عفواً سيادة الوزير .. ليس هكذا تورد الإبل

[se_ Elsyed]

على ما يبدو إن الأمور والأفكار أختطلت لدينا ..

أنا مع الحزم والربط والظبط ..

لكن ضد الهمجية اللي أشار إليها الدكتور ssmaly

وما يفعله أمين الشرطة اللي هو في منصب وزير التعليم هي الهمجية بعينها

أعتقد إن كثير منا مديرين أو في مناصب مرموقه .... فهل أنت نفسك تستخدم ألفاظ نابية في التعامل حتى مع من أخطئوا ؟

الشيء الأخر ... كيف يعاقب أكثر من 40 او 50 مُدرس وإداري كده لوكشه واحده والعاطل في قلب الباطل بحجة أضرب المربوط يخاف السايب أو من تلك الأمثال الخايبة ؟

والله يل جماعه التعليم من القضايا اللي بتشغلني تماماً ...

وبالصدفة كنت أجلس مع مساعدينه - مساعدين الوزير يعني .. أنا ما واصل ولا حاجه .. لكن عادي يعني الواحد يعرف ناس قريبين من وزير ما أو شخصية هامه ما - كنت لسه معاهم يوم الخميس الماضي وبنتكلم قبل الزيارة بتاعته أو قبل الغوغائية دي وبيشتكوا لي مُر الشكوى منه ..

عارفين أنا سألتهم سؤال واحد بس ... وقلت لهم : طيب حلو قوي .. بمناسبة الظبط والربط ... ما هي أفكار سيادة الوزير عن تطوير المناهج وصُنع مدارس تواكب العصر ؟

طبعاً ولا حاجه ودماغه فاضية .. وكل اللي همه إنه يبقى أمين شرطة زي أبوه .. ودماغ بوليسية بحته ... ويشهد على ذلك تجربته في رئاسة جامعة عين شمس ... ولو بيننا من يعمل بالجامعه الأن أو بيدرس .. يذكر لي شيء إيجابي عمله

هل يُعقل يا سادة إن وزير يتابع بنفسه حضور وأنصراف عمال الشاي في الوزارة ويشتم فيهم ويهزءهم ؟

هل يُعقل أن يكون لديك جيش من وكلاء الوزارة و جيش من مديري الإدارات التعليمية وتقوم إنت بزيارة حمام وزارة وفصل مدرس ونفي مدير و و و و و ؟

وأتفق تماماً مع أختي فيروز - شكلنا بنحلق عند حلاق واحد ودماغنا زي بعض - .. كيف تكون زيارة مفاجئة والبيه واخد معاه كاميرات تليفزيون وجيش صحفيين وبودي جردات وهلُمه ؟ كل ده عشان يتمنظر قدام الإعلام ويعرفنا إنه شغيل ..

على فكره .. هناك اشاعة قوية إنه سيتولى رئاسة الوزارة قريباً ... تخيلوا ؟

المهم من ضمن كلامي مع الناس عرفت إنه قام بإقالة واضعي أسئلة اللغة العربية في إختبارات الثانوية العامة لانهم أخطئوا في أسئلة .. وعامل للناس رُعب .. وعشان كده

خدوا المفاجئة بقى

غالبية واضعي الأسئلة يكادوا يكونوا مضربين عن العمل في وضع الأسئلة الأن .. لأنهم قد يُخطئوا أو قد يتلكك لهم .. فيبقى ياخدوها من قاصرها وبلا وجع دماغ

وأتسائل هنا ... أين فعلاً خطته من محاربة غول الدروس الخصوصية وغول مجمعات التقوية والمجمعات اللي مفتوحه عالبحري ؟

لكني أتفق تماماً معه في ما فعله في هيئة الأبنية التعليمية اللي حول معظم مديريها ومسئوليها للتحقيق ... لأنها كانت ميغه ويغمه وفساد للرُكب في مناقصات بناء وصيانة المباني المدرسية ...

وأتفق تماماً معه في إيقاف بعض مؤلفي الكتب المدرسية اللي هما هما نفسهم مؤلفي الكتب الخارجية ... شوفتوا المسخره ؟

خدوا دي كمان ..

نزلت لقيت ولاد اخواتي كأنهم سوري يعني .. ابقار في ساقية ... يطلعوا من المدرسة يروحوا على الدرس ويطلعوا من الدرس يروحوا على درس تاني .. ( تخيلوا وصل بنا الحال إنهم بياخدوا درسين للمادة الواحده ... وهاشرح ليه )

آه بالمناسبة .. دول في أبتدائي ... فأندهشت وسألت ... ليه وعشان إيه ؟

طب ثانوية عامة وقولنا ماشي

لكن 3 و 5 أبتدائي ... ليييييييييييييييه ؟

بكل بساطة أجابوا ؟

لو ما أخدوش عند أستاذ الفصل .. يبقى هايسقطوا في اعمال السنة ... واللي زاد وغطى .. في حاجه اخترعوها جديده أسمها " ملف الأنجاز " زي الأكتيفيتي كده ونشاط الطالب في الفصل .. كل ده في إيد الأستاذ اللي مش بيفهموا منه حاجه في الفصل .. فبياخدوا عنده دروس عشان يتقول شره ... وفي منهم ما يصلحوش منجدين حتى ... فبياخدوا درس تاني عند أستاذ فاهم

يعني عدوا معايا

واجبات مدرسة

وواجبات مدرس الفصل الخاص

وواجبات الأستاذ اللي بيفهموا منه

وسلم لي على أمين الشرطة ؟

ولنا عوده

[إيزيس]

بكل اشمئزاز وارف اعيب على كل من لدية سلطة وصولجان ان يطيح فى الناس شمال ويمين

و أنا كمان بكل أرف باقول للوزير عيب عليك

[se_ Elsyed]

فيه مسؤول محترم يقول للناس يخرب بيت أبوكوا ؟؟؟

وبعدين يعمل للمدير محاضرة في القدوة أمام التلاميذ !!!!

