مقالة تستحق القراءة وكاتب سعودي يستحق التقدير

[عماد حمدي]

تسجيل متابعة ..

وإحترامي وتقديري للاخ هيرو والأخ مرسيدس والأخ the consult والاخ LOVELY RAMY

وطبعا ً الســـــــــــــــــــــــــــــــــاري .. بس ردك وتعليقك بصراحة محيرني جدا ً .. هقراه مرة تانية وأرجعلك ؟؟

تحياتي ,,

[herohero]

الاخ الدكتور مرسيدس امال احنا بنعافر اشي كندا ولا استراليا ليه حضرتك ف مصر باشا وبره مصر ملك يا اخي ده انا واحد زميلي قالي الامريكي والكندي ف السعوديه احسن من بلدهم وليا صديقي طبيب ف شركة بترول طوارئ يعني بيقولي زميله مصري كندي المرتب 7 اضعاف بييقولي التفرقه وصلت لحجم الجمبري

ولما بتنقلوا من الموقع او البريمة المصريين وماشايه من هنود وغيره بيتنقلوا ف باصات مكيفه اما اصحاب الجوازات التانيه بيتنقلوا ف سيارات جي ام سي مكيفه من افخم الموديلات ويادوب العربية فيها اتنين او تلاته

اخي الساري ياريت تبقى تفسر لنا هذا وانا بقى كنت شاهد عيان ف الكويت

الخس ياغالي عارفه الاخضر ده اللي كان بيتباع رخيص قوي عندنا ف مصر كنت بشوف الطيارة الهليكوبتر منزلة صناديق منه الباشوات بتوعم الجيش الامريكي بياكلو اخس امريكي

كان ادم العمارة عندنا مدرسة كانوا واخدينها بعد الغزو ليهم

هزيد حضرتك يابيه كانوا بيشربوا COKE مش كوكا كولا بتيجي برده من بره

هقولك ع حاجه وياريت الجميع يحاول يفسرها ليا حتى ع الخاص

اخواني الاعزاء الامريكان كان الطيارة بتنزل لهم اكياس فيها ورق مناديل للحمامات "ورق تواليت" جاي من امريكا سؤالي هم مش بشر زينا طبعا الاخوه الاطباء اللي درسوا تشريح ممكن يوضحوا لنا الاختلاف التشريحي اللي لا مؤاخذه يخلوهم يستخدموا ورق تواليت يجي من امريكا مخصوص عشان .......

هقول ايه بس

يا اخ ساري الوضع ده ف كل العالم العربي لكن عندكم او ف بلدانا الشقيقه في الخليج الحكاية زايده بجد حببوتونا ف الحصول ع جنسيات اجنبية

طب معلش ياخ ساري خد القصه ده والله حقيقيه ومافيها مبالغه

صديقي اخوه سوداني امريكي استشاري جاره سعودي عياله بايخين ع طول الكورة تيجي ف باب الفيلا وتحديف طوب يعني من باب التاثر باطفال الحجارة

اخونا الزول الامريكي راح اشتكاه طبعا الاخ الضابط كان مستعجب زول يشتكي سعودي لان اطفاله بيحدفوا طوب فقط ، دول بذورة يعني مش مستاهله

المهم الضابط طلب الاقامة من الزول وهنا كانت الواقعه طلع الباسبور الامريكي

وعندها تغير الموقف وضحك الضابط وقاله مسكتني من ايدي اللي بتوجعني كده يازول احرجتني

الضابط تكلم معاهم عن حقوق الجيرة وفي الاخر مضى الاخ المواطن ع اقرار وقاله بالنص " مش عاوزين وجع راس ومشاكل يا تربي اولادك ياتسكن ف بيت تاني "

وتحيا الجوازات اللي تخليك مرفوع الراس وسلملي ع العروبة والقومية

واوعدنا يارب

[fatfouta]

انا كمان بسجل متابعة بمنتهى الاعجاب بالموضوع

واحب احيى هـــــيرو اللى بتفق فى الرأى معاه وبحس انه فعلا شاب همه على بلده وعلى صورتها دايما

واحيى الاخ لوفلى رامى على كلامه بشدة

كنت عاوزة اقول حاجات كتير للاخ السارى بس مش عارفة ليه حاسه ان التوبيك ده رجالى

فهسكت بقى واتابع من بعد :unsure:

تحياتى لكم جميعا

[herohero]

انا كمان بسجل متابعة بمنتهى الاعجاب بالموضوع

واحب احيى هـــــيرو اللى بتفق فى الرأى معاه وبحس انه فعلا شاب همه على بلده وعلى صورتها دايما

واحيى الاخ لوفلى رامى على كلامه بشدة

كنت عاوزة اقول حاجات كتير للاخ السارى بس مش عارفة ليه حاسه ان التوبيك ده رجالى

فهسكت بقى واتابع من بعد :unsure:

تحياتى لكم جميعا

يا اخت فتفوته بلاش حكاية رجالي وعائلات ماتفكرنيش بالمعاناه بتاعت العائلات والكائنات التانيه

بجد الواحد بيحس انه مصاب بمرض معدي

وحاجه نفسي اعرفها بجد والله ويمكن الاخ ساري يساعدني فيها هو الشاب اللي حظه العثر اوجد له نصيبه ف الرياض او السعوديه عموما لما يتمنع من انه يدخل مول عشان عائلات

هيقدر ينتج ازاي ويبدع ويضيف للانجازات الموجوده ف البلد ازاي

الرحمه حلوة برده وبعدين ياريت حد يفهمنى المغزي يعني ف ظل الحياة الابيض والاسود بذمة اي حد عنده قليل من المنطق قليل الحيلة العازب ده يقدر يعمل ايه

ماكانا فالكويت الحياه عادي خالص والامارات ياريت بجد اي من الاخوة الافاضل يوضح لنا خطورة الكائنات الغريبة وهم السينجل او العزاب ع المجتمع لما يدخلوا مول خاصة ان الرياض زي الكل ماعارف مليااااااااااااااااااااااااااااااانة بسبل الترفييييييييييييييييييييييييه

[Mercedes]

المهم الضابط طلب الاقامة من الزول وهنا كانت الواقعه طلع الباسبور الامريكي

وعندها تغير الموقف وضحك الضابط وقاله مسكتني من ايدي اللي بتوجعني كده يازول احرجتني

الضابط تكلم معاهم عن حقوق الجيرة وفي الاخر مضى الاخ المواطن ع اقرار وقاله بالنص " مش عاوزين وجع راس ومشاكل يا تربي اولادك ياتسكن ف بيت تاني "

واوعدنا يارب

السلام عليكم و رحمة الله و بركاته :unsure:

و الله من ساعة ماقريت المداخلة دى و أنا عمااااال أضحك :D :lol:

أصلى اتخيلت منظر الظابط السعودى أول ما شاف جواز السفر الأمريكى :lol:

الأخ الفاضل السارى بصراحة كان فسرلنا قبل كده سر التمييز اللى بيتمتع بيه السادة البشوات ولاد البشوات - الأمريكان - بأن دول بيبقوا خبرات نادرة جدا فى مجالاتهم و لازم الدولة تطبطب عليهم و تاخدهم على كفوف الراحة و الترفيه :lol: .

