CMA® Certified Management Accountant النظام الجديد مراجع كتب أسئلة إستفسارات وغيرها متجدد

[se_ Elsyed]

أستغرب من الزملء الأفاضل الذين يهاجمون الإدارة ويصفونها بإنها ظلمت الأخ عماد .. طبعاً بدون معرفتهم لخلفيات الموضوع ..

يعلم الله .. وهو سيقرأ هذا الكلام ... كم ساعدناه .. وبشكل يومي .. وبدون اي بروباجندا أو إعلان منا ..

لكن عندما يتعلق الأمر بالأمانة والثقة التي أعطيناها له ليفتح موضوعات تخص الشهادات المهنية .. بل وخصصنا له باب خاص بذلك ... إلخ ...

وبعد هذا يقوم بحذف الروابط كما ذكرت لكي يمنع الأخرين من الأستفاده منها ... فهذا عمل غير مقبول من الإدارة .

[anoosha]

هو ممكن اسأل حاجة ولو انها مش من حقى بس انا عايزة اسالهاانت بتقولوا كل المشكلة مشكلة اشراف وان اخ عماد يكون مشرف

والاخ عماد كان عامل الموضوع ده لله عز وجل

هو كل واحد عايز يعمل حاجة لله لازم يكون مشرف ولازم يكون ليدر عشان هو تعب وجمع حاجات للناس

وهو عارف اكيد ان فيه ناس لا متعرفش تعمل حاجة من اللى هو عملها وكانوا بيدعولوا عادى ولا كان فارق معاهم انه يبئا مشرف او يبئا ممبر زيهم

ايه لازمتها حوار انه مشرف او غير فى حين انه يقدر يعمل اللى هو عايزه

انا أسفة اوى لو كلامى زعل حد

بس يعنى ليه كدة كل ماحد يعمل حاجة كويسة ويجمع الناس حوليها تتدرم عليها بكمية تراب لا بأس بيها ...ليه كل مايتعمل حاجة تنفع الناس وتتقدم بها عقول الناس ترجعوا تهدوا اللى انتوا عملتوه

تقريبا اصبح هذا حال المصريين او حال العرب لا يفعلون شيئا ويكمله عن اخره ابدا...يا جماعة انتوا بتقولوا ان المنتدى معمول لله وللمناقشات اسمعوا بعض شوية

والله البلاد دى عمرها ماهاتتقدم طول مااحنا لسة بنفكر كدة

[hakeem]

بما ان حق الرد مكفول للجميع فده رد من اخونا عماد على وقف عضويته فى المنتدى

السلام عليكم ورحمه الله وبركاته

السادة إدارة منتدي محاورات المصريين المحترمين

الأخ المفاضل / سي السيد المحتــــرم

السادة / أعضاء منتدي محاورات المصريين المحترمين

تحيه طيبه وبعد ,,

يناء ً ع ما حدث في الفترة الأخيرة من وقف عضويتي الشخصية بالمنتدي دون سابق إنذار أو تنويه بإرسال رسالة خاصة وإتهامي بالأتي :

1- عدم إتسامي بكرم الذوق واللياقة

2- إرتكابي أفعال مشينة وتدبير مؤامرات

3- خيانة الأمانة

وهذه الإتهامات متعلقة بموضعي في قسم الشهادات المهنية موضوع السي ام اية النظام الجديد .. حتي تكون الرؤية واضحة للجميع

ونظرا ً لوقف العضوية المفاجأ دون سابق إنذار أو حتي إعطائي فرصة للدفاع عن نفسي وتوضيح وجهة نظري ورؤيتي الشخصية فإستعنت بالأخ حكيم بإرسال هذه الرسالة لكم وللإدارة خاصة ..

سأتكلم بالعمامية .. بسم الله نبدأ

الإدارة الموقرة وقفت عضويتي لسبب واحد وهو حجبي للروابط الخاصة بالماتيريال في الموضوع المخصص لها في المنتدي

ودا لأسباب هشرحها بعدين هنا ..

الجدال العام الأن في موضوع السي ام اية هوه اني حجبت الروابط لأن الإدارة رفضت تعييني مشرف لباب الشهادات المهنية ..

بس أحب اوضح شيء هام للإدارة خصوصا ً وللأعضاء عاما ً

- أخونا سي السيد قال ان لو كل واحد عمل موضوع مهم وطلب ان يترشح لمشرف كان زمانا عينا 1000 مشرف

تعليقي بقا ع النقطة دي الأتي :-

موضوع السي ام اية موضوع مهني وليس موضوع أكاديمي .. ولا يمكن مقارنة أي موضوع مهما كان بموضوع مثل السي ام اية

لان هنفضل كل يوم نكتب ونحط ماتيريال وبرامج وتحديثات في هذا الموضوع لحد ما نموت مش زي أي موضوع تاني اتكتب النهارده كلمتين وكل الأعضاء دخلت كتبت كلمتين وبعد فترة خلاص هتكتب اية تاني ؟؟ طالما كل حاجة إتقالت ..

السي ام اية عكس كدا يا فندم السي ام اية موضوع مهني و شاغل بال آلاف من المحاسبين والمديرين الماليين والمهتمين بالإدارة المالية , موضوعي في المحاورات هنا ليس فقط تعريف بالشهادة انما كان وضع ماتيريال ومتابعة أسئلة واستفسارات الأعضاء برامج قواميس تحديثات الي ان تطور الأمر وفتحنا موضوع حصري لمنتداكم الموقر بفضل الله أولا ً ثم إنضمام كوادر مهمة لنا فكل فترة بنقدم محاضرة وبنقدم درس ..

فيجب ان نفصل ما بين موضوع مهم وقسم كاااااااااااامل مهم .. ومجهود كل شخص في الحالتين ؟؟؟ وتقدير الإدارة لذلك

طلبت من الإدارة أكثر من مرة تعييني مشرف لهذا الباب لعدة أسباب يجب ان تعلمها ويجب للكل أن يعلمها جيدا ً :

1- ان الموضوع الخاص بالسي ام اية النظام الجديد بقالة لسة 6 شهور فكل يوم فية جديد والموضوع جديد ع ناس كتير جدا ً وكل يوم الموضوع بيكبر وفية معلومات يوميا ً بتتحط ويمكن تتابع عدد الزيارات يوميا ً لا يقل عن 1000 زائر وعضو للموضوع دا بالذات ووصل عدد الزيارات 55 الف في شهرين فقط طلبت من الإدارة تعييني مشرف لإعاده تنظيم هذا القسم الهام وإعادة تجديد الروابط وعمل مواضيع مهمة وأقوم بتثبيتها

2- مع إنطلاق موضوع شرح السي ام اية وتقديم المحاضرات إزداد الوضع سوء وكان هناك مشاركات يجب نقلها من هنا الي القسم العام

3- طلب الأعضاء نفسهم ترشيحي لهذا المنصب ليس من باب الكشخة او باب المنظرة ولكن حتي أقوم بالأعمال السابق ذكرها في نقطة 1 و 2

طبعا ً تقدمت بدل المرة 10 لحضرتك ولأغلب المشرفين وسيادتكم رفضتم ولا أريد أن أعرف لماذا رفضتم هذا شيء لا يهمني ..

ومع ذلك تقدمت مرة آخري لكم بضرورة تقسيم منتدي الشهادات المهنية الي أقسام فرعية وتخصيص قسم للسي ام اية ع الأقل ولكن أيضا ً طلبي دون جدوي

إكتفيتم فقط بفتح باب " كوكتيل الشهادات المهنية " يتحط فيه سي ام اية مع ام بي اية واهو كلة شهادات مهنية وسي السيد قال احنا ساعدناه وعملنالة وسوينالة وووووو لا يا سيدي الفاضل انته عملت للمنتدي وللأعضاء مش لعماد ..

أخويا الفاضل سي السيد إستعان بهذه المشاركة لي في موضوع السي ام اية ..

السادة الأعضــــاء والزوار الكـــرام

بعتذر ع حجب كافة الروابط الخاصة بالماتريال وعدم طرح أي مشاركات مستقبلا ً هنا في القسم

وإن شاء الله تعالي سيتم التواصل معكم قريبا ً وقسم خاص للـ CMA في ثوب جديد

برجاء متابعة الموضوع هنا بعد 3 أو أربع أيام ع أقصي تقدير للحصول ع عنوان القسم الجديد ..

أرجوا ان تتقبلوا إعتذاري .. وهذا ما هو إلا سعي نحو التطوير والتميز .. فانتظرونا في ثوبنا الجديد

بالتوفيق للجميع ,,

Acc. Emad Hamdy

Omda2006

وقال الآتي ..

سأترك هذه المداخلة القيمة من الزميل الفاضل عماد ... للدلالة على حُسن نيته ...

وحُسن النية هذه قادة إلى حجب الروابط التي أدرجها ليستفيد منها الزملاء المهتمين بهذا الموضوع ..

يعني هاهدم المعبد على اللي فيه .. ويبقى المكان بتاعي هو اللي فيه الزباين وبس ...

فعلاً .. ونعم الأخلاق ..

وفعلاً كانت طيبة زيادة عن اللزوم من السادة أعضاء إدارة المنتدى إننا نترك الحبل على الغارب للمشاركين في هذا الموضوع ثقةً فيهم ... و على أساس إنهم ناس متعلمة ومثقفة وبتتكلم في موضوع تعليمي خاص جداً .. وحقيقة لم ننتبه إلى مثل تلك الأفعال المشينة والمؤامرات التي كانت تُدبر بدون علمنا ...

تعليقي بقا ع النقطة دي

سيادتك أخدت الجزء الأول وكأنك تقول ولا تقربوا الصلاه ( بعتذر ع حجب الروابط للساده الأعضاء وعدم تقديم أي مشاركات مسبقا هنا )

ونسيت أن تقول وأنتم سكاري ( وهذا ما هو إلا سعي نحو التطور والتميز )

سيدي الفاضل ما دفعني لفتح منتدي خاص بي هوه عدم وجود أي وسائل أو إمكانيات مساعدة من الإدارة لي لإدارة هذا القسم لذلك إقترحت ع أعضاء السي ام اية بفتح منتدي جديد فالأخوه رحبوه بالفكرة دي وبعد ما ريقي نشف من طلبي ليكم أكتر من مرة لا اما تعييني مشرف لهذا القسم او انتم تقومون بعمل منتدي فرعي في هذا القسم

وكان لابد أن يكون الأساس سليم من حيث التنظيم والترتيب علشان مستقبلا ً تعبي ومجهودي وتعب الناس التانية معايا هيضيع هباءً وهنبقي زينا زي بقت المنتديات " بوظة " والناس الجديدة بتدخل تتوه ومبتعرفش تطلع بمعلومة مفيده

سيادتك قولت ان دا سوء نيّه علشان محدش يستفاد من المواد الموضوعة هنا .. وكان همك مصلحة الأعضاء ..

فكان رد الأعضاء بالنيابة عني جزاهم الله جميعا ً كل خير .. أدانوا رد فعل الإدارة تجاهي وتجاه وقف عضويتي

لا تقلق ع مصلحة الأعضاء يا فندم فأنا من فتح هذا الملتقي وأنا ايضا ً الذي وعدتهم بأنه سيكون يوميا ً هناك إنفرادات لن ولم تشاهدونها ع أي منتدي آخر غير منتدي المحاروات .. لكن للأسف الشديد جدا ًخاب ظني في الإدارة واكررها مش عايز أعرف انتوا لية مش عينتوني مشرف ..!!!

الأعضاء دول يا فندم أحب أطمنك انهم جميعا ً بنفس اليوزر نيم موجودين عندي في المنتدي وجميعهم أشادوا بتميرز المنتدي عن أي منتدي عربي حتي انني طرحت 1000 دولار كاش لو حد جاب منتدي من ع النت زي بتاعي في طريقة التقسيم وعرض المعلومة

يا فندم أنا وضعت إيميلي الشخصي في الموضوع علشان الزوار اللي متعلقين ومش عارفين يفعلوا اشتراكهم لو حد عنده أي إستفسار يبعتلي ويسألني وانا هرد عليه

كم مرة أنا أرسلت لسيادتك أسماء الزوار الذي لم يستطيعوا تفعيل عضويتهم ويردون المشاركة في الموضوع ؟؟ كان هدفي اية ما هو إلا مساعدة الآخرين ورضا ربنا عني فقط

وكان هذا سبب أيضا ُ لفتحي منتدي متخصص للزمالة المهنية

شيء تاني لازم تعرفة والإدارة تعرفة وأعتقد اني بردة معملتش بروباجندا لده هوه اني وضعت لوجو المحاورات علي كل المواد العلمية اللي كنت بحطها هنا علي المنتدي وبقول دا خاص وحصري لمنتدي محاورات المصريين مش لعماد عملت دعاية في كل منتديات المحاسبة وقولت انفراد لمنتدي محاورات المصريين مش لعماد .. حتي الفيس بوك لم يسلم مني في الدعاية وذكري لمنتدي المحاورات وليس عماد ولكن رفضكم لطلبي , كان دافع قوي جدا ً اني أبدأ بعمل قسم خاص لي والأعضاء اللي سيادتك صعبانين عليك ومش هيستفادوا .. كلهم عندي بفضل الله عز وجل + الزوار اللي كانوا متعلقين علي الباب مش قادرين حتي يشاركوا معانا بسبب تقنيات المنتدي

واقولها صريحة للسادة أعضاء المحاورات برجاء رجاء رجاء قراءة موضوع السي ام اية وشوفوا الأعضاء اللي كانت بتدخل وتقول احنا متابعينك من شهرين .. شهرين كاملين مش عارفين يشاركوا معانا !!! وتقول ساعدناه .. يا سيدي دا قسم كوكتيل وليس قسم متخصص !!

