نصايح من اللى هى 00لهدم بيت الزوجيه

[لماضة مصرية جدا]

ليه بقا يا ام نور يا حبيبتنا عامل قلق ها ليه ؟ ليه صحيح ؟

طب انا هاقولك على حاجة

انا عمرى ماعلقت على احمد عز ده خالص لا بطيب ولا بردى

ولا باقعد والله اتفرج وانا متنحة ولا حاجة

وفى يوم كده لقيتلك ابو مروان لوحده جاى بيقولى ده الواد ده اصلا كان مانيكان ( عارض ازياء ) لبى تى ام تقريبا

المهم انا قعدت اضححححك

قلت اه فعلا منا عارفة بس هو الصراحة موهوب يعنى

نصيحة للزميل الجديد انفيستور

بلاش العنبى

كلهم قالوا زيك وبعدين جريوا wst::

السلام عليكم و رحمة الله و بركاته

يا حبيبتي يا غالية....يا عيني من جوه......ع فكرة انا برضه.....زي حضرتك..... مين احمد عز ده بقي؟؟؟؟ :lol:

معرفشي ليع بقي النهاردة النداااااااااهو اوحتلي بالمشهد التالي

بكرة عيد ميلاد ابو حلموس.....حلو

قووووووم ايه

النهاردة بالليل الساعة 11:59.......أيون....(اظبطوا ساعاتكم)..... اروح ابعتله مسج......طبعا هيبقي قلبه طاير م الفرحة يا أوحي يا أوحي.....(وش حسن مصطفي في الفيلم بتاع رشدي اباظة و شادية....اللي كان طالع داكتور سنان... :lol: )

و في اخر المسج ابعتله لينك الاغنية دي

http://www.youtube.com/watch?v=SpSVfIqFWAw

حقيقي....

بتصبرني.......علي ايامنا مع بعض............... :lol:

تفتكروا رد فعله عيبقي ايه..... bag):

فوتكم بعافية

ملحوظة ع جنب:::::

ايه يا ام مرمران......سيبي اخونا ترانزستور......احنا بالصلاتو ع النبي هنجتمع مع معلم عنبو عشان نحط ملامح التوبيك الجديد و هنعمل منه مقاسين واحد بميم في ه فراشات كده و نسميه........."كيف تجعلين ابو حلموس مفروس....للبنات"

......اما الصبيان هيبقوا لونه لبني.....و نسميه......"كيف تجعل الننوسة مفروسة"

حد يناولني العافية اللي فوق

ايون فوتكم بعافية

[om marawan]

شوفى يالمضوضة اللى غايظنى

ان لو حد فيهم علق على واحدة من اخواتنا البوعدا تلاقينا فرى كده وبيييييييس

وانتى من غير ماتعلقى ولا تبعتى اغانى زى الاغنية اللى فوق دى تلاقى نفسك يا اوختى رحتى ورا الشمس bag):

( على فكرة انا اول مافتحت اللينك فضلت اضحك اضحك وكنت هاصحى البيت كله )

ألا صحيح ...ليه بقا التفرقة العنصرية دى ( وش حنان ترك فى فيلم حرامية فى تايلاند )

على فكرة انا جوزى بقا يعز الواد كريم عبد العزيز ده جدا ويحب يتفرج عليه

بس ماعرفش اشمعنى احمد عز اللى دمه تقيل على قلبه

بس سيبك انتى اللى باتنح فعلا وانا باتفرج عليه أل باتشينو تمثيله حكااااااااااية

ولا الاب الروحى يا اوحى يا اوحى فعلاااااا

مساءك insomnia مطيرة النوم من عينك

[قلب ابيض]

لمو الدورررررررررررررر يا بنات

هاتقوموا الناس علينا 000هو التوبيك لتهدئه النفوس اه بس فى اللى لينا بس

عصفور فى اليد خير من سى عز اللى عالشجره 000

ام مروان فكرينى اقولك على حاجه بمناسبه عز بينى وبينك bag):

[الباشمهندس ياسر]

اذا غارت المرأة .. ازدادت دلالا

اذ غار الرجل تحول الي وحش كاسر

ربنا يستر عليكن و متتجننوش و تجيبوه لنفسكم

طب نقول تاني

انهي راجل ده اللي هيقبل ان السنيورة تبص و تتنح علي مش عارف مين

بلاش كلام فارغ ...

حد يشغلنا الكليب بتاع نانسي يا ولاد

[pink rose]

ايه يا خواتي خراب البيوت المستعجل دا

يالهوي دا في ناس مفترية و انا ما كنتش اعرف

و ايه المصيبة السودة اللي انتي حاطاها يا لماضة دي

مش عارفه اني لسا قايمة من عملية يا بنتي ليه كده يا اوختي ليه كده

اتقوا الله دا انا ما كنتش عاوزة اتفرج على المسلسل في رمضان بتاع الادهم عشان ربنا يتقبل الصيام ياخواتي

[Mr MAGED]

لا حول ولا قوة الا بالله العلي العظيم

ايه اللي بيحصل هنا ده

انا عرفت بس الوقتي مراتي ليه عمالة تزن عليا اني اشترك في المحاورات

اتاري ليها نوايا مش ولابد :closedeyes: بس علي مين bsh:)

ياقولك ايه يا عنبي .. دوس ولا يهمك ... متخافش من حد ... وراك ردالة swar::

مرحبا بك يا انفيستور wst::

يعنى تبقى دى اول معرفتنا بيك وتقوم داخل شايط فينا كده 0000ده احنا غلاااااااابه ومقدور علينا :sad:

طب خللى عنبو ينفعك بقى وورينى هاتعملوا ايه :blink: :ninja:

لأ من الواضح انكوا طيبين فعلا ً وأنا ظلمتكم ... ده حتي الطيابة بتشر من كترها لحد ما هتغرقنا

أنا طول عمري عندي حساسية من أي تجمعات نسائية

بس متخيلتش ان مستوي الطيابة ممكن يوصل لكده

بجد ... انا المفروض اروح اعمل تمثال لمراتي ...

لا عمري شفتها باللورو ... ولا شفتها بتكشر عن أنيابها

المفروض ابدأ أمنعها من دخول المحاورات ... أو علي الأقل الموضوع ده

إيه يا عنبي فينك .... انت خلعت من أولها كده ولا ايه i*:

[عنبو]

INVESTOR مشاركة بتاريخ اليوم, 02:29 AM

إيه يا عنبي فينك .... انت خلعت من أولها كده ولا ايه

مين بس الى طلع الاشاعه دى

انت بس روح حارب :closedeyes:

وانا هستنى الرجاله وهنيجى وراك

وانا قاعد مستنى اهوو wst:: :ninja:

[قلب ابيض]

INVESTOR مشاركة بتاريخ اليوم, 02:29 AM

إيه يا عنبي فينك .... انت خلعت من أولها كده ولا ايه

مين بس الى طلع الاشاعه دى

انت بس روح حارب :closedeyes:

وانا هستنى الرجاله وهنيجى وراك

وانا قاعد مستنى اهوو wst:: :ninja:

يعجبنى اصرارك يا عنبى ...

رحم الله امرء عرف قدر نفسه :blink:

هما الرجاله جم ولا لسه ؟؟؟؟؟

[الباشمهندس ياسر]

اتقوا الله دا انا ما كنتش عاوزة اتفرج على المسلسل في رمضان بتاع الادهم عشان ربنا يتقبل الصيام ياخواتي

لا ... منورة بجد يا ريمو

[قلب ابيض]

الفرق بين الحبيب والخاطب والزوج

الهدف في حياته :

الحبيب : أن يرضيها

الخاطب : أن يرضي والدتها

المتزوج : أن يرضى الله عنه و يأخذ أحدهما

نظرته إلى الدبلة :

الحبيب : حلم

الخطيب : عبء مادي

المتزوج : بتعمل حساسية !!

أكثر بضاعة يشتريها :

الحبيب : الورد

الخطيب : الحلويات

الزوج : حفاضات بامبرز

في صالة السينما :

الحبيب : ينظر في عينيها

الخطيب : يمسك يدها

الزوج : يتابع الفيلم

طلباتها بالنسبة له :

الحبيب : فرض عين

الخطيب : أوامر رئاسية

الزوج : كلام نسوان

إسمها على موبايله:

الحبيب : BABY

الخطيب : المدام

الزوج : الحكومة

الجحيم بالنسبة له:

الحبيب : مكان لا يراها فيه يوميا

الخطيب : مكان يرى فيه حماته المتطلبة

الزوج : حياته الحالية

أهم صورة على هاتفه الجوال:

الحبيب: الشجرة التي إلتقيا عندها أول مرة

الخطيب : صورة ( الشبكة) التي تزيد عن 25 ألف

الزوج : صورة سلاف فواخرجي

ما هو الخلع ؟

الحبيب : حكم بالإعدام

الخطيب : إهانة للكرامة

الزوج : نصر من الله وفتح قريب

__________________

تم تعديل 3 أبريل 2010 بواسطة قلب ابيض

[مزاميزو]

أول مرة أشوف الموضوع لأني من فترة مش متواجد ... المهم وبما ان الردالة واخدين جنب ومفيش نصائح مهلبية لتعكير صفو الحياة الزوجية وجدت أنه من واجبي تجاه بني جنسي أن أقف وقفة ردالة وادلو بدلوي ببعض النصائح المهلبية:

بص يا سيدي اقترح انكم تزوروا أهلها وانتم في السكة تفتكر مشوار مهم جدا وتلطعها شوية حلوين ... المهم في كده إنك لما ترجع وهي أكيد متنرفزة تكون أنت كووووووووول خالص وقاعد في ديب فريزر ومتتأثرش باي انتقاد بل على العكس تتأسف وانت من جوا بتضحك لأنك كنت مع واحد صاحبك بتلعبوا عشرة طاولة ... هو دا اللعب والتكتكة :lol:

خد التانية اعزمها على أكلة فشة وطحال واي حاجة انت متأكد انها مش بتاكلها وتكون من على عربية في الشارع وتكون ملوثة طبعا ولو مش ملوثة يبقى لازم تعمل الواجب بس أنت تبقى حويط وتبقى واخد دوا قبل ما تاكل أو من حبك فيها تصر على أنك تأكلها بايدك من نصيبك وطبعا عينيك كلها رومانسية :wub: عشان قلبها يتعمى عن الحقيقة المرة وانها مش ممكن كانت تتصور انها تاكل اكلة زي كده (دا لو كانت بتاكلها أصلا) ومن الشارع كمان ...

ملحوظة: تأكد ان التلوث مفعوله على قد مغص بس :blink: ... أحسن تروح في حديد :sad:

لو هي بتشتغل ممكن تاخد منها فلوس لأنك مزنوق ومحتاج تشتري حاجة مهمة وتروح شاري هدية لأهلك ... كده تكون الضربة القاضية bxg::

بقول كفاية كده أحسن أحس اني مفتري

[مزاميزو]

حبيت أشارككم ايميل مناسب لموضوعونا وأخد نفس من الضرب اللي هاخده من المداخلة السابقة ... وبقول لنون النسوة الضرب في الردالة حرام .... :blink:

خمس حركات تحبها المرأه,,قد لايعرفها كل الرجال

1_ مسك اليدين بمناسبة او بدون مناسبة .

هذه النقطه تحسس المرأه بالاطمئنان والشعور بالراحه

2_ ان يبعد لها خصلات شعرها التي وقعت على وجهها.

تعطي انطباع تام بالاهتمام والعنايه

3_مسح دموعها بأطراف اصابعك اذا تسبب لها اي شي من البكاء..

حنااااااااااااااااااااااااااااان لأبعد درجه

4_ان تقول لها كلمة (أحبك ) حتى وهي غاضبة

تسيطر على تفكيرها وتبادلك الشعور واحيانا ترد لك الكلمه

5_ان تقبل يديها وتعتبرها نعمة من الله وقل لها انك تشكر الله انه اهداك اياها..

تشعر المرأه عندها انها مميزه ولا احد ينافسها في قلب الرجل

..

اذا سويت كل الحركات

وشفتها ما تأثرت فإعرف

انك تحب بقره

لازم تشوف لك صرفه

[fatfouta]

حبيت أشارككم ايميل مناسب لموضوعونا وأخد نفس من الضرب اللي هاخده من المداخلة السابقة ... وبقول لنون النسوة الضرب في الردالة حرام .... :blink:

وشفتها ما تأثرت فإعرف

انك تحب بقره

لازم تشوف لك صرفه

مزاميروووووووو افندى ربنا يستر عليك

اين انتم يا نــــــــــــــــون شايفين كاتب ايه؟؟

لو هى بقرة يبقى هو ايه يا ترى

[لماضة مصرية جدا]

أول مرة أشوف الموضوع لأني من فترة مش متواجد ... المهم وبما ان الردالة واخدين جنب ومفيش نصائح مهلبية لتعكير صفو الحياة الزوجية وجدت أنه من واجبي تجاه بني جنسي أن أقف وقفة ردالة وادلو بدلوي ببعض النصائح المهلبية:

بص يا سيدي اقترح انكم تزوروا أهلها وانتم في السكة تفتكر مشوار مهم جدا وتلطعها شوية حلوين ... المهم في كده إنك لما ترجع وهي أكيد متنرفزة تكون أنت كووووووووول خالص وقاعد في ديب فريزر ومتتأثرش باي انتقاد بل على العكس تتأسف وانت من جوا بتضحك لأنك كنت مع واحد صاحبك بتلعبوا عشرة طاولة ... هو دا اللعب والتكتكة :sad:

خد التانية اعزمها على أكلة فشة وطحال واي حاجة انت متأكد انها مش بتاكلها وتكون من على عربية في الشارع وتكون ملوثة طبعا ولو مش ملوثة يبقى لازم تعمل الواجب بس أنت تبقى حويط وتبقى واخد دوا قبل ما تاكل أو من حبك فيها تصر على أنك تأكلها بايدك من نصيبك وطبعا عينيك كلها رومانسية :wub: عشان قلبها يتعمى عن الحقيقة المرة وانها مش ممكن كانت تتصور انها تاكل اكلة زي كده (دا لو كانت بتاكلها أصلا) ومن الشارع كمان ...

ملحوظة: تأكد ان التلوث مفعوله على قد مغص بس :blink: ... أحسن تروح في حديد :wub:

لو هي بتشتغل ممكن تاخد منها فلوس لأنك مزنوق ومحتاج تشتري حاجة مهمة وتروح شاري هدية لأهلك ... كده تكون الضربة القاضية :lol:

بقول كفاية كده أحسن أحس اني مفتري

السلام عليكم و رحمة الله و بركاته

الي المعلم مزاميزو....اللي قاعد في شفخانة الافترا

هو من كل التلوث اللي اتحدف فوق دوت......علي اعلان البقرة الضاحكة اللي انت برضه حدفته......انا عجبتني بقي كلمة واحدة...لا هي جملة الصراحة

الفيلسوف مزاميزو.....اللي يجي تغيظك تغيظو قالك ايه

"قلبها اتعمي عن الحقيقة المرة"[وسط][/وسط]

بس اللي الفيلسوف مزاميزو موضحوش......هي الحقيقة المرة دي متعلقة بعربية الكبدة الملوثة بتاعت عم عبده قذارة.....و لا متعلقة باختيارها بشكل عام و لا ايه؟؟؟؟؟؟

============================================

عجبتني بقي المداخلة بتاعت كيف يا عبد السميع تكون زوج مطيع...اللي حدفتنا فيها في الاخر بوصف رومانسي خااااالص

و عشان كده انا هقولك كلمة واحدة بس....و كلمة واحدة ليكو كلكم يا فخااااااااايدة (وش كتكوت و وراه غريب.......)

برررررررررررررررررررررم

مزاميزو ....صباحك............ bxg::

بس خلاص

[Damo]

لو هي بتشتغل ممكن تاخد منها فلوس لأنك مزنوق ومحتاج تشتري حاجة مهمة وتروح شاري هدية لأهلك ... كده تكون الضربة القاضية wst::

و ارخم لو الهدية لاهلها هي :110:

[reemragab]

طيب وليه ده كله

ما كل واحد من منا يروح لحاله

وكفى الله المؤمنين شر القتال

[رضوي]

طيب وليه ده كله

ما كل واحد من منا يروح لحاله

وكفى الله المؤمنين شر القتال

لا ازاي ................. طب ودي تيجي ............ طب تخيلي كدة معايا الحياه من غير نكد ......... ياااااااااااااااااه طب دي تبقي ممله أخر ملل .......... ياساتر يارب فيه كدة ................ طب هتعرفي ازاي قيمة الاستقرار والحب والمودة لو معرفتش طعم النكد والغلاسة والرخامة ؟؟؟؟؟؟!!!!!!!!!!!!!!!!؟؟؟؟؟؟؟؟؟

طب دة حتي النكد دة عامل زي الملح والشطة في الاكل ........ تعرفي تاكلي من غير ملح وفلفل ؟؟؟؟؟ علي طول هتقولي عليه اكل عيانين

خلاص خلاص

احسن تقولوا عليا نكدية ولا حاجة

وأنا بصراحة أكتر حاجة بكرها النكد ......... ياساتر يارب

بس أقولكم أحسن حاجة في التوبيك دة ايه ؟؟؟؟

اننا بنعرف الخطط الدفاعية للاخر من خلاله

يعني بيعرفكن ياهوانم ازاي السوالم بيفكروا ............ علشان نفسد عليهم اي خطة للنكد

يعني أنا دلوقتي لما حسبالله يحب ينكد عليا بخطة جهنمية من خطط السوالم هعرف افسد عليه الخطة ازاي !!!!

هو دة الكلام التمام

انما بقي السوالم عمرهم ماهيعرفوا ازاي يفسدوا خطط المودام في النكد ........... لانها موهبة وفن شيء كدة فطري مش مكتسب

ربنا يبعد عنكم شر النكد والزعل يارب

ويخلي ايامكم كلها سعادة وفرح وأمل

[مزاميزو]

مزاميروووووووو افندى ربنا يستر عليك

اين انتم يا نــــــــــــــــون شايفين كاتب ايه؟؟

لو هى بقرة يبقى هو ايه يا ترى

يبقى هو دونكي يا فندم لأنه سمع كلامي ونفذ الوصايا الخمس سالفة الذكر ... :blush2: