في مسألة الدعاء علي غير المسلمين

[أحمد سيف]

على كل حال هجاوبك على سؤالك برغم عدم واقعيته واقولك ايوه لو حصل وان حد دعى على من لم يظلمه من اتباع الديانات الاخرى وعمم في دعاءه فالفعل ده خطا ولا يقبله عقل ولا منطق ويجب منعه مش بس لانه يسيء للاسلام وانما لانه ليس من الاسلام . .

شكرا للفاضلة ضحى

كده بقينا اربعه يا جماعه ... حد عايز ينضم لنا

[MZohairy]

زهيري قال :

ي موضوع في الدنيا بيناقش اي حاجه في الدنيا نقدر نرد عليه بهذا التشبيه لتقزيمه

و بالتالي لا حاجة لنا بمناقشة اي موضوع في الدنيا

لأن دايما فيه مواضيع أخرى قد تبدو أكثر أهميه

حضرتك بتدافع وباستماته عن نقاش الموضوع او ( الظاهرة دي ) .. مش عارفه ليه بحس وجهة نظرك دي متناقضة مع وجهة نظر عضو فاضل هنا قال الكلمتين الحلوين دول :

اما موضوع الكلام مع الإمام فأنا فقط احتقرته لسواد قلبه و غباء اسلوبه الدعوي و شخص مثله لا فائدة مطلقا في تنبيهه واللي ما بيشوفش من الغربال يبقى اعمى يا سيدتي

اظنه العضو ابو اياد ان لم تخني الذاكرة ..

انا مش شايف اي تناقض !!

بيقول ان اي شخص بيدعي على الناس بالتعميم بيبقى قلبه اسود واسلوبه غبي وشخص مثله لا فائده من نقاشه ..

صحيح

طيب وطالما حضرتك بتناقشنا دلوقت في الموضوع ده فان كنت بتوجه كلامك للي بيدعي عليهم وقلبه اسود فاعتقد كان من باب اولى توجهه لامام المسجد الي حضرتك قلت ان اسلوبه خلاك ( تغسل ايدك منه ) وحكمت عليه غيابيا بان مفيش من نقاشه فايده .. مظنش حضرتك بتناقش الي بيدعوا على غير المسلمين فعلا لان حضرتك سبق واعلنت ان مثل اولئك لا فائده من نقاشهم ..

لأ لأني اعتقد انكم بتفهموا كما سبق و اعتقدت ان الشيخ ما بيفهش ...شوفتي بسيطه ازاي؟

فهل معنى كده انك بتوجه كلامك ده للبقية الي زيهم زيك شايفين ان التعميم في الدعاء لا يجوز ولا يصح .. يبقى ايه الحكمه من محاولة اقناع ناس بحاجه هم مقتنعين بيها اصلا ؟

اذا كنتم مقتنعين يبقى بارك الله فيكم و تبقوا نموذج اسلامي مشرف

على كل حال اتمنى من المشاركين معانا في الحوار يجيبوا لنا اسماء وعناوين مساجد بعينها بتدعي على اليهود والنصارى بالتعميم .. بتدعي دلوقت .. اليومين دول يعني ..

مش عشان حاجه بس اعرف اني بتناقش في قضية حية تستحق النقاش مش عورة الأمة تاني وانكشفت ..

سبق و اعتقدتي ان الموضوع يناقش قبول الله للدعاء من عدمه

و اكدت لك خطأ هذا الاعتقاد

و سبق و اعتقدتي ان الموضوع غير حقيقي

و اكدت لك ان ليس كل ما لا تعلمين غير موجود

تحبي احلفلك ع المصحف؟

[الغريب]

أعتقد النتيجة التي يريد الأخ محمد زهيري الوصول اليها واضحة

الدعاء علانية وبصيغة تعميمية على من لم يظلمنا من أتباع الديانات الأخرى فيه استفزاز لشركائنا في الوطن وتجاوز عليهم وضرره أكبر من نفعه للإسلام والمسلمين ... وبالتالي فإننا يجب أن نرفضه ونخطئ من يقوم به.

حد عنده اعتراض على هذه الخلاصة ... وايه هو الاعتراض؟

أنا معاك يأستاذ أحمد وده مش كلامنا ولا إجتهادنا ده فعل النبي صلى الله عليه وسلم كما وضحنا من قبل ، يعني مش هنجيب حاجة جديدة

بس أسمحلي هنستبدل عبارة (الدعاء علانية وبصيغة التعميم) وهنخليها (الدعاء علانية بصيغة التعميم) يعني هنحذف الواو التي تفيد المغايرة .. سهلة

تحياتي وأشكرك على محاولتك الجيدة للخروج من الموضوع بشكل إيجابي :blink:

[doha]

لأ لأني اعتقد انكم بتفهموا كما سبق و اعتقدت ان الشيخ ما بيفهش ...شوفتي بسيطه ازاي؟

............

اذا كنتم مقتنعين يبقى بارك الله فيكم و تبقوا نموذج اسلامي مشرف

.......

سبق و اعتقدتي ان الموضوع يناقش قبول الله للدعاء من عدمه

و اكدت لك خطأ هذا الاعتقاد

و سبق و اعتقدتي ان الموضوع غير حقيقي

و اكدت لك ان ليس كل ما لا تعلمين غير موجود

تحبي احلفلك ع المصحف؟

معليش بس توضيح لكام نقطه :

حضرتك بتخاطبني بصيغه الجمع ليه ؟

بتقول انتم وكنتم .. احنا مين معليش ؟

بعدين مين قال اني اعتقدت ان الموضوع بيناقش قبول الدعاء ؟؟؟

الموضوع واضح تماما بيناقش مسألة دعاء المسلمين بالتعميم على غير المسلمين والبعض واظن ابو اياد منهم قال بان اي مسيحي معدي جنب الجامع وهيسمع حد بيدعي عليه هيكون شعوره ايه .. فانا قلت عادي هيكون شعوره خليهم يدعوا براحتهم يدوروا على الي هيقبل منهم على اساس ان هو ده هيكون شعوري لو حد مسيحي دعى علي زي ماحضرتك سبق وسالتني .. اي حد مخالف لاي حد في العقيده هيدعي عليه لمجرد ان عقيدته مختلفة بالتاكيد ولان كل منا مقتنع انه هو الصح هيكون على يقين بان ربنا مش هيستجيب من المعتدي فمابالك لو الامر فيه اختلاف عقائد ..

وصحيح سبق واعتقدت ان الموضوع غير حقيقي ببساطه لان حتى لو حد عاوز يدعي فالامر اصبح ممنوع بشكل رسمي .. واعتقد اني سألت او لنقل ـ تحديت ـ ان حد يحط لي اسم مسجد بعينه مازال بيدعى فيه على المسيحين او اليهود على اطلاقها . .

واخيرا معليش لي تحفظ على حته ( نموذج اسلامي مشرف )

كل منا في عالم الانترنت وفي وسائل الاعلام اجمالا لايمثل الا نفسه ورايه الي بيقوله لا يعبر بيه الا عن قناعاته هو الشخصيه .. مفيش حاجه اسمها نموذج اسلامي مشرف وآخر غير ذلك ..

والا ولو اخذنا بتشريف كل نموذج يقدم نفسه انه اسلامي ويطلع مشرف يبقى لازم ناخذ ( بتقريف ) كل نموذج ( يقدم نفسه برضه ) على انه اسلامي وميطلعش على قدر ماقدم نفسه بيه ..

كل لا يمثل الا نفسه وكل سيحاسب وحده على عمله ..

ومع ذلك فبشكرك على رايك في واتمنى اني اهل له ..

[MZohairy]

السلام عليكم

اخى الحبيب زهيرى

مسأله الدعاء على الكافرين جزء من عقيدتنا التى لن نستطيع التنازل عنها و الامر ببساطه ليس فى الدعاء بحد ذاته

و لو فكرت ستجد اننا سنجد مشكله فى قراءه سوره الاخلاص لانها تضاد عقيده النصارى فنحن نقول (قل هو الله احد ) و هم يقولون بالتثليث

فماذا سنفعل فى هذه ... يا زهيرى لكل منا دينه و عقيدته و التى يجب على الاخر احترامها فكما انى يضايقنى منظر الصليب

فلا استطيع الا احترام رغبه الاخر فى ذلك ....

هل الشخص المسيحي لما يسمع واحد مسلم بيدعي ـ ايا كان دعاءه ده ـ هيحط في باله ان ربنا هيستجيب له اصلا ؟

هل فعلا انتم كمسيحيين معتقدين اننا كمسلمين لو دعينا على مسيحي لمجرد انه مسيحي ربنا هيستجيب ؟

ولو مؤمنين انه مش هيستجيب يضايقكم بقى الدعاء ده في ايه ؟؟

معليش بس توضيح لكام نقطه :

حضرتك بتخاطبني بصيغه الجمع ليه ؟

بتقول انتم وكنتم .. احنا مين معليش ؟

انا بخاطب كل من له رأيك يا مادام ضحى سواء انتي او ابو عمر و اللي ابتدى الموضوع بعكس ما انتهينا اليه

