فعل فاضح فى الطريق

[ابو محمود]

اعزائى المحاورين

سأطرح على عيونكم مشاهدة خاصة بي حدثت فى حى الحسين اثناء زيارة لمنطقة شارع المعز وما تم بة من ترميمات فاقت الخيال واصبح مفخرة لكل زائر لة من مصر وخارجها بصراحة حاجة تفرح

كنت امشى فخورآ رافع الرأس كلما شاهدت ما أبدعتة اليد المصرية فى ترميم اثارنا العظيمة من تراثنا الاسلامى وتلك المبانى الشامخة تنطق بعظمة المصريين فى فن البناء وتصاميمة وأبداعاته

حتى وصلت اللا مدخل الخان ,,خان الخليلى وكانت تزينة فى مداخله محال التحف الفنية من مشغولات ذهبية وفضية ووصلت الى مقهى الاستاذ الكبير نجيب محفوظ التى تمتلكها شركة كبرى وكانت تعج بالسياح ومشيت الى ان وصلت الى منتصف الشارع الضيق ويسمى بسكة البادستان وكانت هناك قطع يدوية من الخزف والنحاس ومشغولات الصدف من علب وخلافة وهناك يتوسط القبة منطقة منخفضة توصلك الى خارج الخان والى مقهى الفيشاوى وهناك شاهدت ما ازعجنى وازعج من معي فهناك كانت بنات مصريين وشباب صغير يشاهدون خان الخليلى والمشهد الذى ازعجنا هو من سائح اجنبى معة فتاة

ترتدى تيشيرت حمالات وجيب قصير شفاف وهم تقريبآ فى وسط العشرينيات لكنهم يؤذون من حولهم بحركات جنسية فاضحة لا يصح ان تكون فى الشارع فمكانها ليس الشارع هنا فى مصر فالاحضان الساخنة ليس مكانها الطريق بل المنزل وهذا اقل وصف لما يمارسونة من حركات جنسية والغريب ان شرطة السياحة لها مقر فى سكة البادستان وترى بأم عينك المخبرين وهم يشاهدون بدم بارد حركات جنسية ساخنة فى شارع بة مصريين من بنات وشباب هذة هى المشاهد التى حاولت ان اجد لها مبرر بأن يأتى الينا سائح ولا يحترم عاداتنا وأداب طرقنا

والسؤال هو

هل هذا يحق لة كسائح ام هناك ما يشجعة على اتيان الرزيلة فى شارع يعج بالمصريين ؟

هل يوجد لدينا شجاعة كدولة تشجع على السياحة وتعتمد عليها ان نضع ضوابط لتفادى تلك المشاهد ؟؟

[joo]

انا مش شايف شيء يهم فى الموضوع 00 انت بتتكلم و متدايق علشان هما اجانب ودة شيء عادى عندهم

طيب لية مش بتدايق لما تتمشى على الكرنيش وتشوف شباب وبنات مصريين بيعملو العن من كدة بكتير من غير خجل وكسوف

وبردو محدش بيقول لهم حاجة 00 ومصر مليانة بلاوى 00 وبردو محدش بيقول حاجة

انا شايف ان مفيش جديد فى الموضوع

[بندق أفندى]

الذوق والآداب العامة يجب احترامها من كل كائن على أرض بلدى

[جيمي]

شوف مادام من جنسيه تانيه ... عمر الداخليه ماهتعكر مزاج سعادته ... ولو واحد اعترض هتبقي سنته زرقه .... .. ولو الراي العام اعترض والموضوع كبر ... هيجيبولو فتوي من الازهر :lol: ...

سيبك انت .. اهم حاجه منظرنا ادام العالم المتمدن :ninja:

[عاشق الترحال]

أنت عاوز تبوظ لنا السياحه ولا أيه ؟

مش تخلي الناس تتبسط كده وتمارس حياتها الطبيعيه !! دا حتى الحكومه واقفلهم ناضورجيه :lol:

أنت هتعرف أكتر من الحكومه ولا أيه

أنت عارف يا أستاذ محمود الاجانب دول واخدين حقهم في بلدنا أحسن مني ومنك وبيعملوا اللي عاوزينه تحت حراسة الحكومه .

العيب عالحكومه اللي فتحاها عالبحري لكل من هب ودب من الاجانب أن يرتع في بلادنا بلا حسيب ولا رقيب ويتجاوز القانون ويعمل اللي على كيفه بحجة تنشيط السياحه والعمله الصعبه والكلام اللي بالك فيه ده ,

وقياسا على ذلك وفي نفس الوقت لو مصري عمل أي مخالفه أو تجاوز للقانون عندهم في بلادهم بيتبهدل وياخد على دماغه هو واللي يتشدد له .

وعجبي على حالنا :wub:

[sarmar]

مكتوب عليك ياولدى ان تحترم ولا تحترم مكتوب عليك ياولدى ان ماتقررة الحكومة وشايفاة كويس انك تحترمة اما وجهة نظرك انت لالالالاتحترررررررررررررررم

مكتوب علينا حاجات كثيرة فضحها الفنجان فى الايام الاخيرة بس هى كانت من زمان موجودة وطافت وغطت اليومين دول يــــــــــــــــــــــــاربى اية العمل ؟؟ هى مصر اللى غلط ولا المصريين اللى غلط ولا حاكمنا اللى غلط ولا الجميع غلط ؟؟؟؟؟؟؟؟؟؟؟؟؟؟؟؟

[MZohairy]

اتفق معكم في اهمية احترام السائح لعادات و تقاليد اهل البلد المضيف و لو حتى بالقوة

زعلت جدا لما عرفت ان مصر فيها شواطئ للعراه و قرى سياحيه بها عراه ايضا بل و ان بعض الفنادق الخمس نجوم بها حمامات سباحه تسمح بمثل هذا الشيئ

حقيقة احزنني ذلك جدا و لم اكن اتوقع ان يحدث يوما في مصر

[se_ Elsyed]

أعتقد إن ده هو الهدف الرئيسي للحكومة

خلي الناس تتلهي وكل واحد يعمل اللي هو عاوزه بالقوانين الخاصة به واللي ترضيه ...

وللمره المليون اقول إن مصر من 30 عام ليس بها رئيس ..

واللي موجود ده عالكرسي وبلغ 83 .. ما هو إلا موظف حكومه لا بيهش ولا بينش ... والبلد ماشيه في عهده بالدفع الذاتي .. للأسف طبعاً ..

وإذا اتكلمنا عن الأفعال الفاضحه .... فقول وعيد زي مانت عاوز ..

والله يا جماعه أنا رايح المطار أمبارح وأخويا بيوصلني وأنا اللي كنت سايق ... وإذ بي أشوف منظر يخليني أقول " عاش الرئيس حُسني مبارك ملك الفساد والفاسدين "

أنا ماشي وقدامي عربية .. والطريق زحمه كالمعتاد ... وإذ بي أصرخ واقول لأخويا : شايف اللي أنا شايفه ؟؟؟؟

إيه بقى ؟

السافل اللي سايق العربية أو صاحبها ... حاطط أستيكر كبير في الخلف ... عبارة عن سوري يعني ... شخص يخلع بنطلونه .. وطبعاً بقى عاري .... ومكتوب بالأنجليزي Kiss This

قلت له لك حق يا سافل ما هي بلد من غير ريس .... وبالمناسبة ده أستيكر ومطبوع وبيتباع عادي في محلات الأكسسوارات

وكنت عاوز أفتح موضوع عن قانون المرور الجديد بتاع خالتي ام سعيد .. لكن قرفت .. لأن الشلة الزبالة الموجوده حالياً دي ما منهاش فايدة ....

فقبل ما نلوم الاجانب اللي المسائل دي عادي في بلدهم .. خلونا نلوم أنفسنا الأول لانهم بيييجوا يشوفوا عجب العجاب عندنا ...

بالله عليكم يا اخواننا ياللي مقيمين في بلاد لا تعرف ربنا ولا عندهم نواهي ... في حد شاف ستيكرات او ملصقات زي كده على عربيات عندكو ؟

[ابو محمود]

اتفق معكم في اهمية احترام السائح لعادات و تقاليد اهل البلد المضيف و لو حتى بالقوة

زعلت جدا لما عرفت ان مصر فيها شواطئ للعراه و قرى سياحيه بها عراه ايضا بل و ان بعض الفنادق الخمس نجوم بها حمامات سباحه تسمح بمثل هذا الشيئ

حقيقة احزنني ذلك جدا و لم اكن اتوقع ان يحدث يوما في مصر

المشكلة يا عزيزى انها اتنقلت الى الشوارع وامام العامة من الناس ان احترامى وأداب الحديث تمنعنى من وصف ما شاهدت من فعل اقل ما يوصف انة لا يصح الا فى الغرف المغلقة

العزيز جو ارجوك احترام النقاش ولا تجعل من الموضوع حوار شخصى الكورنيش لأهلة اما بناتنا وابناءنا المحترمين لايصح لهم ان يفعلو ذلك اما ثقافتك انت وما يروق لك هو حرية شخصية لا تحاول اقحام المجتمع فيها الفعل الفاضح يفعل فى الخفاء مثلة كالسرقة وما شابهها من الشاذ من افعال البشر يا عزيزى الغير صحيح وغير انسانى يفعلة الانسان فى الخفاء عن الناس اما ان نجعل الفحشاء والفجور سداح مداح ونعلم ابناءنا انها تؤتي فى العلن فصدقنى يومها سنحتاج لعلاجنا من مرض الاباحية الذى يبحث اهلة حاليآ عن علاج لة فيعيدون قراءة ودراسة قوانين وتشريعات اخرى لأخذ منها ما يصلحون ما افسدتة الاباحية

[doha]

هحكي لحضرتك قصة يااستاذ محمود ..

العمارة الي ساكن فيها والدي تقع في مقابل مبني الحزب الوطني ..

من كام سنة تحديدا ايام الانتخابات الرئاسية الاخيرة . .قبل الانتخابات بيوم او اثنين تقريبا .. صادف اني كنت عند والدي بقضي يومين ..

وصادف ان المسؤولين في الحزب اخترعوا لنا حاجه جديده في ايامها عشان ينكدوا علينا عيشتنا اكتر ..

استأجروا ( دي جي ) بمكبرات صوت الواحد قد نص عربية كده .. ورصوهم امام مدخل الحزب وشغالين اغاني ( وطنية ) على اعلى درجه صوت ممكنه ..

صحيت الصبح الساعه يمكن 8 مش فاكره .. على الاغاني الي لا تنقطع .. استمر الوضع لغايه عشرة بليل يمكن مش فاكره ..

تكرر الموضوع ثاني يوم برضه .. من الصبح بدري الاغاني شغاله .. لاه والي لفت نظري ان مابين كل كام اغنيه وطنيه يقطع ويحط احدث اغاني عمرو دياب !!!

خلاص حسيت ان الموضوع اصبح خارج عن السيطرة ..

كان الوقت اقترب على المغرب ودماغي بقت قد البطيخه .. والناس حوالينا كلها مستاءة من الي بيحصل ومحدش بيتكلم او يقولك هنقول ايه يعني ..

قعدت فكرت ..

دلوقت طالما احنا متضررين وساكتين يبقى بجد احنا نستاهل الي يجرى فينا ..

رحت خدت بعضي ونزلت على الحزب ..

دخلت وسألت البواب .. عن حكايه مكبرات الصوت دي وهتخلص امتى .. قالي والله يابنتي ادخلي كلميهم جوا ده انا نفسي دماغي صدعت ..

رحت دخلت جوا .. قلت لهم فين المسؤول هنا .. شاوروا لي على مكتب فوق ..

طلعت فوق ..

دخلت لقيت واحد ( مجعوص ) على مكتب في وسط اوضه عشرين متر كده في عشرين متر .. مبنى براح بقى مش دافعين فيها حاجه ورثوها كده من ايام الاقطاع .. استغربت على الجعصه الي مش متماشية مع المكانه .. يعني لو ده بفلوسك انقعد كده .. ماعلينا ..

قلت له ..

بعد اذنك احنا ساكنين هنا في المنطقة والديجي ده مزعج الى اقصى درجه فياريت تشوفوا فيه حل ..

ابتسم الراجل وقالي معليش بقى مناسبة ( وطنية ) ولازم كلنا نضحي ..

استفزتني كلمته ..

رديت عليه بكل حده ..

ايوه مناسبة وطنيه على عيني وراسي لما تبقى مشغل لي مصر هي امي .. لكن لما تشغل اغنية جيل المستقبل يبقى انت بتعمل دعاية للحزب بتاعك يبقى تسمع على قد الحزب بتاعك ..

يشهد الله اني قلتها في وشه بالحرف كده (( بتعمل دعاية للحزب بتاعك يبقى خليها تتسمع بس في الحزب بتاعك )) ولا همني رد فعله هتكون ايه بس كان لازم اقول كلمه الحق الي تخلص ضميري ..

قالي مامعناه ربنا يسهل وهنشوف هنعمل ايه ..

نزلت من عنده وقبل ماوصل الباب الخارجي مريت في طريقي على مكتب تاني على المدخل .. لقيت واحد بيتكلم في التليفون وسمعت الحوار التالي :

بس كده ؟ ده احنا هنعليه اكتر كمان ..

تسمرت في مكاني ..

بصيت له كده فلقيته كانه انحرج .. قلت له كمان هتعلوه ؟ السيد الي ( فوق ) بيتحدى وفاكر انه كده بيعمل شيء .

خرجت من عندهم وانا منغاظه جدا وحاسه بالظلم ..

وقعدت افكر وانا ماشيه ف الشارع ..

بس تبدد غيظي لما فكرت .. انا فعلا عملت الي علي .. ووقفت في وش الي شفته غلط وقلت لهم لا .. دخلت ومهمنيش وانا عارفه اننا كنا في حاله طواريء والاشاعات مالية البلد عن البلطجية الي بشوم الي مسنترين حوالين اللجان الانتخابيه .. كنت ماشيه في شارع البحر الي كان لو حد من سكان طنطا معايا ويفتكر مابين كل عسكري وعسكري موقفين عسكري .. مهمنيش كل ده ودخلت قلت للظالم ياظالم انت بتستغل سلطتك وبتفرض علينا حاجه مش عاوزينها .. انت غلط واحنا مش راضيين الغلط ..

لما فكرت كده قلت دي بدايه .. لو فضلت عليها هييجي يوم مش هيعلوه لاه ده هيجي يوم هينكسر فيه الديجي ده لو مصري واحد بس قال مش عاوزه ..

سيدي الفاضل محمود لو كنت مكانك في الموقف الي حكيت عنه ده بقولك بكل ثقة كنت هقولهم اختشوا على دمكم وعيب الي بيحصل ده احنا بلد محترم مش عاجبكم تقاليدنا روحوا اتمسخروا في بلدكم .. صدقني مكنتش هسكت ولا الي حوالي كمان كانوا هيسكتوا ..

سيدي الفاضل معليش المرة دي حضرتك وكل من حضر الموقف الي غلطانين .. كفايه بقى مرحلة الانكار بالقلب .. ان مكناش هنعمل حاجه ايجابيه ونقول لاه وغلط واختشوا .. هيبقى بجد احنا الي معندناش خشى ..

اصدقك القول انا مكنتش متوقعه انهم يطفوه او يوطوا الصوت .. قلت اهي محاولة .. لكن على الاقل مفقدش احترامي لنفسي اني مش ضعيفه واني حرة استحق اعيش في بلد حرة ..

لو كنت مكانك كنت هقولهم احترموا نفسكم .. يمكن يبطلوا ويمكن اه .. بس الاكيد اني ساعتها كنت هسيبهم وانا رافعه راسي .. وانت كمان المرة الجايه لازم هتعمل كده .

[ابو محمود]

حاضر يا أستاذة ضحى هعمل زى ما انت قولتى

وقتها ما كنش ينفع علشان ماكنتش لوحدى ومعي ضيوف ...

[pocy]

أخى الفاضل هل ذهبت الى شرم الشيخ من قبل ؟؟؟؟؟؟؟؟؟؟؟؟؟؟؟؟؟

أخى الفاضل هل ذهبت الى مارينت من قبل ؟؟؟؟؟؟؟؟؟؟؟؟؟؟؟؟؟؟

أخى الفاضل هل ذهبت الى ذهب من قبل ؟؟؟؟؟؟؟؟؟؟؟؟؟؟؟

أخى إذا لم تذهب الى تلك الاماكن فإن ما رأيته ليس فعل فاضح بانه شيئا عاديا مما يحدث في تلك الاماكن للاسف

وللاسف اكتر وفى مكان فى العجمى حيث المصيف والجو الجميل رأيت مثل ما رأيت

ورأيت هذا ايضا فى مرسي مطروح ........................

بل انى رأيت هذا الموقف في الاتوبيس

الخطأ وكل الخطأ على السائح اللى مش عارف ثقافه البلد اللى هو رايحلها

الخطأ كل الخطأ على اللى يري مثل هذا الامر ولا يغيره بيديه او بلسانه وده أضعف الايمان

الخطأ أننا للاسف بدأنا نربي أولادنا على الجبن والبعد عن الشر غنيمه

شكلى هتراجع تانى عن المحاورات

[ابو محمود]

أخى الفاضل هل ذهبت الى شرم الشيخ من قبل ؟؟؟؟؟؟؟؟؟؟؟؟؟؟؟؟؟

أخى الفاضل هل ذهبت الى مارينت من قبل ؟؟؟؟؟؟؟؟؟؟؟؟؟؟؟؟؟؟

أخى الفاضل هل ذهبت الى ذهب من قبل ؟؟؟؟؟؟؟؟؟؟؟؟؟؟؟

أخى إذا لم تذهب الى تلك الاماكن فإن ما رأيته ليس فعل فاضح بانه شيئا عاديا مما يحدث في تلك الاماكن للاسف

وللاسف اكتر وفى مكان فى العجمى حيث المصيف والجو الجميل رأيت مثل ما رأيت

ورأيت هذا ايضا فى مرسي مطروح ........................

بل انى رأيت هذا الموقف في الاتوبيس

الخطأ وكل الخطأ على السائح اللى مش عارف ثقافه البلد اللى هو رايحلها

الخطأ كل الخطأ على اللى يري مثل هذا الامر ولا يغيره بيديه او بلسانه وده أضعف الايمان

الخطأ أننا للاسف بدأنا نربي أولادنا على الجبن والبعد عن الشر غنيمه

شكلى هتراجع تانى عن المحاورات

وانتي ترضى انك تحرمينا من مخاطبة عقل محترم

عزيزتى بوسي

نحن نحاول ان نجد حلول لبعض مشاكلنا بطرحها هنا كلنا نستفيد من بعض لعلنا نجد حلول وسط نصل بها الى كمال الصورة او تحسين لونها او تضميد جراح لها تنزف او ازاحة التراب من على البرواز

صدقينى المهم اننا ما نخسرش عقولنا مع خسارتنا لبعضآ من حواسنا الجسد لا يحتمل

[الدكتورة أم أحمد]

هحكي لحضرتك قصة يااستاذ محمود ..

العمارة الي ساكن فيها والدي تقع في مقابل مبني الحزب الوطني ..

من كام سنة تحديدا ايام الانتخابات الرئاسية الاخيرة . .قبل الانتخابات بيوم او اثنين تقريبا .. صادف اني كنت عند والدي بقضي يومين ..

وصادف ان المسؤولين في الحزب اخترعوا لنا حاجه جديده في ايامها عشان ينكدوا علينا عيشتنا اكتر ..

استأجروا ( دي جي ) بمكبرات صوت الواحد قد نص عربية كده .. ورصوهم امام مدخل الحزب وشغالين اغاني ( وطنية ) على اعلى درجه صوت ممكنه ..

صحيت الصبح الساعه يمكن 8 مش فاكره .. على الاغاني الي لا تنقطع .. استمر الوضع لغايه عشرة بليل يمكن مش فاكره ..

تكرر الموضوع ثاني يوم برضه .. من الصبح بدري الاغاني شغاله .. لاه والي لفت نظري ان مابين كل كام اغنيه وطنيه يقطع ويحط احدث اغاني عمرو دياب !!!

خلاص حسيت ان الموضوع اصبح خارج عن السيطرة ..

كان الوقت اقترب على المغرب ودماغي بقت قد البطيخه .. والناس حوالينا كلها مستاءة من الي بيحصل ومحدش بيتكلم او يقولك هنقول ايه يعني ..

قعدت فكرت ..

دلوقت طالما احنا متضررين وساكتين يبقى بجد احنا نستاهل الي يجرى فينا ..

رحت خدت بعضي ونزلت على الحزب ..

دخلت وسألت البواب .. عن حكايه مكبرات الصوت دي وهتخلص امتى .. قالي والله يابنتي ادخلي كلميهم جوا ده انا نفسي دماغي صدعت ..

رحت دخلت جوا .. قلت لهم فين المسؤول هنا .. شاوروا لي على مكتب فوق ..

طلعت فوق ..

دخلت لقيت واحد ( مجعوص ) على مكتب في وسط اوضه عشرين متر كده في عشرين متر .. مبنى براح بقى مش دافعين فيها حاجه ورثوها كده من ايام الاقطاع .. استغربت على الجعصه الي مش متماشية مع المكانه .. يعني لو ده بفلوسك انقعد كده .. ماعلينا ..

قلت له ..

بعد اذنك احنا ساكنين هنا في المنطقة والديجي ده مزعج الى اقصى درجه فياريت تشوفوا فيه حل ..

ابتسم الراجل وقالي معليش بقى مناسبة ( وطنية ) ولازم كلنا نضحي ..

استفزتني كلمته ..

رديت عليه بكل حده ..

ايوه مناسبة وطنيه على عيني وراسي لما تبقى مشغل لي مصر هي امي .. لكن لما تشغل اغنية جيل المستقبل يبقى انت بتعمل دعاية للحزب بتاعك يبقى تسمع على قد الحزب بتاعك ..

يشهد الله اني قلتها في وشه بالحرف كده (( بتعمل دعاية للحزب بتاعك يبقى خليها تتسمع بس في الحزب بتاعك )) ولا همني رد فعله هتكون ايه بس كان لازم اقول كلمه الحق الي تخلص ضميري ..

قالي مامعناه ربنا يسهل وهنشوف هنعمل ايه ..

نزلت من عنده وقبل ماوصل الباب الخارجي مريت في طريقي على مكتب تاني على المدخل .. لقيت واحد بيتكلم في التليفون وسمعت الحوار التالي :

بس كده ؟ ده احنا هنعليه اكتر كمان ..

تسمرت في مكاني ..

بصيت له كده فلقيته كانه انحرج .. قلت له كمان هتعلوه ؟ السيد الي ( فوق ) بيتحدى وفاكر انه كده بيعمل شيء .

خرجت من عندهم وانا منغاظه جدا وحاسه بالظلم ..

وقعدت افكر وانا ماشيه ف الشارع ..

بس تبدد غيظي لما فكرت .. انا فعلا عملت الي علي .. ووقفت في وش الي شفته غلط وقلت لهم لا .. دخلت ومهمنيش وانا عارفه اننا كنا في حاله طواريء والاشاعات مالية البلد عن البلطجية الي بشوم الي مسنترين حوالين اللجان الانتخابيه .. كنت ماشيه في شارع البحر الي كان لو حد من سكان طنطا معايا ويفتكر مابين كل عسكري وعسكري موقفين عسكري .. مهمنيش كل ده ودخلت قلت للظالم ياظالم انت بتستغل سلطتك وبتفرض علينا حاجه مش عاوزينها .. انت غلط واحنا مش راضيين الغلط ..

لما فكرت كده قلت دي بدايه .. لو فضلت عليها هييجي يوم مش هيعلوه لاه ده هيجي يوم هينكسر فيه الديجي ده لو مصري واحد بس قال مش عاوزه ..

سيدي الفاضل محمود لو كنت مكانك في الموقف الي حكيت عنه ده بقولك بكل ثقة كنت هقولهم اختشوا على دمكم وعيب الي بيحصل ده احنا بلد محترم مش عاجبكم تقاليدنا روحوا اتمسخروا في بلدكم .. صدقني مكنتش هسكت ولا الي حوالي كمان كانوا هيسكتوا ..

سيدي الفاضل معليش المرة دي حضرتك وكل من حضر الموقف الي غلطانين .. كفايه بقى مرحلة الانكار بالقلب .. ان مكناش هنعمل حاجه ايجابيه ونقول لاه وغلط واختشوا .. هيبقى بجد احنا الي معندناش خشى ..

اصدقك القول انا مكنتش متوقعه انهم يطفوه او يوطوا الصوت .. قلت اهي محاولة .. لكن على الاقل مفقدش احترامي لنفسي اني مش ضعيفه واني حرة استحق اعيش في بلد حرة ..

لو كنت مكانك كنت هقولهم احترموا نفسكم .. يمكن يبطلوا ويمكن اه .. بس الاكيد اني ساعتها كنت هسيبهم وانا رافعه راسي .. وانت كمان المرة الجايه لازم هتعمل كده .

تحياتي ضحى واحترامي لك على موقفك الإيجابي ولكن كان عليك خطوة أخرى ومثلك الأستاذ محمود وهي بلاغ لقسم الشرطة أو شرطة الآداب( في الحالة الثانية) لو كانت قريبة

أما لو لم تكن كذلك فيكتفى في الحالة الثانية بالردع الشعبي يعني حضرتك وضيوفك لو مصريين وأيضا المتواجدين في المكان

الإعلان بهذا الفعل الفاضح ليس وليد التو واللحظة ولكن سبقه مراحل تمهيد وهو أيضا يمهد لفعل أقبح وانتشار أكثر

الله المستعان

[الباشمهندس ياسر]

شوف مادام من جنسيه تانيه ... عمر الداخليه ماهتعكر مزاج سعادته ... ولو واحد اعترض هتبقي سنته زرقه .... .. ولو الراي العام اعترض والموضوع كبر ... هيجيبولو فتوي من الازهر ...

سيبك انت .. اهم حاجه منظرنا ادام العالم المتمدن

جيبت الكلمة دي منين

سنته زرقه بامارة ايه...............؟

انا حصل مرة الموقف ده قدامي و دخلت بكل ذوق و قلتله ان ده يتعارض مع الاداب العامة بتاعتنا ف الشارع

ممكن تعمل كده ف مكان مغلق ... مش ف الشارع

الراجل اندهش و اعتذر

و خلصت خلاص