طلب عاجل لمن عنده فكره .. بنتي كيجي في السعوديه وعاوزه اقدم لها في مصر

[doha]

السلام عليكم ورحمة الله وبركاته ..

عندي مشكلة ( مطيرة النوم من عيني ) من امبارح ..

دلوقت بنتي في كيجي ثري نظام انترناشونال في السعوديه .. بمعنى انها باذن الله المفروض السنة الجايه تدخل اولى ابتدائي ..

المشكلة ان برتب نفسي ان غالبا هدخلها المدرسة السنة الجايه باذن الله في مصر .. وكنت مخططه اما هدخلها نوتردام او التجريبية للغات والاثنين دول في نفس المربع السكني بتاعنا ..

الورطه الي تورطتها ان بما اننا نظام زياره مش اقامه فبنتي في المدرسة بشكل ( ودي ) يعني ملهاش ملف عندهم اصلا .. هم رفضوا استلام اي اوراق خاصه بيها وقالوا لما تستكملوا كل الورق هاتوه نعمل لها ملف .. تعثر موضوع استخراج اقامه لنا وبالتالي فمظنش هيبقى في امكانية ابدا انها تبقى مسجلة في المدرسة بشكل ( رسمي ) ..

الي مكنتش اعرفه وعرفته بعد ماسألت ان في مصر بيشترطوا امضاء سنتين كيجي قبل ماتدخل اولى ابتدائي .. بمعنى انها لو رجعت مصر هتنزل سنتين فتدخل اولى عمرها 8 سنوات !!!!

بصراحه انا اتبرجلت جدا .. فقلت اسألكم يمكن حد يكون عنده فكرة ممكن تفيدني ..

هل الكلام ده صحيح ولا مجرد ان عمرها 6 سنوات في بداية الدارسة وانها مذاكرة يعني ممكن يمتحنوها فده عادي يدخلها المدرسة ؟ ولا خلاص طالما مدخلتش من اول كيجي يبقى ملهاش مكان عندهم ولو بفلوس زياده او حتى " تبرع " ؟

الي فكرت فيه اني اجيب ورق من المدرسة يفيد انها مقيده حاليا في كيجي وانزل بيها مصر قبل نهاية التيرم واسجلها في اي مدرسة هناك بحيث تنتقل اوتوماتيك للسنة الاولى حتى لو اضطريت ادفع لها مصاريف المدرسة في مصر لعام اضافي .. هل الفكرة دي ممكن تحل المشكلة ؟

طيب لو كده ايه هي التوثيقات المطلوبه على ورقة زي دي ؟

ياريت حد يساعدني بمعلومه او فكره لان بجد الموضوع ده مضايقني لابعد الحدود وخايفه استقر على حاجه فيه ثم يثبت مستقبلا ان مينفعش ويكون الوقت فات لتعديلها ..

ياريت مشورتكم ..

[لونا]

الي فكرت فيه اني اجيب ورق من المدرسة يفيد انها مقيده حاليا في كيجي وانزل بيها مصر قبل نهاية التيرم واسجلها في اي مدرسة هناك بحيث تنتقل اوتوماتيك للسنة الاولى حتى لو اضطريت ادفع لها مصاريف المدرسة في مصر لعام اضافي .. هل الفكرة دي ممكن تحل المشكلة ؟

إزيك يا ضحى

كنت سمعت من ناس من حوالي سنتين أو تلاتة .. إنهم نزلوا قدموا لإبنهم في مدرسة تجريبي في مصر بعدما كان في kg2 في السعودية لنزولهم مصر إضطرارياً...

و اتقبَل على سن أقل من ست سنوات كمان ..

و ده لإن هناك تعليمات في مصر بقبول أبناء العاملين في الخارج في المدارس المصرية و لهم الأولوية .. يعني مش بيستنوا في الwaiting list

متهيألي لو عرفت تجيبي شهادة من المدرسة هنا تفيد إنها في kg 2 يبقى تقدميها للمدرسة في مصر بعد توثيقها من الملحق الثقافي.. و المدرسة هنا هي اللي بتعمل لك التوثيق

الكلام ده كان من مدة زي ما قلت لك .. فياريت تخلي حد يسأل لك في مصر وتتأكدي إن الكلام ده لسه ساري و لا لأ

و ربنا ييسر لك الأمور

[ابو حودة]

المصريون العائدون من الخارج :

1) قرار وزارى رقم (24) بتاريخ 22/1/1992 بشأن قواعد إلحاق الطلاب الوافدين بالمدارس المصرية والمنح الدراسية لهم وإلحاق الطلاب المصريين العائدين من الخارج بالمدارس المصرية.

2) قرار وزارى رقم (353) بتاريخ 4/11/1995 بشأن إعفاء طلاب مرحلة التعليم الأساسى (الحلقتين الابتدائية والإعـدادية ) من دراسة اللغة الأجنبية.

3) قرار وزارى رقم (266) بتاريخ 22/8/1996 بشأن قبول أبناء العاملين بالسلك الدبلوماسى بالمدارس المصرية فوق الكثافة.

4) قرار وزارى رقم (218) بتاريخ 29/5/1997 بشأن قواعد إلحاق الطلاب المصريين العائدين من الخارج بالمدارس الرسمية.

5) قرار وزارى رقم (410) بتاريخ 27/7/1999 بشأن تعديل المادة (39) من القرار الوزارى (24) لسنة 1992.

6) قرار وزارى رقم (43) بتاريخ 19/3/2004 بشأن تعديل المادة الثالثة من القرار الوزارى رقم (218) لسنة 97 وتعديلاته.

7) قرار وزارى رقم (67) بتاريخ 5/3/2007 بشأن مناظرة صفوف النقل فى الدول العربية بنظائرها فى جمهورية مصر العربية.

دي القرارات الوزارية المنظمة للمصريين العائدين من الخارج

وده رابط وزارة التربية والتعليم والقرار اللي باللون الاحمر اعتقد انه هو ده الخاص بحالتك ورينا يوفقك ان شاء الله

بس عرفينا عملت ايه في الموضوع ده لاني ممكن اكون في نفس الحالة السنة دي ابني في كي جي 2 وممكن انزل مصر نهائي

http://knowledge.moe.gov.eg/Arabic/Departm.../dep3/dep3v.htm

[doha]

الله يكرمكم يارب يالونا و ابو حوده ..

انا بصراحه مش عارفه عقلي مش عارف يفكر كويس في المشكلة دي .. لدرجه اني بفكر انزل مصر اقدم لها في اي مدرسة ولو كيجي ون حتى بس متروحش عليها سنتين بالشكل الفظيع ده ..

المشكلة مش عارفه هتعتبر ابناء عاملين ولا لاه .. والدها معاه اقامه سارية لكن هي جايه على تاشيرة زيارة والمشكلة ان التاشيرة لسه جديده طازه مبقالهاش اسبوعين تلاته يعني اخاف ( يتلككوا ) وميعترفوش بان من حقها المعاملة كأي شخص عائد من الخارج ..

دعواتكم ياجماعه ان يكون في حل كويس للمشكلة دي ..

ملاحظة : ياريت لو حد متاكد يفيدني بدقة في موضوع توثيق الشهاده او الافاده بالقيد هنا بتتوثق من جهات ايه بالظبط .. هل كلها جهات مصرية القنصلية مثلا او السفارة ولا في جهات سعوديه كمان بينطلب منها التوثيق .

تم تعديل 26 مارس 2010 بواسطة doha

[سكر]

والله انا بسبب الموقف دة عارفين بعمل ايه بس من غير ضرب

بدفع مصاريف المدرسه فى مصر والسعوديه

اة والله دافع مصارق المدرسه فى مصر والسعودية لابنى عشان لما يزل مصر مكونش فى ارف

[doha]

والله انا بسبب الموقف دة عارفين بعمل ايه بس من غير ضرب

بدفع مصاريف المدرسه فى مصر والسعوديه

اة والله دافع مصارق المدرسه فى مصر والسعودية لابنى عشان لما يزل مصر مكونش فى ارف

اهو ده عين العقل ولو ا عرف ان الكيجيهات اساسي في التعليم كنت عملت كده بس سبحان الله قدر وماشاء فعل مكنتش اتصور ابدا ان لازم تدخل كيجي بحسب ان تدخل على اولى مباشرة ..

ربنا يصلح الحال ..

