رُب صدفة خيرٌ من الف ميعاد

[رضوي]

السلام عليكم ورحمة الله وبركاته

اخواتي واخواني الأعزاء

بتلعب الصدفة دور كبير في حياه كل منا ................ ساعات بالصدفة بتتغير حياتك كلها ......... بتتجه اتجاه معين

بتعرف حاجة ماكنتش عارفها ......... بتفتح ادامك فرص ماكنتش واخد بالك منها

كام واحد مننا غيرت الصدفة طريق حياته .............. وخلته يمشي في طريق مختلف ؟؟

عايزين كل واحد يدخل يقولنا علي صدفة حصلت معاه ......... خلته يفكر باسلوب مختلف

غيرت نظام حياته

لعبت معاه دور في تغيير مساره

........الخ

عايزين نتكلم عن الصدفة في حياتنا

ازاي بتحصل

وبتكون مترتبة ترتيب دقيق جداً ......... لدرجة اننا لو حبينا نرتبها بالدقة دي مش هنقدر

يلا مستنين حكاويكم

تحياتي

[سهران]

السلام عليكم و رحمة الله و بركاته

طبعا الأمور تجري بالمقادير لكن بالنسبة لرؤيتنا و ما أصطلحناه بأسم (الصدفة ) تسببت في علامات فارقة في حياتي

بالنسبة للعمل و بالنسبة للجواز كمان .

هاتكلم عن العمل ... و خلي الجواز بعدين لمّا أفوقله لأن المدام ممكن ( تقفشني ) و أنا باحكي

أتجوزتها أزاي بالصدفة :ninja:

بعد تخرجي من الجامعة دخلت الجيش كالعادة .... قبل ما أخلص فترة التجنيد بشهر أتصل بي

صديق و زميل دراسة قاللي في أعلان عن أنتر فيو بكرة لأختيار محاسبين للسفر للسعودية

قلتله انا عمري ما فكرت في السفر ... و بعدين أنا لسة في فترة التجنيد و ناوي أستجم شهر

أجازة راحة تامة و بعدين أبتدي أفكر هاعمل أيه .... المهم أعتذرتله و أعتقدت أن الموضوع خلص .

تاني يوم الصبح لقيته ناطط فوق دماغي و بيصحيني من النوم و بيزن أني لازم أروح معاه نجرب

و مش هانخسر حاجة و أهي تجربة ..... قمت معاه على مضض و دخلنا المقابلة و أتمشينا شوية

و روحت .... تاني يوم تجيني مكالمة أستدعاء لتوقيع العقد و تم أختيار محاسب واحد ... و أتذكر

ساعتها حيرتي الشديدة لأني لم أكن مستعد نفسيا لهذه الخطوة و لم أخطط لها على الأطلاق .

الكلام ده كان في بداية التسعينيات و طبعا غير مجرى حياتي تماما .

أيقنت بعدها تماما أن الله سبحانه و تعالى بيده ملكوت السماوات و الأرض و الأمور تجري بالمقادير .

[رضوي]

السلام عليكم و رحمة الله و بركاته

طبعا الأمور تجري بالمقادير لكن بالنسبة لرؤيتنا و ما أصطلحناه بأسم (الصدفة ) تسببت في علامات فارقة في حياتي

بالنسبة للعمل و بالنسبة للجواز كمان .

هاتكلم عن العمل ... و خلي الجواز بعدين لمّا أفوقله لأن المدام ممكن ( تقفشني ) و أنا باحكي

أتجوزتها أزاي بالصدفة :ninja:

بعد تخرجي من الجامعة دخلت الجيش كالعادة .... قبل ما أخلص فترة التجنيد بشهر أتصل بي

صديق و زميل دراسة قاللي في أعلان عن أنتر فيو بكرة لأختيار محاسبين للسفر للسعودية

قلتله انا عمري ما فكرت في السفر ... و بعدين أنا لسة في فترة التجنيد و ناوي أستجم شهر

أجازة راحة تامة و بعدين أبتدي أفكر هاعمل أيه .... المهم أعتذرتله و أعتقدت أن الموضوع خلص .

تاني يوم الصبح لقيته ناطط فوق دماغي و بيصحيني من النوم و بيزن أني لازم أروح معاه نجرب

و مش هانخسر حاجة و أهي تجربة ..... قمت معاه على مضض و دخلنا المقابلة و أتمشينا شوية

و روحت .... تاني يوم تجيني مكالمة أستدعاء لتوقيع العقد و تم أختيار محاسب واحد ... و أتذكر

ساعتها حيرتي الشديدة لأني لم أكن مستعد نفسيا لهذه الخطوة و لم أخطط لها على الأطلاق .

الكلام ده كان في بداية التسعينيات و طبعا غير مجرى حياتي تماما .

أيقنت بعدها تماما أن الله سبحانه و تعالى بيده ملكوت السماوات و الأرض و الأمور تجري بالمقادير .

الفاضل سهران

أكيد هي دي الصدف اللي بتغير حياتنا ............... وماهي اولا واخيراً الا ارادة الرحمن ........ أو مانطلق عليه النصيب والقدر

والصدفة احلي حاجة فيها دقتها وترتيبها ............ من غير مانكون عاملين حسابها اصلاً ......... فهي مشئية الخالق سبحانه وتعالي

في انتظار صدفة تعارفك علي زوجتك .................. :lol:

[رضوي]

هبدأ حكاية واقعية حصلت بالصدفة

بصراحة هي حكاية صديقة عزيزة جداً علي قلبي

في يوم من الايام كانت في طريقها الي الجامعة .......... وطلبت من أصدقائها ان ينتظروها للذهاب الي الجامعة معاً

ولكنها تأخرت عليهم قليلاً فقعدوا يتصلوا بيها ع الموبايل ويستعجلوها ............ وهي بتعدي الشارع ...... الموبايل رنّ ......... فبتبص ع الموبايل تشوف مين المتصل ............... وفجأة

عربية مسرعة اصتدمت بيها .................... أن آن آآآآآآآآآآن ( موسيقي تصويرية )

كان قائد العربية دي شاب في طريقه للعمل وهو سايق انشغل بالنظر في المرآة الخلفية علي احد المحلات التجارية

المهم

وقعت صاحبتنا ع الارض ........وفقدت الوعي

حملها الشاب الهمام ....... وجري علي أقرب مستشفي .......... اصيبت بكسر في احد ساقيها .......فانتظر بجوارها الي أن أفاقت وتم عمل الازم ........ واتصل بأهلها عن طريق الموبايل بتاعها ...... واخد رقم الموبايل وبقي يتصل بيها من الحين للاخر للاطمئنان علي صحتها

وبما ان صاحبتنا كانت في السنة النهائية في الجامعة ..............انشغلت فترة بمذاكرتها ودروسها

ويوم ظهور النتيجة النهائية

اتصل بيها الشاب الهمام ........... وبارك لها علي التخرج ........ طالباً منها تحديد ميعاد لمقابلة والدها للتقدم لخطبتها .......وتم زفافهما وسط حفل عائلي بهيج ......... وسافرت مع زوجها للخارج

شوفتوا ازاي حادثة قصدي صدفة غيرت حياة البنت .............. تماما :ninja:

[shiko]

تصفيق حااااااااد ...طرح جرىء وموفق ...يا رضوى ....

نقطة اضافية لنون النسوة .........

بجد انا شايفة الموضوع يستاهل التفحيص والتمحيص ...فى حياتنا ...

هاتلاقى ان الصدفة...هى سر فى كل تفاصيل حياتنا ...

ابتداءا من الميلاد حتى اختيار الزوج (ة) لحد اختيار اسماء الاولاد مرورا ..بالتعليم والعمل ...ودخولاً فى ادق التفاصيل الحياتية .

ده حتى حليم قالها ...صدفة قابلتلك.........

ندخل بقى فى الموضوع "الصدفة"....بصى يارضوتى ..يا جميلة ..

.بما انك واحدة من افراد عصابة البنات يبقى اكيد عارفة ان الصدفة دى عامل رئيسى ومؤسس فى حياتى ...

وعلشان اتكلم فى الموضوع ده ...انا هارصلكم رصة حلوة ...هاروح اوضبها وارجعلكم ..استنونى...راجعة ...اوعوا تروحوا فى اى حتة ... :ninja:

انا ناوية اقيم فى التوبيك ده ....ممكن نجرى فى اوراق الاقامة ازاى يا ريا ؟؟؟

[رضوي]

تصفيق حااااااااد ...طرح جرىء وموفق ...يا رضوى ....

نقطة اضافية لنون النسوة .........

بجد انا شايفة الموضوع يستاهل التفحيص والتمحيص ...فى حياتنا ...

هاتلاقى ان الصدفة...هى سر فى كل تفاصيل حياتنا ...

ابتداءا من الميلاد حتى اختيار الزوج (ة) لحد اختيار اسماء الاولاد مرورا ..بالتعليم والعمل ...ودخولاً فى ادق التفاصيل الحياتية .

ده حتى حليم قالها ...صدفة قابلتلك.........

ندخل بقى فى الموضوع "الصدفة"....بصى يارضوتى ..يا جميلة ..

.بما انك واحدة من افراد عصابة البنات يبقى اكيد عارفة ان الصدفة دى عامل رئيسى ومؤسس فى حياتى ...

وعلشان اتكلم فى الموضوع ده ...انا هارصلكم رصة حلوة ...هاروح اوضبها وارجعلكم ..استنونى...راجعة ...اوعوا تروحوا فى اى حتة ... :lol:

انا ناوية اقيم فى التوبيك ده ....ممكن نجرى فى اوراق الاقامة ازاى يا ريا ؟؟؟

يامحاسن الصدف

شيكو شيكو

تم استخراج كل الأوراق المطلوبة للاقامة في التوبيك .............. كمان حجزنالك سويت علشان تاخدي راحتك ع الآخر ........ رصي بقي رصتك وادخلي بقلب جامد كدة .......... واجكي ياشهرزاد ............

في انتظارك ياحياتي

[الباشمهندس ياسر]

اتصل بيها الشاب الهمام ........... وبارك لها علي التخرج ........ طالباً منها تحديد ميعاد لمقابلة والدها للتقدم لخطبتها .......وتم زفافهما وسط حفل عائلي بهيج ......... وسافرت مع زوجها للخارج

شوفتوا ازاي حادثة قصدي صدفة غيرت حياة البنت .............. تماما :happy:

عقبال ربنا ما يكرم الجروب كله بحوادث .. قصدي بصدف

:lol:

[مغتربة]

فى يوم من ذات اليواميم

لقيت اعلان عن وظائف شاغره

و كنت بعد التخرج بحاجه بسيطه

اتصلت بصحباتى و رحنا فوج كامل و قدمنا مع بعض و اخدوا مننا الابلكيشن و قالولنا هنتصل بيكم

مرت الايام و الليالى و لا حد عبرنا و احنا كلنا قلقنا

و مكان الشغل كان بعيد جدا فتحاورت انا مع صحباتى فى مين الى يتطوع يروح يسال لينا حصل ايه ( الشغل ده كان نشاط لسه هيبدء و مكنش لسه فيه اي تليفونات هناك )

المهم كل واحد كسلت و رمت على التانيه لغايه ما الروحه وقعت فى حظى و نصيبى

المهم روحت انا و ماما و ماما الى وصلتنى بالعربيه و استن بره و انا دخلت اسال

لما دخلت للاتش ار الى عمل لنا الانترفيوا

قوم ايه بقى الى حصل

الى حصل ان الراجل دا فى اليوم دا بالذات اتكومله شغل كتيير جدا فجاه و احتاج اى حد يساعده بس مكنش لسه اى حد متعين معاه

فلما شافنى سالنى سؤال محدد

مستعده تبدءى من النهارده

انا طبعا من غير تفكير قولتله ايوه طبعا

الى خلاص استلمى الشغل دلوقتى

قولتله ثانيه واحده اطلع اقول لماما

و فعلا طلعت قولت لماما روحى دلوقتى لانى اتععينت و فعلا روحت و فضلت انا

فاضل اقول لكم ان ولا واحده بعد كده من صحباتى اتعينوا رغم انى حاولتلهم و الله

لكن كل التعينات بعد كده بقت بالواسطه و المعرفه و محدش تعين بعد كده من غيرهم ابدا

و فضلت فى المكان دا خمس سنين

ايه الى خلانى اروح فى اليوم دا بالذات و ايه الى خلا الراجل بتاع الاتش ار يطلعله شغل كتير جدا كده مره واحده

سبحان الله

[رضوي]

اتصل بيها الشاب الهمام ........... وبارك لها علي التخرج ........ طالباً منها تحديد ميعاد لمقابلة والدها للتقدم لخطبتها .......وتم زفافهما وسط حفل عائلي بهيج ......... وسافرت مع زوجها للخارج

شوفتوا ازاي حادثة قصدي صدفة غيرت حياة البنت .............. تماما :happy:

عقبال ربنا ما يكرم الجروب كله بحوادث .. قصدي بصدف

:lol:

بس بس

باشمهندس .................... فين الصدف اللي حصلتلك ؟؟؟؟؟؟؟؟

ايون ايون ......... ....... طيب ماتحكي وتقول .......... يلا الجماهير مستنية

عقبال يارب ماتحصلك صدفة جامدة و ( ستلهبتشهبصللاءه)

[رضوي]

فى يوم من ذات اليواميم

لقيت اعلان عن وظائف شاغره

و كنت بعد التخرج بحاجه بسيطه

اتصلت بصحباتى و رحنا فوج كامل و قدمنا مع بعض و اخدوا مننا الابلكيشن و قالولنا هنتصل بيكم

مرت الايام و الليالى و لا حد عبرنا و احنا كلنا قلقنا

و مكان الشغل كان بعيد جدا فتحاورت انا مع صحباتى فى مين الى يتطوع يروح يسال لينا حصل ايه ( الشغل ده كان نشاط لسه هيبدء و مكنش لسه فيه اي تليفونات هناك )

المهم كل واحد كسلت و رمت على التانيه لغايه ما الروحه وقعت فى حظى و نصيبى

المهم روحت انا و ماما و ماما الى وصلتنى بالعربيه و استن بره و انا دخلت اسال

لما دخلت للاتش ار الى عمل لنا الانترفيوا

قوم ايه بقى الى حصل

الى حصل ان الراجل دا فى اليوم دا بالذات اتكومله شغل كتيير جدا فجاه و احتاج اى حد يساعده بس مكنش لسه اى حد متعين معاه

فلما شافنى سالنى سؤال محدد

مستعده تبدءى من النهارده

انا طبعا من غير تفكير قولتله ايوه طبعا

الى خلاص استلمى الشغل دلوقتى

قولتله ثانيه واحده اطلع اقول لماما

و فعلا طلعت قولت لماما روحى دلوقتى لانى اتععينت و فعلا روحت و فضلت انا

فاضل اقول لكم ان ولا واحده بعد كده من صحباتى اتعينوا رغم انى حاولتلهم و الله

لكن كل التعينات بعد كده بقت بالواسطه و المعرفه و محدش تعين بعد كده من غيرهم ابدا

و فضلت فى المكان دا خمس سنين

ايه الى خلانى اروح فى اليوم دا بالذات و ايه الى خلا الراجل بتاع الاتش ار يطلعله شغل كتير جدا كده مره واحده

سبحان الله

اختي مغتربة

سبحان الله

دقة الصدف .............. مواعيدها ............ تفاصيلها ............ امكانية حدوثها .............. كل دي ترتيبات غريبة جداً ...... وأسئلة بتدور في دماغنا عن أي صدفة مابنقدرش نجاوب عليها .... غير اننا بنقول

سبحان الله وبحمده ...سبحان الله العظيم

هي قدر ونصيب قبل كل شيء

ارادة الخالق عز وجل وترتيباته الدقيقة اللي استحالة يحصل فيها أخطاء ........ مش زي ترتيباتنا احنا ....

