عفواً سيادة الوزير .. ليس هكذا تورد الإبل

[se_ Elsyed]

كثير منا تابع بالأمس الجولة الميدانية المفاجئة التي قام بها وزير التعليم على مدارس محافظة حلوان ... وكيف أنه اصطحب معه بعض رجال الإعلام والتليفيزيون وكانت فضيحة بجلاجل لمدير المدرسة الذي لم يجده الوزير في المدرسة وكذلك كثير من المدرسين ناهيك عن الفوضى المتناهية داخل المدرسة وكيف إن كل طالب جاي بيونيفورم على مزاجه هو .. ولم تُذاع لقطات تفقد السيد الوزير لحمامات المدرسة اللي متخيل طبعاً منظرها بعيد عنكم ....

وهالني الألفاظ البذيئة التي أستخدمه الوزير أمس في تهزيء المدرسين أو في التحدث مع أحد مسئولي الإدارة التعليمية الذي تحدث معه الوزير تليفونياً ليُصدر قرار نقل لجميع العاملين بالمدرسة " الوسخه " على حد قوله ...

مره أخرى .. عفواً سعادة الوزير ... ليس هكذا يؤكل الكتف ...

فمعروف إن حال التعليم لدينا يرُثى له .. وهو ميراث ثقيل جداً وحالة مستعصية ..

لكن حلها لن يكون بالضرب بالشلاليت وأستخدام الألفاظ القذرة ليل نهار وأنت رجل تربوي ( على فكره ده نقلاً عن ناس شغالين معاه في مكتبه وأعرفهم شخصياً ) ووأنا بأسمعه بالأمس كرر كل ما يقال عنه من افعال وألفاظ ..... وصباح الخير يا تعليم

وأنا بصراحة متعاطف مع هؤلاء المدرسين الذين تم نفيهم بالأمس ... فلقد قام بنفي مدير المدرسة من حلوان إلى محافظة المنيا ... تخيلوا ؟

بالله عليكم يا جماعة ... لو صادفت وكان مريض بالأمس أو حدثت له ظروف أو كانت أول مره يحدث هذا ... فهل يستحق هذا العقاب القاسي الذي يشرد أولاده ويغير حياته 180 درجة من غير لا تحقيق ولا الأستماع إلى مبرراته أو أو أو ؟

وما ذنب واحده ست مُدرسة غلبانة كبيرها قوي بتحصل على 300 ج مرتب شهري .. ما ذنبها وهي لم تُخطيء بالأمس لكي تُعاقب عقاب جماعي زي الجيش كده ويتاخد العاطل في قلب الباطل ؟

ومنذ متى كان في مدارسنا تربية رياضية أو زراعية عشان يتم أنهاء التعاقد مع مدرسي المادتين بالأمس ؟

وكيف هو حال حمامات 99.9 % في مدارسنا عشان يتنقل مُدرس لهذا السبب ؟

الإدارة ليست تخويف ولا ضرب ولا إرهاب ..

الإدارة فن إحتواء وجذب من حولك لكي ينفذوا أفكارك بحب وأحترام وتعاون ...

ولنا عوده في هذا الموضوع الهام جداً

«بدر» اختبر طلبة مدرسة إعدادية فى «النحو».. وبعد فشلهم فى الإجابة نقل المدير والمدرسين إلى محافظات أخرى

كتب هشام شوقى ٣٠/ ٣/ ٢٠١٠

وزير التعليم خلال جولته أمس فى المدرسة الإعدادية بحلوان

«حضر الوزير اليوم إلى المدرسة».. بخط يده ومستخدما «الطباشير» كتب الدكتور أحمد زكى بدر، وزير التربية والتعليم، هذه الجملة على سبورة أحد فصول مدرسة إعدادية بحلوان، طالباً من التلاميذ إعرابها، لكنهم فشلوا فى الإجابة، ليصل غضب الوزير من إدارة المدرسة إلى منتهاه، ويقرر نقل المدير وأعضاء هيئة التدريس والعمال إلى إدارات أخرى، وذلك بعد سلسلة من المخالفات رصدها «بدر» بنفسه خلال زيارته المفاجئة للمدرسة أمس.

كان وزير التربية والتعليم استهل جولة بمدارس حلوان، بزيارة مدرسة الخلفاء الراشدين، ولاحظ فى البداية غياب مديرها عبدالله الخولى، الذى حضر عقب الحصة الأولى، فسأله الوزير: «إنت بتنام وضميرك مستريح»، فأجاب المدير: «لا»، فأصدر بدر قرارا بنقل «الخولى» إلى محافظة المنيا، بينما نقل إدارة المدرسة بالكامل والمعلمين العاملين إلى إدارة أطفيح بمحافظة السادس من أكتوبر.

فوجئ وزيرالتعليم بعدم انتظام طابور الصباح بالمدرسة، وعدم وجود إشراف على انتظام الجدول الدراسى، فضلا عن سوء حالة المرافق بالمدرسة، خاصة دورات المياه، وكذلك عدم الاستغلال الأمثل للغرف الدراسية، عقب الانتهاء من الإجراءات الخاصة بأنفلونزا الخنازير.

كما زار حجرات الأنشطة، وطلب أحد الكتب من قائمة المكتبة، إلا أن الإخصائية لم تستطع العثور عليه. كما أصدر الوزير قرارا بإلغاء التعاقد مع مدرستى التربية الرياضية والزراعية بالمدرسة.

ولم تقف العقوبات عند الإدارة والمدرسين، بل طالت الطلبة، فأثناء تواجده فى أحد الفصول، لاحظ بدر حضور طالب دون أدوات الدراسة، فعاقبه بالفصل لمدة ١٥ يوماً.

كما زار الوزير مدرسة الزهراء الثانوية بنات، حيث تفقد انتظام الدراسة بالفصول، ولاحظ غياب بعض أعضاء هيئة التدريس، وقام بمناقشة الطلاب فى مستواهم التعليمى فى مادة اللغة العربية، وشرح بعض الدروس فى مادة الهندسة لطلاب الصف الأول الثانوى، وعقب ذلك أصدر «بدر» قراراً بنقل أحمد إبراهيم ووفاء محمد السيد مدرسى اللغة العربية إلى إدارة أطفيح التعليمية.

[أسد]

أنا رأيي ..

أنه هكذا يجب أن تؤكل الكتف ...

وأعتقد أنها الطريقة الأسرع ولاأنجح في إعادة الإنضباط ..

الحزم والشدة .. والقسوة .. وجعل المخالف عبرة لمن لا يعتبر .. هذا هو الحل

بالأمس كان هناك موضوع عن حوادث الطرق .. وكان الرأي أن ردع المخالفين واجب لإقصاء الآخرين عن مخالفاتهم ..

الردع أمر واجب في مثل تلك الحالات ...

القسوة مطلوبة ..

والشدة أيضاً ..

المخالف يجب أن يعاقب .. والمجرم لابد أن يدخل السجن ..

كفانا إيجاد المبررات لأخطاء الناس ..

لن ينصلح الحال طالما نبحث لكل مخطء عن مبرر لخطأه

[أحمد سيف]

والله أنا شايف اللي عمله الوزير ده صحّ وكان لازم يحصل من زمان ... أحيانا لا تصلح سوى هذه الطريقة في الإدارة للتعامل مع هذه النوعية من البشر معدومي الضمير والحس.

[عاشق الترحال]

إذا أمن المرء العقاب أساء الأدب

لذا أؤيد وبشده مافعله الوزير لأن هناك فعلا نوعيات تخااااااااف ولا تختشيش وإن العقاب كان على أد خصم يومين ولا كلام من الفارغ ده مش هيبقى رادع

وكما أسلفت حصرتك فالمؤسسه التعليميه ( خربااااااااانه ) ولازم لها الشده والحزم ويجب أن يكون هناك عقاب رادع وعبره لمن لا يعتبر .

كما أؤيد وبشده أن يشمل العقاب الطلبه أيضا وألا تكون قاصره على المدرسين والإدارات فقط وأن تكون العقوبات صارمه ورادعه حتى ينصلح حال أبنائنا الطلبه أيضا .

أتمنى أن أرى في مدارسنا ( الطالب طالبا والمدرس أب ومعلم ).

ربنا يوفق أولادنا وأولاد المسلمين يا رب ويهدينا أجمعين :blink: :lol:

[ssmaly]

اعتقد ان اللى عمله ده ممكن يكون صح فى السجون وليس فى المدارس

هو عمل زى قانون المرور اللى كنا منتظرينه ان يحل مشكلة المرور ولكن هو زود المخالفات والعقاب ولم يقدم اى حل لمشكلة المرور

والغربال الجديد له شدة وبعد كدة حيرخى ويبقلى زى اللى سباقوه وترجع ريما لمشاكلها القديمة

لازم يكون عنده خطة للتغير والتطوير والرقابة والتحفيز والعاقب هو اختصر كل ده فى العقاب فقط

هما جابو وزير داخلية وعملوه وزير تعليم واصلاح وتهذيب(وزارة التربية والتعليم سابقا)

تم تعديل 30 مارس 2010 بواسطة ssmaly

[ssmaly]

حاجة مهمة جدا ازاى وزير تربية وتعليم يكون قليل التربية والادب؟

ازاى انك تقبل ان تهان من اى واحد حتى لو من وزيرك

اذا كان هناك مخالفات يكون هناك عقاب قانونى وليس عقاب بدون تحقيق وبشتمية وسباب بتاع الشارع

انت هل تقبل ان يسب والدك او اخوك او ابنك حتى من وزير؟؟؟؟

[shiko]

على فكرة ...

انا اعتقد والله اعلم ..ان المدرسة المذكورة بالخبر تابعة لادارة حدائق المعادى التعليمية

ودى مدرسة خاصة صغيرة جدا وبتستوعب كثافة عالية مووووت ,,,

يعنى موش مدرسة حكومية ...

[msayed]

مع كرهى الشخصى لوزير التعليم فهو درس لى فى الجامعة وأعرفه جيداً

ومع إعتراضى على الألفاظ التى يستخدمها

ولكن أنا أحييه بدة على السياسة إستئصال الفاسدين إللى بوظوا العيشة فى مصر

[ذهبية]

على الرغم من قسوة العقاب

لكن لابدمن كبش فداء ........لارسال رسالة للاخرين

والمثل بيقول.............. اضرب المربوط علشان يخاف السايب

ودة الى عملة الوزير بالضبط

و ياريت يتعمل ...... على البلد كلها

لاننا وصلنا لمرحلة معدتش ينفع فيها سكوت

[فــيــروز]

بصراحه الموضوع كان أشبه بزياره سينمائيه !!

الوزير بياخد "بوظات" أمام الكاميرا !! و تم عمل مونتاج للفيلم فلم نسمع غير صوته و لم نسمع أصوات من قاموا بالردّ عليه و شرح الموقف !!

وبعدين يعنى أين هو الوزير من قضايا التعليم الحيويه !! يعنى بيتكلّم فى تحيّة العَلَم و حصّة الألعاب -اللىّ كلّنا عارفين إنّها بقت صوريه فى كثير من المدارس- ولا نسمع له صوتا فيما هو أهم !!

أين خططه فيما يتعلّق بإصلاح نظام التعليم و تحسين المناهج؟ أين خططه بالنسبه للثانويه العامّه !! أين مطالبته برفع ميزانية وزارته !! أين خططه لمقاومة الدروس الخصوصيه بشكل لا يضرّ لا بالمُعلّم ولا التلامذه !! أين خططه لزيادة عدد المدارس و تخفيض كثافة الفصول !!

ولاّ هو شاطر بس يتنطط على النُظّار و الطلبه و يتجاهل مشكلتنا المزمنه و هى إصلاح التعليم !!

لو تزامن حزم الوزير مع إجراءات أخرى تمسّ قضايا التعليم الحيويه لرُبّما وجدت الأمر يستحق الإشاده و الإعجاب لكن بصراحه ده تنطيط على الأضعف فى السلسله التعليميه من نُظّار و مدرّسين و ترك لأمور شديدة الحيويه و الأهميّه على حالها المُتردّى

تم تعديل 30 مارس 2010 بواسطة فــيــروز

[الغريب]

وأنا كمان أويد القول بأنه بالعكس هكذا تؤكل الكتف

ياسيدي مادمت مدير في مدرسة فأنت في مملكتك تستطيع أن تجعلها جنة وتتقي الله فيها وفي الطلبة والمعلمين وترتقي بها دون أي عائق وكذلك بالنسبة للمدرس ولكن ربما يعيق المدرس المدير إنما المدير مين هيعيقه وهو معه كافة الصلاحيات..

ويمكن كلنا مرينا بتجربة تغيير الإدارة المدرسية في مدارسنا وشوفنا أن فيه مدير بيتقي الله وبيشد على الطلبة وفي واحد آخر مش فارقة معاه وده يستاهل الوزير زكي بدر طبعا

[ssmaly]

بصراحه الموضوع كان أشبه بزياره سينمائيه !!

الوزير بياخد "بوظات" أمام الكاميرا !! و تم عمل مونتاج للفيلم فلم نسمع غير صوته و لم نسمع أصوات من قاموا بالردّ عليه و شرح الموقف !!

وبعدين يعنى أين هو الوزير من قضايا التعليم الحيويه !! يعنى بيتكلّم فى تحيّة العَلَم و حصّة الألعاب -اللىّ كلّنا عارفين إنّها بقت صوريه فى كثير من المدارس- ولا نسمع له صوتا فيما هو أهم !!

أين خططه فيما يتعلّق بإصلاح نظام التعليم و تحسين المناهج؟ أين خططه بالنسبه للثانويه العامّه !! أين مطالبته برفع ميزانية وزارته !! أين خططه لمقاومة الدروس الخصوصيه بشكل لا يضرّ لا بالمُعلّم ولا التلامذه !! أين خططه لزيادة عدد المدارس و تخفيض كثافة الفصول !!

ولاّ هو شاطر بس يتنطط على النُظّار و الطلبه و يتجاهل مشكلتنا المزمنه و هى إصلاح التعليم !!

لو تزامن حزم الوزير مع إجراءات أخرى تمسّ قضايا التعليم الحيويه لرُبّما وجدت الأمر يستحق الإشاده و الإعجاب لكن بصراحه ده تنطيط على الأضعف فى السلسله التعليميه من نُظّار و مدرّسين و ترك لأمور شديدة الحيويه و الأهميّه على حالها المُتردّى

انا متفق مع حضرتك تماما

بالنسبة للاخوة الافاضل الذين مع همجية هذا الوزير احب ان اقول لهم

هل تحبوا ان تفرض عقوبة الأعدام على المدرس الذى يشتبه فيه انه يعطى درس خصوصى؟

اعتقد اذا حدث ذلك سوف تنتهى الدروس الخصوصية نهائيا بعد اول حكم بالأعدام ينفذ

اذا كان تغليظ العقوبة وبلا تحقيق هو الحل فلماذا لانجعلها عقوبة اعدام لكل مخطىء

[sarmar]

اذا خرج العيب يامكافحين العيب

وزارة الادب والتعليم وزيرها ينقصة الادب فى ادارة وزارتة بكل اشمئزاز وارف اعيب على كل من لدية سلطة وصولجان ان يطيح فى الناس شمال ويمين ومن هو الوزير بجانب زملاؤة من الوزراء الذين يثبتون للعالم اجمع انهم فاشلون واغبياء اكثر منهم بروفيشنال او محترفى ادارة وتخطيط تعليمى

انا معكم ايها السادة فيما راح الية الوزير من تخبط غبى لادارتة للموقف لانة لم يعالج ادارتة منذ تولية مهامة هو كل ماهمة هو الرضا السامى السياسى واستلام الكرسى وتغيير كل ماكان من قرارت سلفة ويجلس يتجهص على الكرسى ويقوم ببطولات عنترية على اماكن تعليمية تفتقد لكل عناصر التربية والتعليم والقاصى والدانى يعلم ذلك بدون اى زيارات وزارية

جاء البطل المغوار الهمام وهو يتخيل نفسة من صفوة الصفوة الوزارية لينتصر فى معركة نتايجها محسومة

اليس لدية وسائل ادارية موجودة مسبقا وادارات تفتيش تتابع عن كثب مهام وزارتة وترفع تقاريرها الية اول باول

هل سنجلس كشعب مصر ننتظر زيارة السيد الوزير سواء فى التعليم او الصحة او 0000الخ حتى ينصلح حالنا مش كدة ولا اية ؟؟؟

[engmido]

بصراحة فيه ناس كتير تخاف متختشيش

واحنا بصراحة فى مصر ان مخفناش منلتزمش

[إيزيس]

فمعروف إن حال التعليم لدينا يرُثى له .. وهو ميراث ثقيل جداً وحالة مستعصية ..

لكن حلها لن يكون بالضرب بالشلاليت وأستخدام الألفاظ القذرة ليل نهار وأنت رجل تربوي ( على فكره ده نقلاً عن ناس شغالين معاه في مكتبه وأعرفهم شخصياً ) ووأنا بأسمعه بالأمس كرر كل ما يقال عنه من افعال وألفاظ ..... وصباح الخير يا تعليم

وأنا بصراحة متعاطف مع هؤلاء المدرسين الذين تم نفيهم بالأمس ... فلقد قام بنفي مدير المدرسة من حلوان إلى محافظة المنيا ... تخيلوا ؟

بالله عليكم يا جماعة ... لو صادفت وكان مريض بالأمس أو حدثت له ظروف أو كانت أول مره يحدث هذا ... فهل يستحق هذا العقاب القاسي الذي يشرد أولاده ويغير حياته 180 درجة من غير لا تحقيق ولا الأستماع إلى مبرراته أو أو أو ؟

وما ذنب واحده ست مُدرسة غلبانة كبيرها قوي بتحصل على 300 ج مرتب شهري .. ما ذنبها وهي لم تُخطيء بالأمس لكي تُعاقب عقاب جماعي زي الجيش كده ويتاخد العاطل في قلب الباطل ؟

ومنذ متى كان في مدارسنا تربية رياضية أو زراعية عشان يتم أنهاء التعاقد مع مدرسي المادتين بالأمس ؟

وكيف هو حال حمامات 99.9 % في مدارسنا عشان يتنقل مُدرس لهذا السبب ؟

الإدارة ليست تخويف ولا ضرب ولا إرهاب ..

الإدارة فن إحتواء وجذب من حولك لكي ينفذوا أفكارك بحب وأحترام وتعاون ...

صح كده

و أصلا أنا مندهشة إزاي المدير ما يردش عليه و إزاي يسكت على البهدلة دي أدام العالم

الوزير رايح يستهزأ بالناس و يعمل شو

طب الأول اسأل نفسك فين المدرسة أصلا هو ده شكل مدرسة ؟

العيب على المدرسين و المدير اللي سكتوا على البهدلة دي

حتى لو أنا أخطأت هناك آليه للعقاب مش شغل عزبة أبوه اللي هو شغال فيه

و الله دمي اتحرق من ساعة ما شفت الفيديو

و اللي يشوف كده يصدق إن ده كان رئيس جامعة و أستاذ بمجهوده لكن كلنا فاهمين

يعني مش على ماما يا بابا

علاج التقصير و الفساد لازم له إعداد و معطيات مش

آجي السبت الجاي أشوف مدرسة

على أساس المدرسين هيلموا من بعض و يبنوا فصول و اللا العامل هيجيب منظفات للحمامات المقرفة من جيبه

[إيزيس]

هل سنجلس كشعب مصر ننتظر زيارة السيد الوزير سواء فى التعليم او الصحة او 0000الخ حتى ينصلح حالنا مش كدة ولا اية ؟؟؟

و الله يا أستاذنا لو الزيارات بتحل المشاكل كانت هانت و نستنى ماحنا أصلا

ماعندناش حل تاني

لكن هتعمل إيه الزيارة ؟ العملية أكثر تعقيدا و محتاجة شغل كتير و جهد فظيع مش شغل الفتوات ده

لازم حد يقول للوزير عيب احترم نفسك

[أحمد سيف]

بصراحه الموضوع كان أشبه بزياره سينمائيه !!

الوزير بياخد "بوظات" أمام الكاميرا !! و تم عمل مونتاج للفيلم فلم نسمع غير صوته و لم نسمع أصوات من قاموا بالردّ عليه و شرح الموقف !!

وبعدين يعنى أين هو الوزير من قضايا التعليم الحيويه !! يعنى بيتكلّم فى تحيّة العَلَم و حصّة الألعاب -اللىّ كلّنا عارفين إنّها بقت صوريه فى كثير من المدارس- ولا نسمع له صوتا فيما هو أهم !!

أين خططه فيما يتعلّق بإصلاح نظام التعليم و تحسين المناهج؟ أين خططه بالنسبه للثانويه العامّه !! أين مطالبته برفع ميزانية وزارته !! أين خططه لمقاومة الدروس الخصوصيه بشكل لا يضرّ لا بالمُعلّم ولا التلامذه !! أين خططه لزيادة عدد المدارس و تخفيض كثافة الفصول !!

ولاّ هو شاطر بس يتنطط على النُظّار و الطلبه و يتجاهل مشكلتنا المزمنه و هى إصلاح التعليم !!

لو تزامن حزم الوزير مع إجراءات أخرى تمسّ قضايا التعليم الحيويه لرُبّما وجدت الأمر يستحق الإشاده و الإعجاب لكن بصراحه ده تنطيط على الأضعف فى السلسله التعليميه من نُظّار و مدرّسين و ترك لأمور شديدة الحيويه و الأهميّه على حالها المُتردّى

انا متفق مع حضرتك تماما

بالنسبة للاخوة الافاضل الذين مع همجية هذا الوزير احب ان اقول لهم

هل تحبوا ان تفرض عقوبة الأعدام على المدرس الذى يشتبه فيه انه يعطى درس خصوصى؟

اعتقد اذا حدث ذلك سوف تنتهى الدروس الخصوصية نهائيا بعد اول حكم بالأعدام ينفذ

اذا كان تغليظ العقوبة وبلا تحقيق هو الحل فلماذا لانجعلها عقوبة اعدام لكل مخطىء

مش فاهم حضرتك تقصد ايه بالظبط بالهمجية؟

طبعا جميعنا ضد استخدام ألفاظ نابية سواء من وزير أو غفير ... لكن توقيع عقوبة على الموظفين المهملين والمستهترين لا يمكن اعتباره همجية تحت أي مسمى ... بل العكس هو الصحيح ... لو أن الوزير رأى هذا الكمّ من الإهمال والتسيب ولم يتخذ إجراء حاسما لكان مستحقا للوم والتقريع.

وبعدين هو مافيش حلول وسط في أي حاجه أبدا ... يا إما يسيبها فوضى يا إما يدي إعدام ... الإجراء الإداري اللي أتخذه الوزير كان متناسبا مع التقصير الذي وجده ... ومن حق الموظف في كل الأحوال اللجوء للقضاء الإداري للتظلم ضد قرارات الوزير إذا رأى فيها تجاوزا بحقه.

كنّا فعلا بحاجه لمثل هذا الوزير منذ زمن لتصحيح الأوضاع الخاطئة في أهم الوزارات وأكثرها تأثيرا على مستقبل مصر.

[ssmaly]

استاذ احمد

كلنا ضد التسيب الموجود فى كل مكان خاصة المدارس

ولكن أن يعطى الوزير اوامر بالعقاب لناظر ومدرسبن بالجملة بدون تحقيق اعتقد ان اسلوب أمنى وليس تربوى

[Mr MAGED]

اللي عمله سيادة الوزير ده من وجهة نظري ... هو أقصي درجات التخلف الاداري

وان سيادته حب يعيش في جلباب أبيه شوية ... علي أساس ان وزارة التربية والتعليم

أصبحت تهذيب واصلاح

سيادته بيتصرف كأن كل شيء تمام والوزارة مية مية ... والمدارس غاية في النظام والدقة

سيادته بيعاقب المدير انه مش موجود وأكيد ده حقه ومحدش يقدر يعترض عليه

بس ليه مش بيعاقب مدير الادارة ولا وكيل الوزارة ولا مدير المديرية

ما هو لو كل دول شايفين شغلهم ... مكنش المدير اتأخر عن ميعاده

لكن كله سايب ... وكله قمة البوظان ... فجاي علي الغلبان ويسوحه

سيادته علي كده ان شاء الله هيسرح الوزراة كلها .. ويلعب بالناشئين

ده ان كان فيه ناشئين من أساسه

الوزير بيعاقب المدير علي عدم تطبيقه لنظام غير موجود من الاساس

ممكن نعرف من سيادته .... ايه هيا سياسة وزارة التربية والتعليم في عهده

ايه هيا خطته في تطوير التعليم

ازاي هنخلي التعليم بتاعنا علي مستوي طموحاتنا

ولا هو خدوهم بالصوت وخلاص

ماقدرش اقول في النهاية غير حسبي الله ونعم الوكيل

وربنا يقدرنا ونقدر نعلم أولادنا بعيد عن هذا الوسط المهتريء المتغابي

[إيزيس]

فيه مسؤول محترم يقول للناس يخرب بيت أبوكوا ؟؟؟

وبعدين يعمل للمدير محاضرة في القدوة أمام التلاميذ !!!!

و اللي حواليه فرحانين و بيضحكوا يا سلااااام

مسخرة بجد

أنا باقترح على المدير يرفع قضية بالفيديو ده ضد الوزير و الله لازم ده يحصل عشان الناس دي لها كرامة مش شغالين عند أبوه

تم تعديل 30 مارس 2010 بواسطة إيزيس