تعليم الابناء

[عنبو]

اولاً السلام عليكم ورحمة الله وبركاته

بشوف اسر كتير قووى مدخلين اولادهم مدارس انترناشيونال وتقريباً مش بيوفروا اى حاجه خالص

كل ما الامر انهم عايشين كويس جداً لحد كده تمام قووى

بس لما بقعد افكر كده واقول طيب هو بدل لما يصرف الفلوس دى كلها على المدارس الانترناشيونال اللى عليها طبعاً بعض التحفظات

يدخل اولاده مدرسه تجريبيه او حكوميه حتى ويهتم باللغه والكمبيوتر من بره عن طريق مراكز متخصصه فى ذلك

ويدخر الفلوس دى ويعلم بيها اولاده فى الجامعه والتعليم فى الجامعه بيختلف جداً من مكان لمكان ومن جامعه للاخرى

وبكده يكون الولد فعلاً استفاد انه هيبقى خريج جامعه محترمه وهيكون مؤهل لخوض سوق العمل

لان التعليم فى الجامعه بيؤثر جداً على شخصية الطالب على حسب التخصص اللى اختاره

ايه رأيكم ايهم افضل ولماذا ؟

[HanaaOsama]

كان في مناقشه قبل كدا عن المدراس الانترناشونال في هذا الرابط

لعله يفيد

[doha]

اكتر حاجه بؤمن بيها هي نظرية ( ابني ابنك ولا تبنيلوش ) ..

الواحد المفروض يدخل ابناءه افضل تعليم يقدر عليه مهما تكبد في سبيل ذلك .. ولو الابناء دول دخلوا مدارس حكوميه او مدارس ( تعبانه ) بمعنى ادق متضمنش انهم يمشوا بعد كده في تعليم جامعي كويس مهما حاولت او مهما دفعت بمعنى اصح ..

رايي ان المدارس الانترناشونال افضل مع تعويض النواحي الدينية المفقوده فيها بمحفظ قرآن في البيت او ماشابه .

بالمناسبة وعلى جنب كده ..

ياعنبي يابني انت كده من كتر التفكير هتتجوز على نفسك .. متقعدش من دلوقت تفكر ولما اتجوز هخلف عيال شكلها ايه ولما العيال تكبر هدخلهم مدرسة ايه ولما يرجعوا من المدرسة ويعملوا هوسه وانا لسه راجع من الشغل تعبان وعاوز انام هضربهم بعصاية المقشة ولا ايد المكنسه .. ياعم سيبها على الله ومتفكرش كتير وعلى راي المثل .. لكل حادث حديث ..

[joo]

بس حلو اوى اوى يا عنبى صورة الطفل اللى بيدخن دة

دى بأ اللى بيسموها صياعة مبكرة ؟

[عنبو]

HanaaOsama مشاركة بتاريخ أمس, 08:32 PM

كان في مناقشه قبل كدا عن المدراس الانترناشونال في هذا الرابط

لعله يفيد

شكراً لحضرتك بس انا هنا لا اتكلم عن المدارس الانترناشيونال ولكن اتحدث عن ايهم افضل الاهتمام بالتعليم فى الصغر ام التعليم فى الجامعه وخصوصاً اذا كنت سوف اصرف دخلى كله على المدارس الانترناشيونال

doha مشاركة بتاريخ أمس, 09:05 PM

اكتر حاجه بؤمن بيها هي نظرية ( ابني ابنك ولا تبنيلوش ) ..

الواحد المفروض يدخل ابناءه افضل تعليم يقدر عليه مهما تكبد في سبيل ذلك .. ولو الابناء دول دخلوا مدارس حكوميه او مدارس ( تعبانه ) بمعنى ادق متضمنش انهم يمشوا بعد كده في تعليم جامعي كويس مهما حاولت او مهما دفعت بمعنى اصح ..

رايي ان المدارس الانترناشونال افضل مع تعويض النواحي الدينية المفقوده فيها بمحفظ قرآن في البيت او ماشابه .

طيب واذا كنتى هتصرفى كل دخلك على المدارس الانترناشيونال

ولم ابنك يكبر مش هتقدر تدخليه جامعه انترناشيونال يعنى

يبقى احنا بدأنا كويس قووى والنهايه كانت عاديه

لكن لو بدأنا عادى والنهايه كانت قويه هيبقى تمام انما الاعمال خواتيمها

بالنسبه بقى انه ميقدرش يكمل فانا معتقدش كده اذا فيه اهتمام فى البيت وحب للتعليم اكي الولد هيقدر يكمل

ومعلوم اساساً بالنسبه لاى جامعه ان الصعوبه كلها فى اول سنه

joo مشاركة بتاريخ أمس, 09:47 PM

بس حلو اوى اوى يا عنبى صورة الطفل اللى بيدخن دة

دى بأ اللى بيسموها صياعة مبكرة ؟

دى مش صايعه ده طفل مكتئب بس علشان خسر فلوسه فى البورصه

[shiko]

تعليم ايه يابنى ...اللى بتتكلم عليه وانت حاططلى السيجارة دى بوقك

ارمى يابنى الزبالة دى من بقوك الاول وبعدين اتكلم على التعليم ...

ده حتى الادب الفارسى فضلوه على العلم...

وماينفعش يابنى بقالك كام شهر نفسك اتقطع من الهبابة دى ... :blink: