CMA® Certified Management Accountant النظام الجديد مراجع كتب أسئلة إستفسارات وغيرها متجدد

[ACCOUNTING LOVER]

الأخ شريف مان أنا تحت أمرك في أي أستفسار

أحب أوضح شئ مهم وهو إننا بدأنا بعد ما أتفقنا على البداية ولسبب آخر هو عنصر الوقت ووجود بعض الزملاء اللي لسة بيسألو نبدأ منين وظل هذا السؤال مطروح على مدار 24 صفحة في الموضوع دة وسبق إنى نبهت أن هذا السؤال إذ ظل يراود الكثيرين ولفترة طويلة وأعتقد بردة لا زال يراودهم لأنهم مشتتين نفسهم ومش قادرين ياخدو قرار

أنا نصيحتي للجميع إذا عزمت فتوكل وأعمل اللى عليك والباقي على ربنا ومتخافش وخش في صلب الموضوع مباشرة وتعلم كيف تكون جرئ لأن النجاح أساسة الجهد ولا تدخل في دائرة ودوامة تساؤلات لا تنتهي مثلا

أبدأ منين واذاكر أزاي وأعمل اية وتظل هذة التساؤلات إلى ما لا نهاية وتظل أنت محلك سر لا تتحرك قيد أنملة

فلا زالت الفرصة أمامك لتتابعنا في ورشة الدراسة التي بدأتها مع الأخ عمدة وتابعنا

وأحب أوضحلك شئ أنة من خلال دراستي للجزء اللي طرحتة في حلقات موضوع الورشة أنا شايف أن موضوعات هذة الشهادة سهلة جدا بس الخدعة اللي بتخلى أي حد أنة يظهر لة أن الشهادة دي صعبة هي الأسئلة غير المباشرة فمفتاح النجاح هو كيف يكون لديك القدرة على فك رموز أي سؤال وبالتالي سيكون الحل سهل جدا لأنك فاهم الموضوع كويس ولذلك أنا لو تلاحظ في حلقات الورشة اللي بحطها أنى مركز على الأسئلة لأن كثرة حل الأسئلة تنمى الفكر ويتجعلك محترف في فك وقراءة فكرة السؤال لأنة يفترض انك شخص محترف مهنيا

أرجو من الجميع أن يبدأو معانا ويتابعونا في ورشة الدراسة وهتلاقي نفسك محترف في كيفية حل الأسئلة

بداية النجاح خطوة

تمنياتي للجميع بالتوفيق

أخوكم

ACCOUNTING LOVER

[احمد الفخرانى]

السلام عليكم

اولا احب اشكر كل الناس على المجهود الرائع اللى عملينه ....

وان كنت انا قليل المشاركه لكن ده يمكن عشان مش عندى اضافه اقولها . انا بحاول استفاد منكم

وانا متابع كل الحلقات تقريبا بتعتك يا عمده وكمان ورشه العمل مع ACCOUNTING LOVER وبردو بشكركم تانى وتالت لانى واحد من المستفيدين من مجهودكم ولازم كل واحد يأخذ حقه وكمان مدام ضحى ليها شكر خاص على النصائح.

بس يا جماعه عايز اسال سؤال ؟؟؟؟؟؟ ( انا حاسس انى مش قادر افهم المعلومه كويس وعندى مشكله مع اللغه مع انى بشتغل محاسب وعندى شويه خبره فى المحاسبه الماليه والتكاليف بس مش قادر افهم مثلا القطعه اللى بقرائها معناها ايه بالضبط مش عارف عشان انا بترجمها غلط مثلا ولا ايه بالضبط؟؟؟ بجد اول مره احس انى غبى......

وجزاكم الله خيرا وجعله فى ميزان حسناتكم

[ACCOUNTING LOVER]

الأخ العزيز أحمد الفخراني

ردا على تساؤلك عن كيفية التعامل مع عائق اللغة فإليك النصائح الآتية :

أولا أقرأ القطعة على بعضها أول مرة حتى لو أنتا مش فاهم .. يعني قراءة سريعة وحاول تنطق الكلمة حرفيا يعني حسب حروفها

ثانيا أقف عند الكلمة اللي مش عارف معناها وطلع معناها من القاموس وخلي القاموس ينطقها علشان تعرف اسلوب نطقها

ثالثا جمع الكلمات دي في كراسة خارجية وأكتب أمام كل كلمة معناها مرة بالعربي ومرة بالإنجليزي وهتلاحظ حاجة مهمة أن حوالي 80 % من الكلمات الموجودة في موضوعات هذة الشهادة هي مصطلحات مكررة في معظم الموضوعات وبكدة هتلاقى عائق اللغة ملوش أي وجود والموضوع ماشي سلس وسهل

وأنا عن نفسي هحط قاموسين أو ثلاثة من أروع قواميس اللغة الإنجليزية واللي ممكن تساعدك على الموضوع دة

وربنا يوفقك ويوفق الجميع

ملحوظة إن شاء اللة الأخ عمدة يتفضل مشكورا بوضع الحلقة السابعة في الورشة لأنى أرسلتها لة أمس ومشكور على مجهودة معايا

أخوك

ACCOUNTING LOVER

[شريف مان]

وأنا عن نفسي هحط قاموسين أو ثلاثة من أروع قواميس اللغة الإنجليزية واللي ممكن تساعدك على الموضوع ده

والله كنت لسه هطلب دا من حضرتك

لان معظم القواميس اللى عندى الترجمة فيها مش مظبوطة

[عماد حمدي]

السلام عليكم ورحمه الله وبركاته

أعتذر ع عدم التواجد أمس وقب أمس ..

وبصراحة تفاجئت باللي حصل وسوء التفاهم اللي بين أختنا ضحي"ماما" :huh: وأخونا Accounting Lover والأخت ضحي وضحت سوء التفاهم واللبس اللي حصل مع أخي محب المحاسبة

لكن هناك تنويه هام للجميع ويجب للكل أن يعرفة جيدا ً

الأخت الفاضلة ضحي لها الفضل بعد الله سبحانه وتعالي في فتح هذا الملتقي الذي نحن فيه الآن نستفسر نسأل نستفيد نضع ماتريال وتطور الأمر لفتح ورشة مجانية للشرح ..

الموضوع كان بالبداية تساؤل من أخونا محمد أفندي في قسم المغتربين .. وتطور الحديث عن التغيرات الجزرية للسي ام اية والأخت ضحي نصحتنا وقدمت إقتراح مكنش ع بالي نهائيا ً وهوه فتح موضوع مخصص للسي ام اي ..

وفي بداية الموضوع لاحظنا ان عدد الزائرين قليل وأصبت بالإحباط وجالي وقت أني مكنتش هكمل فعلاً ..

وكانت هيا بمثابة الديناموا اللي شجعني أني أكمل المسيرة دي وأن الموضوع هينجح بس الصبر ..

وبالفعل وفقنا الله تعالي والدليل عداد الزوار .. والموضوع مفتوح مكملش شهرين ع فكرة من يوم 17 مارس

وأيضا ً كان لها الفضل بعد ربنا أنها برده قدمت إقتراح لفتح الورشة ...

وأيضا ً تقديم نصائحها الكثيرة اللي عن نفسي أتفدت منها كثيرا ً .. لذا فلا ننكر مجهودها معانا لانها كانت ومازلت عنصر فعال

وبذرة زرعت في هذا الملتقي واصبح تربة خصبة نحصد منه كل يوم المزيد والمزيد لكي نستفاد جميعا ً

فلها كل الشكر والتقدير والاحترام .. ولزم التويه

باقي الإلتباس اللي حصل فتفضلت مشكوره بتوضيحة لأخي محب المحاسبة وهوه أيضا ًَ من كرم وحسن أخلاقة إعتذر عن سوء التفاهم اللي حصل دا ..

وياريت كل واحد يلتمس لأخوه المسلم 70 عذر .. وكل سنة وانتم طيبين

وبالتوفيق ,,

عمدة

تم تعديل 8 مايو 2010 بواسطة omda2006

[ACCOUNTING LOVER]

الأخ عمدة ومدام ضحى أنا بأعتذر عن سؤ الفهم واللبس اللي حصل لأنى فهمت إنها تنتقد الأخ عمدة ودة شئ أنا لا اوافق علية لأنة لا يمكن الوفاء بحقة من الشكر والتقدير

وبعد توضيح الأخ عمدة لمجهود مدام ضحى معانا في المنتدى

فأحب يا جماعة أنى أتقدم بوافر الشكر والتقدير لمدام ضحى والمثل بيقول ما محبة إلا بعد عداوة والحمد للة إنها وضحت سؤ الفهم اللى حصل وإن شاء اللة نتعاون لما فية الخير

وأنا لا أخجل من الإعتذار إذا أخطئت وأرجو أن نبدأ صفحة جديدة من التعاون الجاد والمثمر

أخوكم

ACCOUNTING LOVER

[عماد حمدي]

Accounting Lover

والله انته شخصية محترمة وجزاك الله خير علي شعورك النبيل .. وإحنا هنا كلنا إخوات في الله ..

تقبل مروري ,, وشركا ً ليك مرة تانية

اخوك

عمــ OMDA2006 ـــــاد

[شريف مان]

CMA - The Budget Unit2 Part1 شرح مترجم

Links to Download Sites containing COPYRIGHTED or OFFENSIVE MATERIALS may be removed by the moderation team!

تم تعديل 17 أغسطس 2011 بواسطة Mohammad

[عماد حمدي]

نسألكم خالص الدعاء من قلوبكم ..

:lol: :ninja:

Omda2006

Emad Hamdy

تم تعديل 9 مايو 2010 بواسطة omda2006

[aboeyad]

والله يا جماعه الواحد مش عارف يعبر عن مجهودكو ده ازاى

وبالاخص العمده الجامد اللى بيساعد اى حد وبيخدم بمنتى الاخوه

وعلشان منساش حد انا حابب اشكر كل انسان اضاف معلومة صح

وعلى فكرة يا عمده احنا بدانا النهارده فى يونت 1 وبدات الدنيا تبقى احلى من الشغل النظرى اللى كان فى البداية

وارجو ان استطيع ان اساهم معاكو باى وسيلة

اخوكم

ابو اياد

[عماد حمدي]

والله يا جماعه الواحد مش عارف يعبر عن مجهودكو ده ازاى

وبالاخص العمده الجامد اللى بيساعد اى حد وبيخدم بمنتى الاخوه

وعلشان منساش حد انا حابب اشكر كل انسان اضاف معلومة صح

وعلى فكرة يا عمده احنا بدانا النهارده فى يونت 1 وبدات الدنيا تبقى احلى من الشغل النظرى اللى كان فى البداية

وارجو ان استطيع ان اساهم معاكو باى وسيلة

اخوكم

ابو اياد

ربنا يباركلك يا ابو اياد ومبروك ع تفعيل العضوية

بص يا جميل لو تعرف تساهم معانا وتجيبلنا الهاند أوت الخاص بالمركز اللي بتدرس فيه ياريت

تراسلني ع الميل وهتبع معاك نفس الاسلوب اللي متبع مع أخونا Accounting Lover

بيعتلي الحقات ع الإيميل وانا بنسقها وبحطها هنا بالمنتدي

ياريت تدرس الإقتراح دا

في رعاية الله ,,

عماد

[HUSSEIN AZAIM]

جزاكم الله كل خير يا رجالة علي المجهود الرائع واثابكم الله عليه خير ثواب

عمدة باشا ان لسة مشترك في الموضوع جديد ونفسي استفاد من اضافاتكم الممتازة

الاخوة قالوا ان انت رفعت كتاب جليم قبل كدا ممكن الرابط بتاعة من فضلك

الف مليووووووووووون شكر

[novanova]

شكرا شريف مان الشرح هايل حلو اوى شكرا ليك

[ACCOUNTING LOVER]

زي ما وعدتكم قبل كدة أنا لاحظت أنة في بعض الزملاء يعاني من صعوبة في ترجمة المنهج وبعون اللة أنا رفعت مجموعة من أروع القواميس اللي ممكن تساعدكم وهى فعلا

قواميس رهيبة

عدد 7 قواميس شوف المناسب منها أية وأستخدمة وفيها قواميس ناطقة علشان تعرف أسلوب النطق

وهى من رفعي الخاص

للتحميل

حمل يا باشا وأدعيلي

أخوكم

ACCOUNTING LOVER

[شريف مان]

اخى ACCOUNTING LOVER

برجاء اعادة النظر فى رابط التحميل حيث لا يوجد به الا ملف واحد فقط

وشكرا

[شريف مان]

شكرا شريف مان الشرح هايل حلو اوى شكرا ليك

عفوا اختى

وللامانة الموضوع منقول وانا حطيته هنا عشان الكل يستفيد

md2:

[abusalem]

السلام عليكم ورحمة الله وبركاته

في البداية أحب أن أشكر الأخ العمدة عماد صاحب هذا الموضوع الجميل وصاحب التنظيم والتنسيق الرائع لهذا الموضوع .. والأخت ضحى صاحبت الفكرة وصاحبة النصائح والكلمات المحفزة .. والأخ محب المحاسبة صاحب القلب الكبير المحب للمساعدة وصاحب هذا الشرح وهذه الطريقة الجميلة في المذاكرة ..

وأشكر الصراحة كل من ساهم في هذا الموضوع سواءا بالكلمة المشجعة أو صاحب إقتراح مفيد او صاحب النقد البناء أو من ساعد برفع بعض الماتيريال أو القواميس فلكم الشكر جميعا ..

أنا أتابع هذا الموضوع من فترة وقرأت الموضوع من أوله إلى آخره وهذا ما شجعني وجعلني أشارك وأسجل في هذا المنتدى ولكن تأخري في الرد كان بسبب تأخر قبول عضويتي ..

ولي عودة إن شاء الله لأن لدي بعض الأسئلة ..

تقبلوا مروري .. ولكم من كل الود والاحترام

تم تعديل 10 مايو 2010 بواسطة abusalem

[ACCOUNTING LOVER]

الأخ شريف مان أنا جربت الرابط وهو سليم وشغال لأنك أول ما هتضغط على الرابط هتلاقي صفحة بها القواميس السبعة وأمام كل قاموس هتلاقي كلمة داونلود

ارجو التجربة والإفادة وللمعلومية الرابط خاص بموقع ميديا فاير

أخوكم

ACCOUNTING LOVER[وسط][/وسط]

[aboeyad]

من عنيا يا عمده

هاحول اشوف اى وسيلة لموضوع الهاند اوت لانى للاسف مش عندى سكانر

وفى اقرب فرصة نكون مظبطين الموضوع ده

تحياتى للجميع

[عماد حمدي]

من عنيا يا عمده

هاحول اشوف اى وسيلة لموضوع الهاند اوت لانى للاسف مش عندى سكانر

وفى اقرب فرصة نكون مظبطين الموضوع ده

تحياتى للجميع

شكرا ً لإهتمامك يا زعيم ومنتظرينك

تحياتي ,,