CMA® Certified Management Accountant النظام الجديد مراجع كتب أسئلة إستفسارات وغيرها متجدد

[عماد حمدي]

الحلقة الخامسة

:bsmal:

بعنوان ( يالا نبدأ نذاكر ... .... )

بفضل الله تعالي تم توفير بعض الكتب الهامة لدراسة الـ CMA ) .

1- كتاب البورد الجزء الأول للمعهد IMA دا كتاب المعهد نفسة النظام الجديد طبعا ً

إضغط هنا للتحميل

2- كتاب جليم الجزء الأول .. طبعا ً النظام الجديد .. ثمنه 800 دولار وخش ع موقع جليم وإتأكد :lol:

Links to Download Sites containing COPYRIGHTED or OFFENSIVE MATERIALS may be removed by the moderation team!

3- حصريا ً برنامج جليم CMA 2010 كاااااااااااامل .. دا اية يا عماد ؟؟!! :huh:

سبق ان اتفقنا ان طريقة الإمتحان انه يجلس كل طالب أمام الكمبيوتر ويحل وبعد ما يخلص الإمتحان النتيجة بتظهر وقتي فورا ً إذا كنت ناجح او راسب ... طيب مفهمناش بردة دا اية :lol:

دا برنامج الإمتحانات كامل للنظام الجديد سيادتك هتشغلة وتبدأ تدرب ع الإمتحان كأنك في اللجنة بالظبط وتقيس مستوي مذاكرتك

طبعا ً فية ميزة جامدة ؟؟ اية هيا يا عمدتي ؟؟؟

انك مثلا ً ذاكرت الوحدة الأولي وبقيت تمام اوي طبعا ً من كتاب هوك او كتاب المعهد بعدين حليت أسئلة جليم اللي هيا بعد كل وحدة ..

تمام .. سيادتك هتفتح البرنامج وتختار منه الجزء الأول ثم الوحدة الأولي ثم إبدا الإمتحان ... :) وتمحتن كأنك في اللجنة بالظبط بس ع اليونت اللي انته حددتة ..

بمعني انك بتختار الوحدات اللي سيادتك عايز تمتحن وتقيس مستوي مذاكرتك .. وتمتحن

إضغط هنا للتحميل

:lol: :lol:

تم بحمد الله تعالي

omda2006

EMAD HAMDY

إنتظروا الحلقة السادسة وأي حد عنده أي إستفسار يتفضل يطرح سؤاله

:waf:

[doha]

جبت الكنوز دي منين !!

الف شكر .. الروابط شغاله ماشاء الله تمام وجاري التحميل .. بنصح اي حد مهتم بالموضوع ولو من باب اخذ فكره او العلم بالشيء انه يحمل الملفات دي بسرعه قبل مالروابط تتعطل او تتلغي ..

سؤال بعد اذنكم للي عنده فكره ..

هل لو حد ذاكر وبقى مستعد وراح يمتحن في اي مركز معتمد بيلاقي حجز عادي ويدخل يمتحن عادي ولا الموضوع عليه ( ضرب نار ) زي الرخصه الدولية كده ولازم حجز موعد للامتحان من قبلها بفترة طويلة

سؤال برضه .. هل كونك تاخذ كورس ده بيضمن لك مكان في الامتحان ولا الي واخد كورس زيه زي الي معلم نفسه كله متساوي وكله بيدخل في اي وقت او بنفس الآلية ؟؟

[عماد حمدي]

جبت الكنوز دي منين !!

الف شكر .. الروابط شغاله ماشاء الله تمام وجاري التحميل .. بنصح اي حد مهتم بالموضوع ولو من باب اخذ فكره او العلم بالشيء انه يحمل الملفات دي بسرعه قبل مالروابط تتعطل او تتلغي ..

سؤال بعد اذنكم للي عنده فكره ..

