عنصرية المصريين....!!!

[محمد الششتاوي]

احنا كمصريين اتوقع اننا من اقل الشعوب عنصرية

والكلام ده طبعا على المصريين اللي عاشو بس في مصر

لو شوفنا المصريين بالخليج هنلاقيهم اول يوصلوا مش بيفرقوا بين اي جنسية والتانية الا لو قابلوا غربيين اكيد هايكون في نظر مختلفة

وده تقريبا شيء طبيعي , لان معظم سكان العالم التالت بينظروا لسكان العالم المتقدم بنظرة مختلفة عن نظرائهم في العالم التالت

انما الجنسيات التانية نلاقيهم بيتعاملوا معاه بدون أي نظرة دونية, يعني المصري زي الهندي زي الباكستاني زي الفلبيني وهكذا

بعد فترة وبعد التواجد في الخليج يبدأ يشعر ان فيه منازل ومراتب للجنسيات

ويبدأ يشعر ان الهندي مثلا له مرتبة اقل منه من خلال تعاملات الناس مع الجنسية دي

ويشعر ان الباكستاني له منزلة تانية والبنجالي له منزلة مختلفة عن الاثنين والفلبيني كذلك واليمني والسوري والبناني كل منهم له منزلة مختلفة ولكنهم متقاربين

ويبدأ يشعر بتصنيف يقوم بشكل تلقائي بالتعامل بهذا التصنيف على حسب ما يتم به في هذه البيئة

فعندما يتعامل مع سعودي يختلف عن تعامله مع هندي يختلف عن تعامله مع فلبيني والعربي مع اختلاف جنسياته و يختلف بكل تأكيد عن تعامله مع غربي.

حتى يختلف ايضا مع المصري نفسه

يعني مثلا في مصر لو روحت قهوة , المصري اللي بيشتغل فيها بيجيلك هوا , ويقولك ( أؤمر ياباشا )

ولكن لو في قهوة في الخليج وفيها شغال واحد مصري , المصري يشعر انه عيب انه يجيلك و يجيبلك حاجتك ويفضل يبعتلك واحد هندي ولا بنجالي

في نفس الوقت يروح للخليجي بكل سرور

رغم ان ده شغله وده شيء لا يعيبه , زي ان ده لا يعيبه في مصر

لو الهندي ولا البنجالي ده كان قابل نفس المصري في مصر ,

اتوقع ان المصري كان هايرحب بيه جدا ويعتبره حاجة عزيزة جدا ويحاول يضايفه بأي شيء

العنصرية وجودها بلا حدود في الخليج , سواء اذا كانت بتصنيف الجنسيات او حتى بتصنيف القبائل.

يمكن كلامي مايكونش مقبول بس خلونا نوصل لحقيقة الموضوع

هل المصري بيتقبل فكرة العنصرية لما يروح الخليج ويطبقها ويصبح عنصري ؟

ايه ياراجل الكلان الغريب ده

ده المصرى المغلوب على امره اجدع خلق الله فى الغربه وبيسند الغلبان من الجنسيات التانيه

وده من يجربه شخصيه من الحياه 3 سنين هنا فى السعوديه

ياعم صلى على النبى

انت مش مصرى ولا ايه

باينك مش ابن بلدى يا جدع انت

والله حضرتك لو تحب تعتبرني مش مصري براحتك خالص

وده شيء مايضايفنيش على الاطلاق

تحياتي