الغريب في الأمر ان سيادتك بردك السابق ذكرة كنت تتوقع ان يتهافت الأعضاء ألوفا ً مؤلفة ليساندوك علي مبادرتك دي ورد فعلك تجاهي من حجب عضويتي ووو ولكن كان الرد عكس ما كنت تتوقع فالأعضاء الي حضرتك داخل خايف علي مصلحتهم هما هما الأعضاء اللي دخلوا ع موضوع السي ام اية هنا وطلبوا التنازل عن عضويتهم تنديدا ً لما حدث لي ورفضهم لهذا الفعل

وكانت المفاجئة الأتي

دخول العضوة صـــــــــــــــــــــــــافي في هذا التوقيت تحديدا ً وفي هذا اليوم تحديدا ً ولأول مرة

تقول المشاركة التالية :-

ياريت من ادارة المنتدى تتشرف بفتح الروابط من تانى ولكم جزيلا الشكررر احنا لسة مستفدناش منة وتكونو مشكورين للاجابة

ههههههههههه منذ متي والأخت صافي من متابعي موضوع السي ام اية واراهن لو حد قلب في ال 37 صفحة بتوع الموضوع ولقي ليها مشاركة سواء شكر او سؤال او استسفار او حتي زيارة عابرة .. وهل بعد 37 صفحة يا سيدي الفاضل تدخل العضوة أو العضو الله أعلم يطلب ضرورة فتح الروابط كان او كانت فين من شهرين لما الماتيريال نزلت والناس كلها نزلتها واشمعنة دلوقتي تحديدا ً وهل بعد شرحي ودّشـــي 37 صفحة كاملة جاية او جاي يقول اصله لسة مستفدناش !!!!!

بالله عليكم بقا حد يرد عليا وبعدين الموضوع موقوف من 28 مايو اشمعنة داخلة بقا دلوقتي !!! وكانت فين من يوم ما فتحنا الموضوع .. حد يفسر ليا يا شباب

أستنتج من كدا شي واحد وأتمني ان تتقبلة بصدر رحب

دخول العضوة صافي لأول مرة علي السي ام اية في هذا التوقيت تحديدا ً جاء بمثابة القشاية اللي هتتعلق بيها للدفاع عن موقفك ورد فعل الإدارة تجاهي من وقف العضوية .. وجاء بعدما دخل أعضاء السي ام اية تضامنا ً معي وتنديدا ً بوقف عضويتي الشخصية لان حضرتك كنت تتوقع ان يدخل الأعضاء يؤيدوك !!!

علشان لما حد يجي يدافع عني سيادتك تقول أهي عضوة عايزة تستفاد وعماد حجب الروابط !!! والله انا كنت متوقع حاجة زي دي والحمد لله حصلت وظني طلع في محلّه ..

والأعضاء هنا في كرسي الإعتراف واحد سال التاني سؤال : هل تعتقد ان فيه ناس بتدخل ب 2 يوزر .. ورد قال ان بعض الظن إثم !!

بجد عجبتي الحركة دي دا ً وذكاء غير عادي من الإدارة ومازلت عند رهاني لو حد لقي مشاركة واحده لصافي عندنا في القسم أعلنها بخط طويل عريض اني حماااااااااااااااااااااار ومبفهمش ..

يا فندم القسم بفضل الله عز وجل العبد الله هوه اللي كان ممشية وشوف عدد الزيارات لما كنت موجود وعدد الزيارات الان إنعدم والقسم مات والأعضاء عندي أشادوا بالتميز والتطور الجديد وكنت أتمني ان يكون هذا سبق لإدارتكم الموقرة لكن خاب الظن ..

يكفيني شرفا ً دخول الأعضاء وطلبهم التنازل عن عضوية المحاروات ويكفيني شرفا ً ان أهم كادر عندي في القسم طلب سحب عضويتة ويكفيني شرفا ً أيضا ً إنضمام أعضاء السي ام اية لمنتدايا الخاص ومقاطعتهم للمحاورات حتي الزوار

رد فعلكم كان متوقع وطبيعي لإستفادتكم بعدد الزيارات وليس لإستفادة الأعضاء لانة لو كان نيتكم بالفعل استفادة الأعضاء كنتم تكتفوا فقط بإنذاري وليس وقف عضويتي ..

والله انا لو نسخت ليك ردود الناس عندي الخاص بهذا الموضوع تحديدا ( وقف عضويتي ) اقسملك بالله انته ممكن تقفل القسم هنا بالشمع الأحمر او تغير نشاطة وأغلبهم قاطع المحاورات

آه وألف آه أحد الأعضاء المهمين جدا جدا جدا جدا هنا في المنتدي وسيادتك تعرفة جيدا ً قال لي ان المنتدي هوه الذي خسر مش أنا ..

