأريد منكم حفظ الكلمة في جملتها حتي تكتبها كما جاءت بلفظها من احد الكتب التي معكم(IMA, HOCK, GLIM)لان اسلوبهم اقوي من اسلوبنا ولو كتبنا بتعبيرنا فقد يخوننا اللفظ ويصبح سلاح ضدنا في الامتحان ولست اقصد الخطأ الاملائي لان BORDنبه علي انه لايحاسب علي الاخطأ الاملائية ولكن القصد الخطأ التعبيري من حيث المدلول المحاسبي كتعبير BUDGETED & BUDGETING انظر هنا ING تغير مدلول الكلمة .... فأنتبه.

خامسا يجب تحديد ميعاد الشاشة للتخطيط الجيد .... فتخطيط بلا هدف هو تخطيط للفشل

والسلام عليكم ورحمة الله وبركات]

[MR Cma]

انا أؤييدك يا عمدة انت و abasery في تقسيم الاستفسارات لسهولة البحث.

بالنسبة المحاضرات الصوتية المنتظرة من المعاهد فلن تثلج صدركم جدا لان معظم المنهج معتمد بالشرح علي السبورة بالارقام وانت تسمع فقط ولا تشاهد شئ .

[raneeta]

السلام عليكم ورحمة الله

انا عضوة جديدة اتمني انكم تقبلوني معاكم في هذا المنتدي الرائع

احب ان اشكر الاخ عماد جدا علي مجهوده الرائع واتمني له التوفيق والنجاح

وان شاء الله متابعة معكم

[عماد حمدي]

منورانا يا أخت raneeta ونتمني من التواصل والمتابعة معنا ..

وأن كان عندك أي إقتراح ياريت تتواصلي معانا انتي والساده الأعضاء .. حتي نرتقي بالموضوع الي الأفضل

وان هكلم الساده المشرفين وأقولهم ع إقتراحي دا وأملي في الله كبير في الموافقة عليه

شكرا

[doha]

السلام عليكم جميعا ..

عندي كلمتين عاوزه اقولهم بس مش متأكده ان كنت قلتهم قبل كده ولا لاه .. على العموم بعتذر مقدما لو كلامي مكرر ..

من وقت للتاني عماله اقرأ تعليقات في الموضوع ده خلاصتها (( احنا هنبدأ امتى ياجماعه )) ..

احب اعرفكم حاجه مهمه جدا .. في ناس بدأت فعلا والاهم في ناس خلصت وامتحنت واخذت الشهاده ..

لو كل واحد فينا هيقعد يستنى اشارة البدأ يبقى هيطلع معاش وهو لسه معملش حااجه . . مفيش اشارة ياجماعه .. السباق بدأ من يومها واحنا جينا متاخر شويه ولقينا ناس وصلت خط النهايه بس الميزه اننا نقدر نحصلهم في اي وقت وكل ماتوصل بدري كل ماتلحق نصيبك من الكعكه اكبر قبل مالسوق يمتلأ بالحاصلين على الشهاده ويتشبع والاهم قبل ماانت نفسك تكبر وميبقاش عندك قابلية للهضم ..

عن نفسي لسه ماخذتش قرار الدراسة وعليه فمأجلة البدأ ( الجاد ) قليلا .. وان ده لم يمنع اني ( اخذ فكرة ) عن الموضع ففتحت كتاب هوك وحاولت الالتزام بما ذكره احد الافاضل هنا من تقسيم المنهج لعشرين صفحه كل يوم .. ذاكرت اول عشرين صفحه ( قراءة سريعه مع محاولة للفهم بدون حفظ او تدوين ) لقيت كلام جميل كلام معقول مقدرش اقول حاجه عنه .. مبدئيا كده ومن العشرين صفحه دول اخذت فكرة ان لو انت خريج تجارة فمظنش هتلاقي اي صعوبه في فهم الي بتذاكره ده بل على العكس .. كل الي قريته في العشرين صفحه دول افتكرت اني اخذته قبل كده في الكلية ولم استرجعه الا لحظه قرائتي لاوائل صفحات هوك ..

طبعا مقدرش اجزم ان الكتاب كله ماشي بنفس الطريقة بس اجمالا ولاني قريت قبل كده كتير فغالبا لما باخذ انطباع عن ماتيريال معين بيطلع انطباعي صح وعليه فبقول الي حابب يبدأ في كتاب هوك يتوكل على الله الكتاب سهل وواضح وهتستفيد بجد من كل حاجه هتقراها فيه ..

بس على فكره في نقطه حابه اوضحها ان الشهاده دي مش مسألة كتاب او حتى عشرة كتب تقراهم وتحفظ الي فيهم صم ولا حتى تفهم الي فيهم صم وتروح تحطهم في الامتحان ..

عارفين الامر يشبه ايه ..

دلوقت كلنا سمعنا عن الشهاده دي في الي سمع قبل كده مجرد الاسم ( او طراطيش كلام ) وفي الي مسمعش عنها خالص غير في الموضوع ده .. في واحد مننا بس وهو الاستاذ الفاضل عمده اخذ المعلومه الي سمعها عن الشهاده دي وهو اسمها وراح يبحث في كل المنتديات ويسال اصحابه ويقرأ في موقع الشهاده نفسه لغايه ماجمع معلومات تغطي النقاط الي هو كان بيسأل عنها وهي :

مين المؤهل لاخذ الشهاده دي .

تكلفة الشهاده دي ايه .

بتدرس فين .

المميزات الي هيحصل عليها حامل الشهاده ..

الماتيريال الخاصه بالدراسة وافضلها مين .

خلوا بالكم هو مجابش المعلومات الخاصه بكل نقطه من دول من مصدر واحد .. وانما راح سال في كل مكان قدر يوصل ليه واخذ من كل بستان زهرة زي مابيقولوا وفي النهاية راح كتب لنا الموضوع ده الي هو عباره عن ( فهمه ) واستيعابه لكل مايختص بهذه الشهاده صاغه باسلوبه والمعلومات الي حطها فيه اخذها من اماكن كتير يمكن في مكان ما جاب منه معظم المعلومات ويمكن في مكان تاني يادوب جاب منه معلومه وحده وفي النهايه طلع لنا بملخص شامل عن الشهاده دي ..

النهرده ممكن اي واحد فينا يقرأ الملخص ده ويبقى عنده فكره شامله عن الشهاده دي ويقدر ( يفت ) عنها فيما لو انفتح نقاش بخصوصها في اي جلسه .. طيب ايه فرق اي واحد قرأ الملخص ده عن عمده نفسه الي جمعه ؟

الفرق ان لو إنسألنا كلنا دلوقت في جزئية معينة فجاه ممكن منعرفش نجاوبها .. انا مثلا لو سألتني امتى مواعيد الاختبار فممكن اقولك مايو وسبتمبر تقريبا واظن اكتوبر وناسية الباقي .. لو سالتني تكلفة الشهاده كام هقولك حاجه في حدود 10 الاف جنيه لكن مش عارفه الرقم بالظبط .. بينما عمده لو سالته ( هيكر ) لك المواعيد بالظبط والسعر بالمليم .. ليه ؟ لانه تعب في استخراج المعلومه وقراها رغما عنه كذا مرة نتيجه تنقله بين اكثر من مرجع وبناء عليه ( انحفرت ) في ذهنه خلاص .. هو كده بقى مش مذاكر الشهاده وانما ( عايشها ) .

طريقة جمع المعلومات دي كنت بعملها اثناء دراستي للجافا ..

مكانش عندي كتاب محدد ادرس منه .. ولانها لغه برمجه فكان لابد علي اتقنها بدرجه كبيرة وفي اقصر وقت عشان اقدر اكتب بيها برامج خاصه والاخطاء في اكواد البرامج مش هتخليها تشتغل .

عملت ايه ..

جبت كتاب في الجافا وفيه اسئلة كتير اوي .. اعتمدت الكتاب ده ( كمنهج ) يعني المواضيع الي فيه هي دي الي مفروض اكون تعلمتها عشان اقدر اقول اني ( خلصت ) وبقيت فاهمه جافا ..

بدأت اذاكر من الكتاب واخذ فكرة عن الموضوع .. مثلا هيتكلم عن المتغيرات في الجافا .. اقرأ الموضوع في الكتاب وافهم فكرته واخذ لي كام معلومه .. ارجع اخذ العنوان نفسه وهو المتغيرات .. اروح اليوتيوب اعمل سيرش عليه وفي كم كبير من دروس الجافا مشروحه فيديو على اليوتيويب .. افهمه من هناك .. ممكن جدا القط لي معلومه ثانية مقريتهاش في الكتاب ..

لقيت نفسي فاهمه اروح احل الاسئلة الي عليه .. ملقيتش او وقفت معايا نقطه ما اعمل عليها سيرش في اي موقع على النت او في مرجع تاني كبير معايا لنفس الماده ..

احيانا وانا بحل سؤال ما وبتكون اسئلة مثلا اكتبي برنامج يقوم بعمل كذا ..

تقف معايا جزئية معينة مش عارفه احلها ازاي او ( اعبر عنها ازاي ) .. اروح اعمل سيرش في النت على الاكواد الموجوده واشوف الشكل العام للكود بيبقى ايه والغلط عندي او النقص فين ..

لو وانا بذاكر قابلتني كلمه مش عارفه معناها بروح على طول على الجوجل ترجمه واترجمها في الحال واستمر ..

طبعا في كل مرجع كنت بذاكر فيه سواء كان النت او الكتب كنت بلخص الي بذاكره في ورق وارجع اجمع الاوراق الخاصه بموضوع واحد وانقلها في دفتر تاني كبير .. الدفتر ده بقى مرجع لي بعد كده فيما لو نسيت نقطه او احتجت لاستذكار شيء ..

طبعا مش كل المواضيع كنت بدور عليها في كل مكان وانما الي احس اني لسه مفهمتوش او محتاجه فيه اضافه ..

برضه احيانا كان يقف معايا موضوع معين او نقطه معينة مش فهماها اوي او حاسه انها مركزتش كويس .. اعيدها تاني لو حسيت اني لسه برضه مش متقنة الجزئية دي اوي بسيبها خالص وانتقل للي بعدها وبعد فترة برجع لها تاني وغالبا بكون خلاص فهمتها .. يعني لو قابلتك عقبة متقفش عندها لان ممكن انت مش فاهمها لان لسه معلوماتك مش كتير لكن مجرد مايتسع افقك بالمذاكرة والاطلاع ممكن انت نفسك تستنتج المعلومه دي وتبقى بديهية عندك ..

خلاصة كل ماسبق ..

الي حابب يبدأ يقدر يبدأ فورا ومن النهرده ..

هتذاكر من كتاب هوك وكل ماوقف معاك جزء او حابب تستزيد فيه في الشرح عندك النت .. كل ماحسيت ان هوك بيتكلم عن مهارة معينة او اداء معين لازم المحاسب الاداري يعمله روح اعمل سيرش على النت واقرأ كتير اوي في الموضوع الي بيتكلم عنه ده بحيث ( تشربه ) شرب وتبقى فاهم كويس الحاجه دي بتتعمل ازاي واصولها ايه ..

حل الاسئلة في جليم بس عشان تتاكد انك مستوعب الي ذاكرته مش عشان تحفظ اسئلته فيما لو جالك منها شيء ..

في احد المداخلات كان في عناوين لمراكز بتبيع كتب هوك وجليم لو خلصت الكتب الالكترونيه الي عندك متستناش حد يرفع الاجزاء الي فاضله روح اشتري الكتب دي او وصي حد لك ف مصر يشتريها ويبعتهالك لو مش هتقدر ..

الوقت مبيستناش حد وان مكانش عندك الدافع والهمه انك تنطلق من ذاتك اومستني حد يشدك فابشرك .. هتستنى كتير ..

[ابو حودة]

الكلام اللي قالته ضحى تمام

فيه احد الاساتذة المتخصصين في التنمية البشرية جاء بمحاضرة

فيها من الحضور حوالي 500 شخص ورفع 20 دولار وقال لهم من يرغب في اخذ هذه

العشرين دولار الكل رفع يده وقامت سيدة عجوز من مقعهدها واخذت العرشين دولار

فقال المحاضر هي فقط من تستحقها لانها انتقلت من مرحلة الرغبة والتفكير الى التنفيذ

اعتقد ان الرسالة وصلت

شئ اخر وهو ان عند حلول اسئلة جليم يجب انت تعرف الاجابة لماذ خطأ وليس الاجابة لماذا صح فقط

حيث ان الثلاث اجابات الخطأ تعلمك اكثر

على فكرة انا بدأت فعلا من اسبوع في الماتيريال القديمة للجزء الثاني لحد ما الاقي الماتيريال الجديدة

ولما الاقي نفس تمام هاحدد موعد الامتحان مش من دلوقتي اقول شهر اكتوبر

شئ كمان اعتقد انه ليس من الضروري حفظ كلمات من القاموس لانها في رأيي مضيعة للوقت لان

الكلمة في غير محلها لن تتثبت لكن عند الرجوع للكلمة في القاموس ستتثبت

[elmohager]

أبو خالد ..

انا حاسس انك مشتت معانا أوي .. فياريت يا جميل تضيفني علي الإيميل وأنا تحت أمرك في أي حاجة تحتاجها

emadhamdy56@hotmail.com

ehngroup@yahoo.com

:closedeyes: bv:-

اخوكم

omda2006

Emad Hamdy

يا عيني يا ياعمدة

الله يعينك بقى ...شكلك هتغير ايميلك قريب

هههههههههههه

تحياتي

[عماد حمدي]

وكل ماتوصل بدري كل ماتلحق نصيبك من الكعكه اكبر قبل مالسوق يمتلأ بالحاصلين على الشهاده ويتشبع والاهم قبل ماانت نفسك تكبر وميبقاش عندك قابلية للهضم ..

أولا أشكرك ع تقديرك للمجهود اللي بذلته .. ولا ننسي جميعا ً أنك أول من أقترحتي عليا هذه الفكرة فلك كل الشكر والتقدير ..

الجملة دي ملخص لكلام كتير أوي أوي .. وبجد تعبيرك فوق الممتاز أحييكي عليه :closedeyes:

ياعني دلوقتي أنا حطيت كل حاجة خاصة بالـ CMA وحطيت قواميس وحطيت الماتريال وحطيت البرامج .. ناقص اية ؟؟!!

هقولكم بقا ناقص اية ؟؟

كلة عايز الماتريال كلها تكون جاهزه معاه وتحت إيدة وبعد كدا يبدأ .. طيب ما انتة عندك هوك لحد الصفحة 119 ذاكرهم وانا معاك هذاكرهم برده وعلي ما يخلصم أكيد هينزل الباقي .. لو في مذاكرتك وقفت معاك حاجة إعمل زي ما مدام doha قالت خش علي النت .. او انسخلنا القطعة اللي مش مفهومة هنا ولو حد قدر يفيدك أكيد هيفدك ..

اللي عجبني في كلام مدام DOHA انها قالت ان من خلال مذاكرتها لاول 20 ورقة في هوك طلع ان كل المعلومات اللي موجوده فيه أخدتها قبل كدا في الكلية .. الشاطر بقا يقول انا نوهت ع النقطه دي فين وامتي وازاي وقولت اية بالظبط ...!!!!

انا هعمل اللي عليا برده وزي ما وعدتكم هرجع أحط الماتريال كلها تاني برابط مباشر .. علشان محدش يقول انها اتشالت من ع السيرفرات .. وكدا انا قدام ربنا الحمد لله قدمت الخير .. والباقي عليكم بقا في مضوع المذاكرة دا

حاجة كمان .. لما قولنا شهر مايو هنبدأ .. احنا عند كلمتنا .. بس لما يجي شهر مايو هتلاقي ناس هنا كان ذاكرت فعلا ً وناس لسة وناس نص نص ..

ربنا يصلح حالكم كلكم يارب .. ويوفقكم

وانتظرو الجديد بإذن الله .. ولا تنسونا بخالص الدعاء

:lol:

أخوكم

Omda2006

Emad Hamdy

تم تعديل 8 أبريل 2010 بواسطة omda2006

[عماد حمدي]

الكلام اللي قالته ضحى تمام

فيه احد الاساتذة المتخصصين في التنمية البشرية جاء بمحاضرة

فيها من الحضور حوالي 500 شخص ورفع 20 دولار وقال لهم من يرغب في اخذ هذه

العشرين دولار الكل رفع يده وقامت سيدة عجوز من مقعهدها واخذت العرشين دولار

فقال المحاضر هي فقط من تستحقها لانها انتقلت من مرحلة الرغبة والتفكير الى التنفيذ

تغيب ع قد ما تغيب يا أبو حوده .. ولما تيجي بتدينا جملة ولا أروع ..

أشكرك بجد يا جميل :closedeyes:

عمــ omda2006 ــاد

[عماد حمدي]

elmohager

ياعم ولا هغير ولا حاجة .. ربنا يصلح حالكم كلكم وانا تحت امركم كلكم لو حد إحتاج أي معلومة .. وان شاء الله أحاول أرد عليه ..

بس اان لاحظت أن أبو خالد تايه كدة يمكن علشان زي ما قال انه لسة جديد في موضوع الكمبيوتر والنت وكدة .. فدا اللي دفعني اني أساعدة لاني حسيت اني مقصر معاه ..

ويارب بجد .. أقدر أساعدة واساعد اي حد هنا محتاج اي حاجة في حدود المعلومات اللي عندي

وجزاكم الله كل خير

عمـomda2006ـــاد

تم تعديل 8 أبريل 2010 بواسطة omda2006

[عماد حمدي]

علي فكرة فية برنامج بيحول أي ملف PDF الي ملف وورد ..

ممكن تخشوا علي جوجل وتعملوا سيرش عليه ..

هيحولك مثلا ً الكتاب بتاع هوك الي ملف وورد ودا يبقي ممتاز للطباعة ..

دا مجرد تنويه بس ..

بالتوفيق يا شباب

وانتظرو حلقة خاصة بكل الماتريال بروابط مباشرة .. مش سيرفرات مجانية

هتضغط ع الرابط هتحمل ع طول

[hOuSsAm]

جواب 4 : هوه فيه حل بس هيتعبك شويتين ..

خد مثلأ ( كوبي باست ) من نسخة هوك وحطها ع برنامج الوورد وبعدين تطبعها .. كل يوم 3 او 4 ورقات اللي انته هتذاكرهم أنسخ من النسخة دي والصق في برنامج الوورد واطبعهم .. مش كلة مرة واحده علشان متتعبش .. بس النسخة ع فكرة طباعتها كويسة جدا ً ممكن يكون فية مشكلة في الطباعة عندك

السلام عليكم

دمتم جميعا بخير

متاسف عالتاخير وعدم المتابعة فى الفترة الاخيرة لظروف ضغط فى شغلى :closedeyes:

كان فيه حاجة عايزاقولكوا عليها من زمان بس محبتش اقولها عشان الناس متقفش عن المذاكرة ودلوقتى بس لازم اقولكوا عليها

كان لي راى فى موضوع طباعة الماتريال من عالنت وطالما احنا كلنا نيتنا فى الموضوع ده لله فلازم اتكلم عن حقوق الملكية الفكرية اللى المعاهد دى (هوك وجليم والاى ام ايه) فرضينها عن الطبع والنشر ودى الجملة اللى مكتوبة فى اول صفحة فى كتاب هوك عن حقوق النشر

If you printed this book for yourself, it is watermarket at the top and bottom with your name and email address. This printouts are licensed only for your individual use and may not be lent, copied, sold or otherwise distributed without primission directly from hock international. you may not remove, alter or edit the watermark

فياريت يا جماعة لو تتاكدوا من حد عالم فى الدين اذا كان متاح تذاكر او تطبع من الماتريال الموجودة عالنت او فى اماكن التوزيع فى القاهرة (دون موافقة من معهد هوك) ولا لازم تشترى نسختك من المعهد نفسه او المعاهد المعتمدة

واذا مكنش معاك المقدرة المادية لشراء الماريال دى وعايز تتعلم فهل يجوز لك انك تصورها؟؟؟؟؟

ياريت يا جماعة النقطة دى متاخدش مننا وقت طويل ويخرجنا عن الهدف الاساسى للموضوع اللى عماد عامله بس هى حاجة بينك وبين ربنا اعرفها ويعد كدة خد قرارك بينك وبين ربنا

بالتوفيق للجميع باذن الله

[hOuSsAm]

الكلام اللي قالته ضحى تمام

فيه احد الاساتذة المتخصصين في التنمية البشرية جاء بمحاضرة

فيها من الحضور حوالي 500 شخص ورفع 20 دولار وقال لهم من يرغب في اخذ هذه

العشرين دولار الكل رفع يده وقامت سيدة عجوز من مقعهدها واخذت العرشين دولار

فقال المحاضر هي فقط من تستحقها لانها انتقلت من مرحلة الرغبة والتفكير الى التنفيذ

اعتقد ان الرسالة وصلت

شئ اخر وهو ان عند حلول اسئلة جليم يجب انت تعرف الاجابة لماذ خطأ وليس الاجابة لماذا صح فقط

حيث ان الثلاث اجابات الخطأ تعلمك اكثر

على فكرة انا بدأت فعلا من اسبوع في الماتيريال القديمة للجزء الثاني لحد ما الاقي الماتيريال الجديدة

ولما الاقي نفس تمام هاحدد موعد الامتحان مش من دلوقتي اقول شهر اكتوبر

شئ كمان اعتقد انه ليس من الضروري حفظ كلمات من القاموس لانها في رأيي مضيعة للوقت لان

الكلمة في غير محلها لن تتثبت لكن عند الرجوع للكلمة في القاموس ستتثبت[/size]

انا مقتنع جدا بكلام ابو حودة وضحى

ود كلام يتشال فوق الراس وانا عن نفسى مطبقه من زمان

ابو حودة انا عملت زيك بردوا بدات من الماتريال القديمة بارت تلاتة بس مش هستنى الجديدة عشان ناوى باذن الله ادخل عالنظام القديم بس حتة ليك كدة عالماشى انك لما تلاقى نفسك تمام هتحجز وتدخل فى اكتوبر انا اللى خلانى اضغط نفسى اكتر فى الامتحان اللى فات انى كنت سجلت فى الامتحان وحددت الميعاد وساعتها بجد حسيت بالمسئولية والفلوس اللى دفعتها وجعتنى فذاكرت مذاكرة ضعف اللى ذاكرتها قبل كدة عشان كدة ان شاء الله (شكرن يا عمدة على نصيحتك) فى اول مايو هحجز لدخول الامتحان فى اول سبتمبر عشان اضغط شوية

معلومة كمان لو كنت هتمتحن فى القاهرة فيفضل تحجز من دلوقتى عشان تلاقى مكان لان القاهرة بتبقى زحمة اوى وبتتقفل غالبا قبلها بشهر ولا حاجة لكن فى الخليج عامة بتلاقى الوضع هادى شوية

بالتوفيق للجميع باذن الله

[عماد حمدي]

لا إله إلا الله .. سبحانك إني كنت من الظالمين

أستغفر الله وأتوب إليه .. أستغفر الله وأتوب إليه .. أستغفر الله وأتوب إليه

لا تنسي ذكرّ الله عز وجل

تم تعديل 9 أبريل 2010 بواسطة omda2006