سبوبة "مودرن مصر"

[Sherief AbdelWahab]

قبل سنوات ، ولأسباب متفرقة ، أوقف التليفزيون المصري بث الإقليميات على النايل سات بعد أن تدهور أداؤها بشكل فاضح يهين الأقاليم التي تبث منها ولا يمثل ما قدمت لمصر من أعلام في كل مجال..

التقط الخيط السيد "وليد دعبس" الذي قرر بسلامته خوض تجربة الإعلام الإقليمي بما يناسب منطق السبوبة ، بما إن سيادته عايز يعمل أحلى بيزنس من دوري الدرجة التانية والتالتة قال في عقل باله لما أعمل قناة تبث كل يوم ماتشات كل مجموعة أو مجموعتين من دوري الدرجة التالتة ، وجنبهم نعمل لنا كام برنامج خدمات على توك شو نقضي بيهم الليلة ، ونخصص يوم لكل منطقة ، السبت اسكندرية ، الأحد الدلتا ، الاتنين ....الخ..

شايفين الموضوع دة إزاي؟ وشايفين القناة دي إزاي؟ أنا شايفها سبوبة طرية ولقمة هنية تكفي مية.. انتم شايفينها إيه؟

خلص الكلام

[محمد الششتاوي]

انا بمجرد اني شوفت العنوان بس اتعصبت

على العموم حضرتك قلت اهم وصف " سبوبة "

"(دكتور)" وليد دعبس اعتاد على اللعب بمشاعر جماهير كرة القدم من خلال مودرن سبورت

ويحاول أن يلعب على باقي الشعب من غير جماهير الكرة من خلال مودرن مصر

بمحاولة التشدق بالوطنية

مصرية 100%

تم تعديل 21 مارس 2010 بواسطة محمد الششتاوي

[ابو محمود]

اي حد معاة فلوس فى مصر ممكن يعمل اي حاجة حتى السحر لما نبقى عبارة عن قطيع يسمع ويتكلم فقط ولا يفكر ويتم اتحافنا يوميآ بأبواق اعلامية حلمنتيشية وافلام وتمثليات تصيب بالتخلف

وبعد تلك الجرعات لابد ان يكون هناك ارض خصبة لمثل تلك الفاسدين فرقو مصر صعيدى وبحرى ودلتا

وهات يا رسائل موبايل واكسب بالعبيطة مالناس سكرانة من كتر الهم وذيادة العبط

[dawn walker]

جيش من القنوات المصرية ملوش لازمة ...اشبه بالدكاكين ..ولا عندنا قناة واحدة محترمة تستحق المشاهدة ...برافو قطر والسعودية ....الجزيرة والعربية ..هى المصدر الموثوق للاخبار عند غالبية المصريين ..وطبعا البى بى سى ...ومجموعة ام بى سى

[Sherief AbdelWahab]

سؤال شرير ع الماشي:

في الوقت اللي كل القنوات بتعاني فيه من أزمات مالية طاحنة ، لقينا دعبس بيه عمل قناتين وطلعهم في أقل من 3 شهور.. تيجي إزاي؟

خلص الكلام

[Diab]

هو يعني هيغلب يا شريف ما اكثر الطرق اللتي تحصل بها علي المال في مصر

ثم هو بيلعب علي الحصان الكسبان دلوقت اللي هو التمثيل

مفيش في مصر حاجات بتكسب غير التمثيل والرقص والكورة والتجارة بالدين و0900

في حاجة تاني

اه في جمعيات المجتمع المدني والكنيسة بتاعة التبرعات الخارجية

تحياتي

شكرا