ايها الرجل عيش ايامك

[قلب ابيض]

سعيد: ناهد ...

ناهد .....اصحى يا ناهد

ناهد : هه ..مالك يا سعيد؟ فى حاجه؟

سعيد: انا زهقت يا ناهد ومش قادر استحمل بقى

ناهد: مش فاهماك؟

سعيد : لازم يبقى فى تغيير حياتنا بقت ممله

ده تقريبا مشهد من مسلسل عيش ايامك لنور الشريف وعبله كامل 0000المسلسل مش جديد بس اثار فى نفسى حوار قديم كان له اثر فى حياتى لا انكره

ياترى الحوار ده حصل معاك؟؟؟

حتى لو بينك وبين نفسك؟

ورد فعله كان ايه ؟

اتغيرت حياتك؟

طب نفسك تغيرها؟

الخلاصه :

دعوه للتغيير ايها الرجل عيش ايامك

لاتستسلم للروتين ولا لضغوط الحياه ولا لسن اولادك اللى كبروا فجاه وعجزوك

عيش ايامك صح من غير ماتعصى الله

اتنفسسسسس خد شهييييق عميييق املىء صدرك بهواء نقى واطرد كل السموم والافكار المميته اللى بتأثيرها بتعجز وتكشر وفى الاخر بيطلع على اللى فى البيت

انا عارفه انكم هاتهجمونى يا نون .... بس صدقونى الحياه معادله بين طرفين لا تصح بخلل احداهما

اعدلوا الكفه عشان يبقى فيه توازن

انتو معايا ؟ ولا انا غلطانه

[الدكتورة أم أحمد]

أنا معاك يا قلب أبيض

والحقيقي كلنا بحاجة إلى عمل انتعاش ما في حياتنا من وقت لآخر

حيث كثرة الضغوط ورتابة الحياة تجعلنا نقع في براثن الاكتئاب والذي ظهر ظهورا كبيرا في مجتمعنا المصري هذه الأيام

وبسجل متابعة للموضوع القيم

[لماضة مصرية جدا]

السلام عليكم و رحمة الله و بركاته

صباح بطعم التفاح لتانت قلب ابيض اللي ساكنة في بلد آل صباح

عارفة يا تانت م البداية كده انا مش مع حضرتك ان النون هتتعترض و لا هتزعل...عارفة ليه....

لان ببساطة جدا....مش قالك في المثل (القوفة ام ودنين...اوعي تتدلق منك يا حسانين)

آه...لما يبقي مزاج حد فينا حلو....و عنده قدرة انه يستمتع بالحياة يبقي اكيد هيشد الطرف التاني ناحيته ...و هيكون ده فيه فايدة ليا و ليه....صح؟؟؟

مش عارفة انا ممكن ازق كتف هنا و لا لا علي اعتبار اني كائن وحيد الخلية....بس ممكن افكر مع حضراتكم في حاجة

اسمها

المساحة الخاصة

يعني....كل واحد يبقي ليه مساحة خاصة يقدر يعمل فيها حاجة هو بيحبها...او كان بيحبها زمان....ممكن مع اصحابه....ممكن مع نفسه....و مش شرط دي ترتبط يعني ان الواحد يخرج او يسافر....ممكن الواحد يعمل حاجة في نص ساعة مثلا بس بتخليه مبسوط اوي جدا خالص

الحاجة بس اللي انا بلاحظها ان بعد الجواز الراجل لانه اتعود انه يعيش لوحده كتير اوي....فبيحاول يزود المساحة الخاصة....في حين ان الست معندهاش اي مساحات خاصة الا اللي هي بتقدر تخطفها خطف.

عارفة يا تانت......ما تيجي نخلي التوبيك.....

عيش ايامك....

كده لك البني آدمين....أيون.... اصل ان بحس ان احنا فعلا مش بنعرف ننبسط.....

يوم ما نخرج تلاقينا خرجنا م الشقق و نروح مولات اللي هي صناديق اكبر

يوم ما نفكر نروح النادي...تلاقينا بنفكر هناكل ايه

لو سافرنا مصيف....يبقي ازاي ننزل البحر و منتبلش....

