النظام الملكي و النظام الجمهوري

[الباشمهندس ياسر]

بسم الله

كثر الحديث في الاونة الاخيرة و لا يزال حول الرئاسة

و لكن اخذني تفكيري الذي يشطط كثيرا في الاونة الاحيرة أيضا يس الي تغيير الوجوه فقط و انما الي تغيير النظام برمته

ما رأيكم ايها السادة في النظام الملكي في مواجهة النظام الجمهوري...؟؟؟

[أحمد سيف]

مساء الفل يا هندسه

أنا هديك شوية إجابات محتملة للسؤال الذي طرحته ... ومحصلتها واحدة في النهاية

- مش مهم ملكي ولا جمهوري ... المهم يحكم بالشريعة الإسلامية (إخوانا الإسلاميين)

- مش مهم ملكي ولا جمهوري ... المهم تبقى في عدالة في توزيع الثروة والفقير يبات شبعان (إخوانا الاشتراكيين)

- مش مهم ملكي ولا جمهوري ... المهم الشعب ينتخب ممثليه ويضع قوانينه بحريّة (إخوانا الليبراليين)

- مش مهم ملكي ولا جمهوري ... المهم يسعى للوحدة العربية ويعادي الاستعمار (إخوانا القوميين)

- مش مهم ملكي ولا جمهوري ... المهم يحافظ على مصالحنا ويغض النظر عن فسادنا (إخوانا الحزبوطنيين)

الخلاصة ... مش مهم ملكي ولا جمهوري المهم يعمل اللي احنا عايزينه

[الباشمهندس ياسر]

شكرا يا هندسة علي تجاوبك الكريم

بس ليه مش مهم

أنا كنت متخيل ان كل حد فينا ليه تصور معين لطريقة الحكم المثلي

[ssmaly]

السؤال ده فى الوقت الحالى اجابته سهلة جدا (بعد 30 سنه حكم ودعوة للتوريث وبيع اراضى وممتلكات البلد عينى عينك كأنها من عزبه الوالد الله يرحمه)

مافيش اى فرق بين الملكية والجمهورية

زمان كنا بنقول انتخابات حرة (كنا صغار ومش فاهمين)

وكنا بنقول الملك فاسد وكان بينعم على محبيه باراضى الدولة النهاردة الرئيس بخصخص اراضى الدولة لحبايبه

كل مفاسد الحكم الملكى اللى درسنها واحنا صغار وشربناها واحنا صغار النهاردة مفاسد اكتر منها فى الحكم الجمهورى العظيم

اعتقد المهم الدستور الذى لايعطى الحاكم سلطات اكتر من المفروض

[msayed]

مساء الفل يا هندسه

أنا هديك شوية إجابات محتملة للسؤال الذي طرحته ... ومحصلتها واحدة في النهاية

- مش مهم ملكي ولا جمهوري ... المهم يحكم بالشريعة الإسلامية (إخوانا الإسلاميين)

- مش مهم ملكي ولا جمهوري ... المهم تبقى في عدالة في توزيع الثروة والفقير يبات شبعان (إخوانا الاشتراكيين)

- مش مهم ملكي ولا جمهوري ... المهم الشعب ينتخب ممثليه ويضع قوانينه بحريّة (إخوانا الليبراليين)

- مش مهم ملكي ولا جمهوري ... المهم يسعى للوحدة العربية ويعادي الاستعمار (إخوانا القوميين)

- مش مهم ملكي ولا جمهوري ... المهم يحافظ على مصالحنا ويغض النظر عن فسادنا (إخوانا الحزبوطنيين)

الخلاصة ... مش مهم ملكي ولا جمهوري المهم يعمل اللي احنا عايزينه

كده برضه تخلص الموضوع فى مداخلة واحدة :)

:)

[zika]

زى ما قالو الزملا بالظبط العبرة بالمضمون مش بالشكل

و على فكرة في اغلبية الدول المتقدمة رأس الدولة سواء كان ملك او رئيس بيكون مجرد رمز و مالوش سلطة فعلية

النوع ده من النظم بيكون اسمو نظام برلمانى

يا ريت مصر كمان تكون دولة برلمانية اهو نخلص من لعنة الفراعنة اللى مش راضية تسيبنا .

[الباشمهندس ياسر]

يا ريت مصر كمان تكون دولة برلمانية اهو نخلص من لعنة الفراعنة اللى مش راضية تسيبنا .

مصر كانت دولة برلمانية قب قيام انقلاب 1952

....................

لكن انا من مؤيدي النظام الملكي

[لونا]

لكن انا من مؤيدي النظام الملكي

طيب ممكن تشرح لنا أسبابك ؟

و من يكون على رأس الحكم الملكي ؟

[fatfouta]

لكن انا من مؤيدي النظام الملكي

اذن فانت مع التوريث!!

يا ريت تصححلنا لو فهمنا خطأ

[أحمد سيف]

طبعا من حقك أن تؤيد النظام التي تراه أصلح ... لكن اسمح لي بسؤالين:

- حين تتحدث عن نظام ملكي هل تقصد ملكية مطلقة (زي السعودية) أم ملكية دستورية (زي بريطانيا)؟

- من تقترح ليكون ملكا لمصر ؟ والأهم لماذا؟

[الباشمهندس ياسر]

لكن انا من مؤيدي النظام الملكي

اذن فانت مع التوريث!!

يا ريت تصححلنا لو فهمنا خطأ

لا

مش مع التوريث يا فتفوته

لاننا مش ملكية ...

و عشان نتحول لملكية ... فمش بالوضع ده ولا بالطريقة دي

تم تعديل 22 مارس 2010 بواسطة الباشمهندس ياسر

[الباشمهندس ياسر]

طبعا من حقك أن تؤيد النظام التي تراه أصلح ... لكن اسمح لي بسؤالين:

- حين تتحدث عن نظام ملكي هل تقصد ملكية مطلقة (زي السعودية) أم ملكية دستورية (زي بريطانيا)؟

- من تقترح ليكون ملكا لمصر ؟ والأهم لماذا؟

ملكية دستورية يا استاذ احمد

من ...؟؟؟

سؤال يحتاج الي الكثير للاجابة عليه

لكن مش برشح احد اطلاقا و مش شايف حد ينفع انه يترشح

عموما

لم اسمع عن ملك تم بغير انتزاع

.................................................................

[الباشمهندس ياسر]

دي بخصوص التوريث و النظام الكولشن كان بتاعنا

كتب بلال فضل

إنفراد خيالي : شادي جمال مبارك يخرج عن صمته !

صمت السيد شادي جمال مبارك أمين لجنة السياسات بالحزب المباركى التحتى سنين طويلة على كل حملات الهجوم الحاقدة التي شنها المعارضون ضده متهمين إياه بأنه يسعى لكرسي هو أكبر منه بكثير , ويستغل سلطات والده فخامة الرئيس جمال محمد حسنى مبارك الذي تولى حكم البلاد والعباد ثلاثين عاما وقام منذ تولى بحوالى عشر سنوات بتلميع ابنه بشكل ملحوظ لجميع المراقبين بعد أن ظل شادي لأكثر من عشر سنوات فى الخارج مشرفا على قسم الحلزونة فى مدينة ملاهي يورو ديزني .

شادي تولى حملة الانتخابات الرئاسية للفترة السادسة لوالده والتى أسفرت عن فوزه باكتساح ساحق نظرا لأحجام أي منافسين عن خوض تجربة الانتخابات الرئاسية كعقدة تاريخية لما حدث فى انتخابات 2005 مع الرئيس الجد حسنى مبارك , وهى التجربة التي تكررت فى انتخابات الفترة الثانية للرئيس جمال مبارك مع عدد من المنافسين انتهت بإعلان صلة أحدهم بمذبحة بنى مزار التي حدثت قبل خمسة عشر عاما والقبض على الثاني فى حالة سكر غير بين وطلب اللجوء السياسي لبوروندي .

