استشارة تعليمية

[enjisultan]

اولا ربنا ما يحرمنيش من نصايحكوا

مبدئيا احنا فى السعودية ونظرا لعدم استقرار الوضع هنا فمعرفتش ادخلها هنا انترناشونال سكول

فقمت سددت مصاريف مدرستها اللى فى مصر على ان تكون مسجلة فى اولى ابتدائى ولما نرجع يعملولها تقييم كدة وعلى هذا الاساس دفعت المصاريف هناك

المشكلة ان مامتى راحت عشان تتأكد من موضوع انها هتمتحن اى وقت ولا فى ميعاد الدور التانى (علما بانة هيستحيل نزولى قبل ميعاد الدور التانى)

المديرة المسئولة عن الابتدائى بلغتها انه جالهم من الادارة بيان بإلغلاء الدور التانى لاولى ابتدائى

وانها لازم تحضر امتحان الدور الاول وبغض النظر عن النتيجة فكل الطلبة ناجحين وساقطين بيطلعوا الصف التانى بس لازم الحضور

المهم يعنى عاشوا من الاخر دور الشرف وطب استنى حضرتك نسأل فى الادارة وحركات قرعة كدة لانهم ارديدى اخدوا الفلوس كلها

فى الاخر الوضع كالتالى اولى ابتدائى مالهاش امتحان فى السفارة وكمان مافش دور تانى ولو فية ولاد الحلال اللى هنا مش هيدونى الباسبور الا فى اول اغسطس

يعنى ممكن يعيدوا البنت السنة ولا اية اللى هيحصل ؟

بليز اللى عندوا نفس الموقف او يعرف معلومة او ازاى اتصرف يبقى كتر خيرة

[enjisultan]

....

[enjisultan]

?

[مروان]

?

مشكلة فعلا كان الله في عونك

بس اساليهم امكانية انك تطلعي شهادة مرضية بالايام اللي فاتت يمكن يعملوا استثناء

او يحاولوا بطريقة ما يثبتوا حضور البنت

المهم زني عليهم

لو هم شرفا كده كانوا بلغوك فور صدور القرار

ربنا معاك

[بنت وادى النيل]

ربنا معاكى

موضوع الدراسة دة بيتعب اعصابى جدا بس للاسف معنديش معلومة -

ارجو الاخوة يفيدوكى