CMA® Certified Management Accountant النظام الجديد مراجع كتب أسئلة إستفسارات وغيرها متجدد

[hOuSsAm]

مجهود رائع يا عمده وانا ان شاء الله معاااااك

ياريت كل الناس اللى ناويه تبدأ تدخل وتقول علشان نتواصل مع بعض ونشجع بعض

اكيد هنذاكر من هوك ونراجع ونحل امتحانات جليم ثم نتوكل على الله على اللجنه علشان نمتحن mft: :P

الف شكر الرابد شير شغال عندنا تمام .. بس للامانه لسه مفتحتش الكتب ابص فيها .. عاوز الصراحه .. بدون ماتقولوا علي بفقر .. حسيت ببعض ( الفرملة ) في الموضوع وقلت لابد من ( دراسته ) الاول من جميع النواحي قبل مااخذ قرار بدراسة الشهاده ..

الي خلاني افكر كده اني تذكرت منحة وزارة الاتصالات الي اخذتها من كام سنة ..

وقتها كانت التجارة الالكترونية اشهر من نار على علم والتخصص الي اخترته ( الإي بزنس ) كان مطلوب جدا ـ او هكذا قيل لنا ـ طبعا النهرده الي اخذناه ده ولا له اي قيمه .. الكورس ده قيمته السوقية وقتها 10 الاف جنيه مدفعناش منها حاجه ايوه الوزارة تكفلت بيها ولكن ضيعت من عمري 6 شهور كاملة في مذاكرة او ( طحن ) بمعنى ادق وفي النهاية طلعت شهادتين تلاته معلقتهمش برضه في الصالون بس اظن عيناهم في فايل في الدولاب ...

ياخوفي ان على ماندرس وتتمقق عينينا نلاقي نص البلد اخذتها خاصه بعد ماتغير السستم بتاعها ممكن تكون بقت اسهل وساعتها هنبقى اكتر من الهم على القلب وساعتها برضه هنبقى معملناش حاجه ..

انا مش بقول كده عشان احبطكم بالعكس .. انا بقول بس عشان ( منندفعش ) زياده عن اللزوم او ننصدم فيما لو اكتشفنا ان الموضوع مش وردي اوي زي مايبدوا عليه ..

عن نفسي قراري لغايه دلوقت باذن الله احتمال كبير ادرسها بس لسه مدية نفسي اسبوع او اثنين ابص بصه على المنهج واستخير وبعدها اخذ القرار ..

=========

استاذ حسام استفدت من مداخلة حضرتك جدا ربنا يديلك الصحه .. بس معليش انا تهت .. هل معنى كلامك انك ماخذتش ولا بارت ولا انت دخلت البارت الاول مرتين ؟

بصى يا مدام ضحى انا يمكن وضحتها فى مشاركة قبل كدة اى حاجة تخص العلم مش بخسارة ابدا حتى لو مشتغلتيش بها وانا واثق من الاضافة اللى فى شخصيتك او طريقة تفكيرك او حتى خبرتك المهنية من كورس الاتصالات واضعف الايمان ده هينعكس على مذاكرتك لولادك وحاجة كمان معروفة ان برامج الكمبيوتر متطورة جدا وحجات بتختفى وحجات تظهر جديدة

نرجع بقى للسى ام ايه اقولك قصتى بدات بيها ازاى وانا فى رابعة كلية كنت باين فى 2006 اتعرفت بهبة سرور ومحىى الباجورى فى المنصورة واقنعونى انى ادرسها بس كانت مشكلتى انى معييش فلوس وكنت ضعيف جدا فى الانجلش بالاضافة قلة خبرتى العملية فمعرفتش ازاكر الا لما سافرت السعودية وقدرت اصرف على دراستى انا بقولك القصة دى عشان اقولك انى بقالى اربع سنين مشتاق لدراستها ونفسى انجح فيها غير بجد عدد قليل جدا اللى بيستحمل يذاكرها وينجح فيها ولسه السوق عطشان ليها غير كدة لو قررتى تهاجرى كندا او كدة محدش هيقدر يشتغل فى مجال المحاسبة الا لما يكون معاه شهادة معترف بيها دوليا

بجد هى شهادة مهمة جدا وليها بريقها عالاقل لمدة 15 سنة الجايين مش بسهولة ممكن تاخدها بدليل الاربع سنين اللى فاتوا حتى اللى بداوا معايا محدش فيهم خلصها لحد دلوقتى

ايوة فعلا اعتبر دلوقتى بادئ من الصفر ومعييش ولا بارت حتى سواء نجحت او منجحتش فى الامتحان اللى فات لان البارت ده كله اتلغى بس بالامانة انا استفدت منه كتير جدا زى مقلت قبل كدة مسوايا على فى التفكير وتنظيم شغلى ونظرتى للامور والمعلومات الكتيرة والانجلش واخدت ثقة فى نفسى انى اقدر اعدى الامتحان بسهولة بس اجتهد فى المذاكرة شوية

لعلمكان فيه احصائية فى 2007 اللى نجحوا فيها على مستوى العالم من بداية الشهادة 28000 سواء عايشين او ميتين يعنى اد اولى تجارة القاهرة

توكلى على الله يا فندم وبلاش نضيع فى عمرنا اد اللى ضاع

مدام DOHA

طبعا ً موضوع الإستخارة شيء لابد منه

لكن لا يجب أن نقارن شهاده مهما كان تقلها في السوق المحلي بشهاده معتمدة عالميا ً ياعني ممكن تشتغل بيها في أمريكا إنجلترا أي دولة اوربية لان معايرها موحدة في كل الدول دي ..

تاني حاجة بالعكس الموضوع بقا أصعب من الأول بكتير ودا يمكن أنا وضحتة في المشاركات الأولي .. لانهم دمجوا الأربعة اجزاء إلي جزئين فقط .. ياعني مجرد الخطوة اللي هيا أخد القرار في دخول إمتحان ما لازم يسبقها تفكير مليووووون مرة نظرا ً للكم الهائل من المعلومات الموجودة وكذلك رسوم الإمتحان أصبحت 350 دولار .. لذلك حتي أتأكد أكثر طلبت من الأخ Hossam انه يطلع علي كتاب هوك أو جليم مجرد بس نظرة سريعة ويعطينا وجهة نظرة من حيث سهولتها أو صعوبتها في ظل النظام الجديد ..

خاصة أنه ذاكر قبل كدا النظام القديم وع دراية فعلية بالأمور دي .. وكان لابد من أخذ رأية

وقريب ان شاء الله في الحلقات الجاية هحطلك أسماء الناس اللي أخدت الـ CMA من الموقع الرسمي للمعهد من يوم ما أنشيء لحد الأن ونشوف الأسماء العربية كام واحد أخدها ؟؟؟ وكمان انا وضحت قبل كدة نسبة النجاح ...

دلوقتي فية ناس ممكن تفكر كالتالي :-

- اولاً الشهاده باالإنجليزي وصعبة

- ثانيا ً مكلفة

- ثالثا ً هتحتاج وقت ومجهود وتعب

** والناس دي للأسف الشديد كتير ,, لذلك فهي نقطة قوية جدا للأقلية الباقية لان هيبقي عدد الحاصلين عليها قليل جدا

والمعادلة تكون

الحاصلين علي الـ CMA أقل من المطلوب لشغر الوظائف بالشركات

ياعني العرض أقل من الطلب

لذلك فأعتبرها نقطة قوية والذكي من يستغلها في صالحة

اتمني يكون تعليقي خفيف ومكونش طولت عليكم

bsh:) bsh:)

أخوكم

omda2006

Emad Hamdy

اخى عمدة والتحفيز اللى بيدهولنا

بص يا سيدى على حسب المعلومة اللى وصلتنى النظام الجديد كمنهج هو زى النظام القديم تماما الاختلاف فقط انهم حذفوا الاجزاء اللى مش هتفيد المحاسب الادارى وللاسف كان اغلبها فى بارت ون اللى كنت تعبت فيه كتير اوى وفصلين فى بارت تلاتة وحاجة فى بارت اتنين وضموا الرقابة الدلخلية والتحليل المالى من بارت ون على بارت تو وثرى والاخلاقيات من بارت فور بردوا وزعوهم عالبارتين واللى ياكد كلامى انى لما اشتريت كتاب هوك بتاع بارت تلاتة القديم سالتهم قولتلهم لومنجحتش كدة هحتاج بارت اتنين الجديد قالوا لى هنبعتلك الجزء المضاف الجديد سوفت يعنى بكدة الجزء القديم كمعلومات مش هتتغير

كلمة لمدام ضحى والناس المتخوفة من الشهادة معهد الاى ام ايه من اهم المعاهد فى امريكا اللى اضافت للمعايير المحاسبة الامريكية وآثرت مهنة المحاسبة وهو معهد قوى جدا

معلومة كمان شهادة المحاسب الادارى ليست قاصرة عالمحاسبين فقط دى متاحة لجميع حملة البكالريوس سواء مهندسين او صيادلة او دكاترة واللى هيسالنى يقولى دول هيستفيدوا منها ايه اقوله دى هتسهل عليه الترقى فى الادارة العليا وكان معايا واحد بيدرس فى جدة بيشتغل مدير مشاريع او مهندس

لعلمك بارت اتنين القديم بقى اصغر بس هى الفكرة زى منتا عارف بقت فى الاسئلة المقال

اتمنى التوفيق للجميع

وايام سعيدة

[محمد افندى]

معلومة كمان شهادة المحاسب الادارى ليست قاصرة عالمحاسبين فقط دى متاحة لجميع حملة البكالريوس سواء مهندسين او صيادلة او دكاترة واللى هيسالنى يقولى دول هيستفيدوا منها ايه اقوله دى هتسهل عليه الترقى فى الادارة العليا وكان معايا واحد بيدرس فى جدة بيشتغل مدير مشاريع او مهندس

لعلمك بارت اتنين القديم بقى اصغر بس هى الفكرة زى منتا عارف بقت فى الاسئلة المقال

اتمنى التوفيق للجميع

وايام سعيدة

استاذ / حسام

كيف حالك ؟

والله بجد عماد ربنا يبارك له بموضوعه دة والشغل اللى عمله شجع وفتح نفس الواحد للمذاكرة

بس اللى قلقنى موضوع الانجليزى انا مستواى تقريبا 70 % فى موضوع اللغه

فهل دة هيبقى عائق واتغلب علية ازاى

انا فى جدة

انت تفضل اذاكر self study ولا اتابع مع معهد

واية ظروف المعهد بتاع جدة اللى انت بتقول علية

المصاريف والمواعيد وخلافة ؟

المعاهد اللى حطها عماد مش بترد

[عماد حمدي]

Hossam باشا والله بجد مداخلاتك هادفة جدا .. وأتمني لك الإستمرار .. والتوفيق إن شاء الله ..

وبالنسبة للإحصائيات وكدة دا هنتطرق ليه برده في الحلقات اللي جاية بس بعد ما نحط باقي الماتريال .. إن شاء الله وهنتكلم أكتر عن الـ CMA وكل الشهادات المهنية اللي تخص المحاسبين .. وأيهما يتوافق مع زيد وأيهما يتوافق مع عبيد !!

عمي وعمي عيالي " محمد أفندي " ...

ياخويا ركز والنبي وأقرا المشاركات كويس بلاش شغل الكروتة بتاعتك دي :lol:

ما إحنا قولنا مليون مرة اللي مستواه نص نص في الإنجليزي مش مشكلة هيذاكر من هوك لأن أسلوبة سلس ومتعمق دا رقم واحد ..

رقم 2 ياعم محمد الله يهديك .. عندك رابط ل6 قواميس فيهم مصطلحات الـ CMA إطبع وإحفظ ..

إن شاء الله إن شاء الله بكرة الصبح هتلاقيني حاططلك كتاب هوك لحد الصفحة 97 وتقدر تاخد كوبي وباست ع السريع في أي برنامج ترجمة وتترجم زي ما انته عايز .. بس انا مش بنصح بكدة ومتأخدتش نفسك ع كدة ..

بالنسبة بقا للمعاهد شكلك بتتصل في أوقات مش ولابد :D

جرب تاني يا حبيبي او إسال عندك في جدة أكيد هتتكعبل في مركز ولا حاجة ... شد حيلك بس .. :lol:

وأتمنالكم التوفيق ,,

wst::

أخوكم

omda2006

Emad Hamdy

تم تعديل 22 مارس 2010 بواسطة omda2006

[ابو حودة]

انا شخصيا مع المذاكرة لوحدك

بدون معهد انا عملت كدة والحمد لله نجحت في بارت 2 القديم اللي هو بارت وان الجديد

اللي بيقولوا عليه انه اصعب جزء في الاربعة اجزاء النظام القديم

اخدت مني فعليا حوالي 3 شهور او اقل

وكان عندي ظروف مش تمام وقت الامتحان وكنت هاعتذر

[hOuSsAm]

معلومة كمان شهادة المحاسب الادارى ليست قاصرة عالمحاسبين فقط دى متاحة لجميع حملة البكالريوس سواء مهندسين او صيادلة او دكاترة واللى هيسالنى يقولى دول هيستفيدوا منها ايه اقوله دى هتسهل عليه الترقى فى الادارة العليا وكان معايا واحد بيدرس فى جدة بيشتغل مدير مشاريع او مهندس

لعلمك بارت اتنين القديم بقى اصغر بس هى الفكرة زى منتا عارف بقت فى الاسئلة المقال

اتمنى التوفيق للجميع

وايام سعيدة

استاذ / حسام

كيف حالك ؟

والله بجد عماد ربنا يبارك له بموضوعه دة والشغل اللى عمله شجع وفتح نفس الواحد للمذاكرة

بس اللى قلقنى موضوع الانجليزى انا مستواى تقريبا 70 % فى موضوع اللغه

فهل دة هيبقى عائق واتغلب علية ازاى

انا فى جدة

انت تفضل اذاكر self study ولا اتابع مع معهد

واية ظروف المعهد بتاع جدة اللى انت بتقول علية

المصاريف والمواعيد وخلافة ؟

المعاهد اللى حطها عماد مش بترد

بص يا سيدى موضوع الانجليزى ده شيله من دماغك خالص ولو سبعين فى المية يعنى انت فوق الجيد يبقى ممتاز اوى هو التعب كله فى اول عشرين صفحة هتلاقيك بترجم الصفحة كلها لانها مصطلحات جديدة بعدها بشوية هتلاقيك بترجم نص صفحة شويتين كمان مش هتحتاج اكتر من ترجمة كلمة او اتنين بس انت محتاج صبر فى الاول ونصيحتى انك متحفظش كلمات هى هتجيب بعضها و انا هقولك تعمل ايه بالظبط عشان تريح بالك عالاخر

تطبع الورق بتاع عمدة او لو هتشترى الكتاب وتقول بسم الله الرحمن الرحيم وتفتح الكتاب وتكون فاتح الكمبيوتر قدامك على برنامج ترجمة (انا كنت بستخدم easylingo ) وتمسك القلم الرصاص وتمر عالكلمات بعينك من غير قراءة اى كلمة انت مش فاهمها اكتبها واسمع نطقها كويس وترجمها حتى لو كلمة account اكتب وترجم ولا تحقرن من المعروف شيئا واكتب معانى كل الكلمات بالقلم الرصاص جنبها او فوقها وتقريبا الفصل هياخد منك ترجمة نص ساعة

بعد متخلص ترجمة الفصل تقفل الكمبيوتر وتريح عشر دقايق كدة وتجيب من الاول وتبدا تقرا بفهم وتعمق وبعد متخلص الفصل تفتح الكمبيوتر تانى وتشغل اسطوانة جليم وتختار الفصل اللى انت عايزه وتبدا تحل اسئلة بعد متخلص هتلاقيه جايبلك اجابات السؤال وليه صح وليه غلط تفهمها كلها ولو فيه حاجة مش فاهمها ارجعلها تانى فى الكتاب وبعد متخلص اسئلة الفصل وتفهمها كويس حلها تانى كتاكيد ومراجعة ويبقى كدة الفصل تمام تدخل عالفصل اللى بعده

