كلاكيت للمرة المليون ... نزيف الأسفلت في بلد بدون رئيس

[se_ Elsyed]

يومياً أرقام مفزعة عن حوادث طُرق أقسم بالله لو قرأت جرايد العالم كله ما هاتلاقي مثل ما لدينا ...

ومع ذلك وكأن تلك الحوادث تحدث في جُزر زنجبار أو أحراش كينيا ... فلا مسئول ولو فراش مكتب سيادة الوزير حتى يطلع يعمل منظر

من يومين حادث بشع عن أصطدام ميكروباص مكتظ بالركاب بأتوبيس والحمد لله كان فيه 4 بس .. بالمنيا ... سائق الميكروباص طاير من على الأرض ... والسيارة تسير لوحدها لأنه نايم .... فخرج عن الطريق وذهب إلى العكسي وأصطدم بالاتوبيس وجهاً لوجه ... فتحول الميكروباص إلى كُتله صفيح ومات الجميع إلا شخص أُصيب إصابات خطيرة .. والضحايا

16 نفس بشرية

ومافيش فسل طلع يوحد الله ولا يقول معليش مش هاتتكرر تاني

وبالأمس فقط ... أقرأوا معي كده

56 قتيلا وجريحاً.. في نزيف الأسفلت

لقي ثمانية أشخاص مصرعهم واصيب 48 آخرون في حوادث تصادم سيارات علي الطرق السريعة في عدد من المحافظات نتيجة انفجارات إطارات والسرعة الزائدة.

الإسكندرية كريم صلاح:

لقي مرشد سياحي وزوجته الايطالية وسائقهما مصرعهم في تصادم بين سيارتهم وسيارة نقل بمقطورة بالكيلو 59 بالطريق الصحراوي.

تلقي اللواء حسام الصيرفي مدير المباحث بلاغا بالحادث وانتقل المقدم حازم عزت رئيس مباحث العامرية ثان وتبين أنه أثناء سير السيارة 70155/71406 نقل قليوبية بالصحراوي في اتجاه الاسكندرية انفجر احد اطاراتها مما جعل عجلة القيادة تختل في يد قائدها الذي هرب بعد الحادث وتنحرف للاتجاه المقابل لتصطدم بها السيارة رقم "ر ن ط 194 مصر" القادمة في اتجاه القاهرة وتستقر اسفلها.

نتج عن الحادث وفاة قائد السيارة أحمد اسماعيل وعبدالعظيم سامي مرشد سياحي وزوجته الايطالية "بيبارمهكا".

البحيرة حامد البربري:

لقي 4 أشخاص مصرعهم واصيب 17 في 5 حوادث بطرق البحيرة بسبب السرعة. تلقي اللواء مجدي أبوقمر مدير الأمن اخطارات بالحوادث من العميد محمد بدراوي مدير المباحث.

عند دسونس بأبوحمص اصطدمت السيارتان 11247 أجرة دقهلية قيادة رضا محمد والسيارة س م و 7925 مصر ملاكي قيادة حسام ابراهيم.

لقي جمال صلاح "13 سنة" تلميذ بالاعدادي مصرعه واصيب اشقاؤه محمد "5 سنوات" وسامح "4 سنوات" وانشراح "24 سنة" ونهي السيد محمود "19 سنة" ومصطفي ابراهيم وشقيقته دينا "6 سنوات" وشيماء محمد صلاح "طالبة" ومحمد يوسف "فلاح".

بالدلنجات اصطدم جرار زراعي بدون لوحات قيادة أحمد نجاتي بالطفل يوسف السيد "عامان" ووالدته فاطمة محمد "30 سنة" ربة منزل اثناء عبورهما الطريق. لقي الطفل مصرعه واصيبت والدته.

بطريق أبيوقا كوم حمادة لقيت عطيات عبداللطيف "60 سنة" ربة منزل مصرعها ونجت ابنتها نسرين محمد "23 سنة" صدمتهما السيارة 36178 أجرة بحيرة قيادة حليم محمد أثناء وقوفهما بالطريق.

عند صفط الحرية اصطدمت السيارة 4576 أجرة بحيرة قيادة محمد علي بكل من بديع فتح الله شرطي وعبد الله محمد "طالب" اثناء عبورهما الطريق مما ادي لاصابتهما وأثناء محاولة الفرار بسيارته اصطدم بالسيارتين 30157 ملاكي غربية قيادة محمد الحلو و8480 نقل بحيرة قيادة حمدي كمال واصابتهما.

بطريق دمنهور الدلنجات اصطدمت السيارة 6273 ملاكي بحيرة قيادة صبحي عدس و"توك توك" قيادة ابراهيم صبحي. اصيب قائد السيارة والدراجة والطفلة زينب أحمد بجروح.

قنا عبدالحكيم الأمير:

لقي مزارع مصرعه واصيب 16 آخرون بينهم ضابط شرطة في تصادم سيارة أجرة بسيارة شرطة امام نجع الخضر بنجع حمادي.

تلقي اللواء محمود جوهر مدير أمن قنا بلاغا بتصادم السيارتين 22410 اجرة قنا قيادة عبدالرحيم فخراني و8467 شرطة قيادة حمدي عبدالحكيم مجند وبرفقته النقيب محمد أحمد صالح.

نتج عن الحادث مصرع نجيب محمد سالم "64 سنة" مزارع واصابة السائقين وضابط الشرطة وكل من صفاء صابر والهام عياد ومحمد عبد الله وعبد الله دياب ومحمد حسن أبوالوفا وأميرة صبري وشقيقتها سحر وأسماء عاطف وصفاء أدهم وايمان أحمد والحسيني محمد وحاتم بكري ودعاء فخراني.

الفيوم محمد الفل وجمال قطب:

اصيب 15 شخصا في حوادث متفرقة بالفيوم. لقي اللواء مرسي عياد مدير الأمن اخطارا من الدكتور محمد عزمي مدير المستشفي العام بوصول المصابين.

تبين ان 8 من عمال البناء كانوا في طريق عودتهم بقرية بيهمو إلي موطنهم بقرية هوارة اصيبوا في انقلاب السيارة 2280 نقل الفيوم التي كانوا يستقلونها بسبب انفجار الاطار الأمامي للسيارة وهم ربيع عبد الله محمد "17 سنة" ومسعد فتحي عبدالحميد "25 سنة" ومحمد عبدالفتاح خليل "20 سنة" ورمضان عاطف حسين "22 سنة" واشرف سيد بكر "23 سنة" ومحمد قاسم عبد الله "40 سنة" وعبدالنبي شعبان حسين "25 سنة" ومحمد سالم عبد ربه "24 سنة".

كما اصيب وائل سيد فتحي واشرف علي محمد تاجرا ملابس من المنيا في انقلاب السيارة ملاكي أسيوط علي طريق القاهرة/ أسيوط غرب النيل. واصيب عبدالباسط عبدالحفيظ كامل "28 سنة" ورمضان عبدالفتاح عوض الله "31 سنة" في انقلاب السيارة 3148 نقل بني سويف عند العزب بطريق الفيوم/ بني سويف.

واصيب أحمد عشري عبدالحفيظ "35 سنة" من طامية في انقلاب توك توك علي طريق القاهرة/ أسيوط الغربي

هذ هذا يُرضي الله ورسوله يا جماعه ؟

هل لو عندك شعب كافر بتحكمه حكومة يهودية وتريد الأنتقام منه ... هل يوجد إنتقام أكثر من أن تترك كل فرد يفعل ما يشاء على الطرقات بدون رادع ... هل توجد طُرق أخرى لإفناء شعب كما أفنى المسكشفون الهنود الحُمر مثل هذه الطريقة التي لدينا ؟

هل تعلمون إن عدد القتلى في حوادث الطرق بمصر 70 الف سنوياً ... بزيادة 33 مره عن أي بلد في العالم ... 33 مره

وإن الخسار المادية تفوق 16 مليار جنيه سنوياً ..

ناهيك عن الاف مؤلفه أخرى من إصابات منها ما يُعتبر الموت أفضل منه .. لأن العجز الكامل على سبيل المثال بيبقى شيء بشع ...

ومع ذلك بقى لنا 30 سنة من عهد مبارك المسئولية مفرقة بين وزارة الداخلية وإدارات المرور و ووزارة النقل ...

أقسم بالله لو مات عندك 70 الف كلب كانت منظمات حقوق الحيوان إتحركت وأتصرفت ووضعت حد لتلك المهازل ...

لنا الله

[shiko]

...وكأنها مذبحة جماعية ....

فرصة للتخلص من اكبر عدد ممكن ....

الارقام المنشورة هى جزء من الواقع ...وليس الواقع بإكمله

واليك بعض الوسائل التى تمدنا بها حكومتنا الجشعة للمساعدة على الهوليكوست اليومى:

1-تخريب الطرق

2-الرشوة الركيزة الاساسية لاستصدار تراخيص المركبات والقيادة معاً

3- سيارات غير مطابقة لاى عامل واحد من عوامل الامان

4-كمائن وحديد للطرق الصحراوية "لزوم لم الاتاوة "...ولو حد يعيد النظر فى الحوادث اللى بتحصل على طريق الموت الدائرى ..هايلاقى ان اكتر من 65% من الحوادث بتحصل بسبب الكمائن او بالقرب منها ...

وغيرها ...ومن مظاهر الاهمال التسيب ....

و لا نملك غير ان نقول ..."وإلى الله المشتكى"

[jasmin hamed]

حاجه تحزن لما تلاقى بلد ذى اليابان تخطط كل طرقها عشان فاقدين حاسه البصر يقدروا يمشوا فيها عشان واحد

ضرير سنه 73 مات و هوه بيعدى شارع

و احنا لو مليون ماتوا ماحدش يتحرك بجد بقى عند الحكومه و الشعب بلاده بلاهه و عدم اهتمام

حياة الانسان الى ناس بتدفع فيها ملاين عشان تمدها سنه

ياترى العيب فى الحكومه بس و لا فى الناس و لا الاتنين و بمين نبتدى ؟؟؟؟؟

[أسد]

هل تعلمون إن عدد القتلى في حوادث الطرق بمصر 70 الف سنوياً ... بزيادة 33 مره عن أي بلد في العالم ... 33 مره

أعتقد أن الرقم خطأ .. وأنك تقصد سبعة آلاف قتيل سنوياً ..

لأن لو سبعين ألف سنوياً .. هذا يعني أن هناك 192 قتيل يومياً ..

قد يشمل هذا الرقم عدد الإصابات والجرحى أيضاً ..

[se_ Elsyed]

شوف التقرير ده كده يابو أدهم

عام 2007 أكدت إحصائية صادرة عن قطاع الرعاية العلاجية والعاجلة في وزارة الصحة المصرية، أن نسبة الحوادث في البلاد وصلت إلى 25 ضعفاً عن المعدلات العالمية؛ ما يجعل مصر من أكثر دول العالم التي تشهد حوادث طرق منذ عام1992. وأشارت الإحصائية إلى أن عام 2007 شهد ما يزيد على 73 ألف حادث على الطرق المصرية، بلغ عدد ضحاياها من القتلى والمصابين 245 ألف شخص، وأن حوادث الطرق في مصر هي السبب الأول لوفاة الفئة العمرية ما بين 5 إلى 25 سنة، مضيفة أنه بحلول عام 2020 ستكون الحوادث المرورية السبب الثالث.

وفى عام 2008 أشار تقرير حكومى إلى أن الأشهر الأربعة الأولى من عام 2008 سجلت 7 آلاف حادث على الطرق، مما يعني أن متوسط عدد الحوادث في العام نفسه بلغ 21 ألف حادث. وأن حوادث السير في المرتبة الثانية لأسباب الوفيات في البلاد.

ومع انتهاء عام 2008 شهدت مصر ‏22‏ ألفا و‏400‏ حادث سيارة، مقارنة بحوالي ‏19‏ ألفا و‏200‏ حادث في العام السابق، وقد زادت حالات الوفيات والإصابة بمعدّلات تفوق زيادة الحوادث ذاتها.

[se_ Elsyed]

مش إنت بتقول الرقم كبير يا أبو أدهم ؟

ده أنا شايفه صغير جداً بالإشارة إلى :

1- الإحصاءات غير الدقيقة ومحاولة تجميل الشكل القبيح لحكومة مبارك .

2- اللي بيموت بعد فترة نتيجة الحادث ودول كتيررررررررررر جداً ... هل بيدخلوا ضمن الأحصائية ؟ مستحيل طبعاً ..

وحتى لو كانوا ألف نفس فقط مع تكرار تلك الحوادث كل ساعة .... ألا يسترعي ذلك إنتباه هؤلاء الفاسدين ويقولوا لنفسهم : خلونا نعمل حاجه المره دي عشان لو ذهبنا إلى مذبلة التاريخ يمكن الناس تفتكر لنا حاجه كويسة ؟؟؟

[أسد]

الحوادث في مصر أمر مريع ..

الأسباب تتلخص في التالي ..

رعونة السائقين

سوء حالة المركبات

سوء حالة الطرق وعدم مطابقتها اللمواصفات القياسية

عدم تطبيق القانون بشكل يردع المخالفين

عدم وجود رقابة مستمرة على الطرق السريعة والتي تحدث عليها أغلب الحوادث

المسئولية في تلك المشكلة مشتركة مابين الحكومة والدولة .. ومابين الناس أنفسهم ...

لا يمكن لأي طرف أن يلقي بالمسئولية على الطرف الآخر فقط

[se_ Elsyed]

عفواً أختلف معك يابو أدهم باشا

الناس ليس عليها أي مسئولية ولو واحد في المليون

لسبب بسيط جداً ..

إن اي واحد فينا لو تفورت له الفرصة في مخالفة القانون مع احساسه بإن الرقابة = 0 ... هايفعل بدون تردد ويمشي عكس الإتجاه ويتعدى السرعة المسموح بها ده لو كانت محدده ... ولو اليو تيرن كان على بُعد 2 كم .. لكن عنده فرصة ياخدها تخريمه من على بعد 100 متر هايعمل كده ... ولو ما فيش تفتيش على السيارات والأمن والمتانة ... فهايمشي على الكاوتشات الدايبة من 50 سنة بدون تردد ومن غير انوار ولا مساحات ولا ولا

بغض النظر إنه أول واحد هايتضرر من ذلك ..

لكن ده طبع الأنسان

عشان كده لابد له من وجود دين ومعتقدات وعقوبات وقوانين لتقويم سلوكه ..

صدقني من غير شعارات يا عزيزي هذا ما يحدث

[محمد الششتاوي]

السلام عليكم

عشان نكون محددين

حضرتك قلت ان السائق كان نائم

حضرتك بتلقي اللوم على سائقي السيارات ولا على المسئولين اللي مش بينظموا الطرق؟

[الغريب]

الأسباب تتلخص في التالي ..

رعونة السائقين

سوء حالة المركبات

سوء حالة الطرق وعدم مطابقتها اللمواصفات القياسية

عدم تطبيق القانون بشكل يردع المخالفين

عدم وجود رقابة مستمرة على الطرق السريعة والتي تحدث عليها أغلب الحوادث

وأحب أضيف ليها

التسيب الواضح في الحصول على رخصة القيادة حتى المهنية منها وللأسف الشديد، وصارت هناك تسعيرة للحصول على هذه الرخصة بـ 200 جنيه فقط لأي أمين شرطة ، وهذا هو سبب وقف إستبدال رخصة القيادة المصرية في دول الخليج

[مهندس تحكم]

أختلف معاك يا أستاذ سي السيد...لان مش كل الناس بتحب تخالف بس الرقابة بتمنعها ....في ناس بتحترم النظام المروري احترامها لنفسها ....وفي نماذج كتير شفتها في مصر وفي الخارج بتحترم قواعد المرور والاشارات..دون وجود كميرات مراقبة او اكمنة او حتي عسكري مرور واحد..

90% من الحوادث في مصر سببها الخطأ البشري.....ودة مش لعدم جهل بالقيادة....ولكن لعدم فهم لخطورة السيارة علي النفس وعلي الآخرين..

ثقافة القيادة الآمنة غير موجودة اطلاقا عند أغلب الناس......حتي المتعلمين وخريجي الجامعات ......

وقانا الله واياكم شر الحوادث...

[se_ Elsyed]

السلام عليكم

عشان نكون محددين

حضرتك قلت ان السائق كان نائم

حضرتك بتلقي اللوم على سائقي السيارات ولا على المسئولين اللي مش بينظموا الطرق؟

ده البلد كلها نايمه يا محمد

هي جت على ده ؟

وبعدين مانا قلت لحضرتك ... ده كان معدي السرعة المسموح بها بمراحل وماحدش بيقول له إنت فين ؟

بالله عليك .. عُمرك سمعت عن حاجه عندنا أسمها " قوات امن الطرق " ؟

مستحيل طبعاً وكلهم لابدين في المكاتب تحت الميكفات ... مع إن الطفل الصغير يقول لك المكان الصحيح لضابط المرور المفروض يبقى فين ؟

-------------------------

وهذا هو سبب وقف إستبدال رخصة القيادة المصرية في دول الخليج

مش موقوفه يا غريب وشغاله عادي حتى اليوم !!!

--------------------------

و

في نماذج كتير شفتها في مصر وفي الخارج بتحترم قواعد المرور والاشارات..دون وجود كميرات مراقبة او اكمنة او حتي عسكري مرور واحد..

لأ يا باشمهندس ... اللي في الخارج وإحنا منهم بنحترم القانون .. في المقام الأول عشان ما فيهوش زينب ... ولو عكينا في مره والتانية وأتقفشنا في التالة .. فمافيش رحمه وهياتطبق عليك بصرامه ...

أضرب لك مثل ؟

بالله عليك

لو مترو الأنفاق من ساعة ما أتعمل في مصر .. كانوا سابوه سبهلله ... كان ايه اللي حصل مننا جميعاً ؟

كان هايبقى مزبلة .. صح ؟

لكن لما أتطبق القانون بحذافيرة ... وحتى لو خففوا الرقابة شويه ... الكل بقى يمشي يبص حواليه .. عشان ما يتحبسش أو يدفع مخالفه

عارف ؟

سنة 91 كنت فى تانيه كليه ... جامعه عين شمس ... وبانزل محطة منشية الصدر وأركب أتوبيس أو ميكروباص .. المهم ... أنا جوه المحطه ... وواقف برجل مستقيمة .. وساند التاني على الحيطة وضهري للحيطه طبعاً .... أتعمل لي محضر ودفعت 10 ج من لحم الحي ...

