♥ طريقة عمل الطحينة في المنزل ♥

[لونا]

لما قرأت في موضوع سلبيات الطيران..الأستاذ الفاضل SCORPION كتب :

بالرغم من كون شخصيآ لا أنكر انني اصطحب دائمآ برطمانات من العسل الأسود و الطحينة عند سفري و لكنني اضيع وقتآ في تغليفهم أكثر من من الوقت الذي أقضيه في تحضير الشنطة نفسها ..

حبيت أشارككم طريقة عمل الطحينة في المنزل

جربوها .. و إن شاء الله لن تشتروا من السوق .. و حضرتك يا سكوربيون سوف تكتفي بإحضار العسل الأسود فقط من مصر

المقادير :

كوب سمسم

نصف كوب دقيق

نصف كوب زيت ( دوار الشمس أو ذرة المهم زيت لا رائحة له )

الطريقة :

1) يحمص السمسم بدون إضافة أي دهون مع التقليب المستمر حتى لا يحترق و يجب أن يكون لونه فاتح

مع الأخذ في الإعتبار أنه يحتفظ بدرجة الحرارة لمدة طويلة بعد رفعه من على النار فيجب وضعه في صينية أو طبق واسع يتحمل الحرارة بعد رفعه حتى يتوقف التحميص

أو نطفي النار قبل وصوله لدرجة التحميص المرغوبة و نقلب و هو في نفس الإناء...و نتركه يبرد

2) يطحن السمسم البارد ... أنا باطحنه في الFOOD PROCESSOR و لذلك أضيف إليه الدقيق و أقلبه تقليبه ...ثم أضيف الزيت

و قد نزيد أو ننقص الزيت حسب القوام الذي نريده

إذا كنا نستخدم مطحنة التوابل ..نضع السمسم في إناء آخر ونقلب عليه الدقيق ثم الزيت

3) يوضع في برطمان نغلق و يستخدم منه عند الحاجة...

4) تستعمل في كل الأصناف كما ترغب و لكن من تجاربي عندما نريد عمل سلطة طحينة يمكن إضافةملعقة دقيق للسلطة حتى تتماسك

لأن الطحينة البيتي معظمها سمسم ليست كطحينة السوق كلها دقيق

أتمنى أن تجربوها و تعجبكم

[doha]

تسلم ايدك ..

باين عليها ممتازه باذن الله اجربها ..

[fatfouta]

شفتوا يا ولاد اهى السلبيات طلعت ايجابيات :lol:

طريقة فعلا حلوة يا لونا ونجربها مش هنخسر

اديتينى أمل فى السلبيات........قصدى فى الحياة

تسلم ايدك

مع انى زعلانة ومقهورة منك

[بندق أفندى]

شرا العبد ولا تربيته ..

انا كنت اعمل فى أكبر شركة تنتج الطحينة فى السعودية .. مفيش فيها دقيق

ده بس للى فى البلاد اللى بدون طحينة

تم تعديل 22 مارس 2010 بواسطة بندق أفندى

[اغابي]

مشكورة و تسلم الايادي

انا فى الغالب حتى لو جاهزة اثناء تحضيرها بحط مقدار ملعقة صغيرة دقيق و3 ملاعق كبيرة زيت مع ليمون - بس الدقيق دا انا بحطو من زمان على اساس بيديها طعم اجمل بس لازم اخلطه كويس مع الزيت والليمون وحبة فلفل اسود وملح وثوم حسب الرغبة .

:closedeyes:

[لونا]

شكرا لضحى و فتفوتة و أغابي

و ياريت تجربوها بجد بما إن كلكن مغتربات..

