تكاليف المعيشة فى مصر

[ahmos1]

اخوانى اخواتى

هل لديكم فكرة عن متوسط المصاريف الشهرية لعائلة فوق متوسطة مكونة من اب و ام و ثلاثة ابناء بعيدا عن تكلفة المدارس او ايجار البيتوياريت الكل يدلى برأية حيث انى اسمع ارقام مختلفة- فى انتظار مشاركاتكم

[myusername]

الموضوع صعب تحديده شوية... و ليه أبعاد و عوامل كتيرة.

عمر الابناء؟ هل فيه عربية ولا هتعتمدوا عالمواصلات؟ المنطقة اللى هتسكنوا فيها؟ هل هتخرجوا كتير و تاكلوا فى مطاعم مرة او مرتين فى الاسبوع.. ولا هتاكلوا فى البيت على طول؟ هتحتاجوا شغالة؟ و أسئلة من دى كتير ياما...

عموما انا هقول ميزانية بالويم كده.. و الازراق على الله.

الاكل و الشرب لو فى البيت... غالبا مش هيقل عن 1500 جنيه كحد ادنى..

المواصلات.. لو فيه عربية؟ ولا مواصلات؟ و كمان كام واحد هيخرج؟ يعنى الاولاد فى سن صغيرة؟ و هل هتعتمدوا عالمترو و الميكروباز.. و لا عالتاكسى بشكل اساسى؟ :wub:

و هل فيه عربية او اتوبيس للشغل هتوصلكم ببلاش... و كمان للمدارس لو فيه اطفال؟

عموما نقول المواصلات... هتكلف حوالى 700 جنيه شهريا.. ده لو بتعتمدوا عالمواصلات العامة.

خلى بالك ان التليفون و الكهربا بيسحبوا جامد اليومين دول... يعنى ممكن الاتنين مع بعض يعملوا متوسط شهرى 400 جنيه مثلا.. و ممكن اكتر على حسب المنطقة, لان الكهربا بتتعامل بشرايح.. على حسب المنطقة السكنية.

و طبعا تحط عليهم الف جنيه كمان لزوم اى مصاريف تانية.

ارجع و اقول لك... الموضوع فى النهاية نسبى.. بس لو اسرة فوق متوسطة.. 5 افراد... معتقدش انهم يصرفوا اقل من 6 الاف جنيه فى الشهر.

[joo]

3000 الاف جنية على الاقل علشان يعرف يدوب يعيش

[doha]

من غير ايجار البيت والمدارس والملابس والاقساط ان وجدت .. تقريبا 100 جنيه في اليوم وده معدل شبه ثابت اليوم الي هتصرف فيه اقل من مية هتلاقي نفسك اليوم الي بعده صارف ميتين ..

يعني 3000 تقريبا بخلاف الايجار والمدارس .. الخ ..

[ahmos1]

ما سمعتة من بعض الاصدقاء يتراوح بين 4000 و 6000 ريال و يتطابق تقرريبا مع بعض ارائكم وان كان البعض قال 10000 و اكثر - ارجو وضع المزيد من التعليقات سواء من تجاربكم الشخصية او من خلال اقارب موجودين فى مصر

[herohero]

بصراحه صعب التحديد زمان ماشي يعني من قبل سنة 2006 اما حاليا فمستحيل سيدي الاسعار بتتغير كل اسبوع سيدي نقول ميزانية اسبوعيه

ورغم الارقام ده فيه ناس عايشة باقل من كده احلى حاجه ف مصر كله بيعيش

وبتمشي الحياة ماتحسيبهاش عشان ماتتعبش

[ahmos1]

بصراحه صعب التحديد زمان ماشي يعني من قبل سنة 2006 اما حاليا فمستحيل سيدي الاسعار بتتغير كل اسبوع سيدي نقول ميزانية اسبوعيه

ورغم الارقام ده فيه ناس عايشة باقل من كده احلى حاجه ف مصر كله بيعيش

وبتمشي الحياة ماتحسيبهاش عشان ماتتعبش

اقدر ردك و لكن تصور الاتى - انت موجود فى السعودية و بتحاول تقدر مصاريف بيتك لو نزلت مصر بكرة

[doha]

على فكره في حاجه مهمه اوي بخصوص الحياه في مصر .. تقريبا نفس المبلغ الي بتعيش بيه خارج مصر هو ذاته الي محتاجه عشان تعيش في مصر مع الاخذ ف الاعتبار انك هتبقى ( يادوب ) عايش

بس في ميزه بقى في مصر وهي ان طبيعة الحياه هناك لا تميل للاستهلاك زي ماهو الحال في الخليج .. يعني هيبقى مفهوم اوي ومقدر من الي حواليك لو مكنتش بتلبس لبس جديد في الاعياد .. او لو اقتصرت العزومات على مرة في السنة او السنتين وهكذا من الامور الي تعتبر بديهية في الخليج ولكنها اصبحت رفاهية عند البعض في مصر ..

