أيها المغتربون .......... استمتعوا قبل فوات الأوان (كما وصلتنى)

[hOuSsAm]

استاذ حسام خد بالك فيه نقطتين من النقاط اللى حضرتك ذكرتها تخص الرجال فقط......يعنى ماينفعش الستات تعملها ذى اروح اعوم مثلا مرتين فى الاسبوع

ماينفعش ابات برا طبعاااااااااا

اروح البحر ........احنا فى الرياض معندناش بحر :lol:

موضوع التمشية ده بقى انا نفسى اعمله فعلا بس ياريت تراعوا اللى معاهم اطفال وتجدوا لهم حلول اخرى :closedeyes:

انما فى نقطة ان معظم الحاجات اللى بتعملها مالهاش طعم انا معاك فيها جداااااا.......معظمنا كده فى الغربة

لكن لازم نعيش ونستمتع وكفاية الفكر بتاع زمان اللى هو حوش حوش واصرف لما ترجع بلدك.........وانا مش ضامنة امتى هرجع بلدى اساسا

فيه فى جدة شواطئ عائلية

بالنسبة للرياض لعلمك انا بحبها اكتر من جدة وجوها جاف وجميل وعشان كدة قبل منزل مصر نهائى ناوى انزلى سنتين فى الرياض ويمكن اروح الكويت كمان

بالنسببة للاطفال مفيش قدامك غير انك تزحلقيهم عالجيران وهما بردوا هيعملوا معاكوا الاسلوب ده بالتبادل او لو فيه ملاهى للاطفال وتكون آمنة نسيبهم فيها ونتمشى شوية

هو بصراحة انا عارف انه موضوع محير بس مش فى دماغى لانى فردانى :lol:

بس كان فيه واحد زميلى قبل كدة قالى يا حسام امانة عليك لما تتجوز باذن الله سيبك من موضوع العيال ده سنتين عالاقل وعيش حياتك واستمتع بيها لانك مجرد متجيب عيال هتحس انهم واقفين فى زورك فى كل حاجة

ايوة فعلا دى حاجة مضيقانى انى حجات كتيرة بعملها ملهاش طعم سواء خروجة حلوة او عزومة او نجاح او ترقية الواحد بياخدها فى الشغل بحس اى حاجة هنا مفهاش بركة

وكمان النوم ملهوش طعم مهما بنام بقوم بحس انى ماخدتش كفايتى فى النوم وفى مصر كنت بنام اربع سعات بقوم زى الجن

هو فيه حاجة غلط بس هى ايه؟ الله اعلم

[hOuSsAm]

ايه الاكتئاب الصباحي المركز ده!!!!!!! :closedeyes:

لا اله الا الله . يا جماعة مش كدة . و بعدين اصلا النوع ده من البشر (بتاع انا جالي عقد عمل في الخليج يا حاج) انقرض خلاص. و الغربة اثرها بقى اخف بكتير من زمان ايام الجوابات و الشرايط المسجلة و انا نفسي في الملوخية من ايدك يا ست الحبايب و فضلي شهر و احقق هدفي و اجيب المروحة و البطانية و مسلسل البخيل و انا.

يا جماعة الدنيا بقت اسهل بكتير و الحياه ممكن تستمتع بيها مهما كانت الظروف ( بالنسبة لاهل الرياض !!! مش عارف بصراحة !!1 انا سامع ان الموضوع صعب :sad: ) الحمد لله انا عندي نظرية مريحاني و هي (صفر حسابك قبل مرتب الشهر الجديد ما ينزل عشان ما يهنجش) :lol: . و الله ما تبذير بس انا مبعرفش احوش :lol: انا مش بنصح حد طبعا بالموضوع ده و عارف انه عيب فيا و لكن انا مستريح كده و مبفكرش اغير , و كما قلت سابقا (الاستثمار في تعليم و تطوير نفسك و اولادك افضل الف مرة من الادخار لهم ).

هاخد منك جملة جميلة جدا ومهمة لاى حد ولازم نكتبها بمية الدهب ونعلقها قدام السرير

فعلا الاستثمار فى الذات مهم جدا وكمان فى رايي ان الترفيه من احد وسائل الاستثمار فى الذات لانك لو بتعمل ويك اند كويس وبتريح كويس وبتفصل بعد الشغل هتعرف تروح تانى يوم الشغل مبسوط وتعرف تطور من شغلك وبالتالى هتترقى ودخلك هيزيد

يعنى فى الاخر الفلوس اللى بتصرفها على الاستثمار فى نفسك هترجعلك فى المستقبل فى صورة عوايد وزيادات

باشا بالتوفيق باذن الله بس شيل الزيرو ده وحط رقم حتى لو كان صغير بس هتفرق معاك شوية متعرفش الايام مخبية ايه

[الزهرة المصريه]

السلام عليكم ورحمة الله وبركاته

دى اول مشاركه لى بالمنتدى لكنى اتابعه من فتره وكان اهم ما يشغلنى هو اخبار المغتربين المصريين لانى مغتربه

الموضوع ده مهم جدا اخى وكل مغترب يعيشه بالفعل اما بالصورة التى ذكرها الكاتب من البخل على نفسه وعدم الاستمتاع بمادياته تأجيلا للاستمتاع بها فى بلده

او بالصورة الاخرى وهى عدم الاستمتاع المعنوى كما فعل الغنى الذى يعيش فى فيلا فارهه لكنه لا يرغب بالسعاده فيها تأجيلا لسعادته فى فيلته ببلده

وانا منذ ان تغربت انا وزوجى لا نقطر على انفسنا ولا نبخل على اولادنا ولكنى ابدا ما اشعر بسعاده والسبب هو احساسنا المستمر باننا متغربين وغير مستقرين فكل شهر تقريبا يمر علينا نشعر انه اخر شهر لنا هنا بسبب مشاكل زوجى فى عمله

ولكن مؤخرا توصلت انى اضيع عمرى ولا استمتع بيومى اكبر فى السن بسبب الهم الذى يلازمنى وبسبب عدم الاستقرار الذى عيشته لنفسى بدون قصد

ولكن منذ وقت قريب جدا بدأت اغير تفكيرى واحاول الاستمتاع بحياتى ودائما اكرر على زوجى وعلى نفسى لازم نعيش يومنا وغدا لا يعلم ما به الا الله فممكن جدا ان يأتى غدا وانا لست فيه فاكون ضيعت حياتى فى شىء اخاف منه ولا وجود له

صدقونى اخواتى اصعب شىء ان يعيش الانسان ونفسيته مضطربه وان لا يشعر بالاستقرار ويظل منتظر ان يستقر عندمت يرجع بلده وربما انه رجع ولا يجده ايضا هناك لانه عود نفسه على ذلك

مقال رائع جدا اخى الكريم جزاك الله خيرا على نقله

[لماضة مصرية جدا]

السلام عليكم و رحمة الله و بركاته

احم احم....معلشي يا جماعة بس هو انتوا ليه حسستوني ان الشعب المصري كله مغترب في السعودية؟؟؟

اينعم السعودية....تأديب و تهذيب و إصلاح و الله يكون في عونكم بس خلونا نوسع الدايرة شوية

فكرة الاستمتاع اساسا بتعتمد ع الشخص نفسه و ازاي هو بيقدر يتكيف مع الظروف المحيطة او إزاي بيقدر يخلق لنفسه جو متعة مهما كانت الظروف

ممكن اقترح شوية حاجات انا بعملها

1- المعايشة مع ناس مع ثقافات تانية..... يعني لاني بحب الاكل...ابتديت اتعرف علي الناس من خلال اطباقهم المميزة و الغريبة....اينعم بحن جن للمحشي و الرقاق...و المكرونة البشاميل...بس فيه متعة برضه انك تتعرف ع الاكل العراقي...الهندي....السوري....و احيانا الغربي .... طب انا مرة اكلت طبق عجة...فيه كل مكونات التلاجة.

2- القراية......فرصة الواحد يعوض و يتابع حاجات كتير في مجالات مختلفة...و طالما قولنا القراية يبقي الزق فيها ع طول الكتابة.......لانك بتلاقي نفسك دايما بتسجل أفكار

3- القنصلية المصرية....اتعرفت عليهم و اكتشفت انهم بيعملوا انشطة ثقافية جميلة جدا.....و دي برضه بتوسع من دايرة اهتمامات الواحد و معارفه.

4- ممارسة رياضات الواحد مكنشي بيعملها...ابسطها المشي... تانيها ركوب العجل...(متخيلشي اني ممكن اعمل كده في مصر...التريقة بقي هتشتغل...)...و كمان السباحة و خصوصا لان فيه اماكن كتير مخصصة للسيدات...و ممكن تاخدي ولادك معاكي

5- كان الشيخ بتاعي في مصر قالي حاجة...."دوري علي عبادة مهجورة و مارسيها في الارض الجديدة"....و ده حقيقي....ممكن نبتدي نحفظ قرآن....نكون مجموعة و يكون بينا حد ممن يجيدون التلاوة...و نبتدي نحفظ

6- السفر فرصة حقيقية انك تكتشف في نفسك حاجة جديدة....ادرس حاجة مكنتشي علي بالك خاااااااااااالص

الحاجة اللي نفسي فعلا ابطلها.....هي النت....لانها بتحرم الواحد من الاحتكاك المباشر مع الناس...هو حلو آه....بس كارثة

بس خلاص

فوتكم بعافية

[محمد افندى]

ممكن اقترح شوية حاجات انا بعملها

1- المعايشة مع ناس مع ثقافات تانية..... يعني لاني بحب الاكل...ابتديت اتعرف علي الناس من خلال اطباقهم المميزة و الغريبة....اينعم بحن جن للمحشي و الرقاق...و المكرونة البشاميل...بس فيه متعة برضه انك تتعرف ع الاكل العراقي...الهندي....السوري....و احيانا الغربي .... طب انا مرة اكلت طبق عجة...فيه كل مكونات التلاجة.

شوفى يا لماضة بما انك من الناس اللى بيحبو الاكل وبتحبى تتعرفى على الاكل من الجنسيات التانية

فية أكلة ليبية اسمها بقبقة ويا ريت تاكلى وتدعيلى عندك فى الامارات بس يشرط فى اعلى حتة فى الامارات

3- القنصلية المصرية....اتعرفت عليهم و اكتشفت انهم بيعملوا انشطة ثقافية جميلة جدا.....و دي برضه بتوسع من دايرة اهتمامات الواحد و معارفه.

غريبة أمال انا رحت القنصلية بتاعتنا فى جدة وسألت على الانشطة دى حسيت من الراجل اللى انا سألته ان انا اهبل او جاى من زمن تانى

4- ممارسة رياضات الواحد مكنشي بيعملها...ابسطها المشي... تانيها ركوب العجل...(متخيلشي اني ممكن اعمل كده في مصر...التريقة بقي هتشتغل...)...و كمان السباحة و خصوصا لان فيه اماكن كتير مخصصة للسيدات...و ممكن تاخدي ولادك معاكي

دايما كنت بركب عجل زمان والله وانا رايح المدرسة فى الاعدادية والثانوية بس بصراحة كنت مضطر مش رياضة يعنى

دلوقتى ربنا فتحا على الطلبة وبقى فية التوك توك وبنص جنية وحاجة ما شاء الله فلة

تم تعديل 23 مارس 2010 بواسطة محمد افندى

[محمد افندى]

بجد موضوع جميل يا ريت كل واحد يدخل يحكى تجربتة مع الغربة ونظرتة ليها ازاى

وتعقيبة اية على المقال

تم تعديل 23 مارس 2010 بواسطة محمد افندى

[الغريب]

3- القنصلية المصرية....اتعرفت عليهم و اكتشفت انهم بيعملوا انشطة ثقافية جميلة جدا.....و دي برضه بتوسع من دايرة اهتمامات الواحد و معارفه.

غريبة أمال انا رحت القنصلية بتاعتنا فى جدة وسألت على الانشطة دى حسيت من الراجل اللى انا سألته ان انا اهبل او جاى من زمن تانى

وأنا روحت القنصلية المصرية بالكويت من أسبوع لاقيتهم ساعيين فراخ في حديقة القنصلية والله ، يابختكم يالماضة بس أوعى تكوني دخلتي قنصلية غير القنصلية المصرية

بجد موضوع جميل يا ريت كل واحد يدخل يحكى تجربتة مع الغربة ونظرتة ليها ازاى

وتعقيبة اية على المقال

والله أنا الحمدلله بدأت أستغل وقت فراغي بعد الدوام في الإشتراك بدار القرآن ، بصراحة في الكويت بيعطوا أهتمام بالغ جدا بالدوور دي وهو عبارة عن معهد لكل العلوم الشرعية بجانب القرآن والدراسة فيه 8 فصول دراسية كل فصل حوالي شهرين ونصف وبعد كدة إمتحانات الفصل الدراسي ، بس مقولكمش أد أيه الإهتمام هناك والمبني عامل أزاي، ومعظم الدارسين هناك مصريين وحتى زوجاتهم بيروحوا كمان في الفترات المخصصة ليهم

[ozoozo]

التعميم مش سليم

الحكم هنا على كيفية معيشة المصري و استمتاعه في الخارج تعتمد على عدة عناصر

طبيعة منشأه و كيف ترعرع (اللي نشأ في قريه غير اللي نشأ في مدينه و الفقير غير المستريح)

دخله الشهري أمام نفقاته الأساسيه (يعني هل بيفضل معاه فلوس تكفي الاستمتاع ام لا)

طبيعة البلد اللي عايش فيها و سبل الترفيه فيها (اللي عايش في عرعر غير اللي عايش في جده مثلا)

و بالتالي ما أراه انا ضروريا قد يراه غيري من الكماليات

لكن من اعتب عليهم فعلا واحد زي دكتور مصري كان جاري و عرفته اثناء اقامتي بجده و كان دخله الشهري يقارب الثلاثون الف ريال

و مكانش عنده دولاب في غرفة النوم مثلا و بيعلق هدومه على مسامير في الحيطه و لعدة سنوات!!!

يأخي ماتظلموش

يمكن شاري مسامير من الغاليه

[hOuSsAm]

التعميم مش سليم

الحكم هنا على كيفية معيشة المصري و استمتاعه في الخارج تعتمد على عدة عناصر

طبيعة منشأه و كيف ترعرع (اللي نشأ في قريه غير اللي نشأ في مدينه و الفقير غير المستريح)

دخله الشهري أمام نفقاته الأساسيه (يعني هل بيفضل معاه فلوس تكفي الاستمتاع ام لا)

طبيعة البلد اللي عايش فيها و سبل الترفيه فيها (اللي عايش في عرعر غير اللي عايش في جده مثلا)

و بالتالي ما أراه انا ضروريا قد يراه غيري من الكماليات

لكن من اعتب عليهم فعلا واحد زي دكتور مصري كان جاري و عرفته اثناء اقامتي بجده و كان دخله الشهري يقارب الثلاثون الف ريال

و مكانش عنده دولاب في غرفة النوم مثلا و بيعلق هدومه على مسامير في الحيطه و لعدة سنوات!!!

يأخي ماتظلموش

يمكن شاري مسامير من الغاليه

:unsure:

ياخوفى يكون جايب المسامير معاه من مصر :lol:

وهل دفع عليها وزن زيادة ولا الموظف عداها :D

محمد افندى يا مرااااااحب

لعلمك اللى اعرفه ان القنصلية فى جدة بيعملوا حفلات كتيرة بس بتبقى عايزة حد متابع لانهم بيعملوا الاعلان داخلى وكنت سالت الموظف هناك قالى فيه مليون ونص مصرى فى جدة مش هنقدر نعرف كل دول برسايل او بطريقة اخرى وكمان صعب يحضر اعداد كتيرة لان الفيلا اللى واخدينها صغيرة

بس عالعموم هما ناس محترمين اوى

[Simba]

كلام

اساتذة في رص الكلام وصياغة المقالات

مبهرين هم جدا في دغدغة احلام القارئ ...

عن نفسي كنت اتمني ان اكون مثل الكثير من اصدقائي منذ خمس سنوات .. كنت اتمني ان اكون اكثر حرصا اكثرا توفيرا كي أجد للغربة ثمن تدفعه لي ولا ابقي ان ادفع ثمن الغربة وحدي

[hOuSsAm]

كلام

اساتذة في رص الكلام وصياغة المقالات

مبهرين هم جدا في دغدغة احلام القارئ ...

عن نفسي كنت اتمني ان اكون مثل الكثير من اصدقائي منذ خمس سنوات .. كنت اتمني ان اكون اكثر حرصا اكثرا توفيرا كي أجد للغربة ثمن تدفعه لي ولا ابقي ان ادفع ثمن الغربة وحدي

انا معاك يا سمبا فى الحرص والتوفير ولكن بشرط الا ياتى على حساب سعادتك وصحتك وسنين شبابك

يعنى تحوش بالمعقول لكن هنا احنا بنتكلم عالناس اللى خانقة على نفسها جامد اوى

[لماضة مصرية جدا]

السلام عليكم و رحمة الله و بركاته

مكنتش اعرف اني سيرة القنصلية المصرية هتقلب عليكو المواجع

بس فعلا هنا عاملين شغل جميل جدا...بس للاسف انا مش بلحق احضر كل الانشطة...

الحقيقة الفضل بعد ربنا ان اللي ماسك المكتب هو شخص مصري... بس دماغ اوربية جدا....و من هنا احب أحييه دكتور طارق وهدان

طب من اسبوعين عمل ندوة عن ايه

تفتكروا عن ايه

حاجة اسمها "تلحين الاحساس"......المحاضر مسك كل الحان القصبجي....و حلل ازاي ان التنوع الموسيقي ممكن يحرك في الواحد مشاعر مختلفة... في السياق الواحد يعني الاغنية الواحدة

هو بيعمل حاجات متنوعة كتير....كمان كان فيه حاجة حلوة اوي عن قبعات التفكير....هو اللي بيعجبني اكتر هو الحوار اللي بيتفتح بينا.... لانه بيحسسني اني فعلا في مصر....و الاحلي من كده بيحسسني اني قاعدة ع القهوة (طول عمري نفسي اقعد ع قهوة كده).....و تلاقي الناس بتحدف كل اللي جواها

======================

استاذي محمد أفندي....فيه اكلة اسمها بقبقة.....ايه دي بقي.... :lol:

انا هنا عندي حاجة كده اسمها بلاليط.....أيون....بس ايه مسخرة..... :lol:

صباااااحكم بلاليط..... علي بقبقة

فوتكم بعافية

[أبو كريم النوبي]

غريبة أمال انا رحت القنصلية بتاعتنا فى جدة وسألت على الانشطة دى حسيت من الراجل اللى انا سألته ان انا اهبل او جاى من زمن تانى

بصراحة مش عارف انت سألت مين هناك ؟ لكن توجد أنشطة كبيرة ويوجد صندوق الرعاية للمصريين وكمان رابطة الجالية المصرية وكلهم افاضل ومحترمين جداً ........... و كانت هناك حفلة بمناسبة فوز منتخب مصر بكأس أفريقيا

وكمان أبناء النوبة عملوا حفلة كبيرة فى السنة الماضية بحضور سعادة السفير / علي العشيري - القنصل العام وجمع كبير من ابناء الجالية المصرية بجدة داخل القنصلية المصرية

وهذه صورة وانا اقدم هدية ابناء النوبة لسعادة السفير ......... حاجة ع الماشي

[noureymo]

السلام عليكم و رحمة الله و بركاته

مكنتش اعرف اني سيرة القنصلية المصرية هتقلب عليكو المواجع

بس فعلا هنا عاملين شغل جميل جدا...بس للاسف انا مش بلحق احضر كل الانشطة...

الحقيقة الفضل بعد ربنا ان اللي ماسك المكتب هو شخص مصري... بس دماغ اوربية جدا....و من هنا احب أحييه دكتور طارق وهدان

طب من اسبوعين عمل ندوة عن ايه

تفتكروا عن ايه

حاجة اسمها "تلحين الاحساس"......المحاضر مسك كل الحان القصبجي....و حلل ازاي ان التنوع الموسيقي ممكن يحرك في الواحد مشاعر مختلفة... في السياق الواحد يعني الاغنية الواحدة

هو بيعمل حاجات متنوعة كتير....كمان كان فيه حاجة حلوة اوي عن قبعات التفكير....هو اللي بيعجبني اكتر هو الحوار اللي بيتفتح بينا.... لانه بيحسسني اني فعلا في مصر....و الاحلي من كده بيحسسني اني قاعدة ع القهوة (طول عمري نفسي اقعد ع قهوة كده).....و تلاقي الناس بتحدف كل اللي جواها

======================

استاذي محمد أفندي....فيه اكلة اسمها بقبقة.....ايه دي بقي.... :lol:

انا هنا عندي حاجة كده اسمها بلاليط.....أيون....بس ايه مسخرة..... :lol:

صباااااحكم بلاليط..... علي بقبقة

فوتكم بعافية

شكرا يا لماضة على انك قلتي على الانشطة الي بتعملها القنصلية المصرية

يا ريت حضرتك تقوليلي ازاي اتواصل معاهم علشان انا فعلا محتاج الانشطة دي

بصراحة العيشة هنا في ابوظبي مملة جدا وما بلاقيش حاجة اعملها لدرجة اني بدأت اكره الاجازات

شكرا مرة تانية

[محمد افندى]

غريبة أمال انا رحت القنصلية بتاعتنا فى جدة وسألت على الانشطة دى حسيت من الراجل اللى انا سألته ان انا اهبل او جاى من زمن تانى

بصراحة مش عارف انت سألت مين هناك ؟ لكن توجد أنشطة كبيرة ويوجد صندوق الرعاية للمصريين وكمان رابطة الجالية المصرية وكلهم افاضل ومحترمين جداً ........... و كانت هناك حفلة بمناسبة فوز منتخب مصر بكأس أفريقيا

وكمان أبناء النوبة عملوا حفلة كبيرة فى السنة الماضية بحضور سعادة السفير / علي العشيري - القنصل العام وجمع كبير من ابناء الجالية المصرية بجدة داخل القنصلية المصرية

وهذه صورة وانا اقدم هدية ابناء النوبة لسعادة السفير ......... حاجة ع الماشي

حبيبى يا ابو كريم

مش تقول انك فى جدة

بجد واللة انا رحت وبصراحة معجبنيش حاجات كثير مش انا لوحدى وناس برضة كانت هناك

الكلام اللى انت بتقوله دة بجد جميل جدا

بس انا اتابع مع مين وازاى وبعدين انا سألت على صندوق رعاية المصريين قالولى فى سفارتنا فى الرياض بس

مفيش فى جدة

ويا ريت تفدنى بخصوص اى حاجة زى دى فى السفارة

[الغريب]

كلام

اساتذة في رص الكلام وصياغة المقالات

مبهرين هم جدا في دغدغة احلام القارئ ...

عن نفسي كنت اتمني ان اكون مثل الكثير من اصدقائي منذ خمس سنوات .. كنت اتمني ان اكون اكثر حرصا اكثرا توفيرا كي أجد للغربة ثمن تدفعه لي ولا ابقي ان ادفع ثمن الغربة وحدي

كلامك زي الفل والله يا سيبما ، فعلا يا جماعة أنا معاكم لازم تعيش مبسوط في الغربة بس بردو خير الأمو الوسط لازم يكون للغربة ثمن زي ما قال سيمبا ، أنا طبعا عارف أن كلكم بتتفقوا على الرأي ده بس متنسوش أن ربما يطالع هذا الموضوع شباب حديثي العهد بالغربة ويكون الكلام ده مشجع ليهم على الإسراف في الغربة بما يتجاوز المعقول .. فرجاء.. لطفا بأخواننا المغتربين الجدد المحتاجين لنصيحة متزنة :lol:

[fatfouta]

اقراو الموضوعين اللى فى الروابط دول وممكن تلاقوا آراء كتير كويسة ومعقولة :lol:

هو احنا هنعيش امتى؟

تعيش حياك وتوفر اقل ولا تحرم نفسك وتوفر اكتر؟

كان نفسى اكتب كتير فى الموضوع ده وافيد الناس اكتر بس عندى حالة ملل واكتئاب فظيع وممكن اتوقف شوية

سلام

[hOuSsAm]

اقراو الموضوعين اللى فى الروابط دول وممكن تلاقوا آراء كتير كويسة ومعقولة

هو احنا هنعيش امتى؟

تعيش حياك وتوفر اقل ولا تحرم نفسك وتوفر اكتر؟

كان نفسى اكتب كتير فى الموضوع ده وافيد الناس اكتر بس عندى حالة ملل واكتئاب فظيع وممكن اتوقف شوية

سلام

شكرا يا فتفوتة على الروابط

وياريت فعلا تفيدينا بتجربتك فى الموضوع ده

بس الرايين مهمين جدا ولذلك كانت الوسطية افضل شئ

[لماضة مصرية جدا]

السلام عليكم و رحمة الله و بركاته

مكنتش اعرف اني سيرة القنصلية المصرية هتقلب عليكو المواجع

بس فعلا هنا عاملين شغل جميل جدا...بس للاسف انا مش بلحق احضر كل الانشطة...

الحقيقة الفضل بعد ربنا ان اللي ماسك المكتب هو شخص مصري... بس دماغ اوربية جدا....و من هنا احب أحييه دكتور طارق وهدان

طب من اسبوعين عمل ندوة عن ايه

تفتكروا عن ايه

حاجة اسمها "تلحين الاحساس"......المحاضر مسك كل الحان القصبجي....و حلل ازاي ان التنوع الموسيقي ممكن يحرك في الواحد مشاعر مختلفة... في السياق الواحد يعني الاغنية الواحدة

هو بيعمل حاجات متنوعة كتير....كمان كان فيه حاجة حلوة اوي عن قبعات التفكير....هو اللي بيعجبني اكتر هو الحوار اللي بيتفتح بينا.... لانه بيحسسني اني فعلا في مصر....و الاحلي من كده بيحسسني اني قاعدة ع القهوة (طول عمري نفسي اقعد ع قهوة كده).....و تلاقي الناس بتحدف كل اللي جواها

======================

استاذي محمد أفندي....فيه اكلة اسمها بقبقة.....ايه دي بقي....

انا هنا عندي حاجة كده اسمها بلاليط.....أيون....بس ايه مسخرة..... :blink:

صباااااحكم بلاليط..... علي بقبقة

فوتكم بعافية

شكرا يا لماضة على انك قلتي على الانشطة الي بتعملها القنصلية المصرية

يا ريت حضرتك تقوليلي ازاي اتواصل معاهم علشان انا فعلا محتاج الانشطة دي

بصراحة العيشة هنا في ابوظبي مملة جدا وما بلاقيش حاجة اعملها لدرجة اني بدأت اكره الاجازات

شكرا مرة تانية

السلام عليكم و رحمة الله و بركاته

رقم القنصلية المصرية بأبو ظبي

6330903

6316118

عارف حضرتك وزراة التربية و التعليم القديمة.. هي وراها ع طول... فيه مدرسة اسمها المتنبي....و بعدين هتلاقيها بين مسجدين....و احد للسنة و التاني للشيعة... آه و ربنا و متعملشي زيي لما روحت هناك فضلت الف حولين مسجد الشيعة و استغرب.... wst::

المشكلة انهم مش بيعملوا حاجة في الويك اند....بتبقي ايام الاسبوع العادية....و عادة بتبقي الاحد و الاربعاء الساعة 7 و نص....و بيبتدوا 8 عااااادي جدا......

امبارح كان فيه ع المسرح الوطني...."اغاني العاشقين" فرقة فلسطينية بتحي ذكري يوم الارض... انا مش بقول كده عشان اغيظك..... :lol: لا بس انا كان المفروض احضر بس كنت بتخانق في الشغل فمش فضيت

اهم حاجة في ابو ظبي الفترة دي هي مهرجان ووماد.....و راغب علامة هيعمل حفلة النهاردة ع الشاطيء ع الكورنيش (اوعي بقي تخنق نفسك.....و تضرب كرافته.... :lol: كوتشي و تي شيرت).... ده لو حضرتك من محبي التهييس...

سامعة ان السيرك هيبقي في بداية ابريل (يا رب ما تطلع كدبة.... و لا انا سمعت انهم هيجيبوا السيرك المصري...بتاع محاسن الحلو و هالي هووووووووب...كده انا ممكن اعيط)

و جالي من مصدر روفنتوع ان في بني ياس في سباقات فورميلا

تحب.... ممتعة يا رياسة......كفاية ان العربية من دول تبقي ماشية و بعدين تعدي من جنبك....و تقول فوووووووو...و تلاقي نفسك اتردمت تراب

احساس غير غير غير.... :lol:

طب لو ولا حاجة من دول...... انت تاخد نفسك كده علي بعضها و تروح المارينا فيلم "امير البحار "نزل.........و ده مش عشان تتفرج ع الفيلم .... لا بوتاتا... هتقابل الجالية المصرية

بس خلاص

كان معكم مراسل اليوم المفتوح بابو ظبي

لماضة بل الهوا طربوشه...... :lol:

[noureymo]

شكرا يا لماضة على ردك بجد معلومات جميلة جدا بالنسبة ليا انا فعلا كنت محتاج حاجات زي دي

بس على فكرة

المصدر الرفنوع بتاع سباق الفورميولا كان مش دقيق بلاش تتعاملي معاه تاني

عملوا جزيرة جديدة جنب المطار اسمها جزيرة ياس وهي دي الي فيها السباقات والعربيات الي تبقي ماشية و بعدين تعدي من جنبك....و تقول فوووووووو...و تلاقي نفسك اتردمت تراب :lol:

شكرا مرة تانية