عارف

بعد كده بقيت أعدي على أي حيطه ابوسها وأمشي بعيد عنها ههههههههههه

مع إني مش شايف إنها مخالفه زي الركوب من غير تذكرة أو رمي القمامة مثلاً ...

بدون رقابة صارمه ... نتوقع دائماً أن نرى الهمجية والعشوائية الموجوده حالياً بغزارة

[الغريب]

مش موقوفه يا غريب وشغاله عادي حتى اليوم !!!

عندنا في الكويت غير معترف برخصة القيادة المصرية ، ولابد أن تمر على إجراءات الأستخراج من أولها لأخرها دون إعارة أي أنتباه للحصول على الرخصة المصرية من عدمه

تم تعديل 29 مارس 2010 بواسطة الغريب

[se_ Elsyed]

حسبي الله ونعم الوكيل ..

مالحقناش نكمل كلمنا إلا ومصيبة تانية تحصل اليوم .. وفين ؟

في طريق جديد لانج يعني المفروض الناس مالهاش حاجه ولا الشرطة - عفواً لو كانت موجوده -

لقى اليوم 5 أشخاص مصرعهم فيما أصيب 12 آخرون فى حادث تصادم بين سيارة ميكروباص وأخرى ملاكى وذلك فى أول حوادث السير التى يشهدها طريق "سفاجا/ سوهاج الجديد".

وكان اللواء عماد نازك، مدير أمن البحر الأحمر، قد تلقى إخطارا من العميد أحمد زغلول، مدير إدارة المرور، يفيد بوقوع حادث تصادم بالكيلو 80 طريق (سفاجا - سوهاج) الجديد بين سيارة ميكروباص وسيارة ملاكى، مما أسفر عن مصرع 5 أشخاص وإصابة 12 آخرين.

وقام اللواء إبراهيم منصور رئيس مدينة سفاجا بدفع سيارات إسعاف إلى موقع الحادث الذى وقع قرب نهاية حدود المحافظة وذلك لنقل الجثث إلى مشرحة مستشفى سفاجا المركزى ونقل المصابين إلى قسم الطوارئ بمستشفى سفاجا و5 حالات حرجة إلى مستشفى الغردقة العام.

وانتدبت النيابة مهندسا فنيا من إدارة المرور لإعداد تقرير عن الحادث وتحديد المتسبب فى الحادث وسؤال الناجين عن ملابسات الحادث.

[أسد]

أخي الحبيب .. سي السيد ..

حبيب قلبي ..

إنت في السعودية .. وعارف قد إيه المرور ضارم في إجراءاته .. ومع ذلك كل يوم لازم ولابد أن ترى حادث .. ويموت في السعودية حوالي خمسة آلاف سنوياً من حوادث الطرق .. أي بنسبة أعلى من مصر مقارنة بالسكان ..

يعني الناس طرف في المشكلة ..

وبعدين إنت بتقول إن مفيش حاجة في مصر إسمها أمن الطرق ..

وده كلام غير صحيح ..

طول عمرنا حتى من أيام عبد الحليم حافظ بنشوف الكومستبل أبو موتوسيكل اللي بيجري ورا العربيات ..

كونه بيكون نايم تحت الشجرة ده موضوع آخر ..

ولكنك دائماً ما تجد كمائن في مصر على كل الطرق بشكل مستمر ..

وأيضاً هناك على الطرق السريعة مثل طريق الاسكندرية أو الطريق الدولي أو طري اسماعيلية أو بورسعيد .. هناك سيارات من المرور .. حتى بالأمارة نوعها كيا .. هي 4 × 4 .. تجوب الطريق .. وعلى خلفية التذكرة التي تأخذها عند دفع رسوم الطريق .. هناك أرقام الشرطة والنجدة وقيادة الطريق .. والاسعاف ... الخ

وهذه التذكرة أيضاً تعتبر بوليصة تأمين ..

كل الأشياء دي موجودة .. ولكنها لا تعمل بكفاءة أو بالشكل المطلوب ..

رجال الشرطة المكلفون بتطبيق تلك القوانين والإجراءات .. هم من أفراد لاشعب .. وطبيعتهم من طبيعة الناس ..

وبالتالي الكل مشترك في عدم تطبيق القوانين ..

والدولة تتراخي في تطبيق العقوبات والتمثيل بمن يخالف القوانين ..

نعم .. التمثيل بهم .. وجعلهم عبرة على رؤوس الأشهاد ..

الحكومة عندما توقف لجان على طريق سفر وتكشف عن المخدرات في دماء السائقين .. تجد أن أكثر من 75% منهم متعاطي لمخدر ..

هل الحكومة هي التي صرفت لهم المخدرات ..

توقفهم وتحاسبهم ..

تلك النوعية من السائقين هم مجرمون .. ولا يستاهلون أن يتبرع أحد للدفاع عنهم ..

أي شخص يعرض حياة الآخرين للهلاك .. يجب ألا ندافع عنهم ..

أنا أختلف مع الحكومة المصرية في أنها سلطة ديكتاتورية .. أو أنها لا تراعي حقوق الفقراء .. أو انها لا تقدم خدمات جيدة للمواطنين .. أو أنني غاضب لأن الرئيس يحكمنا منذ ثلاثون عاماً والبلد ترجع للخلف .. أكثر من أنها تتقدم للأمام

ولكن لا يصح أن نلفق للدولة كل التهم .. بحجة أننا غاضبون منهم ....

[Sherief AbdelWahab]

قلنا الكلام دة..

قلنااااااااااااااه..

قلناه وقت ما القانون اتناقش في مقلة الشعب.. واتقزقز فيه هناك لما قالوا يا بس .. ولما الأعضاء اللي مبيتستشروش ع الفساد دافعوا عن عدم إلغاء اللواري ومقطورات النقل التقيل أقله لغاية ما تتحسن الطرق علشان مصالحهم الشخصية ، وقالوا كدة لزبانيتهم وقلاضيشهم في الإعلام الحزبوطني والمالسياسي ، وبقى فيه هلاسين زي بتاع بلدنا اللي بيقول لك إن السبب هو حالة الطرق .. طرق مين يابا؟

كنت راكب مع سواق ميكروباص من حوالي أسبوع ، ودخل في دردشة مع راكب جنبه عن الطرق اللي بتتسفلت بالليل ييجي بتوع المقطورات والنقل التقيل تدمر الطريق وتحفره أكثر ما هو متحفر .. طبعاً الكلام دة ميعرفهوش بتاع "اليوم الساقع" اللي بيتعامل مع الطرق والبنية الأساسية بنفس منطق إفيه إسماعيل ياسين وهو بيتكلم عن الطيارة اللي بتمشي أسرع من الصوت ، اللي تروح أسوان بمجرد ما الطيار يقول "أس" وتوصل هناك قبل ما يكمل الـ"وان"! :(

ما انت علشان تصلح طرق لازم توقف المقطورات وتفكر من دلوقت في بديل استراتيجي ليها لحد ما يبقى عندك طرق قوية تستحمل ، ولازم تشد طوال الفترة دي وبعدها على الجماعة السواقين اللي معروف لكل المصريين همة بيتعاطوا إيه..

أنا مع العزيز أسد قلباً وقالباً في كل ما ذكره في المداخلة السابقة..وأضيف أن المثير للغضب ليس فقط هو الأداء الحكومي في ذاته ، بل برود مجلس الشعب واستعباط الإعلام والمثقفين الذين وقف بعضهم مع المجرمين بدلاً من الوقوف في وجههم..

خلص الكلام

[se_ Elsyed]

عفواً ... إن الرئيس المطلوب غير متاح منذ ثلاثون عاماً .... من فضلك أعد المحاولة .. تيييت تيييت تيييت

----------------

كل يوم

كل يوم وما فيش يوم يفوت إلا ونصحى على حوادث بشعة نتيجة غياب دولة اللادولة

ولا حياة لمن تنادي ..

وأسف لأستخدام تلك الألفاظ القاسية ..... فالبهايم اللي عندنا غلبوا البهايم الحقيقيين ..

والله يا جماعة اللي عاش مع الفلاحين شويه وشاف الحيوانات هايعرف إنهم بيتعملوا من التكرار بالفطرة .. أما بهايمنا في شرطة المرور ... فهم كالأصنام .. بل أشد ضلالاً

في العالم كله ... حتى المتخلف منه ..

ممنوع سيارات النقل التقيل تتخطى الجانب الأمين ... وممنوع تزود السرعة عن 60 او 70 كم في الساعة

ومع ذلك وفي أكثر الطرق أزدحاماً وهاضرب مثل بالطريق الدائري المتجه إلى 6 أكتوبر واللي مرشق لجان مرور على الجانبين زارعين أكشاك في نص الطريق ومهمتهم إنهم يقلبوا الناس وخلاص .. في عز ده كله تلاقي أرتال من سيارات النقل تنطلق في الجانب الأيسر بأقصى سرعة ويا ويلك يا سواد ليلك لو حاولت مجرد محاولة في أن تتخطى احدهم ... فعنده أستعدادا تلقائي إنه يدهسك بعجلاته الضخمه

وغيرها وغيرها من بلطجة سائقي الميكروباصات ..

وروعونة سائقي الأتوبيسات

والنتيجة ... موت العشرات يومياً

ولا حياة لمن تنادي ... فالحجر الأصم معذور فهو لا يسمع ولا يرى

إصابة 12 شخص في حادث مروع على طريق مصر إسكندرية الصحراوي

اضغط للتكبير

سيارة مهشمة اثر حادث مروري - خاص لمصراوي

احفظ الخبراطبعأضف تعليق ارسل4/22/2010 3:14:00 AM

متابعة : أيمن شعبان – أصيب حوالي 12 شخص مساء يوم الأربعاء في حادث مروري مروع على طريق مصر إسكندرية الصحراوي.

وبحسب ما ذكره الإعلامي معتز الدمرداش ببرنامج" 90 دقيقة" على قناة المحور مساء الأربعاء وقع الحادث جراء دهس سيارة نقل لحوالي 8 سيارات ما بيت ملاكي ونقل .

وعلى الفور انتقلت سيارات الإسعاف وأجهزة الدفاع المدني لمكان الحادث وتم نقل المصابين إلى المستشفيات القريبة لتلقي العلاج.

يذكر أن 8 أشخاص أصيبوا بإصابات مختلفة، إثر اصطدام سيارة نقل بأخرى أجرة "ميكروباص" على طريق المحلة طنطا أمام قرية شبشير الحصة في وقت سابق من يوم الأربعاء.

وتلقى مدير أمن الغربية إخطارا باصطدام السيارة 26919 نقل غربية بالسيارة رقم 10202 أجرة غربية "ميكروباص" من الخلف نتيجة اختلال عجلة القيادة بيد سائق الميكروباص، مما أدى إلى انحراف سيارته بشكل مفاجئ تجاه سيارة النقل مما أدى إلى وقوع الحادث.

شاهد الفيديو

الحادثوتم نقل المصابين لمستشفى المنشاوي العام بالمحلة لإسعافهم بعد إصابتهم بجروح وكسور وكدمات متعددة.

وتم تحرير محضر بالحادث، وأخطرت النيابة العامة التي تولت التحقيق.

مصرع وإصابة 10 بحادث انقلاب ميكروباص بطريق القاهرة أسيوط الصحراوى

احفظ الخبراطبعأضف تعليق ارسل2/10/2010 7:03:00 PM

القاهرة - محرر مصراوى - لقى شخصان مصرعهما وأصيب 8 آخرون إثر انقلاب سيارة أجرة ميكروباص بطريق " القاهرة - أسيوط " الصحراوي الغربي .

وكان مركز شرطة "طامية " قد تلقى الأربعاء بلاغا بانقلاب السيارة رقم 3786 أ س أجرة مصر " ميكروباص " بقيادة (ش.م.ع) 35 عاما بالقرب من مفارق العياط بطريق " القاهرة - أسيوط " الصحراوي الغربي ووقوع ضحايا .

وبالانتقال والفحص تبين أنه أثناء سير السيارة المذكورة بمكان الحادث فوجئ قائدها بانفجار الإطار الخلفى الأيمن للسيارة مما أدى إلى اختلال عجلة القيادة بيديه وانقلاب السيارة.

وأسفر الحادث عن مصرع كل من المواطن عطية السيد أحمد 40 عاما ، ومحمد طلعت مأمون 30 عاما ويعملان كفردى أمن بمدينة الانتاج الاعلامى فى محافظة السادس من أكتوبر ، وكذلك إصابة قائد السيارة و7 من مستقليها جميعهم يعملون أفراد أمن بمدينة الإنتاج الاعلامى باشتباه ما بعد الارتجاج واشتباه كسور وجرح وسحاجات بالجسم .

كما تم نقل جميع المصابين إلى مستشفى العياط المركزى لتلقى العلاج اللازم ، كما تم نقل جثتى المتوفيين إلى مشرحة المستشفى .

وقامت الأجهزة المعنية برفع آثار الحادث من على الطريق وإعادة الحركة المرورية إلى صورتها الطبيعية.

اصابة 10 سائحين اجانب في انقلاب ميكروباص سياحي بشرم الشيخ

احفظ الخبراطبعأضف تعليق ارسل7/28/2009 10:24:00 PM

شرم الشيخ - اشرف سويلم - اصيب 10 سائحين اجانب في حادث سير بمدينة شرم الشيخ بينهم سبعة سائحين انجليز وثلاثة ايرانيين بالاضافة الى السائق المصري.

وكان مدير امن جنوب سيناء قد تلقى بلاغا بانقلاب ميكروباص سياحى رقم 2 سياحة جنوب سيناء، والذى تعرض للانقلاب على طريق الاوسط بمدينة شرم الشيخ.

وقد اسفر الحادث عن اصابة سبعة سائحين انجليز بينهم ثلاثة سيدات واربع رجال هم: موليك سلودى 41 سنة مصاب باشتباه بكسر بالضلوع و الحوض، و اصابة ادم بن جيبا 17 سنة مصاب بكسر فى الرقبة و كدمات متفرقة، سفراج عثمان رجل انجليزى 29 سنة مصاب بكسر بالساق اليسرى، كما اصيب شان و ايشن 23 سنة انجليزب بكسر مضاعف بالساق اليسرى.

بالاضافة لاصابة كوانتا ادنيز 46 سنة سائحة انجليزية بكسر بالفقرة العظمية الخامسة وخلع بالكتف الايسر، ماتول موؤيس 23 سنة سائحة انجليزية اصيبت بكسر بالفك السفلي، واصيبت كيرى ان 22 سنة سائحة انجليزية بكسر بالفك السفلى.

أما المصابين الثلاثة الايرانيين فهم : ثروت الحسينى 22 سنة مصاب بكسر مفتوح بالساق اليسرى والذراع الايسر، كما اصيب شيردار الحسينى 14 سنة بنزيف داخلى، واصيبت حلا الحسينى 17 سنة بكدمات وسحجات.

كما اصيب سائق الميكروباص السياحى ويدعى رضا السيد محمد 34 سنة من محافظة الغربية بكدمات في الظهر والصدر.

وقد تم توجيه سيارات الاسعاف الى مكان الحادث، وتم نقل المصابين الى مستشفى شرم الشيخ الدولى، ورفعت حالة الطوارىء الطبية لعلاج المصابين.

واشارت التقارير الاولية ان الحادث ربما نجم عن اختلال عجلة القيادة والتى ادت الى انقلاب الميكروباص .

[herohero]

انتوا منفعلين ليه ياجماعه ده وسيلة من التخلص مننا

يعني موت ف عبارة ولا موت نتيجه اكل مسرطن ولا ري زراعي بمياه صرف صحي ولا كيماويات ولا هواء ملوث ولا يضربونا بالرصاص

يعني حاجات كتيرة بالعكس انا شايف انها وسيلة غير مجديه كل الارققام ده بسيطة

لازم يشدوا حيلهم شوية

بس السؤال نتخيل اننا موتنا الرئيس بطل هيحكم مين

هيستورد شعب جميل هل ياترى هيلاقي شعب طيب زينا يستحمل كل ده

انا ماانساش يوم وفاة حفيد الرئيس والناس كان صعبان عليها جميل ميت وربنا يرحمه

طبعا هقولكم شيئ صغنن قوي الحفيد المرحوم ده كان بيروح لجده العسول بطيارة هلكوبتر توديه القصر ف مصر الجديده قادما من شرم لان ججده لازم يشوفه ويخلص الامور يرجع تاني من المدرسه للقصر ومن ثم لجدو

الكلام ده ماكد والمرحوم كان يوم ماتعب المستشفى اتقلبت واتبعت اتجاب ناس من بره ف دقايق مسافة السكة والله

وكل اللي اكدوه لازم يتنقل بسرعه الى خارج مصر واتنقل

يعني البلد بتهتم اهي

والناس اللي بتموت ع الاسفلت هم قلة مندسة

انتوا شاغلين بالكم ياجماعه نموت ع الاسفلت ف السريع كده ولا نموت نتيجه اهمال طبي ونتعذب

يبقى المواطن اللي حق يختار الموتة الصح !!!!

وتمنياتي لجميع افراد الشعب المصري باختيار انسب الطرق وياريت اقلها تكلفه للموت ف مصرنا العزيزة

ولا ايه ياشعب يامؤمن ، الموت علينا حق

تحياتي لنا جميعا وانا اولكم لاننا بجد نستحق هذه المعاملة الادمية

بصراحه شعب عاوز ...............................

فوتكم بعافيه

[sarmar]

صح المــــــــــــــــــــــــــــــــــــــوت علينا حق ربنا يرحمنا ويريحنا من فى الاخرة لاننا فى الدنيا اصبحنا عبء على بلدنا انا نفسى نخلص من الموضوع دة بسرعة عشان يرتاحوا مننا هما تعابانين مننا واحنا زعلانين عشانهم

نفسنا نريحهم شوية لاننا التكاثر بتاعنا بيدمر كل خطط التنمية اللى بيفكروا فيها انهم يدمرونا و يبيدونا بس العلم بيتطور ولابد من كل بد هيلاقوا حاجة تقضى على التوغل الشعبى المصرى اللى بيلتهم كل المحاصيل وهيا لسة خضرا

[kitkat]

كان فيه حادثة في يوم علي طريق الفيوم شفتها بأم عيني

ماحدش طلع سليم من 2 مايكروباص فرمتهم سيارة نقل ثقيل فرم فرم

اتكتب في الجرائد وفاة 3 ركاب في حادث علي طريق الفيوم

ههههههههههههههه

نهارك سعيد :blink: