رُب صدفة خيرٌ من الف ميعاد

[رضوي]

أقولكم بقي علي صدفة حلوة ( لأ مش أحلي صدفة في حياتي )

مرة من ذات المرات كنت داخلة امتحان شفوي

وطبعاً كنت خايفة جداً لانه أول امتحان لقبولي في الماستر

المهم دخلت ووقفت ادام الدكتورة ............. بدأت تبصلي اوي وبتمعن ........... قلت الست دي بتشبه عليا ولا ايه؟؟

لقيتها بتقولي ............ يابنتي انا مش لسة ممتحناكي دلوقتي ؟؟؟؟

قلتلها انا يادكتور ؟؟؟؟؟؟؟ لأ طبعاً حضرتك أنا اول مرة امتحن دلوقتي ؟

قالتلي ازاي بس يابنتي ؟ أنا متأكدة اني لسة ممتحناكي دلوقتي ؟

قلتلها لا يادكتور أكيد مش أنا يمكن الامر اختلط علي حضرتك وفيه حد شبهي ولا حاجة .

المهم الست خلاااااااااااااااااااص ثبتت في دماغها انها امتحنتني قبل كدة وخلاص مش مصدقة !

اجيبها يمين اجيبها شمال ......... هي كدة خلاص قفلت معاها انها امتحنتني ؟

طيب اعملها ايه دي؟؟؟؟ يادكتور ربنا يهديكي ........ دي بطاقتي ودة ورقي ازاي حضرتك امتحنتيني ؟؟؟ وانا لسة اول مرة ادخل اللجنة دي ؟؟؟؟؟

بس هي خلاص قفلت معاها علي كدة wst::

أنا خلاص تعبت منها وزهقت ( وكانت رئيس قسم ) وقلت خلاص مافيش غير اني اسيبلها اللجنة واروح لوكيلة الكلية للدراسات العليا أو حتي العميد أي حد مسئول يشوفلي حل في الموضوع دة.... wst:: .

ولسة بقي عايزة اخرج وعلامات الضجر ظهرت عليا

لقيت بنت بتجري بسرعة وبتلهف وتدخل اللجنة وتقولها انا آسفة يادكتورة ....... نسيت ورقي مع حضرتك

ببص في وش البنت لقيتها فعلاً تشبهني الي حد كبير جداً استغربت اوي ان ممكن حد يشبهني للدرجة دي

والدكتورة اول لما شافاتها قالت ايوة مش قلتلك انا امتحنتك قبل كدة ؟؟؟؟؟؟؟؟؟؟

زميلتك دي شبهك جداً

أنا والبنت قعدنا نبص لبعض شوية ونستغرب ( صحيح مش تطابق تام في الملامح بس شبه لحد كبير )

الدكتورة ضحكت وقالت لولا انها نسيت ورقها ورجعت تاخده عمري ماكنت هصدق اني اول مرة اشوفك ....... وماكنتش همتحنك ابداً

طبعاً حمدت ربنا انها نسيت ورقها صدفة ............ وان الدكتورة مزاجها راق وامتحنتني بمزاج

خلصت امتحاني وخرجت لقيت البنت واقفة برة مستنياني

اتكلمت معاها شوية وبعدين اتعرفنا علي بعض كويس وبقينا اصحاب

ولحد النهاردة دايماً الناس اللي اول مرة تشوفنا تتلخبط بينا ( علي الرغم ان التشابه غير تام اوي يعني مجرد شبه قريب )

لدرجة ان الاساتذة كانوا بيقولوها يارضوي

وينادوني بأسمها

ولولا انها نسيت ورقها صدفة ورجعت في نفس معاد امتحاني يمكن ماكنتش عرفت التحق بالماستر في السنة دي !!!!

[ميرامار]

طب يا رضوى بلاش صدفة البطاقة وخلينا فى صدفة الفرح .............

في يوم اتصلت بيا واحده صاحبيتى طلبت منى فستان سواريه هتوريه للترزى بتاعها عشان تعمل نفس القصة بتاعة الفستان ده وبرغم انى مش بحب حد يقلدنى او ياخد منى حاجتى لكن وافقت احراجا بس اشترطت عليها ترجعه تانى يوم لانى محتاجة الفستان ده وقولتلها انا عندى مناسبة

وعدى يومين وانا عمالة اتصل بيها مش بترد عليا وبتتهرب منى كنت متغاظة موت عشان فرح بنت واحدة من قرايبنا كان معاده وانا مش عارفة ألبس اية المهم رحت الفرح وانا لابسة عادى وقولت خير تعمل شرا تلقى .......... ودخلت الفرح وانا فاعدة بشرب الشربات ألاقى صاحبتى ولابسة فستانى فى الفرح وطلعت مصاحبة اخت العروسة الكبيرة ومعزومة في فرح قريبتنا وبفستانى مقدرش اوصفلكم احساسي صعب موووووت بس كانت صدفة جامدة قلبت بخناقة اجمد

[رضوي]

طب يا رضوى بلاش صدفة البطاقة وخلينا فى صدفة الفرح .............

في يوم اتصلت بيا واحده صاحبيتى طلبت منى فستان سواريه هتوريه للترزى بتاعها عشان تعمل نفس القصة بتاعة الفستان ده وبرغم انى مش بحب حد يقلدنى او ياخد منى حاجتى لكن وافقت احراجا بس اشترطت عليها ترجعه تانى يوم لانى محتاجة الفستان ده وقولتلها انا عندى مناسبة

وعدى يومين وانا عمالة اتصل بيها مش بترد عليا وبتتهرب منى كنت متغاظة موت عشان فرح بنت واحدة من قرايبنا كان معاده وانا مش عارفة ألبس اية المهم رحت الفرح وانا لابسة عادى وقولت خير تعمل شرا تلقى .......... ودخلت الفرح وانا فاعدة بشرب الشربات ألاقى صاحبتى ولابسة فستانى فى الفرح وطلعت مصاحبة اخت العروسة الكبيرة ومعزومة في فرح قريبتنا وبفستانى مقدرش اوصفلكم احساسي صعب موووووت بس كانت صدفة جامدة قلبت بخناقة اجمد

اهلا بالاخت ميرامار

اه ........... حلوة الصدفة دي .......... وبتعرفك فين اصحابك بجد

جري ايه يابنتي

عايزين صدف جامدة ............ سيبك من صدف الأصدقاء دي ( أصل أنا عارفة البنات )

تعرفي ان كل اصحابي عرفتهم صدفة

أنا عندي بالظبط 3 أصدقاء أنتيم

أول واحدة من ايام الدراسة ............ دي عرفتها بالصدفة البحته جداً .......... علي الرغم انها زميلتي ومعايا في نفس الدفعة وكمان في نفس السيكشن الا اني ماكنتش اعرفها .......... في مرة من ذات المرات كنت قاعدة مع مجموعة من بنات اصحابي ....... وبنتكلم عادي .... فصديقتي في كلية تانية قالتلي انتي معاكي بنت اسمها كذا........ قلتلها لا معرفهاش ...... قالتلي دي قريبتي وبنت كويسة اوي بس خجولة شوية ومش اجتماعية خاااااااااالص ......... وبما اني أول دفعتي كنت معروفة علي مستوي الدفعة بتاعتي ...... المهم رحت كلمتها ولقيتها بنوتة محترمة جداً ومؤدبة آخر حاجة

عجبتني اخلاقها جداً وصفاتها ........ واتصاحبنا من ساعتها واحنا اصدقاء جدا وهي من اعز صديقاتي

ولكني لاازال الصديقة الوحيدة في حياتها ........ علي الرغم اننا اتخرجنا وكل واحد مننا اشتغلت في مكان مختلف ....... بس هي ماعندهاش صديقات غيري......... وعلي الرغم من بعد المسافات بينا .... الا لما حد فينا بيتخنق بيتصل بالتاني فوراً يرغي معاه ( هي اللي بتخلصلي رصيد مويبلاتي )

صديقتي التانية ........... برده كانت معايا في الدراسة ( احنا كنا شلة بنات كبيرة وكانوا بيسمونا شلة المتفوقين ) بس دي بقي عرفتها ازاي

اقولكم ازاي

كنت مرة في المدرج لوحدي ومستنية المحاضرة تبتدي ............. وقاعدة العب في الموبايل ...... لقيت بنت قاعدة تدور علي مكان تقعد فيه في المدرج ........ فقلتلها تعالي اقعدي جنبي ...... واتكلمنا ....... لقيتها جارتي ........ وباباها صاحب بابا ............ طبعاً انا اول مرة اشوفها ......... بس لقيتها بتقولي : أنا كان نفسي أتكلم معاكي من زمان ........ طب ليه يابنتي مااتكلمتيش ......... معرفش ......... ومن ساعتها بقينا اصحاب

صديقتي التالتة .............. احنا الاتنين دويتو مجانين مع بعض ( هي الوحيدة دلوقتي اللي بشوفها باستمرار )

هي زميلتي في الشغل

استلمت العملي قبلها بشهر ............. وقعدت الشهر دة هتجنن .......... مافيش حد اتكلم معاه ........ ولسة ماعنديش شغل كتير .......... وكل البنات اللي هناك مش مرتاحة معاهم ......... اهه بقضي الوقت وارجع البيت زهقانة

المهم .......... في يوم من ذات الايام لقينا بنت جديدة هتستلم الشغل معانا ......... اول لما جت ارتاحتلها ....... اتعرفنا وصلينا الظهر جماعة مع بعض

قعدنا نتكلم في مواضيع عن أحوال البلد والتعليم ........... وازي انا أول دفعتي ومااتعينتش بالجامعة ......... وازاي هي معاها كورسات كتير ومااشتغلتش في المكان اللي بتحلم بيه ......... اتكلمنا في حاجات كتير

والنتيجة

تطابق تام لوجهات النظر ( وجهات نظر اه لكن تفكير لا ........... طريقة تفكيرنا مختلفة بس بتوصلنا لنفس النتيجة )

تاني يوم ......... اتكلمنا ......... واكتشفنا اننا فيه بينا صلة قرابة من بعيد ............. اتعرفنا اكتر

وبعد فترة من صداقتنا ........ كنا بنتكلم مع بعض كتييييييييييييييير اوي ............ لقينا الناس بتسألنا كتير

انتوا اخوات ؟؟؟ انتوا شبه بعض اوي ؟؟؟؟

نعم ؟؟؟

الملامح مختلفة تماماً .............. بس الروح واحدة

لدرجة ان فيه ناس فعلا بتفتكرنا اخوات .......... لتشابه الروح

لما بتخنق بفضفض معاها .......... وهي كمان دايماً مصدعاني bag):

لدرجة ان زمايلنا في الشغل اتغاظوا من صداقتنا ........... بدأت الفتنة علشان يوقعوا بينا .......... لكن علي مييييييييييييين ......... احنا الاتنين دماغنا كبيرة ............ يقولولي صاحبتك عملت كذا ........ أقولهم عادي من حقها ودة مايقللش من كونها صاحبتي ...... لحد لما يأسوا في التوقيع بينا

نتجنن ازاي بقي ..................... اه دي حكايات بناتيتي خاااااالص

بنحب نشتري موديلات لبسنا زي بعض ( ميت مرة اقولها بلاش تقلديني مافيش فايدة ........أنا اشتري موديل من هنا اقولها ها هتيجبي زيي تقولي : عييييييييييب يارودي انا هختار موديل تاني .......... وبرده تجيب نفس الموديل............. ننزل نشتري شوية بيرفيوم أو كريمات أو حتي الشامبو ......... يلا نجيب زي بعض ..... طيب ماتجي نجرب نوعين مختلفين ...... لأ زي بعض ........ )

شوفتي يارودي الطرحة الجديدة دي .......... ايه رأيك في الوانها

الله جميييييييييلة جداً جيبتهيا منين .......... هاتيلي زيها ( مع اني مش بحب حد يلبس زيي بس هي لا عادي كل حاجتنا زي بعض )

ربنا يهدينا يارب ............. ونبطل نقلد بعض ( دة حتي الخط ........... خطنا زي بعض ) ايه الجنان دة

اللي هيجنني بجد .............. انها بتغير عليا جداً ................. هو كدة ........ يابنتي انتي صاحبتي مش خطيبي .......... لا ماتصحبيش بنات تانية .......... انتي بتتكلمي مع البنت الفلانية ليه ....... انا بس صاحبتك

حاااااااااااااااااااضر ................ مش هتكلم مع حد ( دي مش بتغير علي خطيبها كدة ) :lol:

[لماضة مصرية جدا]

لموضة الامورة ............... الدخول بالملابس الرسمية ؟؟ يعني اعمل ايه يعني.....اصل اخر مرة حد استخدم المصطلح ده كان....... bag):

فين صدفك ياقمر .......... احكي ياجميل

السلام عليكم و رحمة الله و بركاته

عارفة يا رضوي انتي قولتي حاجة حلوة اوي في بداية التوبيك......احيانا بنفتكر انها بتبقي صدفة.... لكن هو ترتيب الهي....و لانه ترتيب الهي بيبقي دقيق جدا جدا لدرجة ان عقلك البشري مبيقدرشي يتوقعه و بتقف قصاده و انت عاجز عن الشكر....ربنا لك الحمد

بصي بقي يا حبيبة قلب ماما من جوه..... امبارح و انا بنشر الغسيل (معرفشي الالهام بيجيلي دايما في البلكونة.) افتكرت ازاي ربنا كرمني ب 3 نقلات في حياتي يتشابهوا الي حد عدم التصديق......و حصلوا الي حد العجز عن الشكر

كلاكيت اول مرة

اول ما اتخرجت.....لقيت اعلان في مودرن اكاديمي اللي في المعادي.....كنت عايزة ااقدم فيها.....اهلي رفضوا لانها في القاهرة و انا م الصعيد.....الايام بتاعت الاعلان قربت تخلص...و اهلي لسه رافضين....جينا عند الليلة اللي هي بتاعت اخر يوم....كان يوم خميس...و لقيت اهلي وافقوا....بس قالولي طب انتي مش حجزتي قطر و لا تعرفي تروحي لوحدك و لا اي حاجة......انا مصدقت انهم وافقوا....و معرفشي صحيت الصبح...نطيت في اول قطر ازاي....نزلت القاهرة العامرة طبعا زي عوكل لا عارفة اروح و لا اجي و اخر معاد كان 12

المهم كان اصحابي مديني السي في بتاعتهم.....فانا قولت خلاص لو راحت عليا...ااقدم لزمايلي...يبقي حتي الواحد ياخد ثواب....روحت مكان قالولي لا ده انتي لازم تقدمي في المقر التاني اللي هو فين بقي كده يا شابة...حاجة كده يا اوختي في الصحرا

قدمت لاصحابي....لقيت واحد بيقولي و انتي خريجة ايه.....طبعا جاوبت لانها مش فارقة معايا.....و بعدين ......هووووووب لقيت نفسي جوه مكتب و بعمل انترفيو...بعد نص ساعة لقيت واحد برضه بيقولي تقدري تبتدي معانا الاسبوع الجاي يوو

و الله طول الاربع ساعات و انا راجعة مدينتي مش مصدقة اللي حصل...بس قولت يا ربي ده امرك خير

======================================================

كلاكيت تاني مرة

من ساعة ما شوفت فيلم صعيدي في الجامعة الامريكية.....و طول عمري بحلم اني اتعلم هناك.........عيال نضيفة و ملاعب تنس (مع اني مبعرفشي العب اصلا غير بلي...بس برضه كانت حلم حياتي)

نزلوا اعلان....و انا احب اجرب اوي......اخويا يقولي يا بنتي ما تروحيش تكسفي نفسك و انا راس و مليون صرمة لا اروح اكتشف و اجي بالسلامة...

المهم

طبعا اخدت شحنة الاحباط من اخويا قولت ايه بقي انا اروح متنكرة.......اه والله مش الناس بتروح الانترفيو فورمال كده و كرافتات و حاجات.... انا روحت حد اشبه بالخدامين...محدش يضحك....

المهم طبعا دخلت الانترفيو...تحسوا ايه بقي ام فاروق الخاطبة... اشي سلامات علي الدكتورة دي....و تهريج مع الدكتور ده..... الانترفيو يا حضرات كانت لمدة ساعتين و نص.....و اتكلمنا في كل حاجة في الدنيا....بداية م التخصص....... لغاية ايه رايي في حركة كفاية (كانت وقتها لسه بقي ليها شنة و رنة)....الحمد لله بعديها لقيتهم بيقولولي انتي معانا

طبعا ساعتها مش عايزة اقولكم انا عملت ايه....بس هو فيه واحد بتاع جرايد و كتب قدام الجامعة......علي نفس خط كنتاكي و مكدونالدز...انا بقي روحت سحبت كرسي و قعدت جنبه و قعدت احكيله.... مكنتش مصدقة نفسي...و مكنتش مستنية لما اروح البيت.

===================================================

كلاكيت تالت مرة

نفس المشهد....بس اعلان صغير في الاهرام سطرين.....قدمت في اخر يوم نظام أداء واجب و ترييح دماغ...............و نسيت

ترن ترن ترن............الو.............انترفيو.....موافقة.....مفاوضة .........في 22 اكتوبر 2009 كنت في قارة تانية خاااالص مع اني بنت م الصعيد...كنت بحلم يوم اني اعرف امشي في القاهرة من غير ما اتوه

مش هسميها صدفة...هسميها قدر ربنا الكريم اوي ربنا الذي يعلم و نحن لا نعلم.

بس خلاص

لو عايزين حتة ناعمة بقي...قولليي هحاول انزل بيها بس هتبقي بالحبر السري :lol:

فوتكم بعافية

[رضوي]

لموضة الامورة ............... الدخول بالملابس الرسمية ؟؟ يعني اعمل ايه يعني.....اصل اخر مرة حد استخدم المصطلح ده كان....... bag):

فين صدفك ياقمر .......... احكي ياجميل

السلام عليكم و رحمة الله و بركاته

عارفة يا رضوي انتي قولتي حاجة حلوة اوي في بداية التوبيك......احيانا بنفتكر انها بتبقي صدفة.... لكن هو ترتيب الهي....و لانه ترتيب الهي بيبقي دقيق جدا جدا لدرجة ان عقلك البشري مبيقدرشي يتوقعه و بتقف قصاده و انت عاجز عن الشكر....ربنا لك الحمد

بصي بقي يا حبيبة قلب ماما من جوه..... امبارح و انا بنشر الغسيل (معرفشي الالهام بيجيلي دايما في البلكونة.) افتكرت ازاي ربنا كرمني ب 3 نقلات في حياتي يتشابهوا الي حد عدم التصديق......و حصلوا الي حد العجز عن الشكر

كلاكيت اول مرة

اول ما اتخرجت.....لقيت اعلان في مودرن اكاديمي اللي في المعادي.....كنت عايزة ااقدم فيها.....اهلي رفضوا لانها في القاهرة و انا م الصعيد.....الايام بتاعت الاعلان قربت تخلص...و اهلي لسه رافضين....جينا عند الليلة اللي هي بتاعت اخر يوم....كان يوم خميس...و لقيت اهلي وافقوا....بس قالولي طب انتي مش حجزتي قطر و لا تعرفي تروحي لوحدك و لا اي حاجة......انا مصدقت انهم وافقوا....و معرفشي صحيت الصبح...نطيت في اول قطر ازاي....نزلت القاهرة العامرة طبعا زي عوكل لا عارفة اروح و لا اجي و اخر معاد كان 12

المهم كان اصحابي مديني السي في بتاعتهم.....فانا قولت خلاص لو راحت عليا...ااقدم لزمايلي...يبقي حتي الواحد ياخد ثواب....روحت مكان قالولي لا ده انتي لازم تقدمي في المقر التاني اللي هو فين بقي كده يا شابة...حاجة كده يا اوختي في الصحرا

قدمت لاصحابي....لقيت واحد بيقولي و انتي خريجة ايه.....طبعا جاوبت لانها مش فارقة معايا.....و بعدين ......هووووووب لقيت نفسي جوه مكتب و بعمل انترفيو...بعد نص ساعة لقيت واحد برضه بيقولي تقدري تبتدي معانا الاسبوع الجاي يوو

و الله طول الاربع ساعات و انا راجعة مدينتي مش مصدقة اللي حصل...بس قولت يا ربي ده امرك خير

======================================================

كلاكيت تاني مرة

من ساعة ما شوفت فيلم صعيدي في الجامعة الامريكية.....و طول عمري بحلم اني اتعلم هناك.........عيال نضيفة و ملاعب تنس (مع اني مبعرفشي العب اصلا غير بلي...بس برضه كانت حلم حياتي)

نزلوا اعلان....و انا احب اجرب اوي......اخويا يقولي يا بنتي ما تروحيش تكسفي نفسك و انا راس و مليون صرمة لا اروح اكتشف و اجي بالسلامة...

المهم

طبعا اخدت شحنة الاحباط من اخويا قولت ايه بقي انا اروح متنكرة.......اه والله مش الناس بتروح الانترفيو فورمال كده و كرافتات و حاجات.... انا روحت حد اشبه بالخدامين...محدش يضحك....

المهم طبعا دخلت الانترفيو...تحسوا ايه بقي ام فاروق الخاطبة... اشي سلامات علي الدكتورة دي....و تهريج مع الدكتور ده..... الانترفيو يا حضرات كانت لمدة ساعتين و نص.....و اتكلمنا في كل حاجة في الدنيا....بداية م التخصص....... لغاية ايه رايي في حركة كفاية (كانت وقتها لسه بقي ليها شنة و رنة)....الحمد لله بعديها لقيتهم بيقولولي انتي معانا

طبعا ساعتها مش عايزة اقولكم انا عملت ايه....بس هو فيه واحد بتاع جرايد و كتب قدام الجامعة......علي نفس خط كنتاكي و مكدونالدز...انا بقي روحت سحبت كرسي و قعدت جنبه و قعدت احكيله.... مكنتش مصدقة نفسي...و مكنتش مستنية لما اروح البيت.

===================================================

كلاكيت تالت مرة

نفس المشهد....بس اعلان صغير في الاهرام سطرين.....قدمت في اخر يوم نظام أداء واجب و ترييح دماغ...............و نسيت

ترن ترن ترن............الو.............انترفيو.....موافقة.....مفاوضة .........في 22 اكتوبر 2009 كنت في قارة تانية خاااالص مع اني بنت م الصعيد...كنت بحلم يوم اني اعرف امشي في القاهرة من غير ما اتوه

مش هسميها صدفة...هسميها قدر ربنا الكريم اوي ربنا الذي يعلم و نحن لا نعلم.

بس خلاص

لو عايزين حتة ناعمة بقي...قولليي هحاول انزل بيها بس هتبقي بالحبر السري :lol:

فوتكم بعافية

الله أكبر

ظهر الحق .................. هو دة الكلام التمام

ياسلام يالماضة .............. بجد بقي علي فكرة

أحلي احساس هو احساس الانتصار .................. تحسي ان ربنا سبحانه وتعالي بيقولك استني وبلاش استعجال ............ انتي ماتعرفيش الغيب

وأول لما تقولي ( الحمد لله رب العالمين ,............ ربي اني توكلت عليك ووجهت أمري اليك لاملجأ ولا منجي منك الا اليك ) تلاقي الدنيا كلها بتتغير من حواليكي

الحياه بتختلف .................... أحلامك بتتحقق .................. طوحاتك بتكبر

واللي كنتي امبارح بتعتبرية حلم بعيد المنال ................. النهاردة بقي واقع ملموس

بس احنا نبطل نبص تحت رجلينا ............... ونشيل الدنيا من دماغنا

دي اصلها ليها ترتيب تاني خالص .................( طبعاً مع الاجتهاد ...........أنا بجتهد واعمل اللي عليا ...... وأسيبها بقي تمشي زي ماهي عايزة )

أنت تريد وأنا أريد والله يفعل مايريد

يلا بقي مستنيين الحتة الناعمة ..................... انزلي بها بالفونت العريض ............ وقولي أجمل صدفة

[shiko]

مرة ...كنت بشترى حاجة من مكان مـا...

المهم كل ما اتصل بالمكان يقولولى حضرتك تابعى مع المهندس فلان ...

