سلفني إسمك - مُحبَط بليز بليز أقرأ هذا الموضوع

[se_ Elsyed]

بجد بجد انا محتاج أستلف إسمك يا مُحبَط هذه الأيام .. فلو سمحت بعذ إذنك يعني ممكن أسجل في المنتدى تاني وهاساميني " موحَبط 2 " او " موحبَط بشرطه "

زي ما يكون يا شقي كنت بترمي لقدام لما سميت نفسك كده من كام سنة .. طب قولي أول ألفت نظري ..

يالله حصل خير صحيح ..

والحمد لله أنا لا اعاني من أي مشاكل حياتيه هذه الأيام غير مشاكل وطني وبلدي التى لا أستطيع أن أقلع عن إدمان التفكير فيها خاصة المشاكل التى تخص المواطنيين البسطاء الذين لا يجدون من يدافع عنهم ..

فإذا وافقت أرجو أن تسجل هذه الموافقة في الشهر العقاري اللي عندك في جده وأبعتلي صورة من الموافقة على 10 شارع الهنود الحمر .. اول خيمة طالعه منها نار الغيظ والغلايان ..

[disappointed]

سلفنى إسمك

واحد يقول لى يا كابتن لطيف : سلفنى إسمك تقرب لسلفنى 3 جنيه أقول لأ.....ده تشابه أسماء

بجد بجد انا محتاج أستلف إسمك يا مُحبَط هذه الأيام

ماشى.....بس حترجّعهم لى كام إسم؟؟؟ mf-:

وماهى الضمانات التى ستقدّمها للحصول على هذه السلفة؟؟؟

عشنا وشفنا....

بعد نوّاب القروض......آدى ياعم مشرفين القروض :rolleyes:

فلو سمحت بعذ إذنك يعني ممكن أسجل في المنتدى تاني وهاساميني " موحَبط 2 " او " موحبَط بشرطه "

فإذا وافقت أرجو أن تسجل هذه الموافقة في الشهر العقاري اللي عندك في جده وأبعتلي صورة من الموافقة على 10 شارع الهنود الحمر .. اول خيمة طالعه منها نار الغيظ والغلايان ..

يا معلّم إتفضّله من غير إستئذان و من غير شهر عقارى

أصلك مش واخد بالك من حاجه مهمّه قوى :

ده مش إسم

ده....صفه

cbyb:

زي ما يكون يا شقي كنت بترمي لقدام لما سميت نفسك كده من كام سنة

;) :P

تم تعديل 28 مارس 2004 بواسطة disappointed

[se_ Elsyed]

شكراً يابو المحابط يا ذوق

كده أقدر أنحبط وانا مرتاح

بس بأقولك أيه أظن الجملتين اللي قولتهم لك دول أثروا عليك وحننوا قلبك عليه ... صح ؟

والحمد لله أنا لا اعاني من أي مشاكل حياتيه هذه الأيام غير مشاكل وطني وبلدي التى لا أستطيع أن أقلع عن إدمان التفكير فيها خاصة المشاكل التى تخص المواطنيين البسطاء الذين لا يجدون من يدافع عنهم ..

مش عارف ليه وانا بأكتبهم كنت حاسس إني عضو في الإتحاد الإشتراكي ومعايا كارنية العضوية وعمال أشوح بأيدي وأنا بأتكلم ... وأبو خالد قاعد يتفرج عليه وعلى يمينه الرفيق خرشوف وهو بيقول في سره " يسلم فومك يا رفيق س س " :P :rolleyes:

[DARWEEN]

والحمد لله أنا لا اعاني من أي مشاكل حياتيه هذه الأيام غير مشاكل وطني وبلدي التى لا أستطيع أن أقلع عن إدمان التفكير فيها خاصة المشاكل التى تخص المواطنيين البسطاء الذين لا يجدون من يدافع عنهم ..

طيب لما أنت معدي الكباري ومش من المواطنين البسطاء wst:: wst::

أيه لزوم السلف ؟؟؟ ماتشتريلك أحباط لوحدك ولا هوا اللي فيه داء مايبطلوش mf-: :D

بالمناسبه يا سيد فين الخمسه جنيه والسجارتين السوبر اللي كنت مستلفهم مني وأحنا طلبه pmp:: pmp:: pmp:: pmp::

تحذير لمحبط ... س س مابيرجعش اللي بيستلفه :lol: :lol:

[se_ Elsyed]

بالمناسبه يا سيد فين الخمسه جنيه والسجارتين السوبر اللي  كنت مستلفهم مني وأحنا طلبه  pmp::  pmp::  pmp::  pmp::

يعني دول بس اللي إفتكرتهم ؟

يعني نسيت بسهولة قزازة الزيت اللي خالتي أم داروين إستلفتها مننا سنة 75 وبالأمارة كان يوم أربع .. وبعدها بيومين أُمي ودتلكوا طبق كشري بالصلصة وحتى لا رجعتوا الكشري ولا الطبق ...

نسكت ولا نقول كمان ... ده الواحد كاتم في قلبه وساكت ..

إن الله حليم ستار ... مالناش دعوة بالناس ...

[ايقاع خليجي]

يا اخ / حتى الاسم الذي هو باقيلنا .. ما تريدوا تعتقوه .

استلفتوا كل حاجه .. وهذا اللي باقي ..

طيب خذوه وخلونا على الحديده .

[R.M.G.]

ايوه كده يا سي السيد

خليك محبط مش عمال تتكلملي في حاجات كده كلها امل واشراق وإقبال على الحياة وعاملي موضوع آل إيه "أخبار حلوة" ومش عارف مبسوط ليه كده وعندك أمل ..ياراجل ! فين اليأس الجميل وفين التشاؤم الممتع انا اعرف انهم شالو "أنغام من بلدنا "الشهير بتاع يوم الجمعه انما يشيلو "الغام من بلدنا"مسمعتش عنها وبصراحة معنديش اي استعداد للأمل والتفاؤل الواحد ودانه جلدت من كتر الأخبار الهباب ومفيهاش مكان لأخبار حلوة وكلام فارغ ثم ان الإحباط مش كفايه أنا بافكر في اسم زي يائس ...بائس...مهموم....منتحر اهو حتى الحكومة تحس ان تعبها ماجاش على فشوش

[ابو يوسف]

يا سى السيد ...

أعتقد أن اخونا محبط مش ح يعترض ابداً ..

لان الواقع أجبره على ألا يكون هو الـ ( محبط ) الوحيد !!

انا محبط و انت محبط و كل اعضاء المنتدى والشعوب العربية كلها محبطين mf-: :D

ده انا حتى ناوى أغيراسم ابنى الى (محبوط) و بنتى الى (محبوطة)

و ابقى ابو المحابيط

مش احنا برضو عايشين فى حبطستان ؟؟

[disappointed]

مش احنا برضو عايشين فى حبطستان ؟؟

إحنا عايشين فى سطلنة...يووووه...قصدى سلطنة إحباطستان العظمى (وعاصمتها مدينة محبط آباد)

mf-:

[se_ Elsyed]

أشكر كل من شارك في هذا التوبيك المشرق ..

من أجل ذلك أنا عازمكم يوم الأربع اللي جاي على حفلة إنتحار جماعي زي الحيتان مابتعمل كده .. اهي حاجة جديدة الواحد يكسر بها الملل والكآبة اللي إحنا عايشين فيها ..

وماتنسوش الحضور بالملابس الرسمية ، 3 متر بافته وقالبين طوب ... cr((: cr((: rs: