براءة اختراع مصرية

[مصر عشقى]

بعد عجز كل رجال المرور واشباههم عن ادارة المرور فى الميادين والتقاطعات لم يجدوا حلا سوى الغاء الميادين والتقاطعات نهائيا

مثلا ميدان الطيران- امام نادى الجلاء- لم يعد ميدانا بل حولوة الى شيئ ليس لة اسم فلنسمية ( شمبرلاح )- فشكلة فعلا شديد الشبة بالشمبرلاح

ومحدش يسالنى ما هو الشمبرلاح - فلأننى لا اعرف الشمبرلاح وجدتة شديد الشبة الغريب الذى تحول لة الميدان - المهم ان هذا الشمبرلاح يدفعك الى الدوران فى بعض اذرع اخطبوطيةتجعلك تدور وتدور ولا تعرف كيف تصل الى هدفك

واهم ما يميز الشمبرلاح عدم وجود يافطة توحد ربهاتعرفك السكة منين

ومثال اخر تجدة فى شمبرلاح سفنكس - ميدان سفنكس سابقا -الذى تدخلة صباحا لتخرج منة مع غروب الشمس،والذى كانت لى معة تجربة مؤلمة، فقد كنت متجها الى جامع مصطفى محمود ووجدت نفسى فى امبابة ، ثم رجعونى ولاد الحلال الى سفنكس مرة اخرى ، وبعد ان دوخت السبع دوخات، ودخلت من مطرح ما طلعت ، وعديت على مقلة اللب اربع مرات، :ونجحت فى الخروج من الشمبرلاح المذكور وعساكر المرور بيغنولى : مع السلامة يا ابو عمة مايلة clp:: clp:: clp:: clp:: clp::

[linux]

مرات، :ونجحت فى الخروج من الشمبرلاح المذكور وعساكر المرور بيغنولى : مع السلامة يا ابو عمة مايلة clp::  clp::  clp::  clp::  clp::

وسع .. وسع ..وسع ..وسع ..

أنا أزق الطاره و أضرب ميت بمبه

دنا الاسطى عماره من ضرب شكمبه

صيتى من القلعة لسويقة الالا

أنا واخد السمعه

ياترى الشمبرلاح بتاع رمسيس برضه سيئ للدرجه يا ريس حنتيره؟

أخوك،

السمك المقلى كل و برق لي... صنف زي الفل

[أسامة الكباريتي]

الصورة مش بالعتامة دي ..

كل مافي الموضوع ان الازدحام الشديد في الشوارع السالكة أوحى لعباقرة المرور باختلاق نقاط اختناق يتسلى خلالها من يوقعه حظه في أي من هذه المواقع المنتقاة بعناية فائقة ..

المهم ان الفلهوي هو اللي بيعرف يسلك منها بأقل الخسائر ..

شوف عندك ..

تبقى ماشي في شارع مزدوج بعرض 50 أو 60 متر بأمان الله .. وفي الاتجاه السليم .. وفي حدود السرعة المسموح بها (ما يسمح به الازدحام) تلاقي واحد جايلك في وشك بيسابق الريح .. وبيبرقلك بأنواره في وضح النهار .. يعني وسع ياغبي .. ايه اللي جابك قدامي .. مش شايفني باختصر الطريق !!

تمشي كيلومتر لقدام فتكتشف ان أخينا معاه حق .. فالطريق بيودى لواحدة من النقاط المشار إليها أعلاه .. وياويلك لو غلطت ووولجت فيها زي ما فعل صاحب الموضوع .. حتشتري مقلة اللب وتخلص على البن اللي في القهوة الل جمبيها .. وفي النهاية تستأجر فهامة تدلك على المخرج من هذا المأزق الاستراتيجي ..

الحل بسيط .. غاية في البساطة ..

نرجع للكاريتة والحنطور .. حاجة آخر شياكة ..

تتمشى بيها على مهلك .. والبغل اللي يجر الحنطور أدرى مني ومنك في طرق الوصول إلى الهدف بعيدا عن الرادار والمخالفات ..

وكله يسلك ..

[مصر عشقى]

كل واحد فى الشارع مقتنع انة بيسوق كويس وان كل الناس التانية بقر، ومستحيل تقنع اى حد انة غلطان

يعنى مثلا تلاقى واحد ماشى بالعكس فى شارع رئيسى ويزعق لك علشان موسعتش لة الطريق، طبعا دمك هيفور وتبقى عاوز تنزل تلطشة،بس لو عملت كدة تبقى هتتخانق 3 مرات كل يوم على الاقل , علشان كدة بريح اعصابى والتزمت بمبدأانى اقول ان ان كل الناس على حق وان انا اللى وحش، مثلا صاحبنا اللى ماشى بالعكس عندة حق ،معقولة يعنى هيمشى 2 كيلو علشان مفيش فيش فتحة فى الجزيرة ادام بيتهم ؟ لا طبعا، يمشى بالعكس 100متر احسن ،وطبعا مفروض انى اراعى شعورة وانة قلقان علشان ماشى بالعكس ، ولازم اوسع لة السكة .صح ؟

طيب لو معرفتش اوسع لة علشان ورايا عربيات وجنبى عربيات

ولقيت نفسى فى وشة ؟

لازم اتصرفان شالله اطلع على الرصيف حتى ،الراجل مزنوق يا جماعة

وهذة الطريقة ناجحة جدا فى تفادى المشاكل وحلها مثلا :

فى يوم نزلت من على الرصيف علشان اعدى الشارع، وعادى ان يكون فية عربيات راكنة ، فعديت بين عربيتين ، وفجأة واحدة منهم بدأت ترجع للخلف والسواق مش باصص وراة خالص، كنت هتعمل سندوتش كفتة بين العربيتين، خبطت على شنطة العربية بعنف، فوقفت فى اخر ثانية ، بس السواق اتخض يا كبد أمة ، طلع دماغة من الشباك وفتح الجاعورة:

انت يا بهيم ، مش تفتح قبل ما تعدى؟

طبعا الوضع الطبيعى ان العن سلفسيل جدودة- الا صحيح يعنى اية الكلمة دى ؟واسبخ اللى جابوة والواحد لسانة متبرى منة ،

وبعدها خناقة والباقى مفهوم ، وافتكرت القانون الذهبى ( انا وحش ) فرحت جنب الشباك بتاعة وانحنيت بوسطى كلة معتذرا

انا اسف جدا يا فندم ، انا وحش ،المرة الجاية لما اكون عاوز انتحر هدور على عربية تانية غير عربية سعادتك اوسخها بدمى

الراجل تنح ، ونظر الى بذهول كأنة شاف فيل بيزغزغ نملة

وسأل بارتباك انت مش شافنى برجع ورا ؟

لا والله يا فندم انا كنت ورا عربية سعادتك لما بدأت ترجع انا اسف انى جرحت شعورها لما خبطت على الشنطة جامد علشان تاخد بالها وتقف

ابتسم الرجل وهو مرتبك لدرجة انة صعب على ، ونزل من سيارتة معتذرا ( يظهر الناس بتتخض اما تلاقى واحد مش بيتخانق ) والمفجأة هى اكبر سلاح فى الحرب

تم تعديل 27 مارس 2004 بواسطة مصر عشقى

[ايقاع خليجي]

يا اخوه ..

انت في مصر مش محتاجين لتقاطعات ولا لدورات ..

انت محتاجين لشي .. مثل الجسور المعلقة للسيارات ..

او جسور علوية للدراجات الهوائية .

وهناك الكثير من الحلول بس لو الحكومة تتحرك شوي .

والله يعينكم على الزحمة ..

[White heart]

مصر عشقى كتب:

..اهم ما يميز الشمبرلاح عدم وجود يافطة توحد ربهاتعرفك السكة منين

يا عالم بطلوا افترا بقى على الحكومه!

امال دى ايه؟؟!

[Hassan]

طب حد يصدق ان دى صورة شارع سليمان باشا فى عز الضهر (صورة من اوراق ابى رحمة الله علية طبعا فى الاربعينات تقريبا لم يكن هناك تاريخ خلف الصورة او الاعلان).

تم تعديل 28 مارس 2004 بواسطة Hassan

[se_ Elsyed]

حسن أنا في حاجة عايز أسأل عنها معليش لأن الحاجات دي بتفرق معايا ..

هما 60 غرفة ولا مؤخذه 20 حمام بس ؟... يعني كل 3 أوض بيخمسوا في حمام ... ويا ترى لو كانت غرفتي من غير حمام أروح عند الجيران اللي جنبي ولا أعمل أيه بالظبط ؟

ولا يمكن زي اللوكاندات النص لبه الحمامات كلها بتبقى في الطرقه والصبح تلاقي الناس واقفه طوابير مستنيه دورها في مشهد يتكاتف فيه الجميع ويقفوا جنب بعض في زنقتهم ...

[Hassan]

عزيزى س س

انا مقدر احتياجنا الشديد للحمامات فى الايام دى و بالذات لما نسمع اخبار زى مؤتمر القمة و الجامعة العربية و الحكام العرب....بس انا عندى احساس ان المبنى دة مازال موجود( مفيش حاجة بتتهد فى وسط البلد على ما اعتقد) انا لو كنت فى مصر كنت خطفت رجلى الى العنوان دة و صورتلك المبنى من الداخل عشان تطمئن... :D :lol: استنى لما انزل اجازة mf-: