احلوت قوي : أول إضراب ضد "عز" في معقله!

[Sherief AbdelWahab]

كتب ـ عادل صبري وماجد محمد وحسني حافظ وخالد الأمير : واصل أكثر من » 1500 « عامل بشركة عز الدخيلة للحديد والصلب، اعتصامهم أمس لليوم الثالث علي التوالي داخل مصانع الشركة بمنطقة الدخيلة بالإسكندرية . أكد العمال استمرار الاعتصام، وهددوا ببدء إضراب شامل عن العمل ووقف الانتاج، حتي تتم الاستجابة لمطالبهم بزيادة الأرباح، وصرفها كل ثلاثة أشهر حسب المتبع من قبل، وزيادة العلاوة السنوية وبدل الورديات وطبيعة العمل، وتحسين الوجبة العينية والرعاية الاجتماعية . هدد العمال بإحضار زوجاتهم وأبنائهم الي مقر الاعتصام داخل المصنع، ورددوا هتافات تندد بالظلم الواقع عليهم وطالبوا بحضور أحمد عز رئيس مجلس ادارة الشركة للاستماع الي مطالبهم، والاستجابة لها . رفض العمال بيان الشركة الذي نشر بإحدي الصحف أمس، وهاجموا السياسة التي يتبعها احمد عز داخل الشركة، واعتماده علي نفوذه داخل الحزب الوطني، واحتمائه بمناصبه السياسية في مواجهة مطالب العمال المشروعة، وقيامه بفصل رئيس اللجنة النقابية السابق عام 2007 لمطالبته بحقوق العمال .

http://www.alwafd.org/details.aspx?nid=51491

مش عارف ليه حاسس إن دة فصل جديد في لعبة الإضرابات.. شكلها مقصود.. شايفين كدة زي ولا مختلفين معايا في الرأي؟

هل ممكن نسمع عن إضرابات عند رموز المال السياسي زي بهجت؟.. لو افترضنا إن فيه تحريض متبادل بين رجال الأعمال في الحزبوطني وجبهة المال السياسي .. علماً بإن صراع رجال الأعمال فيه كل شيء مباح بشهادات من رجال أعمال منهم هشام طلعت مصطفى نفسه؟

ولا المسألة دي عمالية صرفة وأنا اللي تآمري ونيتي مش حلوة خالص؟

خلص الكلام

[doha]

مش عارف ليه حاسس إن دة فصل جديد في لعبة الإضرابات.. شكلها مقصود.. شايفين كدة زي ولا مختلفين معايا في الرأي؟

هل ممكن نسمع عن إضرابات عند رموز المال السياسي زي بهجت؟.. لو افترضنا إن فيه تحريض متبادل بين رجال الأعمال في الحزبوطني وجبهة المال السياسي .. علماً بإن صراع رجال الأعمال فيه كل شيء مباح بشهادات من رجال أعمال منهم هشام طلعت مصطفى نفسه؟

معليش ممكن مزيد من الشرح حول الجزئية دي ؟ يعني راي حضرتك تفتكر في ايه او الي بيحصل ده تمهيد لايه ؟

عن نفسي مش عارفه بس الي اكيده منه ان الموضوع مش مسالة عمال عاوزه حقوقها .. اصل مش احمد عز الي يتعامل بالطريقة دي خاصه وكلنا عارفين ان العمال دي هي نفسها الي بتطلع بالامر تنتخب انتخاب جماعي لصالح مرشح بعينه ضد اخر .. النوع الي متعود يقبض ويتحرك ده يخلي الواحد يقلق لما يلاقي تحركه بشكل سافر كده . .وعلى راي المثل الذئب لا يهرول عبثا .. عاوزين بقى حد يفهمنا تفتكروا اندفع لهم المرة دي عشان يهرولوا في الاتجاه ده بالذات ليه؟ وياترى الخطوه الجايه هتكون ايه ؟

[Sherief AbdelWahab]

اللي قلتيه يمشي مش بس على عز ، على إضرابات كتير حصلت في أماكن كتير في القطاع العام بالتحديد ، وما أستبعدش- ودة حيزعل ناس كتير مني - إن اللي حصل في المحلة مرات متعددة أكبر وأصرخ مثال على دة ..كل شيء بيبدأ بـ"بالروح بالدم نفديك يا اسمك إيه".. وأتوبيسات طالعة وأتوبيسات نازلة وعيد العمال والهتافات إياها في خطبة الرئيس .. لحد ما اللي انتي عارفاه بيحصل..

لكن ندخل شوية شر صغيرين في الموضوع..

التيار التاني -المال السياسي- عنده مصانع واستثمارات ضخمة ومتشعبة ، لدرجة تخلي عز خطر على مصالحها ، فيه قول ببساطة إن كان فيه تحريض خارجي على اللي حصل عند عز ، من كبار رموز التيار التاني ، منظمة بتخترق منظمة ، ويمكن يعد عز لضربة مضادة فتلاقي بتوع مصانع جولدي عاملين إضراب أكبر ويقولوا احنا بنشتغل عندكم بقالنا سنين ومابنقبضش..

بالمناسبة.. عندي معلومة مش متأكد من صحتها .. إن المرتبات والحوافز المالية عند عز وأصحابه ، وعند الناس التانيين ، متقاربة.. يعني مفيش فرق كبير في المرتبات والحوافز ما بين هنا وهنا..

خلص الكلام

[الترجمـان]

انا فاكر اني قريت ان العمال اللي اتظاهروا في المحله تبرأوا من الشباب بتوع 6 ابريل اللي حبوا يركبوا الموجه اياميها ..

يا ريت يا استاذ شريف توضحلنا مدى صحة المعلومه دي ..؟؟

[ذهبية]

سا استاذىالفاضل دى حركة معمولة علشان الانتاج يقل بسبب ان العمال عاملين اضراب و فتقل كمية النتاج فيشح الحديد فى السوق فيرفع عز سعرة و يكون ساعتها عندة حق

لان بعد عمل ميزانية حديد عز طلع انة خسر مليار جنية عن ميزانية السنة الى فاتت

طبعا بعد دخول حديد التركى مصر

لا هو فقير و لا معهوش فلوس علشان العمال تعمل اضراب بسبب قلة الفلوس ولا شركتة خسارة و لا بتتباع زى باقى الشركات

بصراحة مش داخل دماغى نهائى

دى حركة معمولة بتخطيط عالى لرفع اسعار الحديد

[ذهبية]

دة الى اناقولت علية من قبل ان حركة العمال معمولة فقط لزيادة سعر الحديد و دة فعلا الى حصل النهاردة

كتب ناجى عبدالعزيز ومحمد هارون ويسرى الهوارى ٢/ ٤/ ٢٠١٠

أحمد عز

أعلنت مجموعة عز الدخيلة أسعار بيع حديد التسليح لشهر أبريل، حيث وصل الطن إلى ٤١٠٠ جنيه (شامل ٥% ضريبة المبيعات) بزيادة ٨٢٠ جنيها عن أسعار مارس الماض، وهو ما يعنى أن نسبة الزيادة ٢٥%، وهى الأعلى فى تاريخ السلعة، ليصل أقصى سعر بيع للمستهلك النهائى إلى ٤٣٠٠ جنيه للطن، وكانت أعلى زيادات شهرية لأسعار الحديد فى ٢٠٠٨ قد بلغت ٦٠٠ جنيه للطن وقتها.

وأعلنت مجموعة بشاى للصلب زيادة أسعارها إلى ٤١٥٠ جنيهاً للطن تسليم المصنع، فيما أعلنت مجموعة السويس للصلب زيادة السعر إلى ٤١٢٥ جنيهاً للطن تسليم المصنع.

وقال سمير نعمان، رئيس قطاع المبيعات بمجموعة عز، إنه تقرر أن يكون أقصى سعر بيع للمحافظات النائية ٤٢٧٠ جنيهاً للطن مقابل ٤١٧٠ جنيهاً للطن بالقاهرة والدلتا كما تقرر زيادة أسعار الحديد المسطح إلى ٤٣٤٥ جنيهاً للطن تسليم المصنع شاملا ضريبة المبيعات.

وأضاف أنه كان لابد من إقرار الزيادة حتى تتواكب الأسعار المحلية مع أسعار السوق العالمية التى تشهد ارتفاعات شبه يومية فى أسعار خامات ومكونات الإنتاج.

وقال جورج متى، رئيس قطاع التسويق بالمجموعة، إنه على مدار الأسابيع القليلة الماضية ارتفعت أسعار الصلب بصورة متتالية لم يشهدها العالم منذ عام ٢٠٠٨، مدفوعة بزيادة أسعار الخامات من خردة وبليت نتيجة النمو فى الطلب العالمى مع بدء التعافى الاقتصادى فى بلدان كثيرة، خاصة الأسواق الناشئة، وبشكل متزامن مع المفاوضات الجارية بين الشركات العالمية الموردة للخام والمنتجين الرئيسيين لتحديد نسبة الزيادة فى أسعار التوريد والتى نتج عنها إقرار زيادة قدرها ٩٠% لعام ٢٠١٠.