اذهب إلى المحتوى
محاورات المصريين

قمت الصبح مالقتش الرياض !!!!!!!!!!

se_ Elsyed
 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

ما حدش شاف الرياض النهاردة ياخواننا ؟!!!!!!!!!!!!!

من فجر اليوم تقريباً اختفت مدينة الرياض تحت أطنان من الأتربة - هي رمال إن جيتو للحق - غطت المدينة وحجبت الرؤية تماماً وأصبحت الدنيا صفرررررررررررررررررررررررررررررررا

ربنا يسامحني بقى ما قدرتش أروح أصلي الجمعة النهاردة لأني مش هاعرف أسوق في الجو ده .. بالإضافة إلى إن مهما قفلوا المسجد فمن دخول وخروج الناس هاتلاقي المسجد نفسه مليان تراب والتنفس هايبقى شيء صعب .. للمعلومية .. مش كل المساجد هنا بيتصلى فيها الجُمعه زي مصر كده .. فبتلاقي المسجد بعيد في بعض الأحيان

أكاد أشعر بالكثيرين اللي بيعانوا من حساسية الانف وصعوبة التنفس ... ربنا يكون في عونهم بجد ...

خصوصاً إن جو الرياض جاف فبيأثر على أشغية الأنف وناس كتيرة بتلاقيها هنا عايشين بالكورتوزن .. عكس ما يكونوا في اماكن بها نسبة رطوبة زي الدمام وجده والقاهرة

إنتو شايفينني يا أخواننا ولا الموضوع ده مترب برضوا ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

هههه

اليوم الصباح الساعة 11 كدة ماكنتش لسه خرجت وشوفت الدنيا شكلها ايه

جماعة اصحابى من جدة وراحو المدينة اليوم اتصلو عليه الصبح وقالو بأن التراب عندهم فى المدينة وجدة فزيع , طبعا انا قلت فى نفسى ايه اللى حصل هى الدنيا اتقلبت ولا ايه الرياض جوها حلو (ماكنتش لسه شوفت ) والمدينة وجدة كلها تراب

قلت لهم وقلى ثقه لا احنا هنا ميه ميه ولا تراب ولاغيره وطلعت ياعمى الحاج اروح اصلى افتح باب العماره الاقى الدنيا برتقالى ونظرى حتى مش جايب سيارتى اللى هى امامى يجى ب7 متر

اخدت السيارة ومشيت على 20 ك لحد ماوصلت المسجد ودعواتك بأءة يا ابو الاسيان احسن هغنى اليوم من الجيوب الانفيه

الغريب ان البيت من جوة اصبح برتقالى بردة ومازال البحث مستمر عن مصدر دخول الاتربه

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
هيشو عضو جديد

هيشو

بتاريخ:
بتاريخ:

اصفررررررررررررررررررررررررررررررررررررررررررر

الجو تحفة الصراحة

مرة فكرت اصور الجو لأهلنا في مصر اللي مش بيصدقوا بس ملقتش حاجة اصورها قولت اعمل صورة بالفوتوشوب و تبقي خلفيتها صفراء اسها

انا بقي صليت الجمعة ههههههههههههههههه

اصلي ساكن في المنفوحة

و تقريبا الرمل جالنا متأخر

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

اخدت السيارة ومشيت على 20 ك لحد ماوصلت المسجد ودعواتك بأءة يا ابو الاسيان احسن هغنى اليوم من الجيوب الانفيه

بجد ربنا يعينيك ويقويك

زوجتي وأخوها واخويا هنا ... بيتبهدلوا في الجو الجاف ده ..

في حين إن في مصر مثلاً ما بيحصلهمش كده خالص

انا عارف إن الموضوع ده بيبقى مؤلم جداً ويصل إلى حد ألم ووجع الأسنان أو الأذن الوسطى اللي بيخلي الواحد يتنطط من كتر العطس والرشح والصداع بل تصل لحد دموع بشكل متواصل ...

ما فيش قدامكم غير المسكنات بقى والفلكسنيز ومشتقاته

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
محمد الششتاوي عضو جديد

محمد الششتاوي

بتاريخ:
بتاريخ:

عندنا في المنطقة الشمالية الجو النهارده زي الفل

وامبارح كان برد جدا

واول امبارح حر نار

مش بعيد بكرة يبقى حر وتراب

احنا عندنا كل يوم بحال

الله يمسيكي بالخير يا كندا :unsure:

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

إن شاء الله النهاردة يعدي بالطول والعرض يا ريمو .. وما تخرجيش تروحي بندده ولا العثيم بقى :unsure:

عارفه

السنة اللي فاتت الموجه كانت أضعاف ما يحدث اليوم .... فاكره ؟

والله العظيم شوفت مناظر غريبة جداً في الشارع في ذلك الوقت

شوفت ناس سايقه عربيتها وناس ماشيه في الشارع ومعاه أنبوبة أكسجين صغيرة شايلاها بإيد وحاطط ماسك التنفس على وشه عشان يقدر يتنفس

باسأل أخواتي في مصر بيقولوا لي الجو اليومين دول بررررررررررررد

واحنا هنا بقى لنا فترة طويلة أتشوينا من الحر

المشكلة إن عندي رحلة خارجية مكوكية الأسبوع ده ... أروح فين أنا بقى لو لغوا الرحلات ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
خالد شحاته مبتدئ متقدم

خالد شحاته

بتاريخ:
بتاريخ:

اليوم فظيع جدااااااااااااااااااااااااااااااااااا وانا لسه راجع من المطار الملك خالد علشات اوصل اخوي حتي يتزل مصر بعد ختم خروج من المطار ودخل صاله الانتظار للاسف اتصل وقالو الرحله تاجلت لمعود عير معروف بسبب العاصفه

رابط هذا التعليق
شارك
عنبو عضو جديد

عنبو

بتاريخ:
بتاريخ:

جده تمام والحمد لله الجو كويس جداً امبارح وانهارده

يبقى كده 2 جده صفر الرياض

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
أسد عضو جديد

أسد

بتاريخ:
بتاريخ:

مساء الخميس .. كنت في القصيم وعائداً إلى الرياض قائداً سيارتي ..

بدأت العاصفة الترابية وكنت في بريدة الساعة الثامنة مساء ..

وبدأت رحلة العودة إلى الرياض في التاسعة والنصف ... كان مستوى الرؤية منخفض .. ولكنه كان لا بأس من القيادة في تلك الأجواء ..

وقررت السير بسرعة معتدلة لا تتجاوز 90 كم / ساعة ..

بعد حوالي 50 كيلو .. بدأت الرياح في الإشتداد .. لدرجة أنني كنت أشعر بعدم إتزان السيارة .. بالرغم من أن سيارتي من نوع كريسلر .. الأمريكية .. وهي سيارة كبيرة .. إلا أنها كانت تتراقص على الطريق من شدة الرياح ..

بدأ الغبار يتزايد بشكل كبير جداً .. وكثيف لدرجة أنني لم أعد أرى مسافة أمامي .. وأعتقد أن مستوى الرؤية لم يعد يزيد عن 50 متر .. إضافة إلى أنني لم أعد أرى خطوط الطريق ..

فكرت في التوقف أو العودة .. ولكن الأمر كان شبه مستحيل .. فلا يمكنني الوقوف على الطريق ليلاً .. في نصف الصحراء ..

قررت إستكمال الرحلة .. ولكني إضطررت أن أخفض سرعتي جداً ...

بعد حوالي 150 كيلو من الطريق .. فوجئت بأن الجو أصبح نقياً تماماً .. وكأني إنتقلت من عالم إلى عالم آخر .. فوصلت إلى منطقة أصبح فيها الجو صحواً .. ونظيفاً .. فعدت إلى سرعتي الطبيعية .. ولكن لأن الرياح كانت آتية من الشمال .. فقد أدركت أنها تسير خلفي .. ولكنها بسرعة أقل من سرعتي .. ووصلت في الواحدة صباحاً إلى منزلي .. وكان الجو صحواً ..

ولكني عندما إستيقظت في الصباح . كانت الساعة حوالي العاشرة .. كان الغبار قد وصل إلى الرياض ..

هذه هي الرياض .. فنحن في منتصف الصحراء ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
عماد حمدي عضو جديد

عماد حمدي

بتاريخ:
بتاريخ:
والله انا لسا جاي من العمرة وندمت اني مامدتش كمان يومين على الجو الي في الرياض مع ان مكة زحمة هي والمدينة

عمرة مقبولة يأ أخ طارق :roseop:

وربنا يزيدك كمان وكمان

تقبل مروري

EMAD HAMDY

رابط هذا التعليق
شارك
محمد افندى عضو جديد

محمد افندى

بتاريخ:
بتاريخ:

الجو امبارح كان تمام فى جدة

ربنا يكون فى عون اخونا فى الرياض

فى موجة حارة فى مصر اليومين دول والناس هناك بتشتكى

سمعت والله يا سين سين على الجو الحار فى الرياض والناس بتحكى بس مش عارف دة تهويل ولا زى حرارة الجو فى القاهرة فى شهر 7 وشهر 8

رابط هذا التعليق
شارك
herohero عضو جديد

herohero

بتاريخ:
بتاريخ:

لا موجه الحر ف القاهرة اختفت من اكثر من يومين بس الجو بدا يبرد بجد اليومين الي فاتو

ربنا يسهل ما يكونش فيه ازمة جديده بعد موجه الحار ماراحت يعني انا عمال افكر بقالي كم يوم ف ازمة جديده لان فات اسبوع من غير ازمه بعد ازمة السولار واستغلال الميكروباصات لرفع الاجرة

يارب ارزقنا بازمة جديده لان الحياه بجد مالهاش طعم بلا ازمات

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...