اسفه يا الهيئه الشرعيه التقرير ناقص

[jasmin hamed]

و انا بكتب فى موضوع ده احترت اسميه ايه ياترى اسميه النصب باسم الشريعه او اسميه تقرير المخالفات الشرعيه لشركات التطوير العقارى

الموضوع مازمنى جدا و نفسى افضض مع حد عشان حاسه انى لازم اخبط دماغى فى حيطه

ايه رايكم هبتدى الحكايه من الاول من اول تعينى فى احدى شركات التطوير العقارى بدبى و بالتحديد يوم المقابله

بعد ما قابلت مدير شؤون العاملين و مدير العقود قعد معى المراقب الشرعى للشركه و يشرحلى يعنى ايه شركه بتعمل وفقا لمعاير الشريعه

تقوم الشركه بتعين شركه اخرى او هيئه من هيئات الشرعيه و تراجع الهيئه الشرعيه جميع التعملات الماديه و العقود و تتقدم بملاحظات شهريه على الامور الماديه و الاداريه اى مخالفات شرعيه للقسم المختص و تقوم بعمل تقرير سرى كل 3 اشهر يقدم لرئاسة مجلس الاداره و ذلك لتعديل اى اخطاء جوهريه فى السياسات العامه و فى اخر كل عام تقوم الهيئه بتقديم تقرير يشتمل على اى اخطاء لم يتم اصلحها على الرغم من التنويه و هذا التقرير ينشر لكل المساهمين فى الشركه كونهم من حقهم التاكد من ان ما يستثمرون من اموال حلال 100%

بمعنى اخر سلطه الهيئه الشرعيه هيه الاعلى فى الشركه وعندهم القدره على ايقاف اى تعامل مادى او عقد ان رائ ما يخالف الشرع

لو قلتلكم انوا يمكن كان اسعد يوم فى حياتى لما حسيت ان احنا وصلنا الى هذا الحد من النظام و الدقه و تحرى الحلال حسيت بامان ان حقى لن يهدر فى شركة تطبق الشريعه

بعد الازمه الماليه فى دبى كنت فى انتظار تقريرالمساهمين بفارغ الصبر عن سنه 2009خصوصا انه اتاخر و بجد قولت بشره خير لعله يعدل الميله

واليكم تقرير مراقب الهيئه الشرعيه عن تعاملات الشركه فى عام 2009

و كان موجز فى نقطتين (عدم مراعاة بعض النساء التى تعمل بالشركه للباس الاسلامى و تشبه بعض الرجال بالنساء فى ملابسهم)

انا مش هتناقش فى النقتطين دول بس احب احركهم لاخر التقرير المخلفات الاهم و ابتدى بالمخلفات الى شايفها من وجهة نظرى المتواضعه لواحده جاهله بكتير من امور الدين الاسلامى و ارجو من اى حد من الاخوه

انو يصلحلى وجة نظرى و يبينى غلطانه لانى بجد ابتديت اشك ان الفلوس الى بكسبها حرام

1 – ديون كبيره فات ميعاد تسديدها من 2008 مقابل اصول ممكن بيعها حتى لو بخساره لسداد الديون مع العلم ان بعض الشركات الى لها ديون مستحقه اعلنت افلاسها نتيجه لان شركتنا و شركات اخرى لم تسدد مستحقتها

فى موضوع سداد الديون ده كان ليا نقاش طويل مع المدير الى من رائيه ان النيه كانت مبيته للسداد بس ظروف السوق و ازمة السيوله فى دبى هيه السبب

بس فى عقود جديده و انا بكتبها عارفه انى هدفع المقدم عشان الشغل يمشى و النص التانىمادام الشغل خلص مش هتتسد عشان ببساطه مافيش فلوس تسده

2 – عدم الاتزام بالعقود لا فى جدول الدفعات مع المقاولين ولا المهندسين و لا فى موصفات البناء مع المشترى

اتذكر من حوالى 3 شهور جا لى عميل صاحب فيلا يشتكى من ان المساحه زادت بنسبة 30 % عن العقد و ترتب عليه ذياده فى السعر و اختلاف الرسومات و تغير مكان حمام السباحه العميل قالى بالحرف ( انتوا بيعتولى ايه بالظبط مادام كل الى فى العقد مابقاش سارى يعنى انا اشتريت فيلا تانيه )

3 - المعروف عن البنوك الاسلاميه انها تمول المشاريع و لا تعطى احد اموال كاش يعنى اذا اتفقت معاها على تمويل مشروع تحول الاموال مباشرة للمقاول . فما رايكم فى الاتفاق مع المقاول لانه شريك فى الشركه على ضم كل المتاخرات كما لو كانت مستحقه الان فى الشهر الجارى و بعد ذلك اقتسامها مع المطور ليسد بها ديون بنوك اخرى . مش ده غش حتى لو ارتضى المقاول تاجيل دفع دينه

4- لما ابتديت من اكتر من سنه كان عدد العاملين بالشركه اكتر من 60 فرد لم يبقى منهم غير 16 فقط فعلا حجم العمل تقلص لدرجة ان حتى ال16 كتير من الوقت ماعندهومش حاجه يعملوها المهم ان العاملين 44 المفصولين لم يسدد مستحقتهم على الرغم من ان بعضها بسيط احب اوكد ان فعلا عندنا ازمة سيوله فعلا بس مجلس الاداره رواتبهم خياليه و ممكن التوفيق يعنى مثلا يصرف لواحد نص شهر و تسديد اتنين او تلاته من الى رواتبهم بسيطه

5- اعلان الارباح: تتعتمد الشركات الكبيره حاليا فى اعلان الارباح رغم ان مافيش ارباح و لا حاجه على امر من اتنين اما اعادة تقيم الاصول بقيمه اعلى من السنه الى فاتت و عليه الفرق يكون المكسب او صاحب

الشركه يقوم بانشاء شركه تانيه و يشترى كل الاصول من الشركه الاولى بفارق سعرو اقساط مريحه و كلة على الورق طبعا و بعدين الشركه التانيه تعمل توكيل للاولى بالاداره طبعا كل العقود ديه بتعرض على الهيئه و

كلها عقود شرعيه 100% بس انا شايفه ده غش بصراحه

ال فات كان المخلفات الكبيره فقط و محاولتش ادخل فى تفاصيل ذى بيع وحدات على اراضى لم يتم الاتفاق عليه بعد و حاجات من العينه ديه كتير

الى مجننى ليه تحط اسم الشريعه جنب اسمك و انت بتسئلها ماتروح تعمل الى انت عايزه فى شركتك من غير اسم الشريعه يعنى لو مشترى اجنبى يقول ايه بجد عار على الاسلام الشركات الى ذى كده و الهيئات

الشرعيه الى راضيه اسم الاسلام يجى فى تعاملات ماترضيش ربنا

انا مخنوقه ومش عارفه اعمل ايه ؟

[jasmin hamed]

اخوانى و اخاواتى و اخيرا استقلت الحمد لله الحمد لله

[myusername]

مش عارف اقول لك ايه...

بس ان شاء الله ربنا يوفقك فى حاجة احسن.

[Diab]

ربنا يعوضك خير لانك رفضتي انك تشترك في أكل المال الحرام

واكيد ربنا مش هيضيعك

تحياتي

دياب

[jasmin hamed]

مش عارف اقول لك ايه...

بس ان شاء الله ربنا يوفقك فى حاجة احسن.

قولى مبروك

[myusername]

مش عارف اقول لك ايه...

بس ان شاء الله ربنا يوفقك فى حاجة احسن.

قولى مبروك

مبروك :wub:

[اغابي]

انت اتسرعت يا جيسي

قرارا الاستقالة ما يجيش بسرعة كدا - فكرتى كويس - كل مكان فيه مساوىء ومميزات

ما تشيليش رجلك من مكان الا لما تضمنى البديل له - فاهمانى

وانا راى انك اتحملتى كتير - اتحملى كمان لغاية ما تضمنى شغل بديل - لان دبي مصاريفها كتير ومستوى الدخل مش جامد

انا روحت دبي وعارفة - المعيشة غالية جدا هناك

طبعا ربنا مش حينساكى - كفاية نرجع نقول - انك مارضيتيش تعملى لضميرك ولمبادئك تخدير

ربنا معاكى يا جيسي .

[الغريب]

اخوانى و اخاواتى و اخيرا استقلت الحمد لله الحمد لله

أختي الكريمة جاسي

ماشاء الله باين عليكي بتركزي في شغلك كويس وعندك أمانة

خليني أقولك نصيحة أرجو تقبلها ، بل لعلك أصلا أستخدمتيها عند إستقالتك

كتيير من المؤسسات والشركات في العالم العربي تعاني من تخلف واضح في الإدارة ومشاكل جسيمة ، لكن لعل الله يمُن على هذه الشركات بوجود موظف أو أكثر متقن لعمله ويميز الصح من الغلط

فلا تحرمي هذه الشركة قبل تركك لها من تقريرك النهائي بالملاحظات السلبية على الشركة ، ويمكنك تقديم هذه التقرير بأي وسيلة وفي أي صورة ، ولكن هذا التقرير يمثل شئ من الإيجابية في إصلاح الوضع الراهن لمجتمعنا ، كما أنه يمثل خدمة تقومي بها تجاه الموظفيين الباقين بالشركة والذين تجبرهم الظروف على عدم تركها وتحمل سلبياتها..

الحمدلله هذا هو أسلوبي في ترك أعمالي السابقة ، والتي ولله الحمد ما تركتها إلا في ظل تمسك إدارتها بي ، ولكن الله رزقني بالأفضل فرأيت أنه من شكر نعمة الله علي بهذا الأفضل، هو أن أقوم بدور إيجابي في إصلاح الوضع بالمكان الذي أتركه

أرجو أن أكون وضحت لكي مقصودي

تحياتي وتمنياتي بالتوفيق

[jasmin hamed]

انت اتسرعت يا جيسي

قرارا الاستقالة ما يجيش بسرعة كدا - فكرتى كويس - كل مكان فيه مساوىء ومميزات

ما تشيليش رجلك من مكان الا لما تضمنى البديل له - فاهمانى

وانا راى انك اتحملتى كتير - اتحملى كمان لغاية ما تضمنى شغل بديل - لان دبي مصاريفها كتير ومستوى الدخل مش جامد

انا روحت دبي وعارفة - المعيشة غالية جدا هناك

طبعا ربنا مش حينساكى - كفاية نرجع نقول - انك مارضيتيش تعملى لضميرك ولمبادئك تخدير

ربنا معاكى يا جيسي .

بصى يا اغابى اولا انا شكره ليكى قلقك عليا و كلامك هو تقريبا نفس كلام الست الوالده

بس انا بعد تفكير سنه و نص تقريبا بعد ما المشاكل ظهرت صعب جدا اكون اتسرعت

الحقيقه انا لما كتبت الموضوع ده من تلات اشهر كان فيه موقف مضيقنى فاجلت القرار لغايت ما الموضوع يهدى

عشان مايبقاش وقتى

رزقى ماحدش هيخده غيرى

لما يجيلك واحد يبكى لان ليه 100ولا 150 الف و انه مادفعش رواتب الموظفين لمده 3 شهور و انتى عارفه انه ليه حق

بس تعدى تتوهيه فى ورقه ناقصه هنا و ورقه ناقصه و اضاء مهندس اترفد من سنه و سافر بلده عشان يمشى دفعته

و كل مره حجه عشان تشترى وقت

فى ناس بتسمى ده مهنيه

و تقدر تقف تقول و انا مالى هو انا الى مديونه

بس انا مش قادره بجد مش قادره اكتر من كده

[jasmin hamed]

اخوانى و اخاواتى و اخيرا استقلت الحمد لله الحمد لله

أختي الكريمة جاسي

ماشاء الله باين عليكي بتركزي في شغلك كويس وعندك أمانة

خليني أقولك نصيحة أرجو تقبلها ، بل لعلك أصلا أستخدمتيها عند إستقالتك

كتيير من المؤسسات والشركات في العالم العربي تعاني من تخلف واضح في الإدارة ومشاكل جسيمة ، لكن لعل الله يمُن على هذه الشركات بوجود موظف أو أكثر متقن لعمله ويميز الصح من الغلط

فلا تحرمي هذه الشركة قبل تركك لها من تقريرك النهائي بالملاحظات السلبية على الشركة ، ويمكنك تقديم هذه التقرير بأي وسيلة وفي أي صورة ، ولكن هذا التقرير يمثل شئ من الإيجابية في إصلاح الوضع الراهن لمجتمعنا ، كما أنه يمثل خدمة تقومي بها تجاه الموظفيين الباقين بالشركة والذين تجبرهم الظروف على عدم تركها وتحمل سلبياتها..

الحمدلله هذا هو أسلوبي في ترك أعمالي السابقة ، والتي ولله الحمد ما تركتها إلا في ظل تمسك إدارتها بي ، ولكن الله رزقني بالأفضل فرأيت أنه من شكر نعمة الله علي بهذا الأفضل، هو أن أقوم بدور إيجابي في إصلاح الوضع بالمكان الذي أتركه

أرجو أن أكون وضحت لكي مقصودي

تحياتي وتمنياتي بالتوفيق

شكرا يا استاذ غريب على النصيحه الغاليه

بس تفتكر انهم مايخدوش الموضوع ده بمحمل شخصى و يتصوروا انى بعيب فيهم مثلا

انا و الحمد لله على علاقه طيبه بالاداره كلها حتى ان احد اعضاء مجلس الاداره عرض عليا انى اشتغل فى شركة والده

حضرتك تعلم ان الشركات الادارتها كذلك بيكون عنهم فرديه فى القرار و حتى اثناء العمل مابيحبوش يسمعوا راى مخالف لارائهم

[الغريب]

شكرا يا استاذ غريب على النصيحه الغاليه

لا شكر على واجب

بس تفتكر انهم مايخدوش الموضوع ده بمحمل شخصى و يتصوروا انى بعيب فيهم مثلا

أنا قولتلك أختاري الوسيلة والصورة المناسبة لتقديم ملاحظاتك، التي هي في الأول والآخر نوع من الإيجابية في حل مشاكلنا

انا و الحمد لله على علاقه طيبه بالاداره كلها حتى ان احد اعضاء مجلس الاداره عرض عليا انى اشتغل فى شركة والده

وده شئ متوقع لأنك كما قولت مجتهدة ومركزة في شغلك ، وأي إدارة بتعتز بالموظف اللي من النوع ده

حضرتك تعلم ان الشركات الادارتها كذلك بيكون عنهم فرديه فى القرار و حتى اثناء العمل مابيحبوش يسمعوا راى مخالف لارائهم

والله أنا قولتلك هذا التقرير يمثل شئ من الإيجابية في إصلاح الوضع الراهن لمجتمعنا ، كما أنه يمثل خدمة تقومي بها تجاه الموظفيين الباقين بالشركة والذين تجبرهم الظروف على عدم تركها وتحمل سلبياتها ، وده هيتأكدلك من الشعور بالإرتياح اللي هتحسي بيه بعد كدة..

وطبعا ربما تكون الفرصة المناسبة فاتت لعمل مثل هذه الخطوة ولكن أرجو أننا جميعا نتدارك هذا الأمر "المجرب الفائدة" فيما بعد

تحياتي