ملحق أخطاء أعضاء المحاورات

[Simba]

كلنا لما بنكتب بسرعة بيكون لينا اخطاء في الكلمات وتلاقي الكلمة مالهاش اي علاقة باللغة العربية

بتكون اخطاء لذيذة يعني احيانا وبتخلي الواحد يبتسم وهو بيقراها

وانا اول المتطوعين لبدء رحلة البحث والصيد

في الموضوع ده موضوع فتفوتة

سلوكيات مرفوضة اثناء السفر بالطيران, واهمال من العاملين بشركات الطيران

http://www.egyptiantalks.org/invb/?showtopic=98217

عدلت الموضوع وكتبت سبب تعديل الموضوع

تعديل العنواب :) B)

اكيد ساعتها كانت بتفكر في العناب wst::

واللي يدور ياما يلاقي

[fatfouta]

خير يا سمبا

فيه حاجة؟؟

[مغتربة]

اكتر واحده ممكن تلقيلها اخطاء بهذا الشكل

بلا فخر

هو انا

معرفش ليه مبحبش ابدا ابص على مداخلتى قبل ما احطها

بكتبها و اعمل كليك على طول

و بالتالى اكيد النتيجه

انك تلاقى حروف وقعت فى السكه او اتبدلت مع بعضها محبه يعنى

و هكذا

بس اكيد المحصله النهائيه

ان مفيش مشاركه ليا بتطلع سليمه ميه ميه

ما هو انا برضه لازم انشطكم شويه و اخليكم تفكروا و انتوا بتقروا كلامى

يا ترى هيه كانت تقصد ايه

حركه المخ بركه برضه يا سيما

و لا ايه :lol: :lol: :lol:

[Simba]

الموضوع اتفهم بطريقة غلط جدا جدا

أقسم بالله العظيم

انا لما كتبت الموضوع ما كانش في نيتي اي سوء لاي حد

في بداية الموضوع قولت كلنا لينا اخطاء ومفيش اي حد من اصغر عضو لاكبر مشرف مالوش اخطاء مطبعية في الكلمات

الموضوع فكرته كمان قديمة مش انا صاحبها ولا حاجة انا كنت مشترك في منتدي شبابي زمان وكان الموضوع ده من احسن المواضيع اللي فيه كل الناس بتهزر مع بعضها فيه

والمفروض يعني ان الموضوع ده لما حد يشوف حاجة ينقلها فيه وهكذا لا اكتر ولا اقل

دايما بعتبر المحاورات صالون راقي سواء في الحوار او الابتسام غير كل المنتديات اللي علي النت وما ينفعش حد فيها يستفز التاني او يحاول اهانته اي كانت الخلافات في الرأي بينهم

أنا جربت كتير في الحياة العامة اني اتفهم غلط وما اقدرش ابرر كمان لاي حد افترض بية السوء حسن نيتي لأن فكرة سوء النية بتكون هي الطابع الغالب عنده طبعا الاحساس ده بشع بجد

لكن اول مرة اجربه علي المنتدي هنا

عموما بكرر مكانش حد هو المقصود بعينه المقصود بالموضوع كلنا كل المشتركين بالمنتدي

وانا بعتذر جدا وكل اسف اني اتفهمت بالشكل ده

وبتقدم راجيا للمشرف القسم بغلق الموضوع

[مغتربة]

يا استاذ سيما الموضوع متفهمش غلط و لا حاجه

على الاقل بالنسبه لى

انا عارفه انك فتحه على سبيل الدعابه او اضفاء المرح

و انا حبيت اشاركك فى ده

انا نفسى لما بقرا مداخلاتى ساعات بضحك على الكلمات الهلاميه الى انا كتباها

هون على نفسك

الموضوع ابسط من كده بكتير

:lol: :lol: :lol:

[عماد حمدي]

بمناسبة الموضوع الجميل دا فإسمحولي بهذا التعليق ولازم كلنا ناخد بالنا

فية كتير من الأعضاء لما بيكتبوا مثلا ً إن شاء الله بيكتبوها كدا ( إنشاء الله ) .. ودا غلط

لان إنشاء معناها ( إيجاد او خلق كمثال نقول إنشاء شركة إنشاء مصنع فحرام إننا نقول إنشاء الله )

والصح إننا نقول ( إن شاء الله ) إن لواحدها وشاء لواحدها

ياريت تاخدوا بالكم من النقطة دي

أتمني تكون مداخلتي خفيفة :blush2:

اخوكم عماد

تم تعديل 19 مارس 2010 بواسطة omda2006

[msayed]

أنا غالباً بأكتب كلامى على النوتباد علشان لو فشل إضافة الرد مايبقاش فصل بايخ وتضيع المداخلة

وبأراجع المداخلة ممكن مرتين

وبعدين أنزلها على المنتدى

ولما أرجع أقراها مرة تانية ألاقى لسه فيه أخطاء

علشان كده مستحيل تلاقى مداخلة لى ما حصلش عليها تعديل.