هكذا سأتخلص من محاورات المصريين D:

[myusername]

السلام عليكم,

اوعوا تفهمونى صح wst:: فى الفترة الاخيرة.. زاد تعاملى مع محاورات المصريين بشدة.. و اصبح الارتباط النفسى شديد جدا, و اصبح يمثل ضغط عليا أيضا.

المنتديات العربية اللتى اتصفحها هى 3 منتديات فقط... من ضمنها محاورات المصريين.. و اللذى يعد ارتباطى به الاقوى..

ما بين الفيسبوك.. الهاكر نيوز.. تيك كرانش.. و أيضا محاورات المصريين.. اصبح وقتى يضيع منى بشدة.. و بصراحة اللى بعمله ده نوع من انواع السفه و تضييع الوقت :rolleyes:

لذلك.. يجب ان اضع نقطة نظام... wst:: الشغلانة اللى كنت بخلصها فى 40 دقيقة, بقيت بخلصها فى 4 ساعات بسبب المحاورات.. حرام يا جماعة.. wst::

لقد مضى زمن النوم.. و حان وقت العمل و الاجتهاد smk: سمعونا صلاة النبى, علشان اللى عايز يتخلص من المحاورات و اى منتدى تانى او موقع بيضيع وقته...

الى كل الناس اللى عايزين يظبطوا وقتهم.. انا شخصيا هعمل الاتى:

الخطوة الاولى: اولا لانى شغلى عالانترنت.. و مرتبط ارتباط وثيق بالانترنت.. فأنا سجلت فى موقع متخصص فى ادارة الوقت و الاعمال.. و بيفيد اكتر الناس اللى شغالين مبرمجين.

الموقع هو ريسكيو تايم (اسم على مسمى فعلا) : http://www.rescuetime.com

عملت حساب فيه.. فيه نوعين, واحد مجانى و التانى بفلوس... طبعا اخترت individual

انا اخترت ابو فلوس.. بمتوسط 6 دولار فى الشهر... بس هو عموما بيديك أول 14 يوم مجانا.

فكرة الموقع انه بيخليك تتابع ايه المواقع اللى انتا بتدخلها.. و كمان ايه البرامج اللى انتا بتستخدمها... و بتقعد عالمواقع قد ايه و انهى مواقع..

و كمان فيه اوبشن انك تعمل بلوك لاى موقع فى خلال فترة معينة.. يعنى نص ساعة او ساعة... و بالتالى هتقعد تعمل شغلك زى ما انتا عايز.

طبعا الموقع ده مفيد اكتر للناس اللى شغالة عالانترنت.. زى المبرمجين.. المصممين.. bla bla bla

الخطوة التانية: حملت برنامج child control و ده حلو للاطفال اللى زى حالاتى :P

البرنامج ده بيخلى الواحد يتحكم انه يعمل بلوك لمواقع معينة... يعنى مثلا تعمل بلوك لموقع محاورات المصريين فى اوقات معينة..

مش بس كده... ده كمان فيه فيلترز filters بحيث انك تضيف موقع المحاورات مثلا.. علشان تستخدمه لمدة 4 ساعات فقط فى خلال اليوم.. بغض النظر عن الوقت اللى هتستخدمه فيه.. المهم ان مجموع الاستخدام لا يتعدى 4 ساعات فى اليوم.. و لو الوقت خلص, كل ما تيجى تدخل عالموقع.. هيعمل ريدايركت على موقع جووجل... و مش هيخليك تعرف تدخل عالموقع اصلا الا فى اليوم اللى بعده.

طبعا عيبه ان الباسورد هتبقى مع الواحد... بس مين بقى اللى فيه دماغ يفضل يدخل يغير الsettings كل شوية :blink:

اسأل الله العلى العظيم... ان الخطوتين دول يجيبوا معايه نتيجة.. احسن الواحد كده هيضيع و هنشحت على باب السيدة. ;)

ادعوا لنا بقى الله يكرمكم.

تم تعديل 18 مارس 2010 بواسطة myusername

[اغابي]

اخى الفاضل myusername

اولا بحييك على اجتهادك وكمان على دمك الخفيف - لانى لما قريت العنوان فى البداية افتكرت انك زعلت من حد او فى مشكلة مع اسرة المحاورات - بس لاقيت العكس

وفعلا انا بواجه نفس المشكلة - بس كل مشكلة وليها حل - انا مشتركة فى 3 منتديات غير المحاورات بس المحاورات كلها مصريين - فنحكى ونضحك ونزعل ونشد مع بعضنا ونفضفض ونتخانق ونرجع نتصالح فتحس انك فى وسط اهلك واسرتك - لكن المواقع التلاتة الباقيين يمكن علشان مواقع خليجية بس داه ما يمكنش ان لى اصدقاء فيها برضوه وانا مشتركة علشان اللغات الاول كنت اذاكر6 ساعات متواصلة حتى كل زمايله فى الشغل عارفين واحيانا بيساعدونى لانهم شطار فى اللغة وعاملة جدول مذاكرة فى الشغل برضوه انا بتعلم لغة انجليزية وماشية فيها ممتاز وبعتمد على الكورسات وبرضوه بتعلم فرنساوي بس لسة جديدة شوية شوية وكل لغة ليها منتدي معايا - لكن لى فترة سرقتنى السكينة ومش بذاكر خالص ال6 ساعات اللى هما اهم ساعات فى اليوم بيضيعوا فى المحاورات والمذاكرة متوقفة تماما وانا محتارة - بس ممكن فيه حل ان اعمل منبه الموبايل لوقت معين اول ما يرن اقعد اذاكر واقفل منتدى المحاورات وبكده ابقي ما حرمتش نفسي من المذاكرة ولا من المحاورات - دي فكرة جاتنى حابدأ فيها يوم السبت لكن نهارده حاقضيه فى المحاورات

:rolleyes:

[msayed]

المشكلة دى بأعانى منها من وقت للتانى

فبقيت أعمل إيه بقى

لما يكون فى يوم عندى مضغوط جداً ولا يمكننى أضيع دقيقة منه فبأبدأ اليوم بقسم بينى وبين نفسى بإنى مش ها أدخل على أى موقع إنترنيت إلا لو إحتجته أثناء شغلى أو أكون ناسى، وبرغم كده ساعات أنسى القسم وأقفش نفسى فاتح المحاورات بأقراها وساعتها كأن حية لدغتنى بأقوم قافل المحاورات فوراً ولو بأكتب رد بأخذه أحفظه فى ملف نصى.

الطريقة دى بصراحة نافعة معايا جداً

ولو الموضوع مش محتاج حلفان واليوم عادى ولكنى مش عاوز أضيعه فبأقنع نفسى بالواقع، مش ها تفرق كثير إنى أدخل أقرأ دلوقت وأشارك فى أى موضوع من أنى أدخل بعد الدوام.

[myusername]

شكرا يا أخت اغابى عالرد... يا رفيقة الكفاح :lol: انا علشان يبقى الموضوع غصب عنى... حملت البرنامجين.. علشان ميبقاش بمزاجى... و ميبقاش فيه اى كسل من اى نوع.

و الله يا أخ msayed ما شاء الله عندك ارادة... بصراحة انا بضعف بسرعة :lol:

انا بدخل عالمحاورات عادى... بس كل اللى بعمله هو نقطة نظام.. يعنى عملية تنظيمية, لان الواحد كده عمره هيضيع.. :lol:

و علشان اظبط الامور صح... غالبا هدخل لمدة 10 دقايق من كل ساعة... علشان اتابع الجديد.. و بصراحة لو قدرت احقق الهدف ده, يبقى انا كده عشرة على عشرة.. و هو المطلوب اثباته. :lol:

تم تعديل 18 مارس 2010 بواسطة myusername

[Simba]

يا سلام ده علي كده الفراغ اللي الواحد فيه ده نعمة بس الواحد مش حاسس يا جدعان بقيمته :lol:

انا ما بصدق الشغل يخلص واول حاجة بفتحها المحاورات حتي لو مش هشارك بس بنشوف الناس بتقول ايه ورأيها ايه في اللي بيحصل حوالينا

وبعدين وقت الشغل للشغل ووقت المحاورات للمحاورات خلص شغلك كله مرة واحدة ولا انت شغال علي مدار اليوم

[myusername]

يا سلام ده علي كده الفراغ اللي الواحد فيه ده نعمة بس الواحد مش حاسس يا جدعان بقيمته :lol:

انا ما بصدق الشغل يخلص واول حاجة بفتحها المحاورات حتي لو مش هشارك بس بنشوف الناس بتقول ايه ورأيها ايه في اللي بيحصل حوالينا

وبعدين وقت الشغل للشغل ووقت المحاورات للمحاورات خلص شغلك كله مرة واحدة ولا انت شغال علي مدار اليوم

المشكلة انى شغال على مدار اليوم.. و كمان شغلى عالكمبيوتر.. يعنى سهل بالنسبة لى انى اضعف و ادخل المحاورات :lol:

اما عن الفراغ.. فهو فعلا نعمة... و النبى قال: نعمتان مغبون فيهما كثير من الناس.. الصحة و الفراغ. لان الفراغ عموما ممكن ان يتم استغلاله اسوأ استغلال... :lol: سواء للقرائة او التعلم.. او اى فايدة و السلام.

[أحمد سيف]

كان غيرك أشطر يا ماي يوزر

[myusername]

كان غيرك أشطر يا ماي يوزر

هههههههه wst::

بس عموما الموضوع بدأ يجيب نتيجة مبشرة الى حد ما... و كله على حسب تساهيل ربنا.

و حكاية ان فيه برنامج بيذكر الواحد كل شوية.. و برنامج تانى يمنعك من دخول الموقع فى اوقات معينة.. كل دى ضغوط عليا علشان اركز فى الشغل.. لانى خلاص عارف انى مش هقدر ادخل عالموقع قبل ساعة مثلا.. و هكذا.

يعنى الموضوع بدأ يمشى فى مساره الى حد كبير.. لكن طبعا هياخد وقت معايه.. لكن كبداية.. مبشرة باذن الله.

[لماضة مصرية جدا]

السلام عليكم و رحمة الله و بركاته

حلوة اوي الحوتة دي

و بتفكرني باعلان انسف حمامك القديم..........ووووووووووووووووم

انا عملت حاجة اليويمن اللي فاتوا...بس ده كان اضطراري....الحقيقة....عوضت نفسي بمتعة بديلة....يعني المحاورات شلتها و حطيت مكانها مكسرات....قصدي.....حورارت تانية مع ناس حقيقيين علي ارض الواقع

و لما ببقي في الشغل...بعمل ايه......بحاول اطربق الدنيا ع دماغي (يعني بحط تاسكات علي راسي عشان اركز اخلصها)و كل ما اخلص واحد اكافيء نفسي بمكسرات المصريين دي

بس هو احيانا الواحد الفضول بياكله... يا تري لون البانر النهاردة ايه...كوميدي....طب ديني.....طب سياسي.....طب ايه؟؟؟ و يفضل رايح جاي رايح جاي

برنامج الكمبيوتر فكرة حلوة اوي....و كنا درسناها في الجامعة....بس هو الواحد لازم يقوي ارادته...تيجوا نلبع حديد.... wst::

صبااااحكم حديد في حديد......حتي لو بتحاول م المحاورات تروح بعيد

فوتكم بعافية

[reemragab]

الموضوع ماكانش محتاج كل ده

الفكرة ان حضرتك ممكن تكون بتفتح المحاورات فى وقت مش وقتها اللى هو وقت الشغل وعشان كده انت حاسس ان فى وقت بيضيع منك والحاجة بقت بتاخد وقت اطول وده طبيعى

ومتهيالى ان حضرتك عندك وقت فاضى بعد كده بدليل انك محدد 4 ساعات بس للمحاورات كل يوم :lol: (ياريت انا عندى الوقت ده كله عشان انام فيه)

اعتقد انك لو بعدت بس عن الموقع وقت الشغل مش ها تحس انه فيه مشكله حتى لو قعدت 10 ساعات لانه وقت فاضى وسبير

[aimen]

انا حاسس بيك لأنى ايضا اعانى من تأكل الوقت فى النت

عن نفسى بستخدم برنامج http://www.bluecoat.com/products/k9web

بيعمل نفس الحاجات اللى انت عاوزها ومجانى

ممكن احدد الوقت وافصل النت

ممكن لو فتحت عدة صفحات انت عامل لها بلوك فى خلال وقت معين يتعمل لك بلوك من النت لفترة تحددها انت

ممكن تعمل للمواقع دى بلوك وتستخدم باسورد عشوائية

ولما تحتاج الدخول اطلب من البرنامج يفكرك بيها على الإيميل

حاجات كثير ومجانى

سلام

[ترنيم]

التواجد على شبكة الانترنت لفترات طويلة دى مشكلة كبيرة سواء كان على المحاورات او غيرها وفعلا ممكن يضيع الوقت جدا

ان لم يستغل فى شئ نافع او فى شغلك مثلا

الحق انا على العكس من حضرتك تماما ....

مبلحقش حتى اقرأ الموضوعات اللى بتعجبنى وممكن افتح الصفحة بتاعت الموضوع واسيبها يومين تلاتة لانى ما لاحقة اقرأها

مع العلم انى حاليا فى أجازة من شغلى بس الحق نفسى اعرف الناس بتجيب الوقت منين تقضى الفترات دى كلها على النت