لماذا أعفى رئيس هيئة الرقابه الأداريه من مركزه

[Farida]

فى موضوع مستشار وزير الزراعه تسألت هل هناك علاقه بين اقاله الرجل اللى كشف هذه القضيه و بين الوزير .....و بعدها كانت المداخله اللى بتشير ان هناك علاقه وثيقه ......و قال ايه أخد وسام من الطبقه الأولى ...يا فرحتى

لأمتى المسئولين يتشالوا و يجى غيرهم و احنا مش عارفين ؟؟؟ و قبل كده شالوا الجنزورى برضه من غير ما نعرف ما فيش وسياه لمعرفه الحقيقه ؟؟؟؟

[Farida]

النهارده قرأت مقال ان اللواء هتلر طنطاوى بلغ سن التقاعد .....بعد ما اتمد له 3 سنوات

[lالمطحون]

اعتقد ان صاحب الطابونه بلغ سن التقاعد والتواقف والتماوت وكل حاجه ومع ذلك لسه قاعد وانا اقترح اعطاؤه مداليه خشب ممسوحه كنيه لشعب اتمسح من الدنيا بتوجيهات سياته ويمكن يعرف انه طالما جاب اجلنا ومسحنا ممكن يفارق الطابونه غير ماسوف عليه

[achnaton]

النهارده قرأت مقال ان اللواء هتلر طنطاوى بلغ سن التقاعد .....بعد ما اتمد له 3 سنوات

مالكيش حق يا أخت فريده .. الراجل ده .. كان عامل هتلر فعلا .. فضحنا بين دول العالم .. كل يوم والتانى يخرج علينا بجريمة رشوة تشيب الجنين فى بطن أمه .. وإستهلك ميزانية الهيئة لسداد فواتير شركة الكهرباء .. وشغل نفسه واللى معاه بإنارة كشافات الحقيقة الساطعة مما سبب حرج شديد للى بيحبوا بعض وسط الحقول .. هو أحنا ناقصين فضايح .. بناقص يا ستى وكفايه علينا ما ندفعة للسادة المستشارين اللى تعدوا السبعين .. وبعض المستشارين بيقبض بالعملة الصعبة .. متعللين أن كوتش الفريق القومى بيقبض برضه بالعملة الصعبة ..

هو لو أهله كانوا أسموه " إبراهيم " مثلا كانت البركة حلت عليه وفضل فى موقعة حتى الثمانين .. وكان رضا المسئولين شمله زى عمنا الحاج رضا بتاع برلين اللى بعد ما مدوا له خمس سنين بعد المعاش فصلوا له منصب جديد فى جهاز الإعلام ليواصل صرف مرتبه بالعملة الصعبة كممثل للأذاعة والتلفزيون فى المانيا .. !!

ومش حا أقولك .. عن عمنا الدكتور محمد عوض المر .. اللى سقى مجلس سيد قراره كاس المر .. وطلع قوانينة معظمها تفصيل ومسلوق على طريقة الكوسة المسلوقة سريعة الهضم .. والآخر شالوه بمجرد بلوغه سن المعاش .. ( ربنا يشفيه ) .. ومش حا أكمل

وكفاية كده النهاردة

اخناتون المنيا

تم تعديل 29 مارس 2004 بواسطة achnaton

[فــيــروز]

انا قرات ان هتلر طنطاوى حين اقيل من منصبه كان عمره 67 عام !! وبالطبع رغم كل ما يقال عن كفاءته الا ان هذا لا يمنع ان يعطى آخرون الفرصه لاثبات كفاءتهم ..

[arabawy]

انا قرات ان هتلر طنطاوى حين اقيل من منصبه كان عمره 67 عام !! وبالطبع رغم كل ما يقال عن كفاءته الا ان هذا لا يمنع ان يعطى آخرون الفرصه لاثبات كفاءتهم ..

ولية رئيس الطابونة مايعطي فرصة للاخرين ؟

[عادل أبوزيد]

قد يكون الرجل قد بلغ سن التقاعد فعلا و قد يكون قد تم المد له أكثر من مرة ... و هو بالتأكيد أصغر سنا من وزير العدل الذى أذكر أنه قارب أو تجاوز الثمانين من عمره.

و أكيد أيضا إذا كان بلغ سن المعاش - سواء القانونى أو التقليدى - فيجب أن تعطى فرصة لغيره.

مداخلتى هنا ربما تأخذ الحوار سنوات طويلة مضت.

فى أواخر عهد الرئيس السابق أنور السادات أصدر قرارا بحل هيئة الرقابة الإدارية و بإتلاف كل ما تملكه من وثائق و مستندات و لا أذكر إن كان هذا تم فعلا فى المهرجانات الإعلامية التى صاحبت هذا الحل أم لا.

و كان هذا الحل فى أعقاب الكشف عن قضية فساد كبيرة وقتها.

بعدها عرفت من مصادر شخصية على ما أذكر أن رجال هيئة الرقابة الإدارية تحايلوا على هذا القرار و قاموا بنقل وثائقهم و مستندلتهم إلى مكان آمن و هم على ثقة بأن الحق سيعود.

ضاعت من ذاكرتى ملابسات إعادة هيئة الرقابة الإدارية مرة أخرى.

فى بعض جرائد هذا الأسبوع أن إحالة هتلر طنطاوى للمعاش يبدو أنها رد فعل على كشف عملية الفساد الخاصة بمن قيل أنه مستشار بوزارة الزراعة.

[DARWEEN]

انا قرات ان هتلر طنطاوى حين اقيل من منصبه كان عمره 67 عام !! وبالطبع رغم كل ما يقال عن كفاءته الا ان هذا لا يمنع ان يعطى آخرون الفرصه لاثبات كفاءتهم ..

ولية رئيس الطابونة مايعطي فرصة للاخرين ؟

صاحب الطابونه مفيش له مثال علشان يسيبها لغيره

عمرك شفت صاحب طابونه بيسيبها ؟؟؟؟

يا أما يموت والورثه ياخدوها

يا أما ......

يبيعهاااااااااااااااااااا

وإطمن ياعرباوي اهو بيبعها

[arabawy]

صاحب الطابونه مفيش له مثال علشان يسيبها لغيره

عمرك شفت صاحب طابونه بيسيبها ؟؟؟؟

يا أما يموت والورثه ياخدوها 

يا أما ......

يبيعهاااااااااااااااااااا

وإطمن ياعرباوي اهو بيبعها

علي رأيك الطابونة متسعناش احنا وهوا مع بعض . يعي ياحنا يا هوا. ولغاية ميتولي امر الطابونة واحد مننا حنبقي انا وانت وغيرنا متشحططين في بلاد غيرنا

[مصرى]

أما عن "بلوغ السن القانونية" فهى محل شك .. لأن معظم المسئولين لم يبلغوا بعد رغم تجاوزهم السبعين ربيعاً !!

الموضوع له علاقة وثيقة بقضية ما قيل عنه أنه مستشار وزير الزراعة

وما يعيب مسلسل "الحرب على الفساد" أن القائمين عليه ليسوا كذلك .. وهناك الكثير من الشبهات حول ذمتهم المالية .. وهتلر لا يمثل إستثناءا من القاعدة والحزام الأخضر شاهد على هذا

القضية تبدو أنها تصفية حسابات بين أجنحة النظام وإحكام السيطرة على مقدرات البلد

وأعتقد أن ما يسمى بقضية المبيدات المسرطنة تمثل إحدى الأكاذيب الكبرى التى روجت لها الدعاية ضمن الحرب على يوسف والى .. فلا توجد مبيدات ليست ضارة بصحة الإنسان حتى "البيروسول" الذى يستخدم فى المنازل .. المسألة لها أبعاد أخرى