لكن يكون فى علمك هما فى الأول و الآخر أجانب و مفيش حد أحسن من حد md2: :P .

فعلا, الواحد بيحلم باليوم اللى يقدر ياخد فيه جواز من دول

ربنا يقرب البعيد

MERCEDES S430

[Mercedes]

كنت عاوزة اقول حاجات كتير للاخ السارى بس مش عارفة ليه حاسه ان التوبيك ده رجالى

فهسكت بقى واتابع من بعد :unsure:

تحياتى لكم جميعا

السلام عليكم و رحمة الله و بركاته

التوبيك ده مش رجالى ولا حاجة, اتفضلى سيادتك , قولى اللى أنت عاوزه تقوليه براحتك, لأن أى مداخلة من أى عضو هنا أكيد هتثرى الموضوع بشكل كبييييييير. :lol: :D

MERCEDES S40

[Mercedes]

الرحمه حلوة برده وبعدين ياريت حد يفهمنى المغزي يعني ف ظل الحياة الابيض والاسود بذمة اي حد عنده قليل من المنطق قليل الحيلة العازب ده يقدر يعمل ايه

ماكانا فالكويت الحياه عادي خالص والامارات ياريت بجد اي من الاخوة الافاضل يوضح لنا خطورة الكائنات الغريبة وهم السينجل او العزاب ع المجتمع لما يدخلوا مول خاصة ان الرياض زي الكل ماعارف مليااااااااااااااااااااااااااااااانة بسبل الترفييييييييييييييييييييييييه

السلام عليكم و رحمة الله و بركاته :unsure:

طاب يا ريت المشكلة تكون فى الأبيض و الأسود, كان يبقى مافيش مشاكل :lol: :D , المشكلة لى هناك كانت:

1 - العنصرية و ده شئ انا متوقعة و مفيش منه مشكله و ماكنتش متوقع أن السعوديين هيقابلونى بالأحضان لما اوصل جدة و بصراحة مفيش بلد فى الدنيا مفيهاش عنصرية , ألمانيا و أوروبا كلها و كندا و باقى دول الخليج فيها عنصرية من ابن البلد تجاه الأجنبى الوافد, دا حتى أمريكا لا زال فيها عنصرية من البيض تجاه السود حتى يومنا ده و ممكن تشوفوا الرابط ده كدليل, فموضوع العنصرية ده مفيش منه مشاكل و بتقدر نتواءم معه و خلاص.

http://www.youtube.com/watch?v=eNu-WZdHzaA

http://www.youtube.com/watch?v=HIVgMvuCM_k

بس لازم تشوفوا الرابط الأول قبل الرابط التانى لأنهم مرتبطين ببعض كتسلسل .

2 - المشكلة التانية هى أن الكفيل ياخد جواز السفر و مدى تحكم الكفيل السعودى و استعباده للمكفول !!!!!!.

أنا عن نفسى شايف أن النقطة التانية دة هى المشكلة الحقيقية للأجانب هناك.

MERCEDES S430

[herohero]

الرحمه حلوة برده وبعدين ياريت حد يفهمنى المغزي يعني ف ظل الحياة الابيض والاسود بذمة اي حد عنده قليل من المنطق قليل الحيلة العازب ده يقدر يعمل ايه

ماكانا فالكويت الحياه عادي خالص والامارات ياريت بجد اي من الاخوة الافاضل يوضح لنا خطورة الكائنات الغريبة وهم السينجل او العزاب ع المجتمع لما يدخلوا مول خاصة ان الرياض زي الكل ماعارف مليااااااااااااااااااااااااااااااانة بسبل الترفييييييييييييييييييييييييه

السلام عليكم و رحمة الله و بركاته :unsure:

طاب يا ريت المشكلة تكون فى الأبيض و الأسود, كان يبقى مافيش مشاكل :lol: :D , المشكلة لى هناك كانت:

1 - العنصرية و ده شئ انا متوقعة و مفيش منه مشكله و ماكنتش متوقع أن السعوديين هيقابلونى بالأحضان لما اوصل جدة و بصراحة مفيش بلد فى الدنيا مفيهاش عنصرية , ألمانيا و أوروبا كلها و كندا و باقى دول الخليج فيها عنصرية من ابن البلد تجاه الأجنبى الوافد, دا حتى أمريكا لا زال فيها عنصرية من البيض تجاه السود حتى يومنا ده و ممكن تشوفوا الرابط ده كدليل, فموضوع العنصرية ده مفيش منه مشاكل و بتقدر نتواءم معه و خلاص.

http://www.youtube.com/watch?v=eNu-WZdHzaA

http://www.youtube.com/watch?v=HIVgMvuCM_k

بس لازم تشوفوا الرابط الأول قبل الرابط التانى لأنهم مرتبطين ببعض كتسلسل .

2 - المشكلة التانية هى أن الكفيل ياخد جواز السفر و مدى تحكم الكفيل السعودى و استعباده للمكفول !!!!!!.

أنا عن نفسى شايف أن النقطة التانية دة هى المشكلة الحقيقية للأجانب هناك.

MERCEDES S430

فعلا النقطة بتاعت الكفيل هي اهم مقطه يادكتور المشكلة مش انك هتمشي ف اي وقت لا والله المشكلة انك تحس انك متكتف مثلا عقدك خلص يا تمشي ياتجدد معايا وانا حر تحت مسميات عدم ممانعه او اي شيئ من منطلق التحكم

واكبر دليل المنطقه الحرة ف دبي كل واحد ماشي بجواز سفره لا الدنيا انهارت ولا الناس مشيت الناس بتتنافس وبتعمل برحية وبحب

انا الاحساس اللي كنت حاسة ف السعوديه اننا بنشتغل مسجونين معرفش هم نجحوا ف اعطاءنا الشعور ده

عارف زميلي ف دبي ف المنطقة الحرة بينزل اوقات مصر 3 ايام ويرجع جري لانه حابب المكان بيئة العمل بالنص كده يقولي هسيبهم ليه هو انا هلاقي مكان بالحلاوة ده

عكس اوضاع كثير ف السعوديه بيتم التعامل من منطلق دخول الحمام مش زي خروجه وانا اسف جدا جدا ف التشبيه

بجد كم اتمنى ان يكون هناك تنافسيه ف العمل والناس تشتغل كي تبدع

وهمسة ف اذن الاخ الساري ، الكبار عندك هم المنتفعين من الكفالة هم اللي بيتاجروا ف التاشيرات ولا فارقه معاهم سعوده ولا غيره

قوانين وبنحترمها لكن محدش قادر يقتنع بيها

[Mercedes]

واكبر دليل المنطقه الحرة ف دبي كل واحد ماشي بجواز سفره لا الدنيا انهارت ولا الناس مشيت الناس بتتنافس وبتعمل برحية وبحب

انا الاحساس اللي كنت حاسة ف السعوديه اننا بنشتغل مسجونين معرفش هم نجحوا ف اعطاءنا الشعور ده

عارف زميلي ف دبي ف المنطقة الحرة بينزل اوقات مصر 3 ايام ويرجع جري لانه حابب المكان بيئة العمل بالنص كده يقولي هسيبهم ليه هو انا هلاقي مكان بالحلاوة ده

عكس اوضاع كثير ف السعوديه بيتم التعامل من منطلق دخول الحمام مش زي خروجه وانا اسف جدا جدا ف التشبيه

بجد كم اتمنى ان يكون هناك تنافسيه ف العمل والناس تشتغل كي تبدع

وهمسة ف اذن الاخ الساري ، الكبار عندك هم المنتفعين من الكفالة هم اللي بيتاجروا ف التاشيرات ولا فارقه معاهم سعوده ولا غيره

قوانين وبنحترمها لكن محدش قادر يقتنع بيها

السلام عليكم و رحمة الله و بركاته

بالظبط هو ده اللى انا أقصده و أنت بالفعل قدرت توصل للى أنا عايز أقوله و هو أن نظام الكفالة فى السعودية مش هو اللى محافظ على نظام عمل الأجانب فى السعودية ولا حاجة و الدليل دبى, فلة شامعة منورة ( مش عمر أديب فى البيت بيتك ), و أن فعلا تجار التأشيرات و الاقامات هما اللى منتفعين بالموضوع ده .

بس أنا كنت سمعت أن اللى وضع نظام الكفيل فى زماااااااان فى الأول فى السعودية كان مصرى, هو الكلام ده صحيح و لا اشاعات؟؟؟؟ .

MERCEDES S430

[fatfouta]

اذاى اللى وضعه يا اخ مرسيدس يبقى مصرى يعنى؟؟

بصراحة انا بحس انه امتداد لنظام الرق والعبيد

ماحدش يزعل من كلامى

اقرأو اخر مداخلة فى الموضوع ده للاخ من بعيد على لسان مغترب فى الخليج بصفة عامةمذكرات واحدة متغربة

انا عاوزة اسأل سؤال ساذج شوية :unsure:

هو نظام الكفيل موجود فى قطر والامارات والكويت برضو؟؟

[herohero]

اذاى اللى وضعه يا اخ مرسيدس يبقى مصرى يعنى؟؟

بصراحة انا بحس انه امتداد لنظام الرق والعبيد

ماحدش يزعل من كلامى

اقرأو اخر مداخلة فى الموضوع ده للاخ من بعيد على لسان مغترب فى الخليج بصفة عامةمذكرات واحدة متغربة

انا عاوزة اسأل سؤال ساذج شوية :unsure:

هو نظام الكفيل موجود فى قطر والامارات والكويت برضو؟؟

طبعا هو نظام قريب من sponser لك يعني موجوده الفكرة ده ف الهجرة لكندا واسترالبيا برده

نظام الكفيل اللي اعرفه ان مصري اللي حاطه كما هو قوانين الخليج عموما ويرجح انه فقيه الدستوريين السنهوري

وهو نظام ف ظاهره عادي لكن تطبيقه سيئ

وهو موجود ف كل دول الخليج طبعا ولكن بتفاوت

السعودية وقطر اسواهم ف تطبيقه

ثم الكويت والبحرين

ثم الامارات

والملاحظ ان هذا النظام كلما ازداد تعقيدا ف بلد قل تقدم وتطور سوق العمل

انا عن مقارنة باصدقائي افضلنا هم المهندسون اللي ف دبي انتهى بهم الامر الى شركات اجنبية صرف وما يعنيه هذا من خبرة ممتازة

واسواهم حظا اللي ف السعوديه "يارب افرجها"

لان طبيعه السوق السعودي لاتعتمد ع التنافسيه كله قاعد ومديها كبسه وخلاص هتتطور ليه ما انت مش هتعرف تروح مكان تاني لافيه منافسه ف الاجور ولا منافسه ف شيئ

عكس دبي منافسه فظيعه النتيجه تطور سوق العمل وطبعا الامارات فيها كفالة لكن نظامها متساهل لكن المنطقة الحره داخل دبي بتمشي بجواز سفرك كانك ف بلدك

[عماد حمدي]

انا هقولك لية العازب مبيدخلش المولات العائلية ؟؟

دي تقاليد بلد يا سيدي الفاضل .. معلش لأني بحب كوالامبور أوي :lol: وبموت في المواضيع الملهلبة دي ..

لو دخلت أي مول يا حبيبي هتلاقي أرقام تليفونات موجودة في ورق صغنن كدة مرمي علي الأرض !! الحدق يفهم

كملوا كملوا والله انتوا ناس زي السكر .. بس ع الله النمل ما يتلم .. ويبوزلنا التوبيك

بس برده معرفناش مين صاحبها الأصلي ؟؟

عمدة

رابطة مشجعي كوالامبور

تم تعديل 23 مارس 2010 بواسطة omda2006

[الســـاري]

نقاط كثيرة للرد .. شكلكم ح تسهرونا :lol:

الاخ الكريم lovelyramy .. اشكرك بالبداية على ترحيبك بي ..

نقطة الكفيل هي نقطة شائكة .. وهي سياسة دولة بغض النظر عن موقف الشعب .. موضوع المقال ارى انه شعبي وموجه للشعب بالدرجة الاولى ومن هنا اتت مداخلتي ..

لكن عموماً احب ان اخبرك اني من اشد المعارضين لنظام الكفيل لاني كصاحب اعمال تجارية ارى انه يهضم كثيراً من حقوقي ويمنعني من الاستفادة بخبرات احتكرتها مؤسسات بعينها .. ويلزمني بمشاكل المكفولين التي قد لا يكون لي ذنب فيها .. وقد فصلت هذه القضية في موضوع " نظام الكفيل باق " هنا بمحاورات المصريين ..

لكني لا اريدك انت او باقي الاخوة الوافدين ان تنظروا لشعب بأكمله من خلال الرؤية للكفيل .. فاي صاحب عمل قد تكون له سياسة مع موظفيه ليس بالضرورة ان ينتهجها مع باقي الجنسيات المختلفة ممن هم لا يعملون لديه

ثم يا عزيزي نحن بشر كباقي الخلق .. نعم بلادنا طاهرة لكننا لسنا ملائكة .. لا ترسم لاي شعب صورة مثالية ثم تفاجأ بانهم بشر كغيرهم ..

الارتياح بين المصري والسعودي شيء طبيعي .. لكن ادعوك لقراءة بعض المواضيع مثل موضوع الاخت فتفوتة عن اللبنانيين وان السعوديين يهيمون بعيونهم الخضراء .. ويفضلونهم بالمناصب وغيره .. واحياناً يكون على حساب السعودي نفسه .. ثم تقول انت ان السعوديين يجاملون ابناء جنسيتهم على حساب الوافد .. والسعودي يقول ان السعودي يجامل الوافد على حسابه .. وكل يغني على ليلاه ..

العمل لابد ان يكون مقياسه الكفاءة بغض النظر عن اي جنسية .. هذا ان ارادات المؤسسة ان تطور من نفسها .. ومن يجامل ابناء بلده على حساب عمله سيكون اول الخاسرين ..

-------------------------------

الاخ الكريم the consultant .. يا نهار ابيض .. طيب الدوري السعودي السادس عشر عالمياً ..

ثانياً عزيزي تقول انك تشعر بالامان ولا تجد صحة لما يقال من انعدام الامن .. لو تصفحت كثير من المشاركات ستجد الكثير من الاخوة علقوا على هذا الموضوع .. لدرجة ان منهم من يقول انه لا يستطيع ان يأمن ان يرسل ابنائه خارج حدود شقته لشراء اغراض من بقالة قريبة مثلا .. نوع من فوبيا الخروج لا ارى له ما يبرره .. تماماً كما كانوا يخوفوننا عند سفرنا للبلاد العربية من اننا سنسرق فور خروجنا من الطائرة .. لنكتشف انه كله كلام فارغ ..

ويا سيدي احنا اتعظنا من الجزائر ومش عايزين بلبلة الله يخليك .. بس لي عتب على المعلم شحاتة .. ليه ما دخل احمد الكاس بالتشكيلة ؟

-------------------------------

الاخ الكريم وصديقي اللدود شوية herohero .. ( صديقي اللدود هو الاخ مرسيدس بس انت صديقي اللدود شوية )

مشاركاتك ركزت بها على موضوع العمل ونظام العمل والكفالة .. وحتى اريحك انت وباقي الاخوة اقول ان نظام الكفالة باطل .. باطل .. باطل .. ، واتمنى كسعودي ان يتغير الليلة قبل بكرة ..

عزيزي .. القوانين العمالية هنا بصفك .. شرط ان تعرفها جيداً ويعرفها باقي الاخوة .. يعني لاحظت ان المخضرمين هنا امثال السيد الكريم سين سين وغيرهم قد جفت حلوقهم وهم يصيحون .. العقد قبل الاتفاق .. التامين الصحي الزامي .. الاشتراط قبل التوقيع .. السؤال قبل الاشتراط .. مراجعة وقراءة قوانين مكتب العمل .. اعرف حقوقك قبل ان تغادر .. لا تسكت عن حقك .. اسئلك بالله .. كم عدد من قرأوا قوانين مكتب العمل ؟ .. ان يغضب الوافد على اللبن المسكوب كما ذكرت ويصب جام غضبه على السعودية شعباً وحكومة بالنهاية هو الحل الامثل ؟ .. طبعا لا ..

ومعيار العمل المفروض هو الكفاءة فقط .. لصالح المدير ولصالح الموظف .. تماماً كما تفضلت .. اما مسألة تطبيقه فهي تختلف من شخص لاخر .. لكن لا اعتقد ان هناك شركة ناجحة معيار النجاح لديها هو الجنسية .. هذه شركة فاشلة مقدماً ..

نعم لا ارى مشاكل بالكويت ولا الامارات مثل مشاكل الوافدين مع السعودية .. للسعودية قوانين صارمة تهدف لعدم تغيير التركيبة السكانية من جهة .. ومعقدة او مبهمة بحيث ان الكثير لا يعرف حقوقه بها .. الحل بها باختصار .. ان يقرأ كل شخص قوانين مكتب العمل ويعرف ماله وما عليه .. وانا متاكد لو كل شخص تعامل مع قوانين مكتب العمل بجدية لاختفت المشاكل .. تصور ان الموظفين لدي لا يعرفوا اني ملزم بتامينهم صحياً .. ولو لم ابادر بتسجيلهم بالتامين الصحي لظل الوضع على ما هو عليه ّ.. لكن لنعترف ان هناك جنسيات اخرى تعرف جيداً حقوقها .. وتلزمني بها ..

واشكرك لاتفاقك معي بخصوص مسألة ( احنا واحنا ) .. انا عرضت هذه المشكلة كنوع من التقارب الاخوي بين الشعوب .. بغض النظر عن العمل وخلافه .. يعني علاقتك بالسعودي العادي الذي لا يعمل معاك ولا ترتبط به اي مصلحة ..

كلمات حكيم العرب الشيخ زايد اتفق معها بشدة .. ولو تتذكر بموضوع الجنسية اني قلت اتمنى ان تستفيد الدول العربية من العقول المصرية ..

المصري عموماً متشبث بارضه ويكره التجوال والهجرة كما تفضلت الا مضطراً .. لبنان البلد الوحيد بالعالم الذي عدد المهاجرين منه اكثر من عدد المستوطنين به .. لهذا لا تتوقع ان يكون وضع من احرق سفنه كمن ينظر للبلد انها ترانزيت ..

-------------------------------------------

صديقي اللدود Mercedes

نعتذر بالبداية لتعبك معنا بالكيبورد العربي .. و نعتذر كذلك نيابة عن تلك المستشفى الذي حصرت به دولة بطولها وعرضها ..

يا عمي محسسني ان الاجانب هنا اعدادهم مثل البنغلاديشيين ، لا يا سيدي الكريم لا احب ان يأخذ احد جواز سفري .. لكن جوازك لا اعتقد ان هناك من سيمنعك ان تاخذه في حال حدوث طارئ .. لن تحتاج جوازك على العموم الا في حالة الخروج .. والخروج لا بد له من تنسيق مع الجهات المعنية ومن ضمنها مؤسستك التي تعمل بها .. عزيزي .. صدقاً انا اتعامل بنفس هذا المنطلق من سحب لجوازات الموظفين لدي لكن اتعلم لماذا ؟.

من انلسع بالشوربة ينفخ على الزبادي .. بالعربي كدا اتسرقت من موظفين غادروا بجوازاتهم وهربوا .. نعم الحمدلله استرددت ما سرق مني بعد ضياع وقت طويل وجهد واموال في التعقب والانتربول وغيره .. بالدول الغربية ليست هناك حاجة لجوازك لانهم بالعربي طايلينك طايلينك لو حاولت تلعب بديلك .. نحنا لسه يا دوب على قد حالنا ..

ليس معنى هذا التخوين او التشكيك بالامانات لا قدر الله .. معاذ الله .. لكن المثل يقول حرص ولا تخون .. وبالعربي الاجانب او الغربيين لا تجد منهم ما يخيفك .. يا سيدي انا صاحب مكتب لتأجير السيارات .. تعامل الغربيين معنا نموذجي رائع .. لا توجد مشاكل بالتحصيل مثلا او عند تسليم السيارة .. عكس التعامل مع العرب للاسف ..

ثم هناك رعايا دول لا تقصر سفارات دولهم برعياتهم باي مكان بالعالم .. هنا دور للسفارات اكثر مما هو موقف شعب كما قد تعتقد .. رغم اني لا انكر تماماً عقدة الخواجة ..

ولن اقول يا سيدي اللي مش عاجبه ما يجيش .. بل ساقول تعال على العين والراس .. لكن .. فقط .. تعب حالك شوي بقراءة قوانين العمل .. تعب حالك شوية بمحاولة فهم الشعب ولا تتخذ موقف مبداي او تنحاز لصورة نمطية ..

---------------------------------

الاخ الكريم omda2006

في انتظار ردك الكريم .. بس طولت باسمي حبتين .. يا عمي اكتب الساري وكفاية .. :lol:

---------------------------------

صديقي اللدود شوية من جديد ..herohero

موضوع التنقلات بالجمس المكيف .. وعودة من جديد للاجانب .. قلنا وفصلنا من قبل .. هناك خبرات معينة .. هناك من لهم اشتراطات معينة قبل توقيع العقد .. هناك من تتكفل سفاراتهم بكل صغيرة وكبيرة .. لكن هل امتيازاتك كمصري مثل امتيازات الهنود مثلاً ؟ .. اتمنى ان تجيبني انت عن هذا السؤال ..

هليكوبترات الخس .. ارجو ان تفرق بين ما تقدمه الدولة لمواطنيها عبر سفارتها وممثلياتها بالخارج .. وما تقدمه دولة المهجر للوافدين .. يا عزيزي اطلبوا خس من السفارة المصرية وتنزله لكم .. لماذا تحمل السعودية المسؤولية ؟

اما ان كان قصدك ان الحكومة السعودية مثلا او الشركات التي يعمل بها الامريكيين هي من تتكفل باحضار الخس وورق التواليت وغيره من امريكا للموظفين الامريكيين .. فهنا كلام اخر وبانتظار تفصيلك لهذه النقطة ..

ومن جديد لا ننكر ان هناك عقدة للخواجة بالكامل .. نعم موجودة وبكل الدول العربية بلا استثناء .. لكن لا ارى انها المسئلة الاساس لمشاكل العنصرية وغيره التي تطرق لها كاتب المقالة .. فأنا بالمقابل استطيع ان اكتب عشرات المواقف التي صادفتها شخصياً في مصر ( كسائح ) وتفضيل السائح الاجنبي عن العربي رغم انه لا يدفع اكثر مما ادفع .. قال لي احد الاخوة من قبل هنا .. اسف لا استطيع ان احترم الخليجي كما احترم الامريكي .. لن استطيع ان اقول مثله لتفضيل الاجنبي عن غيره .. المهم الذي اريد الحديث عنه هو الغالب الاعم .. الاجانب في بعض الشركات الكبرى وفي المدن الرئيسية فقط .. الغالب الذي اتحدث عنه وتحدث عنه كاتب المقال هو رؤوية الشعب المفروض ان تكون للعمالة الوافدة بشتى الميادين .. وليس فقط في نواحي العمل ..

يا عزيزي انظروا لافلامكم .. افلام وليست اعمال قد تكون محكومة بسياسة او غيره .. قارن بين الصورة التي تقدمونها عن الامريكي مثلا بافلامكم .. والصورة التي تقدمونها عن الخليجي .. واحكم بنفسك يا سيدي ..

----------------------------------

الاخت الكريمة fatfouta .. بانتظار ردك .. وكويس انك اجلتيه شوي لحسن انا ايدي اتهرت وانا باكتب

----------------------------------

صديقي اللدود شوية كلاكيت ثالث مرة herohero

يا عمي موضوع المولات دا عائق كبير .. لكنه لا يستثني جنسية دون غيرها .. بل العكس .. الشباب السعودي دائماً هو المستقصد بالمنع .. والدليل هذا المقطع باليوتيوب ..

http://www.youtube.com/watch?v=_nkm1OnnWxs...feature=related

---------------------------------

صديقي اللدود Mercedes .. للمرة العشرطعش ..

عمري ما حاقول نطبطب على احد .. واللي عاوز شغله يمشي يخلي المعيار الكفاءة .. والخبير الامريكي ليس بالخليج فقط .. بل العالم كله ..

نقطة العنصرية اجبت عنها بنفسك وهي انها موجودة بالعالم كله .. احييك على شجاعتك .. فبعض المحاورين يصرون على تصوير امريكا وكندا والغرب عموماً بانها فل وورد وياسمين .. والعنصرية صناعة سعودية فقط ..

نقطة الكفالة برايي هي النقطة الاساس .. ولب المشكلة .. والباقي لا توجد به مشاكل ..

وارى انه السبب في قلة المنافسة والكبسة على قولة هيرو ..

-----------------------------------------------

العمدة من جيد omda2006 .. امال فين المداخلة اللي وعدتني بيها والنقاط اللي محيراك ؟ ..قاعد تكلمني عن نمل وورق برشام ..

بس كويس .. لان يدي انهرت والله .. وشكلي بانام الليلة واحلم بهليكوتبرات الخس و الجواز الامريكي وتحيا القومية العربية ..

شكراً للجميع وكفاية ردود النهاردة

[herohero]

يا اخ الساري تحياتنا لك ونحن متفقين اننا نتحدث لهدف النقاش دون المساس باي شيئ

انا عندما تطرقت لنظام الكفيل اتمنى الوصول لحل يحمي مصالح صاحب العمل والموظف ، صدقني انا ما يضايقني فيه شيئ ممكن ف نظر كثيرين ليس بالمهم عندما ينتهي عقدك وتجد ان صاحب العمل يرفض اعطائك نقل كفاله عقدي انتهى واديت مهمتي ولو صرفت عليا شيئ كتدريب خده مني وطبعا انت دربتني واخذت شغل مني

لكن هذا المبدا غير موجود ف السعوديه والنتيجه بتعمل دون امل ف ان ترتقي بسهولة فلماذا تتطور ليست هناك منافسه وبالتالي السوق نايم هل معدل نمو سوق السعودية مثل دبي هل تطور الكفاءات ف دبي مثل السعوديه لا طبعا

اما عن تفضيل الاجانب انا بقولك ف مصري العزيزة الاجنببي بياخد افضل مني يعني انا يوم مااخذ جنسية اجنبية تاني يوم هنزل اعيش بيها ف مصر من باب اني استفيد الا اذا جد ف المور جديد وبقى للعرب قيمة دوليا

وانا مقتنع انهم ياخدوا اكتر مننا ف السعوديه او اي بلد فبلدهم مدلعاهم وانا معاك فهناك مبدا" ان تنتمي لبلد له قيمة وانت لاقيمة لك او ان تكون ذوقيمة ف بلد لاقيمة له"

والحمد لله كعرب فالاجنبي متربع ع العرش ف بلداننا العربية

اما عن التفرقه ف مصر وان الاجنبي وهو الغربي اسعاره ارخص من المصري " ابن البلد" ومن ثم ابن العرب

تخيل الاجنبي ف بلدي بياخد سعر اقل مني

والمبرر انهم ياتون ف افواج وانهم بيصرفوا اكتر من بقيه الضيوف فهو بيدي تيبس اي بقاشيش وبيشرب خمور يعني بينفع الفندق اكتر من بقية الجنسيات

فده المبرر اللي سنعته فلا تغضب يا اخ ساري لان انا ابن البلد بدفع اكتر من الغربي ف بلدي

ام غير كده فانت بتستثمر ف بلدي بدون كفيييييييييييل

لاحظ هذا جيدا اي جنسية تاتي لتستثمر بدون كفيل ويكفيك موقف الوليد ابن طلال يعني مكسب محترم من ارض ف الصحراء لم يصرف شيئ عليها" حلال عليه ، عزيز وغالي"

اتمنى ان تستمر نقاشاتنا لما فيه خير شعوبنا وف الاخر انا بكرر خير السعويده للسعودي والعربي وخير اي دولة عربية للعرب

تعالى ياعربي استثمر ف مصر وعيش فيها وتعالى ياعربي عيش ف السعوديه انت اولى من الهندي والفلبيني

دول اللي خطر ع التركيبة السكانيه وانت عارف ان المصري لم ولن يستوطن ف السعوديه عكس الهندي

[عماد حمدي]

حبيبي الساري :lol: انا اللي عيني وجعتني من كتر القراية ...

بص أنا قسمت مشاركتك إلي 6 نقاط وهرد عليهم واحده واحده .. وياريت تتقبل ردودي بصدر رحب :blush2:

1- نقطة الكفيل هي نقطة شائكة .. وهي سياسة دولة بغض النظر عن موقف الشعب .. موضوع المقال ارى انه شعبي وموجه للشعب بالدرجة الاولى ومن هنا اتت مداخلتي ..

أتفق معاك في النقطة دي .. زي الحزب الوطني عندنا كدة الشعب عايز حاجة والحكومة عايزة حاجة تانية .. بس صدقني قليل جدا ً من الأخوه أصحاب العمل السعوديين ضد نظام الكفالة .. لأان لو إتلغت بالعربي كدة .. فيه ناس هتشحت .. وانتة بتقول ان دي سياسة دولة :D مش عارف بصراحة أقولك اية .. ياعني أصلا ً الدولة لا تسعي للتطوير .. طالما انتة شايف انك ضد الكفالة وانها مضيقة عليك اللمجال في إقتناء الكفاءات المحتكرة لدي مؤسسات أخري .. يبقي فعلا ً مفيش تطوير من وجهة نظر الدولة والدليل انه حتي الأن ياراجل مفيش بنية تحتيه .. يبقي لا نعيب ع الكفالة ونطور الوضع واحده واحده الأول بنية تحتيه وبعدين الكفالة ..

2- العمل لابد ان يكون مقياسه الكفاءة بغض النظر عن اي جنسية .. هذا ان ارادات المؤسسة ان تطور من نفسها .. ومن يجامل ابناء بلده على حساب عمله سيكون اول الخاسرين ..

خدلك ورده بقا علي الجملة الجميلة دي

3- عزيزي تقول انك تشعر بالامان ولا تجد صحة لما يقال من انعدام الامن .. لو تصفحت كثير من المشاركات ستجد الكثير من الاخوة علقوا على هذا الموضوع .. لدرجة ان منهم من يقول انه لا يستطيع ان يأمن ان يرسل ابنائه خارج حدود شقته لشراء اغراض من بقالة قريبة مثلا .. نوع من فوبيا الخروج لا ارى له ما يبرره ..

يا راجل طب هقولك بقا ع موقف فاكر انت الحادثة بتاعت الواد اللي صاحب البقاله إغتصبوا ودبحوا ودبح أبوه ومسكوه الحمد لله وتم القصاص من عائلة العنزي تقريبا ً .. ما دا كان باعت أبنة يشتري برده شيء من البقالة وحصل اللي حصل .. يبقي اان كوافد طبعا ً لازم أخاف ومحسش بالأمان لان الجاني والمجني عليه سعوديين !!! وارجع لليوتيوب وشوف الحادثة دي والقصاص كان في السلّي .. يبقي موضوع الأمان دا الله يخليك متقولش فية أمان ولا حاجة .. دا حتي البازورة مسلمتش .. يبقي إزاي آآمن علي مراتي لواحدها يا راجل يا طيب تابع موضوع بتاع العروسة اللي شوية شباب محترمين عاكسوها ليلة فرحها وجوزها كان معاها .. :blush2:

4- مشاركاتك ركزت بها على موضوع العمل ونظام العمل والكفالة .. وحتى اريحك انت وباقي الاخوة اقول ان نظام الكفالة باطل .. باطل .. باطل .. ، واتمنى كسعودي ان يتغير الليلة قبل بكرة ..

ياريت كل السعوديين وأصحاب العمل زيك .. خدلك الوردة دي بقا :lol:

5- القوانين العمالية هنا بصفك .. شرط ان تعرفها جيداً ويعرفها باقي الاخوة ..

ههههههههههههههههههه ضحكتني أوي الجملة دي والله مع إحترامي ليك :lol: ياعني الناس اللي في الإمارات والكويت والبحرين دول كلهم عارفين القوانين وملتزمين بيها ... مهو العمالة اللي هناك زي اللي هنا بالظبط وهناك قوانين وهنا قوانين ؟؟ إشمعني بقا السعودية .. بعدين إسمحلي بنقطة الكوسة والمجاملات في مكتب العمل كتير اوي وراجع المنتدي شوف مواضيع الناس .. وهتعرف :D ياعم الساري دا في لحظة ممكن الحق بتقلب باطل ب 100 ريال لأي موظف الله يخليك ..

6-يا عمي محسسني ان الاجانب هنا اعدادهم مثل البنغلاديشيين ، لا يا سيدي الكريم لا احب ان يأخذ احد جواز سفري .. لكن جوازك لا اعتقد ان هناك من سيمنعك ان تاخذه في حال حدوث طارئ .. لن تحتاج جوازك على العموم الا في حالة الخروج .. والخروج لا بد له من تنسيق مع الجهات المعنية ومن ضمنها مؤسستك التي تعمل بها .. عزيزي .. صدقاً انا اتعامل بنفس هذا المنطلق من سحب لجوازات الموظفين لدي لكن اتعلم لماذا ؟.

حتي لو معانا جواز السفر مش هنعرف نتحرك بردة للأسف .. لازم ما تسمونة تأشيرة خروج وعودة وكلام كتير كدة يبقي مش فارقة معايا ولا مش معايا ..

:lol: :lol:

تقبل مروري

عمدة

رابطة معاديين كوالامبور

تم تعديل 24 مارس 2010 بواسطة omda2006

[lovelyramy]

الاخ العزيز ساري

شكرا على ردك واسلوبك فى الحوار

ماقاله اخونا عمده اتفق معه جدااااااااا وكذلك اخونا herohero

ولكن اضيف شيء ما بخصوص موضوع معرفه الوافد بقانون العمل وسأقص عليك قصتى التى كانت من اقل من شهر وهى مع كفيل سعودي من اصل حضرمي يمنى

انا الحمد لله معى تمهيدي ماجيستير فى اداره الاعمال جزء من دراستى الموارد البشريه وقبل ما اجى دخلت على موقع وزاره العمل والجوازات ووزاره الخارجيه السعوديه وفهمت القانون من الالف للياء واتفقت مع الراجل على كل حاجه وكله تمام على اساس ان عقدى مدته 2 سنه وانى فى نهايه العقد اخد نهائي لو ماحبيتش اكمل واخد شهاده خبره واخلاء طرف مادام انا ماسرقتش الراجل ومادام القانون بيحميه لو انا رجعت على شغل فى نفس مجاله مع المنافس انه من حقه يتشكينى وبقوه القانون اروح بلدي (صح الكلام كده)

انا لما جيت بقى هنا الوضع اتقلب وكأن لا مؤاخذه الفأر دخل المصيده لا هو عارف يخرج منها ولا صاحب المصيده عايز يموته ودا كان نص المشكله :-

اجماعه باختصار انا شاب مصري الحمد لله ربنا انعم عليا ببعض مؤهلات جعلتني مميز شويه فى سني

انا عندى 24 سنه والحمد لله معايا دبلومه فى التسويق ودبلومه فى التجارة الدوليه ,والاعتمادات المستندية وتمهيدي ماجيستير فى اداره الاعمال عملت فى مصر وطبعا من جو مصر اتخنقت فنصحونى الاقارب بالبحث عن فرصه سفر

المهم جت فرصه فى السعوديه فى وكيل حصري لشركه امريكيه شغلها مباشر مع وزارات الداخليه والدفاع والصحه فى الشرق الاوسط كله , المهم جيت بعد ان اتفقنا على وضع معين وكان كله تمام

بعد ماجيت بدأت اكتشف ان الراجل السعودي اللى هو من اصل يمني حضرمي بخيل جدااااااااااااااااااااااااا وعايش فى العصور الوسطي وفى مخيلته دائما ان 2000 ريال دول يعيشوا الواحد من عليه القوم فى بلده انا الحمد لله بدأت بـ 2500 ريال على اساس ان الاتفاق بعد 6شهور يبقوا 3000 وفى نهايه العام وبدايه العام الثانى يبقوا 4000

فوجئت بعدم تنفيذ الاتفاق بحجه الازمه الماليه واكتفى بزياده 500 ريال بس لسه بيقول هينفذها فى العام التانى

المشكله تكمن فى ان انا جالى عرض من شركة امريكيه تعمل فى مجال التجهيزات الطبيه والبعثات الطبيه لدراسه الماجيستير والدكتوراه عايزيني اعمل معهم مدير تنفيذى براتب ضعف الراتب اللى انا باخذه هنا وهم للاسف حاولو يتكلموا مع الراجل علشان نقل الكفاله وعرضوا عليه 15000 ريال وللاسف رفض

واللى زاد الطين بله انه اتعامل معاهم باسلوب سىء جدااا وبدأ يتوعدنى ويقول لى انت ماتشتغلش فى السعوديه الا عندى بس وانا هاعمل لك بلوك لست وابقى قابلنى لو دخلتها تانى دا طبعا بعد ما انا قلت له انك خالفت اتفاقك وانى بكده هانهى عقدى وماشي وعمرى ما هاجدد معاك تانى

المشكلة اللى انا فيها دلوقتى هو ان الشركة الامريكيه الناس فيها متمسكه بيا جداا وقالو لى هنشترى لك فيزا حره علشان الفيز اللى عندهم خلصت بس خد خروج نهائى من عند الراجل واحنا هنصبر عليك 6 شهور لغايه اما تخلص نفسك وتذاكر طيرانى رايح جاى ومرتب شهر هيصرفوه ليا ودا الشهر بتاع تخليص الاوراق والذهاب والعوده من السعوديه الى مصر ومن مصر الى السعوديه .

بس ياجماعه انا خايف اخرج نهائى والراجل دا يعمل اى حركه فى الجوازات لانه شراني جدااا وعنده استعداد يدفع رشاوي علشان كده وبالتالى ابقى خسرت السعوديه للابد وكمان الفرصه دى رائعه جدا لان فيها تأشيره لامريكا واحتمال جرين كارد وكمان انا عايز استغلها انى اكمل دكتوراه هناك

فبالله عليكم افيدونى هل فى طريقه اقدر احمي بيها نفسي من الراجل دا ؟ وايه هى ؟

فى ناس قالو لى ماينفعش تمشي الا لما عقدك ينتهى وتقوم قبل العقد ما ينتهى بالذهاب الى مكتب العمل وابلاغه عن طريقهم برغبتك فى الرحيل مع حفظ حقك فى الحصول على اخلاء طرف (بس انا مش مقتنع ان الكلام دا ممكن حدوثه خصوصا مع نفوذه والرشاوي اللى بيدفعها)

بالله عليكم افيدوني......

ياريت بقى تقول لى ماذا ستفعل لى السعوديه فى حال تصعيدي للمشكله علما بان هذا الكفيل شريك احد الامراء ؟؟

هل سيطبق القانون واخذ حقي فى نهايه عقدي ام سأجد نفسي اواجه مشكله لا يعلم مداها الا الله واضطر الى اللجوء للسفاره وديوان الاماره والديوان الملكى والاعلام والفضيحه علشان اخد حقى اللى فى النهايه لا هاوصل له ولا اى حاجه؟؟

كيف يغيب العدل والحق عن بلد الحرمين الشريفين ؟ هل تستطيع ان تقول لى انت واى انسان سعودى او اى انسان مسئول عن نظام الكفاله هنا ماذا سيقول لله يوم القيامه؟

ماذا ستقولون لرسول الله اذا سالكم لماذا ظلمتم اخوانكم وانتم من سلالتى وسلاله اصحابى ؟

الم تسالو انفسكم ماهو الانطباع الذى سيأخذه الناس عن بلد الحرمين ؟

تصرفات السعوديين محسوبه عليهم لانهم بلد الحرمين الشريفين كما ان تصرفات المصريين هم مسئولون عنها لانهم من اكبر بلد عربى مسلم على مر التاريخ.

عيب وعار علينا معشر المسلمين والعرب ان يكون بيننا هذا

والله انا عندما كنت فى مصر واحضر الندوات واللقاءات فى وزاره الاستثمار كنت انادى باعلى صوتى بان يمنح المستثمر السعودي والعربى كافه الامتيازات ويوضع على رأسه ريشه عندما يأتى ليستثمر فى مصر وان يتم تفضيله على الاجنبي لان خير مصر اولى به العربى المسلم من الاجنبى

ولكنكم للاسف لا تفعلون ذلك وانتم بلد الحرمين الشريفين

وكلامى هذا لا ينفى ابداااا عامل الكفاءه ولكنها متوفر فى ابناء الدول العربيه والاسلاميه وفقط يحتاجون لفرصه

يا اخى العزيز ساري لا اودك ان تحزن من كلامى ولكنه واقع حزين لا ينكره احد

انا والله يا اخى الفاضل احب السعوديه جدااااا وحزين على ما الت اليه لا يمكن ان تكون بلد الحرمين هكذا لا يعقل ان يتفشي الظلم فى بلد تضم ارضها جثث الشهداء والرسول والصحابه

تم تعديل 24 مارس 2010 بواسطة lovelyramy

[herohero]

فكرتني يا اخ عمده بحكاية الخروج والعوده لما جيت السعوديه ف الاول كنت مستغرب ازاي تبقى طالع من البلد تدفع فلوس طبعا الكلام ده مش موجود ف الكويت خالص بتاتا

يعني بجد ونعم القوانين اللي بتلم فلوس ونسيت اقول يااخ الساري انت نسيت الناس المغتربين دول الحكومة بتلم فلوس بالعبيط منهم اشي خروج وعوده واشي اضافه واشي استقدام

يا اخ الساري ادخل كده ودور هتعرف ان السعودية اكثر دوله خليجية ف تحصيل الرسوم يعني انا ف الكويت مفيش حاجه اسمها اضافه مولود بالمبلغ اللي ف السعودية والاقامة بتجدد 10 دينار

انا بصراحه برفع القبعه وقبعات الشارع اللي جنبنا ع اللي فصل القوانين ده بجد معلم اوعى يكون ابو يوسف بطرس غالي يعني اصل نفس المنهج

عموما ده قوانين ويجب علينا احترامها بس عشان خاطر الناس اللي هنا نفسي الاقي مبرر للكفاله والله انا اتمنى ان ده يكون بيوطن الوظايف او بيحل ازمة ف البلد

لاني بصراحه ياخ الساري انا شايف الكفاله ف السعوديه سبوبة والسعودي العادي مش مستفيد منها اللي مستفيد الناس طوال العمر وانت عارف ان فيه ناس عواطليه عايشه ع فلوس الكفالة من الاخر مسرح له ناس وبيلم اجرتها يااخي باي حق تاخد عرق الناس ياجماعه بجد انا من ساعة ماجيت السعوديه بقيت مستوعب الاية الكريمة واسمحولي لو فيه خطأ ف كتابتها"( قل هل أنبئكم بالأخسرين أعمالا ً , الذين ضل سعيهم في الحياة الدنيا وهم يحسبون انهم يحسنون صنعا ) الأيه

ربنا يصلح احوال المسلمين ويهدي الجميع

[عماد حمدي]

الأخ lovely ramy وحبيب قلبي هيرو :blush2:

من حيث نقطة القوانين اللي بيتكلم فيها أخونا الساري وانة لابد من معرفة العامل لكافة القوانين قبل سفر ؟؟

هاتلي موقف واحد في السعودية كلها ان عامل أخد حقة بالقانون !!! حالة واحده بس .. وانا هديك أمثلة لعشرات العمال اتاكل حقهم وعرقهم بالقانون بردة

والمقولة الشائعة بالمملكة "" مش عاجبك الطيارة مستنياك في المطار "

طيب إذا كانت دي سياسة دولة .. بالعقل كدا الله يخليك .. انا شخص وقعت عقد لمدة سنتين كمثال وخلال السنتين دول كنت ملتزم بكل واجباتي وأخدت كل حقوقي .. بعد نهاية التعاقد عايز انقل ع شغل تاني .. ( أعتقد دا في مصلحة الدولة برده ) لاني هفيد بشغلي في قطاع تاني ومش هضر بمصالح العمل الأول .. صح ولا اية " راجع المقال "

يقوم عمنا السعودي يقولك اية مش هنقلك كفالة طيب يا سيدي خدلك بريزتين وانقلي كفالة يقولك علي جثتي طيب هاتلي إخلاء طرف يقولك لأ .. أحيه بجد :blush2: ياعني هوه انا لازم اكون معاك يا اخي قرفت من شكلك ومش طايقك بالعافية يقولك لتكمل معايا لأديك خروج نهائي .. ولو فكرت انك ترجعك هرحلك .. وفية ناس تانية تقولك ع الطماطم بريال لحطك بلاك ليست وما انته داخل البلد تاني

بالله عليك دي سياسة دولة ؟؟ قولي والنبي ؟؟ واوعي تقولي ما انا قولتلك اني ضدها لو انت ضدها فعلاً والدولة شايفة ان الكفالة شيء يعوق حركة التطوير كانت لغتها ؟؟ لكن دي سبوبة لناس كتير زي سوق العبيد كدة بالظبط .. وان كان عجبك

اللي مجنني حاجة واحده ونفسي أخ سعودي يرد عليا

لو قارنا بين الدول الخليج والسعودية هنلاقي عوامل مشتركة من حيث العمالة هنا وهنا والقوانين والتشريعات والكفالة ؟؟؟ لية بقا المشاكل بتيجي من السعودية ؟؟ هقولك انا السبب بس هحاول بقدر الإمكان يكون ردي هاديء تماما ً

السعودي عاما ً يحب يكون مدير ولية سلطة ياعني لو سالت أي بازورة تحب لما تكبر تكون اية يا بني يقولك اكون مدير زي ابويا !! ياعني مش عايز تكون دكتور مثلا ً مهندس , محاسب يقولك ابقي مديررررررر

أغلب السعوديين لا يفقهوا أي شيء في فنون الإدارة والتعامل مع الموظفين ؟؟ بل ان كل الفكرة هم مجموعة عبيد وأنا السيد اقول يمين يبقي يمين اقول شمال يبقي شمال لان هوه عنده قناعة ان الموظف دا في حاجة الية وان القانون في صفة ..

دا انا كنت بحسب ان مصر بس اللي فها كوسة .. اتضح ان السعودية كمان فية كوسة وطماطم وكل الخضروات :lol:

يقولك هبلغ عنك هروب

هحطك بلاك ليست

هديك نهائي

هرحلك

مش هديك إخلاء طرف

مش هغيرلك مهنة

هستقطع منك مبالغ لتأشيرة الخروج والعودة

لتجديد الإقامة

لمش عارف اية

اان بالنسبة ليا الميزة الوحيدة اللي في السعودية هيا العمرة والحج وان الفلوس فيها بركة غير كدا ..... !

تقبل مروري

عماد حمدي سابقا

العمدة حاليا ً

عمدة رابطي كوالامبور

تم تعديل 24 مارس 2010 بواسطة omda2006

[herohero]

"( قل هل أنبئكم بالأخسرين أعمالا ً , الذين ضل سعيهم في الحياة الدنيا وهم يحسبون انهم يحسنون صنعا ) الأيه

نفسي كده يقراها الاخ الساري ويقولي الاية الكريمة ده مش حاسسها قوي

ع فكرة ده ف اي حته ف الدنيا بس لما ندخل الدين وباسم الدين نعمل حاجات غريبة ونقول الدين يبقى سبحان الله

انا مازلت مقتنع ان السعوديه كبلد عندها مقومات الدولة القوية لكن والله ياجماعه ادي الناس فرصة انها تتطور وخلي فيه منافسه هتتفرج ايه الي هيحصل مش معقوله الواحد زهق من القوالب الجامده يلاقي الناس ف البلد التاني بيطبقوا القوالب المغلقة

عموما حل مش عاجبك الطيارة مستنية حل مش بيجيب لادام ده بياخر مع كل تمنياتي لتعميم هذا الحل والى الامام دائما

[أحمد سيف]

وهو موجود ف كل دول الخليج طبعا ولكن بتفاوت

السعودية وقطر اسواهم ف تطبيقه

ثم الكويت والبحرين

ثم الامارات

على فكرة نظام الكفيل اتلغى في البحرين وأصبح من حق العامل أن ينتقل من عمل الى آخر

وطبعا تطبيقه في الإمارات مختلف عن السعودية تماما ... أنا من يوم مادخلت الإمارات وجواز سفري في جيبي وساعة ما ييجي في دماغي أسافر بأشاور لتاكسي وأطلع على المطار.