الحلول الصالحة ... للوصول للطبقات الكادحة

[se_ Elsyed]

حقيقة لي فترة أريد أن أكتب عن هذا الموضوع .. خصوصاً بعد ما لمسته من زياراتي المتعددة لمصر .. سواء الخاطفة أو في الإجازة الصيفية الطويلة ..

فملحوظة لا تُخطئها العين في إن نسبة كبيرة من المصريين لا تهتم إلا بأكل العيش فقط .. ولا تعنيها السياسة في شيء ..

مع إن كله منفد على كله

والدليل على كلامي هو كم الإضرابات والإعتصامات اليومية اللي 99 % منها بتكون بسبب أكل العيش أو سبب متعلق بالعمل .. وهو شيء ليس عيباً ..

لكن العيب كل العيب ان نترك السبب الرئيسي للمشكلة .. ونُمسك بتلابيب عَرض من أعراض المرض اللي مهما عالجنا فيه فهايظهر تاني وبشكل أشد ..

فعلى سبيل المثال ... اعتصام عُمال مصنع الكتان في طنطا واللي دخل أسبوعه الثالث بنجاح ساحق وعُماله يفترشون الأرض أمام مجلس الشعب .. والجو برد في مصر وبقوا أشبه بالمتسولين والناس بتعطف عليهم بلقمه أو شويه ميه أو بطانيه عشا يتغطوا

إيه سبب المشكلة ؟

السبب بيتكرر كل يوم مع قطف ثمار الخصخصة الفاشلة الفاجرة ... ومعادلة معروفة 1+1 = 2 .. من غير جدال ... مستثمر خليجي أشترى المصنع .. أبتدا يخنق العمال ويخسر المصنع .. عشان يُعلن أفلاسه ويتهرب من حقوقهم ويبيع أرض المصنع بمليارات ويهرب على بلده ... وتوته توته ما فرغتش السه الحدوتة

نفس الفيلم بتاع عُمر أفندي .... المستثمر الخليجي رمى للحكومة على جزمته القديمة 900 مليون .... بعد سبوبة نصب والصفقة كانت ب 500 الأول ... المهم .. خسر المشروع وخنقه .. وتقريباً معظم فروعه العملاقة الضاربة بجذورها في تاريخ مصر الحديث بتخسر الأن ... وبيصفيها عشان يبيع الأرض .. مبدئياً .. الأرض جايبه 3 مليار جنيه من بؤ المشتري وممكن نضغط عليه وتجيب 4 مليار ..

بدون تشتيت الموضوع .. مش دي فكرتي ..

أنا فكرتي إزاي إحنا كمثقفين نقدر ننزل الشارع ونخرج من شرنقة الصالونات الثقافية والحوارات الجانبية اللي كلنا عارفين فحواها ونبصم بالعشرة إن الكلام اللي بيتقال كله صح ..

فإزاي نقدر نعرف الناس المُهمشه دي حقوقها ونفهمهم إن المم مش كل حاجه .... وإن السبب في كل مشاكلهم هو الفساد السياسي .. وإن من غير إصلاح سياسي عُمرهم ما هايشوفوا خير

يا جماعة أنا نزلت مصر من شهر تقريباً أو اقل .. وكنت باتكلم مع ناس كتير عن البرادعي في عز عودته وتوهج الفكرة و و و و .. وأتضح إن معظمهم - مكسوف أقول كلهم - ولا يعرفوا حاجه عن اي حاجه .

ودعوني أقطع الطريق على كل من يقول : كيف تُطالب أصحاب البطون الخاويه بان تكون لديهم عقول واعيه ؟ .

فأقول لهم إن مافيش اكتر من فقر الهند ... نسبة الفقر بتتعدى 60 % ... أقول لهم إن هناك فقر لا يُمكن أن تتخيله مقارنة بالـ 30 % الموجوده بمصر .. إحنا نعتبر من سويسرا بالنسبة لهم .... ويكفي أن تسمع إنسان منهم يحلم بامتلاك ملايه " ملايه بتاعت سرير .. آه والله " عشان يفرشها على قارعة الطريق ويعملها بيت له وتبقى مملكته الخاصة...

ناهيك عن الموجودين في الأحراش ويكاد يكونوا منسيين ...

على الجانب الأخر .. نرى الاحزاب السياسية هناك تخطب ودهم بشتى الطُرق وتوعيهم سياسياً بشكل دائم ... وهم قوة لا يُستهان بها ... ومن قريب جداً قاموا بأسقاط الحكومة التي لم تفعل لهم شيئاً لتحسين معيشتهم ..

كل ده وأنا باتكلم يا جماعة عن القاهرة والمحافظات الكبرى ... وأنا متأكد إن الوضع في المحفاظات الريفية أكثر سوءاً وإن في ناس عايشه اليوم بيومه وولا تعرف حتى مين رئيس الجمهورية ولا بيعمل إيه ...

إذا هناك حلقة مفقودة .. هي مش حلقة ... هي دايرة كبيرررررررررررررررة وفجوة اشبه بالثقب الأسود .. أبتعلت الناس دي وأبعدتهم عن مصر تماماً ...

كلامي ده هو ترجمه لما كتبه الإعلامي محمود سعد في مقاله الأخير

وأن نضع شارة بحجم معقول تعلق علي الصدور للرجل وللمرأة في كل مصر.. شارة مكتوبًا عليها «التعديل الدستوري مطلب شعب».

وأن يعلق كل صاحب شقة أو منزل علي بيته نفس الشارة.

وأن يضع نفس الشارة كل تلميذ في المدرسة.. يصفها له والداه ويقولان له إن هذه الشارة هي حلم مصر وهي الشارة القاتلة .. الشارة القادرة علي النهوض بهذه الأمة.. والقادرة علي أن تنطلق بمصر إلي آفاق أرحب وأوسع.

الأمة كلها تنهض علي طلب واحد.. وعبارة واحدة تصوروا لو ذلك حدث.. هل يستطيع الأمن أن يقاومنا هل يستطيع الأمن أن يمنعنا.. ونحن لا نتظاهر ولا نلقي بالحجارة ولا نثير الشغب.. فقط نحن نعلن موقف الشعب.. وأن الجميع يطالب بالتغيير وأن مصر لن يكون بها حكم وراثي وأن مصر لن يحكمها بعد الآن حاكم إلي نهاية حياته.. إنما الشعب.. كل الشعب.. قادر علي التمسك بالتغيير؟!

لا أُنكر بأنني أوقات بأُتهم بالجنون عندما اتحدث مع من شغلتهم وطحنتهم الظروف المعيشية الصعبة التي خلقها العسكر في بلادنا على مدار 50 عاماً من الحكم الديكتاتوري الجائر ... وأعرف إن لسان حال الكثيرين يقول : يا عم سيبنا في حالنا وخليك لابس البدلة وأبعد بعيد عننا لا تتوسخ .

لكن أي مثقف أو بلاش دي .. اي مصري غيور على بلده لابد ألا يُصاب باليائس .. فما تم خلال 50 عام من الفساد لا يُمكن ان يُعالج بمقال أو بضع كلمات ..

بل ينبغي لنا جميعاً أن نتكاتف .. ويُصبح كل منا داعية في مكانه ووسط اهله وبيئته ....

ولا أستطيع هنا أن أُغفل دور الجماعة التي سحقوها تماماً وسيطروا عليها بجمعية جيل المستقبل ومعسكرات الشباب ومحاربة أي فكر سياسية غير الفكر الفاشي للحزب الوطني تحت شعار " إن الجامعة مكان للعلم فقط وليس للسياسة " وهو أعتراف ضمني منهم إن الحزب الوطني لا بيفهم في السياسة ولا البتنجان بدليل تواجده بشكل دائم في الجامعات وبمقرات صريحه مع ذلك فهم جميعاً مثل خيال المآته ..

ودعونا نقارن بين الحركة السياسية في الجامعات المصرية قبل ثورة العسكر ... وللاسف بعد الثورة .. وسترى فرق السماء عن الأرض ... وكيف كانت الجماعة هي المثحرك الرئيسي لكل الأحداث العظيمة التي حدثت ...

ولكن بفعل فاعل تحولت إلى شيء أشبه بالمعلف .. سوري في هذا المصطلح لكنها الحقيقة .... فلا يوجد شيء إسمه الجامعة للعلم فقط ... وكأنك تقول لهم : إنت لك عندي أاكلك وأشربك فقط .. غير كده مش مسموح تفتح بؤك .

ولنا عوده

[لونا]

الحقيقة إني لما فتحت موضوع البرادعي مع إخواتي في مصر ..

لاحظت فعلا إن ما فيش في مصر ردة الفعل اللي عندنا إحنا المغتربين ...

يمكن عشان إحنا حاسين بالظلم إننا إتغربنا عن بلدنا بسبب فشل النظام ؟

و عشان كدة بنهتم بالسياسة و محاولات التغيير

يمكن عشان إحنا بنبقى عايزين نعرف أخبار مصر ..فبنحاول نقرا أكثر و نعرف أكثر ؟

على العموم أنا لما وضعت رابط حملة ترشيح البرادعي على صفحتي في الفيس بوك

كتير من الأصدقاء إشتركوا فيها

ممكن دي تكون وسيلة للتوعية

بانتظار أفكار أخرى

[Sherief AbdelWahab]

أنا شايف القصة غير كدة..

الحزبوطني وصل إلى الطبقات الكادحة بلي ذراعها بسلاح الخدمات اللي بيحتكرها ،وبيحاول تسييس وحزبنة الخدمات اللي بندفع تمنها ضرائب..

اليسار والتيار الشيوعي بيحاول الوصول للطبقات العاملة والكادحة وبيتحرك هناك لأهداف معينة وبطريقة معينة وبحجم معين .. بما يخدم مصالحه بالتأكيد مش مصالح البروليتاريا..وفيه أحزاب حاولت تخترق الجهاز الحكومي المصري اللي فيه نسبة لا يستهان بها من أبناء الطبقتين المتوسطة والفقيرة لعمل كيانات نقابية موازية.. زي ما سبق البيان في موضوع مستقل من سنة وكسور.. وتجربة حزب الكرامة في عمل نقابة الضرائب العقارية ، وتجربة التجمع في اختطاف نقابة أصحاب المعاشات أقرب مثالين ومش حيكونوا الأخرانيين..

التيارات الدينية سواء جماعات الإسلام السياسي أو التيارات السلفية أو الطرق الصوفية بتعرف توصل مرة بسلاح الخدمات ومرة بسلاح الدين..

المال السياسي مبيحاولش يوصل للطبقات الكادحة لكنه بيحاول اللعب على مكون السخط العام علشان يحركها تنزل الشارع وتكون جبهة ضغط على النظام..ودة أسلوب براجماتي بيتبعه المال السياسي عطفاً على كام حقيقة أهمهم إن هذه الطبقات مهما كانت قوة تصويتية ما لهاش تأثير ضخم على الانتخابات ، وإن نخبويين كتير شايفين إن الطبقات دي تقاد ولا تقود .. يعني بتستنى إذن الحركة من وسائل الإعلام سواء الحكومية في الفترات الشمولية (باعتباره يعرف أكثر ويكتسب مصداقية لقربه من السلطة) أو من إعلام المال السياسي القادر على التفوق على ميديا النظام واختراق كل حواجزه اللي بيفرضها على تداول المعلومات..

ودة يفسر إن الجهود التنموية اللي بيعملها المال السياسي بتتعمل بأسلوب "الشوكة والسكين".. كميات محددة في أوقات محددة وبطريقة محددة..

أما ضعف فكرة المرشح الآخر لدى الطبقات العاملة والكادحة فدة بيرجع لعدة أسباب ، منها إنه صعب يكتسب شرعيته من غير المرور على النظام المسيطر على القطاع البيروقراطي الخدمي وعلى المصانع اللي لسة ملكية حكومية ، بمعنى آخر بأحس إن رجل الشارع شايف إن البرادعي "ضهره مش محمي" بوجود خطة قوية للتنمية تدعمه ، ولو حب ينقي crew يبقى حينقيه من المجموعة الحزبوطنية سواء "الملط" أو "بدراوي" أو شلة أمانة السياسات، الهروب من الحزبوطني إلى الحزبوطني، دة غير تأثره -(=رجل الشارع)- نسبياً بالحملات الإعلامية الحزبوطنية الردحوية اليومية اللي بتتعمل ضد البرادعي .. وأسخفها اللي بيتعمل من قصائد نفاق في الشيء الكريه اللي اسمه ائتلاف المعارضة لمجرد إنه رفض التعامل مع البرادعي أو مع أي شخص آخر واتخذ موقف بليد إزاء المسألة برمتها..

والله تعالى أعلم..

خلص الكلام

[Alshiekh]

الحلول الصالحة ... للوصول للطبقات الكادحة

الحقيقة انه مطلوب الوصول للطبقة المثقفة وحثها على المشاركة والاهتمام بشأن الوطن ومن ثم حثهم الى التواصل مع الطبقات الكادحة .

لقد نجح النظام المباركى فى قتل واخماد روح المشاركة السياسية عند الشباب والشيوخ على السواء ، ليس بالهائهم بلقمة العيش ، ولكن بطريق آخر ، بان جعلوا الناس تصوم عن السياسة حتى تعودوا على الصيام السياسى .

الشعب الموجود حاليا ليس اقل تعليما او ثقافة من شعب مصر ايام ثورة 1919 او فى الثلاثينيات او الاربعينيات من القرن الماضى .

الشباب المصرى كان له صوت مسموع فى الخمسينيات والستينيات من القرن الماضى على الرغم من التكميم الذى مارسه النظام الناصرى .

الشباب المصرى كان له صوت مسموع فى السبعينيات من القرن الماضى على الرغم من ردة الديمقراطية التى مارسها السادات فى نهاية ذلك العقد .

بعد ان تولى النظام المباركى الحكم فى اوائل الثمانينيات واحتفاظه بقانون طوارئ دائم ، فقد مارس هو ونظامه لعبة " تصويم الشعب " عن العمل السياسى حتى تخلى معظم الناس عن فكرة المشاركة السياسية ( كتر الحزن يعلم البكاء ) .

وبمتابعة نشاط الاحزاب الموجزدة على الساحة نجد انها ليست هى الاحزاب التى نشأت فى بدايات الممارسة الحزبية فى الثمانينيات ونلاحظ انها فى حالة اضمحلال تدريجى لانصراف الناس عنها يأسا من ان تقوم لها قائمة فى ظل نظام يعد الانفاس ويحسب عليهم الخطوات ، فلا لقاءات جماهيرية فى اماكن مفتوحة تسمح لغير المهتمين او العابرين ان يتوقفوا ليروا ماذا يدور ، وبالتالى قد يتحول 1 او 2% منهم من السلبية والجهل السياسى الى مشروع مشارك ومهتم بالشأن السياسى .

لا ألوم الناس ، ولكن الوم النظام الذى تعمد تجاهل جيل كامل او اكثر من جيل وتجهيلهم سياسيا وجعلهم ينصرفون عن اهم شيئ فى بناء الامم ، الا وهو المشاركة فى البناء وتقرير المصير .

[لماضة مصرية جدا]

السلام عليكم و رحمة الله و بركاته

مستفيدة جدا من حوار حضراتكم و اسمحولي اشارك علي استحياء

ارتبطت في ذهني كلمة السياسة ....ب 3 كلمات

"مظاهرة....

صورة الرئيس اللي بتتعلق فوق فوق ناظر اي مدرسة....

المعتقل"

أول مرة أشوف فيها مظاهرة في الجامعة عندنا...كانت لفلسطين..هم عربي عام

روحت غاضبة جدا جدا....

لانها كانت مظاهرة بالتواطيء مع حرس الجامعة....يعني الحرس عنده خبر بيها....

و عمداء الكليات كانوا طالعين أداء واجب...

و علي الرغم من ده كله مخلوش البنات تمشي فيها.....

و الشباب كان ماشي بيهرج....و كأن احنا عاملين عرض زي العروض العسكرية....

آه جامعة القاهرة عملت مظاهرة يالا و احنا كمان جامعة من الاقاليم....هم مش احسن مننا؟؟؟؟

لم امارس في الجامعة اي حياة سياسية علي الاطلاق....

لاني كنت مشبعة حتي الثمالة مرة بالخوف ان اللي بيعمل كده بيروح المعتقل...(و لا انا عرفت ايه هو كده...و لا انا فهمت ليه المعتقل؟؟).....و اوقات كتير...لان مجرد كوني بنت...ماليش اي حق ان ازق كتف مع اي عمل يخرج عن نطاق المذاكرة؟؟؟؟؟؟

لما كان عندي فرصة....اني اشترك مع عدد من البرامج التنموية للشباب اللي كانت بتمول كليا بتمويل اجنبي....و خاصة امريكي...اكتشفت اني اعيش في غيبوبة كاملة...لما اقابل شباب من جنوب افريقيا...اصغر مني بسنين...و بيطلبوا بحقهم في اختيار من يمثلهم و من ضمن شروطهم ان يكون هناك عدم تمييز ضد الطلاب المصابين بالايدز.....آه و الله

ساعتها فعلا حسيت اني مكنتش في جامعة....كنت... في مدرسة لكن بملابس ملونة..بدل اليونيفورم....

ابتديت انخرط اكتر في البرامج دي....و بعد حوالي 4 سنوات...حسيت انها مقحمة علي واقعي....اه كلنا مصريين بنشتغل فيها لكن تبقي ازمة التمويل و دوافعه اللي فرضت مليون تساؤل في دماغي.

سافرت بره البلد...و لما رجعت...لقيت الجامعة برضه بتطلب مني اني آخد كورس اسمه "التربية الوطنية"...و مش ممكن اتخرج من غيره....

التربية الوطنية دي بقي....عبارة عن تعريف المواطنة و المواطن الصالح...و كان اسوا كورس مر عليا في حياتي...لاني حسيت ان خروجي من البلد فترة خلاني ارجع اتعامل كاني جاسوس يجب اعادة تاهيله...بالاضافة...ان اصلا مكناش مصدقين و لا كلمة م اللي بيتقال

طولت علي حضراتكم....بس اري ان الحل يكون بالتعليم....

و مش بس في الجامعة...لا من بدري اوي كمان

التعليم اللي بيبدأ من الطفل اللي بيتعلم يعني ايه "حق"....و يطالب بيه من مين....و يعمل ايه عشان ياخد موقف

التعليم اللي بيكبر مع الشاب.....و يعطيه القدرة ان يحلل مفردات واقعه......و ما يمشيش مع اي موجة و لا هوجة

التعليم اللي بيخلي فيه حاجة اسمها "ثقافة الحقوق"....يعني محدش بيتفضل عليا بحاجة....انا ليا حق في مكان ما...و لازم آخده...و لازم اعرف القناة الشرعية اللي اطالب بيه من خلالها.

فيه في مصر حاجة اسمها التعليم الموازي....اللي بتقوم بيه علي استحياء منظمات المجتمع المدني

و بتحاول انها تشكل وعي شرائح مهمشة كتير...بس دايما بيبقي السؤال ايه تمويل المنظمات دي...و يا تري هي بتشتغل بانهي منظومة....و بتخدم أي فكر....و بتقع تحت انهي مظلة؟؟؟

عندي امل...لسه فاضل شوية

و معذرة ع الاطالة

تحياتي

[Alshiekh]

طولت علي حضراتكم....بس اري ان الحل يكون بالتعليم....

و مش بس في الجامعة...لا من بدري اوي كمان

التعليم اللي بيبدأ من الطفل اللي بيتعلم يعني ايه "حق"....و يطالب بيه من مين....و يعمل ايه عشان ياخد موقف

التعليم اللي بيكبر مع الشاب.....و يعطيه القدرة ان يحلل مفردات واقعه......و ما يمشيش مع اي موجة و لا هوجة

التعليم اللي بيخلي فيه حاجة اسمها "ثقافة الحقوق"....يعني محدش بيتفضل عليا بحاجة....انا ليا حق في مكان ما...و لازم آخده...و لازم اعرف القناة الشرعية اللي اطالب بيه من خلالها.

فيه في مصر حاجة اسمها التعليم الموازي....اللي بتقوم بيه علي استحياء منظمات المجتمع المدني

و بتحاول انها تشكل وعي شرائح مهمشة كتير...بس دايما بيبقي السؤال ايه تمويل المنظمات دي...و يا تري هي بتشتغل بانهي منظومة....و بتخدم أي فكر....و بتقع تحت انهي مظلة؟؟؟

عندي امل...لسه فاضل شوية

و معذرة ع الاطالة

تحياتي

كلام جميل والنظام يعلم ذلك حق المعرفة ، ولذلك اخترعوا مقولة " لاسياسة فى الجامعة " وبالتالى فى المدرسة ، حتى يضمنوا ان تنمو السلبية السياسية ، بل الكفر بالسياسة بين الشباب ، وهذا يفسر انخراط الشباب فى الاتجاه الآخر " الدروشة " او " الاخوان " او " الجماعات الاسلامية " وبدلا من التطلع الى المستقبل رأينا الشباب يهتم بالآخرة اكثر من اهتماه بحياته الدنيوية.

هم لايريدون شباب يعلم حقوقه السياسية ، ولايريدون شباب يتكلم فى السياسة ، هم يريدون شباب يؤمن بمقولة " الحيطان لها ودان " حتى لو كانت تلك " الودان " مجرد احجار لاتسمع ولاتفهم ، ولكن مايهمهم ان تصل الرسالة ، بلاش سياسة وخليك فى حالك ، وهذا يفسر خروج المظاهرات التى لاتعنى بالشأن الداخلى .

لاتنتظرى ان يأتى الحل بالتعليم كما تقولين فى ظل هذا النظام ، لن يحدث هذا قبل ان نستطيع ان نغير هذا النظام ، هذا النظام يريد شعبا من الفلاحين ( مع احترامى للفلاحين بالطبع فهم اصولى ) ولكننى استقيها من تصرفات الخديوى توفيق الذى لم يكن يرى فى المصريين سوى " فلاحين " .

التغيير اولا ، وسيتبعه بلا شك التعليم ، تعليم الناس بحقوقهم ، كل حقوقهم .

[الغريب]

فملحوظة لا تُخطئها العين في إن نسبة كبيرة من المصريين لا تهتم إلا بأكل العيش فقط .. ولا تعنيها السياسة في شيء ..

عمنا الفاضل س س ، تسمحلي أرد بلسان حال الناس اللي أنت تقصدهم في موضوعك :

يقول أحدهم :

"ياعم لو سمحت حل عنّا أحنا عاوزين نأكل عيش أنا لو عملت مشكلة يوم ولادي هيجوعوا اليوم التاني أنت هتييجي تأكلهملي يامثقف ، أنت بتتكلم بلهجتك الشجاعة دي لأنك خارج دائرة النار - بالبلدي نفدت بجلدك من البلد - وشايفها من بعيد وعمالي تصمم حلول لمشاكلها على روقان فيه راتب آدمي هيدخل حسابك آخر الشهر، مالك ومالي؟ ، دا أنتا حتى مبتفكرش ترجع البلد وتستقر بيها غير لما حالها ينصلح وبتراقب من بعيد ومش قادر تخالط وتحل زي ما بتطلب مننا ، أنت مش قادر حتى ترجع تعمل مشروع بفلوس ربنا وفقك لأدخارها في الخارج تشغل فيه عيلين تلاتة من عيالنا وتبقى حتى تعلمهم اللي المطالبة بحقوقهم والتصدي للفساد، ولا ساعتها هتقولهم إنتاج المشروع أهم ، أنتو منكم يا مثقفين اللي راح هاجر لكندا لأنه خايف من مستقبل مصر وبعدين جايين تقولولنا أحنا نحل ، نحل أزاي والناس الأفاضل المتعلمين أمثالكم واللي ليهم هنا فرص عمل جيدة نحوما بيهربوا من البلد، الله يكرمك ياعم سي السيد سيبني في حالي أنا عاوز أنام بدري علشان بكرة عندي شغل ولا أنتو بتسموه دوام على العموم تصبح على خير خخخخخخخخخخخخخخخخ"

أنتهى كلام أحد أفراد الطبقة الكادحة من وجهة نظري

وأخيرا أتوجه بسؤالي لك س س : هل تستطيع أن تبلغني بخطوة إيجابية قام بها أعضاء المحاورات الفضلاء لحل مشاكل البلد غير التحاور هنا ؟؟

تعرف من وجهت نظري أيه هي الخطوة الإيجابية الوحيدة ؟ هي موضوعك في باب فهارس المحاورات (كيف تنشأ مشروع)

تم تعديل 23 مارس 2010 بواسطة الغريب

[محمد عبدالعزيز]

فملحوظة لا تُخطئها العين في إن نسبة كبيرة من المصريين لا تهتم إلا بأكل العيش فقط .. ولا تعنيها السياسة في شيء ..

عمنا الفاضل س س ، تسمحلي أرد بلسان حال الناس اللي أنت تقصدهم في موضوعك :

يقول أحدهم :

"ياعم لو سمحت حل عنّا أحنا عاوزين نأكل عيش أنا لو عملت مشكلة يوم ولادي هيجوعوا اليوم التاني أنت هتييجي تأكلهملي يامثقف ، أنت بتتكلم بلهجتك الشجاعة دي لأنك خارج دائرة النار - بالبلدي نفدت بجلدك من البلد - وشايفها من بعيد وعمالي تصمم حلول لمشاكلها على روقان فيه راتب آدمي هيدخل حسابك آخر الشهر، مالك ومالي؟ ، دا أنتا حتى مبتفكرش ترجع البلد وتستقر بيها غير لما حالها ينصلح وبتراقب من بعيد ومش قادر تخالط وتحل زي ما بتطلب مننا ، أنت مش قادر حتى ترجع تعمل مشروع بفلوس ربنا وفقك لأدخارها في الخارج تشغل فيه عيلين تلاتة من عيالنا وتبقى حتى تعلمهم اللي المطالبة بحقوقهم والتصدي للفساد، ولا ساعتها هتقولهم إنتاج المشروع أهم ، أنتو منكم يا مثقفين اللي راح هاجر لكندا لأنه خايف من مستقبل مصر وبعدين جايين تقولولنا أحنا نحل ، نحل أزاي والناس الأفاضل المتعلمين أمثالكم واللي ليهم هنا فرص عمل جيدة نحوما بيهربوا من البلد، الله يكرمك ياعم سي السيد سيبني في حالي أنا عاوز أنام بدري علشان بكرة عندي شغل ولا أنتو بتسموه دوام على العموم تصبح على خير خخخخخخخخخخخخخخخخ"

أنتهى كلام أحد أفراد الطبقة الكادحة من وجهة نظري

وأخيرا أتوجه بسؤالي لك س س : هل تستطيع أن تبلغني بخطوة إيجابية قام بها أعضاء المحاورات الفضلاء لحل مشاكل البلد غير التحاور هنا ؟؟

تعرف من وجهت نظري أيه هي الخطوة الإيجابية الوحيدة ؟ هي موضوعك في باب فهارس المحاورات (كيف تنشأ مشروع)

أحييك بشدة على الكلمتين دول, بجد جبت من الآخر.

[sarmar]

لاخوة الاعزاء نحن فى المحاورات نستفيد كثيرا عن مجرد كيف تنشأ مشروع

نحن الجيل الذى تربى على الصمت وان كل شىء فلة شمعة منورة والمجارى كانت تجرى بانوفنا وقد اعتدنا عليها نحن جيل تربى على عدم الاعتراض حتى انة ممنوع الاعتراض فى اى شىء بالبيت او المدرسة عيب وقلة ادب لانعرف لنا حقوق بدايتها ونهايتها الا ماكان يهبط علينا من اولياء امورنا مع اختلافهم

ناخذ مايعطى لنا ونحتفل بة ونمدح ونسبح بشخصة حتى اصبح التمسح والتملق يعطى لونا مميزا وخاصية مادية او معنوية لمن يجيد فنها

اذا نظرت لما يهبط عليك فلن تجد لة تعرف عندك هل هو حق ام منحة ام كرم ام 0000 لاتعرف اين الحق وحتى انك لاتعرف لة طريق كى تصل الية لاننا لم نتربا على معرفة الحق اين حدودى وحدودك بالحياة اية الحق الذى يجب ان احصل علية لمجرد انى مواطن بهذا البلد ويجب ان احصل علية بدون اى تملق او رياء او استعطاف

واين ايضا الخقوق او الواجبات التى يجب عليا ان اؤديها ايضا بدون تهرب او مماطلة بل انى يجب ان اتحين اى فرصة لاداء الواجب

مايحدث عندنا وفينا يامصريين هو تغيبنا عن الحق فلا نعرف لة طريق نعم بمحواراتنا مكان فسيح تمزق فية الكمامة من على افواهنا لنحاول ان نرى الحق بدون هذة المحاورات اسمح لى ان اعرف منك اين تستطيع ان تتحدث ولتحدث ومخاطبة الغير هو توصيل معلومة وهذا مهم جدا لمن يفكر ان يسير الى طريق الحق

[se_ Elsyed]

فملحوظة لا تُخطئها العين في إن نسبة كبيرة من المصريين لا تهتم إلا بأكل العيش فقط .. ولا تعنيها السياسة في شيء ..

عمنا الفاضل س س ، تسمحلي أرد بلسان حال الناس اللي أنت تقصدهم في موضوعك :

يقول أحدهم :

"ياعم لو سمحت حل عنّا أحنا عاوزين نأكل عيش أنا لو عملت مشكلة يوم ولادي هيجوعوا اليوم التاني أنت هتييجي تأكلهملي يامثقف ، أنت بتتكلم بلهجتك الشجاعة دي لأنك خارج دائرة النار - بالبلدي نفدت بجلدك من البلد - وشايفها من بعيد وعمالي تصمم حلول لمشاكلها على روقان فيه راتب آدمي هيدخل حسابك آخر الشهر، مالك ومالي؟ ، دا أنتا حتى مبتفكرش ترجع البلد وتستقر بيها غير لما حالها ينصلح وبتراقب من بعيد ومش قادر تخالط وتحل زي ما بتطلب مننا ، أنت مش قادر حتى ترجع تعمل مشروع بفلوس ربنا وفقك لأدخارها في الخارج تشغل فيه عيلين تلاتة من عيالنا وتبقى حتى تعلمهم اللي المطالبة بحقوقهم والتصدي للفساد، ولا ساعتها هتقولهم إنتاج المشروع أهم ، أنتو منكم يا مثقفين اللي راح هاجر لكندا لأنه خايف من مستقبل مصر وبعدين جايين تقولولنا أحنا نحل ، نحل أزاي والناس الأفاضل المتعلمين أمثالكم واللي ليهم هنا فرص عمل جيدة نحوما بيهربوا من البلد، الله يكرمك ياعم سي السيد سيبني في حالي أنا عاوز أنام بدري علشان بكرة عندي شغل ولا أنتو بتسموه دوام على العموم تصبح على خير خخخخخخخخخخخخخخخخ"

أنتهى كلام أحد أفراد الطبقة الكادحة من وجهة نظري

وأخيرا أتوجه بسؤالي لك س س : هل تستطيع أن تبلغني بخطوة إيجابية قام بها أعضاء المحاورات الفضلاء لحل مشاكل البلد غير التحاور هنا ؟؟

تعرف من وجهت نظري أيه هي الخطوة الإيجابية الوحيدة ؟ هي موضوعك في باب فهارس المحاورات (كيف تنشأ مشروع)

الأخ المواطن العزيز اللي بلغت كلامك وقولته على لسان الغريب :unsure:

أما بعد

ياعم لو سمحت حل عنّا أحنا عاوزين نأكل عيش أنا لو عملت مشكلة يوم ولادي هيجوعوا اليوم التاني أنت هتييجي تأكلهملي يامثقف

يا عم المواطن ما هو بالخطوات الصاروخية اللي ماشيه بيها البلد ولادك مش هايلاقوا ياكلوا بكره .. ومش هايلاقوا البلد أصلاً

أنت بتتكلم بلهجتك الشجاعة دي لأنك خارج دائرة النار - بالبلدي نفدت بجلدك من البلد

بلاش شخصنه يا مواطن لو سمحت :)

ولو عن نفسي لم أنفد بجلدي .. ولم أهرب خارج البلد .. لأن حظي جه مع شركه لها فرع هنا وفي مصر .. فإحنا كلنا شركه واحده .

دا أنتا حتى مبتفكرش ترجع البلد وتستقر بيها غير لما حالها ينصلح وبتراقب من بعيد ومش قادر تخالط وتحل زي ما بتطلب مننا

مش صحيح ... انا لم أربط عودتي بأستقرار البلد ... وإذا كانت عودتي فيها أستفادة لشركتي وبلدي .. فسأعود فوراً ..

أنت مش قادر حتى ترجع تعمل مشروع بفلوس ربنا وفقك لأدخارها في الخارج تشغل فيه عيلين تلاتة من عيالنا

لأ الحمد لله عملت أكثر من كده ومشغل ولا بلدي ... بل مش بلدي الكبيرة اللي هي مصر .. بل شغلت ولاد بلدي الصغيرة الشرقية اللي مش بيلاقوا شغل في الأرياف .. ولله الحمد

ياعم سي السيد سيبني في حالي أنا عاوز أنام بدري علشان بكرة عندي شغل ولا أنتو بتسموه دوام على العموم تصبح على خير

وإنت من أهله .. ولو إن السلبية ليس وراءها أي خير ..

----------

وأخيرا أتوجه بسؤالي لك س س : هل تستطيع أن تبلغني بخطوة إيجابية قام بها أعضاء المحاورات الفضلاء لحل مشاكل البلد غير التحاور هنا ؟؟

أنا لست متحدثاً رسمياً بإسم كل الأعضاء وبالتالي عندي خلفية عن كل واحد عمل إيه ..

لكن دعني أقول لك إن مجرد أيمانك بفكرة التغيير والمطالبة بالحقوق الأدمية ... ومحاولة عدم السكوت في أي محيط يحيط بك سواء عائلة أو عمل أو أو أو ... فهو خطوة إيجابية أيضاً

تعرف من وجهت نظري أيه هي الخطوة الإيجابية الوحيدة ؟ هي موضوعك في باب فهارس المحاورات (كيف تنشأ مشروع)

برضوا بأقولها لك يا غريب .. لا مشروع ولا توك توك حتى ينفع في بلد تتجه نحو الهاوية ما لم نتحرك جميعاً نسيبنا من النوم وال وخخخخخخخخخخخخخ

وإلا ننام وما نرجعش نلوم ونتحسر على اللي بيعملوه فينا

[Alshiekh]

"ياعم لو سمحت حل عنّا أحنا عاوزين نأكل عيش أنا لو عملت مشكلة يوم ولادي هيجوعوا اليوم التاني أنت هتييجي تأكلهملي يامثقف ،"

أنتهى كلام أحد أفراد الطبقة الكادحة من وجهة نظري

الاخ الفاضل / الغريب

هنا مربط الفرس

ذلك المواطن من الطبقة الكادحة ليس لديه مشكلة حقيقية الا الامن ، ام عياله وعائلته ، وامنه الشخصى .

المشكلة انه يعلم ان حقه ضائع ويتمنى ان يستعيد حقه المسلوب ، ولكنه يخاف من " امن الدولة " ، وهنا فهو يزن الامور مابين السيئ والاسوء ، فيسلم امره لله ويرضى بالسيئ.

لو ضمن ذلك المواطن الكادح الامان ، لم يكن ليتقاعس عن المطالبة بحقه .

[محمد افندى]

الاخ الفاضل / الغريب

هنا مربط الفرس

ذلك المواطن من الطبقة الكادحة ليس لديه مشكلة حقيقية الا الامن ، ام عياله وعائلته ، وامنه الشخصى .

المشكلة انه يعلم ان حقه ضائع ويتمنى ان يستعيد حقه المسلوب ، ولكنه يخاف من " امن الدولة " ، وهنا فهو يزن الامور مابين السيئ والاسوء ، فيسلم امره لله ويرضى بالسيئ.

لو ضمن ذلك المواطن الكادح الامان ، لم يكن ليتقاعس عن المطالبة بحقه .

كلام مظبوط مية فى المية

الناس اغلبها خلاص مش فارقة معاه لولا خوفها من موضوع ما بعد الانتفاضة واللى بيسمعوة عن اللى الامن بيعملة فى اقسام الشرطة مش فى المعتقلات كانو عملو حاجات كثير قوى

[الغريب]

أنا لست متحدثاً رسمياً بإسم كل الأعضاء وبالتالي عندي خلفية عن كل واحد عمل إيه ..

لكن دعني أقول لك إن مجرد أيمانك بفكرة التغيير والمطالبة بالحقوق الأدمية ... ومحاولة عدم السكوت في أي محيط يحيط بك سواء عائلة أو عمل أو أو أو ... فهو خطوة إيجابية أيضاً

كلامك كله سليم يا بروف س س

وأنا أشجع فيك هذه الإيجابية ولكني ما نقلته لك من توقع لرد المواطنين الكادحين كان شئ واقعي جدا وعقبة لابد من توقعها في طريق الإصلاح

إستئثار مبدأ "تأمين أكل العيش والبعد عن وجع الدماغ"

هذه العادة الفرعونية المدمرة لطاقات الجمهور في مصر ، انا شايف لو تخلصنا من هذه العادة لسار الأمر سلسا في الإصلاح..

وبالفعل أنا لا أنكر أني لما غادرت مصر أصبح لدي الأفق لمطالعة الوضع المتردي لمصر بصورة أفضل وأرجو أن تكون هذه هي الفرصة المناسبة لكل منا لترتيب الأوراق ومعرفة سبل تحسين وضع المجتمع المصري التي يستطيع العمل عليها، وأنا بالمرة معارض لفكرة أننا ننكفي على أنفسنا في بلاد الغربة والمهجر ونترك بلدنا بحجة البعد عن وجع الدماغ ونشكر البرادعي على إيقاظ هذه النقطة في نفوس المصريين المغتربين بالتحديد