ايا كان مستواك الاجتماعي ففي مصر الناس اصبحت بتقدر ومعادتش بتهتم للنفقات الاضافية ومش هتلاقي اعراف اجتماعية او قيود تفرض عليك انفاق معين الهم الا الحد الادنى لتكاليف المعيشة من اكل وشرب وغيره وده للاسف اسعاره زي الخليج ويمكن ازيد حاجه بسيطه ..

[ahmos1]

على فكره في حاجه مهمه اوي بخصوص الحياه في مصر .. تقريبا نفس المبلغ الي بتعيش بيه خارج مصر هو ذاته الي محتاجه عشان تعيش في مصر مع الاخذ ف الاعتبار انك هتبقى ( يادوب ) عايش

بس في ميزه بقى في مصر وهي ان طبيعة الحياه هناك لا تميل للاستهلاك زي ماهو الحال في الخليج .. يعني هيبقى مفهوم اوي ومقدر من الي حواليك لو مكنتش بتلبس لبس جديد في الاعياد .. او لو اقتصرت العزومات على مرة في السنة او السنتين وهكذا من الامور الي تعتبر بديهية في الخليج ولكنها اصبحت رفاهية عند البعض في مصر ..

ايا كان مستواك الاجتماعي ففي مصر الناس اصبحت بتقدر ومعادتش بتهتم للنفقات الاضافية ومش هتلاقي اعراف اجتماعية او قيود تفرض عليك انفاق معين الهم الا الحد الادنى لتكاليف المعيشة من اكل وشرب وغيره وده للاسف اسعاره زي الخليج ويمكن ازيد حاجه بسيطه ..

المشكلة سيدتى الفاضلة انة مع العيشة فى الخليج بيبقى فية بعبع اسمة العودة الى مصر و تكاليف الحياة و الغلاء فى مصر و تمر الايام و السنين و لا حديث الا هذا الموضوع و تزيد المشكلة فى الاجازات لان جميع الاقارب يشكون و لا يتوقفوا عن الشكوى رغم ارتفاع مستوى معيشتهم

اما بالنسبة للمصاريف هنا فحدثى و لا حرج بند دروس اى جى فقط من 9000 الى 10000 ريال شهريا و كان الله فى عون الجميع

[doha]

مصاريف الاجازات ليست بمؤشر ولا مقياس نهائيا لما يمكن ان يكون عليه الوضع لو رجعت مصر نهائي ..

كنت عايش في السعوديه طوال عمري تقريبا ونزلت مصر عشت فيها فترة ( والابوين مغتربين ) ثم تزوجت وزوجي غير مغترب وعشت كام سنة بدخلي ( المصري ) قبل ماارجع السعوديه تاني ..

في كل ماسبق كنت بنزل اجازات مرة على الاقل كل سنة ان لم يكن اكثر .. وكنت برضه بسافر من مصر للسعوديه اجازات ..

لما كنت ( مستقرة ) في مصر بدخل ( مصري ) كنت بصرف مبلغ لا يمكن مقارنته ولا مجرد مقارنة بما كنت بصرفة لما كنت في الاجازات سواء قبل الزواج او بعده ..

الاجازة في اي مكان حتى لو قضيتها في السعوديه بتصرف فيها بشكل مبالغ فيه .. والاستقرار مع دخل عالي بتصرف فيه اقل من الاجازات وبتصرف اقل منه كمان لو كان دخلك اقل .. وفي كل الاحوال ممكن تعيش مبسوط وممكن متبقاش حاسس ان ناقصك اشياء جوهرية .