موضوع self study ولا معهد ده يرجع لتقدير حجات كتيرة طبعا المعهد هيفتحلك حجات وهينورلك الدنيا بس يبقى 70 % عليك

المعاهد الموجودة فى جدة

مرجان (اللى اشار ليه عمدة باسم بيكر) وده افضلهم على مستوى الشرق الاوسط كله وده معتمد من الاى ام ايه وليه فروع فى كل المدن العربية بما فيهم مصر ماعدا شمال افريقيا مميزاته مدرسين اجانب وفاهمين وناجحين فى الشهادة

المعهد واثق من نفسه اوى وبيدرس من كتاب الاى ام ايه يعنى مش هتعرف تذاكر معاه من هوك بس سعره غالى شوية هتلاقى البارت عامل من 5000 الى 60000 النظام القديم كان البارت 5200 بالكتب (الاى ام ايه اورجنال ) بس النظام الجديد اظن هيبقى اغلى شوية

وده مكانه فى الخليج بلازا فى طريق المدينة الطالع فوق الخطوط القطرية شقة رقم اظن 12 وده الويب سايت بتاعهم http://www.morganintl.com/Morgan-new/main.asp

المركز التانى موجود فى سنتر الشعلة طريق المدينة الطالع بعد مغربى بجوار مركز المدينة فى الدور التانى اظن جنب خطوط طيران اظنها ناس او سما وده سعره فى النظام القديم 2000 وبيدرس من هوك اللى بيشرحوا سودانيين مستواهم مش قوى بس ممكن تدندن معاهم لانهم هيفتحولك حجات بس مش هيشرحوا كل حاجة بريفكت

المركز الثالث مركز اسمه مركز التربية العالمية فى شارع الستين قبل المحكمة بشوية فى مركز او مول اسمه حاجة بلازا مش فاكرها المهم ده رقم تليفون واحد اسمه عبد الله هناك 0533987664 هتساله هناك عالدكتور زكريا (انا مش فاكر بقيت اسمه ) بس عالعموم هو مصرى ومعاه دكتوراة من امريكا ولى ناس زمايلى حضروا له فى شهادة تانية بيقولوا لى اول مرة نشوف حد بيشرح بالطريقة الجميلة دى (ولعلمك احسن ناس هتاخد منهم شرح هما المصريين ده بالنسبة للسى ام ايه ) بس خلى بالك اللى هتكلمه ده هيحاول يقنعك انك تاخدشهادة تانية هما بيسوقولها دلوقتى متسمعش كلامه وفى الغالب هيقولك ان الدكتور زكريا مش بيدى السى ام ايه دلوقتى بس حاول تكلمه يمكن يكونوا غيروا فى السيستم بتاعهم ومتاخدش هناك الا عند الدكتور زكريا

المواعيد كله بيبدا من سبعو اوثمانية مساء مرتين او تلاتة فى الاسبوع ولمدة ساعتين او تلاتة

المشكلة بالنسبة ليا فى المعاهد هى الوقت انه بيزنقونى فى الوقت اوى والوقت بالنسبة ليا ضيق

غير كدة ممكن تعتمد على محاضرات الناس بتوع مصر بتبقى متسجلة وموجودة دلوقتى عالنت كتير

خد المدونة دى بتاعة واحد صحبى كان حاطط عليها محاضرات بارت ون لدكتور فى ارادوا اظن اسمه ياسين

متاسف لو فيه اخطاء املائية فى كلامى لانى مش هلحق اراجع كل ده

اتمنى لك التوفيق يا سيدى المهم ابدا عالطول ومتكسلش

[hOuSsAm]

انا شخصيا مع المذاكرة لوحدك

بدون معهد انا عملت كدة والحمد لله نجحت في بارت 2 القديم اللي هو بارت وان الجديد

اللي بيقولوا عليه انه اصعب جزء في الاربعة اجزاء النظام القديم

اخدت مني فعليا حوالي 3 شهور او اقل

وكان عندي ظروف مش تمام وقت الامتحان وكنت هاعتذر

ماشاء الله عليك ربنا يبارك فيك ويوفقك بس انا كدة هعتبرك من الحالات الشاذة يمكن انت متفوق فى حاجة معينة اوخبرتك كبيرة او اى سبب تانى بس عشان الناس متخدش بكلامك وممكن يجلها احباط بالقياس بيك فبارت اتنين القديم عالاقل بياخد من خمس لست شهور اذا كان الطالب منتظم فى المذاكرة وبيتابع مع مركز ولو غير ذلك يبقى سنة مستريح

فياريت يا فندم لو تشرحلنا وتفيدنا بطريقة مذاكرتك لانك اكيد عندك الافضل اللى احنا هنستفيد بيه ونمشى على منواله

وياريت بردوا تقولى انت عامل ايه فى بارت اتنين الجديد او تلاتة القديم لان تقريبا احنا ماشيين كدة فى نفس المنهج

اتمنى للجميع التوفيق

[ابو حودة]

كل الحكاية ان اللغة معقولة والحمد لله

و بردة خبرتي كبيرة والحمد لله

كنت عامل لنفسي تارجت 20 صفحة كل يوم من هوك

يخلصوا في ساعة اثنين او خمسة مش مهم

وفي نهاية كل جزء باروح على جليم واحل الاسئلة اللي فيه

بس بعد ما خلصت حليت اسئلة جليم مرة تانية

وبعدين عملت حوالي 4 امتحانات كاملة لمدة 4 ساعات

في البيت وكنت باشوف النتيجة لغاية ما حددت موعد الامتحان والحمد لله نجحت

انا اؤمن بمقولة وهي اني ان لم اكن افضل من الاخرين فلست باقل منهم

يعني اللي اخدوا الشهادة دي او غيرها مش احسن منك ولا بيفهموا اكتر منك هذه المقولة تعطيك دافع

