الملوخية الخضراء

[joo]

يعنى يا بنات مش شامم ريحة التألية

هى الملوخية اورديحى ولا اية

[لونا]

اختنا لونا سبقتني

جزاكي الله خيرا ياجميل

ربنا يعافينا

والله برافو عليكوا يا ستات يا محاورتيين...وانا اللى كنت هشتريه... الحمد لله

شكرا يا لونا انتى وام نور

جزاكم الله خير عالمعلومات دى :closedeyes:

جزانا الله و إياكم

و ربنا يستر

و شوفي موضوع التنظيف بالملح الصيني يا فولانة زي ما قالت أم نور

يعنى يا بنات مش شامم ريحة التألية

هى الملوخية اورديحى ولا اية

كل دة و مش شامم الريحة يا جو ؟

دة المنتديات اللي جنبنا اشتكت من الريحة و الزحلقة

ده كفاية ريحة الملوخية الروعة بتاعة فتفوتة

دة الريحة واصلة لي لغاية هنا wst::

[Folana]

السلام عليكم ورحمة الله...

لونا..أم نور..

جزاكم الله خيرا...أنقذتم أخر شعاع ضوء فى نظرى....

المشكلة بقى مش فى انى أنضف به الارضيات..المشكلة فى الناس الغلابة يا حرام اللى وزعت عليهم أكياس هذا الكوتوموتو زى مابيوزعوا النعناع فى الاتوبيسات كده......ده بقالهم سنة بيستخدموه وبيدعوا لى wst::

وعلى ذكر الدعاء...فتافيتو ..كلامك مش مطمنى.....اوعى تسحبى دعوتك الجميلة اللى دعيتهالى...ولا تبلغى عنى الأمن المركزى....خلى قلبك أبيض...

صباح الفل

:closedeyes:

[fatfouta]

السلام عليكم ورحمة الله...

لونا..أم نور..

جزاكم الله خيرا...أنقذتم أخر شعاع ضوء فى نظرى....

المشكلة بقى مش فى انى أنضف به الارضيات..المشكلة فى الناس الغلابة يا حرام اللى وزعت عليهم أكياس هذا الكوتوموتو زى مابيوزعوا النعناع فى الاتوبيسات كده......ده بقالهم سنة بيستخدموه وبيدعوا لى

وعلى ذكر الدعاء...فتافيتو ..كلامك مش مطمنى.....اوعى تسحبى دعوتك الجميلة اللى دعيتهالى...ولا تبلغى عنى الأمن المركزى....خلى قلبك أبيض... :lol:

صباح الفل

لأ والله يا فولانه يا حبيبتى الدعوة موجودة ذى ماهى وانتى عارفة انى قلبى ابيض انا مازعلش منك ابدا انتى ماكنتيش تقصدى حاجة

انا بس لما ام نور قلتلى قلتلها قولى لفولانة احسن تزعل مننا وبعدين حطوا اللى انتوا عاوزينه فى الموضوع وهو ده اللى عاملة حسابه انك تفتكرى انى سحبت الدعوة

مع انك عارفة حب فولانه فى قلبى اد ايه

خد دول :blink: :lol:

والحقى الناس اللى انتى وزعتى عليهم الاكياس فى الكوتوموتو وقوليلهم بمنتهى الامانة انك اكتشتفتى انه خطير وخليهم يرموه او يتخلوا عنه فورا

ربنا يجازيكى كل الخير

[jasmin hamed]

ضحى ..................... ايه الحلاوه دي

بصى يا اخواتى انتو عارفينى احب سلق البيض موت و اى طريق للانجاز و عليه

طريقة الست ذكيه فى تفريز الملوخيه

بعد التقطيف و الغسيل و الذى منه تحطى على النار حله مليانه ميه و عليها نقطتين لمون و اول ماتغلى تطفى عليها و تروحى حطه الملوخيه

و اقل من عشر ثوانى و ترحى مصفيها و بعدين ننزل الملخويه فى ميه ساقعه جدا و تصفيها و بعدين اكياس و تفرزيها

لما تخرج من الفريزر مباشرة و هيه لسه مجمده فى الخلاط و كبشتين شوربه بيغلو و تضربيهم

الميزه فى الطريقه ديه اولا التعقيم ثانيا الملوخيه بتفضل لونها اخضر بسبب اللمون مافيش خرط بالمخرطه و ممكن استخدام اى خلاط مش لازم مفرمه الملوخيه

بالنسبه للسقوط امى كانت بتقولى الملوخيه ماتعدش على بوتجاز سخن بعد ماتقلب ( تغلى غلوه صغيره ) عشان السخونه بتخلى الملوخيه تغلى من قلبها و تقطع

على فكره فى ناس بتعمل التقليه بالكسبره الخضره مش الناشفه و لطيفه بردو

و الملوخيه الى لماضه كالتها ديه اسمها بورانى و ديه مابيخرطوش الملوخيه بيحمرو يجى اربع كيلو فى سمن بلدى ( لو هتتاكل سخنه و زيت زتون لو هتتاكل ساقعه ) حبه بحبه يعنى دفعه و تتشال و تحطى الى بعدها

وفى الاخر ترجعهم كلهم الحله و شوية شوربه و ثوم و كزبره خضرا

[doudy]

شوفى يا فتفوتة الخلاصة فى عمل الملوخية

انك ما تغطيهاش و هى ع النار

و كمان ما تسيبيهاش تغلى كتيير

لو عملتى الحاجتين دول عمرها ما تسقط ابدا و هتنجح و تجيب مجموع كمان

و بالف هنا و شفا :)

[ام نور محمود]

على فكرة انا عملت الملوخية النهاردة وعملت لها تحديقة زي ماما سلوى وضحى ماقالوا وطلعت روووووووووعة

مع انها ملوخية محفوظة في الفريزر .. بجيبها بكميات واشيلها لوقت الزنقة عشان اللي عندي بيتوحموا في اوقات غريبة وبصراحة مش بتطلع حلوة زي الخضرا

بس المرة دي طعمها غير

اشكركم يا اخواتي العزيزات

تسلم ايديكن

[عادل أبوزيد]

رمضان كريم. .. ًالملوخية طعام قومي عندنا يا صعايدة

فوجئت بهذا الموضوع من تراث محاورات المصريين و أردت أن أضيف معلومة

إكتشفت إن الملوخية المعمولة بشوربة ماسورة. طعمها مميز

[باهى الطائر الحزين]

رمضان كريم. .. ًالملوخية طعام قومي عندنا يا صعايدة

فوجئت بهذا الموضوع من تراث محاورات المصريين و أردت أن أضيف معلومة

إكتشفت إن الملوخية المعمولة بشوربة ماسورة. طعمها مميز

كام بوصه سعادتك ؟

ههههه

من عاداتى ان افطر اول ايام رمضان

ملوخيه وفراخ وإلا معتبرش رمضان

جه والدنيا صيام وضمضم واقلب الدنيا

فراخ يعنى فراخ والأرزاق على الله

هههههه

[Guest عاشق الملوخية]

مرجع علمي كامل عن الملوخية. ده ينفع رسالة علمية