هل لو حد ذاكر وبقى مستعد وراح يمتحن في اي مركز معتمد بيلاقي حجز عادي ويدخل يمتحن عادي ولا الموضوع عليه ( ضرب نار ) زي الرخصه الدولية كده ولازم حجز موعد للامتحان من قبلها بفترة طويلة

سؤال برضه .. هل كونك تاخذ كورس ده بيضمن لك مكان في الامتحان ولا الي واخد كورس زيه زي الي معلم نفسه كله متساوي وكله بيدخل في اي وقت او بنفس الآلية ؟؟

ميرسي ع زوئك يا DOHA ومحتاج بس دعوة جميلة من كل شخص دخل وإستفاد من الموضوع دا .. ان ربنا يصلح لنا الحال ويهدينا الي الصراط المستقيم

مواعيد الحجز عادي مش هتفرق في اي وقت ممكن تحجزي بس سؤالك دا فكرني بشيء مهم وسؤال يطرح نفسة ع نفسة :lol:

س سؤال : هل لو انا حجزت يا عمدة علي شهر مثلا ً 5 وجت ظروف لقدر الله ومش هقدر أحضر الإمتحان هل كدا يضيع عليا 350 دولار ؟؟؟

ج جواب : لا يا سيدي متقلقش من حاجة خالص من حقكك انك تأجل الإمتحان مرة واتنين وتلاتة وعشرة كمان لو حبيت :lol:

بس فية حاجة متفرحش أوي كدة :lol:

لو عايز تأجل مش مثلا ً إمتحانك بكرة وتروح تأجل النهارده لالالالالالا لازم قبلها بثلاث ايام ع الأقل ....

ومفيش ضرب نار ولا حاجة لأن العملية بقت أصعب من الأول وأي حد عايز يخش الإمتحان هيفكر مليون مرة قبل أن يبادر بهذه الخطوة .. لذلك ان شاء الله العملية تكون سهلة ,, اللي مخلي فية ضرب نار ع مواعيد إمتحانات الرخصة الدولية انها سهلة جدا وأي حد ممكن ياخدها ياعني ممكن تلاقي طالب في إعدادي خدها .. ودا بقا عيب كبير ان شهاده زي دي مع مرور الوقت فقدت إسمها وقوتها بالسوق عكس ما كان أول ظهورها .. الـ CMA عكس كدة تماما ً لان المنهج بيتطور كل فترة بما يتناسب مع إحتياجات سوق العمل الفعلية لذلك فهي شهاده مهنية أكتر من إنها أكاديمية .. وكل يوم بتثبت قوتها في سوق العمل ..

إجابة سؤال الثاني DOHA

عادي اللي بيذاكر لواحدة ممكن يحجز زي ما هوه عايز الإمتحان واللي درس في معهد برده براحتة يخلي المعهد يحجزلة او يحجز مع نفسة بعد ما يتأكد من مذاكرتة ..

أتمني أوكون وفقت في ردي علي إستفسارك

وبالتوفيق للجميع

ولا ننسي دعواتكم للمسجد الأقصي .. ويفك الحصار الحالي .. وينصر الإسلام والمسلمين في كل مكان وزمان

في إنتظار باقي الأسئلة والإستفسارات

اخوكم

omda2006

Emad Hamdy

تم تعديل 19 مارس 2010 بواسطة omda2006

[ابو حودة]

شكرا على المجهود

بس ماشي عم

علشان انتم مهتمين بالجزء الاول

وطيب والجزء التاني اخباره ايه

هوك او جليم

مرة تانية شكرا

[عماد حمدي]

شكرا على المجهود

بس ماشي عم

علشان انتم مهتمين بالجزء الاول

وطيب والجزء التاني اخباره ايه

هوك او جليم

مرة تانية شكرا

شكرا يا أبو حودة ... بص بالنسبة للماتريال الخاصة بالجزء الثاني فصعب جدا والله في الوقت الحالي للأسباب التالية :

1- النظام القديم كان ممكن تمتحن مثلا ً أي بارت في اي وقت دون الإلتزام بالترتيب بمعني ممكن تمتحن البارت التاني في الأول زي ما انت عملت كدا وبعد كدا مثلا ً الأول وهكذا ...

2- النظام الجديد مفيش كدا خالص لازم تمتحن الجزء الأول في الأول وبعد كدة الجزء الثاني .. فدلوقت النظام الجديد لسة الناس هتبدأ تذاكر ياعني الموضوع لسة طازة فصعب أوي إننا نوفر الجزء الثاني في النظام الجديد حاليا ً .. كلة دلوقت مهتم بالبارت الأول ولسة أول إمتحان هيكون في شهر 5 بعدين جليم طرح الكتاب بتاعة تقريبا ً في الشهر دا او قبلة بقليل

حبيت بس ألف نظرك للنقطة دي .. ومتلفش في المنتديات التانية علشان مش هتلاقيه

:blush2:

تقبل مروري ,,

اخوك

Omda2006

EMAD HAMDY

في إنتظار باقي الأسئلة أو الإستفسارات

تم تعديل 19 مارس 2010 بواسطة omda2006

[ابو حودة]

على فكرة لو حد معلوماته مش تمام

يبقى لازم يذاكر من هوك

ويحل امتحانات هوك وجليم

وبعدين يحل mock exam

يعني امتحان كامل

ويظبط الوقت علشان يتعود على جو الامتحان ويخليه بعدين عن الزوجة (الزوج ) والولاد

ورينا يوفق الجميع في رأيي ان الموضوع يستاهل حتى لو مفيش امتحانات هو مفيد جدا

[عماد حمدي]

على فكرة لو حد معلوماته مش تمام

يبقى لازم يذاكر من هوك

ويحل امتحانات هوك وجليم

وبعدين يحل mock exam

يعني امتحان كامل

ويظبط الوقت علشان يتعود على جو الامتحان ويخليه بعدين عن الزوجة (الزوج ) والولاد

ورينا يوفق الجميع في رأيي ان الموضوع يستاهل حتى لو مفيش امتحانات هو مفيد جدا

شكرا ع المداخلة يا أبوحودة .. وفعلاً كلامك مظبوط ودا انا وضحتة في المشاركات الأولي ... تقريبا ً في الحلقة الأولي أو التانية .. هيا سهلة جدا جدا جدا بس اللي نص نص يذاكر من هوك لانه سلس وأسلوبة جميل بس متعمق زيادة عن اللزوم ودي ميزة مش عيب لانك هتكتسب أكبر قدر ممكن من المعلومات وهتفيدك علي المستوي المهني و كمان هتبقي في الأمان وانتة داخل ع الإمتحان و كمان مفيش مانع إننا نقرا ع السريع كدا كتب الكلية بالعربي علشان بس تعمل عملية تنشيط للذاكرة ( الإدارة المالية - كتب المراجعة - الإقتصاد - وهكذا ) هتساعد كتير والله وانت بتذاكر وهتوفر عليك لان ببساطة انك هتكون فاهم اليونت دا مثلا ً بيتكلم عن اية بالعربي والصعوبة هتأتي في حفظ المصطلحات والجمل باللغة الإنجليزية .....

ياعني هتختصر نصف الطريق ( الفهم ) والنص الثاني ( الحفظ )

ولازم نعرف ان نظام الإمتحان مش بيعتمد علي انك تكون حافظ !!! كليا ً يعتمد ع الفهم وهذا يا يميز هذه الشهاده

وفعلاً ذاكر مثلا ً اليونت الأول من هوك ,, بعدين طير علي جليم هات أسالة اليونت دا وحلها .. والبرنامج اللي انا حطيتة في الحلقة الخامسة هيفيدكم كتير جدا ً لانة بمثابة إختبار مثل الفعلي تماما ً

وبالتوفيق يارب للجميع

بإنتظار باقي الإستفسارات والأسئلة من الأخوه الأعضاء

:blush2:

أخوكم

Omda2006

Emad Hamdy

تم تعديل 19 مارس 2010 بواسطة omda2006

[doha]

طب ممكن كتاب هوك ؟

( شحات وعاوز فطيرة سخنة .. )

[ابو حودة]

Links to Download Sites containing COPYRIGHTED or OFFENSIVE MATERIALS may be removed by the moderation team!

[doha]

Links to Download Sites containing COPYRIGHTED or OFFENSIVE MATERIALS may be removed by the moderation team!

الف شكر ياابو حوده بس ده الجزء الثاني على مايبدوا .. مفيش جزء اول .. وياريت لو على الرابد شير او اي سيرفر تاني غير ده عشان معرفتش اعمل له داونلود ..

( سخنة وبالكاتشب والساقع كمان )

[عماد حمدي]

مشكور يا أبو حوده

بس هل الملفات دي كلها تخص الجزء الثاني ولا لسة فية ملفات تانية ؟؟؟

برجاء التوضيح ,,

وبعد إذنك أي عضو يحط رابط بعد كدا ياريت يوضح دا عبارة عن اية بالظبط

تقبل مروري يا جميل

وجزاك الله خيرا ً و جعلة في ميزان حسناتك

تم تعديل 20 مارس 2010 بواسطة omda2006

[عماد حمدي]

683 زيارة ومفيش غير 5 او 6 ردود وعدد 2 او 3 أعضاء بس اللي متابعين !!!

بداية مبشرة ..

تم تعديل 20 مارس 2010 بواسطة omda2006

[hOuSsAm]

683 زيارة ومفيش غير 5 او 6 ردود وعدد 2 او 3 أعضاء بس اللي متابعين !!!

بداية مبشرة ..

مبشرة باذن الله يا عمنا

بس الفكرة انك مصدر للمعلومة وهتلاقى الباقى فى صف متلقى المعلومة

ولو فيه حاجة محتاجينها هنسالك

توكل على الله انت وربنا يجعله فى ميزان حسناتك

[عماد حمدي]

683 زيارة ومفيش غير 5 او 6 ردود وعدد 2 او 3 أعضاء بس اللي متابعين !!!

بداية مبشرة ..

مبشرة باذن الله يا عمنا

بس الفكرة انك مصدر للمعلومة وهتلاقى الباقى فى صف متلقى المعلومة

ولو فيه حاجة محتاجينها هنسالك

توكل على الله انت وربنا يجعله فى ميزان حسناتك

شكرا ع شعورك النبيل يا أخ حسام

[doha]

683 زيارة ومفيش غير 5 او 6 ردود وعدد 2 او 3 أعضاء بس اللي متابعين !!!

بداية مبشرة ..

طبعا مبشرة جدا ..

اولا من عدد الزيارات تعرف ان الموضوع مهم .. ثانيا من عدد المشاركات تعرف ان قليل اوي الي عنده حاجه يقولها في الحكايه دي يعني عدد الحاصلين على الشهاده مش كتير زي شهادات تانية لو فتحت الكلام عنها هتلاقي الكل جاي جري ( يفت ) ..

سير على بركه الله ومتنساناش من الحلاوة لما تاخذها باذن الله ..

ملاحظة : بقترح على حضرتك بجد تشتغل باذن الله بعد كده في تدريسها ماشاء الله تبارك الله اسلوبك اكثر من رائع في ايصال المعلومه ومشجع كمان ان الواحد يستمر في المتابعه ..

----------------------------------

كان عندي سؤال ..

دلوقت اثناء بحثي عرفت ان في حاجه اسمها CMA ودي الي عليها العين والنية في الموضوع ده والحمد لله فهمت هي بتاعت ايه ووظيفة الي هياخذها ايه بالظبط كونه مرتبط اكثر شيء بالنواحي الادارية او اتخاذ القرار بناء على المعلومات المحاسبية الي هتيجي له ..

لقيت في شهاده تانيه اسمها CFA بمعنى مدير مالي معتمد او شيء من هذا القبيل ..

ياترى حد عنده فكرة عن الفرق ( الدقيق ) مابين الشهادتين وايهما افضل لو الواحد حابب يتخار وحده فيهم يختار مين او حتى يبدأ بمين فيهم ... وليه ..

[أحمد سيف]

كان عندي سؤال ..

دلوقت اثناء بحثي عرفت ان في حاجه اسمها CMA ودي الي عليها العين والنية في الموضوع ده والحمد لله فهمت هي بتاعت ايه ووظيفة الي هياخذها ايه بالظبط كونه مرتبط اكثر شيء بالنواحي الادارية او اتخاذ القرار بناء على المعلومات المحاسبية الي هتيجي له ..

لقيت في شهاده تانيه اسمها CFA بمعنى مدير مالي معتمد او شيء من هذا القبيل ..

ياترى حد عنده فكرة عن الفرق ( الدقيق ) مابين الشهادتين وايهما افضل لو الواحد حابب يتخار وحده فيهم يختار مين او حتى يبدأ بمين فيهم ... وليه ..

الـ CFA هي شهادة و designation للمحلل المالي ... تصلح لمن يريد العمل في مجال الاستثمار (بورصه - بنوك استثمارية - صناديق استثمارية - شركات وساطة... الخ).

الشهادة يتم الحصول عليها بعد اجتياز امتحانات ل 3 مستويات .. بين كل امتحان والتالي سنة على الاقل ... مع ضرورة وجود خبرة 4 سنوات في مجال الاستثمار.

أنا كنت خلصت مستوى وبدأت في الثاني وبعد كده صرفت نظر لإني غيرت مجالي تماما من الاستثمار الى الأكاديميا.

أما شهادة CMA فهي لمن يريد العمل في الإدارة المالية والمحاسبة. ولا أعرف عنها الكثير بصراحه.

[عماد حمدي]

شكرا ً يا DOHA ع زوئك ومجاملتك الرقيقة دي .. وان شاء الله مش هنساكي في الحلاوة إدعيلي بس ..

دا انا هعملكم فرح هنا والكل يخش يزغرط :110:

بس أخدها الأول .. دعواااااااااااااااااااتكم بس أهم حاجة .. وكلنا ناخدها إن شاء الله ونبقي أحسن محاسبين في الدنيا كلها

ونعدل من وضعنا الحالي شوية .. ويبقي المحاسب المصري ليه وزنة وتقلة في سوق العمل ..

بالنسبة للتدريس .. مش للدرجة يا DOHA انا يادوب لسة فرفور صغير .. أنا كنت بدرس قبل كدة ICDL وانا في 4 كلية لاني كنت واخدها من سنة تانية .. بس دي الـ ICDL مش الـ CMA هههههههههه فرق شاسع

وبجد دي شهاده أعتز بيها جدا وفخر ليا أن سيادتك تقولي كدا .. شكرا يا جميل .. وربنا يجبر بخاطرك زي ما جبرتي بخاطر العبد الضعيف دا ههههه

طبعا ً احنا عرفنا قبل كدا .. ما هي الـ CMA .. ودور المحاسب الحاصل علي هذه الشهادة ...

دلوقتي هنقول ما هي CFA ؟؟

الـ CFA إختصار لـ المحلل المالي المعتمد .. ونركز في كلمة مالي دي تمام ..

ودا منقول للامانة والحفاظ ع حقوق الناشر من منتدي المحاسبين العرب ( للعضو SPIKES ) ..

تعبر شهادة المحلل المالي المعتمد /CFA Chartered Financial Analyst عن برنامج معتمد دولياً لقياس كفاءة المحللين الماليين وتكامل معارفهم. وقد تم تصميم هذه الشهادة من قبل معهد المحللين الماليين بالولايات المتحدة الأمريكية. وقد منح المعهد شهادات بها للمرة الأولي عام 1963، ومنذ ذلك الحين وهي رمز التميز في المجتمع الاستثمارى على مستوي العالم. ويتم منح الشهادة بعد اجتياز اختبار ثلاثي المراحل لقياس قدرة المتقدمين للاختبار علي تطبيق المعارف الأساسية المتعلقة بأسس الاستثمار واتخاذ القرار علي المستوي المهني.

ما هي الفئات الوظيفية المرشحة للحصول على الشهادة

تشمل قائمة المرشحين للحصول على هذه الشهادة العديد من المهنيين والمحترفين بمجال الاستثمار وعلى رأسهم:

المحليين الماليين

رؤساء الشركات

مدراء الشركات الاستثمارية

مدراء إدارات الاستثمار بالبنوك والشركات المساهمة

مدراء محافظ الاستثمار

واضعي الاستراتيجيات

تقييم الشركات والأصول

الأكاديميين صين بمجال الاستثمار

المؤهلات المطلوبة للتسجيل للاختبار

يتطلب التسجيل لدخول الإختبار:

الحصول على مؤهل جامعي، درجة البكالوريوس، في المجال

خبرة عملية لا تقل عن عامين في مجال التحليل المالي

ما هي القيمة المضافة من الحصول على الشهادة

4-6 التسجيل للعضوية :

تم تصميم منهج المحلل المالي المعتمد لتعميق المعارف الخاصة بنظم تقييم الاستثمار وإدارة محافظ الاستثمار والأوراق المالية، ورفع مهارات المهنيين صين في هذا المجال. ويركز المنهج عدة جوانب أهمها:

التميز في تقييم وتحليل حقوق الملكية والأوراق المالية والدخول الثابتة

تزويد المشاركين بالمعارف المتصلة بالقوانين واللوائح المتصلة بالأوراق المالية والمحافظ الاستثمارية وقواعد السلوك المهني

تزويد المشاركين بالمعارف المتصلة بعمليات تقييم الأصول وإدارة محافظ الاستثمار

تحليل وتقييم الاستثمار

تحليل القطاعات والأنشطة التجارية

ويتميز المنهج بالمرونة الشديدة التي تمكن المشارك في البرنامج من العمل بالتوازي لإنجاز مهامه الوظيفية بجانب دراسة المنهج للحصول على الشهادة. وقد تم تصميم المنهج بحيث يعكس المعارف والمهارات التي تجعل المتخصصين على علم بالتطورات والتفاعلات الحاصلة بمجال الاستثمار على مستوي العالم.

ياعني يا DOHA نقدر نقول ان الـ CFA شهادة مهمة جدا فى مجال التمويل المالى والاستثمار والبورصة وبتدى مميزات كتير فى المجال دا .مواد الـ Cfa متعلقة بالتحليل المالى والاستثمار والاحصاء ودراسة الـ Cfa صعبة شوية وعايزة مجهود .

الـ Cfa عبارة عن 3 مستويات :

المستوى الاول : بيدرس فيه

ادارة المحافظ المالية واستثمار وطرق احصائية واقتصاد

المستوى الثانى : تحليل الشركات والمصانع و تقييم الاصول

المستوى الثالث : ادارة محافظ ماليية وتقييم السلوك المهنى بالاضافة الى تطبيق المفاهيم التى تم دراستها فى المستوى الاول والثانى .

من وجهة نظري فشايف انها صعبة شويتين ..

بس هوه فيه حاجة يا DOHA بالنسبة لينا كمحاسبين وكدة فالشائع هوه لا إما CMA او CPA

الـ CPA ياعني محاسب قانوني معتمد .. بس دي كان فيها مشكلة والحمد لله إنها إتحلت أول السنة دي .. لأن مينفعش إنتي تمتحني في مصر خالص ولا في أي دولة تانية غير أمريكا .. بمعني المركز الوحيد المعتمد لعقد الإمتحانات في أمريكا بس .. قصعب جدا علينا الموضوع دا .. المعهد حل المشكلة دي في أوائل 2010 وقال يا جماعة الخير أي حد عايز يمتحن الـ CPA فية مكانين جداد غير أمريكا هما اية ياعمنا ...

قالك الإمارات طبعا ً علشان انا مسافر قريب :lol: واليابان علشان انا بردة بروج أصيف هناك

نرجع لموضوعنا عن CPA من الشهادات القوية جدا جدا جدا ودى شهادة مرتبطة بالـ Audit واغلب المواد اللى بيتم تدريسها فيها متعلقة بالـ Audit وهى اقوى شهادة عالمية فى مجال المراجعة وبتدى ميزة زمالة المجمع الامريكى للمحاسبين القانونين AICPA .

الحصول على شهادة المحاسب القانوني المعتمد يعني اكتساب سمعة عالمية في مجال التدقيق المالي

بالبلدي كدا زي المراجعين وبيقي مدقق مالي ومن ضمن الناس اللي بتاخد الشهاده دي هما الأتي :-

العاملين في مجال التدقيق الخارجي والداخلي

المحاسبين بالشركات والبنوك

المدراء الماليون ورؤساء إدارات الحسابات

يبقي ملخص سريع بقا كدة نقول الأتي :-

الـ CMA محاسب إداري مهمتة إتخاذ القرارات التي تخص المنشأه او الشركة اللي شغال فيها وبيعمل تقارير والموازنات التقديرية والتوقعات المستقبلية لشركتة بناء ع البيانات اللي بيعملها المحاسب العادي هوه بيعمل بقا تقارير ويقارن البدائل وكدة

الـ CFA محلل مالي معتمد متعلقة بالتحليل المالى والاستثمار والاحصاء .. ياعني تحليل حقوق المكلية والإستثمارات في البورصة تحليل المحافظ المالية وتقييم الأصول وكدة ووجع دماغ إحنا في غني عنه الله يخليكي :lol:

الـ CPA ياعني محاسب قانوني معتمد ياعني شغل مراجعة مالية للشركات والبنوك والمهتمين بالمحاسبة المالية ياعني عكس المحاسبة الادارية

الثلاث شهادات دول من أقوي الشهادات المهنية ع مستوي العالم ومفيش شركة أجنبية مثلا ً بتعمل إعلان إلا لازم تلاقي انهم عايزين واحد مع شهادة واحده فيهم أو كلهم

انا عن نفسي CMA لوز أوي .. وفضل ونعمة من عن ربنا .. وبعد كدة لو حبيت أخد حاجة تانية أكيد هاخد CPA

أخوكم

omda2006

EMAD HAMDY

:waf:

تم تعديل 20 مارس 2010 بواسطة omda2006

[عماد حمدي]

أما شهادة CMA فهي لمن يريد العمل في الإدارة المالية والمحاسبة. ولا أعرف عنها الكثير بصراحه.

منورنا يا أستاذ أحمد والله وميرسي يا جميل ع مشاركتك معانا

خليك معانا بقا المشاريب في قهوتنا الدراسية دي ببلاش

يسعدني ويشرفني إنضمامك لينا وحضرتك لو إحتجت أي إستفسار في الـ CMA انا تحت أمرك إسأل انته بس وهتشوف

تحياتي

omda2006

EMAD HAMDY

[lovelyramy]

ياعمده ماتقلقش من قله الردود لان مش كل اللى هنا خريجين تجاره وعندهم خلفيه عن الشهاده دى

عموما انا ان شاء الله ناوى اخدها انا معايا تمهيدى ماجيستير فى اداره الاعمال لكنى تعطلت شويه بالسفر هنا ولذلك انا قررت ادرس السي ام ايه مع نفسي اهو اخلص بارت من الاتنين على اما عقدى ما ينتهى من هناا واخلع امتحن وربنا يسهلها لى وللناس كلها

وبعدين ناخد فتره نقاهه من السعوديه نشطبها فيها ونشطب الماستر كمان وبعدين نبقى نرجع تانى

قولو معايا ياااااااااااااااااااااااااااااااااااااااااااااااااااااااااااااااااااااااااااااااااااااااارب

اللهم انى اسألك علما نافعا ورزقا طيبا وعملا متقبلا

يارب ازرقنا علما نفعا

تم تعديل 20 مارس 2010 بواسطة lovelyramy

[عماد حمدي]

ياعمده ماتقلقش من قله الردود لان مش كل اللى هنا خريجين تجاره وعندهم خلفيه عن الشهاده دى

قولو معايا يااااااااااااااااااااااااااااااااااااااااااااااااااااااااااااااااااااااااااااااا

ااااااااارب

اللهم انى اسألك علما نافعا ورزقا طيبا وعملا متقبلا

يارب ازرقنا علما نفعا

آمين يارب العالمين .. وأتمني لك التوفيق في حياتك العلمية والعملية .. وييسر لنا كل الأمور .. ويرزقنا من وسع

آميييييييييين ياااااااااارب العالمين

ويارب تكون المعلومات دي استفدتم منها .. وان شاء الله تعالي ترقبوا المزيد والمزيد .. إبتغاء مرضاه الله تعالي ..

ونكون ع مستوي علمي ومهني يشرفنا كمحاسبين مصريين معتمدين في سوق العمل ونعلوا أعلي المراتب والوظائف ..

تم تعديل 20 مارس 2010 بواسطة omda2006