...المهندس فلان راح ....المهندس علان جه ....وزوق ايه ...واخلاق ايه .....وكلام مين ...!!

مهندس ....مهندس فعلاً ....لا والهندزة واخدة حقها معاه على الاخر ...فلسفة وسفسطة مالهاش زى ...

بس كله على الموبايل ماشوفناش حاجة لسة ...كل اللى اعرفه عن الشخص الكارت مكتوب فيه اسم ...مهندس/ فولان..بالبونط العريض ..وعنوان المكان اياااااااه

المهم تلف ايام وتيجى ايام ...وتروحى يا ايام ..والعوكوسات لازمن ولا بد طبعاً.تفتكرنى

.كنت فى شركة سمسرة اوراق مالية ..بخلص حاجة لماما ...

اوم ايه ...اقعد على مكتب موظف ويروح يشوف حاجة ..وسبلى اوراق ادور فيها على طلب معين ...الاقى ايه ؟؟

بوطاقة شخصية ...لفت نظرى الاسم ...نفس الاسم ......ايوة ...نفس العنوان ...ايوة......تمام كده

الوظيفة بقى ...ياخرااااااااشى .....

ســـــــــــــــــــــائق .....معقوووووووول ...

طب جت ازاى من سائق ...لمهندس!!! لغاية دلوقتى ...منكن حد يقولى؟؟

تم تعديل 1 أبريل 2010 بواسطة shiko

[مغتربة]

مرة ...كنت بشترى حاجة من مكان مـا...

المهم كل ما اتصل بالمكان يقولولى حضرتك تابعى مع المهندس فلان ...

...المهندس فلان راح ....المهندس علان جه ....وزوق ايه ...واخلاق ايه .....وكلام مين ...!!

مهندس ....مهندس فعلاً ....لا والهندزة واخدة حقها معاه على الاخر ...فلسفة وسفسطة مالهاش زى ...

بس كله على الموبايل ماشوفناش حاجة لسة ...كل اللى اعرفه عن الشخص الكارت مكتوب فيه اسم ...مهندس/ فولان..بالبونط العريض ..وعنوان المكان اياااااااه

المهم تلف ايام وتيجى ايام ...وتروحى يا ايام ..والعوكوسات لازمن ولا بد طبعاً.تفتكرنى

.كنت فى شركة سمسرة اوراق مالية ..بخلص حاجة لماما ...

اوم ايه ...اقعد على مكتب موظف ويروح يشوف حاجة ..وسبلى اوراق ادور فيها على طلب معين ...الاقى ايه ؟؟

بوطاقة شخصية ...لفت نظرى الاسم ...نفس الاسم ......ايوة ...نفس العنوان ...ايوة......تمام كده

الوظيفة بقى ...ياخرااااااااشى .....

ســـــــــــــــــــــائق .....معقوووووووول ...

طب جت ازاى من سائق ...لمهندس!!! لغاية دلوقتى ...منكن حد يقولى؟؟

عادى يا شيكو عادى

مش لما تعطل العربيه بيصلحها

يبقى هندزه طبعا

بس انتى ليه مفكرتيش فى احتماليات تشابهه الاسماء

دا ساعات الاسماء بتتشابهه لحد الاسم الخامس

[رضوي]

شيكووووووووووووووو

انتي جاية اشتغلي ايه ؟؟؟؟؟؟

سواااااااااااااااااااقة !!!!!!!!!!!!!!!!!

طيب عادي ياشيكولاتة ياحياتي .................... أما مش شايف بروبلم ؟؟؟؟؟؟؟

وبعدين السواقة فن وذوق .............. يعني الراجل فناااااااااااااااااااااااااااان

وبعدين تفرق ياشيكوز ياحياتي .............. هو بيشتغل سواق فين بالظبط ؟؟؟؟؟؟

ماهو لو طلع سواق جانتي زي صديقنا العزيز هيثم ......... يبقي تمام وراجل اخر مجدعة

أما بقي لو طلع سواق في رابطة ياسائقي العالم اتحدوا ............. مش عايزة أقولك هيبقي جنااااااااااااااااااان آخر حاجة

[رضوي]

السلام عليكم ورحمة الله وبركاته

النهاردة عايزة احكيلكم علي صدفة ............... صدفة جميلة جداً

لما سمعتها حسيت اني بتفرج علي فيلم مريم فخر الدين وعبد الحليم حافظ

اقولكم بقي

حكاية صدفة لصديقتي

بداية عايزة اقولكم ان صاحبتي دي كانت بتدرس في القاهرة ومقيمة في المنصورة وكانت ايام الدراسة بتنزل القاهرة ومعاها عربية بسائق خاص ........... وفي يوم من أيام شهر أغسطس (ايون الدراسات العليا بندرس في الصيف كمان ) ......... ودرجة الحرارة تقارب الاربعين وطبعاً هي في عربيتها قاعدة في المكيف وبتقرا ك العادة في احدي رويات احسان عبد القدوس ( أموت واعرف بتجيب القدرة منين تقرا الرواية اكتر من تلاتين مرة .......... ماعلينا )

المهم

هي بقي راجعة من الجامعة ومروحة وفي الطريق الصحرواي بترفع عينيها من ع الرواية اللي معاها علشان ترتوي من زجاجة المياه بجوارها ........... اذ عيونها تقع علي ايه .........؟؟؟؟؟؟؟؟؟؟؟؟؟؟؟

تخيلوا كدة معايا

تشوف عسكري ربما........... او مجند محتمل .......... أو ظابط ........ اياً كان فهو جندي يقف في الصحراء ينتظر من يقله ............. في عز الشمس الحارقة والساعة تقارب الثالثة ظهراً .......... طبعاً هي عقبال لما انتبهت كان العربية عدت بعيييييييييييييد عن البني آدم اللي واقف في الصحرا دة

المهم

استوقفت السائق ........ بتطلب منه انه يرجع علشان ياخد الشخص المنتظر علي الطريق دة

ربما يكون في طريقهم فتاخد فيه ثواب

وبالفعل .............. استجاب السائق لرغبتها ورجع ووقف للجندي اللي علي الطريق دة وقاله اتفضل يافندم نوصلك معانا حضرتك رايح فين

طبعاً الراجل من غير تفكير ماصدق نط في العربية ليحتمي من شدة الحرارة وبعدين يبقي يشوف هما رايحيين فين ........... اهه يوصلوه لاي مكان مأهول بالسكان والمواصلات

ركب صاحبنا وقعد بجوار السائق ............ وقاله انا متشكر اوي

رد عليه السائق وقاله : لا مافيش حاجة اشكر الآنسة عبير هي اللي طلبت مني ارجعلك

صاحبنا ( اه نسيت اقولكم انه طلع ظابط بيقضي الخدمة العسكرية في الجيش) التفت للخلف علشان يشكر الآنسة عبير فلقاها منهمكة في قرأة الرواية ............... بس تقولوا ايه بقي برده شكرها وقالها أنا متشكر اوي ياآنسة علي ذوقك ............ وك العادة ردت عليه بمنتهي الاختصار : العفو

هي اصلها كدة طبيعتها كدة هنعملها ايه

صاحبنا الظابط افتكرها بقي من النوع المتعجرف المتكبر .......... فبص ادامه ليكمل حديثه مع السائق عم حسن

وبعد مرور فترة من الوقت .............. خلصت فيها عبير الرواية .........فتحت شنطتها لتخرج منها بعض العصائر المثلجة ............. واعطت عم حسن السائق علبة عصير وصحبنا الظابط علبة عصير .......... اللي ماقدرش طبعاً يرفض عرض زي دة ...... علبة عصير مثلجة في عز الحر ............ عرض لا يقاوم ..........المهم صاحبنا طلع من بلدة تقريباً مجاورة لمدينة عبير صاحبتنا ........ ومع محاولاته المستمرة طوال ساعتين لفتح أي مجال للحديث معاها ......... الا انها مشغووووووووووووووولة جداً في الروايات بتاعتها ......... أو في الحديث مع صاحبتها في الموبايل ........... عرف صاحبنا ان مافيش فايدة في الكلام معاها ........ فبدأ يتكلم مع عم حسن السواق ويعرف منه معلومات بطريقة ملتوية عنها ........ يعني مثال انتوا بتروحوا يومياً للقاهرة ؟؟؟؟؟؟؟؟ طيب بتلاقي مكان للانتظار ادام الجامعة ......... الا هي جامعة ايه ؟؟

وهكذا

وف الآخر اعطي لعم حسن رقم موبايله ........ ذكاء برضه

المهم وصلوا بالسلامة الي اقرب مكان له علشان ينزل هو بقي يكمل طريقة لبلدته المجاورة اما هي فخلاص اوشكت علي الوصول للمنزل .......... نزل صاحبنا من العربية وقبل مايقفل الباب بص اوي لصاحبتنا وقالها انا فعلاً عاجز عن شكر كرمك وذوقك بجد

طبعاً اضطرت وللمرة الأولي انها ترفع عيونها عن الرواية اللي في ايدها وتبص لسيادته علشان ترد عليه

هي بصت من هنا

واكتشفت انها كانت راكبة من نجم سينمائي شبه نور الشريف في زمانه

المهم شكرها وانصرف

وهي كمان اتجهت نحو منزلها الذي يبعد حوالي ربع ساعة

بعد فترة من الزمن فوجئت عبير بصاحبنا ينتظرها امام الجامعة ( مع عم حسن البركة طبعاً فاكرينه ) وبيكلمها علي انه عايز ياخد رأيها علشان يتقدم لوالدها رسمي ......... هو سأل عنها في الفترة دي وعرف عنها كل حاجة .......... ودلوقتي جاي يقولها كل حاجة عنه ويحكيلها كل ظروفه

هي دلوقتي معاه في الخليج بعد لما خلص الجيش واتجوزوا وعندهم احلي بنوتة زي القمر

[shiko]

السلام عليكم ورحمة الله وبركاته

النهاردة عايزة احكيلكم علي صدفة ............... صدفة جميلة جداً

لما سمعتها حسيت اني بتفرج علي فيلم مريم فخر الدين وعبد الحليم حافظ

اقولكم بقي

حكاية صدفة لصديقتي

بداية عايزة اقولكم ان صاحبتي دي كانت بتدرس في القاهرة ومقيمة في المنصورة وكانت ايام الدراسة بتنزل القاهرة ومعاها عربية بسائق خاص ........... وفي يوم من أيام شهر أغسطس (ايون الدراسات العليا بندرس في الصيف كمان ) ......... ودرجة الحرارة تقارب الاربعين وطبعاً هي في عربيتها قاعدة في المكيف وبتقرا ك العادة في احدي رويات احسان عبد القدوس ( أموت واعرف بتجيب القدرة منين تقرا الرواية اكتر من تلاتين مرة .......... ماعلينا )

المهم

هي بقي راجعة من الجامعة ومروحة وفي الطريق الصحرواي بترفع عينيها من ع الرواية اللي معاها علشان ترتوي من زجاجة المياه بجوارها ........... اذ عيونها تقع علي ايه .........؟؟؟؟؟؟؟؟؟؟؟؟؟؟؟

تخيلوا كدة معايا

تشوف عسكري ربما........... او مجند محتمل .......... أو ظابط ........ اياً كان فهو جندي يقف في الصحراء ينتظر من يقله ............. في عز الشمس الحارقة والساعة تقارب الثالثة ظهراً .......... طبعاً هي عقبال لما انتبهت كان العربية عدت بعيييييييييييييد عن البني آدم اللي واقف في الصحرا دة

المهم

استوقفت السائق ........ بتطلب منه انه يرجع علشان ياخد الشخص المنتظر علي الطريق دة

ربما يكون في طريقهم فتاخد فيه ثواب

وبالفعل .............. استجاب السائق لرغبتها ورجع ووقف للجندي اللي علي الطريق دة وقاله اتفضل يافندم نوصلك معانا حضرتك رايح فين

طبعاً الراجل من غير تفكير ماصدق نط في العربية ليحتمي من شدة الحرارة وبعدين يبقي يشوف هما رايحيين فين ........... اهه يوصلوه لاي مكان مأهول بالسكان والمواصلات

ركب صاحبنا وقعد بجوار السائق ............ وقاله انا متشكر اوي

رد عليه السائق وقاله : لا مافيش حاجة اشكر الآنسة عبير هي اللي طلبت مني ارجعلك

صاحبنا ( اه نسيت اقولكم انه طلع ظابط بيقضي الخدمة العسكرية في الجيش) التفت للخلف علشان يشكر الآنسة عبير فلقاها منهمكة في قرأة الرواية ............... بس تقولوا ايه بقي برده شكرها وقالها أنا متشكر اوي ياآنسة علي ذوقك ............ وك العادة ردت عليه بمنتهي الاختصار : العفو

هي اصلها كدة طبيعتها كدة هنعملها ايه

صاحبنا الظابط افتكرها بقي من النوع المتعجرف المتكبر .......... فبص ادامه ليكمل حديثه مع السائق عم حسن

وبعد مرور فترة من الوقت .............. خلصت فيها عبير الرواية .........فتحت شنطتها لتخرج منها بعض العصائر المثلجة ............. واعطت عم حسن السائق علبة عصير وصحبنا الظابط علبة عصير .......... اللي ماقدرش طبعاً يرفض عرض زي دة ...... علبة عصير مثلجة في عز الحر ............ عرض لا يقاوم ..........المهم صاحبنا طلع من بلدة تقريباً مجاورة لمدينة عبير صاحبتنا ........ ومع محاولاته المستمرة طوال ساعتين لفتح أي مجال للحديث معاها ......... الا انها مشغووووووووووووووولة جداً في الروايات بتاعتها ......... أو في الحديث مع صاحبتها في الموبايل ........... عرف صاحبنا ان مافيش فايدة في الكلام معاها ........ فبدأ يتكلم مع عم حسن السواق ويعرف منه معلومات بطريقة ملتوية عنها ........ يعني مثال انتوا بتروحوا يومياً للقاهرة ؟؟؟؟؟؟؟؟ طيب بتلاقي مكان للانتظار ادام الجامعة ......... الا هي جامعة ايه ؟؟

وهكذا

وف الآخر اعطي لعم حسن رقم موبايله ........ ذكاء برضه

المهم وصلوا بالسلامة الي اقرب مكان له علشان ينزل هو بقي يكمل طريقة لبلدته المجاورة اما هي فخلاص اوشكت علي الوصول للمنزل .......... نزل صاحبنا من العربية وقبل مايقفل الباب بص اوي لصاحبتنا وقالها انا فعلاً عاجز عن شكر كرمك وذوقك بجد

طبعاً اضطرت وللمرة الأولي انها ترفع عيونها عن الرواية اللي في ايدها وتبص لسيادته علشان ترد عليه

هي بصت من هنا

واكتشفت انها كانت راكبة من نجم سينمائي شبه نور الشريف في زمانه

المهم شكرها وانصرف

وهي كمان اتجهت نحو منزلها الذي يبعد حوالي ربع ساعة

بعد فترة من الزمن فوجئت عبير بصاحبنا ينتظرها امام الجامعة ( مع عم حسن البركة طبعاً فاكرينه ) وبيكلمها علي انه عايز ياخد رأيها علشان يتقدم لوالدها رسمي ......... هو سأل عنها في الفترة دي وعرف عنها كل حاجة .......... ودلوقتي جاي يقولها كل حاجة عنه ويحكيلها كل ظروفه

هي دلوقتي معاه في الخليج بعد لما خلص الجيش واتجوزوا وعندهم احلي بنوتة زي القمر

....لا بجد صدفة جامدة اخر حاجة تستاهل تكون رواية ..ادبية ...او مسلسل بجد

صدفة جامدة اوى يارضوى ...

[shiko]

هو انا ليه يارضوى ملاحظة انك دايماً تحكيلنا عن صدف ....لاخريات ... :lol:

فين صدف حضرتك ....ده على اساس ان حضرتك موش محطوطة على خريطة برامج الصدف ولا ايه..؟؟

[رضوي]

هو انا ليه يارضوى ملاحظة انك دايماً تحكيلنا عن صدف ....لاخريات ... :closedeyes:

فين صدف حضرتك ....ده على اساس ان حضرتك موش محطوطة على خريطة برامج الصدف ولا ايه..؟؟

يانعم !!

ياشكولاتي ياحياتي ........................... لسة أول وأحلي وأجمل صدفة في حياتي ..............إن شاء الله هعملها كتاب لوحدها .......... بس لما ربنا يسهل إن شاء الله

اعمل ايه يعني

اقطع نفسي

وبعدين ماانا قلتلكم علي صدف شخصية حصلت ليا ........... بس صدف عادية يعني

مش من نوع لما قابلتك مرة صدفة ..........كانت أحلي وأجمل صدفة !!!!!!!!!!

طيب عندي صدفة كئيبة ............. يعني صدفة رخمة ........ بقول بلاش اقولها علشان خلينا في زكريات الصدف الجميلة ...........

طيب اقولها وامري لله

في مرة من ذات المرات الكتير

كان عندي واحدة صحبتي وبلدياتي ............. كنت بحبها وبحترمها ولا زلت بصراحة بحبها جداً هسميها ( ملك )

المهم أنا عارفة ان صاحبتي دي مرتبطة بابن عمها والمفروض انه متكلم مع والدها اول لما تخلص دراستها يعلنوا ارتباطهم رسمي

لحد هنا كويس

انا بقي دخلي ايه في الموضوع ؟؟؟؟؟

اه

انا بقي كنت بتكلم مع واحدة صاحبتي تانية وبنرغي في مواضيع كتير اوي ........ المهم في وسط الكلام قالتلي رضوي انا محتاجة اتكلم معاكي ........ ماتيجي نخرج نروح اي مكان ........ قلتها اوك نخرج ,,,,,,, ايه رأيك نتقابل في بيتنا ؟؟؟؟( اه هي دي الخروجة .........حد عنده اعتراض ؟؟؟؟)

المهم اتقابلنا واتكلمنا

صاحبتي التانية هقول عليها مني ( مجازاً )

كلمتني عن عريس متقدم لها ............ المفروض انه صاحب اخوها ويعرفهم من زمان وكان بيحاول يتكلم معاها ............الخ

( انا عارفة الحواديت دي من الاول بس ماكنتش اعرف الشخص )

في وسط الكلام بتقولي اصل كريم كان بيقولي كذا

فقولتلها كريم مين

قالتلي كريم ........... العريس يابنتي

اه هو اسمه كريم ............ ايوة ياعم اوعي تقولي كريم عبد العزيز .......... هتبقي واسعة اوي

قالتلي لا

اسمه كريم اسعد

مين

كريم اسعد

( الاسماء دي كلها مجازية ياجماعة )

وطبعاً اتصدمت ............. هي الدنيا ضيقة اوي كدة

كريم دة يبقي خطيب صاحبتي ملك وابن عمها

طبعاً قولت اتأكد الاول

سألتها عن معلومات أكتر عنه

وقالتلي ............ بيشتغل كذا وخريج كذا .........الخ علي شوية معلومات تانية كدة

طبعاً اتصدمت وماعرفتش اتكلم ولا كلمة

بعديها اتصلت بملك ............ يابنتي هو كريم خريج كذا........ طيب هو عنده عربية موديل كذا .............

قالتلي اه عرفتي مينين

طبعاً اتأكدت ان كريم دة شخص واحد

بقيت في حيرة من أمري ........... اعمل ايه

الاتنين صاحباتي

قلت لا ماينفعش السكوت في الحالات دي .............. قلتلها ملك .......... قلبك جامد

حصل كذا وكذا وكذا .................. ودي الحقيقة يابنتي واتأكدي بنفسك

انا عرفت بالصدفة

طبعاً هي اتكلمت معاه في ساعتها

والراجل بصراحة طلع تمام ........... وقالها الحقيقة

ايوة ........ حصل

يابجاحتك يااخي

انا برده ماسكتش ............ مني كمان صاحبتي وليها حق عليا

الووووو

مني

حصل كذا وكذا وكذا

ودي الحقيقة والله علي ماأقول شهيد

اتصلت بيه يابني الكلام دة مظبوط

الواد بقي هيتجنن ............ مين اللي بيدور ورايا وعرف كل دة منين؟؟؟؟؟؟؟

ومايعرفش ان الموضوع كله بالصدفة البحتة ليس الا

من ساعتها

ملك سابت كريم ............ وقالت

حسبنا الله ونعم الوكيل

ودعوة المظلوم لا ترد ابداً ................ ( وعزتي وجلالي لأنصرنك ولو بعد حين )

ودة اللي حصل

والسبب الصدفة

ياتري انا كنت صح ................. ولا غلط

أنا متأكدة اني صح ........... ولو رجع الموقف تاني هتصرف نفس التصرف

بس فيه ناس بتعارضني

ويقولولي انتي غلط

ماكانش المفروض تتدخلي

بس من وجهه نظري دي أمانة هتحاسب عليها يوم الدين

ماقلنا بلاش صدف حزينة

حد بقي يدخل علينا بصدفة جامدة من بتوع أسامة منير كدة

[shiko]

....صدفة ...

....نعمة ...أو حكمة ...موش عارفة بس كنت عاوزة اقول الحمد لله ...

الحمد لله

وفقنى ربنا اطلع اول سنة فى العمرة سنة 2006,,,وكنت قاعدة فى اوتيل شيراتون فلسطين ....

وكانت عمرة جميلة وكنت بصحبة اخواتى وازواجهم ....وكانت نعم الصحبة ...وتمتعت بالعمر ة...احلى ما يكون ...

وكانت دعوتى ...ان يعيدها على مرات ومرات ....ويارب تكون امى معايا السنة اللى جاية ....

2007 بكلم ابويا فى التليفون لاقيته فى شركة السياحة بيدفع ليه هو ماما ....عنية رغرغت بالدموع وصوتى اتحشرج من العياط انى موش معاهم السنة دى

بابا حاس بية ...مرت ربع ساعة ولاقيت ماما بتكلمنى وبتولى انهم حجزولى معاهم ومطلوب الاوراق وبسرعة ...حمدت الله ...

فى العمرة استمتعت بوجود امى معايا ...اقصى ما يكون ...

والحمد لله الذى وفقنى للخير ومتعتها معايا ...بقدر استطاعتى ....

ودعيت ربنا يعيدها عليا ....انا وامى مرة تانية ...يمكن بصراحة علشان حسيت بالتقصير برضة ناحيتها ...

وكان لى دعوة كدة خاصة بينى وبين ربنا ...كنت باعدى على الاوتيل بتاع برج التوحيد تقريبا اللى قدام باب الملك فهد ...

وكنت دايما ادعى واقول يارب السنة اللى جاية اطلع ماما على حسابى الخاص ...ويكون فى الاوتيل ده ...يمكن علشان اول سنة كنت قاعدة ف اوتيل مريح ...والسنة اللى ماما كانت عايا ..ماكنتش بنفس الراحة ...

2008 ....2009 ....نفس الدعوة ...وبنفس الظروف نفسى ربنا يدينى فلوس اطلع امى على حسابى

فى الاوتيل ده بالتحديد ....موش عارفة يمكن لانى كل مرة اكون ساكنة قريب منه ....

2010....

ماشية فى النادى لاقيت اعلان عن الام المثالية ...

قلت وماله اقدم واخليهالها مفاجأة ......

وقدمت على اخر كام ساعة .والله عقبال ما اقدرت اجمع الاوراق المطلوبة

..وماكنش عندى امل بصراحة ...

كام يوم واتصلوا قالولى ماما طلعت الام المثالية .....يالله يا كريم يا رب...

فى حفل التكريم ....تجرى قرعة على جايزة للامهات المثاليات .....واكتشف ان الجايزة ؟؟؟عـــــــمرة

ويفوز بيها .......؟؟؟؟ امى ....

المفاجأة بقى ....

امبارح كنت باجيب تفاصيل السفر والصدفة ...وطبعا كله من كرم الله ....

السكن فى مكة فى نفس الاوتيل .........اللى دعيت بيه

يمكن ماتكونش صدفة ...على قدماهو كرم من ربنا ...

والله امبارح الموظف بيدينى التفاصيل ...وانا دموعى منهارة منى غصب عنى ....

ياكريم يا الله ...لك الحمد

تم تعديل 10 مايو 2010 بواسطة shiko