CMA® Certified Management Accountant النظام الجديد مراجع كتب أسئلة إستفسارات وغيرها متجدد

[nonoahmad]

كتاب الCost accounting ده خدنا في الكليه عندنا وكان فعلا لونو اسود كده انا كنت لسه عايزه ادور عليه عشان أبدأ ابص فيه ميرسي قوي قوي

وفعلا انا خدت جزء Internal control كان حاجات منو كتير جدا جدا في كتاب الAudit الي خدتو في الكليه مع التوسع طبعا

[عماد حمدي]

الحلقة السادسة عشر :

:wub:

(( نقاط هامة جداً جدا ً للتركيز عليها من IMA))

- دا ملف فيه بعض النقاط المهمة اللي المفروض نمشي عليها وإحنا بنذاكر .. والمطلوبة مننا

ودي مقدمة من المعهد IMA .. موضح بها زي ما قولت إية اللي المفروض أركز عليه وأنا بذاكر في شكل نقاط

ومقسم كل بارت لواحدة بشكل منظم ومرتب ,,,

لتحميل الملف .. بالمرفقات ..

نســـــألكم خالـــص الدعــــاء من قلوبــــكم

wst::

:happy:

أخوكم

omda2006

Emad Hamdy

[lovelyramy]

جزاك الله كل خير ياعمده

بجد انت دينامو الموقع فى الموضوع دا

وربنا يجعله فى ميزان حسناتك

تم تعديل 17 أبريل 2010 بواسطة lovelyramy

[احمد الفخرانى]

السلام عليكم,,,,,,

بجد انا بشكركم جدا على المجهود الرائع ده وخصوصا عمده (من غير استاذ) وكمان الاخ محب المحاسبه ومدام ضحى لان فعلا رايها صائب

وكل الناس اللى موجوده وبتساعد فى هذا الموضوع :) :lol: :lol:

بس انا حاسس انى لسه تااااااااااااايه ومش قادر الم الموضوع كويس وحاسس ان موضوع اللغه عائق شويه فاياريت ياعمده تقدر تساعدنى ولك الاجر واثواب عند الله ........

وكمان انا بتابع Accounting Lover فى ورشه عمل ال C M A وبجد ده مجهود رائع ربنا يجعله فى ميزان حسناتك

أخوكم : أحمد الفخرانى

[hamdycma]

بسم الله الرحمن الرحيم

اشكر اولا جميع من اهتم بهذا الموضوع

العمدة ومدام ضحي ومحب المحاسبة وحسام ونونو والعقرب وكل من شارك هنا

انا هذاكر سيلف استدي واتمني ان نساند بعض مشكلتي في الانجليزي دي اول عقبة

وان شاء الله لما بدات احفظ كلمات واترجم في الكتاب حسيت ان المشكلة بتخف واحدة واحدة

كنت بدات في البورد ولما دخلت موضوعكم نقلت في الهوك ولما دخل محب المحاسبة زود الحيرة معاي نقلنا لكتاب تاني خالص ورشقنا في وسط المنهج هل نحن كده ماشين صح ولا ايه النظام

اريد راي مدام ضحي لاني حسيت انها اكتر عضو فاهم فينا

هنمشي ازاي خايف كمان شوية الاقي عضو جاي بكتاب تاني ونلاقي انفسنا تبحترنا وضاع مننا الهدف الاساسي اللي هو البورد

وجزاكم الله خيرا

ويارب يرزق الجميع الهمة في اكمال المنهج وعدم الكلل او التعب

ويرزقنا من بعدة الشهادة باعلي الدرجات

[doha]

بسم الله الرحمن الرحيم

اشكر اولا جميع من اهتم بهذا الموضوع

العمدة ومدام ضحي ومحب المحاسبة وحسام ونونو والعقرب وكل من شارك هنا

انا هذاكر سيلف استدي واتمني ان نساند بعض مشكلتي في الانجليزي دي اول عقبة

وان شاء الله لما بدات احفظ كلمات واترجم في الكتاب حسيت ان المشكلة بتخف واحدة واحدة

كنت بدات في البورد ولما دخلت موضوعكم نقلت في الهوك ولما دخل محب المحاسبة زود الحيرة معاي نقلنا لكتاب تاني خالص ورشقنا في وسط المنهج هل نحن كده ماشين صح ولا ايه النظام

اريد راي مدام ضحي لاني حسيت انها اكتر عضو فاهم فينا

هنمشي ازاي خايف كمان شوية الاقي عضو جاي بكتاب تاني ونلاقي انفسنا تبحترنا وضاع مننا الهدف الاساسي اللي هو البورد

وجزاكم الله خيرا

ويارب يرزق الجميع الهمة في اكمال المنهج وعدم الكلل او التعب

ويرزقنا من بعدة الشهادة باعلي الدرجات

الله يكرمك يارب على كلامك الطيب حضرتك وكل من ذكرني بالخير وعلى فكره انا بعتبر الموضوع ده والشكر فيه خالصا للفاضل عمده لانه هو صاحب المجهود الاكبر فيه وكمان اكونت لوفر بجد استفدت من مداخلاته جدا ومعانا كمان عضوين دخلوا الامتحان فعلا وربنا يكرمهم يارب معلوماتهم افادتني جدا في تكوين صورة عن الشهاده دي .

على كل حال ومش لاني اكتر حد فاهم ولكن لأن حضرتك طلبت رأيي فهقول ..

من رايي ابدأ ذاكر من هوك فقط .. على الاقل ثلاث فصول او اربعه ..

ومش من نصف الكتاب ولا من وسطه وانما الثلاثه الي في الاول مباشرة ..

هتلاقي صفحات تمهيد بتحكي عن الكتاب وفكرته وطريقة تقسيم الفصول والفهرس .. الخ .. دي اقراها قراءة سريعه وبدون ترجمه لو حبيت .. اقراها تقضية واجب يعني .. بعد ماتكون مشيت في ثلث الكتاب على الاقل ابقى ارجع اقرأ التعريف ده بتمعن واتقان ..

انا بعمل كده باستمرار لما اكون بقرأ كتاب اجنبي .. هم دائما عندهم العاده دي انهم يشرحوا لك الكتاب ماشي ازاي والملاحظات الهامة مثلا بتنكتب بخط ايه وعلامة ايه بترسم عليها وهكذا .. طبيعي انك انت هتفهم القصة دي كلها لوحدك لما تمشي كمية معقوله في الكتاب وفي نفس الوقت وبما انك لسه باديء يعني لسه ( سخن ) فخلي حماسك ده لمذاكرة الكتاب نفسه مش طريقة العرض فيه ..

بما انك بعيد عن جو المذاكرة كما يبدوا يعني مش طالب تجارة انجليزي ولا لسه مخلص ولا انت ملتحق بمعهد هيديلك الثقة انك ماشي صح ولا عندك خبرة سابقة في مذاكرة مناهج اجنبية ( سيلف ستدي ) فبقترح على حضرتك انك تلتزم بكتاب واحد فقط وهو هوك .. وتلتزم انك تمشي فيه بترتيب حرفي يعني متسيبش حاجه خالص ..

على حسب استيعابك وطبيعتك الشخصية انت تقرر الكمية اللازمه لك في هوك قد ايه ..

لو كنت خلاص بقيت معتاد تماما على الفكرة فثلث الكتاب او بالكثير نصه كافي ثم ابدأ راجع عليه من الاول وشوف تكلم عن مواضيع ايه وابدأ افتح جليم وافتح كتاب الشهاده نفسه وكل الكتب الي الساده الاعضاء اشاروا بيها على الجزئية الي ذاكرتها وعيد عليها ..

انما ومبدئيا وطالما لسه مش عارف المسار الي هتمشي فيه اكتفي بهوك فقط وكل ماتخلص شبتر او اثنين ادخل على النت وابحث عن معلومات في جزئيات ذاكرتها عشان تستزيد وبرضه ممكن تبحث في الكتب التانيه ده راجع لك لكن الاساس انك ( تقطع شوط ) في هوك مش انك تلم بالمهارات الي الكتاب بيتكلم عنها ..

الطريقة الي قال عليها الفاضل اكونت لوفر ممتازه وهي انك تدخل على شبتر بعينه وتبدأ تذاكر منه .. بس ده للي عاوز ينجح في الشهاده .. انما الي بقول لحضرتك عليه للي عاوز يبرمج نفسه ازاي يقدر يذاكر لوحده وطبعا للي عاوز يدي نفسه دفعه قويه تخليه يستمر . .

بالنسبة لك وفي المرحلة الحالية اعتقد اعطاء دفعه اهم دلوقتي من البحث عن النجاح في الشهاده والي بالتاكيد هيكون هو الاهم على الاطلاق في مرحلة تالية ..

يبقى هتذاكر الاول جزء معتبر من هوك بعدين تبدأ تراجع على ماذاكرته وتصقله وتجوده من الكتب الأخرى ..

وفي النهايه مننساش كلنا ان الشهاده دي زي كتاب طبخ انت بتقراه مش عشان تحفظ الوصفات وانما عشان تتعلم ( اصول التركيبة ) وازاي يبقى عندك ( نفس ) بحيث لما يدولك في الامتحان اي مكونات او مواد تعرف توالف مابينها وتخرج بوصفه شهية كل الي يذوقها يقول الله ..

متفقين ؟

تم تعديل 17 أبريل 2010 بواسطة doha

[عماد حمدي]

lovely ramy

شكرا ً يا زعيم ع المجاملة الجميلة دي .. والتعبير ولا أروع .. خليك معانا بقا مش كل شوية تختفي وترجع :lol:

أحمد الفخراني

مشكلة الإنجليزي ...