بس كان من اللياقة وكرم الأخلاق ان تعطيني فرصة للرد حتي تتضح الرؤية للجميع .. وان موقفي هذا ما هو إلا رد إعتبار وكرامة

وبردع عجبتني مداخلة صافي جدا ً

ويمكن للأخوه الرجوع لمشاهده الأاحداث والتأكد من صحة كلامي موضوع السي ام اية في قسم الشهادات المهنية

http://www.egyptiantalks.org/invb/?showtop...8252&st=540

العضوية دلوقتي موقوفة لحد 12 يولية .. ياريت تلغيها يا مستر سي السيد أحسن لاني لا أعاود الكتابة مرة اخري هنا

لكن حتي وقفك لعضويتي لن تقدر عليه ؟؟!!! لان لو وقفت العضوية معناها إلغاء كل مشاركات هذا العضو أي غلق قسم الشهادات المهنية

وما فيه .. وهو أمر ليس فية الصالح العام للأعضاء اللي حضرتك حريص عليهم ..

ولا تقلق مرة أخيرة علي إستفادة الأعضاء فكلهم عندي والزوار المتعلقين علي الباب بردة عندي

وان فتحي للمنتدي الخاص جاء بالديمقراطية وترحيب الأعضاء او الزوار ( ع بريدي الشخصي ) لهذه الفكرة وبناء ً عليه قمت بعملها وتنفيذها وطرحها .. ,الحمد لله القسم ناجح بشهاده الناس معايا

ورهان آخر أريد عضو واحد فقط يدخل يقول يؤيدك لرد فعلك هذا بوقف عضويتي أو حجبي للروابط ,,, بس يكون من متاعبي السي ام اية مش الفضفضات !!

أنتهز هذه الفرصة وأتقدم بجزيل الشكر لكل شخص ساهم او بادر بمساعدتي في يوم من الأيام .. وأتمني انالناس تسامحني ان كنت في يوم من الأيام اسئت ليهم واعتبروني اخوكم الصغير وعايز أقولكم اني مش هنساهكم أبدا ً لاني اتعرفت علي ناس كتير محترمة هنا وأفتخر بمعرفتي بيهم

شكراً

عماد حمدي

تنويه

أعلم جيدا ًُ بأنكم ستقومون بوقف عضوية الأخ حكيم بالإضافة إلي إلغاء هذه المشاركة لكن أن حدث هذا فهذا دليل ع ضعف موقف الإدارة

الذي هوه أصلا ً ضعيف بدليل ردود الأعضاء في موضوع السي ام اية .. وتأيدي فيما فعلته

[ibrahimmm]

السادة ادارة المنتدى المحترمين

شكروعتاب

اولا طبعا لازم نشكركم على تبنيكم لنواة الشهادة المهنية تحت ادارة أ عماد وربنا يجازيكا خير

واعتقد ان الموضوع ده كله كان باقتراح من الاخت ضحى ومسانده من الاستاذaccount lover

ومجهود غير عادى من اخونا عماد من الناحية التنظيمية اللى خلتنا كلنا رشحناه انه يدير الموضوع بالكامل وطبعا بعد الرجوع لادارتكم المحترمة وده كان فى مشاركات عديدة من الافاضل اللى معانا فى المنتدى

واعتقد انكوا طبعا فاتحين المنتدى ده لخدمة الناس ولوجه الله ابتغاء رضاء الله

واعتقد ان ده هدف الاخ عماد برده

ولكن المشكلة من وجة نظرى واتمنى ان يتسع صدركم لما اقول انها ثقافة عامة فى المجتمعات العربية (سياسة الاختلاف)

واضرب مثلا(بيت يحترق ويراه كل الناس وكل الناس عاوزة تطفى النار) واحد مسك جردل ماء والتانى رمل والتالت بطانيةووو

والمشكلة انهم فى السكة اختلفوا الماء احسن لا الرمل احسن طلع فزلوك لا البطانية احسن وسايبين النار تأكل البيت

هوه ده حالنا يا سادة (اين الله الذي نبتغى وجه فى كل هذا) صدق رسول الله (ص)

( فوالله ما الفقر أخشى عليكم ، ولكني أخشى أن تبسط الدنيا عليكم كما بسطت على من قبلكم ، فتنافسوها كما تنافسوها فتهلككم كما أهلكتهم )

لييييييه الاختلاف مشكوريين تبنيتوا الموضوع وبرده لا نبخس حق الاخ عماد لولا مجهوداته ما اعتقد ان الموضوع كان هيبقى ليه الزخم

ده يعنى كلكم افاضل لا نتدخل فى سياسة ادارتكم ولكن الهم الاكبر لكم هو نفع الناس

والاعضاء اتفقوا وقدموا طلبات لادارتكم المحترمة باعطاء الرجل حق الاشراف المفترض احترام سيادتكم لرغبات من تريدون خدمتهم

ولا نلوم على الاخ عماد انه فتح منتدى لهذا الموضوع لان انا باحاول اساعد الناس والناس طلبه اشرافى وتنظيمى للموضوع والادارة رافضه ذلك لا ينكر فضلكم ومن نكره جاحد ولكن الرجل معذور

ومفيش مجال للخلاف ان كان المبتغى (وجه الله) وما تشتتوناش وتشتتو نفسكم عن اهدافنا ونضيع وقتا ومنتداكم محترم مع بعض الملاحظات اللى ده مش مكانها واتمنى من ادارتكم المحترمة التماس العذر لاخوكم عماد وتفهم موقفه

وطوى هذه الصفحة وفتح صفحة جديدة ونلتمس لبعض العذر ونحط ايدنا فى ايد بعض وننفع العرب والمسلمين

ونصيحة لكل من قراء هذه المشاركة نبذ فكر الاختلاف (وتذكر شعرة معاوية)

اتمنى من ادارتكم المحترمة ومن أ عماد طوى هذه الصفحة وان كان من تعاون لوجه الله فبها ونعمة

(وخيرهم من بدا بالسلام)

هذا هو هدى نبينا محمد (ص) (فمن رغب عن سنتى فليس منى)

واشكر لكم سعة صدركم

واسجل هنا احترامى واعتزازى بعضويتى لمنتداكم المحترم

كما وادعوا من منتداكم الاخ الكريم عماد بغلق هذا الملف لوجه الله

وما تضيعوش وقتنا ووقتكم يا سادة فى مواضيع جانبيه وسايبين البيت يتحرق

[se_ Elsyed]

الموضوع مفتوح لكل من يريد الأستفادة ... أو الإضافة ..

واي موضوع في أي منتدى طالما نُشر للجميع فبيكون ملك للجميع وليس مرتبطاً بفلان أو عِلان .

وإدارة المنتدى تُرحب بكل عضو جديد وتضعه داخل أعيننا ..

أما عن إلغاء أي عضوية .. فهو أمر في منتهى البساطة .. فالمنتديات مكان مفتوح في سماء الأنترنت ... ومن يريد أن تُلغى عضويته فبمنتهى البساطة يستيطع ألا يدخل إلى المكان الذي لا يرغبه .

وسأعتبر هذه أخر مداخلة جدلية في هذا الموضوع ....

وشكراً للجميع

[عماد شوقى]

الحلقة الخامسة

بعنوان ( يالا نبدأ نذاكر ... .... )

بفضل الله تعالي تم توفير بعض الكتب الهامة لدراسة الـ CMA ) .

1- كتاب البورد الجزء الأول للمعهد IMA دا كتاب المعهد نفسة النظام الجديد طبعا ً

إضغط هنا للتحميل

2- كتاب جليم الجزء الأول .. طبعا ً النظام الجديد .. ثمنه 800 دولار وخش ع موقع جليم وإتأكد

إضغط هنا للتحميل

3- حصريا ً برنامج جليم CMA 2010 كاااااااااااامل .. دا اية يا عماد ؟؟!!

سبق ان اتفقنا ان طريقة الإمتحان انه يجلس كل طالب أمام الكمبيوتر ويحل وبعد ما يخلص الإمتحان النتيجة بتظهر وقتي فورا ً إذا كنت ناجح او راسب ... طيب مفهمناش بردة دا اية

دا برنامج الإمتحانات كامل للنظام الجديد سيادتك هتشغلة وتبدأ تدرب ع الإمتحان كأنك في اللجنة بالظبط وتقيس مستوي مذاكرتك

طبعا ً فية ميزة جامدة ؟؟ اية هيا يا عمدتي ؟؟؟

انك مثلا ً ذاكرت الوحدة الأولي وبقيت تمام اوي طبعا ً من كتاب هوك او كتاب المعهد بعدين حليت أسئلة جليم اللي هيا بعد كل وحدة ..

تمام .. سيادتك هتفتح البرنامج وتختار منه الجزء الأول ثم الوحدة الأولي ثم إبدا الإمتحان ... :lol: وتمحتن كأنك في اللجنة بالظبط بس ع اليونت اللي انته حددتة ..

بمعني انك بتختار الوحدات اللي سيادتك عايز تمتحن وتقيس مستوي مذاكرتك .. وتمتحن

إضغط هنا للتحميل

تم بحمد الله تعالي

omda2006

EMAD HAMDY

إنتظروا الحلقة السادسة وأي حد عنده أي إستفسار يتفضل يطرح سؤاله

:lol:

يا اخ عمدة احنا مش عارفين نشكرك ازاى على هذة المعلومات القيمة ربنا يجعلة فى ميزان حسناتك

بسى انا اى صفحة اكسل مش بتفتح عندى

ممكن الامتحان تنزلة pdf ونكون شاكرين جدا

على كل الخدمات اللى انت بتقدمها لوجة اللة

[doha]

طالما الاكسل مش بيفتح عندك تأكد انك مثبت برنامج الاوفيس الاصدار الاخير ولو مثبت اعد تثبيته وباذن الله هتفتح معاك

[shody]

يا جماعة كل الماتيريال بتاعت الcma اللى موجودة هنا أصلها من موقع dvd4arab.com فى موقع كامل عن الCMA وكل حاجة عنها ولو فى حد عايز أى حاجة فى الCMA أنا موجود يكلمنى على الخاص وأنا على أستعداد امساعدته.

ربنا يوفقكم جميعا لما فيه الخير

[hakeem]

وحضرتك لسه جاى تقولنا ...مداخله مش فى وقتها خالص

ما تسيبك من ده كله هنا فى ماتيريال والدى فى دى فيها وبرده فيه فى عرب ويب سوفت ..واللى عايز حاجه تنفعه اهو كله قدامه والاهم ان كله يستفيد ...مش تقولى موجوده عند س &ص

[doha]

يا جماعة كل الماتيريال بتاعت الcma اللى موجودة هنا أصلها من موقع dvd4arab.com فى موقع كامل عن الCMA وكل حاجة عنها ولو فى حد عايز أى حاجة فى الCMA أنا موجود يكلمنى على الخاص وأنا على أستعداد امساعدته.

ربنا يوفقكم جميعا لما فيه الخير

جزاك الله كل خير على المعلومه وبالفعل الماتيريال من موقع الدي في دي وده واضح في نفس صفحات الكتاب لو عملت له داونلود بتلاقي مكتوب انه مرخص للموقع ده ..

على كل حال ياريت لو عند حضرتك وقت وامكانية انك تنزل الروابط الي عندك هنا افضل لأن في ناس ممكن تكون محتاجاها بس معندهاش اشتراك مثلا او متقدرش لاي سبب تراسلك فلو حطيتها هنا على العام يكون افاده لزملائك بشكل اكبر ..

على فكره ياجماعه الماتيريال بتاعت الماده موجوده في النت كله وفي كل مكان حوالينا يعني ببحث على النت او حتى الي له اصحاب في كلية تجارة او بيدرسوا دراسات عليا سهل جدا يحصل منهم على الماتيريال دي عشان كده الي عنده معلومه ياريت يحطها يفيد بيها الناس لان لو هو محطهاش في غيره هيحطها وهيبقى مستفادش غير ضيع على نفسه الثواب ..

ياريت الي عنده امكانية او حتى معلومه يفيد بيها الي محتاجها واهو حتى لو واحد بس استفاد منها واخذ الشهاده دي يبقى كده واضع المعلومه استفاد فمابالكم لو كان العدد الي هياخذ بمعلومته اكبر ..

شكرا مرة تانيه استاذ shody على معلومتك الي اكيد كتير مكانوش يعرفوها وياريت تتابع معانا برضه لو عندك معلومات اخرى او اي حد تاني يحب يثري الموضوع الي حتى لو كتير انسحبوا منه الا انه هيفضل مفتوح واكيد هيستفيد منه ناس كتير برغم كل شيء ..

[عماد شوقى]

السلام عليكم ورحمة اللة وبركاتة

اريد ان اشكر الاخ عمدة اللى انا حبيتة للة واللة العظيم للة انت يا ابنى من الناس اللى الواحد يقدر يقول ان الدنيا لسة بخير طالما امثالك فيها

من الشباب الرجالة المسلمين بحق وصدق وأتمنى لكل الاعضاء المشاركين بفاعلية امثال الاستاذ محب المحاسبة والاستاذة ضحى وكل من يساهم فى

افادة المسلمين جزاكم اللة جميعا عنا خيرا

والى الاخ عمدة اسئلة الامتحان او الاختبارات اللى انت رافعها يا ريت ترفعها بشكل اسهل واوضح لانها لا تريد ان تعمل

وجزاك اللة خيرا يا برنس

اخوكم فى اللة عماد شوقى

مصرى بالسعودية

[شريف مان]

كتاب جليم

بارت 2

الوحدة الاولى

للتحميل

[عماد شوقى]

اللة ينور عليك يا شريف باشا رابط ممتاز وخط اكثر من ممتاز

جزاك اللة خيرا

عماد شوقى

[شريف مان]

جزء جديد من هوك

226-246

[Mohamed hf]

بسم الله الرحمن الرحيم

مش عارف أبتدي ازاي في الأول أحب أقول في البداية إني سعيد لقبول عضوتي وتفعيلها حتى أتمكن من التفاعل مع السادة الأعضاء والمديرين وجميع القائمين على هذا المنتدى الممتع والمفيد والدسم والمتنوع فأنا معجب بالأقسام الخاصة بمحاورات المصريين وقد إعتدت مطالعة الردود التفاعلية الموضوعية خاصة المتعلقة بما يهم المواطن من أحداث تجري على الساحة, جزى الله كل القائمين ومعمري هذا الموقع خيرا وصحة وسعادة.

عجبني أوى... جداااااااا bv:- وبشدة hpc:!: موضوع مناقشة السي إم ايه,, الـ38 صفحة الخاصة بالموضوع ده قريت أكتر من نصف المشاركات , ومن امبارح نزلت معظم الداتا الخاصة بمذاكرة الشهادة وابتديت في ورشة العمل لمذاكرتها... مجهود رائـــــــع من الــعــمــدة "أحب أقول لحضرتك بجد انك لا تتخيل قد إيه الثواب اللي هتاخده من خلال كم المعلومات اللي أتاحتهالنا بخصوص الشهادة ومزايا الحصول عليها, وحتى بين السطور ظهر قد ايه الموضوع على درجة من الصعوبة مما يعطي حافز ودفعة لأصحاب الهمم العالية والباحثين عن النجاح المهني والشخصي لإني لقيت ان ردود حضرتك على الإسئلة شوية شوية خاطبت قيمي وصحت المارد اللي جوايا - اللي لما بيقولي انك تقدر تعمل كذا يبقى هتقدر ان شاء الله صحيح في حاجات عايزة ثقة بالنفس إلا ان كتير مننا كانوا محتاجين معلومات حتى تتضح الرؤية ويبقى إتخاذ القرار لهم أسهل بخصوص خوض معركة الحصول على الشهادة من عدمه. وعشان كده بدعي لنفسي ولكل الناس اللي عقدت العزم على نيل السي إم إيه.. من قلبي angl:: إنه ييسر علينا الطريق ويقوي عزمنا في المسير ويبارك في وقتنا ومجهودنا ويكرمنا من فضله بإذنه تعالى آآآآمــــيييييـــــن

أنا محمد حسين بكالوريوس تجارة إنجليزي وان شاء الله هحاول أمشي معاكوا في الورشة وربنا يستعملني في إفادتكم بقدر ما ربنا يفتح علينا وآسف على الإطالة وسعيد بالوجود معاكم

وطبعا شاكر لشريف ع الماتيريال بتاعت هوك ولأكاوينتينج لافر وكل الناس اللي ساهمت.

[adelnashid]

احب اشكر الاستاذ عماد شكر كبير اوى

انا فعلا بعد ما عزيمتى وقعت منى

رجعت اذاكر تانى

ربنا يخليك بجد بجد بجد

[عبدو صالح]

بنشكر كل اخواتنا هنا ال فى المنتدى ال بصراحة عاملين مجهود كبير جدا فى الموضوع دا

وبصراحة ياجماعه انا كان ليا طلب صغير ياريت لو فى حد من الاعضاء يقدر يلبهولى يبقا ربنا يكرمه بجد

كنت عاوز الاسطوانة بتاعت جليم بارت وان الجزء الجديد

لانى جييت انزلها لقيت ان اللينك مش شغال للاسف

شكرا للمساعدة

[emy nor]

اولا شكرا علي قبولي عضوه وعلي تفعيل العضويه....انا ان شاء الله هبدا كورس cma كمان كام شهر وكنت عاوزه اعرف اذا كان من الازم اقرا في مواضيع معينه كتحضير للكورس مع العلم اني رايحه تالته تجاره انجلش....يعني لو حد اخد الجزء الاول يقولي اذا كان السنتر وماتريال السنتر كافيه ولا لازم اقرا من كتب من بره الماتريال؟؟؟ وياريت بس طلب تاني لو حد من الاخوه الكرام يرفع جليم الجزء الاول لان اللينك مش شغال......ولكم الشكر..

[mohamedta]

بصراحة انا متابع الموضوع ده من اول ما ابتدى بس انا كان دماغى فى السى بى ايه و اجلت الموضوع ده شويه لانشغالى فى العمل

على امل ان دلوقتى ممكن الاقى ناس دخلت النظام الجديد و تدينا معلومات عن الامتحان

و لكن لاسف كل العادة انا خجلان اوى ان احنا كمصريين بيحصل بينا كده بدل ما نطلع بننزل لتحت

[شريف مان]

و لكن لاسف كل العادة انا خجلان اوى ان احنا كمصريين بيحصل بينا كده بدل ما نطلع بننزل لتحت

يعنى ايه .. مش فاهم تقصد ايه بالجملة دى