الحكاية دي لاحظها لو جالك مثلا زياده في الراتب هتلاقي فورا قفز امامك بند محتاج تسديد فوري .. طيب ولو مكانتش الزياده دي جات ؟ هي الفكرة اننا بنظبط نفسها داخليا على مستوى انفاق مقارب للدخل فمبناخدش بالنا احيانا ان لنا مطالب ممكن الاستغناء عنها وبنفتكرها ضروريات لازم ولابد نجيبها وبالتالي لازم نحافظ على مستوى معين من الدخل او قريب منه على الاقل .

الحياه في مصر غالية ده شيء اكيد .. لكن الي بيرجع مصر مش بيموت من الجوع لان رب هنا رب هناك وهو الي بيقسم الرزق وهو الي ( بيبارك فيه ) وده الاهم ..

[herohero]

مصر مش مشكلتها بعبع المصاريف سيدي اكبر مشكلة وحلها مش سهل هو التكيف خاصة للاولاد معاناة

انا عانيتها زمان بتاخد وقت ع التكيف وتبطل تقارن بين سهوله العيش ف مجتمع مغلق ومجتمع يعاني من الزحام

وعموما مصر لها مصارفهامشية خاصة لو انت من سكان القاهرة والاولاد كبروا

هتلاقي رد واحد منهم امل انت يابابا اتغربت ليه مش عشان نتمتع وهنا نبدا بقى اشي نوادي واشي عربية وحضرتك بتبقى زي البنك بس البنك اللي بيدي بس

ربنا يكون ف عونك

[ahmos1]

مصاريف الاجازات ليست بمؤشر ولا مقياس نهائيا لما يمكن ان يكون عليه الوضع لو رجعت مصر نهائي ..

كنت عايش في السعوديه طوال عمري تقريبا ونزلت مصر عشت فيها فترة ( والابوين مغتربين ) ثم تزوجت وزوجي غير مغترب وعشت كام سنة بدخلي ( المصري ) قبل ماارجع السعوديه تاني ..

في كل ماسبق كنت بنزل اجازات مرة على الاقل كل سنة ان لم يكن اكثر .. وكنت برضه بسافر من مصر للسعوديه اجازات ..

لما كنت ( مستقرة ) في مصر بدخل ( مصري ) كنت بصرف مبلغ لا يمكن مقارنته ولا مجرد مقارنة بما كنت بصرفة لما كنت في الاجازات سواء قبل الزواج او بعده ..

الاجازة في اي مكان حتى لو قضيتها في السعوديه بتصرف فيها بشكل مبالغ فيه .. والاستقرار مع دخل عالي بتصرف فيه اقل من الاجازات وبتصرف اقل منه كمان لو كان دخلك اقل .. وفي كل الاحوال ممكن تعيش مبسوط وممكن متبقاش حاسس ان ناقصك اشياء جوهرية .

الحكاية دي لاحظها لو جالك مثلا زياده في الراتب هتلاقي فورا قفز امامك بند محتاج تسديد فوري .. طيب ولو مكانتش الزياده دي جات ؟ هي الفكرة اننا بنظبط نفسها داخليا على مستوى انفاق مقارب للدخل فمبناخدش بالنا احيانا ان لنا مطالب ممكن الاستغناء عنها وبنفتكرها ضروريات لازم ولابد نجيبها وبالتالي لازم نحافظ على مستوى معين من الدخل او قريب منه على الاقل .

الحياه في مصر غالية ده شيء اكيد .. لكن الي بيرجع مصر مش بيموت من الجوع لان رب هنا رب هناك وهو الي بيقسم الرزق وهو الي ( بيبارك فيه ) وده الاهم ..

ربنا يبارك فيك كلام عاقل و متزن و الاحظة فعلا - انتظر المزيد من المداخلات لاهمية الموضوع

[ahmos1]

مصر مش مشكلتها بعبع المصاريف سيدي اكبر مشكلة وحلها مش سهل هو التكيف خاصة للاولاد معاناة

انا عانيتها زمان بتاخد وقت ع التكيف وتبطل تقارن بين سهوله العيش ف مجتمع مغلق ومجتمع يعاني من الزحام

وعموما مصر لها مصارفهامشية خاصة لو انت من سكان القاهرة والاولاد كبروا

هتلاقي رد واحد منهم امل انت يابابا اتغربت ليه مش عشان نتمتع وهنا نبدا بقى اشي نوادي واشي عربية وحضرتك بتبقى زي البنك بس البنك اللي بيدي بس

ربنا يكون ف عونك

شوف انا عايش دة دلوقتى يعنى بنتى 12 سنة طبعا خايفة من الموضوع دة جدا تقولك طب اصحابى و الكومبوند و الماركات طبعا و مراتى بتفضل هنا الصبيان بيحبوا هناك و رغم انى مش مضغوط فى السفر بس انا بأحب اكون دايما مستعد

[محمد افندى]

موضوع مقارنة الحياة فى الغربة مع الحياة فى مصر بداخل تقريبا اغلب المغتربين

اغلب الناس الموجودين فى مصر نفسهم يسافرو عشان هم دايما شايفين المغترب وهو فى الاجازة بينفق ازاى ومستواة المعيشى عامل ازاى وفكرة السفر بسيطر على شباب كثير مسافروش على اساس ان السفر كويس

نيجى للجماعه المغتربين السفر زمان كان بيعمل فلوس كويسة تخليك الاعلى ماديا فى زمن قصير بين اقرانك ولكن السفر دلوقتى يا دوب يخليك عايش معقول لكن مش هتحوش وتبقى rich man يعنى

السفر ممكن يكون ضرورى بالنسبة لناس كثير فى مرحلة معينة اللى هى عادة فى مقتبل العمر وعاوز تعمل شقة وتجوز وتبنى نفسك بس الاكيد ان لازم تعمل stop عند مرحلة معينة

لكن اللى انا شايفة ان فى ناس كثير فى مصر بسم الله ما شاء الله قدر وهو فى مصر وشغال شغل ثابت فى قطاع خاص مع اى مشروع صغير ربنا بيكرمة وبينجز كثير احسن من الشخص المسافر

كدة كدة انت لازم هتنزل مصر

فمسألة وفكرة ازاى هعيش والمصاريف ازاى دة كلام دايما بيجى فى خاطر الانسان ويخوفة بس الاكيد ان ربنا سبحانة وتعالى مقسم الارزاق

وعلى حسب يعنى اسرة صغيرة زى اسرة حضرتك ممك تحتاج مصاريف من بداية 1500 جنية وتبقى عايشة معقول الى حد يا رب لو تقدر تصرف هتصرف ممكن بردة 500000 جنية فى الشهر

لكن تقريبا المعقول 2000 جنية

ومش بتتقاس بالعقل

لى واحد معرفة كان هنا فى السعودية وكان راتبة بالنسبة للرواتب هنا يعتبر كويس ومعقول قوى وكان دايما يشتكى ومش عارف اعمل اية ومش بعرف احوش والولاد مصارفهم عالية ويا ترى هنزل امتى ولازم اعمل حاجة للزمن والكلام اللى كل المغتربين بيقولوة وهنزل مصر هعيش ازاى ؟

نزل نهائى فجأة بدون مقدمات وغصب عنة

(مضطر يعنى )

المهم فتح محل للبيع بالتقسيط وكان راس مال المشروع لا يتعدى 50000 جنية اللى كانو معاه وحتى كملهم بالدين

ربنا كرمة دلوقتى وبسم الله ماشاء الله وبيكلم فى دخل شهرى ميحلمش به اى مسافر

سبحان الله

(وما تدرى نفس ماذا تكسب غدا )

اكيد ان حكيت حاجات ملهاش دعوة بسؤال حضرتك بس انا حسيت انا ممكن تفيد حضرتك

تحياتى / محمد افندى

[ahmos1]

موضوع مقارنة الحياة فى الغربة مع الحياة فى مصر بداخل تقريبا اغلب المغتربين

اغلب الناس الموجودين فى مصر نفسهم يسافرو عشان هم دايما شايفين المغترب وهو فى الاجازة بينفق ازاى ومستواة المعيشى عامل ازاى وفكرة السفر بسيطر على شباب كثير مسافروش على اساس ان السفر كويس

نيجى للجماعه المغتربين السفر زمان كان بيعمل فلوس كويسة تخليك الاعلى ماديا فى زمن قصير بين اقرانك ولكن السفر دلوقتى يا دوب يخليك عايش معقول لكن مش هتحوش وتبقى rich man يعنى

السفر ممكن يكون ضرورى بالنسبة لناس كثير فى مرحلة معينة اللى هى عادة فى مقتبل العمر وعاوز تعمل شقة وتجوز وتبنى نفسك بس الاكيد ان لازم تعمل stop عند مرحلة معينة

لكن اللى انا شايفة ان فى ناس كثير فى مصر بسم الله ما شاء الله قدر وهو فى مصر وشغال شغل ثابت فى قطاع خاص مع اى مشروع صغير ربنا بيكرمة وبينجز كثير احسن من الشخص المسافر

كدة كدة انت لازم هتنزل مصر

فمسألة وفكرة ازاى هعيش والمصاريف ازاى دة كلام دايما بيجى فى خاطر الانسان ويخوفة بس الاكيد ان ربنا سبحانة وتعالى مقسم الارزاق

وعلى حسب يعنى اسرة صغيرة زى اسرة حضرتك ممك تحتاج مصاريف من بداية 1500 جنية وتبقى عايشة معقول الى حد يا رب لو تقدر تصرف هتصرف ممكن بردة 500000 جنية فى الشهر

لكن تقريبا المعقول 2000 جنية

ومش بتتقاس بالعقل

لى واحد معرفة كان هنا فى السعودية وكان راتبة بالنسبة للرواتب هنا يعتبر كويس ومعقول قوى وكان دايما يشتكى ومش عارف اعمل اية ومش بعرف احوش والولاد مصارفهم عالية ويا ترى هنزل امتى ولازم اعمل حاجة للزمن والكلام اللى كل المغتربين بيقولوة وهنزل مصر هعيش ازاى ؟

نزل نهائى فجأة بدون مقدمات وغصب عنة

(مضطر يعنى )

المهم فتح محل للبيع بالتقسيط وكان راس مال المشروع لا يتعدى 50000 جنية اللى كانو معاه وحتى كملهم بالدين

ربنا كرمة دلوقتى وبسم الله ماشاء الله وبيكلم فى دخل شهرى ميحلمش به اى مسافر

سبحان الله

(وما تدرى نفس ماذا تكسب غدا )

اكيد ان حكيت حاجات ملهاش دعوة بسؤال حضرتك بس انا حسيت انا ممكن تفيد حضرتك

تحياتى / محمد افندى

محمد افندى مشكور على المشاركة و انتظر المزيد من الجميع لانة موضوع قد يهم الجميع

[AbkaReno]

ماشاء الله..

انا شايف ارقام تقضي 5 بيوت في حي شعبي مش اسره واحده.. الي بيقول 100 جنية يومي والي بيقول 200 جنية..؟

راحت فين الست المصريه وهل لازم ناكل كل يوم وكل اسبوع في مطاعم ..؟ وليه التبذير ما ممكن اكله حلوه من ايد مراتك باكل المطعم ده كلو ..

انا عن نفسي لاني بصرف على بيت مكون من اب وام و3 اخوتي برسلهم 500 جنية شهرين والحمد لله مستوره ومبسوطين اخر انبساط..

انا شايف ان الي بيصرف 500 زي الي بيصرف 5 الاف جنية في الشهر بس الفرق في المعيشه واختلاف الطبقات..

تحياتي

[ahmos1]

ماشاء الله..

انا شايف ارقام تقضي 5 بيوت في حي شعبي مش اسره واحده.. الي بيقول 100 جنية يومي والي بيقول 200 جنية..؟

راحت فين الست المصريه وهل لازم ناكل كل يوم وكل اسبوع في مطاعم ..؟ وليه التبذير ما ممكن اكله حلوه من ايد مراتك باكل المطعم ده كلو ..

انا عن نفسي لاني بصرف على بيت مكون من اب وام و3 اخوتي برسلهم 500 جنية شهرين والحمد لله مستوره ومبسوطين اخر انبساط..

انا شايف ان الي بيصرف 500 زي الي بيصرف 5 الاف جنية في الشهر بس الفرق في المعيشه واختلاف الطبقات..

تحياتي

ربنا يبارك فيك و لك و يجزاك خير - مصر جمالها ان الناس فيها بتتكيف و الكل بيتعشى بس الوضع بيكون اصعب لما تكون اتجوزت و خلفت فى الغربة و تعودت على مستوى معيشة معين

طبعا الارقام اللى ذكرها الزملاء ابدا مافيهاش زى ما انت بتقول اكل فى مطاعم ابدا دة اضيق الحدود و ربنا يعين الناس

[KAhamid]

ماشاء الله..

انا شايف ارقام تقضي 5 بيوت في حي شعبي مش اسره واحده.. الي بيقول 100 جنية يومي والي بيقول 200 جنية..؟

راحت فين الست المصريه وهل لازم ناكل كل يوم وكل اسبوع في مطاعم ..؟ وليه التبذير ما ممكن اكله حلوه من ايد مراتك باكل المطعم ده كلو ..

انا عن نفسي لاني بصرف على بيت مكون من اب وام و3 اخوتي برسلهم 500 جنية شهرين والحمد لله مستوره ومبسوطين اخر انبساط..

انا شايف ان الي بيصرف 500 زي الي بيصرف 5 الاف جنية في الشهر بس الفرق في المعيشه واختلاف الطبقات..

تحياتي

انا باتفق مع حضرتك الارقام اللي اتعرضت مبالغ فيها جدا

انا كنت عايش في القاهرة لغاية 6 شهور بس ياعني موش سايب مصر من زمن ولا حاجة والحمد لله متزوج وعندي بنت وولد 3 سنين و 4 شهور وكنت باصرف والحمد لله عايش كويس بس موش لدرجة الارقام دي

مصر حلاوتها ان الواحد يقدر يعيش فيها مهما كان دخلة موش زي دول تانية ودي نعمة نحمد ربنا عليها

[doha]

ماشاء الله..

انا شايف ارقام تقضي 5 بيوت في حي شعبي مش اسره واحده.. الي بيقول 100 جنية يومي والي بيقول 200 جنية..؟

راحت فين الست المصريه وهل لازم ناكل كل يوم وكل اسبوع في مطاعم ..؟ وليه التبذير ما ممكن اكله حلوه من ايد مراتك باكل المطعم ده كلو ..

انا عن نفسي لاني بصرف على بيت مكون من اب وام و3 اخوتي برسلهم 500 جنية شهرين والحمد لله مستوره ومبسوطين اخر انبساط..

انا شايف ان الي بيصرف 500 زي الي بيصرف 5 الاف جنية في الشهر بس الفرق في المعيشه واختلاف الطبقات..

تحياتي

معليش ولو فيها تدخل في خصوصياتك اتمنى تسامحني فيها .. هل الـ 500 جنيه شهريا دي هي دخلهم الوحيد المعتمدين عليه يعني مفيش اي مصدر دخل تاني ؟ الوالد لا يعمل ومعندوش معاش وكذلك الوالده والاخوات ؟

[سهران]

من غير ايجار البيت والمدارس والملابس والاقساط ان وجدت .. تقريبا 100 جنيه في اليوم وده معدل شبه ثابت اليوم الي هتصرف فيه اقل من مية هتلاقي نفسك اليوم الي بعده صارف ميتين ..

يعني 3000 تقريبا بخلاف الايجار والمدارس .. الخ ..

أتفق تماما مع الرقم اللي حضرتك قلتيه ..... 3000 جنيه شهريا هو رقم " شائع "سمعته من اكتر من صديق أستقروا في مصر السنتين اللي فاتوا ... طبعا كانوا مغتربين لفترة و مستواهم المادي معقول يعني شقة تمليك في حي جيد وسيارة للأسرة..... طبعا الرقم ما فيهوش تكاليف الدراسة و الدروس و لا اي مصاريف أستثنائية ... فقط للأعاشة بشكل معقول و بالتأكيد ربة المنزل و طريقة أنفاقها لها دخل كبير .

بالطبع المغترب ما يقدرش يحدد تكلفة أعاشته في مصر لأنه بينزل الأجازة و بيكون نمط أنفاقه نمط سياحي خلال أجازته .... فسح و خروج و عزومات ..... سايب أيده يعني ... لكن اللي عايش في مصر طبعا هايفكر بطريقة مختلفة .

مش عارف ليه أفتكرت ( عذرا للتشتيت ) صديق طفولة في أعدادي كان لما أبوه يجي المدرسة يسأل عليه بملابسة الريفية المتواضعة جدا و بخجل شديد .... و كان المدرسين ينهالوا عليه بعبارات الثناء و يقولولة يا ريت أولادنا يبقوا زيه في أدبه و أخلاقه و علمه .... صديقى مهندس مدني رائع و ناجح جدا ما شاء الله عليه .

المهم راحة البال .... ناس كتير بتصرف ربع المبلغ ده و سعدا و ربنا بيبارك ..... المهم الرضا .... ربنا يقسم لنا جميعا بالرضا .

تحياتي .

تم تعديل 19 مارس 2010 بواسطة سهران