زهقت من ترافيان

[مروان]

كل ما ادخل المنتدى

تطلع لي زي اللزقة الانجليزي

وكل ما افتح اي موضوع تابي الا ان تشاركه وتستولي عليه

ومع زلك مفيش مرة فكرت العبها ولا حتى اشوفها عبارة عن ايه

ربنا يسامح اللي ربطها الربطة دي بمنتدانا الحبيب

[لونا]

أنا زهقت بأة من "ارتد ملابس الكبار "

[pocy]

انا بقي زهقت من الxray , scream ring

[aimen]

لو بتستخدم firefox

ممكن تركب اضافة adblock plus

اى حاجه مش عاجباك فقط اضغط بالزر الأيمن واختر اما

adblock image أو

adblock frame

واختر اول اختيار من القائمةلمنع الصورة دى فقط

أو اخر اختيار لمنع كل ما ياتى من الdomain المحدد

تحياتى

تم تعديل 29 مارس 2010 بواسطة aimen

[mamdowh]

منذ اكثر من سنه كتبت نفس الموضوع فى المنتدى ولا حد عبرنى وكل اللى شارو بيه انى اشترك فيها فاااااااااااا سلمت امرى لله وبقيت برضه ادخل المنتدى وهى تفتح وتفضل فى التوول بار تحت ويظهر معاها كمان الxray , scream ring وسيادتك تفضل سايبهم تحت ولما تخلص تعمل عليهم كلك يمين واغلاق

بس على فكره برغم دخولى المنتدى الا انى كل ما اجى ادخل افتكر ترافيان اراجع نفسى وادخل موقع تانى وتالت لحد ما اشجع نفسى كأنى باشرب دوا مر....................... وامرى لله .

تم تعديل 29 مارس 2010 بواسطة mamdowh

[fatfouta]

أنا زهقت بأة من "ارتد ملابس الكبار "

وانا كمان زهقت من البتاع ده قوى اللى كل مافتح موقع الاقيه فى وشى

حاجة تقرفففففففف

[الســـاري]

انا اللي مطفشتني ( خطبة السعوديين ) و ( هاجرالى امريكا )

ودك تذبحهم من جد ..

[romuy]

معاك حق والله ومش مع المنتدى بس ده مع معظم المنتديات

[Advisor]

رجاء التوضيح عن ماذا تتحدثون هل هى من نوعية popup ads ؟ هل جربت الدخول من أجهزة أخرى ؟ توجد برامج لحذف فيروسات الإعلانات المعروفة بإسم adware

[doha]

رجاء التوضيح عن ماذا تتحدثون هل هى من نوعية popup ads ؟ هل جربت الدخول من أجهزة أخرى ؟ توجد برامج لحذف فيروسات الإعلانات المعروفة بإسم adware

اقول لحضرتك ..

ترافيان عباره عن بوب اب ادز بالظبط زي ماحضرتك قلت بس بيطلع على مساحه صفحه كاملة بتنط للي بيفتح المحاورات في نافذة مستقلة ..

اما بقية مايتحدثون عنه فهي بانرات دعائية بتظهر مع كل توبيك عادي يعني متشغلش بالك معاها .. هي بس مستفزه لانها بتكرر كل يوم وبعضها ( متحرك ) وبالتالي بيجبرك تبص عليه فيشتت انتباهك عن موضوعك الاصلي الي بتقراه ..

على كل حال بالنسبة لترافيان ممكن تتخلصوا منها بطريقة تحايليه شويه .. هي بتطلع مع كل مرة تعمل فيها تسجيل دخول جديد للمحاورات .. بالنسبة لي نادرا مابعمل تسجيل دخول ببساطه لاني نادرا مابقفل صفحه المحاورات ..

الفكرة اني بتصفح المحاورات ولما بيكون ورايا حاجه ( بصغر ) المتصفح مش بقفله وبالتالي بفضل عامله تسجيل دخول بشكل مستمر حتى لو مكنتش اساسا قدام الجهاز ..

هي جات معايا صدفه مش متعمده لاني بدخل المحاورات على فترات متقطعه بشكل كبير فباستمرار عامله تسجيل دخول وبالتالي مبشوفش ترافيان دي غير كل يوم مرة واحده بس ساعه لما بصحى من النوم واشغل الجهاز ..

تم تعديل 30 مارس 2010 بواسطة doha

[أسد]

رجاء التوضيح عن ماذا تتحدثون هل هى من نوعية popup ads ؟ هل جربت الدخول من أجهزة أخرى ؟ توجد برامج لحذف فيروسات الإعلانات المعروفة بإسم adware

الحقيقة أن هذا الموضوع مزعج حقاً ..

وهو بسب إعلانات جوجل ..

وأنا جربت الدخول من عدة أجهزة .. من المنزل والمكتب والموبايل والفندق .. ومن السعودية ومصر ودول أخرى ..

في كل الحالات تظهر إعلانات ..

وتسبب نفس الإزعاج ..

فقط هي تختلف باختلاف الدولة التيأنت فيها ..

فلو أنت في السعودية .. ستظهر لك إعلانات مختلفة عن التي ستظهر لك لو أنك في مصر أو ألمانيا أو فرنسا ... الخ

أنا شخصياً عملت عدة إجراءات عديدة .. لم تفلح ..

حتى أنني أستخدم الموبايل .. وبه متصفح أوبرا على ما أعتقد .. ومع ذكل تظهر تلك الإعلانات ..

الأمر الذي أكاد أجزم به .. أن ظهور تلك الإعلانات .. ليس لها علاقة بالموضوعات التي نقوم بتصفحها أو المواقع التي تم فتحها .. أو إهتماماتك ..

ولكنها إعلانات موجهة لكل منطقة ..

لقد جربت جهاز كمبيوتر جديد .. لم يستخدم قط .. واتصلت بالنت عن طريق كونكت موبايلي - كارت جديد ..

وظهرت نفس الإعلانات

[se_ Elsyed]

هأ هأ هأ

مش هاقول لكم عالطريقة ... عاوز أفرح فيكم شويه :closedeyes:

[أسد]

بس ماتقوليش غير الإكسبلورر ... واستخدم حاجة تانية ..

[aimen]

والله ما بيظهر عندى ولا اى حاجه

ماشاء الله

انا مانع ظهور التوقيعات والصور الشخصية

من خلال خواص المنتدى

وباستخدم فايرفوكس مع اضافة adblock plus وكمان WOT

http://www.mywot.com/en/download/ff

ودى بتمنع تلقائيا بعض المواقع وتقفلها بدون تدخل منى

من اربع سنوات وانا لا استخدم انترنت اكسبلورر و نسيت حتى استخدامه

فايرفوكس مذهل بكل حاجه

نصيحة سيبكوا من انترنت اكسبلورر

تم تعديل 30 مارس 2010 بواسطة aimen

[ozoozo]

من اكسبلورر

tools

internet options

privacy

turn on popup blocker

تم تعديل 30 مارس 2010 بواسطة ozoozo

[fatfouta]

والله ما بيظهر عندى ولا اى حاجه

ماشاء الله

انا مانع ظهور التوقيعات والصور الشخصية

من خلال خواص المنتدى

وباستخدم فايرفوكس مع اضافة adblock plus وكمان WOT

http://www.mywot.com/en/download/ff

ودى بتمنع تلقائيا بعض المواقع وتقفلها بدون تدخل منى

من اربع سنوات وانا لا استخدم انترنت اكسبلورر و نسيت حتى استخدامه

فايرفوكس مذهل بكل حاجه

نصيحة سيبكوا من انترنت اكسبلورر

انا بستخدم فاير فوكس وبرضو مافيش فايدة

وساعات اوبرا

طب المشكلة مش ترافيان اهى لعبة لكن ملابس الكبار ده بصراحة مضايقنى قوى ومناظر مقرفة

هو مافيش اى تقنية عالاقل فى المنتدى هنا تمنعه ومانشوفوش ادامنا كده؟؟

تم تعديل 30 مارس 2010 بواسطة fatfouta

[مغتربة]

اغلس حاجه فيها بجد انها بتظهر فى نص ما انا بكتب كلمه السر و بالتالى لازم اتوقف و اصغرها و بعديين امسح الحروف الى كتبتها من كلمه السر و اعيد كتابتها من اول و جديد لانى مبتلخبط انا و قفت فين و دا كل مره ادخل المنتدى

لكن انا بصغراها و اسيبها لانى لو قفعلتها كل ما ادخل صفحه فى المنتدى هتطلعلى تانى لكن لو صغرتها بس بتكون هيه دى المره الوحيده الى طلعت فيها

[Advisor]

بداء ة دعونى أخبركم أننى أمقت ال popup ads و أعتبرها من التطفل الممجوج و أنا ال default عندى هو ال popup blocker و أؤكد أن محاورات المصريين بريئة من ال popup براءة الذئب من دم إبن يعقوب.

ما سبق كان إستهلالا لابد منه

هناك فكرة شائعة مؤداها أن الإعلانات شئ سلبى و لا فائدة منه و قد يكون ذلك صحيحا للوهلة الأولى و بطريقة سطحية و ربما يرجع ذلك لأنه إستقر فى الأذهان الفاصل الإعلانى الذى يقطع على مشاهد المسلسل اليومى متعته بالإعلان عن البطاطس المحمرة مثلا.

عندما تقرأ جريدتك اليومية و تجد إعلانات عن منتجعات أسعارها بالملايين سيترسخ عندك الإنطباع بعدم الجدوى لماذا لأن أحتمال أن تستفيد من هذا الإعلان ضئيل - على الأقل فى ظروفك الحالية التى لا تتطلع فيها لشراء منتجع بالملايين.

هذه الفكرة السلبية تتلاشى بمجرد تفكيرك فى شراء سيارة تجد نفسك تجرى وراء الإعلانات عن السيارات و لو كنت فى الغرب ستهرع إلى شراء مجلات متخصصة عن السيارات و تقرأ الإعلانات بكل عناية ... و ستصل إلى ضالتك أو قل أنك ستصبح أكثر خبرة عند شراءك السيارة.

الإعلانات هنا فى محاورات المصريين تعمل بآلية متقدمة جدا يتم توجيهها تقريبا حسب إهتمامات جمهور القراء مثلا الإعلانات التى أراها الآن عن السياحة الداخلية و عن فرص وظائف خالية فى السعودية و فى قطر و حجوزات شرم الشيخ ... و عامة كنوع من العادة أقرأ هذه الإعلانات ... و آخرها الآن قرأت إعلان عن شركة إسمها arabtoshop.com متخصصة فى الدعم الفنى و بالذات برمجيات مثل برمجيات محاورات المصريين ووجدت التليفون و تحدثت مع الشخص المسئول و إتضح أنه يمكن أن يكون مفيدا فى الدعم التقنى لمحاورات المصريين....... هذه المعلومة تمثل فائدة كبيرة .... و الحصول عليها لم يكلفنى شيئا إلا ضغطة زر.

منذ أيام والدة زوجتى كانت تسألنى أن أشترى لها كتاب أصول الطهى لنظيرة نيقولا و هذا الكتاب صدر فى ثلاثينيات القرن الماضى و كان مقررا على تلميذات الدراسات النسوية فى مصر فعن لى البحث فى الإنترنت و قرأت عدة موضوعات عن نظيرة نيقولا و عن أصول الطهى .... المفاجأة كانت عند دخولى محاورات المصريين بعدها بدقائق وجدت عددا من الإعلانات عن الطهى.

طبعا قد تجد عددا من الإعلانات لا تخصك فى التوو و اللحظة و لكن هناك الكثير الذى يمثل إضافة معلومية لعدد من القراء.

و الخلاصة أن الإعلانات فى أى مكان تمثل قيمة مضافة يستفيد القارئ منها بالضرورة.

تم تعديل 30 مارس 2010 بواسطة Advisor