نامى ياصفيه...مافيش فايده

[ابوهنا]

د محمد البرادعى

لو انه خروج عن لب الموضوع

ولكن هل لو ان السيد البرادعى مازال غلى راس عمله حتى الان هل سوف يعود ليعمل من اجل مصر؟

[ابوهنا]

مماسبق

الاخوه كتبوا وماخرجت به من كلامهم للاصلاح هو:

1- ابدا بنفسك

2- تطبيق القانون

هل من مزيد

[اغابي]

د محمد البرادعى

ياعم عصام وعم على ومصطفى وبطرس وسعد ومحمد وكل المصريين المشكلة مش فى البرادعى ولا حسنى ولا اباضة ولا اى حد يحكم مصر

المشكلة دلوقتى اصبحت هيحكم مين فى مصر ؟؟؟؟ لما يكون المصريين واولهم الحكام راضيين ان يكون ليهم اصلا دولة لها كيان بيخافوا علية ومحترمين كرامة هذا الكيان وبيحاولوا يطورا فية هنا هنقدر نختار صح ويكون حاكمنا صح وتبان النتيجة على الجميع لكن ياحبايبنا المشكلة غطت الجميع

حرام عليك يا sarmar - انت مش متفائل ليه كدا ؟

لازم التفائل - علشان نقدر نحلم ببكرة يكون افضل

دي مش شعارات ولا كلام وخلاص

دا احساس جوايا بالتفائل ان بلدنا تتغير وبلاش نظرة التشاؤم اللى مسيطرة عليكم

[ابو حودة]

انا عند ظن عبدي بي

ان كان خير فخير

وان كان غير ذلك فهو كذلك

[عصام أبوالفتح]

د محمد البرادعى

لو انه خروج عن لب الموضوع

ولكن هل لو ان السيد البرادعى مازال غلى راس عمله حتى الان هل سوف يعود ليعمل من اجل مصر؟

خروج ايه ؟ مش حضرتك سئلت وقلت

عايز مثال واحد لشخص يعمل باخلاص لهذه البلد بدون مصلحه خاصه

اكون شاكر لو واحد ذكر اسم واحد

وهو لما يمسك منصب دولى رفيع المستوى مش ده تشريف لمصر

احنا واقصد ال 7 مليون مصرى المغتربين مش هانقدر نوصل لما وصل له البرادعى حتى لو كان مننا كثيرون يشار لهم بالبنان فى مهنتهم

لكن تميز المغترب يشرف المصريين كسمعه مهنية وليس تشريف لمصر

فى فرق

تشريف مصر ان تدخل التاريخ .. مصر خالدة.. والمصريون فانون

اذا لو بنفكر لازم نربط نفسنا بأولئك الذين اصبحوا جزء من التاريخ لأنهم الأقدر على تغييره

ولا اعتقد ان عودة 7 مليون مصرى هو حل للتغيير .. وانما كارثة اقتصادية لمصر

الحل هو تفعيل مشاركة هؤلاء المغتربين سياسياً

وان ينصروا واحداً كان منهم ( البرادعى ) وان يدعموه

وان يتخذوه مثالاً وقدوه لابنائهم

يبقى فى فايدة يا صفية أهو .. بس نتحرك ونعمل حاجة

تم تعديل 27 مارس 2010 بواسطة عصام أبوالفتح

[crossfield]

الأخ أبو هنا بيسألمين فينا بيعمل حاجة لمصر لوجه الله مش لنفسه

فى رأيى المتواضع مفيش تعارض بين مصلحة الفرد و الجماعة

يعنى حضرتك و الأخوة المغتربين مثلاً بتستفيدوا من غربتكم ...ده شئ رائع لكن فين حق البلد عليكم.... زى ما حضرتك قلت لازم دوركم يتفعل بشكل ما لكن على سبيل المثال المغتربين مالهمش حق تصويت فى انتخابات (معلومة جديدة على اصابتنى بالذهول) وده معناه ان الحكومة مش عايزة وجع دماغ من برةكفاية اللى جوه

يبقى الدور والباقى على اللى جوة البلد و هى النسبة الأكبر

لو كل واحد راعى ربنا فى مكانه مهما كان ان شا الله عامل نظافة البلد جالها هينصلح

فيه أزمة ضمير أزمة تدين لو اتحلوا البلد هتتغير

فى رأيى البلددى محتاجة واحد زى فرانكو أو زى هتلر

دكتاتور آه لكن عنده فكر عنده هدف عايز يعمل من بلده حاجة

شوف اسبانيا كانت خارجةمن حرب أهليةلكن فى ظرف سنين قليلة قدرت تقف على رجليها تانى و ألمانيا بعد الحرب العالمية التانية اتدكت و قامت تانى و اليابان و غيرهم..

