نصايح من اللى هى 00لهدم بيت الزوجيه

[قلب ابيض]

لاءلاءءلا ءءءء

انتو ماتعرفوش عنبى يبقى ايه بالنسبه لى !!!!!!

محدش اساسا يقدر يقول عليه كلمه مش ولابد " طبعا ماعدا حبيباتى ذوات النون"

بس حرام برده عنبى دلوقتى مش لوحده ده بقى انسان مسئول ووراه مسئوليه تربيه عظيمه

سيبوه حرام يربى" شنبوه" ده هو اللى طلع بيه من الدنيا لحد ماتفرج :wub:

وبالنسبه لك انت يا جو انا متاكده ان المدام مش مسجله فى المنتدى اه بس كلى ثقه انها عارفانه كلنا وباسمينا ومواضيعنا كمان .. يعنى دخلت او ما دخلتش البركه فى سيادتك " بذمتك كده مش وانت بتشرب الشاى بالليل كده بتقعد تحكى لها علينا ؟؟؟؟صح ؟

اخخخخ منك انت اخ ربنا يحفظكم يارب ويكفيك شر اللى بالى بالك :ninja:

بسبوسه : اى خدعه احنا بس بنهدى النفوس احنا هانعوز ايه غير ان بيوتنا تبقى هاديه ومنوره ................بحريقه .....من المشاعر والعواطف المتأججه والمشعلله.

[الباشمهندس ياسر]

ولا بنخاف م الدنيا بحالها

لو عايزين الشوف نطولها

[لماضة مصرية جدا]

مهو مش كل الرجاله ينفع معها الاسلوب ده

لازم برده نعرف ان فيه رجاله صااااااااااااااااااااااااايعه ولاااااااااااااااااااااااااااافه والدنيا يااااااااااااااااااااااااااااااااامه فعصت فيهم يعنى :lol: .....الا قولي يا عنبو....انتي بتشتري طماطم منين....

فدول لا هتخدوا معاهم لا حق ولا باطل ومافيش احسن من الحسنى

يعنى مثلاً ممكن وانت نايم كده وهى جايه تصحيك وانت بقى تعمل انك نايم وتقوم ناطق اى اسم من اسامى صحباتها "" وعيش يامعلم ""

ممكن برده وانت بتتفرج على القديو كليب تبص ليها وتبص على الفديو كليب وتقول الحمد لله على كل شىء "" وعيش برده يامعلم ""

ممكن برده لما تبقى مجهزه ليك اكل اقول لها كلى انتى الاول علشان تعرف اذا كان الاكل مسموم ولا لا ؟؟ بس قولها بجد مش ضحك يعنى....(اه و ده يبقي الجزء التاني من فيلم غرام الافاعي....فحححح)

لو تبقى قاعد بتاكل قولها نفسى مره تظبطى الاكل مرات صاحبى فلان ................ وترص يامعلم

اقعد احكى ليها عن واحد صاحبك تزوج من واحده حلوه وكويسه وفى اخر الكلام قول يلا كل واحد بياخد نصيبه هنعمل ايه

استنونا راااااااااااجعين

النصائح العنوابيه لفرس الزوجه اللى هى

السلام عليكم و رحمة الله و بركاته

الا يا رفيق عنبوووووف.....ايه الفرسة الثيك دي... دي كده هيفي دوووز

بس الا صحيح......لو عكسنا الوضع و الشابة هي اللي عملت الافكار اللولبية دي .... يا تري ابو حلموس المفروس هيبقي رد فعله ايه....

يعني و احنا بنتفرج علي فيلم الصبح بالليل كده...و جيت قولتله يا ربي....ميل جبسون ده مش ممكن...ايه الرومانسية ...ايه القطقطة دي....ايه الطلة دي....

طب بلاش ميل جبسون احسن جو يقول....ايون بتعاكسوني كمان في المحاروات... :wub:

طب لو بنتفرج مثلا علي فيلم احمد عز......لا مش بتاع العوبارة في الشوكارة....بتاع البتاع

ينفع نقول ايه العيون دي....طب ايه الطول ده...طب و لا بلاش نقول...ينفع نقعد كده فاتحين بوءنا....و مش مركزين في اي حاجة و لا اي حد غير احمد زيزو؟؟

يا تري بقي ابو حلموس المفروس هيعمل ايه؟؟؟

هل هيطبق ايده علي شكل بونية....و يعور نفسه؟؟؟

هل هيطبق ايده في جيبه و يمشي يصفر في الصالة و لا كأن حاجة حصلت...؟؟

هل ...و هل و هل.....جاوب افصح....ابن (وش خليفة خلف خلف الله خلف خلاف المحامي)

=========================================

ملحوظة علي جنب....ما تيجي نعمل حتة نسميها للمفروسين فقط....ايون نحط فيها كل الحاجات الي بتفرسنا...و حتة شريرة بقي لو عايزين نموت حد بالفرسة الدماغية....(وش فريد شوقي في جعلوني مجرما)

فوتكم بعافية

[الدكتورة أم أحمد]

وحسيت انى من واجبى

كقلب ابيض انى اهدى النفوس اللى حاسه انها مشتعله اليومين دول مابين النون والسين

موضوع جميل وظريف ربنا يرزقنا وإياك والجميع الحياة الأسرية السعيدة الناعمة

الحقيقة أنا مثلك لا حظت أن هناك معركة حامية الوطيس بين نون النسوة وجمع المذكر السالم

أردت معه أن أنقل حوار بين ذكر وأنثى ولكن لم أعرف أين أنقله ورأيت إن الموضوع دا مناسب

ولنا أن نلحظ متى رفع الذكر راية الاستسلام للأنثى!!!

مع الحوار

قال لها ألا تلاحظين أن الكـون ذكـر ؟

فقالت له بلى لاحظت أن الكينونة أنثى..

قال لها ألم تدركي بأن النـور ذكـر؟

فقالت له بل أدركت أن الشمس أنثـى..

قـال لهـا أوليـس الكـرم ذكــر؟

فقالت له نعم ولكـن الكرامـة أنثـى.!

قال لها ألا يعجبـك أن الشِعـر ذكـر؟

فقالت له وأعجبني أكثر أن المشاعرأنثى!

قال لها هل تعلميـن أن العلـم ذكـر؟

فقالت له إنني أعرف أن المعرفة أنثـى!!

فأخذ نفسـا ً عميقـا ً

وهو مغمض عينيه ثم

عاد ونظر إليها بصمت

لـلــحــظــات

وبـعـد ذلك.

قال لها سمعت أحدهم يقول أن الخيانة أنثى.

فقالت له ورأيت أحدهم يكتب أن الغدر ذكر.

قال لها ولكنهم يقولون أن الخديعـة أنثـى.

فقالت له بل هن يقلـن أن الكـذب ذكـر.

قال لها هناك من أكّد لـي أن الحماقـة أنثـى.

فقالت له وهنا من أثبت لي أن الغباء ذكـر.

قـال لهـا أنـا أظـن أن الجريمـة أنـثـى.

فقالـت لـه وأنـا أجـزم أن الإثـم ذكـر.

قـال لهـا أنـا تعلمـت أن البشاعـة أنثـى.

فقالـت لـه وأنـا أدركـت أن القبـح ذكر..

تنحنح ثم أخذ كأس الماء

فشربه كله دفعة واحـدة

أما هـي فخافـت عنـد

إمساكه بالكأس مما جعلها

ابتسمت ما أن رأته يشرب

وعندما رآها تبتسم له

قال لها يبدو أنك محقة فالطبيعة أنثـى.

فقالت له وأنت قد أصبت فالجمال ذكـر.

قـال لهـا لا بـل السـعـادة أنـثـى.

فقالت له ربمـا ولـكن الحـب ذكـر.

قال لها وأنا أعترف بأن التضحية أنثـى.

فقالت له وأنا أقر بأن الصفـح ذكـر.

قال لها ولكنني على ثقة بأن الدنيا أنثى.

فقالت له وأنا على يقين بأن القلب ذكر

[الباشمهندس ياسر]

اذا غارت المرأة .. ازدادت دلالا

اذ غار الرجل تحول الي وحش كاسر

ربنا يستر عليكن و متتجننوش و تجيبوه لنفسكم

[اغابي]

اذا غارت المرأة .. ازدادت دلالا

اذ غار الرجل تحول الي وحش كاسر

ربنا يستر عليكن و متتجننوش و تجيبوه لنفسكم

يا سلام على خراب البيوت بالمستعجل :P

يا ساتر استر يارب

لحسن فيه ناس سوسة وسوهنة هنا ولا يبان عليهم:lol:

تم تعديل 28 مارس 2010 بواسطة اغابي

[الباشمهندس ياسر]

:lol:

[Amr Radwan]

ما شاء الله .. اية النصائح الجميلة دي .. و ما شاء الله الكل بيششارك بنصائح اكثر wst::

و طبعا ده عشان نعالج الغليان و الفوران اللي في البيوت .. :rolleyes:

كده برده يا دكتورة قلب ابيض .. يعني بعد البتاع ده اللي عامل زي حمام سباحة الاساطير .. والاحلام الجميلة نصحي و نفوق علي الموضوع ده :lol:

و الشباب ما شاء الله عاملين واجب .. واقفين وقفة ردالة ..

شدوا حيلم يا نون النسوة ..

شدوا حيلكم يا جمع مذكر سالم ..

عاوزين كرسي في الكلوب و عاوزينهاااااااااااااااااااااااااا ضلمة ..

بس تعرفوا من احسن الحاجات اللي عجبتني في الموضوع ان الموضوع بيوصل النصيحة بطريقة عكسية للبنات .. لان البنات معروف عنهم العناد و لو قلت لهم يمين هيعملوا شمال و عشان كده لما تكون النصائح في الاتجاه المعاكس يبقي هينفذوا الاتجاة السليم من خط السيير .. حد فاهم حاجة .. :lol:

كمااااااااااااااااااااان عجبتني المداخلة بتاعت الدكتورة ام احمد و اللي بصراحة مش متعود اشوفها في مواضيع غير المواضيع الاسلامية

[pocy]

وحسيت انى من واجبى

كقلب ابيض انى اهدى النفوس اللى حاسه انها مشتعله اليومين دول مابين النون والسين

موضوع جميل وظريف ربنا يرزقنا وإياك والجميع الحياة الأسرية السعيدة الناعمة

الحقيقة أنا مثلك لا حظت أن هناك معركة حامية الوطيس بين نون النسوة وجمع المذكر السالم

أردت معه أن أنقل حوار بين ذكر وأنثى ولكن لم أعرف أين أنقله ورأيت إن الموضوع دا مناسب

ولنا أن نلحظ متى رفع الذكر راية الاستسلام للأنثى!!!

مع الحوار

قال لها ألا تلاحظين أن الكـون ذكـر ؟

فقالت له بلى لاحظت أن الكينونة أنثى..

قال لها ألم تدركي بأن النـور ذكـر؟

فقالت له بل أدركت أن الشمس أنثـى..

قـال لهـا أوليـس الكـرم ذكــر؟

فقالت له نعم ولكـن الكرامـة أنثـى.!

قال لها ألا يعجبـك أن الشِعـر ذكـر؟

فقالت له وأعجبني أكثر أن المشاعرأنثى!

قال لها هل تعلميـن أن العلـم ذكـر؟

فقالت له إنني أعرف أن المعرفة أنثـى!!

فأخذ نفسـا ً عميقـا ً

وهو مغمض عينيه ثم

عاد ونظر إليها بصمت

لـلــحــظــات

وبـعـد ذلك.

قال لها سمعت أحدهم يقول أن الخيانة أنثى.

فقالت له ورأيت أحدهم يكتب أن الغدر ذكر.

قال لها ولكنهم يقولون أن الخديعـة أنثـى.

فقالت له بل هن يقلـن أن الكـذب ذكـر.

قال لها هناك من أكّد لـي أن الحماقـة أنثـى.

فقالت له وهنا من أثبت لي أن الغباء ذكـر.

قـال لهـا أنـا أظـن أن الجريمـة أنـثـى.

فقالـت لـه وأنـا أجـزم أن الإثـم ذكـر.

قـال لهـا أنـا تعلمـت أن البشاعـة أنثـى.

فقالـت لـه وأنـا أدركـت أن القبـح ذكر..

تنحنح ثم أخذ كأس الماء

فشربه كله دفعة واحـدة

أما هـي فخافـت عنـد

إمساكه بالكأس مما جعلها

ابتسمت ما أن رأته يشرب

وعندما رآها تبتسم له

قال لها يبدو أنك محقة فالطبيعة أنثـى.

فقالت له وأنت قد أصبت فالجمال ذكـر.

قـال لهـا لا بـل السـعـادة أنـثـى.

فقالت له ربمـا ولـكن الحـب ذكـر.

قال لها وأنا أعترف بأن التضحية أنثـى.

فقالت له وأنا أقر بأن الصفـح ذكـر.

قال لها ولكنني على ثقة بأن الدنيا أنثى.

فقالت له وأنا على يقين بأن القلب ذكر

أحيكى على الكلام الجميل ده بجد مداخله اكتر من رائعه

[pocy]

حبيت اغير مجري الموضوع شويه واجيب النصايح دى للطرفين وطبعا كلها من اميلي وبصراحه مش كلها لان فيها حاجات اخجل احطهم هنا

ودى البدايه :- ودى نصايح للزوجه

(

عشان جوزك يكون دايما مقبل عليكي يبقي لازم تهتمي بنفسك جداً وتعملي اللي هقول لك عليه

1-شعرك يافيفي, الشعر تاج المرأة, مش هقول لك تشيلي الكوافير في الدولاب، لكن مش لازم تسيبيه مزيّت وريحته تطفش عشان مكسّلة تغسليه وبتوفري تمن الكوافير. لأ.. ممكن تستعملي زيوت او كريمات ريحتها حلوة، وتخليه نضيف باستمرار ولون وقصة مختلفة من وقت للتاني.. ولو مش قادرة تعمليه، يبقي تلمّيه لمّة شكلها حلو، لكن تقعديله دايما منكوشة وبشعر أبيض أو بالرولو في دماغك زي كائنات الفضاء عشان عندك شغل تاني يوم؟, طب وهو ذنبه ايه؟ في الحالة دي لو دوّر على انسانة أرضية خالية من الرولو أنا مش مسؤول

2-ودانك ومناخيرك تهتمي بنضافتهم كويس جدا عشان مايحسش انه متجوز مبيض محارة، ده غير ضوافرك. لو ماعندكيش وقت تهتمي بيهم وتبرديهم وتعملي باديكير ومونيكير وحاجات الستات اللي بنسمع عنها دي لأنك عاملة زي الطور اللي مربوط في ساقية, يبقى على الأقل قصّيهم ونضفيهم ودة أضعف الايمان

3-البرفيوم يا فوزية, مايبقاش الراجل هاريكي بارفنات على أمل انك تحسي وتهتمي بيه وبريحتك، وانتي مِكرتناهم.. حطاهم في كراتين يعني.. وشايلاهم للمناسبات وقاعداله برضه ريحتك طبيخ اليوم.. ولو واكلة فسيخ تبقى مصيبة سودة, لازم تتعودي ان ريحتك تكون حلوة على طول.. ده حتى عشان نفسيّتك انتي, الروائح الحلوة بتنعنش الانسان وبترفع من مووده. وطبعا مزيل العرق أو الشبّة ده قانون وبديهي.. أسوأ شيئ في الدنيا الست او البنت اللي ريحتها عرق وتقلب المعدة, فدايما حتى لو مش هتاخدي دش، ولو كنتي من الناس اللي عرقها غزير يبقي تغسلي المنطقة ديه كل شوية وتحطي مزيل لرائحة العرق

4-جسمك لازم تحافظي عليه.. يعني ماينفعش الراجل يكون بيحب الرفيعين وسيادتك نازلة ضرب في طبق المحشي.. وياسلام لو لتر بيبسي معاه وتحلّي بأم علي, كده يبقى هتحدّقي بضرّة رفيّعة تطلّع عينك, لو بطّة ومش عايزة تلعبي رياضة يبقى على الأقل دايت ورجيم, ماتلوميهوش لما يبصّ لنانسي عجرم مادامت اللي قاعدة جنبه ماري منيب

5-المكياج سلاح ذو حدين, يعني لازم تكوني فنانة في استخدامه كوسيلة لتصليح بعض عيوب الوجه وابراز مناطق جماله، لكن تتحولي لعروسة مولد هيتسرع منك. وشيئ من الروج او الروجاجو في البيت مش عيب ولا حرام

6-نيجي بقي للملابس, أمانة عليكي بلاش تِئذي نظره, شيك موت برّه البيت وفي البيت بتطلع البيجامات المبهدلة وقمصان النوم بتاعة البتش اعتشيماد بيّاعة الأزوزا, ذنبك على جنبك, لازم تبقي شيك جوة البيت كمان، ولبسك نظيف مش مبقّع زيت وسمنة مطرح الطبيخ وناكشاله شعرك وطايحة في البيت زي الفرسة الشايعة, خلّي لبس للطبيخ.. ولبس نظيف وشيك للبيت.. ولما الولاد يناموا يبقى البيبي دول يصحى بقى

7-وأخيرا عزيزتي حواء عليكي بالابتسامة لأنها سحر وبتنوّر الوش وبتجذب الراجل دايماً وتخليه يحس بالسعادة وانشراح الصدر مهما كانت الظروف

[pocy]

دى بقي للزوج

نقطة مهمة جدا جدا بيغفلها كتير من الرجال اعتقادا منهم انها ممكن التغاضي عنها بما انهم رجالة وده كفاية, لكن النتيجة بتكون ان الزوجة بتطفش.. الا وهي النظافة

1-قبل أن تفكر مجرد التفكير انك تلاطف مراتك ببقي لازم حضرتك تدخل على الحمام مباشرة وتاخد دُش بذمّة جامدة جدا، لان الست دي بني ادماية رقيقة وبتقرف جدا من الراجل اللي بيخش عليها بعبله وبتراب الشارع معاه.. و لو هي موسوسة من الجراثيم يبقى كده ضمنت انها مش هتطيق انك تقرّبلها

2-تلبس ليها بيجاما حلوة, شورت وتي شيرت حلوين.. لكن نظام الجلابية او بنطلون البيجاما والفانلة مع الكرش والبطيخة والجرنال، اكيد ده هايطفشها منك.. زي ما انت بتحب انها تلبس لك بيبي دول وتتجمل ليك، انت كمان لازم تهتم بمظهرك وتتجمل ليها. ماتعتمدش على انها خلاص بقت مراتك ولازم تقبل اي حاجة واي منظر, انت حر.. الخُلع مابيرحمش

3-ضوافرك، سواء اظافر الارجل او الايدى، لازم تكون مقصوصة كويس عشان مايجيلهاش اي مرض، وانت اللي هتعاني منه بعد كده لما تتنقلّك العدوى.. لان اظافر اليدين بتحمل ميكروبات وبتبقى ملوثة، اما اظافر الارجل فبتتسبب في رائحة كريهة انت في غنى عنها، لانها ممكن تتكوّم من الريحة ويبوظ الموضوع كله

4-لو كان شعر ودانك او مناخيرك بيخرج بره، يبقى لازم تهتم بقصهم او ازالتهم باي طريقة اولاً بأول.. لان الشعر ده عادة بيشيل قاذورات وافرازات الاذن والانف، وهو طبعا شئ منفر جدا يدفع زوجتك للابتعاد

5-ازالة شعر الإبط لانه السبب الرئيسي في الرائحة الكريهة، وانا عارف ان فيه بعض الرجالة بتفتخر بالشعر في المنطقة دي لكن ده مفهوم خاطئ.. الشعر ده ماهوّاش دليل على الرجولة ولا حاجة، بل بالعكس هو دليل على عدم النظافة وعدم مراعاة احساس الزوجة, وهناك رجال كثيرون يزيلون شعر الصدر أيضاً

6-أما شعرك فلازم تهتم بيه، يعني ماتسيبوش في البيت منكوش ومليان قشر, استعمل شامبو ضد القشر لأن ديه حاجة بتفرق مع الستات.. خاصة لو مراتك من الناس اللي بتهتم بنفسها وبشعرها هتشوفك انسان بدائي, او على رأي عبد الفتاح القصري: انسان الغاب طويل الناب