ربنا يوفقك ان شاء الله

وفي انتظار المزيد من الصدف

[shiko]

الاسم ...بابا بيعدى الشارع ...يلاقى بنت امورة اوى بتعدى ياخدها من ايديها يعديها ..ويسالها على اسمها ...يروح الشغل ...يجيله تليفون ...زوجتك ..مبروك ربنا رزقك ..بنوتة ...يقول بالصدفة هاسميها على اسم البنوتة اللى لسة مقابلها ...

...تاريخ الميلاد ...بالصدفة ...يبقى متزامن مع عيد الام .....................

بالصدفة ...مواليد شهر 3 ...رقم 3 فى الترتيب بين الاخوات .....

بالصدفة يموت عبد الحليم ...فى نفس شهر ميلادى .... :lol:

....بالصدفة ...اتعرف على واحدة تبقى بنت عمة ...واحد اتطوعت معاه ....تصبح صديقتى المقربة .....

بالصدفة ...اروح ..اسلم على اختى فى طريقى ...اقابل رئيس مجلس الادارة ..وتعملى انترفيو..واتعين...

بالصدفة الكلية اللى قعدت طول عمرى اتريق عليها ....هى بالذات اللى تخبط فى قائمة مكتب التنسيق المطولة.... :blush2:

بالصدفة ...يتقدملى عريس ...اسيحله عند صحابى ..الاقيه عدى عليهم نفر نفر .. :lol: wst:: ..

بالصدفة ..ماشية ادور على بلد اروحها ...اخبط فيكم .....؟؟؟!! wst::

لاء ولسة ............

[pink rose]

صدفة ........... كنت فاتحة ال icq

صدفة ........... كلمني و اتعرفنا

صدفة ........... كنت طالعة عمرة مع اهلي

و اتقابلنا انا و هو و بعدها اتجوزنا

بس خلاص wst::

تقدروا تطلعوا على التفاصيل كاملة في اتعرفت بشريك حياتك ازاي :blush2:

امم و كان يوم حبك اجمل صدفة :lol: :lol:

تم تعديل 27 مارس 2010 بواسطة remo

[لماضة مصرية جدا]

الاسم ...بابا بيعدى الشارع ...يلاقى بنت امورة اوى بتعدى ياخدها من ايديها يعديها ..ويسالها على اسمها ...يروح الشغل ...يجيله تليفون ...زوجتك ..مبروك ربنا رزقك ..بنوتة ...يقول بالصدفة هاسميها على اسم البنوتة اللى لسة مقابلها .........عايزة تقنعيني ان اسم شيكو كان لطفلة...و انها مبتعرفشي تعدي الشارع... ايه يا شيكو.....اومال فين البلطجة و الاجرام

...تاريخ الميلاد ...بالصدفة ...يبقى متزامن مع عيد الام ......................... يا واد يا حونين... .....حد ينزل باغنية الست دي امي

بالصدفة ...مواليد شهر 3 ...رقم 3 فى الترتيب بين الاخوات ..........

بالصدفة يموت عبد الحليم ...فى نفس شهر ميلادى .... :wub:

....بالصدفة ...اتعرف على واحدة تبقى بنت عمة ...واحد اتطوعت معاه ....تصبح صديقتى المقربة .....

بالصدفة ...اروح ..اسلم على اختى فى طريقى ...اقابل رئيس مجلس الادارة ..وتعملى انترفيو..واتعين........طب ممكن ابقي اسلم علي اختك لما انزل مصر...طالما ايدها فيها البركة كده

بالصدفة الكلية اللى قعدت طول عمرى اتريق عليها ....هى بالذات اللى تخبط فى قائمة مكتب التنسيق المطولة.... .... يا بنتي يا ضونايا دي ما اسمهاش صدفة....دي اسمها الايام دول...طول عمري بتريق علي اللي متجوزة حد عنده تصحر في راسه.....و حاسة اني هتجوز كابتن قلقاسة.... فخمتوا يا سنيوريتا

بالصدفة ...يتقدملى عريس ...اسيحله عند صحابى ..الاقيه عدى عليهم نفر نفر .. :lol: :lol: ..

