اذهب إلى المحتوى
محاورات المصريين

بتلعب سوليتير يا قفا ؟؟؟؟؟ صحيح اللي اختشوا ماتوا

se_ Elsyed

بواسطة se_ Elsyed
في محاربة الفساد

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

الأدمي ده جِبله ولا صنف ملته إيه ؟

الناس بتنتظر التقارير المؤسفه اللي بيعرضها رئيس الجهاز المركزي للمحاسبات امام مجلس الشعب كل عام عشان تعرف الأوباش دول وصلوا البلد لفين ... ووزير المالية اللي خربها وقاعد على تلها سايب الجلسة وقاعد يلعب سوليتير على الموبيل وطظ في الشعب

ودي مش أول مره يعملها على فكره

بس من الواضح إن في تقدم في مستوى الراجل ده

من حوالي 3 شهور أتصور وهو بيلعب على جهاز بلاك بيري

هووو هووو .. النهاردة اتطورنا وبيلعب عن أي فون - واخد بالك يا سيمبا -

102_0.jpg

نفسي ومنى عيني السعه 100 قفا على سهوا عشان أفش خِلقي فيه

في الوقت الذي حضر فيه المستشار جودت الملط إلي مجلس الشعب أمس يحمل أكواماً من التقارير والدلائل التي تدعم تقرير الجهاز المركزي للمحاسبات عن نسبة الفقر في مصر، وراح يفسر للنواب هذه الأرقام ويفندها جلس يوسف بطرس غالي- وزير المالية- بمعزل عن هذه الأرقام وراح يلعب علي جهاز «الآي فون» موبايله لعبة سولتير غير عابئ بما يقوله الملط ولا حتي بأقوال زميله في الوزارة عثمان محمد عثمان- وزير التنمية الاقتصادية-، حيث شكك عثمان المواجهة مع «الملط» في أرقام الجهاز حول نسبة الفقر في مصر، مؤكداً أن هناك انخفاضاً ملحوظاً في معدلات الفقر في مصر من 23% عام 2005 إلي 18.9% في 2009 وقال وزير التنمية الاقتصادية راسماً صورة وردية لحال الناس في مصر: «إن هناك 5،8 مليون مصري خرجوا من دائرة الفقر في عام 2009»،

خلينا نقول الحق .... هو العدد ده فعلاً خرج ... بس خرج على ضهره وانتق إلى الرفيق الأعلى

وأكد أن الحكومة تستهدف القضاء علي الفقر بحلول عام 2015.

وفي الوقت الذي كان يؤكد فيه «عثمان» أن أدني راتب يحصل عليه الموظف في مصر يبلغ 265 جنيهاً كانت المظاهرات خارج المجلس تطالب برفع الأجور لأكثر من 149 جنيهاً في الشهر.

يا جبروتكو يا ظلمه يا تتار العصر .... 265 ج ........ أه صحيح هي الناس هاتنهب ..دول يكفوا وزيادة ويخلوا الواحد كمان يحوش عشان كل سنه يصيف في سويسرا ويشتري وهو راج شوكولاته

من جانبه، علق المستشار جودت الملط علي ما قاله «عثمان» بقوله: «إذا كان هناك طعن في أرقام رئيس الجهاز فيجب أن يوجه إلي المصدر وليس للجهاز المركزي للمحاسبات ورئيسه» مؤكداً أنه استند في تقريره إلي أرقام الأمم المتحدة وصندوق النقد الدولي، وقال أيضاً: ماعنديش مانع تشككوا في أرقام الأمم المتحدة وصندوق النقد الدولي حتي لو زعل وزير المالية وقاللي إنه رئيس اللجنة المالية في صندوق النقد الدولي، لكن الملط لم يلفت انتباهه خلال كلماته أن «غالي» تلهيه لعبة سولتير عن الجلسة تماماً.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Sherief AbdelWahab عضو جديد

Sherief AbdelWahab

بتاريخ:
بتاريخ:
من جانبه، علق المستشار جودت الملط علي ما قاله «عثمان» بقوله: «إذا كان هناك طعن في أرقام رئيس الجهاز فيجب أن يوجه إلي المصدر وليس للجهاز المركزي للمحاسبات ورئيسه» مؤكداً أنه استند في تقريره إلي أرقام الأمم المتحدة وصندوق النقد الدولي، وقال أيضاً: ماعنديش مانع تشككوا في أرقام الأمم المتحدة وصندوق النقد الدولي حتي لو زعل وزير المالية وقاللي إنه رئيس اللجنة المالية في صندوق النقد الدولي، لكن الملط لم يلفت انتباهه خلال كلماته أن «غالي» تلهيه لعبة سولتير عن الجلسة تماماً.

بصراحة دة بقى الكلام اللي يضحك..

لا هو مين اللي بينقي من المصدر؟

هل محتاج جهاز إيده طايلة زي دة للتصفح على الإكسبلورر علشان يجيب بيانات عن الاقتصاد المصري؟

ولا فتاوى الجهاز مقتصرة على النواحي الهندسية والتقنية فقط؟

وبعدين إيه اللي بيحصل دة؟ المركزي بينقل أرقام من برة؟ وأعضاء مجلس الشعب بيمارسوا دورهم الرقابي عن طريق تسميع متون تقارير الجهاز المركزي للمحاسبات كما لو كانوا طلبة في الأزهر في العصر العثماني بيسمعوا متن "الإقناع في حل ألفاظ أبي شجاع"؟-عذراً للتشبيه مع احترامي للمؤسسة الأزهرية أياً كان الخلاف معها..

الجهاز الرقابي دة وأعضاء مجلس الشعب خصوصاً البهوات اللي بيدافعوا عن نواب القمار وتأشيرات العلاج بيأدوا خدمات تاريخية للفساد حيذكرها لهم بكل خير.. دة لو كان الفساد شخص ابن أصل.. :(

خلص الكلام

Sherief El Ghandour<br /><br />a furious Egyptian

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

انت بقى شوفت رد ازاى على الملط خلاة ملط فى 6 دقايق بقولك اية! عم بطرس دة مسنود من الأمريكان وجايبينة بالحشر كدة فى الحكومة علشان يغرق البلد

ونصيحة منى يا كبير كل واحد بينتقد عم بطرس بيجيبوة ولو عايش فى الخليج ربنا يسترها عايزين نربى العيال يا كبير وربنا يسترها معاك ومعانا احنا مش هنيجى زى الملط اهو قعد يجعر وفى الاخر رد علية بكل برود وفى دقيقتين

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك
Simba عضو جديد

Simba

بتاريخ:
بتاريخ:

يا استاذ سين سين ماهو دفع في الجهاز قد كده او جاله هدية من ده او ده فليه ما يلعبش سولتير علشان يحس بمزايا الجهاز ويعيش مع التطبيقات بتاعته وبعدين ايه مجلس الشعب ده واللي بيحصل جواه ولا شايف له تأثير

تأثيره السلبي كان زمان علي انا واخواتي لما كانوا بيلغوا مسلسل سبعة وربع علشان ينقلوا جلساته وابويا يعمل كوباية بن تقيل ويقعد يتمزج بالرجالة ام بدل وكل واحد ماسك ورقة طويلة عريض ويقول ارقام وانجازات

لحد ما جت له جلطة في القلب وبطل مجلس الشعب والبن التقيل

كلام حسام

follow me

رابط هذا التعليق
شارك
sarmar عضو جديد

sarmar

بتاريخ:
بتاريخ:

سيدى الاستاذ سين سين

الاخوة الافاضل امس عبر التليفزيون المصرى من راى منكم جلسة مجلس الشورى سيجد حيرة الحكومة وتخبطها الشديد فى توفير التمويل المالى لبعض مشاريع المياة والصرف الحى الانى ووصل العجز لنسبة 100% واحتار الاعضاء منهم من يرى ان يدخل القطاع الخاص ومايترتب على ذلك من تبعات سلبية وخطيرة على المجتمع المصرى وعلى الاجيال القادمة

وقد وقف سابق عصرة واوانة فارس المالية البيزنطية يلوح ويحذر الاعضاء ويخوفهم اذا لم يوافقوا على طلبة فسوف يضع السيخ المحمى فى صرصور ودنة

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك
Amr Radwan عضو جديد

Amr Radwan

بتاريخ:
بتاريخ:

انا مرارتي هتتفقع من البرود ده ..

و الله العظيم لو كان عنده اي احساس بالناس ما كان عمل كده ..

علي فكرة ..

لو واحد طبيعي (مش مغرور او متكبر او مسنود) و هيعمل Presentation او علي الاقل هيرد علي جودت الملط ..المفروض انه يكون منتبه علي الاقل .. حتي لو كان واثق من نفسه ..

انما يلعب سوليتير :WelEgTks: مش عارف اعلق عليها ازاي ..

غير ان شر البلية ما يضحك :soccer:

حاجة تانية .. تقارير اية اللي المفروض بناخدها من الامم المتحدة و احنا يعني الجهاز المركزي بتاع الاحصاء بيعمل اية ؟؟؟!! و لا حتي صاحبنا بتاع مركز الوزراء ..

و هو احنا بناخد احصائيات عنا من الامم المتحدة و جهات اجنبية ؟

بردة شر البيلة ما يضحك :yahoo:

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك
justme عضو جديد

justme

بتاريخ:
بتاريخ:

يا عم ممنهوش رجا كله على بعضه بسلاطاته ببابا غنوجه المجلس باللي فيه

انتوا مستنينهم يعيطوا مثلا؟

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
أحمد سيف عضو جديد

أحمد سيف

بتاريخ:
بتاريخ:

الرجل يا جماعه معذور برضه ... تلاقوه زهق من الهطل اللي بيشوفه في مجلس الشعب كل يوم فقال أما أتسلى شوية بحاجه غير الفيلم الحمضان ده. أنا شخصيا بتفرج على جلسات سيد قراره بس علشان أفضل أضحك على كلام النواب وعمو فتحي وهو بيهزأهم زي التلامذه في الصف.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك
fatfouta عضو جديد

fatfouta

بتاريخ:
بتاريخ: (معدل)

هو انتوا كده دايما ظالمين

اى والله ظالمين الراجل........مش يمكن بيتعرف على تقنيات الموبايل الجديد فى اوقات الفراغ؟؟

ايوه ماهو ده يعتبر وقت فراغه :yahoo: clp::

بس بصراحة بالنسبة للقفا.......ماخبيش عليكوا هو قفاه مغرى جداااااا

كل واحد يتخيل نفسه لو كان واقف وراه فى اللحظة دى كان عمل ايه؟؟ :soccer:

يا عمرو يا رضوان بعد الشر عليك من المرارة........وبلاش كلام كتير عن المرارات اليومين دول......وانت فاهم بقى مش هفسر :WelEgTks:

تم تعديل بواسطة fatfouta
رابط هذا التعليق
شارك
om marawan عضو جديد

om marawan

بتاريخ:
بتاريخ:

فعلا يا توتة ظالمينه السوليتير ده كان بيلعبه فى وقت الفراغ لحد الجلسة ما تخلص قصدى يعنى لحد ماتبدأ

وعلى فكرة كان خسران ياعينى ومقفلة معاه بس الاخر الكوتشينة فتحت وعرف ساعتها يرد على التقرير

وبعدين ياجماااااااعة ده سييييم.... مش سوليتير زى مانتو فاكرين دى تقارير مهمة بتتراجع من صندوق النقد الدولى

العلم فى الراس مش فى الكرااااس

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك
sarmar عضو جديد

sarmar

بتاريخ:
بتاريخ:

طيب لما يكون دة حال اهم منصب فيكى يامصر دة حالة ؟؟؟؟؟ لن اسال لان الاجابة باينة فى دموعنا عليكى يامصر

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...