احنا محتاجين نفكر مع بعض...ازاي ننبسط....و ننبسط بجد كمان يعني ايه نوع النشاط اللي ممكن تعمله تحس انه فعلا بيغسلك من جوه اوي....احساس ان حد كب عليك ميه راحت شالت في وشها كل حاجة مضاياقاك....و لما روحت اكتشفت انه الحاجة دي مش بحجم الضيق اللي انت كنت متخيله.

عجبتني اوي فكرة حضرتك بتاعت حمام التلات....زقصدي الحمام اللي كان فيه فازات الانتريه ع الحافة ده.....عجبني فيها ان الواحد ممكن يستجم....و يعود عينه انها تشوف الجمال و ده الاهم

عملت حاجة الاسبوع اللي فات بس فرقت معايا كتير

عندنا هنا جبل اسمه "جبل حفيت".....اية في الجمال...سبحان الله....خضرة و قمم جبلية....روحنا زورنا المنطشقة....و طبعا بنتك كانت بتفرهد لاني معنديش اي مقومات رياضية اني اتسلق جبل...بس بعرف اتكحرت كويس اوي في النزول.... :closedeyes:

ده بقي فرق معايا جدا جدا جدا

انا هتابع التوبيك...عشان هيبقي اول خطوة ليا اني اعيش ايامي جدا

صباااحك نااااااااااااادي يا زبادي

فوتك بعافية

[قلب ابيض]

السلام عليكم و رحمة الله و بركاته

صباح بطعم التفاح لتانت قلب ابيض اللي ساكنة في بلد آل صباح

عارفة يا تانت م البداية كده انا مش مع حضرتك ان النون هتتعترض و لا هتزعل...عارفة ليه....

لان ببساطة جدا....مش قالك في المثل (القوفة ام ودنين...اوعي تتدلق منك يا حسانين)

آه...لما يبقي مزاج حد فينا حلو....و عنده قدرة انه يستمتع بالحياة يبقي اكيد هيشد الطرف التاني ناحيته ...و هيكون ده فيه فايدة ليا و ليه....صح؟؟؟

مش عارفة انا ممكن ازق كتف هنا و لا لا علي اعتبار اني كائن وحيد الخلية....بس ممكن افكر مع حضراتكم في حاجة

اسمها

المساحة الخاصة

يعني....كل واحد يبقي ليه مساحة خاصة يقدر يعمل فيها حاجة هو بيحبها...او كان بيحبها زمان....ممكن مع اصحابه....ممكن مع نفسه....و مش شرط دي ترتبط يعني ان الواحد يخرج او يسافر....ممكن الواحد يعمل حاجة في نص ساعة مثلا بس بتخليه مبسوط اوي جدا خالص

الحاجة بس اللي انا بلاحظها ان بعد الجواز الراجل لانه اتعود انه يعيش لوحده كتير اوي....فبيحاول يزود المساحة الخاصة....في حين ان الست معندهاش اي مساحات خاصة الا اللي هي بتقدر تخطفها خطف.

عارفة يا تانت......ما تيجي نخلي التوبيك.....

عيش ايامك....

كده لك البني آدمين....أيون.... اصل ان بحس ان احنا فعلا مش بنعرف ننبسط.....

يوم ما نخرج تلاقينا خرجنا م الشقق و نروح مولات اللي هي صناديق اكبر

يوم ما نفكر نروح النادي...تلاقينا بنفكر هناكل ايه

لو سافرنا مصيف....يبقي ازاي ننزل البحر و منتبلش....

احنا محتاجين نفكر مع بعض...ازاي ننبسط....و ننبسط بجد كمان يعني ايه نوع النشاط اللي ممكن تعمله تحس انه فعلا بيغسلك من جوه اوي....احساس ان حد كب عليك ميه راحت شالت في وشها كل حاجة مضاياقاك....و لما روحت اكتشفت انه الحاجة دي مش بحجم الضيق اللي انت كنت متخيله.

عجبتني اوي فكرة حضرتك بتاعت حمام التلات....زقصدي الحمام اللي كان فيه فازات الانتريه ع الحافة ده.....عجبني فيها ان الواحد ممكن يستجم....و يعود عينه انها تشوف الجمال و ده الاهم

عملت حاجة الاسبوع اللي فات بس فرقت معايا كتير

عندنا هنا جبل اسمه "جبل حفيت".....اية في الجمال...سبحان الله....خضرة و قمم جبلية....روحنا زورنا المنطشقة....و طبعا بنتك كانت بتفرهد لاني معنديش اي مقومات رياضية اني اتسلق جبل...بس بعرف اتكحرت كويس اوي في النزول.... :closedeyes:

ده بقي فرق معايا جدا جدا جدا

انا هتابع التوبيك...عشان هيبقي اول خطوة ليا اني اعيش ايامي جدا

صباااحك نااااااااااااادي يا زبادي

فوتك بعافية

والله يا لمض انت معايا على الخط

ماهو انا لما اقول ايها الرجل لازمن وحتما هيكون للمرأه دخل فى الموضوع

هو هايعيش ايامه لوحده كده؟؟

بس اخاف اقول عيشى حياتك ايتها المرأه نتفهم غلط واتهم بتقويم النساء على ازاوجهم وتمردهم على حياتهم

انتى اصبتى فى موضوع التغيير ده وهو على فكره مرتبط بالبشر اين كان نوعهم مش ذكور فقط او اناث فقط لاء البنى آدم بصفه عامه

انتى عارفه مجرد انك تلبس تى شيرت وكوتشى او شوز خفيف وتهيىء نفسك انك هاتتهىء للتريض وان كان مشى فقط حوالين البيت او فى اى مساحه فيها هوا نقى " ان وجد" حط سماعات فى ودانك واسمع موسيقى هاديه او اغنيه بتحبها لها ذكرى حلوه امشى بس مش تهرول ولا تجرى تخيل وتأمل عيش اللحظه ولو للحظه بس

هاتحس فرق كبييييييير اوى صدقنى

انا عارفه انى ممكن الاقى اللى يقوللى : هو حد فاضى ؟ ولا رايق لكده؟ انا معنديش وقت ؟

صدقونى الموضوع بسيط جدا

بس فكروا فيها كده!!!!

غيروا اسلوب حياتكم

اكسروا الروتين

لونوا ملابسكم اخرجوا من الرمادى

ابتسموووووووووووووووووووووا فقط

[لونا]

المشكلة الحقيقية .... في ساكنات مدينة الرياض و معظم - و ليس كل - ساكنات مدن السعودية

لا نستطيع أن نسير في الشارع وحدنا .. في معظم مناطق المدينة ..... لازم أستنى سي الأستاذ

طبعا الساكنات في وسط المدينة ... أو في مدن مثل جدة و الخبر و الدمام ... غيييير !

ده في مصر لما أنزل أشتري من السوبر ماركت اللي جنب البيت حاجة ... بيبقى تغيير و الله :closedeyes:

[عاشق الترحال]

كلامك مظبوط ومتفق معاك يا قلب أبيض

.

أنا عن نفسي محتاج بجد أعيش أيامي اللي بقت شغل وبس

محتاج لأي تغيير ولكل تغير

[قلب ابيض]

الى عاشق الترحال

وكل من يعشق الترحااااااااااااااااال

http://www.youtube.com/watch?v=1mk69smDHVA

تم تعديل 30 مارس 2010 بواسطة قلب ابيض

[joo]

انا دائما مراتى مظلومة فى عدم التغيير لانى طول اليوم برة فى الشغل وبكلم ناس وبتعامل مع ناس وبكتب فى المحاورات

وهى دائما فى البيت مع الاولاد بتذاكرلهم 00 بس فبها ميزة حلوة اوى انها لما بتبأ زهئانة مش بتقدر تقولى يلا نخرج علشان عارفة انى

جاى من الشغل تعبان فأنا ممكن اضحك عليها واقول لها مش انتى زهئانة يلا نغير نظام الحجرات ونجيب السرير هنا والانترية هنا

وفى النهاية تبأ مبسوطة جدا جدا وحاسة ان فى تغيير حصل

اية رئيكم نصاب انا ولا هى اللى طيبة زيادة؟

[Mr MAGED]

والله كلامك جميل جدا يا قلب أبيض ... وماظنش ان فيه حد ممكن يزعل منه

سواء رجاله أو ستات ... لأنه أكيد في الأحوال الطبيعية لما الزوج يحاول يعيش أيامه

أكيد مش هيكون لوحده ... وإلا يكون فيه حاحة مش طبيعية

النقطة الأهم في الموضوع من وجهة نظري هي الخاصة بالمساحة الخاصة

لأن فيه ستات كتير جدا ً بيفهموا الموضوع ده غلط

بيفهموا ان الراجل لما بيختلي بنفسه يبقي بيعمل حاجة غلط

وانه مينفعش يعمل أي حاجة بعيد عن عينها ... وان خرج مع اصحابه يبقي بيفضلهم عليها

وان سرح شوية مع نفسه ... يبقي بيفكر في واحدة تانية ... حاجة كده زي الحصار النفسي

مع انه بكل أمانه ... ممكن تكون المساحة الخاصة دي عامل مهم جدا ان الزوج يعمل refresh لنفسه

انا مش باتكلم عن مسأله شخصية .. لكن دي حاجة انا لاحظتها مع اصدقاء كتير

المساحة الخاصة لكل من الزوجين ... عامل مهم جدا ً في الحفاظ علي خط سير الحياة في الطريق المستقيم

طبعا لما يتم استغلالها صح

ويلا ... عيشوا أيامكم

تحياتي

تم تعديل 30 مارس 2010 بواسطة INVESTOR

[عاشق الترحال]

الى عاشق الترحال

وكل من يعشق الترحااااااااااااااااال

http://www.youtube.com/watch?v=1mk69smDHVA

كل الشكر لكي على ذوقك يا قلب أبيض

:) md2:

:lol: wst:: :P

[ozoozo]

كلامك مظبوط ومتفق معاك يا قلب أبيض

.

أنا عن نفسي محتاج بجد أعيش أيامي اللي بقت شغل وبس

محتاج لأي تغيير ولكل تغير

محتاج تغيير

طيب متجوز تاني

:closedeyes:

[تامر مصطفى]

والله يا ابلة قلب انتي دوستي على وتر حساس في حياتي

يعني انا عمري 35 سنة وحاسس اني بفكر في مليون حاجة

( مستقبل بناتي - لو مت وهما صغيرين ازاي اسيبهم وهما مش محتاجين لمساعدة حد - هرجع مصر والا هفضل هنا - اعيش دلوقتي والا اعيش بعدين - امتى هبطل ابقى زي ام العروسة فاضية ومشغولة )

والهم الاكبر هو رعبي من مرض الزهايمر اللي بدأت تظهر اعراضه عليا ( وخصوصا بعد ما اتفرجت على فيلم بلاك بتاع اميتاب باتشان - فاكراه يا قلب ؟ )

بس انا بحاول اني اعيش حياتي .....

[الغريب]

انا دائما مراتى مظلومة فى عدم التغيير لانى طول اليوم برة فى الشغل وبكلم ناس وبتعامل مع ناس وبكتب فى المحاورات

وهى دائما فى البيت مع الاولاد بتذاكرلهم 00 بس فبها ميزة حلوة اوى انها لما بتبأ زهئانة مش بتقدر تقولى يلا نخرج علشان عارفة انى

جاى من الشغل تعبان فأنا ممكن اضحك عليها واقول لها مش انتى زهئانة يلا نغير نظام الحجرات ونجيب السرير هنا والانترية هنا

وفى النهاية تبأ مبسوطة جدا جدا وحاسة ان فى تغيير حصل

اية رئيكم نصاب انا ولا هى اللى طيبة زيادة؟

حرام عليك يا ظالم

عندي أخواتي الأتنين زيك بالظب طول اليوم شغل في مشاريعهم ، بس المشكلة أن حتى يوم الأجازة بيكون عاوز يفصل وينام علشان يرتاح

أنا أعترض جدا على اللي يتأخر في الشغل للدرجة دي ، وطبعا أنا عازر ظروف الشغل بس هي ولا الأولاد ملهومش ذنب.

وطبعا عارف أن بعض الرجال بيلاقي متعته في الشغل ساعات أنما كدة فين متعة الأولاد والزوجة

[قلب ابيض]

اية رئيكم نصاب انا ولا هى اللى طيبة زيادة؟

على رأى المثل : ربنايهنى سعيد بسعيده

ومادام انت راضى وهى راضيه مالناش احنا دعوه بقى المهم التوافق عشان المركبه تسيير

ربنا يديم عليكم المحبه والاستقرار" دارى على زوجتك 0000تلعلع" :blink:

والله كلامك جميل جدا يا قلب أبيض ... وماظنش ان فيه حد ممكن يزعل منه

النقطة الأهم في الموضوع من وجهة نظري هي الخاصة بالمساحة الخاصة

لأن فيه ستات كتير جدا ً بيفهموا الموضوع ده غلط

بيفهموا ان الراجل لما بيختلي بنفسه يبقي بيعمل حاجة غلط

المساحة الخاصة لكل من الزوجين ... عامل مهم جدا ً في الحفاظ علي خط سير الحياة في الطريق المستقيم

طبعا لما يتم استغلالها صح

ويلا ... عيشوا أيامكم

تحياتي

ممعاك كل الحق يا انفيستور مهم اوى تكون لك مساحه خاصه ولو اااادكده انونه خالص

مجرد انك تعمل اى حاجه بتحبها لنفسك بس دى بتفرق كتير ....وياريت كل الستات يفهموا ده ويسامحوا فيه 0يعنى انتى مثلا جربى انك تخرجى خروجه نسائيه فقط مع اصحاب الدراسه مثلا ان امكن هاتستعيدوا ذكريات ومواقف مع كاسه ايس كريم وضحكه من القلب هترجعى مودك ميه ميه

طيب وهو كمان نفس الشىء 0000انا مره سمعت من واحد قريبى ان كل متعته فى الدنيا لما البيت يفضى عليه من العيال وامهم لساعات قليله عارفين بيعمل ايه؟؟؟

بيتحرر من ملابسه ويشرب فنجان قهوه فى كوبايه ويعلى التلفزيون ويولع نور الشقه كلها " حاجات مالهاش علاقه ببعضها وتبدو غريبه ولكنها بالنسبه له تمثل الحريه او الخروج عن المألوف على فكره هو راجل محترم جدا وذو منصب هااام جدا ايضا ...

بس التغيير مطلوب

وربنا يسعدكم

والله يا ابلة قلب انتي دوستي على وتر حساس في حياتي

يعني انا عمري 35 سنة وحاسس اني بفكر في مليون حاجة

( مستقبل بناتي - لو مت وهما صغيرين ازاي اسيبهم وهما مش محتاجين لمساعدة حد - هرجع مصر والا هفضل هنا - اعيش دلوقتي والا اعيش بعدين - امتى هبطل ابقى زي ام العروسة فاضية ومشغولة )

والهم الاكبر هو رعبي من مرض الزهايمر اللي بدأت تظهر اعراضه عليا ( وخصوصا بعد ما اتفرجت على فيلم بلاك بتاع اميتاب باتشان - فاكراه يا قلب ؟ )

بس انا بحاول اني اعيش حياتي .....

زهايمر ايه يا طموووووره بس ياراجل ده انت اللى قدك بندور له على عروسه لسه wst::

اومال لما البنات تكبر بقى وتحس انهم بقوا عرايس هاتعمل ايه ؟ ساعتها هاتجرى تدور على القمصان المشجره والالوان اللى هى واذ لاربما تفرق شعرك من النص :unsure:

وماتفكرنييييييييش بالفيلم ده ده معموله عمل على اللاب توب بتاعى مابيكملش ابداااااااااااا

لاء هندى هندى يعنى :big_boss:

[se_ Elsyed]

بأمانة شديدة ومن غير زعل لأي من أفراد عصابة جمع المذكر السالم

المرأة هي اللي محتاجه تعيش أيامها ..

يعني الراجل مننا أقل حاجه ممكن يعملها .. بيروح يعيش أيامه ويضرب حجرين معسل زغلول عالقهوة زززز أو .. أعرف ناس - إحم إحم - بيسافروا كل سنة يصيفوا في شرم والغردقة لوحدهم تحت ستار رحلات العمل الرسمية .. وهم ليسوا كذلك .... عشان يعني يغيروا ... شوفتوا الأنانية ؟ إحم إحم

إنما الست بامانة بتتفحت في البيت ومذاكرة الولاد ولف صوابع المحشي وما إلى ذلك

من اجل هذا وعشان ذلك .. المرأة هي اللي بحاجه للتغيير وإنها تعيش حياتها ...

وأشهدوا أن لا إله الا الله وأن محمد رسول الله

يالله اضربوا .. بس خلوا بالكم من النضارة عشان الفريم ما يتكسرش

[ESSAM FATHALLA]

elmoshklah en elragel el3rby beyseeb nafso lemsha3.l el7yaat we da3.t el3amll we mta3eb elzawaag .we beyehmll fe mazhroo we mottlbatoh we ehtmamoh benafso . dah beyn3kess 3la 7altoh elnafsya we beykoon daymn estress . we lw 3ml 3kss keda.....hayshoof elnatega . ana wa7ed mn elnaas ely la7aoh nafsohmm . ba3d ma 7seet eny daymn mahmoom we ta3baan we da3.t 3aly .we el7amdo lellah la7aat nafsy .we atmna en kol wa7ed yal7aa nafsoo mn el kebarr elmobakerr

[fatfouta]

elmoshklah en elragel el3rby beyseeb nafso lemsha3.l el7yaat we da3.t el3amll we mta3eb elzawaag .we beyehmll fe mazhroo we mottlbatoh we ehtmamoh benafso . dah beyn3kess 3la 7altoh elnafsya we beykoon daymn estress . we lw 3ml 3kss keda.....hayshoof elnatega . ana wa7ed mn elnaas ely la7aoh nafsohmm . ba3d ma 7seet eny daymn mahmoom we ta3baan we da3.t 3aly .we el7amdo lellah la7aat nafsy .we atmna en kol wa7ed yal7aa nafsoo mn el kebarr elmobakerr

اتفضل

لوحة مفاتيح عربى

[قلب ابيض]

elmoshklah en elragel el3rby beyseeb nafso lemsha3.l el7yaat we da3.t el3amll we mta3eb elzawaag .we beyehmll fe mazhroo we mottlbatoh we ehtmamoh benafso . dah beyn3kess 3la 7altoh elnafsya we beykoon . ana wa7ed mn elnaas ely la7aoh nafsohmm . ba3d ma 7seet eny daymn mahmoom we ta3baan we da3.t 3aly .we el7amdo lellah la7aat nafsy .we atmna en kol wa7ed yal7aa nafsoo mn el kebarr elmobakerr

ويلكم عصام

سوف اقوم بالترجمه من الفرانكواراب الى اللغه العربيه

المشكله ان الراجل العربى بيسيب نفسه للمشاغل الحياه وضغط العمل ومتاعب الزواج وبيهمل فى مظهره ومتطلباته واهتمامه بنفسه

ده بينعكس على حالته النفسيه

وبيكون دايما استرس انا واحد من الناس اللى لحقوا نفسهم بعد ماحسيت انى دايما مهموم وتعبان وضغطى عالى والحمد لله لحقت نفسى .

واتمنى ان كل واحد يلحق نفسه من الكبر المبكر.

انت تمام كده وكويس اوى انك تداركت المرحله دى ...وعلى فكره مش مرتبطه بسن معين ولكن بنفسيه ومناخ معين واكيد انتو عارفينه كلكم

" المهم: اناترجمت صح ""

على فكره من باب التغيير والتطور برده انا علمنت نفسى اللغه الغريبه دى عشان اقدر اواكب ولادى وبمعنى اخر "اقفشهم "