لكن لازم نحط في اعتبارنا انها ليست الكارت الذهبي الذي سيفتح الابواب لان الارزاق بيد الله على كل حال

[hOuSsAm]

كل الحكاية ان اللغة معقولة والحمد لله

و بردة خبرتي كبيرة والحمد لله

كنت عامل لنفسي تارجت 20 صفحة كل يوم من هوك

يخلصوا في ساعة اثنين او خمسة مش مهم

وفي نهاية كل جزء باروح على جليم واحل الاسئلة اللي فيه

بس بعد ما خلصت حليت اسئلة جليم مرة تانية

وبعدين عملت حوالي 4 امتحانات كاملة لمدة 4 ساعات

في البيت وكنت باشوف النتيجة لغاية ما حددت موعد الامتحان والحمد لله نجحت

انا اؤمن بمقولة وهي اني ان لم اكن افضل من الاخرين فلست باقل منهم

يعني اللي اخدوا الشهادة دي او غيرها مش احسن منك ولا بيفهموا اكتر منك هذه المقولة تعطيك دافع

لكن لازم نحط في اعتبارنا انها ليست الكارت الذهبي الذي سيفتح الابواب لان الارزاق بيد الله على كل حال

انت بتكلم صح وزرعت فيا حماس كبير بس بردوا مردتش على سؤالى التانى وعلى مترد

هعلق على جملتك اللى انا ملونها الجملة دى يا جماعة مهمة جدا وكنت عايز اقولها من الاول بس محبتش عشان محدش يرجع فى كلامه بمعنى انك مش لازم تشتغل شغلانة حلوة اوى وانت معاك الشهادة ومش لازم اللى يشتغل المدير المالى بتاع الشركة يكون معاه الشهادة انا جميع المديرين اللى اشتغلت معاهم ولا عمرهم فتحوها ومديرين كتيرين اعرفهم مش معاهم بل وناس معاها الشهادة وفوقهم ناس معهمش

هى الفكرة ان الواحد بيعمل اللى عليه ويطور من نفسه وبعد كدة ربنا اللى بيرزق

بس متتخيلش انها العصا السحرية اللى هتغير حياتك وتخليك سوبر مان وانا عن نفسى سمعت عن واحد معاه السى بى ايه واعد فترة طويلة مش لاقى شغل ورضى بوظيفة عادية فى الاخر

زى مقلت فى الاول هى حاجة بتغلى من سعرك وبتعلى قيمتك لكن وضع السوق ايه ساعتها؟؟؟؟ الله اعلم

الاخ عمدة معلهش ياريس طلعنا عن نطاق الموضوع بس اظن انها كلها مناقشات هادفة هتفيد الاخوة الزملاء بايه الخطوات اللى هيعملوها الفترة الجاية

تقبلوا تحياتى

[doha]

الاستاذ ابو حوده ..

اولا مبروك ـ معليش متاخرة شويه ـ على البارت الي اخذته وعقبال بقية الاجزاء .. كلامك جميل جدا وحط النقط على الحروف الى حد كبير .. وحلوة اوي طريقتك في تقسيم الوقت .. اعتقد فعلا ان ممكن الشهاده دي لو في ناس بتاخذها في سنة او غيره الا ان في ناس ممكن تاخذها في فترات اقل اوي طبعا الاستيعاب عليه عامل والاهم التفرغ برضه عليه عوامل تانيه .. واكيد كونك عندك خبرة من قبل كده في شغل المحاسبة ااو لسه متخرج جديد ومعلوماتك فريش فده يفرق برضه لانك على الاقل هتبقى فاهم الناس دي بتتكلم عن ايه بعكس الي خريج قديم ومشتغلش في المحاسبة خالص فاكيد ده هيبقى عليه مجهود اكبر ..

======

بالنسبة لطريقة المذاكرة فهقولكم على طريقتي لما كنت بدرس برمجه .. الدراسة كانت من كتب على الجهاز مكنتش بطبعها لان الماتيريال كتير اوي فهطبع ايه ولا ايه .. وعندي ماتيرال تانيه مطبوعه مرجع او اثنين ..

طبعا عندي خط انترنت مفتوح وسريع ..

بجهز ورق كتير ( سايب ) وبجهز دفتر تاني او كشكول كبير وعدد من الاقلام الرصاص ( لعده ميزات منها انك تقدر تمسح زي ماانت عاوز والاهم ان الرصاص بيبقى خطك فيه حلو حتى لو بتكتب بسرعة ) .. وطبعا بفتح الكمبيوتر قدامي ..

بقعد اذاكر من الكتاب الي في الجهاز او من الكتاب الي معايا .. ببدأ اقرأ موضوع معين .. كل ماحصلت على معلومه فيه اقوم مسجلاها في الورقة الي بكتب فيها من الورق السايب .. كل مامليت ورقة برقمها واركنها على جنب واسحب ورقة ثانيه .. لو لقيت اثناء قرائتي معلومة تانية لها علاقه بالاولانية برجع مرة اخرى للورقة دي واضيفها او اجيب ورقة تانيه اكتب عليها المعلومه الجديده والصقها عليها وهكذا . .

كل ماخلصت شويه ورق حلوين كده خاصين بموضوع معين بروح ادبس الورق مع بعضه واركنه على جنب ..