بالصدفة ..ماشية ادور على بلد اروحها ...اخبط فيكم .....؟؟؟!! :lol:

لاء ولسة ............

السلام عليكم و رحمة الله و بركاته

تصدقي احنا كان ممكن نبقي اصحاب.......بس انتي تتولدي و عبدالحليم يمووووووت.....اه يا قلبي يا كتاكت يا اما انت شايل و ساكت :lol:

احكي يا اخت صدفة حسب الله بعضشي.... مش احلي من شيكو برضه........ wst::

شيكو اوعي تضربي..... :P

=========================

طب مش معقولة اخش و مش اقول حاجة

هو انا مش فاكرة حاجة دلوكيتي...بس ممكن اسيبكم مع الحتة دي

http://www.youtube.com/watch?v=EBR7iVbleFg

هعصر دماغي......و اجي تاني

فوتكم بعافية

[الباشمهندس ياسر]

بس بس

باشمهندس .................... فين الصدف اللي حصلتلك ؟؟؟؟؟؟؟؟

ايون ايون ......... ....... طيب ماتحكي وتقول .......... يلا الجماهير مستنية

عقبال يارب ماتحصلك صدفة جامدة و ( ستلهبتشهبصللاءه)

صدفة .. كنت ف صيدلية (( بعيدة جدا عن بيتنا ))و بجيب دواء و لقيت بنوته حلوة اوي .. اوي ... بس مليانة شوية

و طلبت انها توزن نفسها .. تقريبا بتعمل دايت

رحت معاكسها و رخمت عليها

و البنت اتكسفت اوي .. و راحت مرخمه عليا اوي برده

المفاجاة بقي

اني اروح البيت الاقيها ساكنة ف العمارة اللي جانبي

و بقالي بتاع 10 سنين اشوفها و اضحك و افتكر الموقف

هفتكر تاني و اقولكم

[عنبو]

المكان احدى مكاتب الاستشارات الهندسيه الكبرى بالمملكه العربيه السعوديه

الجنسيه واحد لبنانى

اشتغل فى المكتب وكانوا ناويين يستغنوا عنه بعد شهر من تعينه لانه كان دون المستوى العلمى يعنى

تم عمل اجتماع وصدر القرار بالاعتذار للمهندس ولكن فجأه يأتى تليفون من فرع المكتب بالمغرب

يريدوا مهندس يجيد الفرنسيه للتعامل مع شركه فرنسيه بينهم شغل

وسبحان الله لا يوجد ولا واحد فى الشركه يزيد الفرنسيه الا هذا المهندس اللبنانى

يسافر المغرب ويعمل مع الشركه الفرنسيه وسبحان الله يعجبوا به كمهندس وبعد انتهاء المشروع يطلبوا منه انه يكمل معاهم فى فرنسا

_____________________________________

[رضوي]

السلام عليكم ورحمة الله وبركاته

حبايبي المحاوراتية

منورين قهوة الصدف

شيكو ياحياتي

انتي يابنتي بتحكي الاجمالي .......... وهتدخلي علينا بالحلقات بعدين ؟؟؟؟؟؟؟؟ يلا ياشيكو ياحياتي مستنييننك

ريموووو

حمد الله ع السلامة

بس برده محتاجين نسمع الحكاية تاني ياجميل

لموضة الامورة ............... الدخول بالملابس الرسمية ؟؟

فين صدفك ياقمر .......... احكي ياجميل

باشمهندس

حلوة الصدفة دي .................. بس هي البنت رخمت ازاي ؟؟؟؟؟؟؟؟

هموت وأعرف بصراحة !!

عنبو

فعلا حلوة صدفة صاحبك ............ ورب صدفة خير من الف ميعاد

في انتظار المزيد من الصدف

[الباشمهندس ياسر]

باشمهندس

حلوة الصدفة دي .................. بس هي البنت رخمت ازاي ؟؟؟؟؟؟؟؟

هموت وأعرف بصراحة !!