خدها من ناس مجربين مستواهم كان نص نص ..

أول يونت ياعم هتحس ان العملية صعبة والكلام تقيل عليك وهتاخد وقت في الترجمة

بس بعد ما تخلصه وترجع تراجع عليه قراية تاني .. هتندمج ع طول ومش هيبقي فيه صعوبة ..

زي بالظبط الويسكي :) أولة مر أوي أوي وبعد كدة مر بردة بس بعد كدة هتشربة كأنه ميه ..

أعمل اية ملقتش تشبيه تاني :lol:

خليك ماشي في المذاكرة من هوك عادي جدا ً .. بس كتاب cost Accounting الراجل قال نقراه مقالش نذاكر منه نقرا الصفحات اللي قالنا عليها .. علشان هتلاقي نفس اللي انته قريته في الكتاب دا هتلاقيه في هوك ..

الأخت nonoahmad قالت كدا ودي تجارة انجلش وقالت فعلاً الكتاب دا فيه منه حاجات كتير هنلاقيها في هوك ..

ياريت نركز في أي كلمة تتقال والفرق بين المذاكرة والقراية :lol:

عصبتوني عليكم

[hamdycma]

السلام عليكم ورحمة الله وبركاته

مش عارف اشكر حضرتك ازاي

واقل شئ اقدر اقدمة دعوة بظهر الغيب لحك عسي ربي يتقبلها مني

بشكرك علي ردك الرائع اللي نور لي الطريق في لحظة بجد كنت بدات اتوه بل وافقد الامل في الشهادي دي

متفقين

يبقي علي بركة الله هوك هشتغل منه

ربنا يعني علي حفظ الكلمات

وهعمل زي ما حضرتك كنتي بتعملي هكتب في ورق وبعدين ابيض ولما ان شاء الله انتهي من الموضوع ادخل ابحث عن زيادة واتقن ماشاء الله حاسس اني صرت عالم في المحاسبة

ان شاء الله سنكون من المتفوقين بفضل الله اولا ثم بفضل ارشادتكم لنا

وارجوا المتابعة معي

[lovelyramy]

lovely ramy

شكرا ً يا زعيم ع المجاملة الجميلة دي .. والتعبير ولا أروع .. خليك معانا بقا مش كل شوية تختفي وترجع :lol:

ربنا يخليك يا عمده بس دى مش مجامله دى حقيقه ودا حقك

معلش انا مش باختفى ولا حاجه بس انت عارف الدوام فى السعوديه زفت ومابيبقاش الواحد فاضي ياخد نفس.

لكن ان شاء الله انا باتابع باستمرار حتى لو ماعملتش مشاركات

تم تعديل 17 أبريل 2010 بواسطة lovelyramy

[عماد حمدي]

وفي النهايه مننساش كلنا ان الشهاده دي زي كتاب طبخ انت بتقراه مش عشان تحفظ الوصفات وانما عشان تتعلم ( اصول التركيبة ) وازاي يبقى عندك ( نفس ) بحيث لما يدولك في الامتحان اي مكونات او مواد تعرف توالف مابينها وتخرج بوصفه شهية كل الي يذوقها يقول الله ..

متفقين ؟

اية الجمال دا .. خد دي :lol:

[شكلوف]

السلام عليكم

بداية في اشتراكي اود ان اشكر الذين قامو بإعداد هذا الحوار حول شهادة ال cma والذين قدمو يد العون من معلومات ومتريال ، انا منذ فترة كنت افر لهذا الحوار الممتع حتي تمكنت من التسجيل بالموقع واتيح لي فرصة الرد والمشاركة .

بشكر السادة الحضور وارجو قبول عضويتي طرفكم :lol:

الاسم الحركي .... شكلوف .... المصري

طارق الحسيني ،عربي الاصل ، مصري الجنسية ، مقيم بالقاهرة ، اعمل بمصلحة الضرائب المصرية منذ اكثر من تسع سنوات

تجارة شعبة محاسبة ، دبلوم دراسات عليا بالضرائب 2004 ،المراجعة 2006

تقبلو تحياتي

شكلوف

[عماد حمدي]

شكلوف باشا ..

أهلا ً وسهلا ً بيك يا زعيم معانا .. وتشرف وتنور ونشيلك فوق دماغنا والله .. ويارب نكون عند حسن ظن معاليك ..

نتمني لك التوفيق ,,

أستمر في المتابعة .. سنستكمل الحلقات قريبا ً بإذن الله

اخوك

omda2006

Emad Hamdy

تم تعديل 17 أبريل 2010 بواسطة omda2006

[hamdycma]

معلش كمان طلب

الي من اتقن اللغة

اسهل طريقة وانفعها للتمكن من اللغة في دراسة المنهج

يعني نحفظ اثناء المذاكرة ولا نذاكر وبعدين نحفظ المصطلحات

[doha]

معلش كمان طلب

الي من اتقن اللغة

اسهل طريقة وانفعها للتمكن من اللغة في دراسة المنهج

يعني نحفظ اثناء المذاكرة ولا نذاكر وبعدين نحفظ المصطلحات

اضمن طريقة انك تترجم بنفسك ده اولا .. يعني متعتمدش على ملخص او قواميس صفحتين جاهزه او كتاب متخطط عليه من حد قبلك .. انت ابحث بنفسك عن معاني الكلمات الي مش فاهمها لانك اثناء بحثك ده بتاخذ وقت في نقلها حرف حرف او البحث عنها في القاموس وده هيثبت معناها في ذهنك اكثر .. دي حاجه والحاجه التانيه مش هتتلخبط عندك المصطلحات على بعضها بعكس لو قريتها كده لسته ورا بعض ..

هتركن القواميس الي نزلتها دلوقت من اللينك وهتستفيد منها فقط فيما لو كان في مصطلح تجاري بحت مش فاهم معناه لان ده ممكن متلاقيهوش في القواميس العاديه اما بقية الكلام المعتاد فنصيحه دور عليه في القاموس او هات معناه من مترجم جوجل ..

وانت بتترجم طبعا مترجمش الجملة كلها على بعضها وانما الكلمات الغريبة فقط .. وحتى لو انت فاهم الجملة ( مهنيا ) بتتكلم عن ايه احرص انك تكون فاهم معاني الكلمات التانيه الي بتستخدم في الشرح وملهاش علاقه بالمحاسبة مثل (( فيما عدا ذلك ,, ولهذا ,, مما يقتضي ان ,, وبناء عليه ,,على سبيل المثال ,, العوامل المؤثرة ... الخ ))

وهتلاقي دائما ان كل كتاب فيه كلمتين تلاته كده بيتكرروا كتير زي ( لازمه ) للمؤلف فهيفيدك انك تبقى عارف ترجمه الكلام ده حتى لو مش محتاجه في شغلك لكن من جهة انت بتزود حصيلتك اللغوية ومن جهة ثانية كل ماتقلل عدد الكلمات الي مش مفهومه في الجملة كل ماممكن تفهمها كده ( بالشبه ) حتى لو مش فاهم معنى كل كلمه فيها على حده .

اذكر مرة كنت بتفرج على برنامج مستضيف عالم مشهور وله منقولات مترجمه .. قال انه كان الاول بيقعد يوم كامل في ترجمه صفحه كاملة .. ده في بداياته اما الآن فبقى بيترجم مالايقل عن خمسين صفحه في اليوم ..

طبعا هو بيترجم ويرجع يصيغ باسلوبه للناس كلها الي هتقرأ من بعده يعني حريص انه مش بس ينقل وانما لا يخل بروح النص نفسه فده بياخذ وقت كبير لكن لما تكون بترجم لنفسك انت وعشان تفهم مش عشان تعيد الصياغه او ماشابه فطبعا هتاخذ وقت اقل كتير من هو بياخذه لكن الفكرة ان في بداية دراستك هتكون بطيء اوي في تقدمك لكن بعد كده باذن الله هتلاقي نفسك ماشي ( رهوان) . .

لو بتقرأ من كتاب مطبوع على ورق حط خط بالرصاص الخفيف تحت الكلمه الي ترجمتها واكتب المعنى من فوق ( استخدم قلم اسنان 5. ملم عشان تضمن الخط يكون رفيع والمكان يكفي ) وكمان عشان تفضل الترجمه على الكتاب متتمسحش لان الرصاص بيتمسح مع الوقت .. برضه ممكن جدا تكتب ملخص قصير جملة او جملتين يلخص لك جزئية بتتكلم عن ايه بلغتك انت العامية او الفصحى زي ماتحب ..

اما لو بتقرأ من كتاب على الشاشه مش مطبوع ففي نفس الكراس الي بتلخص فيه الماده بتاعتك لو انت باديء فيه من اليمين للشمال اقلبه وابدأ من الجهة العكسية من الشمال لليمين وسطرها بحيث تبقى اعمده كل صفحه تحتوي على عمودين للكلمه ومعناها .. باختصار هتعمل لك قاموسك انت الخاص ..

برضه وانت بتلخص وبتنقل الكلام في كشكولك لو في كلمه جديده عليك اوي او تلخبطت فيها حط تحتها خط واكتب معناها بالعربي .. كذلك وانت بتلخص بالعربي احرص انك تكتب الشرح بالعربي والترجمه وبين قوسين المصطلح الاجنبي جنبه عشان يرتبط في ذهنك الكلمه ومعناها والي بيثبت اكتر لما تكون جايه في سياق جملة ..

واخيرا نقطه هامه اوي نسيت اذكرها في كل ماسبق ..