بتبقى ريحتها و طعمها روعة و الله

بندق أفندي حمدا لله على السلامة

ساعات تربية العبد بتبقى أحسن و بتدي نتايج كويسة :closedeyes:

و ياريت تقول لنا الإضافات اللي بيحطوها في المصانع إيه من باب العلم بالشيء

[MZohairy]

هي سلطة الطحينه ما بتتعملش بلمون و توم و خل و ملح و فلفل و ميه سخنه؟

[fatfouta]

هي سلطة الطحينه ما بتتعملش بلمون و توم و خل و ملح و فلفل و ميه سخنه؟

يا خرااااشى

هى قصدها عالطحينة نفسها يا زوهيرى يا خويا مش السلطة

[fatfouta]

شرا العبد ولا تربيته ..

انا كنت اعمل فى أكبر شركة تنتج الطحينة فى السعودية .. مفيش فيها دقيق

ده بس للى فى البلاد اللى بدون طحينة

بندق

حمد لله عالسلامة

احنا بستفزك بس عشان ترجع بمواضيعنا دى

[doha]

هي سلطة الطحينه ما بتتعملش بلمون و توم و خل و ملح و فلفل و ميه سخنه؟

طيب ايه رايك بقى انها مينفعش تتعمل بمية سخنة ودي احد الاسرار لان الماء الفاتر او الساخن بيخليها تغمق .. الماء البارد يخليها فاتحة اللون ..

وعلى فكره مبينحطش فيها ثوم بالمعنى الحرفي .. يعني الافضل اننا ندعق قبعر الصحن بفص ثوم ونرميه يادوب ياخذ ريحه وان كان ولابد يبقى نصف فص او فص صغير بالكتير خالص ..

أ.د سلطة طحينة وبابا غنوج جامعة تشونك يونك .. ايواها ..

[MZohairy]

هي سلطة الطحينه ما بتتعملش بلمون و توم و خل و ملح و فلفل و ميه سخنه؟

طيب ايه رايك بقى انها مينفعش تتعمل بمية سخنة ودي احد الاسرار لان الماء الفاتر او الساخن بيخليها تغمق .. الماء البارد يخليها فاتحة اللون ..

وعلى فكره مبينحطش فيها ثوم بالمعنى الحرفي .. يعني الافضل اننا ندعق قبعر الصحن بفص ثوم ونرميه يادوب ياخذ ريحه وان كان ولابد يبقى نصف فص او فص صغير بالكتير خالص ..

أ.د سلطة طحينة وبابا غنوج جامعة تشونك يونك .. ايواها ..

و الله اول مره اعرف حكاية التوم دي

و كمان كان عندي معلومه ان الميه السخنه بتخلي قوامها يتماسك شويه

و الخل يخلي قوامها يلين

أو العكس مش فاكر

مش عارف صح ولا غلط

طيب ممكن تقوليلي الوصفه المريبه لعمل طبق سلطة الطحينه العجيبه؟

عايز وصفه تودي في داهيه و ترفع الكوليسترول لو سمحتي :closedeyes:

[لولا]

طيب ممكن تقوليلي الوصفه المريبه لعمل طبق سلطة الطحينه العجيبه؟

عايز وصفه تودي في داهيه و ترفع الكوليسترول لو سمحتي :closedeyes:

ممكن تبقى تضيف تلات معالق سمنه مثلا وتقلب المكونات فى بعض :rolleyes:

ميرسي يا لونا على الوصفة الجميلة دى شكلها جامده فعلا من وصفك بس انت عارفه بقى مشغوليات المرأة العاملة والكسل

على فكرة يا مسيو زهيرى ..

انا بعمل الطحينه تقريبا بنفس مكوناتك بس مش بميه بستبدل الميه بلبن بتخلى قوام الطحينه كريمى ولونها فاتح وبتبقى تحفة فعلا .

تحياتى

لولا

[SoSo R]

طيب ممكن تقوليلي الوصفه المريبه لعمل طبق سلطة الطحينه العجيبه؟

عايز وصفه تودي في داهيه و ترفع الكوليسترول لو سمحتي :closedeyes:

ممكن تبقى تضيف تلات معالق سمنه مثلا وتقلب المكونات فى بعض

ميرسي يا لونا على الوصفة الجميلة دى شكلها جامده فعلا من وصفك بس انت عارفه بقى مشغوليات المرأة العاملة والكسل wst::

على فكرة يا مسيو زهيرى ..

انا بعمل الطحينه تقريبا بنفس مكوناتك بس مش بميه بستبدل الميه بلبن بتخلى قوام الطحينه كريمى ولونها فاتح وبتبقى تحفة فعلا .

تحياتى

لولا

لبن؟؟؟؟؟؟؟؟؟؟

منك لله يالولا

اعملى حساب اخواتك اللى صايمين...وبياكلوا زلط... قصدى فول

وانتى بتعملى الطحينة بلبن؟؟

دة إيه تعظم المعيشة اللى انتوا فيه ده :rolleyes:

علبة الطحينة الصغيرة الميزان هنا ب 5 $

يعنى اروح اشوف لى حتة اجيب منها السمسم يبقى أرخص...

و طبق أساسى فى الصيام

بقولك يا لونا...

هو ليه الزيت فى العلب الجاهزة بيفصل فوق عن الطحينة اللى تحت؟؟؟

[doha]

طيب ممكن تقوليلي الوصفه المريبه لعمل طبق سلطة الطحينه العجيبه؟

عايز وصفه تودي في داهيه و ترفع الكوليسترول لو سمحتي closedeyes.gif

هنجيب طحينة زي ملعقتين كبار كده او ثلاثه ونحطهم في صحن مدهون بالثوم زي ماقلنا قبل كده او نفرم عليهم فص ثوم واحد فقط ..

هنجيب شويه ملح .. عصير ليمون .. تقريبا نصف ليمونة .. شوية خل ممكن ملعقة صغيره .. فلفل اسود .. شويه شطه صغيرين ( مش عارفه ليه الفلفل والشطه بيفرقوا كتير في طعم سلطة الطحينة )

هنقلب فنلاحظ ان الطحينة بدأت تمسك .. تقليبتين تلاته بس عشان متكلكعش .. يعني يادوب نخلط ونبدأ نضيف المية ..

هنبدأ نضيف المية ( البارده ) شويه بشويه .. بالنسبة لي ولاني عارفه المقادير بالنظر كده بحط كله على بعضه واقلب مرة وحده

نقلب اكتر لغايه ماتبقى متجانسة وقوامها كريمي .. نذوق ونتاكد ان مفيش حاجه محتاج نزودها ..

بعد ماظبطناها نجيب مقدار ملو قبضة اليد كده من البقدونس المفروم .. نرميه على سلطة الطحينة .. ونقلب

وعيش حياتك ..

ملاحظة : احيانا بعمل سلطه الطحينة بنفس المية الي بتبقى في الباذنجان المخلل واحيانا برضه بدلا من البقدونس بحط باذنجانة مخلله او مشويه ( بابا غنوج يعني ) وطبعا ممكن تتاكل ساده بدون اضافات ..

[لونا]

ميرسي يا لونا على الوصفة الجميلة دى شكلها جامده فعلا من وصفك بس انت عارفه بقى مشغوليات المرأة العاملة والكسل

جربيها هي سهلة أوي يا لولا... و بعدين إنت حتعمليها مرة واحدة و تحطيها في برطمان ...و تاخدي منها كل ما تعوزي ...يعني مش حتعمليها كل يوم

علبة الطحينة الصغيرة الميزان هنا ب 5 $

يعنى اروح اشوف لى حتة اجيب منها السمسم يبقى أرخص...

و طبق أساسى فى الصيام

بقولك يا لونا...

هو ليه الزيت فى العلب الجاهزة بيفصل فوق عن الطحينة اللى تحت؟؟؟

لولا مشاركة بتاريخ اليوم, 12:44

هو الحقيقة في الجاهزة و اللي باعملها بيتي كمان الزيت بيفصل

و حلها بسيط ..لما تفتحي البرطمان قلبي الطحينة فيه بشوكة أو ملعقة عشان تتخلط مع الزيت

و بعد كدة خدي منها على قد احتياجك و خلاص

[سوما]

روووووووووووعه

تسلم الايادى