نامى ياصفيه...مافيش فايده

[ابوهنا]

اكتب وقلبى يعتصر حسره على ماوصلنا اليه من تخلف نحن كحكومه ومواطنين (واعتذر عن اللفظ) ولكن لاينفع اى لفظ سوى التخلف...انا كنت فى سنغافوره من اسبوع وتخيل انك تتجه من المطار الى قلب المدينه بدولار ونصف سنغافورى يعنى 8 جنيه مصرى ...تخيل حضرتك عايز تروح ميدان التحرير من المطار شوف حضرتك هتدفع كام وقيس على كده مدى التخلف

تعطلت العربيه بى الساعه 11 ونصف ليلا 200 كلم جنوب جدا وهدانى تفكيرى الى الاتصال بالشرطة طالبا للنجده ...بعد ربع ساعه جاءت لى سيارة امن الطرق وبعد ربع ساعه اخرى جاءت سياره وحملت العربيه بتاعتلى الى جده...تخيل حضرتك لو انا فى الصحراوى الشرقى وتعطلت بى العربيه....وقيس مدى التخلف

الامثله كثيره

يا اخوانى فعلا مافيش فايده ومافيش امل

مشى مبارك جه البرادعى جه اى حد مافيش فايدة ولا حل

احنا الان 8 مليون دوله داخل مصر...كل واحد بيعمل لنفسه...لو هنعمل كمجموعه

المجتمع فسد

حد يقولى فيه حد شريف بيعمل لصالح مصر من غير هدف شخصى...اتحدى

حد يقولى ان فيه امل

انا لا اعتقد...الصوره قاتمه

[محمد الششتاوي]

إن الله لا يغير ما بقوم حتى يغيروا ما بأنفسهم

[ابو حودة]

ابدأ بنفسك

[ابوهنا]

ابدأ بنفسك

انا جزء من مشكلة التخلف

لانى سبت البلد ومشيت وزييى كتيييير

وماعنديش استعداد ارجع اخد 350 جنيه من وزارة الصحه ماتكفيش بنتى لبن صناعى

ولو انا هانزل علشان اصلح البلد وانقذها من التخلف يبقى لازم يكون لى مصلحه

انا نسخه من 80 مليون نسخه

حضرتك برده نفس النسخه

علشان كده مافيش فايده

[Alshiekh]

اكتب وقلبى يعتصر حسره على ماوصلنا اليه من تخلف نحن كحكومه ومواطنين (واعتذر عن اللفظ) ولكن لاينفع اى لفظ سوى التخلف...انا كنت فى سنغافوره من اسبوع وتخيل انك تتجه من المطار الى قلب المدينه بدولار ونصف سنغافورى يعنى 8 جنيه مصرى ...تخيل حضرتك عايز تروح ميدان التحرير من المطار شوف حضرتك هتدفع كام وقيس على كده مدى التخلف

تعطلت العربيه بى الساعه 11 ونصف ليلا 200 كلم جنوب جدا وهدانى تفكيرى الى الاتصال بالشرطة طالبا للنجده ...بعد ربع ساعه جاءت لى سيارة امن الطرق وبعد ربع ساعه اخرى جاءت سياره وحملت العربيه بتاعتلى الى جده...تخيل حضرتك لو انا فى الصحراوى الشرقى وتعطلت بى العربيه....وقيس مدى التخلف

الامثله كثيره

يا اخوانى فعلا مافيش فايده ومافيش امل

مشى مبارك جه البرادعى جه اى حد مافيش فايدة ولا حل

احنا الان 8 مليون دوله داخل مصر...كل واحد بيعمل لنفسه...لو هنعمل كمجموعه

المجتمع فسد

حد يقولى فيه حد شريف بيعمل لصالح مصر من غير هدف شخصى...اتحدى

حد يقولى ان فيه امل

انا لا اعتقد...الصوره قاتمه

الفاضل ابو هنا

اولا مفروض تشكر ربنا وتبوس ايدك وش وضهر ان بلدك " مصر الفقيرة الفاسدة المتخلفة علمتك " ببلاش " وجعلت منك انسان تتهافت عليه الدول ليصب فيها من علمه ما تعلمه فى " مصر الفقيرة الفاسدة المتخلفة ببلاش " التى لم تجنى عائد ما انفقته عليك والذى ساهم في هذا الانفاق كل مصرى بدءا من ام فرج بياعة الجرجير .

الفاضل ابو هنا

انت حكيت على ان التاكسى اخذ منك دولار ونصف سنغافورى ، وقارنته بمصر ، طيب انا عندى فى امريكا تفتح باب التاكسى بـ 4.5 دولار امريكى وكل ميل ( 1.6 كم ) بـ 2 دولار ، عمرى ماشفت امريكى بيلعن فى امريكا علشان التاكسى فى سنغافورة رخيص وغالى فى امريكا؟

الفاضل ابو هنا

موضوع انك تعطلت فى الطريق وامن الطريق جاء لك ورفعوا لك العربية ده امر داخلى لايمكن مقارنته بدولة زى مصر ، انت هناك فى صحراء بمعنى الكلمة ، الطرق فى مصر تعمل 24 ساعة ولو تعطلت ستجد الف من يقف لك ويوصلك لاقرب مكان ومن اقرب مكان يمكنك ان تجرى اتصالاتك بمن يمكنه اصلاح سيارتك او رفعها وسحبها لورشة الاصلاح وليس الحكومة ، وفى الاول والآخر انت مسئول عن سيارتك وعن رفع سيارتك مش الحكومة ،

حدث ان نفذ بنزين سيارتى على الهاى واى ، وبعد بضع دقائق مرت بى سيارة شرطة ، وسألنى عن سبب التوقف فحكيت له ، فأخذنى الى اقرب محطة بنزين واشتريت بنزين ، واخذنى للسيارة ، ثم اخذ بياناتى ، وعمل لى مخالفة ، حوالى 45 دولار دفعتها فى المحكمة .

لاشك ان فى مصر اشياء كثيرة تحتاج لاصلاح واعادة تنظيم ، ولكن ان نهيل التراب على مصر ، فقط لمجرد اننا رأينا شيئا اعجبنا بالخارج ، فهذا ظلما كبيرا .

مصر ليست متخلفة !!!

[محمد الششتاوي]

اولا مفروض تشكر ربنا وتبوس ايدك وش وضهر ان بلدك " مصر الفقيرة الفاسدة المتخلفة علمتك " ببلاش " وجعلت منك انسان تتهافت عليه الدول ليصب فيها من علمه ما تعلمه فى " مصر الفقيرة الفاسدة المتخلفة ببلاش " التى لم تجنى عائد ما انفقته عليك والذى ساهم في هذا الانفاق كل مصرى بدءا من ام فرج بياعة الجرجير .

السلام عليكم

استاذ محمد حضرتك بتقول ان مصر علمتك ببلاش

مين اللي دفع فلوس التعليم دي؟

بلاش نقول مصر عشان ده اسم مجازي

مين بالتحديد؟؟ وجاب الفلوس دي من اين؟

[se_ Elsyed]

عفواً أخي أبو هنا

لا تعجبني ولا أستسيغ النظرة الفوقية للأمور

أو بالبلدي كده .. زي الناس الغلابة اللي شقيوا وتعبوا وربوا أبنهم أحسن تربية ولما كبر وبقى حلو وبيلبس بدلة .. بقى يستعر من أهله ويتأفف من ريحتهم الوحشه

عفواً كثير منا يفعل ذلك مع بلده مصر

أيوه مصر علمتنا وكبرتنا وما حدش يقول لي : إنما أوتيته على علم عندي .. وانا علمت نفسي بنفسي

وعشان ما نشتتش الموضوع

أقول لسيادتك إنك ممكن تروح التحرير من المطار بأتوبيس مُكيف وفي غاية الفخامة بـ 2 ج

والأكثر من لك ممكن تروح من المرج إلى حلوان يعني اكثر من 40 ك تقريباً ... بجنيه واحد حضرتك باستخدام مترو الأنفاق ... يعني أقل من ربع دولار يا دكتور

وأزيدك من الشعر بيت ... مقارنة مصر بسنغافورة شيء في منتهى الظلم .. وإلا .. لماذا لم تقارن سنغافورة مثلاً بالسعودية ؟

الغريب إن أبو هنا نفسه لم يذكر إن كسرة عداد التاكسي في السعودية بخمس ريالات ...

والغريب إن هو نفسه لم يذكر مثلاً أن مازال سعر البنزين لدينا من أرخص الدول العربية ..

بل إن الهنود نفسهم لما بيعرفوا أن أقصى سعر للتر هو 2 ج بيتعجبوا لأن عندهم نارررررررررررررررررر

[ابو حودة]

ابدا بنفسك

قلتها لنفسي قبل ان اقولها لك

النفس البشرية واحدة والانسان واحد في اي مكان بالعالم يفكر في نفسه اولا ومصلحته اولا

دور الدولة او قادة الفكر محاولة وضع اطر لتجميع المصالح الخاصة

لتكون محصلة للمصلحة العامة

اعود لنفس الكلمة التي ارى انا اغضبتك وهي ابدا بنفسك

هل تملك بطاقة انتخابية

انتخبت بالفعل

مسألة الانتخاب هنا قد يكون الرد عليها ان الانتخابات يتم تزويرها

وهذا قد يكون صحيح ولكن انا فقط اقوم بدوري ودع الاخرين يقوموا بادوارهم او لا يقوموا

كلا مسئول عن نفسه فقط

عندما اقوم بالانتخاب واعطي صوتي لحزب اخر او مرشح اخر غير الحزب الحاكم

انا اعاقب هذا الحزب بحجب صوتي عنه بما يعني عدم رضائي عن سياساته ولكن ان اترك له

الملعب يمرح فيه ويزور صوتي باعتباري من الحزب الصامت

فانا المسئول

[Alshiekh]

اولا مفروض تشكر ربنا وتبوس ايدك وش وضهر ان بلدك " مصر الفقيرة الفاسدة المتخلفة علمتك " ببلاش " وجعلت منك انسان تتهافت عليه الدول ليصب فيها من علمه ما تعلمه فى " مصر الفقيرة الفاسدة المتخلفة ببلاش " التى لم تجنى عائد ما انفقته عليك والذى ساهم في هذا الانفاق كل مصرى بدءا من ام فرج بياعة الجرجير .

السلام عليكم

استاذ محمد حضرتك بتقول ان مصر علمتك ببلاش

مين اللي دفع فلوس التعليم دي؟

بلاش نقول مصر عشان ده اسم مجازي

مين بالتحديد؟؟ وجاب الفلوس دي من اين؟

السلام عليكم

مصر مش اسم مجازى ولا حاجة

مصر هى محمد واحمد ومرقص وبطرس وحسنين وعابدين وابراهيم

اللى عنده قيراطين فى الريف بيدفع شيئ من الضريبة كل سنة ، والعامل البسيط اللى بيشتغل فى مصنع او فراش فى مدرسة بيدفع شيئ من الضريبة ، وسواق التاكسى بيدفع شيئ من الضريبة ، وصاحب المحل والكوافير والحلاق والنجار وصاحب الشركة الصغيرة وصاحب الشركة المتوسطة والكبيرة كلهم بيدفعوا شيئ من الضريبة ، حتى موظف الحكومة بيدفع ضريبة ، الدكتور والمهندس والمقاول بيدفع ضريبة .

ومن حصيلة الضريبة دى ومن حصيلة البترول وقناة السويس بتكون هى دى موارد الدولة والخزانة العامة .

الفلوس دى بتتصرف على الخدمات من تعليم ومستشفيات وتعبيد طرق وتظهير ترع ومصارف و و و و و و

يقوم لما احمد بن ابو سيداحمد ابوه يقعده من المدرسة وعوضين بن حسنين يشتغل فى الفاعل بدرى وبلية يسيب المدرسة ويروح يشتغل صبى ميكانيكى ، والبت باتعة سابت المدرسة وقعدت بمشنة جرجير ، يبقى نصيبهم فى الفلوس اللى كان مفروض تتصرف على تعليمهم بتروح تلقائى للافندية اللى بيتعلموا ويتخرجوا من الجامعة دكاترة ومهندسين ومحامين ومحاسبين واعلاميين ، وييجى بعضهم يستعر من البلد واللى فيها .

انا كتبت كثير قبل كده وقلت ان الغلابة فى مصر مش الحكومة بس هى المسئولة عنهم ، لأ دول ليهم دين فى رقبتنا مفروض نسدده لهم ، مش بس مساعدتهم ماديا ، بل ثقافيا ، مفروض ننزل لهم نعلمهم ، الطبيب مفروض يتبرع بكام ساعة كل اسبوع لخدمة اهل منطقته ، المهندس والمحاسب والمحامى مفروض يدوروا على اى وسيلة يردوا بيها الدين اللى عليهم للناس دى .

اما مين بالتحديد وجاب الفلوس دى من اين ، زى ماقلت لك الدولة هى اللى صرفت عليهم كمندوب عن الناس اللى مولت الخزانة العامة ، والناس اللى ما اخذتش نصيبها من توزيع الخدمات .

العملية متشابكة جدا يا استاذ محمد الششتاوي

ابسط مثال للموضوع ده ، فاتن حمامة لما كانت طالبة فى الطب وكانت تعيش فى حى شعبى فى احد افلامها ، قالت الناس دول كلهم اهلى ، كل واحد له فضل على "

احنا مش عايشين لوحدنا فى المجتمع ، بل نعيش معا وكل منا يعتمد ولو بقيمة غير ملحوظة على باقى افراد المجتمع .

[اغابي]

انا معاك يا استاذ محمد فى كل كلمة ومع استاذ س السيد

بس يمكن انتم ما فهمتوش ابو هنا قصده ايه ؟ لانى انا فهمته بطريقة تانية

هو اى حد فينا لما بيكون عايش بره مصر وينزل مصر اجازة انا شخصيا كل ما انزل اجازة بازعل اوى على حال الناس والبلد

وليه الحياه والعيشة وصلت لكدا برغم كل المشاريع والانجازات اللى كل شوية نسمع بيها دي كلها - ليه شكل الناس اتغيرو وبان عليهم الشقي والتعب كدا

نسبة التعليم بتزيد عن الاول - اه - بتزيد - لكن تحس العقول فهمها قل والناس خولقها ضيق - وبقي تفكيرها فى حيز ضيق عن الاول

كمان داه مش معناه اننا مش كل امالنا ان مصر تتغير - لان انا فى راى مصر لو اتحكمت صح واتطبق القانون على الكل واتحارب الفساد برضوه حتتغير بس هى عاوزة قبضة حاكم من حديد لان الشعب المصري يجي منه لو اتحكم صح لان الشعب المصري مش شعب همجى وكلامى لو مش مفهوم اشرحو - فيه بلاد كتير شعبها همجى لكن الشعب المصري لا -

وكمان ليه لما بسمع اغنية عن مصر وتمس وجدانى الاقى دموعى نزلت - وافتكر ان انا لوحدى لكن اول ما تحكى معايا صحبتى الاقيها قالتى نفس اللى حصل وانا متاكدة ان ابو الهنا كدا برضوه لان مصر غالية علينا

ليه اول ما انزل المطار ابكى - هل علشان بشوف اهلى ولا علشان بشوف اهلى وبلدي كمان

اكيد المقصد من الموضوع ان امنياتنا كلنا مصر تبقي الاحسن مش تعالى ولا تكبر ولا اى حاجة من الكلام داه - احنا قصدنا كلنا مصر تبقي الاحسن من اى بلد فى الدنيا وكلنا متفقين على حب مصر بس مش عارفين ازاى نغيرها - ازاى ؟

هو المقصد ان مش كل حاجة على الرئيس وحده لتغيير البلد - احنا كمان كشعب لينا دور فى الموضوع داه

حاحكى على موقف حصل قريب وجه فى برنامج 90 دقيقة على المحور

معروف ان فيه ازمة زبالين فى مصر - ففي منطقة مصر الجديدة الزبالة بقى منظرها بشع واتكومت فى الشوارع وبقي منظر الشارع لا يطاق

اتفقو ا كل الجيران فى العمارات اللى جنب بعضها انهم يعد ما يرجعو ا من شغلهم نزلو كلهم وكنسو الشارع وقسموه ولمو الزبالة وهما كل اللى طلبوه ان البلدية تهتم انها تبعت كل يوم عربية تشيل الزبالة اللى جمعوها فى صندوق كبير على طرف الطريق - وهما من ناحيتهم حيلتزموا بتنضيف الشارع يوميا ولم الزبالة والحفاظ عليه وكمان الاجمل انهم مهندسين ودكاترا وظباط ومديرين بنوك وكلهم وظايفة محترمة وكمان كان رد واحد فيهم قدام الكاميرا على سؤال اتسال طب انتم ما احرجتوش من انكم تنزلو تكنسو الشوارع راح قال الراجل طب ما داه شارعنا والبلد دي بلدنا هو الواحد عيب يكنس بيته ولا يعنى منظر الزبالة هو اللى ما يكسفش ؟

وكانو نموذج رائع - علشان كدا جابوهم فى البرنامج والمجهود اللى عملوه - لانهم ما لعنوش الضلمة وكل واحد عمل حاجة مسك فى ايديه شمعة

تم تعديل 27 مارس 2010 بواسطة اغابي

[sarmar]

لقد اصاب اخونا ابو الهنا كموضوع هام جدا ومخالف لماذهب الية كل من الاخوة محمد او سى السيد وانا كان قصدة كما اوضحت الاخت اغابى

والعجيب ان كل من كتب فى هذا الموضوع يعيشون بالخارج ولكنة اختلاف وجهات النظر ووجود العجب هنا اننا كمصريين اختلفنا فى وجهات النظر او تعاطى الموضوع اختلافا اعتبرة كبيرا

لانة هناك فرق بين ان اقارن حال بلدى بغيرها من البلاد التى تسعى لخدمة اهلها او من يعيشون على ارضها مثل معظم الدول حتى الاكثر منا فقرا وبين بلدنا الحبيبة والتى لانزايد فيها مع اى انسان على حبنا جميعا لبلادنا وقد اضافت السيدة اغابى اكرمها اللة موضوع ابسط مايكون هو الزبالة وانا اضيف انبوبة الغاز

ياسى محمد وياسى السيد مصر لا ولن نعلوا عليها ولكننا لانريدها ان تداس بالاخذية مصر نريدها ان تكون عالية فوق الرؤوس ولااطيل عليكم وانتم اصحاب فصاحة لسان وبيان و انا لااستطيع ان اجاريكم لغويا وحجة مثلكم ولكنى اعتقد ان القصد كان واضح

وبدلا من اذكر كل من تعلم واغترب حيث انكم لم تنسوا فضل مصر عليكم جميعنا ايضا لم ينسى مصر لحظة واحدة ولاافضالها علينا ولكن هذة دعوة لتدبر عيوب مصر واالت الية حالنا وتبصير لعيوبنا التى اعابت مصر

[محمد الششتاوي]

اولا مفروض تشكر ربنا وتبوس ايدك وش وضهر ان بلدك " مصر الفقيرة الفاسدة المتخلفة علمتك " ببلاش " وجعلت منك انسان تتهافت عليه الدول ليصب فيها من علمه ما تعلمه فى " مصر الفقيرة الفاسدة المتخلفة ببلاش " التى لم تجنى عائد ما انفقته عليك والذى ساهم في هذا الانفاق كل مصرى بدءا من ام فرج بياعة الجرجير .

السلام عليكم

استاذ محمد حضرتك بتقول ان مصر علمتك ببلاش

مين اللي دفع فلوس التعليم دي؟

بلاش نقول مصر عشان ده اسم مجازي

مين بالتحديد؟؟ وجاب الفلوس دي من اين؟

السلام عليكم

مصر مش اسم مجازى ولا حاجة

مصر هى محمد واحمد ومرقص وبطرس وحسنين وعابدين وابراهيم

اللى عنده قيراطين فى الريف بيدفع شيئ من الضريبة كل سنة ، والعامل البسيط اللى بيشتغل فى مصنع او فراش فى مدرسة بيدفع شيئ من الضريبة ، وسواق التاكسى بيدفع شيئ من الضريبة ، وصاحب المحل والكوافير والحلاق والنجار وصاحب الشركة الصغيرة وصاحب الشركة المتوسطة والكبيرة كلهم بيدفعوا شيئ من الضريبة ، حتى موظف الحكومة بيدفع ضريبة ، الدكتور والمهندس والمقاول بيدفع ضريبة .

ومن حصيلة الضريبة دى ومن حصيلة البترول وقناة السويس بتكون هى دى موارد الدولة والخزانة العامة .

الفلوس دى بتتصرف على الخدمات من تعليم ومستشفيات وتعبيد طرق وتظهير ترع ومصارف و و و و و و

يقوم لما احمد بن ابو سيداحمد ابوه يقعده من المدرسة وعوضين بن حسنين يشتغل فى الفاعل بدرى وبلية يسيب المدرسة ويروح يشتغل صبى ميكانيكى ، والبت باتعة سابت المدرسة وقعدت بمشنة جرجير ، يبقى نصيبهم فى الفلوس اللى كان مفروض تتصرف على تعليمهم بتروح تلقائى للافندية اللى بيتعلموا ويتخرجوا من الجامعة دكاترة ومهندسين ومحامين ومحاسبين واعلاميين ، وييجى بعضهم يستعر من البلد واللى فيها .

انا كتبت كثير قبل كده وقلت ان الغلابة فى مصر مش الحكومة بس هى المسئولة عنهم ، لأ دول ليهم دين فى رقبتنا مفروض نسدده لهم ، مش بس مساعدتهم ماديا ، بل ثقافيا ، مفروض ننزل لهم نعلمهم ، الطبيب مفروض يتبرع بكام ساعة كل اسبوع لخدمة اهل منطقته ، المهندس والمحاسب والمحامى مفروض يدوروا على اى وسيلة يردوا بيها الدين اللى عليهم للناس دى .

اما مين بالتحديد وجاب الفلوس دى من اين ، زى ماقلت لك الدولة هى اللى صرفت عليهم كمندوب عن الناس اللى مولت الخزانة العامة ، والناس اللى ما اخذتش نصيبها من توزيع الخدمات .

العملية متشابكة جدا يا استاذ محمد الششتاوي

ابسط مثال للموضوع ده ، فاتن حمامة لما كانت طالبة فى الطب وكانت تعيش فى حى شعبى فى احد افلامها ، قالت الناس دول كلهم اهلى ، كل واحد له فضل على "

احنا مش عايشين لوحدنا فى المجتمع ، بل نعيش معا وكل منا يعتمد ولو بقيمة غير ملحوظة على باقى افراد المجتمع .

استاذ محمد

حضرتك قلت ان الضرايب وايرادات البترول وقناة السويس والموارد الاخرى هم اللي صرفوا

الحاجات دي كلها ملك لمين؟ هل ملك للشعب ولا ملك لشخص او عدة اشخاص بيمنوا علينا بيها؟؟

ده سؤال مهم جدا

هل لكل فرد في الشعب نصيب من الدخل ده ولا لا؟ والاجابة طبعا اما بنعم او لا ,, واعتقد ان اجابة حضرتك بنعم , واذا كان بلا ياريت حضرتك توضح ليه افراد الشعب مالهمش نصيب من الدخل بأي صورة!

واذا كان لكل فرد نصيب ما من الدخل القومي , هناك احتمالان لا ثالث لهما

اما بياخد حقه او مش بياخد من حقه من الدخل القومي

هل حضرتك شايف ان كل واحد من الشعب بياخد حقه من الدخل ( الضرايب اللي بدفعها ودفعها ابويا وجدي & وعوائد البترول وقناة السويس وغيره من موارد الدولة )

على حسب كلام حضرتك ان كل واحد مش بياخد حقه بس ده بياخد حق مش حقه كمان , ومش من حق حد يقول فين حقي لانه بياخد حق مش حقه

وبالشكل ده اي حد ينتقد مسئول او الرئيس يبقى كافر بالنعمة اللي هو فيها , ومغيب

هل ده رأي حضرتك؟

[om marawan]

يااااااااه النموذج ده يا اغابى اللى قعدت أحكى فيه كتير فى موضوع سين سين ظلمناكى يا حكومة

الحكومة مش السبب الوحيد مهما كانت سبب رئيسى ماحدش عمل اللى عليه وانا اولهم الا من رحم ربي

نفسى اخد مقولة ابو جودة ابدأ بنفسك وانفذها فى كل حاجة واخدها لكل الناس اللى واقفة تتظاهر وتقفل شارع القصر العينى كل يوم يعنى بجد ربنا يعينهم وياخدوا حقوقهم لكن الشارع ده لا تتخيلوا لما بيقفل بيعمل ايه

انا اختى كل يوم لما يكون فيه مظاهرة بتاخد الشارع فى ساعة رايح وساعة راجع وهو بياخد سبع دقايق فى العادى

ماقلناش انا الناس ماتعترضش بس حتى الدول المتقدمة اللى هم عاوزين يعيشوا زيهم لما بيحصل مظاهرة لازم بيكون مسار الطريق مش مقفول

وبمناسبة المظاهرات و تقدم ايران اللى ماخوذ من بعض الناس على انه نموذج امثل :

ايران فى اخر مظاهرات حكمت بالاعدام على 6 من المتظاهرين !!!!!!!

[ابوهنا]

الاستاذ س س ولاستاذ محمد

رفقا بى

انا لم اكتب هذا تعاليا او لاننى لبست بدله هاتعالى على بلدى زى كلام س س

انا كتبت الكلام حبا فى بلدى

انا مش جاسوس

واعتقد ان من هذا الكلام انه مافيش فايده لاننا تركنا المشكله وقمنا بالهجوم على شخصى

المشكله ان فيه تخلف والدول سابتنا ب200 سنه

عايز حد يدينى حل

الاخوه عملوا زى الحال فى مصر

الاخوان يقولوا الاسلام هو الحل

العلمانيين يقولوا فصل الدين عن الدوله هو الحل

وماجدش قدم حل

انا عايز حد يدينى حل للتخلف اللى احنا فيه من غير شعارات ومزايدات وتكون فى نقاط محدده

وكما ذكرت اننا ك80 مليون مصرى كل واحد بيعمل لمصلحته الخاصه وانا لاعفى نفسى

عايز مثال واحد لشخص يعمل باخلاص لهذه البلد بدون مصلحه خاصه

اكون شاكر لو واحد ذكر اسم واحد

[عصام أبوالفتح]

د محمد البرادعى

[sarmar]

د محمد البرادعى

ياعم عصام وعم على ومصطفى وبطرس وسعد ومحمد وكل المصريين المشكلة مش فى البرادعى ولا حسنى ولا اباضة ولا اى حد يحكم مصر

المشكلة دلوقتى اصبحت هيحكم مين فى مصر ؟؟؟؟ لما يكون المصريين واولهم الحكام راضيين ان يكون ليهم اصلا دولة لها كيان بيخافوا علية ومحترمين كرامة هذا الكيان وبيحاولوا يطورا فية هنا هنقدر نختار صح ويكون حاكمنا صح وتبان النتيجة على الجميع لكن ياحبايبنا المشكلة غطت الجميع

[الغريب]

يا جماعة بصراحة كدة وعلشان نكون إيجابيين ومنخرجش من الموضوع ده زي كل الموضوعات اللي بتنتهي دون الوصول لحل عملي

أنا بدعوكم دعوة أنك تفكر في مستقبلك بشكل مصري يعني تقوول أنا هنزل مصر بعد أد كذا وهعمل مشروع في البلد أشغل فيه شوية شباب وهطبق في المشروع كل معايير الجودة وهنظف دماغ الشباب اللي بيشتغلو معايا من الأفكار السلبية وهكذا ، والله حتى لوفتحت محل وشغلت فيه 3 أفراد بس ، أستعينو بالله ويريت كلنا نغير فكرنا من البعد عن مصر لمجرد البعد إلى بعد إيجابي يعود بالنفع للبلد...

[sarmar]

يااخ غريب اذا كنا كمغتربين عددنا لايتجاوز 8% من شعب مصر وممكن اذا صح كلامك اننا نفكر فى مستقبلنا فى طيب و 75 ملوين اللى موجودين فى مصر كيف نجعلهم عمال منتجين ومحافظين على مكان عملهم

انا مستعد ارجع مصر واستقر واعمل مشروع تفتكر ستتركك الحكومة تبدأ وتشتغل بدون ماتخليك تلعن اليوم اللى فكرت فية ترجع مصر ياعزيزى مجرد مشروع صغير وهو قضاء اجازة بمصر بفكر مليون مرة وانا بمنتصف الاجازة انى الغيها وارجع عملى خارج مصر

[محمد عبدالعزيز]

اللى شايف إن مفيش فايدة يبقى فعلاً مفيش فايدة ومش حيغير حاجة, لأن التغيير إرادة والإرداة بتيجى من الأمل والحلم بمستقبل أفضل.

أما بقى لو مفيش فايدة يبقى مالوش لازمة التغيير. ونفضها سيرة وننتحر بقى.

[ابوهنا]

د محمد البرادعى

ياعم عصام وعم على ومصطفى وبطرس وسعد ومحمد وكل المصريين المشكلة مش فى البرادعى ولا حسنى ولا اباضة ولا اى حد يحكم مصر

المشكلة دلوقتى اصبحت هيحكم مين فى مصر ؟؟؟؟ لما يكون المصريين واولهم الحكام راضيين ان يكون ليهم اصلا دولة لها كيان بيخافوا علية ومحترمين كرامة هذا الكيان وبيحاولوا يطورا فية هنا هنقدر نختار صح ويكون حاكمنا صح وتبان النتيجة على الجميع لكن ياحبايبنا المشكلة غطت الجميع

اصبت