حتى يعود الفلاح لزراعه الفول .. بنحكى ونقول

[achnaton]

اتهم تقرير لإدارة البحوث بغرفة القاهرة التجارية، الحكومة بمسئوليتها عن ارتفاع اسعار البقوليات بجميع انواعها

اكد التقرير تأثير سعر صرف الدولار علي اتجاهات

اسعار الفول البلدي والمستورد والعدس في السوق المحلي. كشف التقرير عن تحمل الدولة

حوالي 96 مليون دولار تكلفة

استيراد الفول، وحوالي 5.57 مليون دولار تكلفة استيراد

العدس خلال العامين الماضيين. وشهدت اسعار الفول والعدس ارتفاعا ملحوظا

معالى الأستاذ الدكتور رئيس مجلس وزراء مصر المحروسة

فى عدد اليوم من جريدة( الوفد النعمانى ) .. فيه خبر معاليك... محتاج لتصريح من تصريحات معاليك المطمئة للأفئدة .. لأنه والله أنا غلب حمارى .. وصوتى إتنبح وتعبت من الأنفعال والتعلق بالبردعة ..

وعشان كده بأقدم لمعاليك بداية أعمق آيات الود ..

الخبر بيقول .. أن حكومتنا الرشيدة إستوردت للشعب فول " حصى " ومش مدمس ولا حاجة... بمبلغ 96 مليون دولار فى سنتين .. يعنى فى الشهر ( ونجيب كده من الآخر ومعاليك طبعا فريرة فى الحساب ) ب 24 مليون جنيه مصرى (اللى تكرمتم معاليك بإدخالة أوكازيونات التصفية الصيفى والشوى وكل الفصول .. فلم تعد له قيمة )

المبلغ ده معاليك لو وزعناه على زراع الفول مثلا .. لكل فدان 2000 جنيه .. ونشترط على الفلاح المستفيد أن يلتزم ببيع جزء من إنتاجة . - على الأقل النصف - فى السوق المحلى وبأسعار مناسبة بهامش ربح مناسب ..حتلاقى الفلاح اللى ترك أرضه وزراعته وهاجر أو فضل يشترى الفول المدس جاهز .. زى ما عملت بهانه حرمه وفضلت الرغيف ابو مسامير عن الخبيز فى البيت .. وهو وعياله قاعدين على القهاوى أو شغالين عمل آخر غير الزراعة .. عادوا جميعا يفلحون الأرض ويعتنون بها ..

وفى هذا الإقتراح وضعت فى إعتبارى .. عنصرين للمعارضة .. الأول قد يقول قائل .. المبلغ ده كان مقابل بضاعة ستتوفر فى السوق للشعب الجعان .. فكيف أدفعه مساعدات .. وانتظر حتى نجمع المحصول .. ومعاهم حق اللى حيقولوا الكلام ده .. لو أنا أستخدمت الملغ كله .. لأننا لن نزرع كل أرضنا فول .. !!

العنصر الثانى .. هى الحرب الشعواء اللى حيشنها أصحاب المصلحة فى الإستيراد من الخارج .. .. ومعاليك فاهم طبعا .. وبعدين احنا بسم الله ما شاء الله عندنا جيش من المهندسين والمشرفين الزراعيين .. أغلبهم تخصص شرب شاى" كوبيا " بين المزارع .. ياريت يساعدوا الفلاح لتنفيذ تعليمات وارشادات معاهد بحوث الزراعة لإنتاج محصول وفير .. وابعاد السادة وكلاء الوزرة والمديرين عن المشروع ..وخاصة لجان المتابعة .. وما يتفرع عنها من لجان .. بقصد الحصول على بدل حضور جلسات أثناء وقت العمل الرسمى اللى مكلف كل منهم به .. والغاء حكاية لجان المتابعة وتكاليفها من بدل سفر وبدل حضور لجنة .. واللجنة بتولد لجنة والمكافآت من بند تنمية زراعة الفول .. واقترح شغلهم أو تكليفهم بتطهير مزراع الكوسة .. فتكاثر الكوسة ده جاب البلد للورا خمسين سنه ..

وغدا نقول أكثر .. ودمتم

mf-: taz:: taz:: taz:: taz::

بث مباشر من

أخناتون المنيا .. البلد اللى بطلت تزرع فول لأنكم بتستوردوه

تم تعديل 29 مارس 2004 بواسطة achnaton

[مصر عشقى]

با استاذ اخناتون

الافضل انهم يمنعوا زراعة الفول واستيراد الفول

لان الفول دة سبب كل المشاكل وهوة اللى عامل ازمة قمح فى البلد واى حاجة بتتعمل من الفول عاوزة عيش المدمس عاوز عيش الطعمية عاوزة عيش البصارة اللى انتى موصينى اعملها عاوزة عيش وفية دراسة عن الخبز هوريهالك وتثبت ان الحكومة عندها حق فى موضوع الفول دة للمحافظة علينا

ــــــــ

الجامعة العبيدية بسوهاج الجنوبية

كلية الطب

قسم طب المجتمع

المخاطر الصحية والاجتماعية للخبز

نتائج البحث يجب رفعها للسلطات الصحية بسرعة لاتخاذ اللازم

بعد ابحاث مكثفة عن الخبز ثبت ما يلى

ان 98% من المجرمين يتعاطون الخبز

ان نصف الاطفال فى الاسر التى تتناول الخبز ذكائهم اقل من المتوسط

فى القرن الماضى عندما كان يصنع الخبز فى المنازل كان معدل الاصابة بامراض السل والتيفود والحمى الصفراء مرتفعا جدا ،وقد قلت هذة الامراض حاليا بعد ان اصبح الخبز يصنع بيد محترفين بعيد عن البيوت واضافة المسامير والدوباروتشكيلة من الحشرات لابعاد الناس عن الخطر وتقليل رغبتهم فى تناولة

90 % من جرائم العنف ترتكب فى خلال 24 ساعة من تناول الخيز

المجتمعات البدائية التى لم تعرف الخبزلم تسجل بها اى حالات للسرطان

الخبز مسبب للادمان ، فلا يوجد شخص واحد توقف عن تعاطية

بعد اول مرة

يمكن للخبز ان يسبب الوفاة اذا تعاطاة الرضع

أن معظم العلماء الذين ياكلون الخبز يفقدون القدرة على التميز بين الحقائق العلمية وبين المعلومات الاحصائية عديمة الجدوى

ــــــــ

اعتقد بعد ما قرينا الدراسة محدش مننا هيتعاطى الخبز ونخلينا فى بسكوت المدارس المسموم

تم تعديل 29 مارس 2004 بواسطة مصر عشقى

[achnaton]

يا فتاح يا عليم ..

الوقت السيد الدكتورمعالى رئيس الوزراء يفتكر أنى بأهزر .. وكاتب الموضوع لباب الأبتسامات عند سى السيد .. ومن ساعة ما قريت تعليقك على الأفيال والمرور .. ضميتك على طول لمجموعة حشيش وافيونه وسى السيد .. والحل الوحيد لك هى النخلة المسلوعة بتاعت المستشفى ..أنا حا أقولها إنك ما تنفعهاش .. والترشيح كان غلطة منى .. دى بنت جد وعصبية والبحث اللى سيادتك معلق به يصلح موضوع جديد فى باب إبتسامات وارجو من الأستاذ المشرف نقله الى هناك .. حتى أتمكن من الرد عليك ..

بث مباشر فى اليوم الأول من

اخناتون المنيا