و هو اننا يجب علينا الدعاء على الكافرين

و لم يحدد اي نوع من الكافرين بالظالم لنا الا بعد حصار الآراء لرأيه المعمم مما جعله يحدد الصنف بعد ذلك

و لو لقيتي رأيك بيختلف عن رأي ابو عمر اعتبريني بخاطبك بصيغة الجمع لك و لكل من يؤيد رأيك

بعدين مين قال اني اعتقدت ان الموضوع بيناقش قبول الدعاء ؟؟؟

اطلعي فوق كده 5 سنتي و شوفي حتلاقي كلامك بيوضح ده بجلاء

الموضوع واضح تماما بيناقش مسألة دعاء المسلمين بالتعميم على غير المسلمين والبعض واظن ابو اياد منهم قال بان اي مسيحي معدي جنب الجامع وهيسمع حد بيدعي عليه هيكون شعوره ايه .. فانا قلت عادي هيكون شعوره خليهم يدعوا براحتهم يدوروا على الي هيقبل منهم على اساس ان هو ده هيكون شعوري لو حد مسيحي دعى علي زي ماحضرتك سبق وسالتني .. اي حد مخالف لاي حد في العقيده هيدعي عليه لمجرد ان عقيدته مختلفة بالتاكيد ولان كل منا مقتنع انه هو الصح هيكون على يقين بان ربنا مش هيستجيب من المعتدي فمابالك لو الامر فيه اختلاف عقائد ..

اعتباري ان دين الآخر ليس صحيحا و بالتالي ربنا مش حيقبل دعوته... لن يمنعني من كراهيته لأنه بيدعي عليا و على ولادي

و هو ده اصل الموضوع

عدم احترام مشاعر الآخر في الجهر بالدعاء المعمم عليهم

يارب تكون سهله

وصحيح سبق واعتقدت ان الموضوع غير حقيقي ببساطه لان حتى لو حد عاوز يدعي فالامر اصبح ممنوع بشكل رسمي .. واعتقد اني سألت او لنقل ـ تحديت ـ ان حد يحط لي اسم مسجد بعينه مازال بيدعى فيه على المسيحين او اليهود على اطلاقها . .

بتتحدي على اي اساس؟؟

مين يقدر يجيبلك دليل قاطع على ان كل مساجد مصر بدون استثناء بتدعي او مابتدعيش على النصارى؟؟؟

خليكي منطقيه شويه من فضلك و كفي عن الدفاع بعنصريه

واخيرا معليش لي تحفظ على حته ( نموذج اسلامي مشرف )

كل منا في عالم الانترنت وفي وسائل الاعلام اجمالا لايمثل الا نفسه ورايه الي بيقوله لا يعبر بيه الا عن قناعاته هو الشخصيه .. مفيش حاجه اسمها نموذج اسلامي مشرف وآخر غير ذلك ..

لأ فيه حاجه اسمها نموذج اسلامي مشرف

والا ولو اخذنا بتشريف كل نموذج يقدم نفسه انه اسلامي ويطلع مشرف يبقى لازم ناخذ ( بتقريف ) كل نموذج ( يقدم نفسه برضه ) على انه اسلامي وميطلعش على قدر ماقدم نفسه بيه ..

كل لا يمثل الا نفسه وكل سيحاسب وحده على عمله ..

اي قارئ غير مسلم لما بيقرا رأي لمسلم بيعتقد ان ده غالبا يمثل رأي الدين (رغم خطأ هذا الاعتقاد طبعا) الا ان ده اللي بيحصل

ومع ذلك فبشكرك على رايك في واتمنى اني اهل له ..

العفو يا فندم

[abaomar]

السلام عليكم

الاخوه الكرام جزاكم الله خيرا

.

احمد انا متعجب جدا من تلك الاستماته فى صرف الموضوع الى تلك النقطه ..

اسباب الفتنه الطائفيه فى مصر اعمق و أكبر مما تحاولا انت و زهيرى تصويره انه بسبب الدعاء عليهم .

ممكن اتقبل الامر من زهيرى لانه من انصار ..عنزه و إن طارت ..

.

لكنى اراك من انصار العقلانيه و انك ممكن تجنح الى الحق عندما يظهر .

راجع يا احمد المداخلات من اولها و فيها

الاجماع من الزملاء ان الدعاء على الكفار و الظالمين و هو سنه و هدى نبوى مشروع لنا كمسلمين على من يظلمنا و يعادينا

ليس فقط على الكفار المعتدين و انما ايضا ممكن على المسلم المعتدى و الكلام واضح و محدد ..فاين المشكله ؟؟

.

احمد المشكله الطائفيه اسبابها اعمق مما تدعونه و خلفها اجنده يمكنك بكل تجرد الرجوع الى الموضوع الاصلى و من الصفحه الاولى

و القرأه بحياديه لكل الاراء المذكوره و التى هى لاناس تفاوتوا فى العلم و القدره على التعبير مسلمين و مسيحيين

علماء و اساتذه بوزن محمد عماره و الشيخ الغزالى ..و يصدق ذلك كله ...الواقع و التاريخ ..و ليس إدعاء محمد زهيرى .

.

اخويا و حبيبى زهيرى

. مش ذنبى انك بتنسي او ..بتطنش ..او ما بتقرأش بتركيز

انا بخاطب كل من له رأيك يا مادام ضحى سواء انتي او ابو عمر و اللي ابتدى الموضوع بعكس ما انتهينا اليه

و هو اننا يجب علينا الدعاء على الكافرين

و لم يحدد اي نوع من الكافرين بالظالم لنا الا بعد حصار الآراء لرأيه المعمم مما جعله يحدد الصنف بعد ذلك

فى حين اننى و فى المداخله رقم 1 فى الموضوع المنقول من موضوع الترميم و بتاريخ 3 اغسطس 2009 قلت

ثم ان الدعاء يا زهيرى ليس مقصودا به كل الكفار و انما لو تدبرت الايات القرأنيه

باننا نعتدى على من اعتدى علينا بالمثل و لا نظلم ثم ان الدعاء سنه نبويه و سلاح امدنا الله به عند ضعفنا و فى كل حال

اذن ليس سبه و لا منقصه نخجل منها و نقول نحن المسلمين انه سبب كاف للاخر ليفعل ما يفعل .

.كان هذا الكلام فى اغسطس الماضى قبل ان ..ان ..ان .تحاصرنى .... :lol: bxg:: :blink: فى 26 مارس ........

يا زهيرى باكرر لك الكلام ...ما تستعمانيش ..لو سمحت و ثق تماما اننى اقرأ جيدا ..و ارجوك ان تقدر امانه النقل و الكلمه .

تم تعديل 3 أبريل 2010 بواسطة abaomar

[MZohairy]

السلام عليكم

الاخوه الكرام جزاكم الله خيرا

.

احمد انا متعجب جدا من تلك الاستماته فى صرف الموضوع الى تلك النقطه ..

اسباب الفتنه الطائفيه فى مصر اعمق و أكبر مما تحاولا انت و زهيرى تصويره انه بسبب الدعاء عليهم .

ممكن اتقبل الامر من زهيرى لانه من انصار ..عنزه و إن طارت ..

.

لكنى اراك من انصار العقلانيه و انك ممكن تجنح الى الحق عندما يظهر .

تقديرا لأمانة النقل العام و الكلمه الطيبه ...عايز اعرف مين اللي قال ان الفتنه الطائفيه سببها الدعاء عليهم فقط؟؟؟؟

يا أخي اتقي الله

مين قال كده؟؟

اكيد هناك اسباب اخرى كثيره

و من الطرفين

لكن انا فهمتك قبل كده

و حفهمك تاني عشان انت مش خساره فيك الوقت

اهم الأسباب هو خلق الكراهيه بين الفريقين

و الدعاء عليهم من اهم اسباب خلق هذه الكراهيه

مش عارف بس مين اللي من انصار معزه و لو طارت يا ربي

اورفوار مسيو ابو عمغ :blink:

[الغريب]

يا جماعة ياريت الجميع يلاحظ أن الموضوع عن "مسألة الدعاء على غير المسلمين"

وأنا دخلت الموضوع على هذا الأساس والحمدلله أتفقنا جميعا على نقطة أنه من هدي النبوة الدعاء على الظلمين والواضح والحمدلله أننا جميعا متفقين على هذا ولم يأتي أحد بخلاف الأدلة..

أما موضوع أسباب الفتنة الطائفية فهي كبيرة والمقام لا يتسع لها هنا

فلننهي هذا الموضوع على هذا الإتفاق بوركتم جميعا

[msayed]

يا جماعة ياريت الجميع يلاحظ أن الموضوع عن "مسألة الدعاء على غير المسلمين"

وأنا دخلت الموضوع على هذا الأساس والحمدلله أتفقنا جميعا على نقطة أنه من هدي النبوة الدعاء على الظلمين والواضح والحمدلله أننا جميعا متفقين على هذا ولم يأتي أحد بخلاف الأدلة..

أما موضوع أسباب الفتنة الطائفية فهي كبيرة والمقام لا يتسع لها هنا

فلننهي هذا الموضوع على هذا الإتفاق بوركتم جميعا

متفق معاك 300%

[MZohairy]

و انا ايضا كذلك