فى السنوات الماضية حاول كثيرين أن يقنعوا شادي جمال مبارك بأن يتحدث لكنه صمت ورفض أن يتحدث إلا لنا فى مفاجأة هزت الأوساط السياسية التي سادها الحقد وعمها الحسد على انفرادنا بهذا الحوار الخطير الذي يجريه رئيس تحريرنا سيد الحاس .

لن نطيل عليكم فالحديث مع الرجل الذي يعتبره الناس عقل مصر النابض وقلب مصر الراجح لا يحتاج إلى مقدمات , يحتاج إلى مؤخرات .

· سيادة السيد شادي جمال مبارك .. هناك سؤال على لسان كل مصري أبقى راجل ( ... ) لومسألتوش لسيادتك .. لماذا تستكثر على الشعب المصري الأمل فى أن تصبح رئيسا له وتقول دائمآ إنك لم تتخذ القرار ؟ سؤالي الأول الجريء لماذا تترك القرار يحرمنا منك ؟

أسمح لي يا أخ سيد أحييك على جرأتك الوقحة فى طرح السؤال , وهو ما يؤكد أن ما بذلناه أنا والسيد الوالد والسيد الجد حفظهما الله من أجل ترسيخ التجربة الديموقراطية لم يذهب هباء منثورا , لكنني برضه لن أريحك ,لأنني لا أريد الناس أن تنصرف عن المجهودات التي أبذلها فى لجنة السياسات أنا وأصدقائي هاني أحمد عز ورشيد محمد رشيد و بطرس يوسف بطرس غالى و بدار حسام بدراوى , هذه المجهودات هي الأهم, لكن بالنسبة للرئاسة أنا عمري ما نظرت لها لأنني أوريدى رئيس دلوقتى فمش هتفرق الشكليات دي .

· سيادة السيد شادي .. أنا آسف فى المقاطعة لأنها ليست من آداب الحوار الصحفي لكن دعنى أسألك ألن يثير هذا التصريح غضب السيد والدكم ؟ .. والله يافندم ما بتوقع لكن أنا لا أريد أن تستغل الأقلام المغرضة هذا الكلام فرصة لضرب عجلة التنمية التي تركبها حضرتك منذ فترة .

شوف يا أخ سيد أحنا فى عصر الشفافية .. ولا يوجد لدينا أي حساسيات أن نتحدث فى أي شيء .. الوالد فى الآخر هو أب مثل كل الآباء , وأنت لو كنت أبن حلال كنت هتعرف معنى إن الأب يدخل على أبنه بهدية والابن يصرخ من الفرحة قائلآ " هييه .. بابا جاب لي هدية " حتى لو كانت الهدية دي رولز رويس أو فيلا فى المنطقة 23455 بمارينا , فما بالك لو دخل عليك الأب بهدية وطن بحاله , بالتأكيد الفرحة هنخليك تصرخ " بابا جاب لي وطن " , هل باباك يزعل ساعتها ؟ بالعكس هيطمن إنك بدل ما أنت قاعد تعمل حاجات وحشة زى اللى بيعملوها الشباب فى السن ده , قاعد تشوف أملاك والدك وتحاسب نظار العزب اللى أقطعها لهم , وأنا بشوف نظرات الفخر والرضا فى عيون والدي وهو بيشوفنى وأنا باعمل ده .

· الله يقطع لساني اللى هينطق بالسؤال ده يافندم بس مضطر : فيه كلام عن وجود أزمات صحية لدى السيد الوالد هي اللى دفعت بانطلاق حملة التلميع لحضرتك فى هذا الوقت وجزء منها التمثيلية اللى بنعملها دلوقتى سوا ؟

بحمد الله كل الكلام ده كلام فارغ .. الوالد صحته بخير والحمد لله برغم طلباتنا جميعآ منه أن يرتاح لكنه يرفض , هو فقط فى الفترة الماضية أنشغل برعاية جدي حفظه الله الذى تعرض لنزلة برد بسيطة وأنا أريد أن أطمئن الشعب كله على ذلك .

· الكلاب المعارضين الحاقدين يافندم بيقولوا دايمآ كل مدى بيتوسع الدور السياسي لحضرتك هل معقولة لايوجد أي كفاءات فى البلاد تصلح لأن تكون فى نفس المكان الذي أنت فيه , أنا طبعآ أقدر أقطع نفسي عليهم لكن مضطر بما إن ده آسف حوار إن حضرتك تجاوب ؟

أولا أنا ضد إنك تصف المعارضين بأنهم كلاب , أنت مشكلتك إنك لحاس أكثر من اللازم وده شيء تشكر عليه , لكن خليني أقولك إنك غلطان بأنك تعطيهم هذا القدر من الاهتمام , لأننا تعلمنا من جدنا حفظه الله وصفته السحرية بأن تترك المعارض يعارض لحد ما ينقطع حيل معارضته ويطلع له حيل من كتر النقد وأنت تعمل اللى أنت عايزه . ثانيا بالنسبة لمسألة الكفاءة من حق أي حد يقول على نفسه إنه كفء , يعنى لو تذكر الفنان الزعيم محمد سعد كان فى شبابه يطلع فى أفلامه القديمة ويقول " أنا شاب كفاءة " ( يضحك فخامته بشكل يظهر ضرس العقل لديه وهو ما يكشف لنا أن حضرته مش بس وسط الناس بل أنه عامل اشتراك فى روتانا زمان ) , هل أنا أجيب اللمبى يقعد مكاني ؟ , الناس فاهمه الكفاءة غلط , إنها علم وتجربة سياسية وحياتية عريضة , لا طبعآ الكفاءة هي إنك تبقى أقرب الناس لصانع القرار علشان تؤثر عليه , طب بذمتك فيه حد أقرب منى لصانع القرار ؟ , يبقى أنا أستحق ما أنا عليه فعلا .

· لكن أسمح لي سعادتك ويارب أتشل قبل ما أكمل السؤال الكلا.. قصدي المعارضين .. أنا آسف يافندم خليك ديموقراطي , علشان أنا مش قادر , لازم أقول عليهم كلاب , بيقولو إن حضرتك بقى لك فترة طويلة جنب صانع القرار كانت تكفى لأصلاح أحوال عشرة بلدان , وبرغم ذلك مازلنا موكوسين ده من وجهة نظرهم طبعآ ؟

شوف يا أخ سيد .. هو شعبنا طيب وإحنا بنحبه وبنديله عنينا وعمرنا ضايع فى خدمته , لا عارفين ندخل سينمات ولا نشترى مولات ولا نتمتع بفلوسنا , وكل ده علشانه , وبرغم ذلك مشكلته أنه شعب متسربع بيموت فى الاستعجال عايز كل حاجه تتم بسرعة شديدة , وناسي إن البلد خرب فى ميت سنه , عايزنى أصلحها لك فى سنتين .

· أنا آسف يافندم عشان أفهمك صح .. الميت سنه دي تبتدى من سنة كام بالظبط عشان لا يساء تفسير هذا الكلام ؟؟

من أيام الخديوي إسماعيل طبعا . تقدر تقول أننا بدينا الإصلاح من أول فترة للجد حفظه الله , يعنى خلاص هانت كلها أربعين سنه والإصلاح يتم , وبعدين اللى أحنا عملناه في الفترة اللي فاتت , تغير رئيس مجلس الشعب ورئيس مجلس الشورى بعد أن توفاهم الله , إلغاء المجالس القومية المتخصصة لوفاة كل أعضائها وقمنا بإلغاء الحزب الوطني وتسلم المسيرة منه الحزب المباركى البنيوى التحتى , قمنا بافتتاح المرحلة الثمانية والسبعين من كبرى ستة أكتوبر , يعنى تقدر تخرج من بيتك فى التبين تنزل سيدي بشر فى ساعة ونصف بعد أن قضينا على مشكلة الزحمة والانفجار السكاني بسبب السياسات الغير منظورة التي قامت بها أسرتنا وأدت إلى قطع خلف المواطن , كل هذه الإنجازات لايمكن الاستهانة بها , وكلها تمت بالتدريج ولذلك لم يحس الناس بها أبدآ , ليس لأنهم عديمو الإحساس بل لأن فيه فرق أنك تغير لحد بالراحة وإنك تغير له بسرعة , يبرد على طول .

· على فكرة يا فندم مش أنا اللى كاتب السؤال ده , تتقطع أيدي لو كنت كاتبه , أنا من شدة كراهيتي له كلفت صحفي إنه يكتبه لي وعندي بياناته وصورة ليه وهو بيكتبه لو حضرتك طلبتها , عموما أنا عديت على الداخلية وسبتها لهم قبل ما آجى لسعادتك , السؤال هو ليه عماليين تورثوها لبعض , ليه ما تعلنوهاش ملكية وترحمونا ؟

والله سؤال لذيذ ويدل على نفس مريضة وكارهة للنجاح , لكن معلهش اللي يتحمل يشيل مسؤولية بلد بحاله لايمكن أن يقف أمام أسئلة مريضة كهذه بألم , أولا السؤال ده بينسى الحقوق الدستورية للمواطن شادي جمال مبارك .

· خطفتها من على لساني يا باشا . أنا ماحبيتش أقولها عشان يبان شكلنا بنتحاور بجد .

بص بصراحة إحنا لو شايفين إن فيه حد هيتعامل مع البلد دي بحكمة أكثر مننا , كنا سبناها له , الناس فاكره إن الحكم ده أمله وده مش حقيقي , ده شيء لا يطيقه بشر , لكن أحنا بندوس على نفسنا عشان حبنا لهذا البلد اللي أدانا كتير - كتير كتير يعنى – وبعدين النظام الملكي مع إنه مريح عائليا وبيخرس كل ألسنة المشككين وحزب أعداء النجاح , لكن فيه مشكلة كبيرة جدا إنه بيدي صلاحيات كبيرة لرئيس الوزراء , تقريبا هو اللى بيدير الدولة , وإحنا شعب ليه تقاليده وخصوصيته ولن نقبل فرض النظام الغربي , أحنا مع الخصوصية العربية التي تجعل الملك يحكم وهو مستريح نفسيا , مافيش عليه أستريس , برلمان وحكومة وكلام فارغ , الأستريس بيعطلنا كتير , واللي جاب البلد دي ورا هو الأستريس , ولذلك قررنا نعمل نظام خاض بينا , ملكية من غير أستريس , وده أنسب نظام لحكم هذه البلاد , ولعلمك فيه دول كتير بدأت تقتدي بتجربتنا وأدركت أن استقرار أي حكم يعتمد على تحكمه فى الأستريس وكفله حرية الأستك لجميع أفراد الشعب بحيث تجيء على المقاس الذي تفرضه اللحظة الراهنة .

· الحقيقة يافندم أنا كدت أبكى من فرط الإعجاب وحضرتك بتتكلم لكنى تذكرت أنني ولدت من غير غدة دمعية , لذلك أسمح لي بأن أنبهر من غير دموع لكي لا تظن أنى قصرت .

والله ما قصرت يا أخ سيد , طول عمرك بتعمل بلقمتك ومابتنكرش الجميل , ومصر محتاجة لمجهودات منهم أمثالك , وخليني هنا أسألك أنا على سؤال .

· أنا متأكد سعادتك إن أمي عمرها ما دعت لي بس هي أكيد غلطت النهارده ودعيت لي عشان حضرتك تمنحني هذا الشرف

تفتكر أنا ليه اخترت صحيفة فاشلة زى صحيفتك من بين كل صحف مصر عشان أدلى لك , كان ممكن أدلى لأي حد , ليه اخترتك أنت بس ؟

· عشان أنا ماشى على العجين مبلخبطوش , وباعض اللي يدوس لك على طرف من غير ما حضرتك تطلب .

اللي بيعضو كتير يا أخ لحاس , لكن عندهم مشكلة رهيبة أنهم بيعضوا وجواهم مش مقتنعين , بيلحسوا الأعتاب وهم مستنكفين ده بس بيعملوه غصبا عنهم , أنت بتعض بضمير وبتلحس بإيمان , ولذلك المؤمن الفاشل أحب ألينا من ضعيف الإيمان القوى الشاطر .

· حضرتك منحتني حالا وسام الجمهورية الملكي من الطبقة الأولى , مش هاقولك غير إنك يارب تشوفنا رعايا ليك لما تبقى رئيسنا الملك , باقي سؤال وأخلع حالا , عشان زمان الزملاء جهزوا ردود الأفعال على الحوار مع الناس .

ده أحنا لسه بنعمله , لحق يبقى له ردود أفعال .

· معلهش يا باشا أسمح لي سعادتك ممكن تحكم , لكن تنافق لا , النفاق ده لعبتي . سؤالي الأخير ويتسد بلعومي لو كنت دست لخصوصية حضرتك على طرف , هل فيه مشروع زواج قريب ؟ يعنى الناس عايزه تفرح بيك .

ببساطة مش هقولك غير .. أتجوز ليه وأنا مستمتع مع الشعب .. ؟؟

[لونا]

طبعا من حقك أن تؤيد النظام التي تراه أصلح ... لكن اسمح لي بسؤالين:

- حين تتحدث عن نظام ملكي هل تقصد ملكية مطلقة (زي السعودية) أم ملكية دستورية (زي بريطانيا)؟

- من تقترح ليكون ملكا لمصر ؟ والأهم لماذا؟

ملكية دستورية يا استاذ احمد

من ...؟؟؟

سؤال يحتاج الي الكثير للاجابة عليه

لكن مش برشح احد اطلاقا و مش شايف حد ينفع انه يترشح

عموما

لم اسمع عن ملك تم بغير انتزاع

.................................................................

هل هناك ملك يتم ترشيحه؟؟؟؟

[الباشمهندس ياسر]

طبعا من حقك أن تؤيد النظام التي تراه أصلح ... لكن اسمح لي بسؤالين:

- حين تتحدث عن نظام ملكي هل تقصد ملكية مطلقة (زي السعودية) أم ملكية دستورية (زي بريطانيا)؟

- من تقترح ليكون ملكا لمصر ؟ والأهم لماذا؟

ملكية دستورية يا استاذ احمد

من ...؟؟؟

سؤال يحتاج الي الكثير للاجابة عليه

لكن مش برشح احد اطلاقا و مش شايف حد ينفع انه يترشح

عموما

لم اسمع عن ملك تم بغير انتزاع

.................................................................

هل هناك ملك يتم ترشيحه؟؟؟؟

[dawn walker]

لو مصر اصبحت مملكة لن تصبح مثل السعودية (كغنى) او دستورية ملكية كبريطانيا واسبانيا ...سنصبح مثل المملكة المغربية بالضبط ..لاننا نتشابه مع هذه الدولة فى الكثير

[الباشمهندس ياسر]

الموضوع ده برفعه عشان خا\ر دعاة العودة للملكية اثدروا تناقشوا الصورة باكملها هنا

[ابو محمود]

اية رأيك فى ممكلة ليبيا ايام السنوسي اهو حاجة غير الممالك الحالية

عزيزى الباشمهندس الملكية انتهت وفى الطريق للزوال لان التقدم العلمى وتكنولوجيا المعلومات وسرعة التواصل هى من انهى عليها او بالاحرى لن يوجدها ثانيتآ ندور على حكم برلمانى او رئاسى يكون فيى سلطات الرئيس مغلولة وتتبع البرلمان للموافقة وهنا سنجد انها افضل طريقة للحكم بالمنطقة باسرها ودة على مايبدو فى الطريق بس محتاج شوية تضحيات من بتوع التحرير وليس من بتوع الحناجر