و اللي حواليه فرحانين و بيضحكوا يا سلااااام

مسخرة بجد

أنا باقترح على المدير يرفع قضية بالفيديو ده ضد الوزير و الله لازم ده يحصل عشان الناس دي لها كرامة مش شغالين عند أبوه

إيزيس باشا

بالله عليكي ... ما سألتيش نفسك إيه شكل المدير ده لما يروح المدرسة الجديدة بتاعت المنيا ؟

أو الأساتذة كلهم اللي أتنفوا محافظة تانية ومدارسة تانية وبالتأكيد التانيين هايعرفوا إن دلو جايين مغضوب عليهم ؟

بالله عليكم ... هل كل هؤلاء سيصلحوا للتدريس تاني وتبقى نفسيتهم كويسة والحياة حلوه معاهم ؟

تماماً تماماً مثلما فعلوا في إختراع " الكادر "

شغل يهود متربيين في تل أبيب ....

المدرسين عاملين إضرابات عشان رواتبهم مضروبة بالنار ..

من عيني يا حبايبي ... هانزود مرتباتكم وهاتبقى القاشية معدن ..

بس عدوا في امتحان الكادر الأول هههههههههههههه

طب واللي يسقط ؟

برضوا يكمل تدريس عادي ويبقى ساقط والطلبة يعرفوا إنه فاشل في المعلومات العامة و و و و

وكله شغال يا معلم

------------------

آه مين فاكر أبوه خرج من الوزارة بأنهي فضيحة ؟

أقول لكم أنا

ما كانش في لسه فضائيات ولا بتاع .... وأعتقد كان في مؤتمر في الصعيد أو حاجه زي كده ... ومسك الميكروفون وأتكلم .. ومن ضمن كلامه قال : إنه مع تصريح من رئيس الجمهورية بقتل 25 % من الشعب المصري بدون حساب

لووووووووووووووووووووولي

[se_ Elsyed]

اللي مستغرب له في الموضوع إن زملاءنا الأفاضل اللي عجبهم تصرفات أمين الشرطة

هم أنفسهم من يتحدثون بكل أشمئزاز عن تجاوزات جهاز الشرطة لدينا وكيفية معاملة المواطنين الأبرياء أو المشتبه بهم كله سواء ..

يا جماعة ده حتى المجرم له حقوق ..

حتى لو مجرم عتيد الإجرام .. تعتدي إنت عليه باللفظ ليه وتُنكل به نفسياً أمام الجميع ؟

مش قلت لكم أمين شرطة في ثوب وزير

[عنبو]

حصل موقف قدامى شبيه بالموضوع ده

كنا بنصلى الجمعه وكان حاضر السيد الوزير على المصيلحى لانه اساساًَ عضو مجلس الشعب عن الدايره اللى انا منها

وبعدين وقف واحد من الناس قاله ان الاستاذ مدير الشؤن الاجتماعيه ظالمه وانه يستحق معاش الضمان والراجل مش عاوز

يعيطه فطبعاً الوزير قدام الناس كلها قال فين الاستاذ فلان الفلانى

الراجل وقف وقله يافندم القوانين بتعت الوزاره لا تنطبق على الراجل ده لانه عنده كذا وكذا ولو حضرتك عاوز اديله

اجيب لحضرتك ورقه تمضيه دلوقتى

الوزير قال لا خلاص طالما القانون لا ينطبق عليه يبقى خلاص مالوش معاش ضمان لانه لا يستحق وفعلاً الراجل كان لا يستحق

لو الوزير اصدر قرار بتحويل كل المقصريين الى التحقيق وتابع التحقيق بنفسه لكنا رفعنا له القبعه

ولكن اللى حصل ده بيفكرنى بزيارة وزير الصحه لمستشفى ابوكبير اللى كان عباره عن محل كبده ولا يزال

وقولنا خلاص ده المستشفى هيبقى مستوصف حتى

ولكن فجأه رجع مدير المستشفى اللى كان عزله ولا معرفش ايه كما كان وبقى الحال كما هو عليه

نحن نريد خطه للتصحيح لا نريد عشوائيه فى القرار

[msayed]

قرأت تعليقاتكم وأقنعتنى

أنا كنت مؤيد لما فعله الوزير ليأسى الشديد من أن ينصلح حالنا ونفسى فى حاجة واحدة تخلى المهمل يعلم أن هناك عقاب، أياً كان العقاب.

لكن فاتنى أنه لا يصلح الفساد بالفساد ولن يكون فاسداً مقاوماً للفساد، وأن هناك قانون يجب أن يكون على رقبة كل شخص حتى لا ينطلق أى شخص ولو كان حسن النية رفساً فى الناس ويكون هو القاضى والجلاد

[sarmar]

اللي مستغرب له في الموضوع إن زملاءنا الأفاضل اللي عجبهم تصرفات أمين الشرطة

هم أنفسهم من يتحدثون بكل أشمئزاز عن تجاوزات جهاز الشرطة لدينا وكيفية معاملة المواطنين الأبرياء أو المشتبه بهم كله سواء ..

يا جماعة ده حتى المجرم له حقوق ..

حتى لو مجرم عتيد الإجرام .. تعتدي إنت عليه باللفظ ليه وتُنكل به نفسياً أمام الجميع ؟

مش قلت لكم أمين شرطة في ثوب وزير

صراحة احسن تعليق على الموضوع دة هو مسلس سوف اعيش فى حلباب ابى

ياراجل دة حتى امين الشرطة دلوقتى اكثر وداعة وحنية ورافة باللى يأبج ويلحلح المسائل

طبعا كلنا نهتم باهم مرفق فى مصر الا وهو التعليم ولكنة لن ينصلح حالة الا لما نروح لحلاق او مزيين تانى لان لو تلاحظ ان نفس الغباء ونفس الشكل نجدة من كل وزير بيمسك السلطة بفتح س و ل و ط

[أسد]

نظهر في آرائنا التي نكتبها هنا في محاورات المصريين .. وكأننا طالعين بمنظرين في الفيلم ..

منظر نكافح فيه الفساد .. ونشكو من التسيب والإهمال..

ومنظر .. نتلتمس فيه العذر للمتسيبين والفاسدين ..

ونقول .. ياريت نعاقبهم بالراحة .. وبالشويش ..

مسألة غريبة جداً ..

وصف الوزير للمدرسة .. بأنها مزبلة ..

كان وصفاً واقعياً ..

وصفها بأن المكان وسخ ..

كان وصفاً حقيقياً ..

وصف ناظر المدرسة بالتسيب ..

كان وصفاً دقيقاً ..

وصف مايحدث هناك بأنه تهريج ..

كان وصفاً منطقياً ..

العقوبات التي قررها في نقل المدير والمدرسون .. والعاملون في المدرسة .. كان إجراء قانونياً .. معروف منذ قدم الأزل .. ومعمول به حتى في الشركات الخاصة ..

وليس فيها مخالفة للقانون .. ولا هو إجراء تنكيلي .. بل هو عقوبة للمهمل والمقصر ..

التصوير .. والتجهيز .. والنشر .. والبث الفضائي ..

هو للإعلان عن الشدة .. والحزم .. وللإعلان عن السياسة القادمة ...

وهو نوع من الردع .. وأخذ العبرة ..

فلماذا لا نسأل أنفسنا .. كم مدير مدرسة إتخذ إجراءات إضافية اليوم لتحسين الوضع لديه ..

وكم مدرس اليوم كان أكثر إنضباطاً من أمس ...

محاولة الظهور بمظهر مثالي في معالجة وضع شاذ وفساد مستشري .. وإهمال جسيم .. لن ينجح .. الحزم والشدة هي وسيلة إعادة الإنضباط ..

أكاد أن أستشرف أنه يوماً ما سنفتح موضوعاً .. ندافع به عن مرتشون قبض عليهم متلبسون بالرشوة ..

ونحاول أن نجد لهم الأعذار ونقول .. كان من الأولى أن نزيد مرتباتهم بدلاً من أن نقبض عليهم ..

الفساد لا بد أن يضرب بقوة .. بل بمنتهى القوة .. وبلا رحمة ولا هوادة

وتطبيق القانون لا يجب أن يكون فيه تهاون ..

ولو كل مسئول .. كان حاسماً في مواقفه .. لانصلح الحال ولو قليلاً ..

[crossfield]

"الجنرال" زى ما كنا بنوصفه لما كان رئيس جامعة عين شمس كان مكروه جداً و زغردنا لما اتكل و اترقى لانه كان قارفنا فى موضوع الأجازات و كان بيدى لنفسه الحق فى اختراع قوانين غير موجودة فى لوائح الجامعة زى مثلاً محدش ياخد أجازات أثناء الامتحانات "مهما كان السبب" و مفيش منح للمعيدين الا بعد الماجستير...الخ الخ

لكن الحق يقال الهرجلة اللى الواحد شافها فى الزيارة دى و شكل الحمامات و العيال و المدرسة بصراحة مينفعش معاه غير كده

و المثل بيقول اضرب المربوط يخاف السايب

لو كل مسئول ضرب بيد من حديد على كل موضع للإهمال الحال هيتغير و لكن بالطبع لا داعى لاستخدام ألفاظ نابية لكن تقول ايه ابن زكى بدر هيقول ايه يعنى غير ألفاظ من النوع ده

فى رأيى اللى يتشرد يتشرد و اللى يتنفى يتنفى

محدش قلهم يشيلوا مسئولية همه مش قدها.

تم تعديل 30 مارس 2010 بواسطة crossfield

[إيزيس]

إيزيس باشا

بالله عليكي ... ما سألتيش نفسك إيه شكل المدير ده لما يروح المدرسة الجديدة بتاعت المنيا ؟

أو الأساتذة كلهم اللي أتنفوا محافظة تانية ومدارسة تانية وبالتأكيد التانيين هايعرفوا إن دلو جايين مغضوب عليهم ؟

سألت و الله و تألمت جدا بجد مفروسة

و السؤال الأصعب اللي وجعني شكله إيه المدير أمام أولاده؟؟؟

الكل مقصر مش بس المدير ده التعليم كله محتاج زلزال و الغريبة إن كل اللي لفت نظر الوزير البلطجي إن المدير متأخر

مش يمكن عنده مشكلة مش فيه حاجة اسمها تحقيق و اللا هو مجهز قرارت النقل و محدد المكان مسبقا

طب إزاي ؟؟؟

دي طريقة بلطجة و استقواء على أضعف حلقة في السلسلة و الفساد أصلا باديء من فوق

المدرسين و الطلبة رد فعل للفساد الأكبر بإهمال التعليم من أول المناهج لحد الكتب لحد الكرسي اللي بيقعد عليه الطالب

و بيستغرب أوي إن الكمبيوترات مش شغالة ما يسأل لو واحد منهم اتعطل المدرس يحصل له إيه

و عايز حصة ألعاب طب يكلف نفسه و يشوف الملعب ده لو أصلا في ملعب

و بيتنطط على الناس على إيه ده نصهم بالمكافأة راتبهم أقل من 100 جنيه بلاش أرف

تم تعديل 30 مارس 2010 بواسطة إيزيس

[الدكتورة أم أحمد]

توجد طريقة رائعة لو اتبعتها الحكومة أو المؤسسات كل بالطريقة المناسبة له لكان لها دور إصلاحي كبير

بعيدا عن المنظرة التي تحدث من آن لآخر

فقد وجدت ابني الطالب في كلية الطب يفعل شيء ما على الكبيوتر استغربته فلما سألته قال لي تقيم للدكاترة

وعلمت أن كلية الطب عاملة مجموعة من الأسئلة يجيب عنها الطالب وذلك بهدف التقييم للأستاذ الجامعي وفيه أسئلة عن مدى التزامه وفهم الطالب له وخلقه وغير ذلك

فلو كان ذلك في كل مؤسسة بالطريقة التي تناسب المكان والجماهير التي تتعامل مع هذا المكان

وتوقف الحوافز والمكافأت والترقي على هذا التقيم مع ضمان عدم الغش والتدليس لكان فيه خيرا وصلاحا كبيرا

[president]

نظهر في آرائنا التي نكتبها هنا في محاورات المصريين .. وكأننا طالعين بمنظرين في الفيلم ..

منظر نكافح فيه الفساد .. ونشكو من التسيب والإهمال..

ومنظر .. نتلتمس فيه العذر للمتسيبين والفاسدين ..

ونقول .. ياريت نعاقبهم بالراحة .. وبالشويش ..

مسألة غريبة جداً ..

وصف الوزير للمدرسة .. بأنها مزبلة ..

كان وصفاً واقعياً ..

وصفها بأن المكان وسخ ..

كان وصفاً حقيقياً ..

وصف ناظر المدرسة بالتسيب ..

كان وصفاً دقيقاً ..

وصف مايحدث هناك بأنه تهريج ..

كان وصفاً منطقياً ..

العقوبات التي قررها في نقل المدير والمدرسون .. والعاملون في المدرسة .. كان إجراء قانونياً .. معروف منذ قدم الأزل .. ومعمول به حتى في الشركات الخاصة ..

وليس فيها مخالفة للقانون .. ولا هو إجراء تنكيلي .. بل هو عقوبة للمهمل والمقصر ..

التصوير .. والتجهيز .. والنشر .. والبث الفضائي ..

هو للإعلان عن الشدة .. والحزم .. وللإعلان عن السياسة القادمة ...

وهو نوع من الردع .. وأخذ العبرة ..

فلماذا لا نسأل أنفسنا .. كم مدير مدرسة إتخذ إجراءات إضافية اليوم لتحسين الوضع لديه ..

وكم مدرس اليوم كان أكثر إنضباطاً من أمس ...

محاولة الظهور بمظهر مثالي في معالجة وضع شاذ وفساد مستشري .. وإهمال جسيم .. لن ينجح .. الحزم والشدة هي وسيلة إعادة الإنضباط ..

أكاد أن أستشرف أنه يوماً ما سنفتح موضوعاً .. ندافع به عن مرتشون قبض عليهم متلبسون بالرشوة ..

ونحاول أن نجد لهم الأعذار ونقول .. كان من الأولى أن نزيد مرتباتهم بدلاً من أن نقبض عليهم ..

الفساد لا بد أن يضرب بقوة .. بل بمنتهى القوة .. وبلا رحمة ولا هوادة

وتطبيق القانون لا يجب أن يكون فيه تهاون ..

ولو كل مسئول .. كان حاسماً في مواقفه .. لانصلح الحال ولو قليلاً ..

كعادتك أستاذ أسد . رأيك يتسم بالواقعيه والمنطقيه بغض النظر عن العواطف .العواطف التى تفرق بين فساد الغفير و الوزير .

كل تحيه وتقدير لهذا الرأى .

تم تعديل 30 مارس 2010 بواسطة president

[أحمد سيف]

أفهم أن يكون لدى البعض موقف مسبق من الوزير ... ربما بسبب كونه نجل زكي بدر وزير الداخلية الأسبق ... وربما بسبب موقفه المتشدد من بعض الجماعات ... وربما بسبب مجرد كونه من الحكومة ... وربما ايضا لسمعته السيئة التي سبقته الى الوزارة.

ولكن عندما نأتي لنقيم الموقف الذي حصل فعلينا أن نتحلى بالموضوعية ونتخلى عن تحيزنا الشخصي وننظر الى الإيجابيات كما ننظر الى السلبيات. ونسأل أنفسنا حول المحصلة النهائية لما حدث ... طبعا هناك أطراف وقع عليها ضرر وربما هناك من ظلم ... ولكني ايضا أكرر السؤال الذي طرحه الفاضل أسد

كم مدير مدرسة إتخذ إجراءات إضافية اليوم لتحسين الوضع لديه ..

وكم مدرس اليوم كان أكثر إنضباطاً من أمس ...

أتصور أن نتيجة ما قام به الوزير تصب في النهاية في مصلحة التعليم والمواطن العادي الذي يرسل ابناءه الى المدرسة ليتعلموا ويتوقع حدا أدنى من الضمير والمسؤولية والجودة والانضباط.

هناك من لام الوزير لأنه ترك مكتبه وقام بزيارة مدرسة ودخول جميع مرافقها حتى دورات المياه ومناقشة الطلاب وأولياء الأمور ... ولكني ارى أن ذلك أجدى من الجلوس في المكتب المكيف وانتظار التقارير المعتادة والتي لا يخرج محتواها عن (كله تمام يا أفندم) و(ليس في الإمكان افضل مما كان). لطالما طالبنا بنزول الوزراء الى الشارع والاطلاع على أوضاع وزاراتهم وموظفيهم حتى يحسوا بمشكلات المواطن البسيط ويعملون على حلها.

وهناك من لام الوزير لأنه أصطحب معه طاقم تصوير ... ولكني أعتبرها خطوة في منتهى الذكاء منه ... أولا هو يريد نقل الصورة لجميع العاملين في التربية والتعليم ... المهمل والمستهتر سيحاسب وفورا ... وأتمنى أن يقوم قريبا بزيارة مدرسة متميزة ويمنح العاملين فيها علاوة ليصل الجزء الثاني من الرسالة وهي أن المجتهد والمنضبط سيكافأ ... وثانيا هو يريد الرأي العام أن يعرف الأسباب التي دعته لاتخاذ هذا القرار الصارم والغير مسبوق.

أما عن القرار نفسه فأنا أراه منطقيا ... لو أن رئيس شركة خاصة حضر صباحا الى إحدى إدارات شركته فوجد المدير متغيبا دون عذر والإدارة في حالة فوضى وتسيب فماذا سيكون رد فعله ... الطبيعي أن يقوم بفصل هذا المدير ومعاقبة جميع المهملين ... فلماذا نستكثر على الوزير أنه قام بمعاقبة مدير لديه بالنقل وهي عقوبة أخف من الفصل ... ولا هي علشان حكومه ومال سايب فماحدش واخذ في باله.

أما من يقول أنه كان من الأجدر بالوزير أن يهتم بزيادة ميزانية التعليم وتطوير المناهج ... فلماذا لا يكون ذلك بالتوازي مع إعادة الانضباط الى المدارس ... ثم ما علاقة عجز الميزانية بمدير مدرسه نايم في العسل ولم يحضر إلا عندما أتصلوا به تليفونيا ... أوعى حد يقولي إنه كان شغال على عربية فول للمساهمة في دعم موازنة الوزارة ... أما حكاية المناهج فما فائدة منهج مطور لا يجد من يطبقه بضمير وجودة ... العنصر البشري يا حضرات هو أساس العملية التعليمية واثنان من ثلاثة أركان للعملية التعليمية هم بشر (الطالب - المدرس - المنهج).

عارف أن لدينا ضعف في الموارد وإن كنا ننفق قرابة 15% من الدخل المحلي الإجمالي على التعليم ولذلك مدارسنا ليست مجهزة بصورة جيدة ... ولكن يترافق مع أزمة الموازنة أزمة أخطر وأعمق في كفاءة المدرسين وضميرهم ... وأزعم أنها السبب الأساسي في مشكلات التعليم في مصر.

أنا على فكره استمعت مرة أخرى الى ما قاله الوزير في الزيارة لكي أكتشف لألفاظ النابية التي ربما فاتتني في المرة الأولى ولم أجد سوى جملة (الله يخرب بيت أبوهم) والتي لا أعتقد أنها بهذا السوء خصوصا في السياق الذي وردت به ومع الحالة المزرية التي ظهرت بها المدرسة.

أنا كنت هأتضايق لو كان الوزير مثلا إدى المدير بالشلوت أو شتمه بالأم ... لكن التقريع الذي ناله المدير أمام مرؤوسيه يستحقه بالفعل ... ولو كان عايز يحافظ على كرامته وصورته لكان من البداية احترم نفسه ومركزه وراعى ضميره في عمله. حتى المجرم له حقوق ولكنه في النهاية ينال الجزاء الذي يستحقه ابتداء بالحبس وانتهاء بالإعدام.

مدارسنا أصبحت مرتعا للفساد وحاضنة للإجرام ... ونحن فعلا بحاجه الى أمين شرطة ليعيد الأمور فيها الى نصابها.

[se_ Elsyed]

والله العظيم أنا شكيت في نفسي

طب خليني اكتبها بالأوردو ... بمكن أنا افهمها مش إنتو

هذا في وزير ما في حصل مدير مدرسة في موجود ... هذا في وزير عاقب كل نفر موجود في مدرسة .. كله كله نفر

هذا يرضي الله ؟

-----------

أبو ادهم بيقول إنه بيتوقع بكره نلاقي موضوع بندافع فيه عن المرتشين ..

حلو قوي ...

يعني يابو ادهم لو ظبطنا موظف أو مدير مرتشي في شركة عدد موظفينها 300 موظف ... نقوم خبط لزق نرفد كل الموظفين اللي في الشركة زي ما عمل البيه ؟

الشيء الاهم .... إزاي يبقى إنسان ظابط ووكيل نيابة وجلاد في نفس الوقت ويصدر احكام فوريه كده من غير لا تحقيق ولا بطيخ ؟

وإيه ذنب الموظف المخلص اللي كان موجود في المدرسة وفجأة لقى بيته أتخرب وأتنفى في محافظة تانية لالمطلوب يأجر فيها بيت وينقل ولاده معاه ويأسس عيشه جديده و و و و و ؟

السؤال الاهم ....

أحمد باشا سيف مش شايف في جُملة " الله يخرب بيت أبوهم " أي شيء او سلاطة لسان

وأبو ادهم مش شايف كلمة " مدرسة وسخه .. أو مزبلة " أي غضاضه

خلاص بما إني مُشرف راسي براسكو وزيكم .. فأنا هابعت لرئيس الوزراء وأطلب منه يستخدم نفس الألفاظ مع أحمد زكي بدر لما يلاقي في فساد في التعليم ويقول له " الله يخرب بيت ابوك يا وزارة وسخه ويا مزبلة "

ونبقى خالصين

--------------

انا لست ضد الإصلاح وإنتو عارفين كده كويس

لكن ضد أن يكون مدير أو مسئول ما بيحارب طواحين الهوا ويخسر كل اللي حواليه

بالله عليكم

لما البيه الوزير يعادي المدرسين

ويعادي واضعي الامتحانات

ويعاد موظفي الوزارة أنفسهم

ويعادي هيئة الأبنية التعليمية

أومال مين هايصلح معاه ؟

ومين هايساعده في مهمته الجسيمة ؟

الشيء المهم

اللي ما حد ذكر مصير الطلبة اللي في يوم وليلة لقوا الاوضاع اتغيرت 180 درجة ومالقوش ولا مدرس من بتوعهم وأمتحانات اخر لاسنة على الأبواب وكأن تغيير مدرسي مدرسة بالكامل شيء سهل وسلس

[Alshiekh]

السلام عليكم

انا لا اعرف الوزير ولا اعرف عنه اكثر من انه وزير

مافعله الوزير بالامس كان زفة ومظاهرة تليفزيونية

الوزير تصرف وكأنه سيد وكل من يعمل فى الحقل التعليمى هم من العبيد

الحزم مطلوب ولكن قبل الحزم هناك شيئ اسمه القانون ، وللاسف كان الوزير هو ول من خالف القانون بتوجيه السباب الى العاملين وعلى رأسهم مدير المدرسة .

مثل هذا الوزير مكانه ليس الا فرشة خردة فى سوق الجمعة لان مافعله لايمكن وصفه الا انها " قلة أدب "

العقاب لايصدره وزير ، بل تصدره لجنة قانونية تشبه المحكمة ،

يجب على كل من اساء لهم الوزير التضامن معا ورفع قضية سب واهانة على الوزير .

وعلى الوزير لو كان لديه اى قدر من الشجاعة الادبية ان يخرج علنا على شاشات التليفزيون ويتقدم بالاعتذار لمن اهانهم وان يعد بان يكون اكثر حرصا على اتباع القانون فى محاسبة المخالفين والمقصرين .

لنرى ماذا فعل اوباما وماذا قال لرقيب الشرطة .

[Sherief AbdelWahab]

مع احترامي لكل ما قيل عن الطريقة والأسلوب اللذين اتبعهما الوزير..

إلا أن هناك أمراً ما أشعر أن الجميع يحاول تفادي تناوله..

وزارة التربية والتعليم بالتحديد شهدت على ما يزيد على ثلاثة عقود حالة من التسيب بلغت مداها في عهد الوزير السابق ، حيث أصبح وكيل وزارة التربية والتعليم أقوى بمراحل من الوزير وأقوى نفوذاً بل ويصل الأمر إلى درجة تحديه علناً..

ضخامة النفوذ ، والقنعرة الكذابة التي يتعامل بها بعض صغار ومتوسطي الموظفين حتى مع أي إجراء تفتيشي روتيني رقابي عادي يتم بأسلوب مهذب ، مصيبة سوداء كان من الأجدر أن يسلط عليها الضوء ، والمصيبة أن ذلك لا يحدث فقط في قطاع التعليم ، بل في قطاع الخدمات الطبية ، وفي المستشفيات التي أصبح رؤساؤها يتكلمون كجنرالات حرب لا كموظفين عموم..وإن كان مش عاجب الوزير ولا عاجب أي مخلوق في مصر احنا "ضهرنا اتحمى"- مع الاعتذار لـ"سعد الصغير" - بنواب مجلس الشعب اللي يقدروا يخلوها ضلمة على الوزير وعلى كل من يمت له بصلة..

وسيصبح أمام أي وزير ، لا يشترط أن يكون ابن وزير داخلية أسبق ، حل من اثنين ، إما اتباع سياسة أطبطب وأدلع ، وتخصيص ساعة زمن من وقته لمتابعة الاعتصامات في برنامج "العاشرة مساءً" وتلبية طلبات السادة المشاهدين ، ولتذهب السياسات والتطوير والإصلاح إلى الجميع ، حتى يشعر "الزبون" بأنه تم إرضاؤه على الوجه الأكمل في الوقت الذي لا يلمس فيه أدنى تطور في الخدمة - صحة أو تعليم - أو أن يفتح على الرابع دون أن يهمه أحد ويجهز نفسه لمعركة طويلة الأمد مع أعداء سيكثرون تلقائياً..وهو تقريباً ما اتبعه الوزير..

أنا ضد السباب ، لكني وبأقصى قوتي مع أن يعامل الاستعباط ، وكل من يقبله ، بما يستحق..وأعتقد أنه من الغرابة بمكان أن تنشر الصحف يومياً صوراً عن سوء حالة المدارس مطالبة الوزير بالتحرك ، وفور أن يبدأ التحرك يبدأ الهجوم!

أما الزفة التليفزيونية فهو ما كان يحدث سابقاً.. يأتي السيد الوزير في زيارة مفاجئة معروفة منذ حوالي ثلاثة أشهر فقط ، ومعه طاقم تليفزيوني من التليفزيون الرسمي أو من برنامج توك شو علاقته جيدة بالقائمين عليه ، ليفتح الحنفية فيجد منها - سبحان الله - ماء نظيف ، ويجد الطلاب -ما شاء الله ما شاء الله - بأسنان مغسولة وابتسامة ضاحكة على "دكك" سليمة وفي فصل نظيف ، وسمعني أحلى سلام : مدرستي نظيفة منتجة ذكية مؤدبة جداً جداً جداً جداً .. مع الاعتذار لأغنية "عصام كاريكا" :(

العزيز أبو السيد:

انا لست ضد الإصلاح وإنتو عارفين كده كويس

لكن ضد أن يكون مدير أو مسئول ما بيحارب طواحين الهوا ويخسر كل اللي حواليه

بالله عليكم

لما البيه الوزير يعادي المدرسين

ويعادي واضعي الامتحانات

ويعاد موظفي الوزارة أنفسهم

ويعادي هيئة الأبنية التعليمية

أومال مين هايصلح معاه ؟

ومين هايساعده في مهمته الجسيمة ؟

محدش قال يستعديهم .. بس هل المطلوب منه في المقابل إنه يتملقهم لحد ما يبقى زي الخاتم في صوابعهم وصوابع نوابهم في البرلمان؟ يديهم بدل الفرصة ألف والناس ما تحسش بأي فرق والغش يلعلع وينجلي في الامتحانات واللي مش عاجبه يخبط راسه في الحيط؟

والصراحة همة بالمستوى دة يساعدوا أي وزير على إنه يرمي نفسه من الدور الرابع..

وبعدين "أحتوي" مين؟

أحتوي مييييييييييييييييييييييييييييييين؟

هل أحتوي واحد مؤمن بنظرية "متقدرش" بتاعة الكومبارس اللي قالها لـ"محمد صبحي" في مسرحية "تخاريف"؟

بصراحة .. الوزير مش "محمد علي" .. لكن الناس دي أسوأ من أسوأ المماليك اللي كانوا في عهده.. واللي جرب وداق يعرف كويس قوي الحقيقة المؤلمة دي..

هي مؤلمة .. بس دي الحقيقة..

خلص الكلام

[ابو محمود]

على ما يبدو إن الأمور والأفكار أختطلت لدينا ..

أنا مع الحزم والربط والظبط ..

لكن ضد الهمجية اللي أشار إليها الدكتور ssmaly

وما يفعله أمين الشرطة اللي هو في منصب وزير التعليم هي الهمجية بعينها

أعتقد إن كثير منا مديرين أو في مناصب مرموقه .... فهل أنت نفسك تستخدم ألفاظ نابية في التعامل حتى مع من أخطئوا ؟

الشيء الأخر ... كيف يعاقب أكثر من 40 او 50 مُدرس وإداري كده لوكشه واحده والعاطل في قلب الباطل بحجة أضرب المربوط يخاف السايب أو من تلك الأمثال الخايبة ؟

والله يل جماعه التعليم من القضايا اللي بتشغلني تماماً ...

وبالصدفة كنت أجلس مع مساعدينه - مساعدين الوزير يعني .. أنا ما واصل ولا حاجه .. لكن عادي يعني الواحد يعرف ناس قريبين من وزير ما أو شخصية هامه ما - كنت لسه معاهم يوم الخميس الماضي وبنتكلم قبل الزيارة بتاعته أو قبل الغوغائية دي وبيشتكوا لي مُر الشكوى منه ..

عارفين أنا سألتهم سؤال واحد بس ... وقلت لهم : طيب حلو قوي .. بمناسبة الظبط والربط ... ما هي أفكار سيادة الوزير عن تطوير المناهج وصُنع مدارس تواكب العصر ؟

طبعاً ولا حاجه ودماغه فاضية .. وكل اللي همه إنه يبقى أمين شرطة زي أبوه .. ودماغ بوليسية بحته ... ويشهد على ذلك تجربته في رئاسة جامعة عين شمس ... ولو بيننا من يعمل بالجامعه الأن أو بيدرس .. يذكر لي شيء إيجابي عمله

هل يُعقل يا سادة إن وزير يتابع بنفسه حضور وأنصراف عمال الشاي في الوزارة ويشتم فيهم ويهزءهم ؟

هل يُعقل أن يكون لديك جيش من وكلاء الوزارة و جيش من مديري الإدارات التعليمية وتقوم إنت بزيارة حمام وزارة وفصل مدرس ونفي مدير و و و و و ؟

وأتفق تماماً مع أختي فيروز - شكلنا بنحلق عند حلاق واحد ودماغنا زي بعض - .. كيف تكون زيارة مفاجئة والبيه واخد معاه كاميرات تليفزيون وجيش صحفيين وبودي جردات وهلُمه ؟ كل ده عشان يتمنظر قدام الإعلام ويعرفنا إنه شغيل ..

على فكره .. هناك اشاعة قوية إنه سيتولى رئاسة الوزارة قريباً ... تخيلوا ؟

المهم من ضمن كلامي مع الناس عرفت إنه قام بإقالة واضعي أسئلة اللغة العربية في إختبارات الثانوية العامة لانهم أخطئوا في أسئلة .. وعامل للناس رُعب .. وعشان كده

خدوا المفاجئة بقى

غالبية واضعي الأسئلة يكادوا يكونوا مضربين عن العمل في وضع الأسئلة الأن .. لأنهم قد يُخطئوا أو قد يتلكك لهم .. فيبقى ياخدوها من قاصرها وبلا وجع دماغ

وأتسائل هنا ... أين فعلاً خطته من محاربة غول الدروس الخصوصية وغول مجمعات التقوية والمجمعات اللي مفتوحه عالبحري ؟

لكني أتفق تماماً معه في ما فعله في هيئة الأبنية التعليمية اللي حول معظم مديريها ومسئوليها للتحقيق ... لأنها كانت ميغه ويغمه وفساد للرُكب في مناقصات بناء وصيانة المباني المدرسية ...

وأتفق تماماً معه في إيقاف بعض مؤلفي الكتب المدرسية اللي هما هما نفسهم مؤلفي الكتب الخارجية ... شوفتوا المسخره ؟

خدوا دي كمان ..

نزلت لقيت ولاد اخواتي كأنهم سوري يعني .. ابقار في ساقية ... يطلعوا من المدرسة يروحوا على الدرس ويطلعوا من الدرس يروحوا على درس تاني .. ( تخيلوا وصل بنا الحال إنهم بياخدوا درسين للمادة الواحده ... وهاشرح ليه )

آه بالمناسبة .. دول في أبتدائي ... فأندهشت وسألت ... ليه وعشان إيه ؟

طب ثانوية عامة وقولنا ماشي

لكن 3 و 5 أبتدائي ... ليييييييييييييييه ؟

بكل بساطة أجابوا ؟

لو ما أخدوش عند أستاذ الفصل .. يبقى هايسقطوا في اعمال السنة ... واللي زاد وغطى .. في حاجه اخترعوها جديده أسمها " ملف الأنجاز " زي الأكتيفيتي كده ونشاط الطالب في الفصل .. كل ده في إيد الأستاذ اللي مش بيفهموا منه حاجه في الفصل .. فبياخدوا عنده دروس عشان يتقول شره ... وفي منهم ما يصلحوش منجدين حتى ... فبياخدوا درس تاني عند أستاذ فاهم

يعني عدوا معايا

واجبات مدرسة

وواجبات مدرس الفصل الخاص

وواجبات الأستاذ اللي بيفهموا منه

وسلم لي على أمين الشرطة ؟

ولنا عوده

هختلف معاك يا كبير

لو واحد زى ما بتقول مرموق او غنى مثلآ زى حضرتك ..وراح واحد حرامى سرق منة ثروة مش بطالة فهل يجب على حضرتك انك تشتمة ولا تودية القسم ولا تضربة دة لو انت بقى شوفتة وهو بيسرق

عزيزى سي السيد

اليس الاهمال مع ابناءنا سرقة لنا ولهم اليس كل من لا يعطى الحق حقة سارق عزيزى الكل يسرق بأسم المسؤلية وانة عمل اللى علية فيجب ياعزيزى الحساب القاسى كفانا دلع وتأخير لمل بقينا مضحكة ياريت كل حاجة فى مصر تبقى بفضيحة علشان الناس تتلم

لو وزير النقل عمل كدة ماكانش القطر لا اتحرق ولا ركب فوق بعضة والناس الغلابة ماتت وقيس على كدة الباقى الا قولى مش قولتك الاهلى حديد

[fatfouta]

انا مش بتفرج على برامج التوك شو عشان مايتحرقش دمى لكن لما شفت الفيديو ده على اليوتيوب بصراحة حزننننننت

اضغط لمشاهدة الفيديو

انا مش عارفة اقول ايه بعد ماشفت الفيديو........محتارة والله مش بس مش قادرة اتعاطف مع المدرسين

انا قعدت افكر وهو بيقول للناظر هنقلك........قلت لنفسى طب وفر له سكن هناك او اديله راتب يكفيه عشان يروح وييجى كل يوم

ياجماعة انا والدى كان مدرس لغة عربية بيمشى بضميره قوى ويحرق دمه مع الطلبة ولما امى كانت تقوله بتحرق دمك ليه مايفهموا يفهموا ولا مافهموش هما حرين.......كان يرد عليها يقولها ماقدرش

عارفين؟؟ مات سنه 94 بعد خدمة 36 سنة فى التعليم على معاش 310جنيه بعد مافنى حياته فى المدارس وقعد حلم عمره فى الأعارة لبرا ولما جتله الإعارة جاتله فى اليمن قعد كام سنه فيها ومنها عالسعودية حرق دمه وحرق اعصابه طول حياته مع طلبة مش عاوزة تفهم

فكروا المبلغ ده اللى هو 310 يعملوا ايه مع خمس ابناء كلهم فى التعليم وفى الكليات؟؟

اختى بقى مدرسة كمبيوتر بقالها 15 سنه (خريجة كلية تجارة خارجية) مرتبها فى وقتنا الحالى 400 وشوية ده بعد الكادر اللى نجحت فيه طبعا..........بعد ماقالوا انه مافيش مدرس مرتبه ينزل عن ال500 وكله طبعا كذب

الحمامات طبعا منظرها يحزن بس شوفوا الفراش بياخد كام عند اختى فى المدرسة الفراشة عندها 6 عيال يتامه بتاخد 240 جنيه وبيلمولها كل شهر من المدرسين الغلابة كل واحد يدفع لها اللى يقدر عليه

يا اخواننا قبل مانحاكم المدرس

خلى الوزير يروح يشوف حال مرتبات المدرسين عشان حرام كده ده احقر ويؤسفنى اللفظ ده احقررر مرتب هو مرتب المدرس

ليه الاستهانة بالمدرس بالذات مش فاهمة مع ان المدرس هو اللى بيطلع المهندس والدكتور والضابط يا ابن الضابط والمدرس والمحاسب يا خريجى المدارس والجامعات

ده اسلوب يتكلم بيه وزير؟؟؟؟؟؟؟؟؟ ده اسلوب يكلم بيه المدرسين ادام الطلبة؟؟؟؟؟؟ده اسلوب ياخد بيه قرارات نقل للمدرسين ومنهم ستات هيسيبوا عيالهم وبيوتهم؟؟؟؟؟

انا طبعا مش معترضة على الزيارة المفاجئة دى حاجة كويسة بس حاسة انه بيعمل حركات استعراض الضباط وراثة يعنى

اعطوا المدرس حقوقه وبعدين اسألوه........انا ماقلتش انهم مش غلطانين لا طبعاااا بس فيه حاجة اسمها مرض اجتماعى دوروا جواهم الاول عالجوا مشاكلهم المادية عشان يعرفوا يعالجوا مشاكلهم المادية والاجتماعية والنفسية

حد دور على نفسية المدرس اللى بياخد اقل من 500 جنيه وعنده عيال؟؟؟؟ والله حرام ده مش اسلوب

يا سيدى صلح ماقلناش حاجة بس خلى اسلوبك احسن من كده

تم تعديل 31 مارس 2010 بواسطة fatfouta

[الغريب]

صباح التعليم يا عم س س خد الصورة دي علشان الموضوع يهدي شويتين

[se_ Elsyed]

صباح التعليم يا عم س س خد الصورة دي علشان الموضوع يهدي شويتين

لا حول ولا قوة إلا بالله

هو أنا بقيت زنديق ومعترض على اللي بيحصل يا جماعة لمجرد الأعتراض أو ليس عندي علم به ؟

والله عارف وحافظ وفاهم ..

بس هل أسلوب السيد أمين الشرطة ده هو اللي هايخلينا في مصاف الدولة المحترمة تعيلمياً ؟

وهل هو ده الأسلوب اللي هايحبب المُدرس في أداء مهنته السامية ؟