بماذا تشعر حينما تستمع الى هذا الرأي...!!!

[محمد الششتاوي]

بماذا تشعر حينما تتحدث في السياسة مع عدة أشخاص من عامة الشعب

ويدلون برأيهم ليقولون لك

أنهم يتمنون ان يمسك حكم مصر سيادة الرئيس محمد حسني مبارك الى نهاية عمره ثم يأتي ابنه جمال ليمسك حكم مصر من بعده,

ويرفضون من حيث المبدأ مبدأ التغيير

حيث " اللي نعرفه احسن من اللي مانعرفوش أو أن مصر في حالة استقرار في عهد ميارك

* نقطة أخرى

حيث أن مصر من أهم دول منطقة الشرق الاوسط ولها دور محوري في الاحداث بسبب حجمها وثقلها السياسي

فبالتأكيد أن دول العالم لهم رأي خاص فيما يتعلق بالحكم في مصر بعد مبارك

فماذا يتمنى حكام وشعوب العالم سواء في الشرق أو الغرب لمستقبل الحكم في مصر.

أتوقع أن الغالبية يتنمون طول العمر لمبارك ومن بعده نجله.

لكم التعليق

"

[herohero]

سيدي هذا يعتمد على نوعيه الشخص الماخوذ رايه انا في مصر حاليا

وبحب دايما اتكلم ف المواضيع ده ورب هنا رب هناك الوضع كالاتي هذا الراي يايده الاتي

العسكريين واصحاب المنافع من وراء هذا النظام + الاشخاص اللذين تجاوزوا سن 45 او من هم اكبر من ذلك وماطلعوش بره مصر ومبدئهم ده واحد شبعان واللي نعرفه احسن من اللي مانعرفهوش

اما الشباب والناس المنفتحه والناس اللي طلعت بره مصر ولفت وراحت واجت مع التغيير وبيقولك لو مين هيمسك مش مهم المهم نغير الوضع لان الشباب زهقت من حاله السكون المميت

وانا راي ان البلد في حاله موت سريري فالشباب زهقت جدا جدا من هذه الحاله

[محمد الششتاوي]

سيدي هذا يعتمد على نوعيه الشخص الماخوذ رايه انا في مصر حاليا

وبحب دايما اتكلم ف المواضيع ده ورب هنا رب هناك الوضع كالاتي هذا الراي يايده الاتي

العسكريين واصحاب المنافع من وراء هذا النظام + الاشخاص اللذين تجاوزوا سن 45 او من هم اكبر من ذلك وماطلعوش بره مصر ومبدئهم ده واحد شبعان واللي نعرفه احسن من اللي مانعرفهوش

اما الشباب والناس المنفتحه والناس اللي طلعت بره مصر ولفت وراحت واجت مع التغيير وبيقولك لو مين هيمسك مش مهم المهم نغير الوضع لان الشباب زهقت من حاله السكون المميت

وانا راي ان البلد في حاله موت سريري فالشباب زهقت جدا جدا من هذه الحاله

للاسف الشديد جدا

انا بقابل ناس كتير بيكون ليهم الرأي ده

من مختلف الاعمار ومن مختلف المستويات الثقافية والمصدم أن منهم من يهان في الغربة

وبعد ان اسمع مثل هذه الاراء ( بتنح ) ومش بعرف اتكلم

[ذهبية]

للاسف يا سيدى الفاضل العيب مش فيهم العيب فى الجهل و الخوف اللى اصبح متفشى بلا حدود

الخوف من اى فكرة جديدة الخوف من التغير

اشباع الشعب بافكار معناها اللى القادم فى علم الغيب سوف يكون معاة هلاك الامة

فكرة التعامل مع الشعب انة جاهل بدات من كبيرها الى ضغيرها الى اعضاء الحكومة التى تصدر قرارتها بدون الرجوع للشعب

وعند الاعتراض الشعب مش عارف مصلحتة لانة ببساطة جاهل مش فاهم

يا سيدى

لا تحاكم الجاهل على جهلة ولا الغافل عن غيبوتة اللى يحاكم من يفهم و يعلم ولم يؤدى رسالتة

[fatfouta]

لو سألتنى يا استاذ محمد على شعورى بعد ماقريت الكلام اللى حضرتك كاتبه

هقولك شعورى هو.........الاحبـــــــــــــــــــــــاط

لما الاقى ان لسه فيه ناس بتفكر كده بمبدأ اللى نعرفه احسن من اللى مانعرفوش

طب اللى نعرفه وخلاص عرفناه.........ليه مانغيروش؟؟؟

انا نفسى اسألهم على حاجة واحدة هو فين الاستقرار؟؟؟ ومين فينا مستقر؟؟؟

[ramyfathalla]

أنا رأيى انى احنا اتعودنا على نظام الحكم القبائلى يعنى زعيم القبيلة أو الملك هو الملك ما ينفعش يبقى غير كده

و الموت هو اللى بيغير الملوك فى ثقافتنا. مش انتخابات و كلام من ده

يعنى هو تعود على ثقافة و موروثة و تورث من جيل لاى جيل

فمن أجل تغيير رأى الناس فى مين يحكم و مين أصلح يجب تغيير ثقافة الحكم و كيفيته

لو فيه نظام محاسبة للرئيس و مسائلة عن أى غلط و كشف حساب سنوى هو عمل ايه جديد و ايه خططه المستقبليه

و ليه اختار الخطة أ مش الخطة ب و استشار مين و غيره و غيره

أكيد كل الأدوات دى لو تغيرت حايتغير فكرنا و ثقافتنا تجاه الحاكم و الشعب

[president]

مع اننى لم أقابل أشخاص بهذا الفكر ... ولكن بفرض انه كان هناك من يؤمن بهذا الفكر اذن ماهى المشكله ؟

نحن نتطلع الى بلد ديموقراطى يكفل لناخبيه حرية الأختيار والأنتخاب .. هذا الفريق لهم فكرهم وكل فرد له فكره ..طالما رايهم عن حريه واقتناع

ويعبرون عنه بملأ ارادتهم .. فلا يجب ان نتهمهم بعدم الفهم والقصور فى الرؤيه .

التغيير ليس ان يمسك الحكم شخص آخر غير حسنى ... بل التغيير ان الرئيس هو من يختاره الشعب ..

والتغيير الحقيقى ان لا نعتبر من هو مختلف معنا انه مخطئ . بل هو شخص استخدم حقه مثلنا تماما .

طالما انا كفرد لى الحق فى صوتى اذن ليس لى الحق ان اقلل من صوت غيرى واستغرب منه طالما رايه نابع من اقتناعه .

تحياتى

[hebapharm]

للأسف انا سمعت هذا الرأي من اكثر من شخص

انا اشعر عند سماعي لهذا الرأي بخيبة امل وارى انه نجاح لسياسات فرعون وحزبه في تكوين مواطنين يستكثروا على انفسهم حق الحياه كأي شعب ويرون انه ليس بالامكان افضل مما كان ووأدوا في الناس الطموح للأفضل وعدم تصديق انه من الممكن وجود حاكم اخر يحكم بما يرضي الله واهه خلينا ماشيين جوه الحيط واهه جمال احسن من غيره على الأقل شبع مش ...طبعا انتم عارفين باقي الكلام ...وانا لله وانا اليه راجعون

[dawn walker]

بماذا تشعر حينما تتحدث في السياسة مع عدة أشخاص من عامة الشعب

ويدلون برأيهم ليقولون لك

أنهم يتمنون ان يمسك حكم مصر سيادة الرئيس محمد حسني مبارك الى نهاية عمره ثم يأتي ابنه جمال ليمسك حكم مصر من بعده,

ويرفضون من حيث المبدأ مبدأ التغيير

حيث " اللي نعرفه احسن من اللي مانعرفوش أو أن مصر في حالة استقرار في عهد ميارك

هى دى المشكلة لو البرادعى نزل امام ال مبارك ..اخشى ان يخسر فى انتخابات ديموقراطية ..لان المنتخبين الفلاحين والصعايدة مبرمجين على ال مبارك ..وان كان صوتهم فى المعركة الحالية ليس ظاهرا

[محمد الششتاوي]

مع اننى لم أقابل أشخاص بهذا الفكر ... ولكن بفرض انه كان هناك من يؤمن بهذا الفكر اذن ماهى المشكله ؟

نحن نتطلع الى بلد ديموقراطى يكفل لناخبيه حرية الأختيار والأنتخاب .. هذا الفريق لهم فكرهم وكل فرد له فكره ..طالما رايهم عن حريه واقتناع

ويعبرون عنه بملأ ارادتهم .. فلا يجب ان نتهمهم بعدم الفهم والقصور فى الرؤيه .

التغيير ليس ان يمسك الحكم شخص آخر غير حسنى ... بل التغيير ان الرئيس هو من يختاره الشعب ..

والتغيير الحقيقى ان لا نعتبر من هو مختلف معنا انه مخطئ . بل هو شخص استخدم حقه مثلنا تماما .

طالما انا كفرد لى الحق فى صوتى اذن ليس لى الحق ان اقلل من صوت غيرى واستغرب منه طالما رايه نابع من اقتناعه .

تحياتى

ليس هناك أدنى مشكلة عندما يكون لديك رأي له حيثيات ونابع من فكر وبحث وقناعة مهما كان مخالف الجموع