7-ذقنك وشنبك، لو مراتك بتتضايق من ملمسهم يبقى لازم تحلقهم وماتعذبهاش وتشوّكها في كل مرة تقرب منها. او لو هما عندك اهم من مراتك يبقى غيّرها لكن ماتعذبهاش.. اما لو هي بتحبهم وبتحب شكلك كده يبقى حافظ على تهذيبهم وعلى نظافتهم، وبعد الأكل لازم تغسلهم مع بقك لأن الأكل بيمسك فيهم وريحتك مش هتكون مشجعة أبدا

[قلب ابيض]

حبيت اغير مجري الموضوع شويه واجيب النصايح دى للطرفين وطبعا كلها من اميلي وبصراحه مش كلها لان فيها حاجات اخجل احطهم هنا

كده برده يا بسبوسه ؟؟؟

بقى انا بهدى النفوس 0000تيجى انت توقعينا فى الغلط؟؟؟؟

ماشى يا بسبس لحسن اتفهم غلط ولا حاجه :rolleyes:

نورتى الموضوع يا ام عمرو

[om marawan]

ينفع نقول ايه العيون دي....طب ايه الطول ده...طب و لا بلاش نقول...ينفع نقعد كده فاتحين بوءنا....و مش مركزين في اي حاجة و لا اي حد غير احمد زيزو؟؟

مش ممكن يالماضة الجملة دى موتتنى م الضحك اللى هو عمال يكملك وياماما لو سمحتى شاى طب حاجة للصداع وانتى متنحة مابترديش wst::

ونسينا بقا اكتر حاجة بتزعل الرجالة جدااا .... فلوسهم

فلازم وحتما تشطبى على جيوبه اول باول وتشترى كل اللى يخطر على بالك من هدوم ماتلبسيهاش لفاتورة التليفون لشوية تغييرات فى البيت لان اللى قبلها عدا عليها 3 شهور وهدايا بمناسبة وبدون

وياسلاااااااام بقا لو يرجع البيت كل يومين ولا حاجة مايلاقيش اكل وياريت لو هلكان من الشغل وهينزل تانى عشان عنده فترة تانية :lol:

وماتنسيش تتخانقى مع جيرانك وتدخليه فى الموضوع باى شكل يعنى كل اسبوع بمشكلة مع ماماته او جيرانه او قرايبه واخواته يعنى نوعى عشان ماتزهقيش :rolleyes:

الولاد بقا ماوصكيش شكلهم يبقا ازاى فى البيت مبهدلين ومنكوشين ولو برة البيت يبقا اقدم لبس عندهم عشان شكلهم يكسف م الاخر

وحاجة كمان بجد ناس كتير بتعلمها وبتجيب نتيجة ماقولوكوش ايه هى بقا ؟؟؟

تتخانقى معاه على كل كبيرة وصغيرة وتفضلى تحكى فى الموضوع وتغلطيه حتى لو اعتذر ميت مرة

والخناقة اللى بعدها على طول ورا بعض مايلحقش يرتاح ولازم كل مرة تجيبى القديم والجديد ولو زعق يبقا صوتك اعلى ولو غلط مرة تغلطى عشرة وهكذا

شكرا ياقلب ابيض فتحتى نفسنا الواحد ريقه جرى على خناقة مشطشطة كده :lol:

[قلب ابيض]

ولا بنخاف م الدنيا بحالها

لو عايزين الشوف نطولها

اسمها /: لو عايزين الشمس نطولها ......اسمعو صح بقى يا سااااتيييييييييييييير

ملحوظة علي جنب....ما تيجي نعمل حتة نسميها للمفروسين فقط....ايون نحط فيها كل الحاجات الي بتفرسنا...و حتة شريرة بقي لو عايزين نموت حد بالفرسة الدماغية....(وش فريد شوقي في جعلوني مجرما)

فوتكم بعافية

والله يا لماضه انا متخيله لو انتى وعنبى عملتوا موضوع من المواضيع الفقريه بتاعتكم دى وجهزتوا الماده العلميه سوا هيبقى جاااااااااااامد طحن فحت شحط محط " كل المصطلحات الفكسانه دى "

ابقوا خدونى معاكم " ضيف شرف "

وحسيت انى من واجبى

كقلب ابيض انى اهدى النفوس اللى حاسه انها مشتعله اليومين دول مابين النون والسين

موضوع جميل وظريف ربنا يرزقنا وإياك والجميع الحياة الأسرية السعيدة الناعمة

الحقيقة أنا مثلك لا حظت أن هناك معركة حامية الوطيس بين نون النسوة وجمع المذكر السالم

أردت معه أن أنقل حوار بين ذكر وأنثى ولكن لم أعرف أين أنقله ورأيت إن الموضوع دا مناسب

ولنا أن نلحظ متى رفع الذكر راية الاستسلام للأنثى!!!

الكتوره ام اجمد عندنا يامرحبا يامرحبا 00000بجد سعدت بمرور القيم جدا جدا

وعلى فكره حضرتك وضحتى فى النهايه ان الانثى برده هى اللى تكسب .. بـ ذكاءها مره ودهائها مره وجبروتها مره

المهم العبره بالنهايه واحنا ما بنخافش اهو وبنكررها النون تاااااااااااااااا تعيش تاااااااااااااااا تعيش

ورونى شطارتكم وردودكم بقى يا ولاد سى سالم :P

[قلب ابيض]

والخناقة اللى بعدها على طول ورا بعض مايلحقش يرتاح ولازم كل مرة تجيبى القديم والجديد ولو زعق يبقا صوتك اعلى ولو غلط مرة تغلطى عشرة وهكذا

شكرا ياقلب ابيض فتحتى نفسنا الواحد ريقه جرى على خناقة مشطشطة كده

مراونجو حبيبتى رفيقه الدرب 000اهنيكى بشده على تفاعلك الايجابى المثمر

ويجعله عامر ....

" والله شكلك بق زىيى وبنتنفس هنا وخلاص وبالمناسبه بقى تعقيبا على كلمتين لماضه هانم كعب الغزال 000سى احمد وز ده عاملنا قلق فى البيت قولى لى ليه؟؟؟؟

[Mr MAGED]

لا حول ولا قوة الا بالله العلي العظيم

ايه اللي بيحصل هنا ده

انا عرفت بس الوقتي مراتي ليه عمالة تزن عليا اني اشترك في المحاورات

اتاري ليها نوايا مش ولابد wst:: بس علي مين wst::

ياقولك ايه يا عنبي .. دوس ولا يهمك ... متخافش من حد ... وراك ردالة wst::

[fatfouta]

ولا بنخاف م الدنيا بحالها

لو عايزين الشوف نطولها

بسسس بسسس

يا باشمهندس ايه الشوف ده؟؟

اسمها الشمس

[قلب ابيض]

لا حول ولا قوة الا بالله العلي العظيم

ايه اللي بيحصل هنا ده

انا عرفت بس الوقتي مراتي ليه عمالة تزن عليا اني اشترك في المحاورات

اتاري ليها نوايا مش ولابد wst:: بس علي مين bsh:)

ياقولك ايه يا عنبي .. دوس ولا يهمك ... متخافش من حد ... وراك ردالة :lol:

مرحبا بك يا انفيستور wst::

يعنى تبقى دى اول معرفتنا بيك وتقوم داخل شايط فينا كده 0000ده احنا غلاااااااابه ومقدور علينا :sad:

طب خللى عنبو ينفعك بقى وورينى هاتعملوا ايه :blink: wst::

[om marawan]

ليه بقا يا ام نور يا حبيبتنا عامل قلق ها ليه ؟ ليه صحيح ؟

طب انا هاقولك على حاجة

انا عمرى ماعلقت على احمد عز ده خالص لا بطيب ولا بردى

ولا باقعد والله اتفرج وانا متنحة ولا حاجة

وفى يوم كده لقيتلك ابو مروان لوحده جاى بيقولى ده الواد ده اصلا كان مانيكان ( عارض ازياء ) لبى تى ام تقريبا

المهم انا قعدت اضححححك

قلت اه فعلا منا عارفة بس هو الصراحة موهوب يعنى

نصيحة للزميل الجديد انفيستور

بلاش العنبى

كلهم قالوا زيك وبعدين جريوا :blush2:

[الباشمهندس ياسر]

معلش يا جماعه

اصل الاغنية دي دخلت علي اغنية ... علي مدد الشوف

و الساعة كانت كذا و انا كنت مهيس تماما