يموت عدوك يا رضوي

هي زعلت مني .. اكيد

فعشان كده رخمت..بس بصراحة

دمها كان شربااااات

وملامحها كانت قمر و هي زعلانة ... تكتب ثعلانة .. م الاخر يعني

[ميرامار]

الصدف ليهه دور كبير في حياتى بس دور حلو قوى

ومواقف كتييير الصدفة بتلعب دور فيها زي.............

في أخر يوم ليا فى الامتحانات في الكلية ضاعت منى البطاقة الشخصية وكنت مضايقة وشايلة هم انى اطلع بدل فاقد لسة هروح ابلغ عنها والروتين المقرف اللى هقابله عشان اطلع غيرها

كنت مضايقة جدا لدرجة انى قعدت لمده شهرين من غير بطاقة وشاءت الظروف كنت خارجة في منطقة قريبة من الجامعة مع بنات خالتى وطقت فى دماغهم فكرة انهم لازم يشتروا ساندويتشات فول وطعمية وانا كنت معترضة جدا ورحت وانا مش عايزة واتفجأت ان الراجل صاحب المحل حاطط بطاقتى على الزجاج جنب قدرة الفووووول ورب صدفة خير من ألف ميعاد

[shiko]

الصدف ليهه دور كبير في حياتى بس دور حلو قوى

ومواقف كتييير الصدفة بتلعب دور فيها زي.............

في أخر يوم ليا فى الامتحانات في الكلية ضاعت منى البطاقة الشخصية وكنت مضايقة وشايلة هم انى اطلع بدل فاقد لسة هروح ابلغ عنها والروتين المقرف اللى هقابله عشان اطلع غيرها

كنت مضايقة جدا لدرجة انى قعدت لمده شهرين من غير بطاقة وشاءت الظروف كنت خارجة في منطقة قريبة من الجامعة مع بنات خالتى وطقت فى دماغهم فكرة انهم لازم يشتروا ساندويتشات فول وطعمية وانا كنت معترضة جدا ورحت وانا مش عايزة واتفجأت ان الراجل صاحب المحل حاطط بطاقتى على الزجاج جنب قدرة الفووووول ورب صدفة خير من ألف ميعاد

...يخراااااااااشى ...بطاقتك السخصية جنمب ...قدرة الفول لزم ؟؟؟

طب ..كان خلاها ..جنب طاسة الطعمية ...ده راجل موش جانتى خالص!!

:P :lol:

[رضوي]

الصدف ليهه دور كبير في حياتى بس دور حلو قوى

ومواقف كتييير الصدفة بتلعب دور فيها زي.............

في أخر يوم ليا فى الامتحانات في الكلية ضاعت منى البطاقة الشخصية وكنت مضايقة وشايلة هم انى اطلع بدل فاقد لسة هروح ابلغ عنها والروتين المقرف اللى هقابله عشان اطلع غيرها

كنت مضايقة جدا لدرجة انى قعدت لمده شهرين من غير بطاقة وشاءت الظروف كنت خارجة في منطقة قريبة من الجامعة مع بنات خالتى وطقت فى دماغهم فكرة انهم لازم يشتروا ساندويتشات فول وطعمية وانا كنت معترضة جدا ورحت وانا مش عايزة واتفجأت ان الراجل صاحب المحل حاطط بطاقتى على الزجاج جنب قدرة الفووووول ورب صدفة خير من ألف ميعاد

السلام عليكم ورحمة الله وبركاته

أهلاً بالاخت ميرامار

طيب مش قلتي الصدف كتير في حياتك ................ احكي يابنتي .......... قولي فضفضي

مش لاقية غير الفول وتقولي صدفة ؟؟ wst::

جري ايه ياشيكوز .......... قلنا بلاش الاعضاء تخرج من باب المطبخ وتيجي عندنا علي طول .......

مستنينك ياميرامار تقوليلنا علي أجمل واحلي صدفة في حياتك