شغابيطي...!!!

[محمد الششتاوي]

السلام عليكم ورحمة الله وبركاته

انا زمان كنت برسم , وبعد ما اشتركت في عدة معارض آخرها معرض شخصي في اتيليه القاهرة سنة 2001

سافرت ,رسمت فترة رغم انشغالي بالعمل , لكن ماعرفتش ادخل معارض نهائي

لان اساسا مافيش معارض بتعمل في المنطقة اللي انا فيها ولا حد بيهتم بالرسم أصلا

وبالتدريج بطلت الرسم نهائي , بقالي سنتين تقريبا مارسمتش أي حاجة

ممكن اغلس عليكم واعرض رسوماتي البدائية؟؟

تم تعديل 28 مارس 2010 بواسطة محمد الششتاوي

[محمد الششتاوي]

بوتريه فان كوخ

[doha]

تسجيل متابعة ..

[ابو محمود]

والله فنان يا محمد على فكرة انا كنت من رواد اتلية القاهرة بس من حوالى كدة قول 87

يعنى كان ايامها فنان لة اعمال جميلة اسمة راغب وكان لة معرض فى قصر ثقافة الغورى سنويآ

وكنت بأحضر بالدور العلوى سماع موسيقى كلاسيك بس دة من زمن يا فنان

تحياتى وياريت نشوف اعمالك هنا

شوفت بقى رجعتنى للذكرى الجميلة أزاى وكان معانا ناس كتير وافتكر استاذ دكتور فى الموسيقى العربية كان دمة زى الشربات وزميلات من فرقة اسوان للرقص الشعبى وكان معانا ايضآ عازف عود ومغنى من نفس الفرقة ياةةة يا أبو حميد ايام

[محمد الششتاوي]

تسجيل متابعة ..

شكرا على متابعة حضرتك الجميلة استاذة ضحى

والله فنان يا محمد على فكرة انا كنت من رواد اتلية القاهرة بس من حوالى كدة قول 87

يعنى كان ايامها فنان لة اعمال جميلة اسمة راغب وكان لة معرض فى قصر ثقافة الغورى سنويآ

وكنت بأحضر بالدور العلوى سماع موسيقى كلاسيك بس دة من زمن يا فنان

تحياتى وياريت نشوف اعمالك هنا

شوفت بقى رجعتنى للذكرى الجميلة أزاى وكان معانا ناس كتير وافتكر استاذ دكتور فى الموسيقى العربية كان دمة زى الشربات وزميلات من فرقة اسوان للرقص الشعبى وكان معانا ايضآ عازف عود ومغنى من نفس الفرقة ياةةة يا أبو حميد ايام

شكرا جزيلا استاذ محمود على كلامك الطيب

حضرتك تقصد الفنان راغب عياد؟

ده فنان كبير جدا ومعروف جدا

*انا اتذكر ان الحفلات اللي حضرتك بتقول عليها كانت يوم واحد الاسبوع وتقريبا كانت يوم الاحد , أنا حضرت مرة واحدة بس

انا للاسف بعد عرفت طريق اتيليه القاهرة بكام شهر سافرت

اعتقد انه من اكبر دواعم الحركة الثقافية بمصر

تحياتي لحضرتك

[محمد الششتاوي]

الغربة

[ozoozo]

مع انك اهلاوي

الا ان لوحاتك رائعه

والحمد لله انك مابترسمش لوحات من يتاعه الاعماق والابعاد والخيول في بؤوونه زي بتاعه فاروق حسني

تم تعديل 29 مارس 2010 بواسطة ozoozo

[ozoozo]

البورتريه بتاع فان جوخ ده عباره عن وش واحد ملتحي

ولا نعامه في كهف

ولا هي ماشيه الاتنين

تم تعديل 29 مارس 2010 بواسطة ozoozo

[اغابي]

مبدع

ايه المواهب الجميلة اللى كل يوم باكتشفها فى محاورات المصريين

كمان وكمان يا استاذ / محمد

لانى بحب الرسم جدا

متابعة

:P

[doha]

البورتريه بتاع فان جوخ ده عباره عن وش واحد ملتحي

ولا نعامه في كهف

ولا هي ماشيه الاتنين

ده تشكيل لنعامه وشجرة كونوا الاثنين مع بعض وجه الفنان فان جوخ ..

بصراحة .. ماشاء الله ابدااااااع ..

انتظر المزيد ..

[محمد الششتاوي]

مع انك اهلاوي

الا ان لوحاتك رائعه

والحمد لله انك مابترسمش لوحات من يتاعه الاعماق والابعاد والخيول في بؤوونه زي بتاعه فاروق حسني

:) شكرا جزيلا ليك , لا للاسف مش برسم لوحات من بتاعة الاعماق ( التجريدي ) , بحاول ومش بعرف

هي ممكن تقول انها من النوع السهل الممتنع , وفيه حاجات بصراحة في غاية الروعة

على فكرة انا ليا اصحاب زمالكاوية وبتعامل معاهم عادي خالص بكل تواضع وبدون تعالي smk: , رغم فرق الارقام اللي بيننا :)

البورتريه بتاع فان جوخ ده عباره عن وش واحد ملتحي

ولا نعامه في كهف

ولا هي ماشيه الاتنين

ماشية الاتنين , ده اللي بيسموه خداع بصري , ودي مجرد محاولة بدائية مني

مبدع

ايه المواهب الجميلة اللى كل يوم باكتشفها فى محاورات المصريين

كمان وكمان يا استاذ / محمد

لانى بحب الرسم جدا

متابعة

شكرا جزيلا يا فندم

البورتريه بتاع فان جوخ ده عباره عن وش واحد ملتحي

ولا نعامه في كهف

ولا هي ماشيه الاتنين

ده تشكيل لنعامه وشجرة كونوا الاثنين مع بعض وجه الفنان فان جوخ ..

بصراحة .. ماشاء الله ابدااااااع ..

انتظر المزيد ..

شكرا لحضرتك

تمام كده يا فندم , تحياتي

_______________________________________________

بس بلاش الكلام الكبير ده عشان انا يادوب مبتدئ وعارف نفسي كويس

وعلى فكرة مش بزعل نهائي لما حد يقول على لوحة وحشة

يللا اللي عايز يقول على حاجة وحشة مايهموش md2:

[Damo]

رسم حضرتك جميل

تسجيل متابعة

[رضوي]

السلام عليكم ورحمة الله وبركاته

عجبني اوي بورتريه الغربة

ماليان معاني معبرة فعلا

تسجيل متابعة

[لماضة مصرية جدا]

الغربة

السلام عليكم و رحمة الله و بركاته

يا استاذ محمد...ايه ده؟؟؟

اللون الاخضر اللي بيصحي فيك حلم العودة.....للدفء

ملامح الست اللي بتحسسك انها حد تعرفه و تعرفه اوي كمان

البحر......الحصان اللي باصص جوه البحر و بيتحسس خطاه......

الموجة اللي بتاخدك لموجة تانية....لشط تاني.....

الايدين.....اللي بتكبر في حتت و بتصغير في حتت....التناقضات اللي في احتياجتنا......و يا تري هنلاقيها علي انهي شط

الصخرة....و انعكاساتها تحت اقدام المرأة.....هنا تعب...و هناك تعب.....طب الراحة فين؟؟؟

ايه ده يا استاذ محمد

القيت حجرا في مياه راكدة

فكرتني بايام زمان جاليهات الزمالك.....و قصر ثقافة الصعيد.......ربنا يباركلك

ممكن بقي تغير عنوان التوبيك........خليه........احساس ع جداريات المحاورات..... لان دي مش ممكن تكون شغابيط؟؟؟؟؟

تحياتي

منتظرة المزيد

[ozoozo]

ايه ده يعني افهم من كلامك انك راسم البورتريه ده من دماغك مش نقلوا؟؟

bag):

[ذهبية]

استاذ محمد ...... انا عاتبة على سيادتك ؟؟؟؟

اسم المووضوع شغابيطى ...... بصراحة مينفعش اصلا العنوان.دة .... يا استاذ محمد.... على الصور الرائعة دى ....

دى موهبة من عند الله ربنا يبارك لك فيها ....

فعلا صور جميلة

متابعة و نرجو المزيد

[مغتربة]

استاذ محمد رسومات حضرتك هايله و تنم عن ان حضرتك موهوب بجد

حاسه ان عند حضرتك مشاعر عميقه جدا

بس فى اللوحتين دول اخترت لهم ترميزات مش على نفس عمق ما تريد التعبير عنه

حسيت ان لوحه فان كوج مرسومه ببراعه اكتر من لوحه الغربه يمكن رسمت فى مرحله تاليه ليها

اعتقد ان حضرتك حبيت تحط اكبر قدر من الرموز المتداوله عن الغربه فى اللوحه علشان تعزز الشعور

يمكن لو كنت سبت ريشتك عل سجيتها قليلا اثناء الرسم كانت ممكن تعمل حاجات تبهرك انت شخصيا قبل المتلقى

انا حاسه انك لما بدءت رسم اللوحه كنت مخطط من قبل ليها عارف تماما انت عايز تحط فيها رموز ايه و ازاى

دا انطباعى و ممكن جدا اكون غلطانه فيه

انا مش بنقد حضرتك و الله بس حاسه بموهبت حضرتك قوى و علشان كده عيزاك تثق فى انك تديها الحريه شويه فى انها تعبر عنك اكتر من كده

يمكن حضرتك عملت كده فى اللوحات التانيه لان لوحتين فقط برضه غير كافيات للحكم

لو حضرتك وضعت مزيد من اللوحات ممكن الصوره توضح اكتر

لكن عموما شغل حضرتك هايل و اتمنى لك التوفيق

[محمد الششتاوي]

شكرا ليكم يا جماعة على الكلام المشجع ده ,

وأي نقد يسعدني جدا مهما كان

انا يادوب مبتديء واي نقد بيفدني

.........

Damo/

اشكر حضرتك على المجاملة الجميلة

رضوي/

شكرا لحضرتك وانا سعيد ان اللوحة عجبت حضرتك

لماضة مصرية جدا/

اولا / شكرا لحضرتك جدا على الكلام الجميل د

ثانيا / تخمنيات حضرتك اللي قصدتيها في محلها :closedeyes:

ثالثا / بالنسبة للمعاني , حضرتك تعمقتي كتير في اللوحة وجبتي معاني كتير اجمل من اللي انا قصدتها , وده شيء يسعدني , وطبعا ماينفعش اتكلم على المعاني اللي انا قصدتها عشان كل متلقي يفسرها على حسب شخصيته وفكره هو ,

بس ايه اللي جاب جاليرهات الزمالك لقصر ثقافة الصعيد , فرق كبير قوي , انا من المنصورة وعارف

ozoozo/

دول انا اللي راسمهم من خيالي , وفيه حاجات ناقلها من اعمال عالمية او بورتريهات من صور فوتوغرافية

ولما احطها ان شاء الله هاذكر اكيد انها منقوله .

ذهبية \

اشكرك حضرتك جدا على المجاملة الكبيرة جدا دي وده من ذوق حضرتك بس

وبالنسبة للعنوان / يادوب والله الحاجات تبقى شغابيط , لو حضرتك شوفتي حاجة للفنانين اللي بجد مش هتقولي كده ابدا

تم تعديل 30 مارس 2010 بواسطة محمد الششتاوي

[محمد الششتاوي]

استاذ محمد رسومات حضرتك هايله و تنم عن ان حضرتك موهوب بجد

حاسه ان عند حضرتك مشاعر عميقه جدا

بس فى اللوحتين دول اخترت لهم ترميزات مش على نفس عمق ما تريد التعبير عنه

حسيت ان لوحه فان كوج مرسومه ببراعه اكتر من لوحه الغربه يمكن رسمت فى مرحله تاليه ليها

اعتقد ان حضرتك حبيت تحط اكبر قدر من الرموز المتداوله عن الغربه فى اللوحه علشان تعزز الشعور

يمكن لو كنت سبت ريشتك عل سجيتها قليلا اثناء الرسم كانت ممكن تعمل حاجات تبهرك انت شخصيا قبل المتلقى

انا حاسه انك لما بدءت رسم اللوحه كنت مخطط من قبل ليها عارف تماما انت عايز تحط فيها رموز ايه و ازاى

دا انطباعى و ممكن جدا اكون غلطانه فيه

انا مش بنقد حضرتك و الله بس حاسه بموهبت حضرتك قوى و علشان كده عيزاك تثق فى انك تديها الحريه شويه فى انها تعبر عنك اكتر من كده

يمكن حضرتك عملت كده فى اللوحات التانيه لان لوحتين فقط برضه غير كافيات للحكم

لو حضرتك وضعت مزيد من اللوحات ممكن الصوره توضح اكتر

لكن عموما شغل حضرتك هايل و اتمنى لك التوفيق

اشكرك جد يا فندم

هو ده النقد :closedeyes:

بالعكس لوحة فان كوخ راسمها سنة 1999 ولوحة الغربة سنة 2004

بس في فترة لوحة فان كوخ كان اهتمامي كبير جدا بالفن التشكيلي ومدارسه واحتكاكي بالفنانين كان كان كبير جدا وكنت برسم كتير لاني كنت فااضي ,, ودي الفترة اللي بعتبرها اهم مرحلة رسمت فيها

لوحة الغربة ممكن حضرتك تقولي اني عملتها كاصرار اني اكمل الطريق اكتر من حبي للطريق

على فكرة كلام حضرتك متوافق جدا مع معظم النقد اللي جالي من متخصصين اني بعمل لوحات ممكن تتقسم على كذا لوحة

وبعد الحصول عل النقد ده عملت اكتر من لوحة مختلفة عن النهج ده

لكن حقيقي بالنسبة ليا مش بيبقى في بالي كل او نص الرموز اللي هايحطها في اللوحة , لكن ببدأ ارسم والون والاحساس هو اللي بيرشد بعد كدا , لاني برسم بالزيت وممكن اشيل واحط براحتي

, لكن في البداية بيكون فيه صورة عامة غير واضحة المعالم للوحة وفيه اسلوب معين محدد للتعامل مع المتلقي .

فيها حاجات فعلا عملتها وابهرتني انا شخصيا وفيه حاجات اشمئزيت منها بعد ماعملتها. فان كوخ مع لوحة تانية اسمها العاقبة هم بس اللي عجبوني شخصيا , مش عارف يمكن لانهم لاقوا اعجاب أغلب الناس

انا هحاول احط كله حتى اللي بشمئز منهم واخليكوا تشمئزوا معايا :lol:

شكرا لحضرتك جدا ومنتظر ارائك ووجهة نظرك في القادم ,

تحياتي

[محمد الششتاوي]

الحصان مقاس 50× 70 سم

تصوير زيتي - عام 2008

تم تعديل 30 مارس 2010 بواسطة محمد الششتاوي