عملتوا اية فى موضوع اقرار الضرائب العقارية

[ahmos1]

طبعا بما ان السيد يوسف بطرس غالى ساهم فى شرا اى شقة انا اشتريتها و لانة مش صحيح اننا بنشقى فى الغرية و بتطلع روحنا علشان نوفر سكن بعد سنين الغربة و لان الفكر فكر جباية ولاننا اصبحنا احسن مصدر يتلم منة فلوس وضرائب بتفكرنى بأيام المماليك و كتب جمال بدوى و ايامالسخرةفى الحكم العثمانى- اتصلت بأخى علشان يقدم الاقرار و طبعا الموظف بيتنك و مش بس بيطلب العنوان لالالالالالالالالالالا دة عايز كام غرفة و بخرى و لا قبلى و الشقة فى عمارة كام دور والدور كام شقة و كام بلاطة فى كل شقة

انتوا عملتوا اية قدمتوا اقرارات و الا حتدفعواااااااااااااااااااااااا الغرامة :wub: :P :lol:

تم تعديل 27 مارس 2010 بواسطة ahmos1

[se_ Elsyed]

أنا لسه راجع من مصر وحصل موقفين ...

1- بيت العيلة ولي فيه شقة ولكل أخ من أخواتي شقة ايضاً .... جالنا خطاب سعيد من مصلحة الضرايب من غير ما نقدم إقرار ولا دياوله بإن المبنى كله مُعفى من الضريبة وده ببساطة لإن قيمة كل شقة أقل من نصف مليون جنيه ... لووووووووووووووووووولي

2- شقتي في العبور ... سألت صاحب العمارة أمبارح .. قال لي إنه قدم إقرار بإنه العمار تحت الإنشاء .... كنت عاوز أبوسه ... لوووووووووووووووووووولي تاني .. عارف إن في لجان هاتتطلع تعاين ... لكن العمارة لسه فيها شقق لم تُباع .. وبالتالي مش هاييجوا على شقتي وتقف العملية يعني ..

فاضل 3 أيام على موضوع الإقرار يا جماعه فألحقوا قدموا

[fatfouta]

والله العظيم صدق من قال

احنا اكتر ناس بنقف طوابير عشان ندفع فلوس

والله ده حرام منك لله يا اللى فى بالى

[محمد عبدالعزيز]

ما قدمتش عشان لما بإذن الله يترفع قضية بعدم دستورية القانون أو على الأقل المطالبة بإعفاء الخاص أشترك فيها.

أنا كده كده شقتى ماتكملش نص مليون, بس ولو مش مقدم إقرار واللى عندهم يعملوه, الحكومة دى بتبلطج علينا, المفروض حصر الثروة العقارية شغل أجهزة الإحصاء مش شغلنا احنا.

[egyptawy]

أنا لسه راجع من مصر وحصل موقفين ...

1- بيت العيلة ولي فيه شقة ولكل أخ من أخواتي شقة ايضاً .... جالنا خطاب سعيد من مصلحة الضرايب من غير ما نقدم إقرار ولا دياوله بإن المبنى كله مُعفى من الضريبة وده ببساطة لإن قيمة كل شقة أقل من نصف مليون جنيه ... لووووووووووووووووووولي

2- شقتي في العبور ... سألت صاحب العمارة أمبارح .. قال لي إنه قدم إقرار بإنه العمار تحت الإنشاء .... كنت عاوز أبوسه ... لوووووووووووووووووووولي تاني .. عارف إن في لجان هاتتطلع تعاين ... لكن العمارة لسه فيها شقق لم تُباع .. وبالتالي مش هاييجوا على شقتي وتقف العملية يعني ..

فاضل 3 أيام على موضوع الإقرار يا جماعه فألحقوا قدموا

معلش يا سن سن

سوال خارجى

العمارة ده فين بالظبط فى اى حى وكام سعر المتر وياريت لو معاك صور ليها

شكرا

[ahmos1]

النكتة انة ليا شقة صغيرة فى العريش ماشفتهاش و الله لغاية النهاردة استلموها اهلى من ييجى 20 سنة و كنت ايامها فى زيارة للعريش و عجبنى الجو و طلبت من واحد معرفة يخصص لى شقة صغيرة هناك - طيب رحنا نقدم الاقرار يقوم الموظف يقولك و العمارة كام دور و كام شقة - ياعم والله ماشفناها انا لو اعرف حااقول على طول فى الاخر قلت لاخويا خلاص الفلة عدد شقق و عدد ادوار و اية تاخد من تفليسى يا برديسى

[أسد]

هذا هو المنشور اليوم بجريدة المصري اليوم

مصادر: القيادة السياسية طلبت حصراً بأسماء مسؤولين ونواب حرضوا ضد «الضريبة العقارية»

كتب ملك عبدالعظيم ٢٩/ ٣/ ٢٠١٠

علمت «المصرى اليوم» أن القيادة السياسية طلبت قائمة بأسماء النواب وقيادات الحزب الوطنى، الذين اتخذوا موقفاً معارضاً من قانون «الضريبة العقارية» وتسببوا فى إثارة الرأى العام ضد القانون، وتحريك حملات إعلامية وجماهيرية ضد القانون برمته، دون الاعتراض على تفاصيل محددة.

وقال مصدر مطلع إنه جرى حصر الأسماء وتوجيه أجهزة رقابية للتحرى عن ممتلكات المعترضين على القانون والمحرضين ضده فى ضوء المعلومات التى توافرت عن قيام عدد من هؤلاء بإخفاء ثرواتهم فى عقارات وتجميد أموالهم فى فيلات ووحدات سكنية بمناطق مختلفة.

وأضاف المصدر أن الضجة التى صاحبت صدور قانون الضريبة العقارية أزعجت القيادة السياسية، خاصة مع وضوح أن النسبة العظمى من المواطنين ستكون معفاة تماماً من هذه الضريبة، بما يستبعد أى إضرار بالطبقات الفقيرة ومحدودة الدخل، فى الوقت الذى يستهدف المقتدرين ممن يمتلكون عقارات تزيد قيمتها عن الحد القانونى للإعفاء.

وكشف المصدر عن أن القيادة السياسية باتت مقتنعة بأن السبب الرئيسى لاعتراض قطاع كبير من النخبة «المقتدرة»، خاصة فى الدوائر الرسمية وفى صفوف الحزب الوطنى والبرلمان، لا يأتى رفضاً منهم لدفع قيمة الضرائب، وإنما يتشددون فى رفض آلية الإقرارات التفصيلية حول العقارات المملوكة لهم، التى ستكون كاشفة لحجم ثرواتهم الحقيقى، ومن المتوقع أن يتكشف من ورائها الكثير من وقائع الفساد.

وأشار المصدر إلى أن نواباً، لم يسبق لهم معارضة أى قانون تتقدم به الحكومة، عارضوا «الضريبة العقارية» بقوة، كما أن مسؤولين وقيادات فى الدوائر الرسمية والحزب الوطنى تورطوا فى التحريض ضد القانون للأسباب نفسها.

كان من الواضحأن من يحرض ضد الضرائب العقارية هم علية علية قوم الفاسدين .. والذين كانوا يغسلون أموالهم في شراء العقارات ويخفون ثرواتهم في عقارات إشتروها ..

فلقد كانت العقارات هي الوسيلة الأفضل لإخفاء المال الذي يريدون إخفاؤه ..

فمن الطبيعي أن الفقراء لن يدفعوا أي شئ .. وتم إعلان هذا أكثر من مرة .. بأن أكثر من 95% من المصريين لن يطولهم لاقانون ..

ولكن كان هناك من يزعجه أن يقدم إقرار يوضح فيه بيان ممتلكاته .. وهؤلاء هم الذين إعترضوا .. وتذكروا وتمردوا .. وعملوا حجتهم الفقراء .. ومحدودي الدخل .. وأخذوا يصرخون ويقولون .. أن من لن يدفع اليوم سيدفع بعد خمس سنوات أو عشر سنوات .. في محاولة منهم لإلغاء الموضوع برمته ..

أزعجهم أن ممتلكاتهم ستسجل في سجل الحكومة ...

هذه هي حقيقة الأمر ...

أنا شخصياً قدمت الإقرار ..

هذا في إجابة على السؤال المطروح في عنوان الموضوع

[se_ Elsyed]

برضوا يابو أدهم

هناك فرق بين أن تُجبر على شيء حتى لو كان نُطق كلمة الكفر تحت ضغط وإرهاب

وبين الأعتقاد الحقيقي

وهذا يحدث من حكومة المبارك اللي بتكفرنا كلنا ..

بالمناسبة .. هو مش لسه قايل قريب إن الحكومة هاتعيد نظر في موضوع الضريبة العقارية .... ولحس كلامه كما هو معتاد منه ؟

القانون ليس دستوري .. ولا إسلامي على فكره

لأن مافيش حاجه إسمها إن أصل من الاصول لا يُدر دخلاً وبالرغم من ذلك تُفرض عليه ضريبة أو إنت شخصياً تدفع عليه زكاة إلا لو كان بغرض الأستثمار !!!!!!!!!!!!!!!

بأستعجب بقى من العتاولة اللي عندنا .. مرتضى منصور وفريد الديب ونبيه الوحش وغيرهم اللي لو حد كح بس بيرفعوا عليه قضية ... ومع ذلك استكانوا ولم يحركوا ساكناً ضد هذه المصيبة !!!!!!!!!!!!!!!!! ..

اما قولك يابو أدهم إن أكثر من 90 % من الشعب معفى من الضريبة .... مين قال لك ؟

النهاردة ممكن ... لكن إيش ضمنك بكره رقبتهم ما تجيش تحت المقصلة خصوصاً إن الداتا بيز بقت عند الحكومة ؟

-------------

العمارة ده فين بالظبط فى اى حى وكام سعر المتر وياريت لو معاك صور ليها

يا بيه الدنيا كلها فاضية دلوقت وفي شقق ياما للبيع بعد الأزمة الإقتصادية ... أنا في الحي الأول فيلات خلف الأسكان المميز اللي أمام جهاز المدينة ... وهناك شقق كتيررررررررررررررررر حالياً .... سعر المتر دلوقت بيتراوح ما بين 1400 و 1800 حسب تميز الموقع