اجمالا وانت بتذاكر او تتعلم اي حاجه عشان تضمن انك تستمر خاصه لو واجهتك جزئية صعبه او تعثرت فيها انك تخصص لنفسك حد ادنى من المذاكرة كل يوم للماده دي ولو نص ساعه حتى لو بغير فهم .. يعني راجع تعبان مثلا من شغلك وخلاص اليوم خلص وقرب وقت النوم برضه اغصب نفسك افتح الماده بتاعتك وذاكر منها ولو عشر دقائق او ربع ساعه .. ممكن متكونش فاهم اوي الي بتذاكره قول مش مشكلة .. اقراه قراية بدون فهم .. اقفل كتابك ونام وبكرا ارجع عيد تاني على نفس الي قراته .. لو لقيت نفسك لسه مش فاهم مش مهم كرره تاني بعد بكرا وهكذا المهم انك متتركش وقت المذاكرة ابدا لان يوم هيجر يوم وهتنسى قضيتك ومش هتكمل ..

اصل الفهم ده بيجي بطريقتين .. اما مع ذهن صافي فيجي بدون تكرار و في وقت قصير او العكس ذهن مشوش فهتفهم برضه بس مع تكرار ووقت طويل ..

طبعا وعشان نكون واقعيين ادي نفسك يوم او يومين اجازه كل اسبوع .. يوم محدد .. ده اجازتك مش مفترض ابدا انك تذاكر فيه ومفيش عليك لوم لو تركت التحصيل في اليوم ده ..

[شكلوف]

الأماكن المعتمدة لعقد دورات الإعداد للشهادة

الترتيب من حيث أفضلهم

في مصر :

الأكاديمية العربية للعلوم والتكنولوجيا

القاهرة – الأسكندرية

_________________

AUC الجامعه الأمريكية -

IMA مركز الإدارة - نظام تعليم

القاهرة - 28 ش الفلكي - باب اللوق - التحرير

7976853 - 7976035 - 7976844ت /

فاكس : 7976858

فرع مصر الجديدة

2 شارع الخليفة الهادي متفرع من الامام على - ميدان الاسماعيلية – مصر الجديدة

ت / 4169600-4169601-4169602

2908190 فاكس -

التسجيل يوميا من 9 ص : 5.30 مساءا عدا الجمعه والسبت

موقع التعليم

HTTP://WWW.AUCEGYPT.EDU/CONTED/MANCE...MA_CPA_CFA.HTM

موقع المدرسين وعناوينهم الألكترونية

HTTP://WWW.AUCEGYPT.EDU/CONTED/MANCENTER/CONTACTUS.HTM

_________________

الغرفة التجارية الامريكية

AMERICAN CHAMBER OF COMMERCE IN EGYPT

HTTP://WWW.AMCHAM.ORG.EG

E-MAIL : CPE*AMCHAM.ORG.EG

القاهرة – الدقي

_________________

ARADO المنظمة العربية للتنمية الإدارية

وتأسست عام 1961 كأحد منظمات جامعة الدول العربية

HTTP://WWW.ARADO.ORG.EG

E-MAIL : RANA*PDCU-ARADO.COM

القاهرة - مصر الجديدة

_________________

SCADA (ACCOUNTING HOUSE )- مركز سكادا بالتعاون مع نقابة التجاريين

د/محي الباجوري

الفروع : القاهرة – الإسكندرية - المنصورة

القاهرة – 35 عمارات العبور - طريق صلاح سالم – أسفل كوبري الفنجري – الدور 11 – مدينة نصر

HTTP://AHSCADA.ORG

MOHY* AHSCADA.ORG

1016448872- 022622173 – 022622168ت /

الإسكندرية - كلية التجارة - جامعة إسكندرية

0124059666 - 034865655 – 034851600ت /

المنصورة – جامعة المنصورة – مركز الدراسات المالية والمصرفية

- 0105030092 0502265272ت /

يوم الأربعاء فقط

_________________

IPA CENTER - طارق عزب

الفروع : شارع محي الدين أبو العز / المهندسين – مصر الجديدة - المعادي

HTTP://WWW.IPAORG.COM

IPAREG *IPAORG.COM

_________________

المجموعه الدولية

الفروع : الجيزة – المنصورة – الزقازيق

ت / 0161127733-0161127744-0161127755-0161465844-0161465847-0122368792

WWW.IGTA.NET/CMA.HTM

_________________

IPA معهد المحاسبين المحترفين

الفروع

الإسكندرية – 0100771604

0663242622 -0164101500 بورسعيد -

القاهرة - مصر الجديدة - 0100771609 - 0226237522

0100771607 – 0233389039القاهرة - المهندسين -

القاهرة - المعادى - 0100771608 -0223590441

_________________

YAAK معهد يااك

يخفض (50%) من قيمة رسوم الإعداد للشهادة بالإشتراك مع هيئة تحديث الصناعه المصربة

القاهرة

_________________

PEOPLE DEVELOPMENT

القاهرة – كورنيش المعادي

HTTP://WWW.PD-EICG.COM

E-MAIL : PD* PD-EICG.COM

_________________

القاهرة

WWW.HPA-EGYPT.COM

_________________

في السعودية :

الرياض

معهد كوادر التنمية

هاتف / 2196888 - تحويلة 30

المباشر / 2193366

E-MAIL : DRATTAYA*KAWADER.EDU.SA

_________________

الرياض

مركز المحاسبة التقنية

TECHNICAL ACCOUNTANCY

MORGAN INTERNATIONAL OFFSHORE الممثل الوحيد لمجموعة

حي صلاح الدين - طريق الملك عبد العزيز شمال – بعد فندق صلاح الدين ب (3) عمائر على اليمين

مقابل مسجد الميداني (مسجد رفيق الحريري) – عمارة أحمد البلوي – الدور الأول – مدخل الأفراد – مكتب (3)

ت / 4501682-4553113

فاكس / 4700933

E-MAIL : TA-RUH*AWALNET.NET.SA

ص . ب / 9 - الرياض 11411

المواعيد من 9ص : 2 م

ومن 3 م : 9 م

فرع جدة 6632470-6644635 - 02

فرع الدمام 8322130-8328506 -03

_________________

الرياض

جمعية التجاريين المصريين

ت / 4136061

WWW.TOJAREEN.COM/FORM2.PHP

مواعيد العمل : من 8 : 12 مساءا

الأشتراك السنوي 100 ريال

شرط الأشتراك : أن تكون مصري

_________________

جدة

المركز الإداري والمالي للتدريب

مركز باغفار التجاري (إبن الأعلم التجاري) – شارع الستين – الدور الأول

ت / 6529278 -6529126 -6532495 -02

فاكس / 1275653

ص .ب / 11592 – المز البريدي / 21463

WWW.FIN.COM.SA

_________________

جدة

معهد بيكر

الدور الأول – الخليج بلازا – بعد مسجد الملك سعود على اليمين – طريق المدينة الطالع

_________________

جدة

مركز المشرق للعلوم والتكنولوجيا

الدور الثاني – مركز الشعلة التجاري – طريق المدينة الطالع

________________

المدينة المنورة

SCADA مجموعة التميز بالتعاون مع

مجمع الاوية التجاري و الإداري – الدور (10) – مكتب (1008)

ص . ب / 5218

مباشر 8256007

8223435 - تحويلة 333 أو 666 سنترال

0509334219 جوال

فاكس - 8221411

_________________

في الإمارات :

مراكز جامعة زايد المتخصصة – دبي

مركز تنمية التجارة والإقتصاد بالجامعه – برامج التدريب

_________________

B A – GLEIM الشرق الأوسط -

الشارقة

HTTP://WWW.GLEIM.AE/CMA.HTM

_____________________________

في الأردن :

شركة الطاهر للدورات التدريبية

HTTP://WWW.ALTAHERGROUP.COM/GR_AR/CMA.HTM

شكلوف :lol:

[شكلوف]

بسم الله الرحمن الرحيم

السلام عليكم

مشاركة بسيطة علي هامش الحوار المثمر

لقد لاحظت أن أغلب المهتمين بهذه الشهادة تراودهم الشكوك بشأن مصدر المعلومات الدراسية لهذه الشهادة وهل كتب جليم ام هوك أم هذا الكتاب أم ذلك أم ماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا أحب أن أوضح نقطة هامة جدا وهي أن أسلوب دراسة هذه الشهادة يتشابة في كثير من الأوجة مع أسلوب دراسة الماجستير في العلوم المحاسبية بمعنى أنة لا يشترط وجود منهج محدد بل عناوين موضوعات ثم يترك لك الخيار في البحث عن مصدر المعلومات التي تخص هذا الموضوعات فيفترض فيمن يحصل على هذه الشهادة أن يكون شخص مؤهل تأهيل غير عادى (سوبر مان في العلوم المحاسبية) محاسب محترف يعرف كيف يتصرف في جميع المواقف التى تواجهه وبناءا على ذلك جميع الكتب الموجودة حاليا سواء هوك أو جليم او غيرها هي مجرد تحديد لموضوعات الإمتحان ولكن لايمكن الإعتماد عليها كلية كدراسة متعمقة للموضوع كما أنة لا يمكن الحكم بأفضلية كتب خاصة بمعهد على آخر بمعنى أنة لايمكن الحكم أن تكون كتب هوك افضل من جليم أو العكس أو بيكر أفضل من لامبرز أو أن كتب معهد آخر هي الأفضل .. وذلك لعدة أسباب :

1- أن عملية التفضيل بين كتب معهد معين عن آخر هي عملية نسبية فمثلا لدي صديق إعتمد على كتب جليم فقط ونجح وآخر إعتمد على هوك فقط ونجح وكلها عملية نسبية ترجع بصفة أساسية لقدراتك الذاتية على إستيعاب المعلومات .

2- يتم الإستعانة بكتب جليم وهوك كرؤؤس وعناوين للموضوعات فقط ويمكن الدراسة من كتب أكاديمية كالجامعات أو غيرها في المكتبات العامة بشرط أن تكون في نطاق المنهج وستصل لنفس النتيجة إن لم يكن افضل في حالة دراستك من جليم او هوك .

لذلك أنصح جميع الزملاء الأفاضل الذين يسعون للحصول على هذه الشهادة بعدم إرهاق أنفسهم فكريا وماليا في الجري والبحث عن هوك أفضل من جليم أو العكس بل إبحث عن المنهج .

وهذا هو المهم وأرجو من جميع الأخوة بالمنتدى إذا كان لديهم معلومة أو كتب أو أي شئ ممكن نستفيد منة جميعا بأي صورة ألا يبخلوا بة على منتدانا هذا لتعم الفائدة وأحب أوضح شئ أن هذه الشهادة تعتمد بنسبة (90%) للنجاح فيها على أسلوب المشاركة في الحوار وتبادل الأراء وحل الأسئلة مما يزيد من إتساع أفق كل عضو فى منتدانا هذا مقبل على الإمتحان

وممكن إستخدام المصادر هذه للدراسة :

كتب جليم

السوفتوير الخاص بجليم لحل الأسئلة

كتب سؤال و جواب التي يصدرها المعهد نفسه CMA Q&A BOOKS

المذكرات العربية التي تحوي جميع الملاحظات من المصادر السابقة

ممكن أيضاً أستخدام IMA LEARNING SYSTEM و هذه المجموعة تكمن قوتها في محاكاة الأمتحانات و الأسئلة الموجودة في الموقع و التي يكون لكل مشتري لكتب هذا النظام حق أستخدامها عن طريق الأنترنت

جميع المصادر التي ذكرتها سابقاً لك مطلق الحرية في أستخدام أياً منها ولا يوجد شئ يلزمك بالأستذكار من مصدر معين و المهم أن تكون لديك النقاط المطلوبة من المعهد للأستذكار خطة أستذكارك تحوي

كما أنك قادر على الأستذكار بمفردك ، ثق بنفسك و في قدرتك و توكل على الله واثبت أنك تستطيع الإعتماد على نفسك في تحصيل العلم وأكسر حاجز الرهبة لمثل هذه الشهادات المهنية و أن نثبت لأنفسنا قبل أن نثبت للمهنيين الغربيين أننا مازلنا موجودون على وجه الأرض و أننا قادرون على التفوق و قادرون على أن نحوز هذه الشهادات المهنية و قادرون على بناء مستقبل مهني قوي بإذن الله

اسف للاطالة او لوجود تكرار

شكلوف :lol:

[ACCOUNTING LOVER]

أولا أنا باعتذر عن تأخري في المتابعة معاكم في المنتدى بسبب اني مشغول جدا لأني مسؤول مالي في مؤسسة كبيرة والحقيقة انا لاحظت شئ وأرجو ان يتسع صدركم للكلام اللي هقولة :

انا ملاحظ ان كل الزملاء لسة بتسأل كيف نبدأ ومن أين وأعتقد ان بعد حوالي أكثر من 19 صفحة فى هذا الموضوع انة آن الأوان للبداية لأن اذا استمرت الأسئلة كيف نبدأ فأحب أنبهكم من دلوقتي بان الوقت سيمر ولن يبدأ أحد

النقطة الثانية أنة عندما وضحت بأنة من الضروري بأن نبدأ بموضوع Cost Management فدة لعدة اسباب :

انك لن تستطيع أن تقرأ أي موضوع أو تستوعب أي موضوع في بارت وان بدون فهم Costing جيدا لأن اي موضوع بة كلمة Cost

ان هذا الموضوع يمثل 25 % من المنهج بمعنى 1\4 المنهج تقريبا وبمستوى C يعنى بدرجة عالية من الصعوبة

ان هذا الموضوع لكي تستوعبة يجب أن تقرأ الصفحات التى ذكرتها في الحلقات 14 -16 وذلك لأهميتها وساوالي ذكر باقي الصفحات تباعا لذا أرجو المتابعة حتى لا تشتت ذهنك وركز في صلب الموضوع وعلى العموم اللي حابب يتابعني انا تحت أمرة والقرار ليك في كيف تبدأ ولكن دي طريقة بيتبعها بعض محاضرين سي أم أية في مصر والخارج وأنا حبيت أنقلكم الطريقة دي والقرار ليكم .. أنا عامة بأستخدم هذة الطريقة وأفادتني جدا لأن الحمد للة وصلت لمرحلة أقدر أجاوب على الأسئلة بثقة عالية لأن زي ما وضحت قبل كدة أن هذة الشهادة تعتمد على الفهم وأنا نصحت قبل كدة ان كتب جليم وهوك لآ تغطى اطلاقا أي موضوع التغطية المطلوبة والحقيقة أنا عاوز أسال سؤال وعايز حد يجاوبني علية علشان أعرف اذا كنتم فاهمين الهدف من هوك وجلايم ولا لأ .. والسؤال هو هل لاحظ أحد ما هو عنوان كتاب هوك أو جلايم ؟

لو أي حد نظر بتمعن لعنوان هوك أو جلايم هيجد أن عنوانهم هو CMA REVIEW وأعتقد أن العنوان واضح بمعنى ان هذة الكتب هي مراجعة للموضوعات وليس للدراسة وللتأكد قمت بسؤال أحد أصدقائي في أمريكا فقال لي بالنص بأن هذة الكتب يقوم المحاسب الأمريكي بقرائتها سريعا قبل الدخول للإمتحان فهي مثل دليل الطالب اللى كان موجود أيام الجامعة لمساعدتك على تذكر المعلومات وحل الأسئلة فقط لا غير وهذا هو الهدف من وراء هذة الكتب فهي ليست كتب للدراسة بل للمراجعة فقط أرجو أن تكون هذة النقطة واضحة للجميع.

وبالنسبة لموضوع اللغة الإنجليزية سأحاول أن أرفع لكم بعض الكتب التي ستساعدكم في هذا الموضوع

أنا حبيت فقط أوضح هذة النقاط فقط لتكون الأمور واضحة للجميع والقرار لكم لتبدأو من أي شي ترونة مناسب ولكن بالنسبة لي فأنا أتبع هذة الطريقة لذا ارجو الرد هل أستمر بهذة الطريقة أم لا لأن الوقت بالنسبة لي ثمين ولا يوجد مجال لنضيعة في نقاش حول كيف تبدأ ونستمر الى ما لانهاية في هذا الموضوع فأنا رجل عملي اذا بدأت عمل فأحب ان أنجزة وأدخل مباشرة في صلب الموضوع

وأرجو أن تعذروني على تأخرى بسبب إنشغالي وعلى العموم اذا قررتم فسأبدأ مباشرة وسأنتظر ردكم وأرجو التعاون من الجميع وأحب أن اشكرك يا عمدة على مجهودك

اخوكم

ACCOUNTING LOVER

[عماد حمدي]

شششششششششششششششششششششششششششش

معلش الإريال أتهز مني وكررت المشاركة wst::

تم تعديل 17 أبريل 2010 بواسطة omda2006

[عماد حمدي]

Accounting lover

ياعم كمل انته قولتها 19 صفحة والناس لسة بتسأل يبقا حرام ..

كمل بجد والله انا عن نفسي مستمتع جدا ً جدا ً من مداخلاتك .. واحنا عملنا موضوع جديد اسمة ورشة عمل لمذاكرة الـ CMA الموضوع دا موجود في نفس القسم بتاعنا ..

انا اخدت كل مشاركاتك اللي فاتت وحتطها بشكل منظم ومرتب وبتنسيق كويس علشان تبقي العملية منظمة أكتر وخليت الموضوع التاني دا فقط للأسئلة والإستفسارات العلمية والتي تخص الدراسة فقط

وعملته بشكل حلقات بردة

ياريت لو تبص عليه بصه كدة .. ونظرا ً لضيق وقتك يا جميل فياريت بتعتلي أي شيء انته عايز تشارك بيه ع الإيميل او رسالة خاصة ومتحملش انته هم التنسيق والترتيب

قول اللي انته عايز تقولة براحتك وانا هرجع الصقة في الموضوع زي ما هو بالظبط لكن هنسقة بروقان وبكدة يبقي انتة وفرت وقتك في التنسيق ومن جهة تانية حفظنا حقكك بنشر المعلومة وسيادتك ممكن برده تبص بصة ع الموضوع التاني وجهة أخري خدمنا العضو أو الزائر في انه يشوف المعلومة مرتبة ومنظمة

ياريت بجد تكمل واحنا متابعين معاك ومفيش حد يقدر ينكر مجهودك اللي انتة عاملة

دا ايميلي

emadhamdy56@hotmail.com ابعتلي بس الحلقة وملكش دعوه بالباقي الحلقات بس انما مشاركاتك العادية والإجابة ع الأعضاء دي براحتك خالص فيها wst:: بس انا أقصد الحلقات اللي انته عايز تعملها .. وأكيد فية ناس هنا هيوفقوني ع الإقتراح دا

شكراً

تم تعديل 17 أبريل 2010 بواسطة omda2006

[العقرب]

الموافق علي راي عمده يتفضل برفع يده

:unsure: موافقه