[enjisultan]

والله انا بسبب الموقف دة عارفين بعمل ايه بس من غير ضرب

بدفع مصاريف المدرسه فى مصر والسعوديه

اة والله دافع مصارق المدرسه فى مصر والسعودية لابنى عشان لما يزل مصر مكونش فى ارف

كنت عايزة اعمل كدة واريح نفسى بس المشكلة ان اقامتى انا والبنات ما جتش غير من شهرين بس

المهم صح هين قرشك ولا تهينش نفسك والله نظرية احييك عليها

تقريبا يا ضحى مشكلتى قلبت عليك المواجع حسيت كدة فى موضوع الاستشارة التعليمية اللى اساسا ما حدش عبرنى فيه بس هو الاغلب ان اساسا

ماحدش قادر يفكر لنفسة بجد مواضيع التعليم الخاصة بالاطفال فرى ديستريسنج وبتدى احساس بالذنب مش طبيعى بس

الله المستعان عسى ان تكرة شئ وهو خير لكم وعسى ان تحبوا شئ وهو شرا لكم

هتتدبر وتقضى ولو بالفلوس لما تنزلى مصر ادفعى مصاريف لاى مدرسة كى جى 2 ان شا الله حتى من دلوقتى وخليهم يدوكى بيان انها كانت متقيدة عندهم كى جى على ما اظن

ما فيهاش مشكلة

ولا حتى تتطلع مشكلة ان شاء الله هتتحل برضة يعملوا للبنت تقييم احنا يعنى هنقطع نفسنا

انا ناوية استقتل فى مدرسة بنتى فى مصر بخصوص بنتى اللى فى ابتدائى فاعملى زىى

المسافرين دول وعيالهم غلابة بجد

يالا جود لك ليكوا ولينا ان شاء الله

[زهره]

السلام عليكم يا ضحى

شوفى انا لاقت

الموقع ده http://www.emigration.gov.eg/GovernmentalS.../Education.aspx

موجود عليه التسهيلات التي تمنح للمصريين العائدين عند إلحاقهم بالمدارس المصرية فور عودتهم من الخارج

فى حاله عدم وجود شهاده من مدرسه يكون فيه امتحان فى المنطقه التعليميه لتحديد المستوى

و يا رب اكون افدتك

[doha]

السلام عليكم يا ضحى

شوفى انا لاقت

الموقع ده http://www.emigration.gov.eg/GovernmentalS.../Education.aspx

موجود عليه التسهيلات التي تمنح للمصريين العائدين عند إلحاقهم بالمدارس المصرية فور عودتهم من الخارج

فى حاله عدم وجود شهاده من مدرسه يكون فيه امتحان فى المنطقه التعليميه لتحديد المستوى

و يا رب اكون افدتك

الله يسعدك يازهره يارب .. كلام يطمن شويه ..

جاري الاطلاع على الرابط وافصصه حته حته لعل اجد فيه رد اكيد ..

[enjisultan]

ربنا يكرمك زهرة انا كمان لقيت حاجات مهمة فى اللينك

[زهره]

شكر يا جماعه ربنا يكرم و يسعد الجميع ان شاء الله

ديه مداخله سابقه فى المنتدى عن اجراءات التوثيق للشهادات

http://www.egyptiantalks.org/invb/?showtopic=81046

[doha]

نسيت اقولكم معليش . . الحمد لله بنتي دخلت المدرسة وانتظمت في الدراسة من اسبوع تقريبا ..

كانت تجربة مريرة نشفت دمي وانا بدور لها على مدرسة وكل المدارس رافضة تقبلها بحجة ان مفيش مكان وانهم محكتفيين من سنين فاتت ..

على كل حال وعشان محدش يدوخ الدوخة الي دختها فنصيحه لاي حد تضطره الظروف انه يرجع باولاده مصر في السنة الاولى الابتدائي انه يراعي الآتي ..

1. يكون معاك شهاده موثقة من المدرسة الي كان فيها الطفل في الخارج والتوثيق ده يعني توثيق اولا الادارة التعليمية في السعودية ثم الخارجية السعودية اضافة لختم السفارة المصرية على كل دول ..

2. الشهاده المطلوبة من المدارس الانترناشيونال هي عباره عن شهاده بدرجات المواد ( باللغه الانجليزية ) . وطبعا فيها مايفيد ان الطالب ناجح ومنقول للصف التالي ..

3.القانون ان اي شخص عائد من الخارج من حقة يلحق ابناءه بالصف الموازي الي كانوا فيه بشكل طبيعي تماما وذلك عن طريق الادارة التعليمية في التابع لها المدرسة .. ماعدا الصف الاول الابتدائي .. ده له تنسيق لوحده زي مابيقولوا .. بمعنى ان محدش يقدر يجبر المدرسة على قبول او عدم قبول طفل في الصف الاول الابتدائي بالذات بينما يمكن هذا لاي مرحلة تعليمية اخرى طالما هنالك شهادات موثقة تفيد تسجيل الطالب بالمرحلة دي ..

4. المدارس الخاصة لا تقبل الا الطلبة المقيدين لديها في مرحلة الكيجي وذلك لانها محدوده ( بكثافة ) معينة وكلهم ابدوا اسفهم اننا لم نلحق البنت في الكيجي عندهم ( بشكل صوري ) وندفع المصاريف سنة بسنة حتى لو لم تحضر المهم انها ( تحجز مكان ) وبالمناسبة لما عرضنا عليهم ياخذوا تكاليف السنتين الي فاتوا دول رفضوا على اساس ان دي ( اوامر ) بعدم قبولهم اي طالب زائد عن العدد المحدد وبالتالي فهي ملهاش مكان.. طبعا ده بالنسبة للمدارس الخاصة ( النظيفة ) الي عليها اقبال لكن بعض المدارس الخاصة بيكون عندها مكان

5. المدارس الحكومية ممكن تقبل اي عدد وفيها دائما مكان بس لازم يتم التقديم في خلال شهري ستة وسبعه من كل عام وبعدها بيغلق باب القبول .. طبعا منصحش ابدا حد يدخل ابنائه حكومي لكن لو زنقت اوي فممكن على ان يتم نقل الطالب في السنة الي بعدها لاي مدرسة تانية لان النقل على حسب ماسمعت اسهل كتير من التسجيل ..

ممكن يكون في استثناء لاي حد تسعده الظروف ويكون عنده واسطه كويسه اما من المحافظ او وكيل الوزارة وفي الحالة دي يحصل على ( استثناء ) سواء بقى بالكثافة ودي صعبه ومحتاجه واسطه جامده او بالموعد ( للحكومي ) ودي سهله الناس كلها بتاخذها تقريبا او بالسن ودي مش عارفه ظروفها لان بنتي كانت مستوفية السن القانوني (ست سنوات على الاقل في الاول من اكتوبر الي الطفل هيدخل فيه سنة اولى ) .

6. المدارس الحكومية التجريبية تشترط ان يكون الطالب قضى سنتين في الكيجي اللغات عشان تقبله وعليه لو الطفل متسجل في الخارج في مدرسة انترناشونال فممكن يكون له نصيب في دخول التجريبية طبعا ان كان عندهم مكان ..

7 . الكل اجمع ان المدارس مفيهاش تعليم وكده كده هتدي دروس او تقوم بنفسك بالتدريس لطفلك بس المهم انه يكون ( مسجل ) في مدرسة ما عشان تبقى ماشي نظامي ..

ملخص ماسبق ..

الي مش متاكد من ظروفه في السعوديه يسجل لابناءه في مدرسة في مصر ولو حكومي حتى ويدفع المصاريف كل سنة ويتفق معاهم ان الطفل مش هيحضر ولو حكمت يذاكر له في البيت مش هتفرق كتير المهم الورق يكون سليم والاجراءات قانونية .. طبعا في السنوات الاولى بس وبعد كده يقرر يكمل برا بس ولا يرجعهم مصر ..

تم تعديل 24 سبتمبر 2010 بواسطة doha

[solimady]

نسيت اقولكم معليش . . الحمد لله بنتي دخلت المدرسة وانتظمت في الدراسة من اسبوع تقريبا ..

كانت تجربة مريرة نشفت دمي وانا بدور لها على مدرسة وكل المدارس رافضة تقبلها بحجة ان مفيش مكان وانهم محكتفيين من سنين فاتت ..

على كل حال وعشان محدش يدوخ الدوخة الي دختها فنصيحه لاي حد تضطره الظروف انه يرجع باولاده مصر في السنة الاولى الابتدائي انه يراعي الآتي ..

1. يكون معاك شهاده موثقة من المدرسة الي كان فيها الطفل في الخارج والتوثيق ده يعني توثيق اولا الادارة التعليمية في السعودية ثم الخارجية السعودية اضافة لختم السفارة المصرية على كل دول ..

2. الشهاده المطلوبة من المدارس الانترناشيونال هي عباره عن شهاده بدرجات المواد ( باللغه الانجليزية ) . وطبعا فيها مايفيد ان الطالب ناجح ومنقول للصف التالي ..

3.القانون ان اي شخص عائد من الخارج من حقة يلحق ابناءه بالصف الموازي الي كانوا فيه بشكل طبيعي تماما وذلك عن طريق الادارة التعليمية في التابع لها المدرسة .. ماعدا الصف الاول الابتدائي .. ده له تنسيق لوحده زي مابيقولوا .. بمعنى ان محدش يقدر يجبر المدرسة على قبول او عدم قبول طفل في الصف الاول الابتدائي بالذات بينما يمكن هذا لاي مرحلة تعليمية اخرى طالما هنالك شهادات موثقة تفيد تسجيل الطالب بالمرحلة دي ..

4. المدارس الخاصة لا تقبل الا الطلبة المقيدين لديها في مرحلة الكيجي وذلك لانها محدوده ( بكثافة ) معينة وكلهم ابدوا اسفهم اننا لم نلحق البنت في الكيجي عندهم ( بشكل صوري ) وندفع المصاريف سنة بسنة حتى لو لم تحضر المهم انها ( تحجز مكان ) وبالمناسبة لما عرضنا عليهم ياخذوا تكاليف السنتين الي فاتوا دول رفضوا على اساس ان دي ( اوامر ) بعدم قبولهم اي طالب زائد عن العدد المحدد وبالتالي فهي ملهاش مكان.. طبعا ده بالنسبة للمدارس الخاصة ( النظيفة ) الي عليها اقبال لكن بعض المدارس الخاصة بيكون عندها مكان

5. المدارس الحكومية ممكن تقبل اي عدد وفيها دائما مكان بس لازم يتم التقديم في خلال شهري ستة وسبعه من كل عام وبعدها بيغلق باب القبول .. طبعا منصحش ابدا حد يدخل ابنائه حكومي لكن لو زنقت اوي فممكن على ان يتم نقل الطالب في السنة الي بعدها لاي مدرسة تانية لان النقل على حسب ماسمعت اسهل كتير من التسجيل ..

ممكن يكون في استثناء لاي حد تسعده الظروف ويكون عنده واسطه كويسه اما من المحافظ او وكيل الوزارة وفي الحالة دي يحصل على ( استثناء ) سواء بقى بالكثافة ودي صعبه ومحتاجه واسطه جامده او بالموعد ( للحكومي ) ودي سهله الناس كلها بتاخذها تقريبا او بالسن ودي مش عارفه ظروفها لان بنتي كانت مستوفية السن القانوني (ست سنوات على الاقل في الاول من اكتوبر الي الطفل هيدخل فيه سنة اولى ) .

6. المدارس الحكومية التجريبية تشترط ان يكون الطالب قضى سنتين في الكيجي اللغات عشان تقبله وعليه لو الطفل متسجل في الخارج في مدرسة انترناشونال فممكن يكون له نصيب في دخول التجريبية طبعا ان كان عندهم مكان ..

7 . الكل اجمع ان المدارس مفيهاش تعليم وكده كده هتدي دروس او تقوم بنفسك بالتدريس لطفلك بس المهم انه يكون ( مسجل ) في مدرسة ما عشان تبقى ماشي نظامي ..

ملخص ماسبق ..

الي مش متاكد من ظروفه في السعوديه يسجل لابناءه في مدرسة في مصر ولو حكومي حتى ويدفع المصاريف كل سنة ويتفق معاهم ان الطفل مش هيحضر ولو حكمت يذاكر له في البيت مش هتفرق كتير المهم الورق يكون سليم والاجراءات قانونية .. طبعا في السنوات الاولى بس وبعد كده يقرر يكمل برا بس ولا يرجعهم مصر ..

طيب أنا عندى سؤال

أنا عايش فى صلاله بسلطنة عمان ودافع لبنتى فى كى جى تو فى مصر وهيه حضرت كى جى وان فى مصر ودلوقت فتحت مدرسه انترناشونال جامده قوى هنا فى صلاله المدرسه دى عامله تعاون مع جامعة كامبريدج ومصاريفها معقوله

السؤال بقه أنا بافكر مادفعش السنه اللى جايه اللى هيه جونيور وان أو الصف الاول فى مصر و أدفع فى الأنترناشونال اللى هنا و أكمل فيها على طول ياترى ده يعملى مشكله ولا لأ ؟

وألف شكر

[doha]

طيب أنا عندى سؤال

أنا عايش فى صلاله بسلطنة عمان ودافع لبنتى فى كى جى تو فى مصر وهيه حضرت كى جى وان فى مصر ودلوقت فتحت مدرسه انترناشونال جامده قوى هنا فى صلاله المدرسه دى عامله تعاون مع جامعة كامبريدج ومصاريفها معقوله

السؤال بقه أنا بافكر مادفعش السنه اللى جايه اللى هيه جونيور وان أو الصف الاول فى مصر و أدفع فى الأنترناشونال اللى هنا و أكمل فيها على طول ياترى ده يعملى مشكله ولا لأ ؟

وألف شكر

هو على حسب معلوماتي فالتسجيل في اي مدرسة خارج مصر ملوش علاقه نهائيا بالمدرسة في مصر يعني مش هيعاكس معاك انك تسجلها جوا وبرا غير في المصاريف .

بنتك كده ( حاجزة ) مكان في مدرسة مصر فلو انت واثق انك مش راجع السنة دي باذن الله خلاص متدفعش مصاريف مصر لكن لو الموضوع لا قدر الله مش مستقر فلا غنى انك تدفع لها المصاريف في مصر السنة دي على الاقل لغايه ماتروح ثانية ابتدائي اعتقد وقتها سهل لو رجعت في اي وقت انك تقدم لها في اي مدرسة في مصر .. بس اجمالا لو انت حاطط عينك على مدرسة معينة ومصر ان بنتك تكون فيها فالافضل انك تستمر في دفع المصاريف وامرك الى الله وفي الاول والآخر المدرسة في المكان الي هي مقيمة فيه اهم من وجهة نظري من المدرسة في مصر طالما انها غالبا مش هترجع دلوقت .. اختلاط الطفل باقرانه اهم مليون مرة من التعليم في ذاته فكده كده دخلها مدرسة عندك في سلطنة عمان واستخير برضه بخصوص مدرسة مصر فزي ماقلت لك قانونا هي تقبل في اي مدرسة وقت ماترجع مفيش مشكلة بس المشكلة في ان المدارس ( بتتنك ) وتقول مفيش اماكن ..

[solimady]

طيب أنا عندى سؤال

أنا عايش فى صلاله بسلطنة عمان ودافع لبنتى فى كى جى تو فى مصر وهيه حضرت كى جى وان فى مصر ودلوقت فتحت مدرسه انترناشونال جامده قوى هنا فى صلاله المدرسه دى عامله تعاون مع جامعة كامبريدج ومصاريفها معقوله

السؤال بقه أنا بافكر مادفعش السنه اللى جايه اللى هيه جونيور وان أو الصف الاول فى مصر و أدفع فى الأنترناشونال اللى هنا و أكمل فيها على طول ياترى ده يعملى مشكله ولا لأ ؟

وألف شكر

هو على حسب معلوماتي فالتسجيل في اي مدرسة خارج مصر ملوش علاقه نهائيا بالمدرسة في مصر يعني مش هيعاكس معاك انك تسجلها جوا وبرا غير في المصاريف .

بنتك كده ( حاجزة ) مكان في مدرسة مصر فلو انت واثق انك مش راجع السنة دي باذن الله خلاص متدفعش مصاريف مصر لكن لو الموضوع لا قدر الله مش مستقر فلا غنى انك تدفع لها المصاريف في مصر السنة دي على الاقل لغايه ماتروح ثانية ابتدائي اعتقد وقتها سهل لو رجعت في اي وقت انك تقدم لها في اي مدرسة في مصر .. بس اجمالا لو انت حاطط عينك على مدرسة معينة ومصر ان بنتك تكون فيها فالافضل انك تستمر في دفع المصاريف وامرك الى الله وفي الاول والآخر المدرسة في المكان الي هي مقيمة فيه اهم من وجهة نظري من المدرسة في مصر طالما انها غالبا مش هترجع دلوقت .. اختلاط الطفل باقرانه اهم مليون مرة من التعليم في ذاته فكده كده دخلها مدرسة عندك في سلطنة عمان واستخير برضه بخصوص مدرسة مصر فزي ماقلت لك قانونا هي تقبل في اي مدرسة وقت ماترجع مفيش مشكلة بس المشكلة في ان المدارس ( بتتنك ) وتقول مفيش اماكن ..

ألف شكر على أهتمامك وردك عليه

ربنا يعمل اللى فيه الخير