طيب احنا ليه لما خرجنا من أكتوبر ماقامتلناش قومة؟

المنظومة الفاسدة اللى حكمانا وطبيعة شعبنا اللى بيعمل بالمثل القائل اصبر على الحاكم السو يا يرحل يا تيجى مصيبة تشيله لكن معندنا شفكر ان احنا اللى نشيله

من بعدأكتوبر بقينا عايشين اليوم بيومه و البلد بتدار بسياسة على ما تفرج

و ربنا لا يسلمه اللى بالى بالكم

لكن برضو احنا علينا دور كبير

كلكم راع و كلكم مسئول عن رعيته

نبدأ بنفسنا و نراعى ربنا..ده الحل

ا

تم تعديل 27 مارس 2010 بواسطة crossfield

[hosambob]

مع احترامي لكل اللي اتقال و اللي اتكتب

عاوز اقول حاجة واحدة بس

مصر هتفضل بلدك و موطنك

فكر كدة لو صاحب الشغل بالسعودية أو بأي دولة انت موجود فيها استغني عنك و ملقتش شغل هتعمل اية ؟

مش هتقول أرجع مصر بلدي و اعيش فيها ؟

علي فكرة انا بقالي سنتين تقريب في الغربة و لو حد يقلي ترجع مصر و أحوالك المادية تبقي زي ما كانت اقبل السفر ؟ أوافق و ارجع فورا ً انت عارف ليه ؟

في مصر بنزل في أي وقت بدون أقامة ولا موبايل ولا مفاتيح شقة ؟ مش خايف من حاجة

لان لو حصلي حاجة هلاقي كتييير قوي يعرفني و يساعدنى

مصر .. بجد حلوة .. بس ليه احنا مش حسين بحلوتها .. علشان بعدنا عنها ..

مع تحياتي

[hOuSsAm]

مع احترامي لكل اللي اتقال و اللي اتكتب

عاوز اقول حاجة واحدة بس

مصر هتفضل بلدك و موطنك

فكر كدة لو صاحب الشغل بالسعودية أو بأي دولة انت موجود فيها استغني عنك و ملقتش شغل هتعمل اية ؟

مش هتقول أرجع مصر بلدي و اعيش فيها ؟

علي فكرة انا بقالي سنتين تقريب في الغربة و لو حد يقلي ترجع مصر و أحوالك المادية تبقي زي ما كانت اقبل السفر ؟ أوافق و ارجع فورا ً انت عارف ليه ؟

في مصر بنزل في أي وقت بدون أقامة ولا موبايل ولا مفاتيح شقة ؟ مش خايف من حاجة

لان لو حصلي حاجة هلاقي كتييير قوي يعرفني و يساعدنى

مصر .. بجد حلوة .. بس ليه احنا مش حسين بحلوتها .. علشان بعدنا عنها ..

مع تحياتي

تصدق انك عندك حق

تبقى مصيبة لو نسيت موبايلك او الاقامة وفلوسك ومفاتيحك

متعرفش الشارع مخبيلك ايه :blush2:

مصر يا جماعة يعنى راحة نفسية يعنى الضحكة الحلوة :lol: يعنى اهلك وناسك يعنى تتعب وتشتغل وفى الاخر لبلدك

طبعا يا جماعة فيه امل كبير جدا مصر يا جماعة كل يوم بتتحسن عن الاول واللى مش مصدقنى يروح جمعيات رسالة (فى المهندسين والهرم والدقى والمعادى وكل المحافظات) وصناع الحياة وفريق معا

شوفوا يا جماعة طاقة الشباب عاملة ايه دلوقتى

مستواهم فى الكمبيوتر والاتجليزى عالى جدا عن زمان

شوفوا مستويات العربيات فى الشارع وقرنوها بخمس سنين فاتوا

شوفوا المدن الجديدة التجمع الخامس والشيخ زايد والشروق وغيرهم وكمية القصور فيهم

روحوا الساحل الشمالى والغردقة وشرم الشيخ وحتى جمصة وراس البر

مصر حلوة اوى وفيها اسباب النجاح بناسها وشبابها بس بظروف الاغتراب وقصر فترة الاجازة مش بتقدروا تنزلوا لاعماقها تعرف بيحصل ايه من جوه

شوف يوم الجمعة الجاية 2 ابريل الاحتفالات فى مصر بيوم اليتيم فى كل استاد وكل نادى فى كل مدينة عالاقل هتلاقى 3 حفلات وتجمعات للشباب ولعب مع الايتام

شوف بيتعمل كام شنطة رمضان وبتتوزع عالفقرا

كام حالة تجهيز عرايس وزواج جماعى

شوف لما الشباب والبنات بيعرفوا ان حد يحتاج يتبرعله بالدم بيسيب اى حاجة فى ايده ويجى يتبرع وهو سعيد

اقولك وده حصل قدام عينى ان بعض شباب كلية الطب بالمنصورة بالاشتراك مع جمعية رسالة عملوا حملة تنضيف وتشجير شارع النخلة فى المنصورة الكلام على ما اظن كان فى 2007 (اهى الناس بتنزل تنضف شوارعها بايدها اهو)

كام مشروع صغير بيتفتح وشباب بيجيبوا تاكسى مع بعض واللى بيشتركوا مع بعض يفتحوا مصنع واللى حتى بيسافر يقول هاخد خبرة كويسة واجيب فلوس وارجع اعمل مشروع عشان ارد الجميل لبلدى

كل ده والصورة وحشة وكل ده ومفيش امل

مصر فيها ناس ناجحة كتيرة اوى ومش عايزين يسبوها ونجحوا بمجهودهم مش بمساعدة حد (من يومين بكلم احمد صحبى ايه يابوحميد مش هتيجى السعودية بقى رد بالحرف الواحد قالى انا عايزك انت ترجع مصر وتتمتع بخيرها وقالى اسيب مصر واروح فين ياعم هو انا اهبل :lol: )

بصراحة لما جيت اقارن بين مصر دلوقتى ومصر سنة 80 مصر دلوقتى احسن بكتير جداااااااا (من حيث الثقافة العامة والتدين والماديات وحجات تانية كتيرة

وده ميمنعش ان فيه سلبيات بس السلبيات دى متخلناش نغمض عنينا عن الحجات الحلوة اللى فيها

ارجو من كل من يريد معرفة حقيقة مصر ينزل للشوارع ويعرف بيحصل ايه مش ينزل اجازة شهر يقضى نصها فى مارينا

[SAW]

1- أرجو ألا نمكن هذا النظام البائس البائد قريبا إن شاء الله من أن يشعرنا بالكراهية و الحقد تجاه مصر - مصر حاجة و هذا النظام و عصابته و حاشيته حاجة تانية خالص.

2- لماذا لم يهرب اليابانيون أو الألمان بعد تدمير بلدانهم في الحرب العالمية - الإجابة ببساطة إن كان عندهم إيمان ببلدهم و حب لبلدهم - مصر أعطتنا كل شيء و لكن هذا النظام خطف مصر و حرمنا من كل شيء - هذه هي الصورة في رأيي.

3- لابد أن نكون واثقين أن التغيير قادم لا محالة حتى لو كان عندهم 40 مليون عسكري أمن مركزي - خلاص النهاية قربت و مصر هترجع زي الأول و أحسن و أقوى بكتير.

4- هل كان أحد يصدق إن دول أوربا الشرقية تتحول إلى الديمقراطية؟ - طبعا لأ - بولندا مثال

5- عندما تتحسن الأمور على فترات متباعدة و ببطء شديد لا يراها البعض - مثلا الاَن تجد من يقول "لا" بعد أن كان الجميع يقول "نعم" أو يسكت - و أصبح هناك إنتخابات رئاسة - نعم مزورة - و لكنها خطوة على الطريق و هي ليست منحة من النظام و لكن من كتر الدق على الدماغ إضطر يوافق ممتعضا - توجد مظاهرات و إضرابات و إعتصامات - كل هذه الأحداث مثلا من عشر سنين لم تكن موجودة - إذن يوجد تطور - المشكلة أن البعض يتسرع في رؤية التغيير - و ثلاثين أو خمسين سنة في عمر البلدان ليست كثيرة بحسابات التاريخ و لكنها قد تكون حياة كاملة لشخص.

6- إذن ما هو دور الجيل الحالي - هو الكفاح لإقرار الديمقراطية و العدل و المساواة - لماذا؟ لأن كل جيل يتخاذل يتوارث أبناءه المزيد من القهر و الظلم - و أعجب أشد العجب لجيل بأكمله كان يعجب برئيس يتقن فن الخطب و مسك الميكروفونات و كانت النتيجة إنهيار متلاحق على كافة الصعد و ورث الجيل الذي يليه تركة ثقيلة و هكذا كل جيل يلقي المسؤولية على من يأتي بعده - لو كان الفرنسيون يفكرون بهذه الطريقة لكانت المقصلة موجودة ليومنا هذا.

7- أخيرا أكثر ما يحزنني أن أشخاص عظماء كثيرين مثل عبد الوهاب المسيري "رحمه الله" مثلا لم يمهله القدر ليعيش و يرى مصر ديمقراطية كما تمناها.

[msayed]

أنا عاذرك يا أبو الهنا فى غضبك ولكنى أتفق تماماً مع "Mohamed" و "سي السيد"

من حق كل مصرى أن ينتقد بلده ولكن ينتقد إيه بالظبط؟

فيه مشاكل نشأت عن أننا بلد فقيرة ومواردنا محدودة "هم قالولنا كده" فأرى أنه ليس صحيحاً أن ننتقد هذه المشاكل.

ولكن هناك مشاكل نشأت عن الإهمال سواء من الحكومة أو الشعب مثل مشاكل القمامة والهمجية على الطرق والتخلف فى التعليم، فهذه نستطيع بكل حرية إنتقادها والعمل على إصلاحها بدافع من حبنا لبلدنا.

[عنبو]

ان شاء الله القادم احسن