دول زرتها وانطباعاتى عنها

[عادل أبوزيد]

موضوع من جواهر محاورات المصريين ..... فقط نقبوا عن الجواهر هنا فى محاورات المصريين ، ستجدون الكثير مما يستحق أن يقرأ مرة و مرات .

نداء لأعضاء محاورات المصريين و خاصة الجدد منهم نقبوا فى محاورات المصريين و ستجدون كنوزا.

[dubai 2006]

فى الحقيقة اخر بلد زرتها ولغاية دلوقنى ماثرة فى هي ماليزيا........فعلاً تجربة ونموذج يجب ان تدرسه باقى الدول الاسلامية. حقيقى نموذج مشرف لدولة اسلامية قدرت توصل لهذه

الدرجة من التقدم والنظافة والانضباط.....ده غير جمال الطبيعة اللذى لا يصدق فمنذ ان تطأ بقدميك خارج أرض المطار تظل الاشجار والغابات تحيط بك من كل جانب....سبحان الله على

جمال الطبيعة هناك.

فى الحقيقة كان الواحد قلقان قبل ما يروح هناك من الجو الاستوائى والامطار التى تكاد تكون بغير توقف لكن بصراحة الواحد مكانش بيحس انها ماثرة على البرنامج اليومى بتاعه فى حاجة

لأن الدنيا عندهم مش بتغرق فى شبر مياه زى مصر........الارض بتنشف بعدها ولا كأنها كانت بتمطر من شوية.

المترو هناك كمان رائع تقدر تعتمد عليه في تنقلاتك مواعيده مضبوطة بالثانية....الناس بشوشة ومتعاونة جداً والبلد فعلاً مستعدة لاستقبال السياح بكل حفاوة.

البلد فعلاً فيها حاجات كتير قوى تتعمل انا قعدت فيها 5 ايام بس واعتقد انهم مش كفاية ولازم اروحها تانى.......