عاجل جدا:::::نقل الكفالة للوافدين بعد عامين!!!!!

[muhammadon]

السلام عليكم ورحمة الله وبركاته

جائتنى اليوم رسالة من صديق مهتم بمشكلة نقل كفالتى وذلك نقلا عن وكالة الاخبار السعودية :واس:

مفاد الخبر انه :-

للوافدين فقط..

واس:وزارة العمل تزيد الفترة التىيقضيها العامل الى سنتين قبل نقل خدماته الى صاحب عمل اخر جديد وبدأالتطبيق الشهر المقبل

(جوال منطقة الرياض 80700)

اولا: ما مدى صحة الخبر؟؟

ثانيا:اذا كان الخبر صحيح فسيكون لاى وافد ؟هل الوافد منذ تطبيق القانون الجديد ام بأثر رجعى؟أم ماذا؟؟؟؟؟؟

ارجو الافادة لانى حصلت على خطاب نقل كفالة من كفيلى بعد معاناة طويلة معه منذ حضورى 1-7-2009 وقد سطرت قبل ذلك على صفحات هذا المنتدى الطيب اغلب فصول هذه المعاناة فضلا عن انى قمت بكتابة مبالغ على نفسى لصالح الكفيل فيما تكلفه لحضورى للعمل لديه

الشاهد ان مدة خطاب نقل الكفالة اربعة شهور على اساس انى اليوم فى بداية الشهر العاشر لحضورى المملكة وكى يكون الخطاب فى مدة النقل النظامية وهى عام

فهل الخطاب -نقل الكفالة- يعتد به الان او بعد تطبيق القانون؟؟ام يعتبر لاغى ولا وزن له وما الحل افادكم الله؟

[herohero]

والله انا معنديش خلفيه لكنه خبر يزيد من سعادتنا الناس بتتطور وتتقدم ودول يزدادوا تقدم ف طرق العبوديه

بجد ربنا يكرمهم مايخلوها ان الواحد يغير اسمه ويبقى ابن الكفيل ف الورق ويبقى زي الهنود والفلبينيين

بابا بابا ويهز راسه

بجد خبر يؤكد ع رقي الفكر والرغبه ف مزيد من التطور بقى يقعد سنتين ده انا افتكرت ان بعد سنتين من حقي انقل كفالة دون موافقه الكفيل

بجد "( قل هل أنبئكم بالأخسرين أعمالا ً , الذين ضل سعيهم في الحياة الدنيا وهم يحسبون انهم يحسنون صنعا ) الأيه

[عماد حمدي]

يا خوفي لا نجري ورا أمل تاني زي ما حلمنا بالغاء الكفالة .. وطلع لنا بيان من وزارة العمل والعمال ينفي ذلك ..

ياريت منحلمش بحاجة غير لما تكون صادرة من جهة رسمية .. لأن الكلام لواحدة أعتقد ولا هيقدم ولا هيأخر

تم تعديل 24 مارس 2010 بواسطة omda2006

[خالد شحاته]

السلام عليكم ورحمة الله وبركاته

الخبر صحيح مائه في المائه بس لحد اليوم مازل لم يطبق وان شاء الله يوم السبت اوفيكم بالاخبار الجديد من مكتب عمل الرياض

[هيشو]

يا دي الخيبة القوية

انا كمان افتكرت ان بعد عامين الواحد يقدر ينقل براحتة من الكفيل طلع العكس

ربنا يصبرنا و محدش يشوف مكروه فيث كفيله

[herohero]

السلام عليكم ورحمة الله وبركاته

الخبر صحيح مائه في المائه بس لحد اليوم مازل لم يطبق وان شاء الله يوم السبت اوفيكم بالاخبار الجديد من مكتب عمل الرياض

سيدي يعني معناه انك لازم تشتغل مع كفيلك لمده سنتين اذا افترضنا لاقدر الله انه وافق ع نقل كفالتك ماينفعش الا بعد سنتين

ايه ياجماعه هو كل شوية تعقدوها اكتر فيه ايه يعني هي ناقصه تحكم ، طبعا الهدف من كده واضح عدم الاتجار ف الفيز ده اللي اقدر افهمه بس ياريت برده يبقى فيه مده من بعدها تقدر تنقل كفاله يعني عشان الامور تتحرك من هذا الركود

[OmarBak]

الصراحة خبر مقرف

انا في الاول فهمته غلط فهمت ممكن اخيرا اسيب كفيلي بعد 7 سنين ملل

وكمان في حد قريبي هنا من شهر وجديد ومكتب قالنا ممكن ينقله كفالة قبل مرور السنة على دخوله المملكة ب 3 الاف ريال

الاخ خالد هل الكلام ده ينفع فعلا

[lovelyramy]

انا كمان فهمت انهم هيعملوا زى الكويت وننقل كفاله براحتنا بعد سنتين بدون الرجوع للكفيل

لكن الحمد لله ربنا يفرجها علينا

[عماد حمدي]

وربنا ما فاهم حاجة حد يوضح واحده واحده كدة الله يكرمكم لان اراء الناس متضاربة ومش عارف هيا في مصلحة العامل ولا الكفيل ولا اية بالظبط ؟؟؟؟؟؟؟

[muhammadon]

السلام عليكم ورحمة الله

اشكر 300 قراءة للموضوع و8 ردود حتى هذه اللحظة

ولكن للاسف الى الان لم يجب احد للان على سؤالى المطروح والمشكلة

ارجو من اخوانى الانتباه للمشكلة وانا مقدر وقع الصدمة على الكثيرين والتى جعلتهم لم تنتبه للمشكلة قدر انتباههم للخبر السئ

والانكى من ذلك ان يطبق على امثالى ممن عاشوا هم الانتظار كى يمر عام وبخرجوا من هذا السجن-سجن الكفيل-ثم تكون المفاجأة-ويا لها من مفاجأة-حكم الاعدام

الله المستعان

[OmarBak]

للأسف الخبر شكله صحيح

اتصلت بمكتب تعقيب كبير

وقالى الخبر صحيح

بس طبعا فيه مكاتب تقدر تخلص القصة دي

[أبو أماني]

الله يسامح اللى كان السبب في القانون الجديد دا

أنا كنت ناوي اشتري فيزا واتوكل على الله واروح السعودية

يارب يتلغي الموضوع دا قبل ما يبدأ

[KAhamid]

استغفر الله العظيم

قانون مقرف

هو من ناحية الحد من تجارة الفيز ففعلا هيكون ليه نتائج

لكن من ناحية تانية فهو مقرف انا لو موش عاجبني الشغل في المكان اللي انا فيه وحابب اشوف حاجة تانية بدلا ما كان المجهود الاكبر مبذول مع الكفيل لاقناعة هيكون مع الكفيل ومع الحكومة للتلاعب ونقل الكفالة

[ابو حودة]

والانكى من ذلك ان يطبق على امثالى ممن عاشوا هم الانتظار كى يمر عام وبخرجوا من هذا السجن-سجن الكفيل-ثم تكون المفاجأة-ويا لها من مفاجأة-حكم الاعدام

الله المستعان

ايه يا عم الكلام الكبير ده

اعدام ايه لسمح الله

دي الارزاق بايد ربنا مش بايد حد

وثق ان رزقك هيجيلك رغم انف اي احد على هذه الارض

وعلشان ما تقولش اللي ايده في المية

كتير من اللي هنا بيشتغلوا في السعودية

خلي ظنك في ربنا كويس وان شاء الله ربنا هيفرجها

[محمد افندى]

السلام عليكم ورحمة الله وبركاته

جائتنى اليوم رسالة من صديق مهتم بمشكلة نقل كفالتى وذلك نقلا عن وكالة الاخبار السعودية :واس:

مفاد الخبر انه :-

للوافدين فقط..

واس:وزارة العمل تزيد الفترة التىيقضيها العامل الى سنتين قبل نقل خدماته الى صاحب عمل اخر جديد وبدأالتطبيق الشهر المقبل

(جوال منطقة الرياض 80700)

اولا: ما مدى صحة الخبر؟؟

ثانيا:اذا كان الخبر صحيح فسيكون لاى وافد ؟هل الوافد منذ تطبيق القانون الجديد ام بأثر رجعى؟أم ماذا؟؟؟؟؟؟

ارجو الافادة لانى حصلت على خطاب نقل كفالة من كفيلى بعد معاناة طويلة معه منذ حضورى 1-7-2009 وقد سطرت قبل ذلك على صفحات هذا المنتدى الطيب اغلب فصول هذه المعاناة فضلا عن انى قمت بكتابة مبالغ على نفسى لصالح الكفيل فيما تكلفه لحضورى للعمل لديه

الشاهد ان مدة خطاب نقل الكفالة اربعة شهور على اساس انى اليوم فى بداية الشهر العاشر لحضورى المملكة وكى يكون الخطاب فى مدة النقل النظامية وهى عام

فهل الخطاب -نقل الكفالة- يعتد به الان او بعد تطبيق القانون؟؟ام يعتبر لاغى ولا وزن له وما الحل افادكم الله؟

الاخ الكريم

الخبر صحيح مية فى المية وصدر أمس 8/4/1431 هـ وسيتم تطبيق القرار من 1/5/1431 هـ اى بعد عشرين يوم تقريبا

عن سؤالك بخصوص على القرار بأثر رجعى ام على الوافد الجديد

ملهاش دعوة بوافد جديد او قديم اى شخص عاوز ينقل كفالة من مكان لمكان بعد يوم 1/5/1431 هـ لازوم يكون مر علية سنتين على الاقل مع كفيلة الاول

ودة نص القرار من وزارة العمل

صرح وكيل وزارة العمل للشؤون العمالية الأستاذ/ عبد الرحمن إبن سعد البواردي بأنه قد صدر قرار معالي وزير العمل بالنيابة رقم 730/1 في 29/3/1431 هـ القاضي بزيادة المدة التي يلزم أن يقضيها العامل الوافد لدى صاحب العمل إلى ما لا يقل عن سنتي عمل، كأحد الشروط للموافقة على طلب نقل الخدمة إلى صاحب عمل آخر، وأضاف البواردي أن القرار جاء بعد دراسة لحركة تنقل العمالة الوافدة من صاحب عمل لآخر، وما تبين من إنعكاس ذلك على زيادة الاستقدام لوجود بعض المنشآت التي تهدف من استقدام العمالة إلى نقل خدماتهم بعد قدومهم بفترة أو المتاجرة في ذلك، فضلاً لما لذلك من تأثير سلبي على توظيف المواطنين في المنشآت.

وأكد سعادته أن بداية تطبيق القرار سيكون من 1/5/1431 هـ، وقد جرى التعميم على مكاتب العمل بذلك، منوهاً إلى أن لائحة نظام العمل قد تطرقت لضوابط نقل الخدمات للعمالة الوافدة من صاحب عمل لآخر وللحالات المستثناة من تطبيق شرط مضي المدة المذكورة.. متمنياً أن يكون في هذا القرار ما يعمل على استقرار العلاقة بين صاحب العمل والعامل والى الحد من السلبيات الملاحظة في سوق العمل

[lovelyramy]

الله عليكي ياسعوديه من ابداع الى ابداع

[muhammadon]

السلام عليكم

قرأت فى اقتصادية الرياض بالامس انه يوجد استثناءات لكن لم يذكروا شئ عنها وسأوافيكم بها ان شاء الله ان ذهبت الى مكتب العمل من الغد ان شاء الله

[ام نور محمود]

لا حول ولا قوة الا بالله

حسبي الله ونعم الوكيل

[doha]

عادي ياجماعه واجب برضه يستنى سنتين قبل ماينقل زي مالشرع قال حتى يذوق عسيلته ..

ربنا يرحمنا برحمته ..

سؤال برضه يطرح نفسه

.. هل الكلام ده ـ بتاع انتظار السنتين ـ ينطبق على الكفيل الاول فقط ولا على اي كفاله تحصل مستقبلا ؟ يعني الي جاي تاشيرة على اسم واحد خلاص مفهوم مينفعش ينقل من عليه لذمة كفيل تاني قبل ماتمر سنتين .. طيب فرضا مرت السنتين وحصل ابغض الحلال وربنا وفق صاحبنا في كفيل جديد وفرضا برضه لاي سبب ما استحالت العشرة بينهما هل في الحاله دي القانون بيفرض برضه يستنى سنتين يجرب نفسه فيهم ويتاكد ان خلاص مفيش فايده بعدين ينقل ولا عادي اول ماتطق في دماغه ينقل مفيش مشكلة والقانون بيكفل له في الحاله دي الخلع ؟

افيدونا افادكم الله ..

[الجنيدى]

اعتقد ان القرار سيطبق على القادمون من هذا التاريخ وليس باثر رجعى..........