غالبا بكتب المعلومات بالانجليزي زي مابقراها بس المهم اكون فاهمه معناها .. بكتبها بالانجليزي لان لاحظت انك عشان تترجم وتكتب مترجم هتاخذ وقت وتستهلك تركيز فبكتب بسرعه بالانجليزي مع فهمي للمكتوب واخلي الترجمه لبعدين عشان المعلومات متطيرش من راسي . طبعا وانا بكتب لو في ملاحظة او شرح باسلوبي مثلا بكتبه بالعربي عادي وبحاول اكتب المصطلحات بالانجليزي زي ماهي بكتبها بالانجليزي زي ماهي عشان اعتاد عليها ..

اثناء القراءة طبعا بتقابلني كلمات مش عارفه معناها .. بكون فاتحه موقع الجوجل على صفحه الترجمه .. بحط الكلمه الي عوزاها وبجيب ترجمتها بالعربي ولو مش فاهمه برضه او مش هي بجيب ترجمتها بالانجليزي بلاقي الشرح وافي واحيانا بيحط لك نطق الكلمه كمان ..

احيانا بعد الترجمة ـ خاصة للمصطلحات ـ بلاقي نفسي برضه مش فاهمه الموضوع .. مثلا لقيته بتكلم عن قائمه التدفقات النقديه على سبيل المثال وانا مش عارفه اصلا ايه هي القائمه دي .. اقوم رايحه برضه على الجوجل وكاتبه الكلمه ـ بالعربي ـ واقرأ لي موضوعين او اثنين من بيجيبهم لي فافهم ايه القصة ..

بعد مااعمل جزء كويس احس انه مرتبط ببعضه بروح اجيب الكشكول الكبير وابدأ ( ابيض ) فيه الورق السايب الي كنت عملاه وانقله بقى بهدوء وخط كويس وترتيب ومزيد من الشرح .. طبعا لان الدراسة بتكون من اكتر من مصدر فالكشكول الكبير ده بيبقى جامع لكل المصادر ومرتب عشان هو ده المصدر النهائي الي مفروض ارجع له لما اجي احل تمارين مثلا ..

طبعا بالطريقة دي واني كتبت الموضوع نفسه اكتر من مرة ولانه اخذ مني وقت طويل في البحث والكتابة والنقل و و .. فده بيركز المعلومه اكتر لانك كل ماقضيت وقت معاها كل ماثبتت معاك ..

[ابو حودة]

شكرا يا حسام

شكرا يا مدام ضحى

بالنسبة للبارت 2 الجديد او بارت 3 القديم

انا ان شاء الله لسة مش عندي الماتيريال بتاعة الجديد لكن

عندي هوك القديم بارت 3 وعندي السي دي بتاعة جليم

المذاكرة هتكون بنفس الطريقة يعني مع نفسي واحل من جليم

بالنسبة للجزء الخاص بالـ essay

تقدر تعلم بحث على جوجل وتنزل كيفية كتابة essay

خاصة في الامتحانات لانك محدد بزمن ومفيش بحوث زي النوعية التانية من الـ essay

انا قررت اعمل مقارنة بين منهج بارت 3 القديم وبارت 2 الجديد

علشان ابدأ اذاكر بأذن الله

حاجة تانية ممكن تتعمل انه يوم الامتحان يفضل يكون معاك حاجة مختصرة تقرأها

علشان دي بيسموها الذاكرة قصيرة الاجل وهي المسئولة عن استرجاع المعلومات

وليس الذاكرة طويلة الاجل والمسئولة عن المذاكرة والتي تتطلب القراءة بالتفصيل

[عماد حمدي]

عم Hossam بسم الله ما شاء الله عليك والله .. كمل كمل كمل .. وبعدين ولا خرجت عن الموضوع ولا حاجة بالعكس أنته بتفيد ناس كتير ومنهم أنا في طريقة المذاكرة السليمة .. وبعدين احنا في فاصل موش إعلاني ياعني فاصل للإستفسارات والإقتراحات والنصائح .. خدلك بريك مع كيت كات

مدام Doha انتي جبتي كام في ثاونية عامة ... :) طريقتك جميلة جدا ً ع فكرة ...

المهم يا جماعة إنتظروا هوك ان شاء الله لحد الصفحة 97 وإطبعوا علي طول ... النهاردة ان شاء الله

بتمنالكم التوفيق ,,

[doha]

عم Hossam بسم الله ما شاء الله عليك والله .. كمل كمل كمل .. وبعدين ولا خرجت عن الموضوع ولا حاجة بالعكس أنته بتفيد ناس كتير ومنهم أنا في طريقة المذاكرة السليمة .. وبعدين احنا في فاصل موش إعلاني ياعني فاصل للإستفسارات والإقتراحات والنصائح .. خدلك بريك مع كيت كات :unsure:

مدام Doha انتي جبتي كام في ثاونية عامة ... :) طريقتك جميلة جدا ً ع فكرة ...

المهم يا جماعة إنتظروا هوك ان شاء الله لحد الصفحة 97 وإطبعوا علي طول ... النهاردة ان شاء الله

بتمنالكم التوفيق ,,

الله يكرمك يااستاذ عماد وشكرا على الاطراء ..

عشان انت جيت بس على الجرح هقولك ..

الثانوية العامه بالامانة مكنتش بذاكر .. كنت بدخل الامتحانات بدون مذاكرة او افتحها ليلة الامتحان .. جبت 90 في المية تقريبا بس من السعوديه ودخلت تجارة بناء لى ذلك مع الآلاف الي دخلوا معايا . .

مكنتش بذاكر بالطريقة دي طبعا وفي الكلية لا كنت بحضر محاضرات ولا بذاكر غير ليلة الامتحان .. خلي بالك مش الثلاث ايام الي قبل الامتحان لاه ليلة الامتحان .. مجبتش اكتر من جيد ..

بعد ماتخرجت اكتشفت ان العيال الي بتطلع الاولى علينا دي مش بيحصل لهم كده عشان هم اذكى ولا عشان اشطر وانما عشان لهم ( طريقة ) في المذاكرة وطريقة تانيه في اجابة الاختبارات ..

صحيح عرفت الحكاية دي متاخر بس فادتني اوي بعد كده .. استخدمتها في الدراسات العليا ..

على سبيل المثال .. لما كنت في المدرسة كنت بحل الامتحان ولما اطلع مطمنه عارفه اني ( ناجحة ) في الدراسات العليا كنت بطلع من الامتحان اراجع واصحح لنفسي ( بالماينس ) يعني بدور على الاخطاء مش على الي صح ولو لقيت نفسي غلطت ازعل لان كده نص درجة طارت وهكذا .. عملت كده جبت ممتاز في ثلاث مواد من خمسة الثلاثه دول عارفه اني مغلطتش في الامتحان ولا غلطه وجيد جدا في الرابعه ..

ومن بعدها بقت دي قاعده عندي لو هدخل امتحان يبقى ادخل على اساس اني اجيب الدرجه النهائية ولو حاسه اني هجيب اقل من كده يبقى بجد مش هدخله ..

وعلى فكره طلع الطلبة الاوائل ف الكلية لهم طريقة مختلفة عننا خالص في اجابة الاسئلة بيبان منها فعلا ان الطالب ده يستحق يطلع الاول بس ده مش موضوعنا بقى على اعتبار ان الامتحان ده على الكمبيوتر مش بالورقة والقلم ..

[hOuSsAm]

عم Hossam بسم الله ما شاء الله عليك والله .. كمل كمل كمل .. وبعدين ولا خرجت عن الموضوع ولا حاجة بالعكس أنته بتفيد ناس كتير ومنهم أنا في طريقة المذاكرة السليمة .. وبعدين احنا في فاصل موش إعلاني ياعني فاصل للإستفسارات والإقتراحات والنصائح .. خدلك بريك مع كيت كات :lol:

مدام Doha انتي جبتي كام في ثاونية عامة ... :D طريقتك جميلة جدا ً ع فكرة ...

المهم يا جماعة إنتظروا هوك ان شاء الله لحد الصفحة 97 وإطبعوا علي طول ... النهاردة ان شاء الله

بتمنالكم التوفيق ,,

ربنا يكرمك يا عمدة ويجزيك عنا كل خير

انا تقريبا قولت كل حاجة ومعتش فيه حاجة تانية اقولها

حاليا بذاكر بارت تلاتة القديم وربنا ييسر وادخلها فى اكتوبر الجاى باذن الله

دعواتكم بس بالصبر عالمذاكرة والتوفيق ومن ثم النجاح

بجد محتاج الدعوات دى اوى فى الفترة الحالية لانى مضغوط فى الوقت جدا

انت عارف انها اخر فرصة ليا فى اكتوبر ولو محصلش نصيب هبدا بردوا من الاول كالعادة :unsure:

اتمنى التوفيق للجميع

[عماد حمدي]

الحلقة السابعة :

:bsmal:

ورجعنالكم مرة تانية ومعانا تليفون mob:) .. وتقول آلو ...

أستاذ عماد ... أتعرف علي حضرتك ؟؟ ... أنا سوسو صديقة البرنامج .. أهلا يا سوسو منورانا .. عمده انته قولتلنا هتجيبلنا هوك نسخة جديدة .. أيو يا سوسو طبعا ً قولت وهوه دا موضوع حلقتنا النهاردة , ياريت تتابعينا .. سوسو شكل دمها خفيف ومنقدرش نزعلها ..

:lol: سبق أن قمت بكتابة ملاحظة للسادة الأعضاء والسادة الزوار الكرام عن طرح نسخة أخري لكتاب هوك الإصدار الجديد تتسم بنقاء أكثر وإزالة العلامة المائية كذلك وجود خاصية النسخ واللصق لسهولة ترجمة اي قطعة مش مفهومة .. علي أي برنامج ترجمة كمثال ( الوافي للترجمة ) , بالإضافة إلي دمجي عدد 30 صفحة جديدة , ليصبح كتاب هوك من الصفحة 0 حتي الصفحة 97 .. وأي شخص يريد الطباعة .. يبدأ ع بركة الله دي النسخة النهائية ...

وسمعونا زغروطة :110:

كتاب هوك النظام الجديد CMA 2010 - البارت الأول

من الصفحة رقم ( 0 حتي 97 ) فقط // عدد صفحات الكتاب 400 صفحة

الطبعة بالألوان الطبيعية ..

** Page from 0 till 97 ** total paper 400

:lol:

في الحلقات الجاية إن شاء الله تعالي .. سنبدأ بإستكمال كتاب هوك وذلك إبتداءً من الصفحة رقم 98....

Links to Download Sites containing COPYRIGHTED or OFFENSIVE MATERIALS may be removed by the moderation team!

يرجي من السادة الزوار والسادة الأعضاء متابعة الموضوع .. لإستكمال الكتاب ..

ومعرفة كل المتغيرات التي تطرأ علي CMA New System

:waf:

أخوكم

omda2006

Emad Hamdy

[عماد حمدي]

يفضل يكون معاك حاجة مختصرة تقرأها

علشان دي بيسموها الذاكرة قصيرة الاجل وهي المسئولة عن استرجاع المعلومات

وليس الذاكرة طويلة الاجل والمسئولة عن المذاكرة والتي تتطلب القراءة بالتفصيل

عجباني أوي الجملة دي .. وكان لازم أعبر عن إعجابي :lol:

تحياتي لك أبو حودة

أخوك عماد

[ابو حودة]

شكرا يا عماد

[lovelyramy]

جزاك الله كل خير ياعمده

ياريت يا جماعه كل الناس اللى ناويه فعلا تتجمع هنا وتكتب اساميها ونضع كلنا خطه للمذاكره ونشجع بعض وكمان لو فى حد مش فاهم نقطه التانى يشرحها له وكده يعنى نساعد بعض على النجاح

ولما ننجح ان شاء الله نعمل بارتى ونجيب صندوقين بيبسي لعمده

[عماد حمدي]

جزاك الله كل خير ياعمده

ياريت يا جماعه كل الناس اللى ناويه فعلا تتجمع هنا وتكتب اساميها ونضع كلنا خطه للمذاكره ونشجع بعض وكمان لو فى حد مش فاهم نقطه التانى يشرحها له وكده يعنى نساعد بعض على النجاح

ولما ننجح ان شاء الله نعمل بارتى ونجيب صندوقين بيبسي لعمده

الله يكرمك يا ramy .. بس انا بالنسبة ليا هبدأ كمان شهر تقريبا ً كدا .. بس حاليا ً وقتي الفاضي بدندن كدة اقرالي كام ورقة بس مذاكرة مذاكر ان شاء الله كمان شهر بالظبط

لو فيه اي مشاكل في التحميل ياريت تبلغوني .. حتي أقوم برفعه عل أي سيرفر آخر

تحياتي للجميع بالتوفيق :blush2:

omda2006

Emad Hamdy

[KAhamid]

خلاص هتنطط لواحدي

يا باشا خد راحتك وبسم الله ما شاء الله عليك انتة كدة ربط معايا بتحدد كل حاجة في نقط واضحة

.. خليك بقا بعد إذنك ع نفس النظام دا .. ومنتظرين نصايحك يا باشا ..

وياريت لو تنزل كتاب هوك اللي انا حطيتة تبص بصة سريعة كدة وتقولنا مدي سهولة أو صعوبة المنهج الجديد ...

أخوكم

omda2006

Emad Hamdy

بصراحة مش هقدر افتحه دلوقتى خالص لانى اخدت قرار الفترة اللى فاتت ممكن يكون صعب تحقيقه بس اخدت المخاطرة وبدات فيه

الا وهو انى قررت ازاكر بارت 3 النظام القديم وادخل الامتحان فى شهر اكتوبر

لو نجحت وظبطت يبقى تمام

ولو محصلش يبقى استفدت بجزء التسويق والتخطيط اللى فيهم وازاكر الجزء المضاف عالجزء الجديد بالاضافة لمذاكرتى للثلاث فصول القديمة وادخله تانى فى يناير 2011

هو بصراحة الموضوع صعب ومضغوط فيه اوى

بس الله المستعان وربنا يهدينى وازاكر

انا عملت زيك بالظبط ياباشا

سجلت في المعهد قبل 28/2

وبدات بارت 3 نظام قديم

وان شاء الله هادخل امتحان شهر 9 علي اساس يبقي في فرصة تانية لو ربنا ما وفقش اني ادخل شهر 10

ودي مهمة جدا ان يكون في فرصتين لدخول الامتحان

انا كنت عاوز ادخل امتحن في شهر 6

بس عندي امتحان ال socpa في شهر 5 فالموضوع كان هيبقي صعب جدا

وربنا يوفق الجميع

وطبعا لازم نشكر عماد باشا علي التنظيم والجهد الجبار المبذول وربنا يجعلة في ميزان حستانة نا شاء الله

[KAhamid]

جزاك الله كل خير ياعمده

ياريت يا جماعه كل الناس اللى ناويه فعلا تتجمع هنا وتكتب اساميها ونضع كلنا خطه للمذاكره ونشجع بعض وكمان لو فى حد مش فاهم نقطه التانى يشرحها له وكده يعنى نساعد بعض على النجاح

ولما ننجح ان شاء الله نعمل بارتى ونجيب صندوقين بيبسي لعمده

الله يكرمك يا ramy .. بس انا بالنسبة ليا هبدأ كمان شهر تقريبا ً كدا .. بس حاليا ً وقتي الفاضي بدندن كدة اقرالي كام ورقة بس مذاكرة مذاكر ان شاء الله كمان شهر بالظبط

لو فيه اي مشاكل في التحميل ياريت تبلغوني .. حتي أقوم برفعه عل أي سيرفر آخر

تحياتي للجميع بالتوفيق

omda2006

Emad Hamdy

فكرة كويسة

وانا عامة هابدء ان شاء الله مذاكرة من شهر 5 لما اخلص الامتحان اللي انا فيه بتاع ال socpa

وفكرة اننا نتجمع هنا والموضوع ده يبقا ثابت هيكون عامل مساعد كويس اوي كمان لو حد وقع في النص ممكن يحفز نفسة تاني من خلال الموضوع ده